Raxoiren gezurren aurrean EH Bilduk burujabetza aldarrikatzen du eredu sozioekonomiko berria eraikitzeko

Estatu espainolaren erreskatea heldu da. Raxoik eufemismo bat erabili du erreskatearen atzean dagoen egoera larria estali nahian, orain arte esandako gezurrak estali nahian, eta erreskateak herritarrongan izango dituen eragin latzak estali nahian.

Madrilgo gobernuak etengabe ibili dira gezurretan. Gezurraren atzetik gezurra. Hori da Espainiako gobernua beren eskutan izan duten politikariek saldu digutena. PSOEko eta PPko politikariek gezurrak baino ez dituzte esan. Zapateroren gobernuak, PSOEk, krisirik ez zegoela sinestarazi nahi izan zigun duela urte batzuk. Bi urtez ibili zen gezurretan PSOE. Gezur horiek ahalbidetu PPren gehiengo absolutua.

Duela hilabete batzuk, Raxoik esaten zigun estatu espainoleko finantza entitateen arkak saneatua zeudela. Gezurra. Nazioarteko auditoreek argitu dute. Duela bizpahiru egun, Raxoiren ahotik entzun genuen finantza entitateek Europatik jasoko dituzten 100.000 milioi euroak ez direla erreskatea. Espainiako gobernuaren sekulako lorpena omen da; sistema finantzarioa biziberritzeko lortutako kreditu lerroa. Gezurra, noski.  

Raxoik dioenez, erreskateak ez du inolako eraginik izango herritarron poltsikoetan. Beste gezur bat, galanta gainera. Estatua bera baita jasotako diru hori bueltatzearen azken erantzulea; alegia, herritarrak dira (gara) diru hori bueltatzearen azken erantzuleak; ez dirua jasoko duten finantza entitateak.

Azkenik, Raxoik esan duenez, hartutako neurri hori espainiar ekonomiaren interbentzioa ekiditeko aukera bakarra izan da. Gezurra berriro ere. Espainiar ekonomia ofizialki interbenituta ez badago ere, de factozko interbentzioa ematen ari da aspalditik. Espainiar estatuak ez dauka subiranotasun ekonomiko errealik. Merkelek exijitutako murrizketa eta erreforma guzti-guztiei men egin die Raxoiren gobernuak. Eta, erreskatearekin batera, murrizketa eta erreforma gehiago etorriko dira, Europak erreskatea bideratzeko jarritako baldintzak betetzen direla ziurtatzeko. Almuniak berak esan zuen moduan, inork ez du dirua ezeren truke ematen.

Eta hori da Raxoi kontatu duena. Gezurrak, denak. Baina kontatu ez dituenak are kezkagarriagoak izan daitezke. Erreskate honen atzetik zenbat etorriko dira? Zein interesekin bueltatu beharko da erreskatea? Zenbat denboratan? Nork ordainduko ditu interesak? Zer baldintza jarriko zaizkie entitate finantzariei? Zer gertatuko da entitate finantzariek ezin badute erreskatea bueltatu? Zer eragin izango du horrek defizit publikoan? Eta herritarrongan? Zer zeharkako murrizketa eta erreforma ekarriko ditu erreskateak? Zer eragin izango du erreskateak entitate finantzarioetan ari den langileriarengan?… eta beste hamarna galdera. Oraindik erantzun bat bera ere.

Lehenago genioen moduan, Europa neoliberalak aspalditik dauka interbenitua Espainiako estatua. Baina ez gaitezen engainatu, erreforma guztiak kapitalaren neurrira egin dira. Egungo erreskatea ere. Izan ere, krisira eraman gaituen ekonomia espekulatzailea erreskatatzeko modu bat baino ez da; berau diru publikoarekin berregituratu eta, ondoren, etekinak berriro ere pribatizatzeko. Estatuak bere gain hartu du zor pribatua, eta zor hori ordaindu ahal izateko herritarren eskubide sozialak eta laboralak gero eta bortitzago murriztuko dituzte; ongizate estatuaren ardatz den sistema publikoa desagerrarazteko bidean jarriko dute, pribatizazioari alfonbra gorria jarriaz.

Bizi dugun egoera ekonomikoa larria da. Latza. Eta egoera honen ondorioak ordaintzea herritar xumeon bizkar jartzen ari dira gobernuak. Baina ez gara gu, herritarrak, egoera honen errudun eta, are gutxiago, erantzule. Egoera honek errudun eta erantzule jakinak dauzka: entitate finantzariak eta gobernuan egon diren politikariak. Horien kudeaketa ezin okerragoek ekarri baikaituzte egoera honetara.

Eta egoera honen aurrean, Euskal Herria Bilduk argi dauka: erantzukizun politikoak eta penalak eskatu behar ditugu krisi honetara eraman gaituzten arduradun politiko eta finantzarien kontra.

Denok dakigu zeintzuk diren arduradun horiek: alde batetik, entitate finantzarien buruak, izen-deiturak dituztenak; bestetik, egoera honetara ekarri gaituen sistema kudeatu, sustatu eta babestu duten alderdi politikoak; alegia, PSOE eta PPrekin batera, Hego Euskal Herrian, PNV, PP, UPN, PSE eta PSN. Horiek dira Hego Euskal Herriaren etorkizun ekonomikoa eta soziala kolokan egotearen erantzuleak, nahiago izan dutelako krisi ekonomiko eta sozial honetara eraman gaituzten ekonomia espekulatzailearen buruak babestu justizian eta elkartasunean oinarrituz, herritarrak babestea baino.

