2012ko Urria

Alternatibak Bateraguneko auzipetuen aurkako mendeku politika salatu du haien atxiloketatik hiru urte betetzen direnean

Alternatibaren Gipuzkoako koordinatzaile Xabi Sotok gaur ohartarazi du Bateragune auzia dela eta “auzipetutako lagunak kartzelan mantentzeko inolako logika politiko zein etikorik ez” dagoela. Bihar, larunbata, urriak 13, hiru urte beteko dira atxilotu zituztenetik. Era berean, Arnaldo Otegi, Arkaitz Rodriguez, Rafa Díez, Miren Zabaleta eta Sonia Jacinto preso jarraitzeak “Espainiako gobernu ezberdinek ideiak kriminalizatzeko izan duten joerari eta mendeku politikei” besterik ez diela erantzuten ziurtatu du.

http://www.alternatiba.net/idazlanak/1926/alternatibak-bateraguneko-auzipetuen-aurkako-mendeku-politika-salatu-du-haien-atxilok

Gernikako Akordioaren adierazpena Enara Rodriguezen erasoaren aurrean

Gernikako Akordioa izenpetu genuen eragile politiko, sindikal eta sozialok Arkaitz Rodriguez euskal preso politikoaren arreba den Enara Rodriguezek salatutako gertakariaren aurrean gure jarrera adierazi nahi dugu. Enara Rodriguezek bere neba Arkaitz bisitatu eta gero Donostiara itzultzeko bidean beste kotxe baten mugimendu arriskutsuek A-12 autobiatik irtetera behartu zutela, bere bizia arriskuan jarriz. Gainera, Enara Rodriguezek autobiatik kanpo zegoela kotxea geldiarazi zuela kontatu zuen. Orduan lehengo kotxean zeuden gizonezkoek beraien polizia plakak erakutsitakoan Enara kotxetik atera, ostikoka jo, iraindu, ukitu eta bortxatzearekin mehatxatu zuten. Badirudi oso luze egin zitzaizkion bost minutu pasa ondoren joaten utzi ziotela.

http://www.alternatiba.net/idazlanak/1924/gernikako-akordioaren-adierazpena-enara-rodriguezen-erasoaren-aurrean

Matute Sestaon: EHBildu behar dugun ezkerra da

Oskar Matute zerredakideak, ezkerraldea eraldatzera goazela adierazi zuen, gure eredua martxan jarriaz: pribilegioak murriztu eta eskubide sozial eta sistema publikoan inbertituz. Lehentasuna, hezkuntza, osasungitza eta eskubide sozialetan ezarri zuen eta  ez inolako ekarpen sozialik egiten ez duten azpiegitura faraonikoetan.Honi gehituz, egoera honetara ekarri gaituztenak eta Ezkerraldea Euskal Herriko langabe gehien dauzkan eskualde izatea eragin duten horiek euren poltronetatik ateratzeko ere gure indarra azpimarratu zuen.

http://www.alternatiba.net/idazlanak/1920/matute-sestaon-ehbildu-behar-dugun-ezkerra-da

Matutek baserritarren eskubideak defendatu ditu Zornotzan

EHBilduko hautagai eta Alternatibako bozeramaile Oskar Matutek Euskal Herriak duen "aukera historikoaz" ohartarazi du,"ezker subiranistak Eusko Legebiltzarrean gehiengoa izateko aukera duelako". Zornotzan egon da etorkizuneko lan-baldintzaz eta euskal baserritarren eskubideaz hitz egiten. EHBilduk, natura txikitzen dutelako azpiegitura erraldoiak alde batera utziko dituela azpimarratu du eta orain praktikatzen den kontsumo-eredu honekin bukatuko dutela ere jakinarazi du. Laura Mintegiren hitzak errepikatuz ‘moztu behar den gauza bakarra, pribilejioak direla’ adierazi du. Euskal Herriak pribilejiorik gabeko eredu bat behar du eta horretan ari gara lanean.

http://www.alternatiba.net/idazlanak/1917/matutek-baserritarren-eskubideak-defendatu-ditu-zornotzan

Alternatibak Hugo Chavez zoriondu du bozak irabazteagatik eta Venezuelako herriak desinformazioa gainditu duela goretsi du

Mahai Internazionalistatik, halaber, garaipena “ohartarazpena” izan dadila espero dute, Amerikan zein Europan: “Masa komunikabideak munduan zehar prozesu burujabeen inguruan desinformatzeko joera badute ere, krisi garai honetan, herritarrek ondo dakite bereizten zeintzuk diren gure bizitzak hobetzeko asmoz sortutako aldizkatzek eta zeintzuk doazen merkatuen eta transnazionalen eskutik, bidegabekeriara eta eredu jasangaitzak proposatzera”.

http://alternatiba.net/idazlanak/1916/alternatibak-hugo-chavez-zoriondu-du-bozak-irabazteagatik-eta-venezuelako-herriak-des

Oskar Matute: EH Bilduk neurriak proposatzen ditu herritarrek etxea ez galtzeko

Oskar Matutek eta Maribi Ugarteburu azaldu dute Jaurlaritzara iristen denerakoEH Bilduk hartu duen konpromisoa: "etxe-kaleratze bat bera gehiago ere gerta ez dadin neurri zehatzak jarriko ditu. EH Bildurekin ez du inork etxebizitza galduko". Gogoratu dute egunero 14 pertsona geratzen direla etxe gabe. "Eta horietako batzuk Kutxabank bezalako erakunde batek uzten ditu kalean. Gero, solbentzia maila handia duela goraipatzen du, baina ulertezina den arren, herritarrak kalean uzten jarraitzen du", salatu dute. "EH Bilduk neurriak proposatuko ditu herritarrek etxea ez galtzeko", laburtu du, "eta beraz, ez dugu onartuko erakundeek arazo honen aurrean beste alde batera begiratzea".

