Etiketa: Berria

Matute: «Zamaketarien duintasunarekin amaitzea dute helburu»

Asteburuan Pasaiako kaleetan izan gara, zamaketarien borroka babesteko, beren lanpostuen defentsan eta lan eskubideen alde. Alternatiba zein EH Bilduko ordezkaritza izan da bertan, besteak beste, Oskar Matute, Josu Juaristi eta Julen Mendoza izan dira martxan. Datorren astelehenean, hain zuzen, zamaketarien sektorearen egoera aztergai izango dugu Alternatibaren Bilboko egoitzan, gure kide Matuterekin eta Alain Olagorta Bilbo Estibako zamaketari eta langile batzordeko kidearekin. Pasaiako martxan PNVk asteon Madrilen PPren alde eta zamaketarien eskubideen aurka bozkatu dutela gogorarazi dute, jeltzaleen traizioa salatuta.

Gogorarazten dugu martxoaren 20an, astelehena, zamaketarien sektorearen inguruko hitzaldi irekia antolatu dugula gure Bilboko egoitzan (Casilla plaza 6), Matute berarekin eta Alaian Olagorta Bilbo Estibako Langile Batzordeko kidearekin.

https://scontent-mad1-1.xx.fbcdn.net/v/t31.0-8/17311339_1648299858520657_2510957083554210793_o.jpg?oh=17882a14b8b9338843be51eeca5b29f3&oe=5956AB8A

https://scontent-mad1-1.xx.fbcdn.net/v/t31.0-8/17358662_1648300658520577_5455258876459352502_o.jpg?oh=c5bb2971835e740809a3ba09440f361f&oe=596AA1EC

https://scontent-mad1-1.xx.fbcdn.net/v/t31.0-8/17388783_1648299375187372_2287562063915772250_o.jpg?oh=d64a92cf0a8b987bee22fcdcba68ae34&oe=59264B90

https://scontent-mad1-1.xx.fbcdn.net/v/t31.0-8/17390587_1648299745187335_832671295632054187_o.jpg?oh=614a07a7dd4968e44e1b229ba708783e&oe=5964E7B8

https://scontent-mad1-1.xx.fbcdn.net/v/t31.0-8/17310114_1648301125187197_180281620788169915_o.jpg?oh=40a9efb0870411a075fc8ff2bb3eae71&oe=59632FC8

https://scontent-mad1-1.xx.fbcdn.net/v/t31.0-8/17349921_1648299775187332_5224315508865780849_o.jpg?oh=c479d5220a0b01433d5bf8cf7bc76bbd&oe=596B9C12

https://scontent-mad1-1.xx.fbcdn.net/v/t31.0-8/17350042_1648300685187241_5628949275214916051_o.jpg?oh=8c6e9ba9921554cc9a4dbabf89ad14f3&oe=5972F607

https://scontent-mad1-1.xx.fbcdn.net/v/t31.0-8/17310265_1648300725187237_1962813471986780513_o.jpg?oh=a0432b522d28c436c42e104849f99b68&oe=5954EC04

https://scontent-mad1-1.xx.fbcdn.net/v/t31.0-8/17390619_1648301381853838_6972193120376738364_o.jpg?oh=bdc853f57babcdb1fd3958ab2e23bb2f&oe=5968B1C5

https://scontent-mad1-1.xx.fbcdn.net/v/t31.0-8/17240422_1648301431853833_3982435463528208595_o.jpg?oh=75437e6b26566018efb746b677746bda&oe=596364C5

https://scontent-mad1-1.xx.fbcdn.net/v/t31.0-8/17359289_1648301441853832_1971746869947635216_o.jpg?oh=6ad5d232d4e8a0aa985dca2dfa3c2077&oe=59653E86

https://scontent-mad1-1.xx.fbcdn.net/v/t31.0-8/17358696_1648299425187367_4588751077417835972_o.jpg?oh=507e161e3fcc4ef1ca32186909e9bbcb&oe=595C7CEB

