Ekologia

Oskar Matuteren hitzartzea Eusko Legebiltzarrean azpiegitura handien inguruan. Matutek, diru publikoaren erabilera desegokitzat AHTaren kasua jartzen du, gutxi batzuentzat eraikitako trena den heinean. Aldi berean, galdera zehatza botatzen dio ganbarari: Pertsonak lehenbiziko gauza badira, zergatik ez dugu AHTa gelditzen?

Alternatibako bozeramaile, eta alderdiko Mahai Ekologistako kide, Asier Vegak, irmo salatu du gaur Espainiako Segurtasun Nuklearrerako Kontseiluak iragarritako erabakia, Garoñaren jabe Nuclenor enpresari urtebeteko epe berria eman diolako Garoñaren bizitza luzatzeko, orain arte behin betiko itxiera datorren uztailaren 6rako aurreikusita zegoen arren. Erabakia, esan duenez, “energiaren sektoreko enpresa handiekiko klase politikoak, eskumak bereziki, duen menpekotasunaren froga argia” da.

Oskar Matuteren hitzaldia ingurumenako aurrekontuari birpasoa egiteko Eusko Legebiltzarrean. Hitzaldian Matutek lur kutsatuen garbiketa prozesuetara zuzendutako diru eskasa salatu; Ezkerraldeko kasua jarri du adibidetzat. Bestaldetik, "gehiago kutsatzen duenak, gehiago ordaindu behar duela" azpimarratu du eta horretarako, enpresa hauen atzean egotearen garrantzia mahai gainean utzi du ere. 

Petronorreko agintariek entzungor egin diete Muskiz eta inguruko biztanleriaren eskariei, koke plantaren proiektuari dagokionean hitza hartu eta haien jarrera argitu nahi izan duten bakoitzean. Are larriagoa da, ordea, Petronorreko agintariek hartu duten bidea. Administrazioarekiko Auzien Epaitegiak joan den martxoaren 1ean eman zuen epaia, plantaren eraikitzea eta jarduera bertan behera uzten zituena. Petronorreko arduradunek ez dute epaia onartu eta errekurtsoa aurkeztuko dutela iragarri dute. Epaitegiaren erabakiaren arabera, 853 milioi euroko kostua izan duen instalazio horrek ez zuen eraikia izan behar.

Alternatiba Arabako bozeramaile Josu Estarronak martxoaren 16an Altsasuko (Nafarroa) kaleak zeharkatuko dituen manifestazioarekin bat egitera deitu du gaur, “Portland errauskailuaren inposaketari ez. Herritarron hitza errespetatu” lemapean abiatuko dena. Estarronak salatu duenez: “hondakinen errausketak ez da bakarrik Sakanako bailaran bizi direnen osasunaren kontrako arriskua, inguruko herrientzat ere bada, etorkizunean haien ibai, landa eta urtegien kutsadura ere ekar dezakeelako”.

Errausketaren Aurkako Egunaren harira, hitzaldi irekiak antolatu ziren. Bertan, besteak beste, Fernando Miganjos (EHUko kimika doktorea), Enric Coll (Kataluniako Porta a Porta taldeko kidea) eta 3 Mugak Batera plataformako Gorka Uriartek hartu zuten parte. Hemen dira jardunaldian egindako hitzaldien bideoak, twitter plataformatik egindako galderei erantzunekin batera. 

Joan den astean, joan den astelehenean, Jose Luis Bilbao ahaldun nagusiak eta Iñaki Azkuna Bilboko alkateak publikoki aurkeztu zuten hondakinen tratamendurako Instalazio Mekaniko Biologikoa. Egun horretan EAJko ordezkarien hainbat adierazpen egin zituzten. Besteak beste, Bizkaian, beste lurralde batzuetan ez bezala, zabor sistemak ez diela bizilagunei arazorik eragiten. Edo, Bizkaiak Europako araudia betetzen duela hiru urteko aurrerapenarekin.