Gezurretan eta kapitalaren interesak babestuz, herritarron interesen kontra aritu diren politikari horiek, kudeaketarako gaitasun eza erakustearekin batera, herritarron bizitza gidatzen duten politikak aurrera eramateko zilegitasuna galdu dute. Eta hori gutxi balitz, inolako lotsarik gabe, mahai gainean jartzen dizkiguten errezetak egungo egoerara ekarri gaituzten berberak dira.

Hori da gure errealitatea. Eta errealitate horrek ondorio argi bat erakusten digu: orain inoiz baino agerikoagoa da Hego Euskal Herriak erabateko burujabetza ekonomikoa eta politikoa behar duela, Espainiako Gobernuak finantzen merkatuekiko duen morrontzaren ondorioak pairatzeari utz diezaiogun. Are gehiago, agortuta dagoen marko autonomistak eskaintzen dizkigun eskumen apurrak alboratuz, Espainiako gobernuak (ber)zentralizazioaren bidea hartu duenean. Bizi dugun abagune ekonomikoan, Espainiari lotutako Hego Euskal Herrian ezinezkoa da justizia sozialean eta elkartasunean oinarritutako eredu sozio-ekonomiko berria eraikitzea, gure beharretan oinarritutako eredua erabakitzeko ahalmena ere ukatu egiten baitzaigu. Izan ere, Hego Euskal Herrian badugu aukera gehiengo politikoa osatu eta kapitalarekiko menpekotasuna hausteko, eredu sozial eta ekonomiko berria martxan jartzeko oinarriak jarrita, bizitza duinaren jasangarritasuna berma ditzagun eta ez diruaren zein espekulazioaren biderkatzea.

Baina irtenbidea badago. Gaur, inoiz baino gehiago, Euskal Herriak aurrera pausu bat eman behar du burujabetzaren bidetik, euskal herritarrok etorkizuna izan dezagun, eta Espainiako estatuak, espekulatzaileen eskutik, pobrezia estrukturalera eraman ez gaitzan. Eta, besteak beste, egungo eredu ekonomikoa eraldatzeko, banku publiko bat eraiki behar dugu. Espekulaziotik urruti, inbertsioa sektore estrategikoetara, enplegua sortzera eta herritarron onura bermatzera  bideratuko duen banku publikoa.

Burujabetzaren bidean urratsak egitea ezinbestekoa da, bide bakarra delako bestelako gizarte eredua, behetik eta ezkerretik eraikita, lortzeko. Burujabetza baita bide bakarra. Burujabetza ekonomiko eta politikoa behar du Euskal Herriak krisiari aurre egin al izateko, berdintasunean eta elkartasunean oinarrituta, eredu ekonomiko eta sozial berrien aldeko hautua eginez. Beraz, erabakiak hartzeko momentua da.

Trailer del documental “Voces de la transición (agroecológica)” – “Voices of transition” dokumentalaren trailerra

Un documental de Nils Aguilar, en proceso de postproducción, que atestigua la inminente “Transición agroecológica”. ¿Cómo podemos organizarnos para preparar nuestros campos y nuestras ciudades para el doble desafío del cambio climático y el pico petrolero? Quieres participar o contribuir con el documental? Aqui puedes conseguir una copia en DVD en preventa, o incluso hacerte co-productor de la pelicula! www.milpafilms.org

Voices of transition (Trantsizioaren ahotsak) Nils Aguilarrek zuzendatuko dokumentala da, ekoizpenaren ondorengo fasean dagoena. “Trantsizio agroekologikoa” da jorratzen duena. Nola antolatuko gara aldaketa klimatikoak eta petrolioaren krisiak dakartzaten erronkei gure hiri eta larreetatik aurre egiteko? Dokumentala amaitzeko laguntzarik eman nahi? Helbide honetan, www.milpafilms.org , DVDaren aurre erosketa edota produktore bilakatzeko jairraibideak eskaintzen dira.

http://www.youtube.com/watch?v=ln3Cv0Dzoak

Greziaren duintasuna bestelako Europarako

Gonzalo Fernandez Ortiz de Zarate – Alternatibako Mahai Internazionalista

Ekainaren 17an hauteskunde orokorrak izango dira Grezian. Prozesua bereziki garrantzitsua izango da Europarentzat, baina baita Europako ezker osoarentzat ere. Izan ere, finantzen merkatuaren eztandaz geroztik, mugimendu sozialen eta alderdi politikoen erresistentziaren zein erantzun sendoez gain, honakoa aukera ezin hobea izango da Merkelen estrategia ultraliberalari, NDFari eta haiek sortutako proiektu europarrari zuzenean aurre egiteko. Ezkertiar guztiok itxaropenez ikusten dugu Grezia, eta bereziki hauteskundeak irabaz ditzakeen Syriza ezkerreko koalizioa, batez ere EBren xantaiaren aurka agertu delako.   

Igandean ez da soilik jokoan egongo Europak estrategia bera jarraituko duen ala ez, alegia greziarrei –gero eta pobrezia eta zapalkuntza handiagoa pairatzen ari direnak- lapurtzen jarraitzea; ez. Azken finean, igande honetan erabakiko dena, lapurretaz, iruzurraz eta errua pairatzeaz nekatuta dauden herritarren eraginez orain arte ezagutu dugun Europa bera, kapitalarena eta merkatariena, eraldatzen hasiko ote den izango da. Horregatik, igande honetan guztiok parte hartuko dugu Greziako hauteskundeetan.