http://alternatiba.net/idazlanak/1914/oskar-matute-eh-bilduk-neurriak-proposatzen-ditu-herritarrek-etxea-ez-galtzeko

2012ko Urria

Alternatibak deitoratu du ETAk jarduera utzi eta urtebetera urratsik egin gabe jarraitzen duten sektoreak egotea

Alternatibako bozeramaile Oskar Matutek deitoratu du gaur, ETAk bere jarduera eten zuela iragarri zuen egunaren bezperan, “urratsik egin gabe jarraitzen duten sektoreak” daudela, “agerikoa dena ukatzen saiatzen dira: herritarrek bakea nahi eta aldarrikatzen dutela, eta garai politiko berri batean gaudela”. Hala, “iraganeko jarreretan ainguratuta” daudenak salatu ditu, “Espainiako eta Frantziako estatuetako erakundeetan duten boterearen bitartez”.

http://alternatiba.net/es/node/1946

Maite Elizondo EH Bilduren Arabako zerrendakideak langileen eskubideak lehentasuna izango direla adierazi du

Maite Elizondo, EH Bilduren Arabako zerrendakideak, lagileen eskubideak lehentasuna izango direla adierazi du Gasteizen. Elizondok giza-eskubide eta askatasun sozialen kontrako eraso basatiena bizitzen ari garela nabarmendu nahi izan du. Zerbitzu sozialen mozketak gogorazi eta pobreziak jasandako hazkundea ere aipatu nahi izan du. Arabak sufritzen duen egoera larriaz aritu da, lurraldean langabeziaren tasak kontrolik gabe gora egin baitu eta dagoeneko 25.000 arabar langabezian daudela azpimarratu du. Elizondo."Egoera honen aurrean gizarte aldaketa bat aldarrikatzen dugu".

http://www.alternatiba.net/idazlanak/1943/maite-elizondo-eh-bilduren-arabako-zerrendakideak-lagileen-eskubideak-lehentasuna-iza

Amais Infante, EH Bildu Arabako zerrendakide eta Alternatibako kidearen kontrako jazarpena Ertzaintzaren eskutik

Amais Infante Arabako EH Bilduko hautagai eta Alternatibako kideak  Ertzaintzaren eskutik jasandako mehatxu eta jazarpenak salatu ditu EH Bilduk Arabako Hauteskunde Batzordean. Eranskinean doakizue aurkezturiko salaketa, Amais Infante hautagaiak jasandako jazarpena barnebiltzen duena. Ertzain batek pistolarekin burura apuntatu zuela salatu du Infantek. EH Bilduk oso larritzat ditu gisa honetako gertaerak. Horrela bada, EH Bilduk deialdia luzatzen dio Eusko Jaurlaritzako Barne Sailari eta Idoia Mendia sailburuari gertaerak argitu eta erantzuleei kargu har diezaien. Era berean, Ertzaintzaren jazarpenekin amaitzea exijitzen diogu Barne Sailari.

http://www.alternatiba.net/idazlanak/1942/amais-infante-eh-bildu-arabako-zerrendakide-eta-alternatibako-kidearen-kontrako-jazar

Duela urtebete Aieten emandako ebazpenaren bidetik jarraitu behar dugu

Elkarrizketa eta akordioa dira Aieteko Agiriaren oinarriak. Bi alorretan aktibatu eta portu onera eraman behar den elkarrizketaz ari da agiria: batetik, gatazkaren ondorioak konponbidean jartzeko elkarrizketa, ETA eta bi estatuetako gobernuen artean. Eta bestetik, gatazkaren erroak konponbidean jartzeko elkarrizketa, eragile politiko guztien artean; hots, Euskal Herriak nazio bezala bere etorkizuna erabakitzeko daukan eskubideari buruzko elkarrizketa politikoa.  Ondorioz, uste dugu Espainiako eta Frantziako gobernuek egun daukaten jarrera albo batera utzi eta gatazkaren ondorioei buruzko elkarrizketari ekin behar diotela.

http://www.alternatiba.net/idazlanak/1935/eh-bilduk-argi-dauka-duela-urtebete-aieten-emandako-ebazpenaren-bidetik-jarraitu-beha

Matute Eibarren: Harresi asko dago botatzeko eta diktadore eta monarkak ere kentzeko

Oskar Matutek bere kritikak zuzendu ditu EAJ, PSE eta PPk egin duten kudeaketa ereduaren aurka eta esan du, "Euskal Herriko ezker subiranistak inoiz ez bezalako aukerak dituela urriaren 21ean eskumari aurre egiteko. Baina aurre egin ez ezik, merkatuen morroiak garaitzeko aukera ere badugu. Guztion esku dago". Matutek Espainiako Ministerioak 8.500.000.000 euroko aurrekontua duela urtero salatu du. Monarkiari ere zuzendu zaio: "monarkia hau trantsizioaren isla da, memoriarik gabe egin den trantsizioa, Erregimenak jarri zuen monarkia eta ahalbidetu duena frankista zirenak demokratatzat hartzea".

http://www.alternatiba.net/idazlanak/1937/matuteoraindik-harresi-asko-dago-botatzeko-eta-diktadore-eta-monarkak-ere-kentzeko