https://scontent-mad1-1.xx.fbcdn.net/v/t31.0-8/17358703_1648300258520617_8352565222179760028_o.jpg?oh=a8eb16f8839326b9967e676644f6984d&oe=595659F2

https://scontent-mad1-1.xx.fbcdn.net/v/t31.0-8/17388783_1648300265187283_299299339331617080_o.jpg?oh=af0ce958d7b46dfc7d7ae7f0d79cf6b9&oe=5962E8C9

https://scontent-mad1-1.xx.fbcdn.net/v/t31.0-8/17358814_1648300421853934_1702953619941177589_o.jpg?oh=4725371b688d8bedde015fb254b41cf7&oe=5969D825

https://scontent-mad1-1.xx.fbcdn.net/v/t31.0-8/17388908_1648299521854024_3974075421842368069_o.jpg?oh=5c096985e6a96a9eab60ab3d3ccfdad5&oe=595F5756

https://scontent-mad1-1.xx.fbcdn.net/v/t31.0-8/17359026_1648300435187266_1213162948748421550_o.jpg?oh=cd48fc9594d9de14aed760aff9814e27&oe=59575860

https://scontent-mad1-1.xx.fbcdn.net/v/t31.0-8/17240453_1648301911853785_7484245090071049170_o.jpg?oh=4f827ef29778d672b9b5c0a6e66b8ae9&oe=5925D2A8

https://scontent-mad1-1.xx.fbcdn.net/v/t31.0-8/17349851_1648299341854042_1949037271828098944_o.jpg?oh=2e5e21171f07b406aff90c73656b72bc&oe=5963D5F2

https://scontent-mad1-1.xx.fbcdn.net/v/t31.0-8/17359436_1648301888520454_1160746624724221602_o.jpg?oh=7525f6c7553f1d9ef8da544bc0ad0b1e&oe=5958A2B9

http://alternatiba.net/old-files/170320CharlaEstibadoresREDES(Bilbo).jpg

Berriak

Feminismoa edo basakeria: Indarkeria matxistak hizpide “El nunca me pego” dokumentalaren proiekzioa eta Irantzu Varelaren hitzaldia

Faktoria Lilaren “Él nunca me pegó” dokumentalaren proiekzio ziklo berria antolatu du Alternatibak hurrengo martxoaren 16an, 23an eta 30ean Irunen, Amurrion eta Eibarren, hurrenez hurren, eta emanaldiaren ostean, hizlari lanetan arituko da berriro filmaren zuzendari eta militante feminista Irantzu Varela. Jardunaldi hauen bitartez emakumeen, eta hortaz munduko populazioaren erdiaren kontra adierazpide eta intentsitate desberdinetan ematen den indarkeria pairatzen dutenen errealitatea irudikatu eta salatu nahi dugu.

Irantzu Varela, kazetaria eta berdintasunean, feminismoan, maitasun erromantikoan, lidergoan eta komunikazioan formatzailea, ospea eta oihartzuna lortu ditu Youtubeko gaurkotasunezko eta gogoeta politikorako La Tuerka programaren barnean astero igortzen duen El Tornillo izeneko saio feministari esker. “Él nunca me pegó” filmak, ordu erdi eskasean, haien gizon-bikotearen eskutik jasotako indarkeria ez fisikoa pairatu duten hainbat emakumeen testigantzak jasotzen ditu. Indarkeria bere forma anitzetan identifikatzeko zailtasunak agerian uzten dituen lekukotasunak dira, baina baita ere hauei aurre egiteko eta jabekuntzarako giltza ere ematen dutenak. 

Irungo emanaldia, Antolatu du eta Kabigorri Atenenoan (Peña kalea, 1) egingo da. Amurriokoa aldiz, Kultur Alternatibak antolatu du eta herriko Antzokian (Elexondo kalea, 26) egingo da. Azkenengo proiekzioa, Eibarreko Portalean (Bista Eder, 10) egingo da. Hiru emanaldiak 19:00etan hasiko dira, doakoak eta sarrera askekoak izango dira aretoa bete arte.