Guzti hau proiektu ultraliberala babesten duten guztiek ere ulertu dute eta, horrexegatik, desinformazio kanpaina ikaragarriarekin Greziako herritarrak nahastu nahi dituzte, beldurra sustatuz eta proposamen alternatiboen aurkako jarrerak piztuz. Hala, Europako buruzagi guztiek Syrizaren garaipena euroaren irteerarekin lotu nahi izan dute, eta komunikazio talde guztiek Alexis Tsiprasen irudia eraldatu nahi izan dute boltxebike, erradikal, mediterraneoko Chavez, eta abarrekoekin iraindu nahian. Baina oztopo guztien gainetik, Europako herritarrek jakin behar dute, programa iraultzailea izan gabe, Syrizaren proposamena, euren leloak esaten duen bezala, duintasunez eta esperantzaz beteta dagoela. Haien proposamena hiru lerro nagusietan laburbildu genezake: lehena, Troika delakoak sinatutako hitzarmenak bertan behera uztea, murrizketetan oinarritutako politika drakoniarrak bultzatu zituenak eta hauteskundeak irabaztekotan baztertuko liratekeenak; bigarrena, sektore estrategikoak kapitalaren eskuetatik kentzea, bankuen eta bestelako sektore estrategikoen nazionalizazioaren bitartez; eta hirugarrena, xantaiarik gabe zorra berriz negoziatzea, kontu-ikuskapen bat eginez, zor horren zein zati den zilegi eta zein ez zehazteko, duela zenbait urte Ekuadorren egin zen bezalaxe, Herritarren Iraultza gertatu zenean.  

Programa, bere horretan, Europako proiektu hegemonikoarentzat erronka bat da: aski dela esaten duen herri bat, euren krisia eurek ordain dezatela esaten duena, eta kapitalarekin aurrez aurre negoziatu duena. Era berean, ezkerrek indarrak metatzeko aukera bat eskaintzen du, eskubideen Europa baten alde, demokrazia parte hartzailearen alde, kapitalismoari eta sistema ekonomiko bidegabe honen inguruan sortutako sistema menperatzaile anitzari aurre egitearen alde. Gure bokazio internazionalista berreskuratu beharra dugu eta gutxienekoetan oinarritutako agenda komuna proposatu: Europako sare instituzionalaren demokratizazioa; EBZ eta estatu ezberdinen banku zentralak publiko bihurtzea; zorraren kontu-ikuskapen osoa; egitura ekonomiko baztertzaile batean txanpon bakarraren zeregina zein den eztabaidatzea, lehentasun politikoa desberdintasunen aurkako borroka izanik; defizitak ez zigortzea eta bai ordea superabitak, hauek langileriari eta ez finantza burbuilari eskaintzera behartuz; Nekazaritzako Politika Bateratua (NPB) behin betiko indargabetzea elikadura subiranotasunaren alde; lanaren banaketaren alde egitea, produktiboa zein erreproduktiboa, arduren banaketaren printzipioan oinarrituta; Europako herri eta nazioen autodeterminazio eskubidearen aitorpena.

Agenda alternatibo honek, Syriza eta Greziako ezkerraren erreferente dena, ahaleginak eta borrokak bateratzea eta proiektu politikoak aurrez aurre jartzea ahalbidetu behar digu. Zibilizazio krisialdia da bizi duguna, eta ez dugu nahikoa, inondik inora, gogoetarekin edota eustearekin. Erasoari ekin behar diogu eta duintasuna, esperantza, iraultza eta burujabetza eskaini. Has gaitezen igande honetan. Guztiok Syrizarekin!

Amaia Agirresarobe: “Bada garaia eredu ekonomiko eta sozial berrirako bidean urratsak egin ditzagun”

Beste behin ere, hemen elkartutako lau alderdiok, Euskal Herriak behar duen ezkertiar eta subiranisten indar metaketari erantzutera goaz. Garai zailak ditugu aurrean, baina porrotera eraman gaituztenen diskurtso bakarrari aurre egin behar diogu, finantza botereen mesedetara daudenei. Alternatibak, Aralarrek, Eusko Alkartasunak eta ezker abertzaleak herritarren gehiengo zabal baten babesa izan duen koalizioa berretsiko dute hurrengo hauteskundeei begira, lauron arteko elkarlanari jarraipena emateko.

Euskal Herria Bildu aurkezten dugu gaur, gure herriaren burujabetza eta eskubide guztiak gauza daitezen borrokatzeko prest dagoen koalizioa. Euskal Herriak behar duen subjektu ezkertiar eraginkorra izateko jaio da, bizi ditugun krisi anitzei aurre egiteko era desberdinak daudela frogatuko duena. Merkatuen diktadurari aurre egiteko subiranotasuna ezinbestekoa dugu. Instituzioak demokratizatzeko garaia heldu da, herritarrei hitza emateko eguna, gure etorkizuna eraikitzeko giltza euskal gizartearena izan behar delako.

Hemos recorrido caminos diferentes, pero esta coalición es nuestro punto de encuentro, el nexo común entre todos los soberanistas e independentistas de izquierdas de nuestro pueblo. Coincidimos en la necesidad de un modelo superador del sistema, que no se limite a ponerle parches. Las cuatro formaciones aquí presentes apostamos por una relación responsable con nuestro entorno, con ama lurra, y subrayamos la necesidad de transformar la sociedad, sabedores de que no habrá democracia real hasta que todas la mujeres y los hombres sean iguales en derechos.

Euskal Herria Bildu aspira a ser el referente político de todas y todos los que denuncian el inmovilismo de los gobiernos frente a la oportunidad histórica que vivimos; de todas las personas que ven en el horizonte electoral la oportunidad de superar las ilegalizaciones, las vulneraciones de derechos y los subterfugios de quienes buscan conseguir mediante trampas la legitimidad que la ciudadanía les niega. Pero nuestra apuesta va más allá de las urnas, porque se basa en los acuerdos estratégicos que hemos firmado y que seguimos dispuestos a desarrollar, tanto desde la calle y como desde las instituciones.

