Rodriguez «Alokairuzko etxebizitza merkatu pribatuari mugak jartzeko momentua da»

Gure kide Ander Rodriguezen prentsaurrekoa Eusko Legebiltzarrean alokairuzko etxebizitza merkatu pribatuari mugak jartzeko beharraren inguruan.

Ander Rodriguez eta Unai Fernandez de Betoño legebiltzarkideek alokairuen prezioa mugatzeko lege proposamena erroldatu dute gaur, “alokairuzko etxebizitza merkatu pribatuari mugak jartzeko momentua” iritsi delakoan. Izan ere, “Araba, Bizkai eta Gipuzkoan 115.000 familia alokairuan bizi dira eta prezioek gora egin dute etengabe azken urteotan; hala, egoera oso kezkagarria da hiriburuetan eta hainbat udalerritan, sektore batzuentzat, gazteentzat eta emakumeentzat bereziki, ia ezinezkoa delako etxebizitza bat eskuratzea, etxebizitza eskubidea pertsona guztien oinarrizko eskubidea den arren”.

Jaurlaritzak berak emandako azken datu ofizialak aipatu ditu Rodriguezek: “Alokairu-Merkatuaren Estatistikaren arabera, 2019ko bigarren hiruhilabetekoan alokairu librean sinatu ziren kontratuen errenta, bataz beste, 688 eurokoa zen, hiru urte lehenago baino %10 altuagoa. Eta erreminta zabalago eta eguneratuagoak erabiliz gero, Higiezinen Eskaintzaren Inkesta, adibidez, 2013tik hona % 22koa izan da bataz besteko igoera”.

Fenomeno hau orokorra dela eta beste leku batzuetan alokairuen prezioak mugatzeko neurri legalak jada hartu dituztela azaldu du EH Bilduko legebiltzarkideak. Alemanian eta Frantzian hala egin dute eta Katalunian ere legea onartu zuten irailean helburu horrekin, Pablo Iglesias presidenteorde espainolak erreferentetzat jo duena. Horren harira, Rodriguezek gogora ekarri du PSOEk eta Podemosek alokairuen prezioa mugatzeko mekanismoak bultzatzeko konpromisoa jaso zutela Madrilen sinatutako gobernu programan. Hori dela eta, EH Bilduk gaur aurkeztutako lege proposamena tramitera onartzera dei egin die, “gu ere horixe bera planteatzen ari garelako; alegia, hemen ere eskura ditugun tresna legalak erabiltzea alokairuen prezioen igoerari mugak jartzeko”. Neurri horrek etxebizitza merkatuan prezioak etengabe ez igotzea ere ekarriko du.

Zehazki, EH Bilduren lege proposamenak Euskal Zuzenbide Zibila erabiltzea planteatzen du alokairuen prezioak kontrolpean edukitzeko. Unai Fernandez de Betoñok azaldu duenez, “Euskal Zuzenbide Zibilaren baitan alokairua egon badago araututa, baina bakarrik Landa Eremuetako etxebizitzei dagokienez; gure proposamena haratago doa: landa eremuetara mugatu beharrean, Euskal Zuzenbide Zibilak hiri-errentamenduaren eremua ere arautzeko erabiltzea proposatzen dugu”. Modu horretan, legeak etxebizitza merkatu tenkatua duten eremuak, hau da, azken urteotan alokairuen prezioetan igoera handia izan dutenak, deklaratzeko aukera emango luke. Zonalde horietan errentamendu-prezioen erreferentzia indizea zehaztuko litzateke, bertako alokairuen bataz besteko prezioa eta etxebizitzaren ezaugarriak kontuan hartuta. Erreferentzia indize hori alokairu kontratu berrietan gainditu ezin izango litzatekeen gehienezko prezioa litzateke.