Berriak

Alternatibak zaintza sektorearen egoera aztertuko du Ermuan Bizkaiko erresidentzietako greba hizpide

Hurrengo martxoaren 15ean, asteazkena, 18:45etatik aurrera Alternatibak hitzaldi irekia antolatu du Ermuko Lobiano kultur etxean (Goienkale 10) zaintza lanaren, ikusezintasun egoera iraunkorrean eta feminizatua dagoen sektorea, egoera larria aztertzeko. Bizkaiko nagusientzako erresidentzia eta eguneko zentroetako langileen greba da gaia berriro ere mahai gainean jarri duena, dagoeneko ehun egunetik gora lanuzteetan eta borrokan aritu direla.

Lan gatazkatik harago doan grebaren atzean dagoen guztia azpimarratu nahian, “Lan ikusezina borrokan, erresidentziak borrokan” lemapean, solasaldiak hiru ikuspegi desberdinetatik jorratuko du gaia: Greban dauden erresidentzietako langileak eta beren lan baldintzak; erabiltzaileen egoera eta duintasuna eta, azkenik, administrazioen papera publikoa izan beharko lukeen zerbitzuaren, zaintzaren kalitatearen eta, horretarako, hauek eskaintzen dituzten langileen duintasunaren gainean.

Mirea Arginzoniz EH Bilduko Ermuko zinegotziak aurkeztu eta bideratuko du hitzaldia. Edukietan sartuta, lehen ikuspegia eskaintzeko erresidentzietako langile bat ariko dira, Nekane Olalde Abeletxe egoitzan aritzen dena. Zer nolako baldintzetan dauden eta beren aldarrikapenak zeintzuk diren azalduko du. Bigarrenik, Babestu erabiltzaileen senideen kolektiboko kide Josu Pereak hartuko du hitza.

Azkenik, Ander Rodriguez Gipuzkoako Foru Aldundiko Politika Sozialeko diputatu ohi eta Alternatibako kideak hitz egingo du. Azpikontratutako edo pribatizatutako sektore batean ere erakunde publikoek duten erantzukizuna izango du hizpide, langileen eskubideak babestu zein zerbitzuaren kalitatea bermatzeko. 2013an Gipuzkoako erresidentzietako langileen greba gertatu zenekoa gogora ekarriko du, Bilduren gobernuak langileen eskakizunak babestu zituelako, egun Bizkaiko gatazkan PNVren gobernuak egiten duenaren kontra, ardura oro baztertu egiten baitu.

Berriak

Alterkaria, Alternatibaren aldizkariaren 7. zenbakia

Alterkariaren 2017ko udaberriko alea, Alternatiba alderdi politikoaren azken albiste eta iritzi artikuluekin. Oraingoan, feminismoaren aldarria eraman dugu portadara gure elkarrizketatuak, Irantzu Varelak, dioenez ‘feminismoa egungo proposamenik eraldatzaileena baita’. Horregatik, iraultza honi leku nabarmena eman nahi izan diogu. Horrez gain, zamaketarien afera, mahai internazionalistaren berpiztea edo muturreko eskuinaren gorakada jorratu dugu, besteen artean. Deskargatu PDFn hemen edo eskatu ale bat ondorengo helbidera idatziz: prentsa(a bildua)alternatiba.net

Berriak

Matute: «Parlamentu honen gehiengoak ere esan du; beraz, mehatxu hau, Garoña, gure bizitzetatik ezabatu ezazue»

Kongresuak hiru puntu jasotzen dituen legez besteko proposamena onartu du gaur. Lehenak, zentral nuklearra berriz ez irekitzeko eskaria jasotzen du. Bigarrenik, segurtasun baldintzetan eta Segurtasun Nuklearreko Kontseiluaren begiradapean zentrala eraistea eskatzen dio Rajoyren gobernuari. Eta hirugarren puntuak kaltetutako eskualdearen berrindustrializaziorako plangintza alternatiboa martxan jartzeko eskaria jasotzen du.Testua hainbat talde parlamentariok adostu dute eta joan den otsailaren 22an industria batzordean onartutako berbera da.