Erreskatea heldu da, eta eskatu dutenek herritarren eskubideak urratzen dituzte egunero, gero eta gehiago, gero eta modu bortitzagoetan. Etxeak desjabetzea baimentzen dute enpresa pribatuak salbatzen dituzten bitartean. Espainiako, Euskal Autonomia Erkidegoko eta Nafarroako gobernuek erabateko gaitasun gabezia erakutsi dute. Ez dakite edo ez dira ausartzen pairatzen ari garen lapurretari aurre egitera. Bada garaia horren aurrean antola gaitezen, gure herriak aurrera egin dezala, eredu ekonomiko eta sozial berrirako bidean urratsak egin ditzagun.

Sabemos que debemos responder a una amplia mayoría social que exige transformar el sistema, con propuestas desde la izquierda y desde la soberanía. Euskal Herria Bildu es la herramienta que pondremos a su disposición. Para aglutinar mayorías en pro de la paz, la justicia, la libertad y la defensa de todos los derechos de todas las personas. Aurrera goaz.

Alternatibaren Asanblada nazionalak aho batez erabaki du hurrengo bozetara Aralar, EA eta ezker abertzalearekin koalizioan joatea

Alternatibaren Asanblada nazionalak bilera egin du gaur, Gasteizen, eta aho batez erabaki du Euskal Herriko ezkertiar eta subiranisten indar metaketari jarraipena ematea, hurrengo hauteskundeetara Aralar, Eusko Alkartasuna eta ezker abertzalearekin batera koalizioa osatuta aurkeztuz. Gure herriak behar duen subjektu ezkertiar eraginkorra indartzeko tresnarik egokiena dela uste dugu, aurreko koalizioekin, Bildu eta Amaiur, egiaztatu dugunez. Horrexegatik, Alternatibak gogoz eta ausardiaz hartuko du parte bihar Donostian lehenengo aldiz plazaratuko dugun alderdi metaketan.

Euskal Herriko gizon-emakumeek PPk, PSEk eta PNVk ordezkatzen duten diskurtso bakarra baino askoz gehiago merezi dute, hiru alderdi hauek finantza botereen mesedetara daudela argi utzi baitute.  Une zailetan gaudela, heldu da garaia bizi ditugun krisi anitzei aurre egiteko era desberdinak daudela frogatzeko. Eskubide guztiak indartzeko unea heldu da, sistema publikoa defendatzeko, instituzioak demokratizatzeko, eta herritarrak erabaki guztien parte bilakatzeko. Gure ama lurra babestu beharra dugu eta gizartea eraldatu, onartuta demokrazia ez dela benetakoa izango emakume eta gizon guztiak eskubideetan berdinak izan arte, eta horretarako egiturazko desberdintasunak gaindituko dituen itun sozial berria behar dugu.

Gero eta eskubide gehiago urratzen dituzte herritarren zerbitzura egon beharko liratekeen horiek, pertsonen etxeak desjabetzea baimentzen dituztenak bankuak erreskatatzen dituzten bitartean, inolako kontrolik gabe eta diru-goseak gidatuta porrot egin duten arren. Egoerak okerrera egingo du, Espainiako Erresumako, EAEko eta Nafarroako gobernuen gaitasunik eza erakutsi dutelako, ez baitakite edota ez dira ausartzen pairatzen ari garen lapurretari aurre egiten. Horren aurrean, bada garaia gure herriak aurrera egin dezala; gehiengoa izateko antola gaitezen. Egoeraren araberako krisialdian murgilduta gaudela esaten digute, baina jakin badakigu krisi sistemikoa dela aurrean duguna, ezkerretik irtenbideak eta konponbideak daudela erakutsita. Eredu ekonomiko eta sozial berria eraikitzeko norabidean doazen konponbideak behar ditugu, ekonomia politikaren gainetik jarriko ez duen eredua, dirua pertsonen gainetik jarriko ez duena; laburbilduz, herritarren bizitza duina erdigunean jarriko duen sistema, kapitalaren hazkundearen gainetik.

Horregatik, Euskal Herrian, euskal herritarrengan eta ezker subiranistarengan konfiantza osoa dugulako, Alternatibatik urrats berria egiten dugu euskal ezker sendoa eta konfrontatzailea eraikitzeko bidean, herri eta pertsona gisa menpean izan nahi gaituztenei aski dela esateko. Hauteskunde hauetan, eta bizi dugun garaian, inolako ideiarik gabeko gobernuarekin, inoiz baino beharrezkoagoa da gure artean antolatu, koordinatu eta borrokatzea menpekotasun forma guztien aurka eta fronte guztietatik. Aspalditik diogu herri honetako indar ezkertiarrek bat eginda ez dutela gainditu ezinezko oztoporik. Boteretsuak gogaitu egiten ditugula jakitun gara, gure salaketa, erantzun eta proposamenek krisiarekin irabazten dituztenen traba direla, haien pribilejioetatik egunero milaka lagunen bizitzak nola hondatzen diren ikustearekin gozatzen duten horiek dira.

Babesten dugun koalizioa, subiranisten eta independentista ezkertiarren batasuna, testuinguru historikoan jaio da. Herri honetako ezkerrak abiatu duen aldebakarreko bideagatik da historikoa, erkidegoetako zein Madrilgo gobernuen geldotasunaren eta eskubide ukapenen gainetik; Sorturen legez kanporatzearen eta botoek ematen ez dieten zilegitasunaren bila zentsua manipulatu nahi dutenen gainetik.