Alternatibak Madrili exijitu dio Estrasburgori kasu egin eta Euskal Herriarekiko duen politika zigortzaileari 180 graduko bira eman diezaion

Agirresaroberentzat, “agerikoa” da Espainiako gobernu desberdinetatik mantentzen duten politika zigortzailea, mendekua oinarri duena, horretarako “justizia nahi bezala erabili eta politizatu egiten” dutela. Horregatik, Madrili exijitu dio Estrasburgoko epaiak eta Nazioarteko Amnistiak eta NBEk berak eginiko salaketak kontua har ditzala, “Euskal Herriarekiko duen politika zigortzailean 180 graduko bira egin dezala beraz”.

http://alternatiba.net/idazlanak/1932/alternatibak-madrili-exijitu-dio-estrasburgori-kasu-egin-eta-euskal-herriarekiko-duen

Bidegurutzean

Eusko Legebiltzarrerako hurrengo hauteskundeak mugarri izango dira, euskal gizarteak asaldatze politikora egiten ari den bidean aukera direlako. Herritarrak mobilizatu, proposamen politiko eraldatzailea eta sistemarekin gero eta aspertuago dagoen gehiengo herritar eta sozialen zilegitasunean aurrera egiteko aukera da aurrean duguna. Hala, hauteskundeak ez dira berez helburua, Euskal Herri alternatiboa eraikitzeko borroka luzearen etapa bat baizik.

http://alternatiba.net/idazlanak/1940/bidegurutzean

Ezkerretik, eta umorez, igande honetan guztiok EHBildu bozkatzera

Bi bideo egin ditugu EHBilduren kanpainan umore pixka bat jartzeko asmoz eta ezkerraren aldeko haututa koalizio honetan dagoela azpimarratzeko, Eusko Legebiltzarraren historian lehenengo aldiz, eskumari aurre egin eta bera garaitzeko aukera dugulako. Boletinaren bidez ere zuekin guztiekin partekatu nahi izan ditugu.

http://www.alternatiba.net/idazlanak/1927/bozkatu-ehbildu-bozkatu-ehbildu

Alternatibak komunikatuaren autokritika inplizitua txalotu eta ziurtatu du gizarteak eragile guztiek jokatutako paperaren gaineko hausnarketa espero duela

Alternatibako bozeramaile Oskar Matutek positibotzat jo du ETAk gaurko prentsaren bitartez zabaldutako komunikatua, “iazko urriaren 20an hartutako erabakia berrestera datorrelako, euskal gizarteak ospatu zuena: jarduera armatuaren behin betiko etetea”. Egun On Euskadi (ETB2) saioan gaur goizean egin dioten elkarrizketan, Matutek adierazi du ETAren mezuak “elkarrizketa eta negoziazioarekiko konpromisoa berretsi duela, Euskal Herriaren normalizazio politikoa eta bakea lortzeko ezinbestekoa dena”.

Alderdi ezkertiarreko ordezkariaren arabera, “euskal gizartearentzat benetan garrantzitsua dena konpromiso horrek aurrera egitea da, eta hori argi eta garbi, inolako zalantzarik gabe, adierazten du komunikatuak”. Honek, esan duenez, “bakerako bidean urratsak egiten jarraitzea” ahalbidetuko du, “Aieteko adierazpenak aipatzen zituen eragileek mugitu beharra dutela senti dezatela”. Hala, iradoki du Espainia eta Frantziako Gobernuek zeregina badutela, “normalizazioaren bidean aurrera egiteko eta era guztietako indarkeria desagerrarazteko baldintza demokratikoak ezarri behar dira herritar guztientzako”.

Alternatibako bozeramaile eta EH Bilduko zerrendakideak, halaber, komunikatuak ageri duen “kutsu autokritikoa” izan du hizpide, eta euskal gizarteak espero eta nahi duenarekin bat datorrela gaineratu du: “Alderdi politiko, sindikatu eta bake prozesuarekin zerikusia izan dezaketen eragile guztiek iraganean jokatu dugun paperaren gaineko hausnarketa egin dezagun, etorkizunera begira akordioetara heltzeko aukera errealak egon daitezela, utopietatik haratago”.

Presentación del programa de EH Bildu / EH Bilduren programaren aurkezpena

Hauteskunde programa aurkeztu dugu jada, arloz arloko ehunka proposamenekin. Programa hemen ere eskuragarri duzue, osorik, arloka eta azpiarloka. Gaurko aurkezpen ekitaldian Laura Mintegi lehendakarigaiak programaren atal nagusiak azaldu ditu:

Donostiako Zientzia Museoan dugu gaur berriro ere hitzordua. Oraingo honetan, Euskal Herria Bildu programaren aurkezpena egitera etorri gara. Herri honek dituen arazoei erantzunez garatutako programa dugu, hiru ardatz jasotzen dituen programa; konponbidea, krisiari erantzuna ematea eta burujabetza. Hauek dira Euskal Herria Bilduren helburuak, erronka horiei erantzungo dien programa aurkeztera gatoz.

¿Y cómo se ha elaborado el programa que hoy presenta Euskal Herria Bildu? Con el trabajo ilusionante y desinteresado de decenas de mujeres y hombres que durante meses han intercambiado, han contrastado ideas, y han realizado aportaciones. Este programa es reflejo de la acumulación de fuerzas y se ha desarrollado, área por área, desde la diversidad (pluralidad) hacia el acuerdo.

