Alternatibatik elkartasuna adierazi nahi diogu saharar herriari eta bere borroka legitimoari indar okupatzailearen erasoaren aurrean, Guergueraten armistizioa hautsi ostean.
Alternatibako Mahai Internazionalistatik, Boliviako herria eta MAS-IPSP zoriondu nahi ditugu.
Joan den igandean, urriak 18, lortutako garaipenagatik zoriontzen ditugu, dagoeneko lehen itzulian garaipena bermatuta dagoela dirudienean, bi ganberetan gehiengoa izanik gainera.
Boliviako herri ezberdinen ahotsa eta itxaropenak dira, Boliviako Estatu Plurinazionalarenak oro har, buen vivir delakoarena, subiranotasuna eta duintasuna metatzen ari diren borroka historikoenak. Esan eta aurreratu egiten zuten: “Milioika garela itzuli gara”. Eta, hain justu, urriaren 12 Erresistentzia Indigenaren egunetik astebetera.
Urtebete igaro da Estatu kolpetik, potentzia handien babespean, enpresa transnazional batzuen eta Boliviako armadaren zati baten babesarekin. Boliviako herriaren gehiengoaren interesa eta asmoetatik kanpo zeuden. Baina ezin izan dute, hauteskundeetan behintzat.
Orain askatasun ezberdinak sendotzeko garaia da, errealitatea gehiengoen alde eraldatzeko, Abya Yalako eta herri ezberdinen arteko borrokak lotzeko garaia izango da, eta horretan, gure herria, zuen alde egongo da. Jallalla Bolivia!
Euskal Herriko kubatar emigrazioko elkarteek, hainbat euskal sindikatu, partidu eta kolektiboekin batera, kontzentrazioa egingo dute urriaren 10ean, larunbata, 12:00etan Bilboko Arriaga plazan,
Alternatibaren Mahai Internazionalistaren adierazpena, Morian (Lesbos, Grezia) 13.000 pertsona baino gehiago bizi ziren errefuxiatuen eremuan sute lazgarria Gehiago irakurri…
Astearte honetan Turkiak 50 ekintzaile kurdu baino gehiago atxilotu ditu Amed eta Antep-en, gehienak emakumeak.
Israelek Zisjordaniako lurraldea atxikitzeko planaren aurrean, Alternatibako Mahai Internazionalistaren adierazpena:
– Anexioa Israelek Palestinako lurra eta biztanleria kolonizatzeko etengabeko prozesuaren beste urrats bat da: kolonoen kokalekuak hedatzea eta estatu bateko biztanleria lurralde okupatura nahitaez transferitzea (Genevako IV. Hitzarmenak debekatzen badu ere). Kokaguneak hedatzeko markatutako eremuetan dauden komunitateek aurre egin behar izan diete eraispen-aginduei, lurren konfiskazioari eta nahitaezko birkokatze-planei (beduinoen kasuan). Zisjordaniako eta Jordango haraneko 132 kokagune kolonoak dira Israelek data horretatik aurrera gehituko dituenak. Zisjordaniaren %30a da hori.
– Atxikipen-plan horrek ukatu egiten ditu herri palestinarraren eskubideak: beren erabakitzeko eskubidea, baliabide naturalak, etxebizitza edukitzea eta mugitzeko askatasuna izatea. Gainera, kolonoengandik pairatzen duten indarkeriaren gorakada ekarriko du.
– AEBk eta Israelek “mendeko Akordioa” deitu diote eraso horri, eta Jerusalem Israelen hiriburu zatiezina dela, palestinar errefuxiatuen itzulerarako eskubiderik ez duela eta okupatutako lurraldeko kokaguneak legeztatzen dituela adierazten du. Hori guztia, jakina, onartezina da palestinar herriarentzat.
Herri palestinarraren eskubide legitimo eta historikoen aurkako eraso berri honen aurrean, herrien artean partekatutako borroken internazionalismoa oinarri hartuta, erakunde, herri palestinarraren alde Euskal Herriko hainbat hirietan antolatutako manifestazioekin bat egiteko deia egiten dugu.
Alternatibaren Mahai Internazionalistatik maiatzaren 3an Venezuelaren burujabetasunaren aurka egindako erasoa salatu nahi dugu. Gehiago irakurri…
Euskal Herriko hainbat erakunde politiko, sindikal eta sozialok adierazpen bateratua egin dugu El Salvadorko presidenteak egindako estatu autogolpe saiakera gogor arbuiatzen dugulako.
Historikoki Emakumeak ez dira salbu egon intentsitate desberdineko eta klase guztietako gerra kalamitatetik: heriotza, tortura, bortxaketak, seme alaben heriotzak dakarren mina eta abar. Baina beti, salbuespenak salbuespen, alboko edo bigarren mailako eragile pasiboak izan dira.
Alternatiba | Ezkerra eraldatzearen erronka