Borrokarako prest dagoen ezkerra herritarren arazoei erantzuteko gai izan behar da, ezkerreko horizontea galdu gabe, gizarte sozialistaren helburua alegia. Grezian Syrizak bidea seinalatu duen bezala, Euskal Herrian koalizio honi dagokio herritarren grina eta gogoari erantzutea.

http://alternatiba.net/old-files/120609Asanblada02.jpg

http://alternatiba.net/old-files/120609Asanblada03.jpg

“Alternatibak lotuz: Otra manera de participar en política” hitzaldiaren bideo laburpena / video resumen de la charla

En las últimas semanas, Alternatiba ha organizado varias conferencias abiertas para dar a conocer su modo de organización y su apuesta por articular otras maneras de participar en política. El video-resumen corresponde a la charla organizada en Beasain (Gipuzkoa), en la que participaron el responsable de organización territorial de Gipuzkoa Xabi Soto, y el portavoz de Alternatiba Oskar Matute.

Asteotan, Alternatibak hainbat hitzaldi antolatu izan ditu, bere egituraren berri eman eta politikan parte hartzeko beste era bateko apustuaz mintzatzeko. Bideo honek Beasainen (Gipuzkoan) egindako hitzaldiaren laburpena eskaintzen du, lurralde hartako antolaketa arduradun Xabi Soto eta Oskar Matute Alternatibako bozeramailea aritu ziren hizlari.

Subjektu politiko berri bat agenda politikoa iraultzeko

Hego Euskal Herriko agenda politikoa «iraultzea» helburu duen «subjektu politiko berri bat» osatzeko konpromisoa hartu dute ezker abertzaleak, Aralarrek, EAk eta Alternatibak. Orain arte, Bildu eta Amaiurren bitartez, ezkerreko indar subiranista eta independentistek egindako elkarlanari segida emango diote, beraz, lau indar politiko horiek.

«Luzera begirako akordioa» egin dute ezker abertzaleak, EAk, Alternatibak eta Aralarrek; akordioaren hamalau orrialdeetan markatutako puntuetan «elkarrekin eta lehentasunez» lan egingo dutela diote, baina alderdi bakoitzak bere helburuei eta nortasunari eutsiko die. Hurrengo urteetan garatzeko ekintza politikorako akordioari izaera sozial handia ematen dioten hamar esparru finkatu dituzte, halaber.

Sustatzaileek azaldu dutenez, hiru erronkari aurre egin beharko die subjektu politiko berriak: Euskal Herriaren ukazioari eta Espainiako eta Frantziako blokeoari; krisialdi ekonomiko sistemikoari eta esparru estatutario-konstituzionalaren agorpenari. «Egoera horren aurrean, ezkerreko eremu subiranistak abian jarri behar du pertsona eta herri guztien eskubideen defentsan oinarritutako agenda politiko bat», azaldu dute.

Elkarlan horren oinarriak aurkezteko, akordioaren sinatzaileek ekitaldi bat egin zuten atzo arratsaldean Donostian, Miramar jauregian. Lau alderdietako ordezkaritza zabal bat izan zen han; besteak beste, Rufi Etxeberria ezker abertzaleko kidea, Patxi Zabaleta Aralarreko koordinatzaile nagusia, Pello Urizar EAko idazkari nagusia eta Oskar Matute Alternatibako bozeramailea. Guztien izenean mintzatu ziren Maribi Ugarteburu ezker abertzaleko kidea eta Maiorga Ramirez Nafarroako EAko lehendakaria.

Lau eragileek eta ABk apirilaren 28an Irunen sinatutako estrategia nazionalerako konpromisoaren segida da akordio berria, Hego Euskal Herrira begira egindakoa. Iparraldekoa, udazkenean aurkeztuko dute, ABrekin batera. Finean, iazko urtarrilean ezker abertzaleak, EAk eta Alternatibak sinatutako Euskal Herria Ezkerretik akordioaren garapena da akordio berria. Hiru indar politiko horiez gain, Aralarrek eta ABk bat egin dute oraingoan.

Pluraltasunaren aitortza

Atzo aurkeztutako akordioaren ardatza Hego Euskal Herri osoa da, baina sinatzaileek nabarmendu dutenez, akordioa garatzeko orduan kontuan hartuko dituzte «Hego Euskal Herriko esparru administratibo-politikoetako errealitate eta abiadura guztiak», «Nafarroari dagokion berezko nortasun politikoa» aitortuta.

Euskal Herriaren subiranotasunaren defentsan elkarlanean jarduteko konpromisoa hartu dute sinatzaileek, baina ezkerreko ikuspegi markatu batekin. Akordioak dioenez, «egungo eredu sozioekonomikoa sakon iraultzeko» helburua dute sinatzaileek, eta, nabarmendu dutenez, euren helburua da eskuinari «alor guztietan» aurre egitea. «Aldaketa sozioekonomikoa ezinezkoa da demokratizazio politiko sakonik gabe eta euskal instituzio burujaberik gabe», nabarmendu dute.

Era berean, soilik bide politikoak erabiliz jardungo dutela diote sinatzaileek, eta bortxazko estrategia eta jarduera oro baztertzen dutela. Azpimarratu dute euren lana «jarduera instituzionalaren bidez zein desobedientzia zibila erabiliz» eramango dutela aurrera.

Jardun politikorako konpromisoak

Lau indar politikoek sinatu duten akordio estrategikoak esku hartze politikorako hamar esparru finkatzen ditu, ondorengo urteetan garatzeko. Hona hemen lan esparru horiek eta zehaztutako neurri batzuk, labur:

Euskal Herriaren autodeterminazioa. Euskal Herriaren nazio izaeraren aitortza eta erabakitzeko eskubidea lortzeko proposamenak sustatu.