Hemen daude gaur, gurekin, EHBilduren programaren osaketan aritu diren dozenaka lagun. Milesker, lan bikaina egin duzue.

Programaren ardatz nagusiak aipatuko ditut orain. Hauteskunde haratago doa gurea, eraldaketarako proposamen eta neurriak biltzen ditu EHbilduren programa, larrialdiko egoerari erantzungo dizkioten neurri eta proposamenak jasotzen duena.

KRISIA

Krisialdi ekonomiko erabat larriari aurre egiteko neurriak proposatzen ditugu, baina herritarren eskubideak bermatzearen ikuspegitik, hau da, justizia soziala ardatz. Horrela bada, fiskalitate eta ekonomia eredu progresibo bat jarriko dugu martxan.

  • Vamos a instaurar el impuesto sobre las grandes fortunas.
  • Compromiso firme contra el fraude fiscal. En Gipuzkoa se ha conseguido que numerosos profesionales liberales que antes no lo hacían coticen de forma regular.
  • Vamos a llevar a cabo una reforma fiscal que garantice que todos los ingresos serán tratados de forma progresiva. Esto es, se acabó que quienes menos recursos tienen soporten una fiscalidad más alta mientras los que mas tienen encuentran apoyo para eludir su responsabilidad social para con todos y todas.
  • Pondremos fin a la sucesiva rebaja del Impuesto sobre Sociedades.
  • Seguiremos trabajando para frenar la actual deriva privatizadora de Kutxabank. Queremos hacer de ésta la banca pública que necesita Euskal Herria.
  • Lurralde Historikoen Legea aldatzea, gai publikoen kudeaketa eraginkorragoa izan dadin, besteak beste, hiritarrak erroldatuta dauden araberako diskriminazioarekin bukatzeko.

Krisialdiari aurre egiteko eta enplegua sortzeari begira, politika industrialak berdefinizio bat bat behar du;

  • Inbertsiorako egitura-funtsa sortuko dugu, geure produkzio-eredu bat lortzeko aukera izan dezagun eta lagungarria izan dakigun.
  • Berrikuntza eta ikerketa teknologikorako politika publikoak berbideratuz eta beregituratuz, industria politika eraginkorra indartu behar dugu.
  • Neurri horien bidez sistema publikoa eta zerbitzu sozialak bermatzera goaz, hau da Justizia Sozial eredu bat garatzera.

Empleo

  • En cuanto al empleo, vamos a avanzar hacia un marco propio de relaciones laborales y de protección social.
  • Reducir la jornada laboral, tanto para repartir el empleo, como para conciliar la vida laboral y extra-laboral.
  • Equilibrar racionalmente los salarios para acabar con la desigualdad existente. Salario mínimo interprofesional superior al umbral de la pobreza situando éste en 1.075€. Relación salario máximo-mínimo, como mucho de 1-12.
  • Desarrollar e implantar una Ley Marco de Economía Social y Solidaria.

Etxebizitza

  • Etxebizitza Legea sortu, etxebizitza izateko eskubide unibertsala jasoko duena.
  • Etxebizitza eskatzaileen zerrendak batu, bai eta babestutako etxebizitzarako esleipen zerbitzuaren batzea ere gauzatu.
  • Terminar con los deahucios, Para ello, las entidades financieras pasarán la propiedad de la vivienda a manos de entidades públicas con competencias para ello. Gestionaremos el uso y la ocupación de dicha vivienda mediante alquiler social.

Politika sozialak

  • Gizarte Zerbitzuetan “baterako ordainketa-berrordainketa” mailakako murrizketa. Lehenik eta behin, mendekotasun-arazoetarako laguntzak doakoak izateko aukerak aztertzea. Gutxieneko salbuetsiaren zenbatekoa igoko dugu.
  • Mendekotasun-arazoetan laguntzeko euskal sistema bat sortzea.
  • Compromiso de garantizar a todas las administraciones los recursos financieros necesarios para lograr el acceso universal a los servicios sociales para el año 2016.

Hezkuntza

Frente a imposiciones como la reforma del curriculum anunciada ayer por el ministro español de Educación, queremos manifestar que Euskal Herria necesita un curriculum vasco, construido desde Euskal Herria y que responda a las necesidades de la educación de Euskal Herria. Que, tomando por eje nuestra cultura, identidad y lengua, mire al mundo.

Osasungintza

EH Bilduk Euskal Herriko osasungintza sistemaren berrikuntza sakona proposatzen du: filosofia berri bat garatzea, osasunaren kontzeptua osasun prebentzioaren eremu guztietara hedatuz, eta Osakidetza erreformatzea, kudeaketan eta profesionalen eta gizartearen arteko harremanetan aldaketa sakonak eginez.

Konponbidea

Instituzioek paper bat jokatu behar dute. Aro berriari eta eraiki nahi dugun baek etorkizunari egokitu behar zaizkio egungo egiturak.

  • Giza Eskubideen urraketen biktimak, Euskal Herrian izandako indarkeriaren ondorioz. Amaitzear dagoen eta zauriak ixteko lehenengo urratsak ematen ari den gatazka politikoak ere ibilbide-orri bat behar du Euskal Herrian izandako giza eskubideen askotariko urraketen biktimak (guzti-guztiak eta batzuk eta besteak banatu gabe) aitortzeko bidean aurre egiteko.
  • Desarrollo práctico de la Justicia Transicional y creación de un instituto que diagnostique qué legislaciones o prácticas provocan o favorecen la lesión de derechos humanos o libertades fundamentales.
  • Ertzaintzaren sakoneko erreformari ekingo diogu, zerbitzuko polizia ez errepresiboa, komunitatearen barnekoa eta haren inguruko gertaeretan txertatua, euskal herritarren gizarte, kultura, hizkuntza eta politika-aniztasuna errespetatzen duena bihurtu ahal izateko.