Lege proposamenak identifikatzen ditu zein diren une honetan “etxebizitza merkatu tenkatua duten eremuak, azken bi urteotan alokairuen prezioa %8 baino gehiago igo diren hiriburuetako auzoak”. Hala, Fernandez de Betoñok adierazi duenez, “auzo horietan Jaurlaritzak prezioen erreferentzia indizea ezarri beharko luke eta ezinezkoa litzateke alokairuak hortik gora igotzea”. Honako hauek dira auzoak: Bilbon, Alde Zaharra eta Ametzola; Donostian, Aiete-Lugaritz, Gros–Sagues, Ibaeta-Errotaburu-Berio–Lorea, Intxaurrondo eta Marrutxipi, eta Gasteizen, Aranbizkarra, Ariznabarra, Arriaga-Lakua, Errota, Desamparados, El Anglo, El Pilar, Judimendi, Lovaina, San Cristobal, Txagorritxu eta Zaramaga.

Gaur aurkeztutako ekimena “EH Bilduk egin nahi duen eta egiten ari den oposizio eraikitzailearen beste adibide bat da”, azpimarratu du Ander Rodriguezek. “Legealdia hasi berri da eta jada bost lege proposamen aurkeztu ditugu. Araba, Bizkai eta Gipuzkoako herritarren bizi baldintzak hobetzearekin tematurik gaude eta, horretarako, gure proposamenak gobernuko alderdiekin elkarlanean lantzeko prest ere bagaude. Auzolanean, elkarlanean aritzeko borondatea dutela egia baldin bada, gure lege proposamenak aintzat hartuko dituztela espero dugu”.

EHBildu

 

Etxerik gabeko jendea

María del Río – Alternatiba

Eta jenderik gabeko etxeak egoteari lotsagarria zeritzon Kataluniako kantari batek film baterako sortutako abestian. Berriki Auzitegi Konstituzionalak ontzat eman ditu EAEko Etxebizitza Legeari buruzko artikulu gehienak, eta horrek etxebizitza eskubidearen gaineko eztabaida berpiztu du. Legeak onartzen du eskubide subjektiboa dela. Ondorioz, egoera jakin batzuetan Jaurlaritzari erreklamatu ahal izango zaio, eta epaitegietara ere jo ahal izango da. Horrela bada ere, oraindik zail egiten zaigu etxebizitza eskubide osotzat hartzea; urrun dago hezkuntza eskubideak edo osasun eskubideak duten gizarte babesetik.

Dudarik gabe, oinarrizko eskubide hori bermatzeko ezinbestekoak dira epe luzeko inbertsio publiko handiak. Baina zer gertatzen da bermatzen ez bada? Bada herritarron bizi-kalitatea eta osasun fisiko zein mentala okertu egiten direla, gizarte eragin nabarmenekin; besteak beste, emantzipatzeko adinaren atzerapena eta jaiotza-tasaren eragin negatiboa. Laburbilduz, bizitoki baldintza egokiak ez izateak gainerako gizarte eskubideak indargabetu edo ahultzen ditu.

Etxebizitza eskubidea bermatzen dela esateko bizileku bizigarria eskaini beharra dago, eta tamaina zein bestelako ezaugarri egokiak bermatu, pertsona edo familia jakin batentzat. Beraz, ezin ahaztu eraikinen eta etxeen birgaitzeak duen garrantzia, ezta azken honek energia gastuan duen eragina ere. Are gehiago, legeak ingurua ere duina eta egokia izan behar dela dio. Ba al dituzte gure auzoek berdegune eta ekipamendu nahiko?

Gaia konplexua da, eta interes kontrajarri ugari daude tartean; merkatuak duen pisua nabaria da. Azken batean, etxebizitza eskubidea bermatzeko egitekoa handia da eta premiazkoa, halaber, nekez ematen den politiken arteko koherentzia. Horren adibide etxebizitza, zerga zein hirigintza politikak dira. Azkenaldian, etxebizitza hutsak desjabetzeko aukeran arreta jarri da. Dena den, muturreko egoeretan soilik erabili ahal den neurri horretan sakontzea baino, eztabaida etxebizitzaren funtzio sozialean ardaztuko nuke: bizi-baldintzak hobetzeko eta gizarte-bazterketa saihesteko tresna gisa.