Bake prozesua eta konponbide demokratikoa. Bide orriak izango dira Gernikako Akordioa eta Aieteko Bake Konferentziako adierazpena. Estatuek gainontzeko indarkeria adierazpen guztiak desagerrarazi behar dituzte. Gatazkaren konponbidea ekarriko duen elkarrizketa politikoa ere ezinbestekoa da. Konponbide integrala, elkarrizketa politikoaren bidez lortuko da. Euskal gizartea da bake eta normalizazio prozesuaren bermatzailea eta subjektu bakarra.

Demokrazia zuzena, parte hartzailea eta herri boterea. Demokrazia zuzena eta parte hartzailea sustatzeko neurriak landuko dituzte, besteak beste, erreferendumak, herri kontsultak, herri batzarrak eta auzolana.

Eredu ekonomiko bidezkoa eta ekologikoa. Euskal Herriko ehun produktiboan eta sektore estrategikoetan inbertitu. Sektore estrategikoen kontrol publikoa zein soziala indartu. Politika fiskal eta sozial aurrerakoia bultzatu, aberastasunaren banaketa eta sarreren eta gastuen oreka lortzeko. Osasun sistema publikoa eta unibertsala. Kalitatezko zaintza zerbitzu publikoak. Lan harremanetarako euskal esparrua lortu eta babes soziala bermatu. Lan eskubideen babesa, besteak beste, behin-behinekotasunaren aurkako neurriak sustatuz, gutxieneko soldata handituz… Elikagai subiranotasuna indartzeko politika aktiboak bultzatu, baserritarren ekonomia indartuz, saltzaileen arteko harremanak bermatuz eta eskualdeetako zirkuituak areagotuz. Ekonomia ekologizatu, iturri berriztagarriei lehentasuna emanez eta energia sistema publiko bat garatuz. Ekonomia soziala eta solidarioa babestu. Diru publikoaren kudeaketa gardena eta optimizatua.

Euskalduntzea. Ofizialtasuna eskuratzea zazpi herrialdeentzat, eta normalizazioa lortzeko estrategia zehaztea.

Feminismoa. Feminismo eraldatzailearen aldarrikapenekin bat egitea. Emakumeen bortxakeriaren aurkako borroka indartu.

Hezkuntza. Kalitatezko hezkuntza publikoa, 0 urtetik unibertsitateraino. Euskal curriculumean oinarritutako berezko hezkuntza sistema bat garatzea.

Gazteria. Aldaketa politiko eta sozialaren motorra dira gazteak. Gazteriak duen salbuespen egoera aldatzeko neurriak sustatu.

Internazionalismoa. Europako mugimenduko politikoekiko harremanak indartu. Sare globalean esku hartu eta hitzarmenak garatu. Elkartasuna bereziki indartu estaturik gabeko nazioekin.

Arrazakeria eta xenofobiaren aurka. Herritartasun unibertsalaren kontzeptu inklusiboaren defentsa aktiboa.

Testua: Berria

http://alternatiba.net/old-files/EZKERREKO SUBIRANISTEN KONPROMISOA.pdf

Ingurumenarekiko konpromisoak

Oier Espilla – Alternatibako Mahai Ekologista

Ekainaren 5ean ingurumenaren nazioarteko eguna ospatu dugu. Ingurumenak beste gai garrantzitsuekin zer du komunean? Urtean egun bat aukeratzen dela bere arazo eta soluzioak are gehiago gizarteratzeko, eta oso zaila egiten zaigula iritzi artikulu bat idazten dugunontzat urte osoan konponbide bila dihardutenen lana plazaratzea.

Behin eta berriz entzun dugu adituen ahotik ingurumenak gure inguruko arlo askotan duela isla. Egunero agertzen dira hamaika erabaki non gure erabaki xumeak nolabaiteko eragina izango duten, gure ingurumenean eta guk osatzen dugun gizartean; eta gure ingurumena entzuten dugunean gure herri eta hiriek ere horren parte dira, gure kale eta zaratek ere ekosistema partikular bat garatzen baitute.

Ingurumena ere gizakion krisiaren biktima da, finantza sistemak baino lehenago pairatu behar izan zituen sistemaren ankerkeriak. Gizateriaren berekoitasunak munduko makina bat baso ustiatu ditu eta orain baso horiek arnasestuka dabiltza, jatorri fosileko energi iturrien agorpenaz eztabaidatzen den unean, oraindik ere alderdi eta sektore batzuk horren apustu egiten dute, nahiz eta itxura aldetik apaindu duten modernitatearen izenean (fracking-a dugu horren eredu), gure bizimoduaren erritmo aldaketaren planteamendua oraindik errotik aztertu gabe, zaborren kudeaketaren aurrean hausnarketa eta eztabaida kaleratu da zorionez, guk gure eginkizunekin dauzkagun betebeharrak herritarroi ezarriz, eta inoiz ahaztu gabe produktu baten zikloa ahalik eta luzeena eta itxiena  egin behar dugula. 