Eta era berean, gure konpromiso argia adierazi nahi dugu; elkarrizketa eta akordiorako konpromisoa.

BURUJABETZA

  • Burujabetza behar du Euskal Herriak, bere eredu propioa eraikitzeko, krisialdiari aurre egiteko tresna eta eskumen guztiak izateko.
  • Horrela bada, programa hau eta bere aplikazioa norabide horretan urrats handia izango dira.
  • Euskal Herria Bilduk argi du bada, zein den norabidea eta zein helburua: Estatu libre bat eraikitzea Europan, krisiari justizia sozialaren bidez aurre egiteko tresna guztien jabe.

Programa jaitsi/ikusi

Descargar/ver programa

Informatika herritarra herriarentzat

Iagoba Itxaso – Alternatibako Komunikazio Kritikorako Mahaia

Softwarea ezinbestekoa da gure egunerokotasunean. Erabiltzen dugun teknologiaren parte da, eta egiturazko osagaia da erakunde guztietan, enpresa publiko zein pribatuetan.

Banaketa ereduaren eta bakoitzaren izaeraren arabera, bi software mota existitzen dira: alde batetik software pribatiboa dugu, non Windows moduko sistema eragileak edota MS Office zein Photoshop bezalako aplikazio ezagunak kokatu daitezkeen; bestetik, software askea daukagu, GNU/Linux sistema eragilea ikur duena eta Open Office edo Firefox bezalako aplikazio arrakastatsuekin.

Zenbaitetan nahiko nahasia da bien arteko aldea, baina erraz uler daiteke desberdintasuna. Software askeak izen hori badauka, nahi duten guztiek hura erabili, kopiatu, aztertu, aldatu eta birbanatzeko askatasuna eskaintzen duelako da; software pribatiboan, aldiz, askatasun hauetako bat edo batzuk jabetza eskubidea dutenen esku galarazten dira. Alegia, askatasun horretarako mugak jartzen dizkigute.

Gure erakundeek software askea zein pribatiboa erabiltzen dute, inbertsioaren zatirik handiena bigarren horretara bideratzen badute ere. Bila daitezke software pribatiboa erabili eta defendatzeko argudioak, baina askea erabiltzearen aldeko arrazoiak, askoz garrantzitsuagoak izateaz gain, demokraziaren berme eta guztiz herritarrak dira.

Ezinbestekoa da erakunde publiko batek erabiltzen duen softwarearen gaineko kontrola izatea eta, zalantzarik gabe, gure sistema informatikoei dagokienez burujabetza ziurtatzeko modu bakarra software askearen aldeko hautua da. Aplikazio pribatiboen kodea itxia da eta, horrexegatik, inoiz ezin dugu jakin bere osotasunean zer dakarren. Software librea, aldiz, herritarren kontrolpean dago. Sistema eragile pribatiboa erabiliz gero, ba al dute herritar zein erakundeek beren sistemetatik pasatzen den guztiaren gaineko kontrola?

Beste alde batetik, gure softwarea sustatzearen inguruko eztabaida dago, noraino jo dezakegun bata edo bestea erabilita. Software askea badarabilgu, gero eta garatzaile gehiagok lan egin eta elkarlanean aritzea ahalbidetuko dugu, kode itxiaren jabeak ezarritako mugak gaindituta. Esaterako, erakunde publiko batetik aplikazio jakin bat garatzeko lehiaketa antolatuz gero, garapena bukatu ostean inork ez du galaraziko herritarrek aplikazioa hobetu edo aldatzea. Are gehiago, etorkizunean software hori gaurkotzeko lehiaketa berria egongo balitz, kode irekiak enpresa desberdinek aztertzea ahalbidetuko luke eta, horri esker, aurrekontu egokiagoa aurkezteko aukera izango lukete, jatorrizko aplikazioa diseinatu zuen enpresarekiko aukera berdintasunean.

Egia da administrazio baten sistemak software askera eraldatzeak baduela kostu bat. Baina egia da, halaber, software pribatiboak lizentziak ordaintzea eskatzen duela, askoz garestiagoa izan daitekeena. Instalazio edo mantentze kostuak, gainera, lehiaketara atera daitezke, tokiko hornitzaileek zerbitzu horiek emateko moduan egongo liratekeela. Alegia, lizentzietan diru publikoa gastatu beharrean, atzerriko enpresetan batik bat, bertoko enpresetan inbertituko genuke. Noski, bada beste aukera bat, beharrizan horiei aurre egiteko lanpostu publiko iraunkorrak sortzea, gure sistema informatikoarekiko burujabetza are gehiago indartuz, enplegu publikoa, egonkorra eta duinaren alde egiten dugun bitartean.

Software askearen kontzeptuak, gainera, badu lotura elkarlana bezalako eduki filosofikoekin: demokrazia, horizontaltasuna, aukera zein genero berdintasuna eta internazionalismoa. Guztiok babestu beharreko onura delako, erakundeetako sail guztietatik software askea sustatu beharko litzateke, eta bereziki hezkuntza eta industriatik. Ondo aztertuz gero, berehala konturatuko gara ezin dela lortu nazio burujabea, demokrazia erreala eta herritar askatasun erabatekoa gure instituzioek software askea erabiltzen ez badute.

