Bizkaia

Zabalgarbik bizkaitarren osasuna arriskuan ipini duela salatu du EH Bilduk eta erantzukizunak argitzeko exijituko duela iragarri du

Zabalgarbik Ingurumen araudia urratu izana “arduragabekeria larria” dela ziurtatu du EH Bilduk, erraustegiak bizkaitarren osasuna arriskuan ipini duela iritzita. Ekologistak Martxan taldeak joan den astean jakitera eman zituen datuen harira egin ditu adierazpenak EH Bilduk. Talde ekologistak Eusko Jaurlaritzaren datuak hartu ditu oinarri, Ingurumen Zaintzarako Programan jasotzen direnak eta joan den astean jakitera eman zuenez, 2012 urtean Zabalgarbik lau aldiz gainditu zuen hainbat gai kutsakorren gehienezko isuria.



http://www.debbiecripps.co.uk/index.php/professional-writing-services-los-angeles

EHBilduren legebiltzarkide Oskar Matute eta Arri Zulaikak bilera egin zuten atzo goizean, Bilbon, La Navaleko langileen lan batzordearekin. Matute eta Zulaikak langileei elkartasuna adierazi diete koalizioaren izenean, izan ere, Ezkerraldeko enpresaren etorkizuna kolokan dago martxotik aurrera. Hain zuzen, langileak kezkatuta daude, hurrengo hilean bukatu egingo zaielako orain esku artean duten eskaera, eta momentuz ez dutelako beste eskaririk jaso. Erakundeen inplikazioa eskatzeko manifestazioa deitu dute otsailaren 26rako eta EHBildu bertan izango dela esan dute bi legebiltzarkideek.



http://www.tencas.com/

Matutek salatu du martxoaren 3ko gailurrean “irainaren argazkia” aterako dela, eta Urkullu eta Azkuna argazki horretan agertuko direla. Horren haritik, Jaurlaritzaren bozeramaile nagusiari exijitu dio “gure eskubideak urratzen dituztenei jartzen dien alfonbra gorria” erretiratzea. Lehendakariak, aldiz, bere hitzekin adieraztera eman du Raxoi eta besteen eredu ekonomiko bera duela.



Prozesu parte-hartzailea abiatu dugu, horren premiazkoa den aldaketa sustatzeko helburuz

Aldaketa sustatzea xede izango duen prozesu parte hartzailea abiarazi dugu. Bilbon horren premiazkoa den aldaketarako oinariak definitu nahi ditugu. Horretarako, orain hasi eta 2015eko udaberrira arte luzatuko den prozesuari ekin diogu. Lehenbizi, arloz arloko eta auzoz auzoko diagnostiko eguneratu bat egingo dugu.
 


Lehendakariak kea saldu besterik ez du egiten existitzen ez den enplegu planaz ari denean

Bestelako eredua. Bestelako hiria. Bestelako Bilbo. Behetik eraikitakoa, guztion artean amestu eta marraztutakoa. Gaur egun dugun eta bizi gaituen hiria, baina, oso bestelakoa da. Aitziberrek ondo esan duenez, pribilejiodunak eskuzabal hartzen dituen hiria da udal gobernuak diseinatu duena, eta ahulenekin, aldiz, zorrotz aritzen dena.



Ekintza sinbolikoa Ezkerraldean aterpe iraunkorra sortzea aldarrikatzeko

Euskal Herria Bilduko legebiltzarkide Oskar Matutek adierazpenak egin zituen atzo gauez Barakaldoko Herriko Plazan dagoen Kutxabanken bulegoaren ondoan, EHBilduk antolatutako ekintza sinbolikoaren aurretik. Koalizioak Ezkerraldeko kutxa automatikoetan agerian utzi nahi izan du kalean gaua igarotzera bere burua behartuta ikusten duen jende kopuru ikaragarria, haien eskubideak eta duintasuna bermatzen duen politika publikorik egiten ez delako.



EH Bilduk kontzentrazioa egin du Durangon, EAJk ingurumenaren aurka egiten duen politika suntsitzailea salatzeko

Eusko Jaurlaritzaren eta Durangoko udaletxeko agintariek, Berdeago, iraunkortasunaren aldeko azoka inauguratu dute gaur Durangon. EH Bilduren zinegotziak bizikletaz heldu dira hitzordura eta azoka atean pankarta baten atzean kontzentrazioa egin dute. "Urkullu, iruzurrik ez, porlana ez da berdea!" zioen idatziarekin Jaurlaritzak eta EAJk egiten duen ingurumenarekiko politika suntsitzailea salatu gura izan dute.



Bizkaia, larrialdi egoeratik eredu berrirantz: Asier Vega "Ezinbestekoa da zerga sistema justu eta aurrerakoia izatea"

Egoeraren larritasuna gordin-gordinean, eta elkarlanerako eskaintza zintzoa egingo dugu irtenbideak proposatu eta martxan jartzeko. Ezin dugu Bizkaiaren etorkizuna PNV, PP eta PSEk osatzen duten stablishment-aren eskuetan utzi, badago nahikoa indar sozial egoera honi behar duen erantzuna eman eta herrialde hau norabide berri baten kokatzeko. Egin dezagun bidea!



EH Bilduk azalpenak eskatuko dizkio Aldundiari, Bilbao Basketi emandako dirulaguntzen kudeaketa eta hitzartutako konpromisoak azaldu ditzan

Aldundiaren eta Bilbao Basketen arteko hitzarmena sinatu zenean, Bizkaiko Foru Aldundia, Bilbao Basket taldeak bizi zuen egoera ekonomikoaren jakitun ote zen eta emandako dirulaguntzekin klubaren etorkizuna noraino bermatzea zuen helburu.



Errepideen mantenurako 18 milioi euroko garestitzeari buruzko azalpenak eskatu dizkio EH Bilduk Bizkaiko Aldundiari

Bizkaiko foru errepide sareko mantenu lanak esleitzeko kontratu batean garestitze nabarmenak adostu ditu Aldundiak, EH Bilduk jakitera eman duenez. Koalizioak salatu du Jose Luis Bilbaoren gobernuak ez duela inolako azalpenik eskaini Batzar Nagusien aurrean errepideen mantenurako hitzarmenean izan den garestitzeari buruz eta Itziar Garamendi Herrilan eta Garraio diputatuaren batzorderatzea eskatu du zergatiak argitu ditzan.



Sindikatu edukia