Ingurumena ez da izaki arrotz bat. Munduko lehen maizterra da, eta lehen esan bezala, zuzenean jasan ditu gaur egun indarrean dagoen sistema kapitalistaren ondorioak. Adibidez josi genezake artikulu hau, baina aipatzekotan egun hauetan pil-pilean dagoen gai bat aterako dugu nabarmentzera: uraren pribatizazioa. Madrilgo autonomi erkidegoan izen abizenak ditu gaitz honek. Canal de Isabel II. Madrileko metropolian uraren ziklo osoaz arduratzen den entitate publikoa dugu berau; publikoa orain dela gutxira arte behintzat. Ez gaituzte harritzen han agintzen ari direnen asmoek. Ura bezain funtsezkoa den beste arlo bat ere pribatizatzen hasi ziren (osasuna hain justu), ospitale pribatuak areagotuz, norberaren osasuna ere norberak duenaren menpe jarrita, zure baliabideen arabera eginez zure etorkizunik gertuena. Honen harira doa, hain justu, uraren pribatizazioa. Ura osasuna baita. Eta bere pribatizazioak aurrera eginez gero, kudeatzaile urri eta interesatu batzuen esku egongo da, espekulazioari atea irekiz eta guztiaren gainetik irabaziak izango dituen entitateen esku. Eta holako kasuen eragina ikusi izan dugu Hegoamerika hegoaldeko hainbat estatuetan. Baina beti existitu da kapitalismoaren aurrean alternatiba. 2010etik dator Canal de Isabel II.a pribatizatzearen ideia, eta geroztik herri mugimenduek gogoz erakutsi dute euren oposizio garbia.

Ikusten dugun moduan, interes pribatuen eskutik datorrenari aurka egiteko prest dago jendea. Beraz, etsipenak ez gaitzala geldiarazi. Madrilen antzera, munduan zehar barreiatuz ingurumenaren eta osasunaren defentsan ugari dira herriak. Aipagarria da herri eta komunitate indigenen borroka. Enpresa eta askotan gobernu indartsuei egin behar izan diete aurre. Lurrarekin, ingurumenarekin, lotura zuzena agertu dute urte luzeetan, “lehen” munduko biztanleoi erakutsiz nola posible den ekoizpena-lurra orekarekiko errespetuaren konbinazioa, eta haratago joanez, interes kolektiboei dagokionez autogestioa izan dute ardatz, kooperatibismoaren oinarriak eurek ezarri dizkigute. Merkatuek amesten duten hitz magikoa, efizientzia, eurek lortu dute euren antolaketaren bitartez. Monolaborantzatik alde eginez, produkzio mugatua eta naturaren (eta ez merkatuaren) erritmoei jarraituz (sasoian sasoiko produktuak, lur mota bakoitzari norbera egokituz eta ez alderantziz, komunean jarri bakoitzaren soberakinak eta merkatu justu bat eraiki). Azkenean, holako kasuak ikusiz, gure buruari herri zibilizatua nor den galdetzea ez gaitu harritzen. Bien bitartean, gure momentuko bizitza ikusita, gauzak hobetzearren bidera genitzake indarrak, garraio publikoa bultzatuz (bide gorriak herri-hirietan, eskualdeetan autobusa bultzatuz kotxearen papera alboratuz), sasoiko produktu ekologikoak janez, urari eta zaborrei ahalik eta ziklo zarratuena burutuz, kontsumoa murriztuz beti ere.

Azken finean, ez gaude betirako mundu finitu honetan, utz diezaiegun gure ondorengoei, behintzat, tekleatzen dugun momentu berean aurki ditzakegun baliabide natural guztiak. Gure konpromisoa baita.

Alternatibak dio EPPKren adierazpena herritarrek ospatu baina gobernuek ukatzen duten garai politiko berria berrestera datorrela

Alternatibako bozeramaile Oskar Matutek EPPKren larunbateko adierazpena izan du gaur hizpide, “Euskal Herriak garai politiko berria bizi duela berrestera datorrela” ziurtatuta. Euskal presoen kolektiboak esandakoak “borroka armatuaren amaiera baieztatzen” duela uste du alderdi ezkertiarrak, “euskal gizarteak aspaldi ezagutzen eta ospatzen duena baina Madrilgo, Gasteizko zein Iruñeko gobernuek behin eta berriz ukatzen dutena”. Matutek “bideragarria” deritzo bake justua eta iraunkorra lortzeari, “herri gisa aurretik ditugun eztabaida eta erronkei aurre egiteko ezinbesteko pausuak ematea guztion lana den arren”.

Alternatibatik azpimarratu dutenez, borroka armatuaren amaieraren egiaztapenak “apurtu egiten du ETAren asmoen gaineko informazio faltsu eta interesatu oro, hainbat erakunde eta elkartetatik behin eta berriz tematu arren; egunotan kasu, presoei indarkeriatik aldendu eta biktimen mina aitortzeko exijitu dietenean, haien adierazpenak horixe bera egiten duela apropos ahaztuta”. Matutek berretsi duenez, “bakearen eta konponbide demokratikoen garaia da orain zabaltzen ari dena, Euskal Herriak duela urte asko espero zuena, eta alderdikeriengatik zein hauteskundeetan pentsatzen ari direnen kapritxoengatik atzeratu ezin daitekeena”.

Konponbideak lortzeko, Alternatibako bozeramailearen esanetan, “pertsona guztien eskubideak eta askatasunak berrezarri beharko dira, hauek kartzelan zein libre egonda ere. Horrexegatik, EPPK-k eginiko urrats berria txalotu egiten dugu, eta Espainiako zein Frantziako gobernuei sakabanaketarekin eta Parot doktrinaren amaitzeko eta eritasun larriak edo sendaezinak dituzten presoen askatasuna exijitzen diegu”. Eskaerok, gaineratu du, “Euskal Herriak espero eta behar dituen pausoak dira, Euskal Herriaren normalizazio politikorako eta askatasunerako bidean, non batzuek iraunarazi nahi duten gatazkaren ondorioz presorik izango ez den”.