GARAn argitaratua

Salgado: “Etxebizitza ez ezik, bertan bizi direnen egoera ekonomikoa kontuan hartu beharra dago”

Arabako Batzar Nagusiek aho betez Ogasun Higiezinen gaineko Zergaren inguruko eztabaida zabaldu dute. Mahai gainean bi foru araua zeuden: alde batetik Alderdi Popularrak aurkeztu duena eta bestetik, EH Bilduk sinatu zuena. EH Bilduren ustez, PPren proposamena ez da justua eta udaletako zerga bilketan ondorio oso kezkagarriak izan ditzake. Horren aurrean, EH Bilduk aurkeztu duen aldaketa horrek bi helburu nagusi ditu: alde batetik, familiak etxeratzen diren bitartean bidegabeko espekulazioari gainordaina ezartzeko; bestaldetik, errentaren araberako hobariak ezartzeko malgutasun handiagoa eskaintzea udalerriei OHZren ordainagiria arazo ez bihurtzeko gaizki pasatzen ari diren herritarrentzako.

Horregatik, hutsik dauden etxebizitzen gainean %150ra heldu daitekeen errekargo bat jasotzen da. Gaur egun Bizkaiko zein Gipuzkoako arauetan planteatzen da eta, ondorioz, Araba desarmonizatuta gelditu da. Bestalde, EH Bilduk errentaren araberako hobariak ezartzeko malgutasun handiagoa eskaini nahi die udalerriei egungo muga 21.000 eurotan dagoelako kontuan izan gabe zenbat lagunek osatzen dute bizikidetza-unitatea. Horregatik beste hiru atal sortzea planteatzen da: lehenengoa lau kidek osatutako bizikidetza-unitatea 28.000 euroko sarrerak gainditzen ez dituztenentzat; bigarrena bost kideetako bizitza-unitatea sarrerak 35.000 eurotik beherakoak badira eta azkena 42.000 euroko sarrerak izanda sei kide edo gehiago baldin badaude bizitza-unitatean.

Alternatibako kide eta Euskal Herria Bildu Arabako batzarkide Luis Salgadok gogorarazi duenez, “etxebizitza ez ezik, bertan bizi direnen egoera ekonomikoa kontuan hartu beharra dago”.

EH Bildu Araba

Alba Fatuarte: “Egun gazte batek duen soldataren bikoitza beharko luke etxebizitza baten alokairua ordaintzeko”

Alba Fatuarte Alternatibako kide eta EH Bilduko zinegotziak koalizioak proposatutako Alokairua Ordaintzeko Udal Laguntza Plana aurkeztu du. Bilboko gazte birekin batera, hauek etxebizitza baten alokairua ordaintzeko dituzten arazoetaz hitz egin du. Izan ere, Euskal Autonomia Erkidegoan, gazteen langabezia tasak bikoiztu egiten du populazio osoarena.

Bilbo egoera horren adibide argia da. Gaur egun ia 8.000 gazte langabezian daude eta lan egiten dutenen artean prekarietatea da nagusi. Egoera horretan, eta kontuan izanda etxebizitzara bideratu beharreko soldataren zatia gehienez %30eko izatea gomendatzen dela, gazte batek egun duen soldataren bikoitza beharko luke etxebizitza libre bat alokatu ahal izateko. Izan ere, etxebizitza alokairuaren batezbesteko prezioa 925 eurokoa da.

Alokairua Ordaintzeko Udal Laguntza Programa

Egoera horren aurrean, eta beste udalerri batzuetan egin den bezala, Bilboko Udalak gazteriaren emantzipazio prozesuak bultzatzea helburu dituzten politikak abian jartzea proposatzen du EH Bilduk.

Jakin badakigu hau ez dela soluzio bakarra eta behin betikoa gazteen emantzipazio arazoekin amaitzeko. Beste neurri askoren artean, ezinbestekoak dira zerga sistema eta aurrekontuen berregituraketa; etxebizitza eskubide subjektiboaren defentsa; etxebizitza babestuak soilik alokairukoak izateko politikak; etxebizitza hutsak behar sozialetara bideratzeko politikak” esan du Alba Fatuarte zinegotziak.