Alternatibak salatu du Gallardonek iragarritako justiziaren erreformak sektore ultraeskuindarrak asebetetzea beste helbururik ez duela

Alternatibako bozeramaile Oskar Matutek gaur esan duenez, Alberto Ruiz Gallardon ministroak joan den ostiralean iragarritako neurriek, zigorrak gogortu eta bizi arteko kartzela ezartzea, besteak beste, “Espainiako sektorerik atzerakoienak asebetetzea besterik ez dute bilatzen, AEBetako Tea Party alderdiak agintean dituzten estatuena dirudien justiziaren erreforma ezarrita”. Neurriek, gaineratu du, “bidegabekeria bikoitza ezarriko dute, Mariano Raxoiren Gobernuak berak eginiko murrizketa eta eskubide urraketa larrien aurkako protesta soziala errepresioaren bidez geldiarazteko helburua dutelako”.

Alternatibatik “kezka handia” adierazi dute Alderdi Popularrak aurreratutako erreformaren inguruan, “Espainiako Erresuman indarrean zegoen espetxe politikak zuen birgizarteratzeko helburua bere horretan  desegiten” duelako. Ildo beretik, Matutek azpimarratu du “mendekua eta politika zigortzaileek ez dutela gizartearen osasun demokratikoa indartzen”. Are gehiago, ondorioak “guztiz kontrakoak” direla azaldu du, “pertsonen duintasuna eta eskubideak heriotzaren korridorerako bidean jartzen dituzte, presoenak zein aske bizi direnenak”.

Ezkerreko alderdiko bozeramaileak Gallardon eta PPri leporatu die “arlo guztietan -maila ekonomikoan, politikoan eta sozialean- izan duten porrota lobby ultraeskuindarrei oparia eginda estali nahi” izatea, “dagoeneko ez baitute nahikoa Espainiako Erresuman justiziak duen izaera arbitrarioarekin”. Honen adibide jarri ditu Arnaldo Otegi kartzelan mantentzea edota beren oinarrizko eskubideak urratuta askatasunik gabe zigortuta dituzten ehunka lagunena, “babestu beharko luketen legea bera bortxatuta”. Alabaina, Matutek gaineratu duenez, “mendekua jarri nahi izan dute justiziaren ardatz nagusi gisa, justiziaren izena eta izaera bera urratuta”.

Bilduk grebarekin bat egin eta murrizketen aurkako harresi soziala eraikitzera deitu du

PPren esku dagoen gobernu espainola herritarren kontra inoiz hartu diren murrizketa eta neurri ekonomiko larrienak inposatzen ari da boterean dagoenetik. Eta oraindik gehiago iragarri dituzte.

Europako botere ekonomiko eta finantzieroaren erabakiak gauzatzen ari da Raxoi, gure instituzio, langile, ikasle, pentsiodun, enpresa eta sare sozial guztiarengan eragin larriak sortu dituen politika neoliberaletan sakonduz etengabe. Urteetako lanaren eta borrokaren bidez lortutako eskubideak ezerezean uzten ari dira, gizartean pobrezia eta egoera larriak sortuz. Era berean, sektore publikoa desegiteko eta pribatizatzeko apustua egiten dute.

Guzti honen atzean dagoena salatu nahi dugu berriz ere, hau da, hartzen eta proposatzen ari diren neurriak: dela pentsioen erreforma, dela erreforma laboral ezberdinak, langile publikoen soldata jaitsiera edota BEZaren igoera, helburu bakarra dutela langile eta herritarrei eskubideak eta dirua lapurtzea merkatuen eta bankarien onura ziurtatzeko. Hori da burutzen ari direna, besterik ez. Murrizketek ez baitute inongo onura ekonomiko eta are gutxiago sozialik ekarriko. Alderantziz, hondamendira garamatzate, ekonomikoki eta sozialki.

Esparru instituzional ezberdinetan hautetsi eta arduradunak garen neurrian kezka berezia dugu guzti honek ekarriko duen politika propioak eta interbentzio instituzionala bideratzeko izango duen eraginagatik, eskumen eta ahalmen murrizketak ere inposatzen ari direlako, batez ere gure udaletan. Euskal Herriko udal eta egitura instituzional osoa, autonomia eta finantziazio ahalmenik gabe geratzeko arriskua dago.

Rajoy-ren gobernuak martxan jarritako neurriek sistema publikoaren txikizioa ekarriko dute. Administrazio publiko eraginkor baten aldeko hautua egin ordez, sistema publikoa eta beraren eragile diren langile eta herritarrentzat gero eta baliabide gutxiago daude. Zorraren gutxitzea aitzakitzat hartuta, sistema publikoa diruz eta aukeraz husten ari dira, eta krisiaren aurrean politika eta neurri propioak garatzeko ahalmen gabe utzi nahi dituzte gure oinarrizko instituzioak.

Gure herria eta herritarren etorkizuna kinka larrian jartzen duten erabaki hauen aurrean, eta ikuspuntu guztietatik kaltegarriak diren eta izango diren erabakiak gauzatzera behartu nahi gaituzte.

Horregatik, hautetsiak garen neurrian, PPren gobernuak sakondu dituen neurri politiko eta ekonomikoak arbuiatzen ditugu, gure herriaren etorkizuna baldintzatu eta arriskuan jartzen duelako eta gure instituzioenganako mespretxua adierazten dutelako.