2012ko Ekaina

Hitzaldi irekia ekainaren 13an Donostian: Gizarte zibila bakea eta normalizazio politikoruntz

Alternatibak hitzaldi irekia antolatu du datorren asteazkenean, ekainak 13, Donostiako Koldo Mitxelena Kulturunean, 19:00etatik aurrera, bakegintzaz eta normalizazio politikoaren inguruan. Paul Rios (Lokarri) eta Sabino Ormazabal (Argituz) arituko dira hizlari “Gizarte zibila bakearen eta normalizazio politikoaren bidean” izeneko ekitaldian. Garai politiko berria eraikitzeko bidean iragan urtean emandako pausoen ostean, Alternatibak, oraindik ere, funtsezkoa deritzo aurretik ditugun oztopoak gainditu eta gatazka gainditzeko ahaleginak bilduko dituen agendan lan egiteari herritarren protagonismoa nagusi izango duen prozesuan. Horren harira dator hitzaldi hau antolatzea.

http://alternatiba.net/DonostiaHitzaldiaRiosOrmazabal

Greziaren duintasuna bestelako Europarako

Ekainaren 17an hauteskunde orokorrak izango dira Grezian. Prozesua bereziki garrantzitsua izango da Europarentzat, baina baita Europako ezker osoarentzat ere. Izan ere, finantzen merkatuaren eztandaz geroztik, mugimendu sozialen eta alderdi politikoen erresistentziaren zein erantzun sendoez gain, honakoa aukera ezin hobea izango da Merkelen estrategia ultraliberalari, NDFari eta haiek sortutako proiektu europarrari zuzenean aurre egiteko. Ezkertiar guztiok itxaropenez ikusten dugu Grezia, eta bereziki hauteskundeak irabaz ditzakeen Syriza ezkerreko koalizioa, batez ere EBren xantaiaren aurka agertu delako.

http://alternatiba.net/idazlanak/1745/greziaren-duintasuna-bestelako-europarako

Euskal Herriak behar duen ezkertiar eta subiranisten indar metaketa

Beste behin ere, hemen elkartutako lau alderdiok, Euskal Herriak behar duen ezkertiar eta subiranisten indar metaketari erantzutera goaz. Garai zailak ditugu aurrean, baina porrotera eraman gaituztenen diskurtso bakarrari aurre egin behar diogu, finantza botereen mesedetara daudenei. Alternatibak, Aralarrek, Eusko Alkartasunak eta ezker abertzaleak herritarren gehiengo zabal baten babesa izan duen koalizioa berretsiko dute hurrengo hauteskundeei begira, lauron arteko elkarlanari jarraipena emateko.

http://alternatiba.net/idazlanak/1741/amaia-agirresarobe-bada-garaia-eredu-ekonomiko-eta-sozial-berrirako-bidean-urratsak-e

Alternatibaren Asanblada nazionalak aho batez erabaki du hurrengo bozetara koalizioan joatea

Alternatibaren Asanblada nazionalak bilera egin du Gasteizen, eta aho batez erabaki du Euskal Herriko ezkertiar eta subiranisten indar metaketari jarraipena ematea, hurrengo hauteskundeetara Aralar, Eusko Alkartasuna eta ezker abertzalearekin batera koalizioa osatuta aurkeztuz. Gure herriak behar duen subjektu ezkertiar eraginkorra indartzeko tresnarik egokiena dela uste dugu, aurreko koalizioekin, Bildu eta Amaiur, egiaztatu dugunez. Horrexegatik, Alternatibak gogoz eta ausardiaz hartuko du parte bihar Donostian lehenengo aldiz plazaratuko dugun alderdi metaketan.

http://alternatiba.net/idazlanak/1740/alternatibaren-asanblada-nazionalak-aho-batez-erabaki-du-hurrengo-bozetara-aralar-ea-

EPPKren adierazpena herritarrek ospatu baina gobernuek ukatzen duten garai politiko berria berrestera dator

Alternatibatik azpimarratu dutenez, borroka armatuaren amaieraren egiaztapenak “apurtu egiten du ETAren asmoen gaineko informazio faltsu eta interesatu oro, hainbat erakunde eta elkartetatik behin eta berriz tematu arren; egunotan kasu, presoei indarkeriatik aldendu eta biktimen mina aitortzeko exijitu dietenean, haien adierazpenak horixe bera egiten duela apropos ahaztuta”. Matutek berretsi duenez, “bakearen eta konponbide demokratikoen garaia da orain zabaltzen ari dena, Euskal Herriak duela urte asko espero zuena, eta alderdikeriengatik zein hauteskundeetan pentsatzen ari direnen kapritxoengatik atzeratu ezin daitekeena”.

http://alternatiba.net/idazlanak/1729/alternatibak-dio-eppkren-adierazpena-herritarrek-ospatu-baina-gobernuek-ukatzen-duten

Voices of transition, dokumental parte-hartzailearen trailerra

Voices of transition (Trantsizioaren ahotsak) Nils Aguilarrek zuzendatuko dokumentala da, ekoizpenaren ondorengo fasean dagoena. "Trantsizio agroekologikoa" da jorratzen duena. Nola antolatuko gara aldaketa klimatikoak eta petrolioaren krisiak dakartzaten erronkei gure hiri eta larreetatik aurre egiteko? Dokumentala amaitzeko laguntzarik eman nahi? Helbide honetan, www.milpafilms.org , DVDaren aurre erosketa edota produktore bilakatzeko jairraibideak eskaintzen dira.

http://alternatiba.net/idazlanak/1746/trailer-del-documental-voces-de-la-transici%C3%B3n-agroecol%C3%B3gica-voices-transition-dokumen

X