Diru-laguntza zuzenak eskainiko dituen programa bat martxan jartzea behin-behineko abagune neurri bat dela uste dugu, baina era berean, guztiz beharrezkoa eta urgentziazkoa, egungo egoera sozioekonomikoa dela eta, gazteentzat ia ezinezkoa delako euren kabuz eta laguntzarik gabe emantzipatzea”, adierazi du Fatuartek.

EH Bildu Bilbo

Matute: “Borondate politikoa da, Donostian Bildu alkatetzan egon zen bitartean etxegabetze bat ere ez zelako egin”

Alternatibako kide eta EH Bilduko legebiltzarkide, Oskar Matutek, etxegabetzeen aurkako konpromiso argia eta eraginkorra eskatu dio Jaurlaritzari, “onartezina eta larria delako beti jendea kalean uztea alokairua edo mailegua ordaintzerik ez duelako, baina are onartezinagoa eta larriagoa da jendea kalean uzten duena gobernu bat denean”. Horren haritik, Matutek gogorarazi du “Jaurlaritzak, Alokabide elkartearen bitartez, gutxienez 450 etxegabetze prozedura ireki dituela azken hiru urteotan, eta prozedura horietako askoren azken emaitza etxegabetzea izan da; adibidez, 2015eko urtarriletik martxora bitartean 64 familia kalean utzi zituen”.

EH Bilduko legebiltzarkidearen iritziz, etxegabetzeen aurkako borrokan borondate politikoa da gakoa, borondate politikoa izanez gero, konponbidea egon badagoelako. “EH Bildu bera da horren froga”, azpimarratu du Matutek, “Donostian EH Bildu alkatetzan egon zen bitartean, etxegabetze bat ere ez zelako egin; EAJ-PSE udal gobernu berria sartu eta hilabete bat nahikoa izan zen etxegabetze bat egiteko, ordea”.

Matutek gogora ekarri du, baita ere, Urkullu lehendakariak Legebiltzarrean azaldu zuela etxegabetzeak eragozteko tresnak egon badaudela. “Hala ere, oraindik herritar asko kalean geratzen direla ikusirik, ondorioztatu beharko dugu Urkulluk aipatutako tresnak ez direla ez egiazkoak ez eraginkorrak edo Lakuan ez dagoela borondaterik tresna horiek aplikatzeko”.

EH Bilduk etxegabetzeen aurkako konpromiso argia eta eraginkorra eskatu dio gaur Jaurlaritzari, “onartezina eta larria delako beti jendea kalean uztea alokairua edo mailegua ordaintzerik ez duelako, baina are onartezinagoa eta larriagoa da jendea kalean uzten duena gobernu bat denean”. Horren haritik, Oskar Matutek gogorarazi du “Jaurlaritzak, Alokabide elkartearen bitartez, gutxienez 450 etxegabetze prozedura ireki dituela azken hiru urteotan, eta prozedura horietako askoren azken emaitza etxegabetzea izan da; adibidez, 2015eko urtarriletik martxora bitartean 64 familia kalean utzi zituen”.

EH Bilduko legebiltzarkidearen iritziz, etxegabetzeen aurkako borrokan borondate politikoa da gakoa, borondate politikoa izanez gero, konponbidea egon badagoelako. “EH Bildu bera da horren froga”, azpimarratu du Matutek, “Donostian EH Bildu alkatetzan egon zen bitartean, etxegabetze bat ere ez zelako egin; EAJ-PSE udal gobernu berria sartu eta hilabete bat nahikoa izan zen etxegabetze bat egiteko, ordea”.

Matutek gogora ekarri du, baita ere, Urkullu lehendakariak Legebiltzarrean azaldu zuela etxegabetzeak eragozteko tresnak egon badaudela. “Hala ere, oraindik herritar asko kalean geratzen direla ikusirik, ondorioztatu beharko dugu Urkulluk aipatutako tresnak ez direla ez egiazkoak ez eraginkorrak edo Lakuan ez dagoela borondaterik tresna horiek aplikatzeko”.