Aralar eta Bildutik horri guztiari aurre egingo diogu. Ez ditugu murrizketarik nahi, ezezko borobila esaten diogu neurri guzti hauei, inposatuak direlako, guk erabaki ez ditugulako eta bereziki injustuak eta krudelak direlako. Austeritatearen izenean inposatzen ari zaizkigun neurriak jada ondorio sozial larriak ekarri ditu: langabezi tasa jasanezina, babes sozialeko laguntzen murrizketak pobreziari ateak parez pare zabalduz… Oro har langileen eskubideak urratzen ari dira etengabe, gazteak eta emakumeak krisiaren lehen biktimak suertatzen ari dira…

Euskal Herriak bere etorkizun politikoa ez ezik, ekonomikoa ere eraikitzeko behar duen marko politiko burujabearen alde lan egin behar du. Burujabetza ekonomikoa behar dugu, arlo ekonomikoan, laboralean, fiskalean edota sozialean gure erabaki propioak hartu ahal izateko eta egungo eredua errotik aldatzeko. Horretan datza egungo egoeraren aurrean defendatzen dugun alternatiba.

Ondorioz, hemen hego Euskal Herriko instituzio ezberdinetako ordezkariak gaudelarik, deia luzatzen dugu instituzioetatik inposatzen dire neurriei aurre egin eta erantzun egokia emateko.

Murrizketa eta inposaketa guzti hauei erantzuteko eta aurre egiteko harresi sozial indartsu bat eraiki behar dugu. Datorren irailaren 26an beste urrats bat emateko aukera izango dugu Euskal Herriko sindikatu eta eragile sozialetatik egin den greba deialdiarekin bat eginez. Horregatik egun horretan Bildu eta Aralar alderdien hautetsiek grebarekin bat egingo dugu.

EH Bilduk Arabako hautagaiak aurkeztu ditu

 

Araba, dagoeneko, ez dela zazpigarren alaba eta aldaketa sozial eta politikoan sakonduko duela aldarrikatu du EH Bilduk zerrendaren aurkezpenean. “Aldaketa gure esku dator, guztiok bozkatzeko aukera berdinak ditugunean Arabako mapa politikoa nagusiki ezkertiar eta abertzale agertzen zaigulako”, esan du Hasier Arraizek.

 

Lehengo aipamena Belen Arrondo zerrendaburuari eskaini diote indarrak har ditzan, gaur ezin izan baitu parte hartu ekitaldian gaixorik dagoelako eta bere ordez, Hasier Arraizek eta Eva Blancok hartu dute hitza.

Indarrak batzeko eta gauzak aldatzeko deia egin du Arraizek. “Desberdinen arteko indar bilketa egiten ari gara. Desberdinen indarrak bilduz, gauza desberdinak egiteko. Araban PP, PSE eta PNVk eredu sozial eta ekonomiko berbera dutela jakin badakigu. Haien ereduaren aurrean gurea da alternatiba bakarra”, azaldu du.

Blancok, bere aldetik, EH Bilduren eredua “lana eta bezeroak dituen Arregi bezalako empresa batetako berrehun eta berrogeitamar langile baino gehiago langabezira eraman dituena” ez dela izango gogoratu du. Halaber, kolazioa Garoñaren itxiera beti eskatu dutenek osatzen dutela azpimarratu du. “Orain, Garoña ixtea lortu dela ematen duenean, erronka berria dugu ingurumen arloan: frackingaren kontrakoa. Hor ere erreferente izan behar du Euskal Herria Bilduk, gainontzeko indar politikoek ez baitute inolako oztoporik jartzen gure baliabide naturalak errespetatzen ez dituen garapen ekonomikoari”, esan du Blancok.

Ildo horretan, EH Bilduren Araba “euskararena, gazteena, feminismoarena, ekologiarena eta justizia sozialarena” dela adierazi dute. Azkenik, Arraizen esanetan, EH BILDUri esker Euskal Herriak bakea eta normalizazio demokratikoa irabaziko ditu. “Euskal Herriak bakea behar duelako eta gure etorkizuna askatasunean erabaki nahi dugulako”, gehitu du hautagaiak.

“Aukerez eta mehatxuez betetako egoeran bizi gara. Bake aukerarekin batera langabezia, pobrezia eta gizarte bazterketaren mehatxuak. Guk burujabetza bestelako eredu sozial eta ekonomikoa eraikitzeko behar eta nahi dugu”, esan du. Indarrak batzeko eta eta gauzak aldatzeko deia eginez, amaitu dute ekitaldia.

Presentación de candidatura de EH Bildu en Gipuzkoa / EH Bildu koalizioaren Gipuzkoako zerrendaren aurkezpena

Así como el lunes se presentó la candidatura de Bizkaia encabezada por Laura Mintegi, hoy, en el Palacio Miramar de Donostia, se han presentado los candidatos de Gipuzkoa para Euskal Herria Bildu en este caso con el cabeza de lista Xabier Isasi. En el acto, primeramente ha tomado la palabra la candidata Rebeka Ubera y ha hablado sobre cómoEuskal Herria Bildu hace lo que dice y dice lo que hace. A lo que ha añadido, que otros partidos como PNV, PSE y PP no pueden decir lo mismo. Seguidamente y con el respaldo de todos los demás candidatos, el cabeza de lista Xabier Isasi ha sido quien se ha acercado al atril. Ha manifestado, que Euskal Herria Bildu es la única alternativa diferente frente a la uniformidad del resto de opciones. 