– See more at: http://ehbildu.eus/eu/instituzioak/gasteizko-legebiltzarra/8827-eh-bilduk-etxegabetzeen-aurkako-konpromisoa-eskatu-dio-jaurlaritzari-onartezina-baita-azken-3-urteotan-gutxienez-450-etxegabetze-prozedura-ireki-izana#sthash.1xZBtjKu.dpuf

EH Bildu

Alternatibak Erribera 13ren hutsaraztea gaitzetsi du okupazioa kriminalizatzeko eta zapaltzeko saiakera berria dela salatuz

Alternatibaren Bilboko Asanbladatik Erribera 13ren hutsaraztearen aurrean gure erabateko gaitzespena adierazi nahi dugu, berriro ere,epaileek eta poliziek bat egin dutelako okupazioa kriminalizatzeko eta zapaltzeko; Okupazioa aukera guztiz legitimoa da, eta egun inoiz baino gehiago, beharrezkoa ere, etxebizitza baterako sarbidea bezalako oinarrizko eskubideen gabezia dagoenean.

Berriro ere, jabetza pribatuaren defentsa beste edozein ardura guztien gainetik jarri dela ikusten dugu; ez du inporta eraikina urtetan hutsik egon bada, edota ondasunen banaketa duinago batean sinesten duten pertsonen konpromisoari esker hondatuta zegoen eraikina txukundu eta atondu dutenean.

Gizarte honek jabetza pribatuarekiko eta indibidualismo neurrigabearekiko duen joeraren aurrean, eta espekulazio kapitalistari aurre egin ahal izateko, toki desberdinen erabilera kolektiboa tresna aproposena dela uste dugu, aipatutako espazio horiek erabilera sozial eta komunitarioetarako erabiliz.

Egoera honen aurrean, Alternatibatik gaur arratsaldean Erribera 13 eraikinaren defentsaren alde Unamuno plazatik 19:00etan abiatuko den mobilizazioarekin bat egitera deitzen dugu.

Jonathan Martínez: “Enkarterri lanik gabeko eskualdea da, bertatik alde egiteko errepide bikaina duen eskualdea, alegia”

Alternatibaren kide Jonathan Martinezen parte-hartzea, pasa den azaroaren 23an Lanestosan ospatutako Alternatiba Bizkaiko asanbladen topaketetan. Bertan, auzo eta herrietako klase borrokaren ikuspegiaz aritu zen, zehazki Enkarterriez. Martinezek, eskualdean EAJren ibilbideaz eta honen kudeaketa txarraren ondorioen inguruan hitz egin zuen ere, nola kudeaketa desegoki honek, Enkarterri lanik gabeko, populaziorik gabeko eta zorra handiko “logela-eskualdea” izatera eraman duen azalduz. Aldi berean, gako batzuk ere bota zituen gutariko askok behin edo behin buruan bueltaka izandako galderari erantzuna emateko: Nola borroka egin boteretsuaren kontra zure auzo, herri edo hiritik, etsaia bera identifikatzea ia ezinezkoa zaizunean?

https://fbcdn-sphotos-a-a.akamaihd.net/hphotos-ak-frc3/1401991_766248996725752_1535314578_o.jpg

https://fbcdn-sphotos-e-a.akamaihd.net/hphotos-ak-prn1/620755_766249060059079_323054021_o.jpg

https://fbcdn-sphotos-c-a.akamaihd.net/hphotos-ak-frc1/902651_766252023392116_527928875_o.jpg

https://fbcdn-sphotos-h-a.akamaihd.net/hphotos-ak-frc3/1402058_766252326725419_2076406499_o.jpg

https://fbcdn-sphotos-d-a.akamaihd.net/hphotos-ak-prn2/1398418_766252853392033_423272789_o.jpg

https://fbcdn-sphotos-b-a.akamaihd.net/hphotos-ak-prn2/1399413_766252323392086_1240975642_o.jpg

X