Astelehenean Laura Mintegi buru duen Bizkaiako hautagaitza aurkeztu bezala, gaurkoan Donostiako Miramar Jauregian Gipuzkoarako hautagaien zerrenda aurkeztu da, kasu honetan, Xabier Isasi izanik zerrendaburu. Aurkezpen ekitaldian, lehenik Rebeka Ubera hautagaiak hartu du hitza, eta Euskal Herria Bilduk esandako egin eta egindakoa esaten duela adierazi du. Honi gaineratuz, PNV, PSE eta PPk hori ezin dutela hala egiten esan du. Jarraian, eta beste hautagai guztiak alboan zituela, Xabier Isasi Gipuzkoako zerrendaburuak hartu du hitza. Honek, Gipuzkoan aldaketarako bide bakarra Euskal Herria Bildu dela argi geratu dela aldarrikatu du.

Oskar Matute: “Azken hauteskundeetan egin dugun bezalaxe, indarrak batu ditugu beste behin ere”

Laura Mintegi: Hemen dauden emakume-gizonak ikusi nahi nituzke Lege Biltzarrean

Atzo EH Bilduk aurkeztu zituen hiru lurraldetako bere hautagaiak, zerrenda bakoitzeko lehen bost emakume-gizonak. Gaur aurkeztu nahi dugu Bizkaiko zerrenda osoa.

Atzo esan genuenak gaurko ere balio du: hemen batzen garenok jatorri, sexu eta adin ugarikoak gara, ibilbide ezberdina dugu, eskarmentu bariatua, baina badira hainbat elementu batzen gaituztenak, sigla batek baino gehiago batu ere.

Proiektuak egiten gaitu talde. Helburuek elkarlotzen gaituzte, eta helburu argiak dira: eredu politiko berriak eta eredu ekonomiko berriak martxan jartzea, oraingo ereduek ez dutelako balio. Gaur egun indarrean dagoen eredu neoliberalak eraman gaitu aberatsak aberatsagoak izatera eta pobreak gero eta pobreagoak. Eta larriena da ez dugula ikusten alderdiek inolako asmorik dutenik egoera honi buelta emateko.

EHBildukook uste dugu egoera ekonomiko larri honen aurrean ezin dugula egon besoak gurutzatuta. Jarrera aktiboa hartu behar dugu. Aldatu nahi ditugu eredua injustuak eta soluzioak proposatu. SOLUZIOAK badaudelako, eta halaxe frogatu izan da aukera izan dugun erakundeetan. Uste dugu larrialdian gaudela, krisi hau iraupen luzekoa dela eta familiek ezin dutela luze iraun egoera kazkarrean. Bizkaiko  familia asko eta asko itota daude. Batetik azpiegitura erraldoiak egiten dira, bi bulegotan erabakita, eta hiritarrei ez zaie aukerarik ematen esateko erabakiekin ados dagoen ala ez. Eta gastu itzel horiek egiten diren bitartean, jendea etxetik botatzen dute, langabezia gora doa, lehen sektorea bazter uzten da eta ez da inbertsiorik egiten sektore produktiboan diru hori bankuei ematen zaielako, gure lepo.

Bada unea espekulatzaileeei galga jartzeko, neoliberalismoari alternatiba bilatzeko, gizarte igualitarioa bat egiteko eta, batez ere, pertsonak guzti-guztiaren gainean jartzeko.

Gure alabentzat eta gure semeentzat mundu hobea nahi dugu. Ez dugu nahi duintasuna gal dezatela probrezian murgilduta daudelako. Etorkizun libre eskaini nahi diegu ondorengoei. Eta horientzat guztientzat ari gara lan egiten.

Hemen dauden emakume-gizonak ikusi nahi nituzke Lege Biltzarrean, beren proiektuak eta asmoak besapean, eta aukera eduki dezatela erabakitzeko nork gobernatu duen erkidego honetan.

Beraiek ikusi nahi nituzke egunez egun eraikitzen Euskal Herri berri hori, herri askea eta buruaskia, subiranoa, indenpendientea, emakume eta gizon independienteek osatua.

Oskar Matute: “Azken hauteskundeetan egin dugun bezalaxe, indarrak batu ditugu beste behin ere”

Heldu da eguna. Dagoeneko ez diogu etorkizunari urrunetik begiratu behar gauzatu nahi dugun proiektua, eraiki nahi dugun herria eta eraldatu nahi dugun eredua gauzatzen eta eraikitzen hasteko. Izan ere, gainean ditugun hauteskunde hauetan, Eusko Legebiltzarrerako bozetan, benetako urratsak egiten hasteko inoiz baino aukera gehiago ditugu: burujabetza, bestelako eredu sozioekonomikoa, normalizazio politikoa eta bazterketarik gabeko herria ditugu helburu. Bide zaila da aurrean duguna, bizi ditugun krisi anitzei aurre egitea baino, kapitalismo bortitzenaren morroi gisa jokatu nahi izan duten PNVk, PPk eta PSEk bakeari eta justizia sozialari oztopoak jartzen dizkiotelako.

Azken hauteskundeetan egin dugun bezalaxe, indarrak batu ditugu beste behin ere. Indar abertzale, subiranista eta ezkertiarrok osatzen dugun Euskal Herria Bilduk, alabaina, merkatuen aurrean makurtzeari eta kateaturik bizitzeari ezetz esaten dioten guztiei zabalik dago. Gure esku eta herritar guztien esku dago egungo eredua irauliko duen legebiltzarra sortzea. Soluzioak eta etorkizuna, gure esku daude.

X