Oskar Matute Alternatibako kide eta EH Bilduko diputatuak “gizartearen nahia” entzun eta betetzeko eskatu dio PPren gobernuari. “Euskal gizartearen gehiengoak esan dizu. Parlamentu honen gehiengoak ere gaur esan dizu, eta beraz mehatxu hau gure bizitzetatik ezabatu ezazue”, esan du diputatu subiranistak. Eta gehitu duenez, “zoritxarrik” ez izateko modurik onena “badaezpadako” neurriak hartzea da.

 

 

Albistea EITBn

Gauzak horrela, EH Bilduk egindako legez besteko proposamena onartu du Kongresuak. Oskar Matute EH Bilduko zinegotziak aurkeztutako proposamen horrek Fernando Marti Segurtasun Nuklearreko Kontseiluko presidentearen kargugabetzea aurreikusten zuen.

Dena dela, oposizioko alderdi guztien babesa izateko puntu hori alde batera uztea erabaki du EH Bilduk. Hala, beste talde parlamentarirekin batera adostu duen testuan industria batzordean onartutako eskari berdinak egin dituzte.

Matuteren esanetan, Endesak eta Ibredrolak ez dute zentral nuklear horren beharrik, eta etekinak pilatzeko interesa besterik ez dutelako ez dute Garoña itxi nahi.

Ildo horretatik, herritarren nahia entzun eta bete ditzan eskatu dio Matutek Espainiako Gobernuari. Halaber, Garoñako zentral nuklearraren etorkizunari buruz erabaki bat hartzeko orduan interes orokorra gailendu beharko litzatekeela azpimarratu du EH Bilduko diputatuak. Gauzak horrela, euskal gizartearen gehiengoak Garoña ixteko exijitu diola esan du.

Beste alde batetik, estortsioaren eta erailketaren aurrean neurri hori askoz hobea izango litzatekeela erantzun dio Guillermo Mariscal PPko diputatuak. Halaber, Garoñaren itxierak oposizioko talde guztiak PPren kontra batu egin izana deitoratu du.

EH Bildu

Berriak

‘Matxismoaren aurpegiak’ argazki erakusketa

MATXISMOAREN AURPEGIAK izenburupean, gure Gasteizko, Bilboko eta laster Donostiako egoitzan ikusgai izango den erakusketa da. Eremu politiko, enpresarial, erlijioso eta kazetaritzako lagun ospetsu desberdinek, medioen oihartzunaz baliatuta, haien adierazpen matxistekin emakumeen desberditasunezko egoera betikotzen eta larriagotzen dutela ikustarazteko eta salatzeko helburua du.

Berriak

Bilboko Udalak azpikontratatutako zerbitzuetan batez ere emakumea prekarietatearen biktima dela salatu dugu

EH Bilduko Aitziber Ibaibarriaga, Alba Fatuarte eta Izaskun Guarrotxena zinegotziek Udalak azpikontratatutako enpresetan dagoen prekarietatea salatu dute. Batez ere emakumeei eragiten dien prekarietate bat dela zehaztu dute.

Martxoak 8a hurbil dagoela gogoratu du Ibaibarriagak eta, Gobernuak inolako adierazpenik egin baino lehen, benetako egoera zein den deskribatu du.

“Administrazioak egin dituen murrizketa eta azpikontratazioek eragin latza daukate emakumeengan. Emakumeak dira, normalean, lanpostu prekario horietan aritzen direnak eta, nahiz eta instituzioek berdintasunaren alde egin behar, hori ez da gertatzen. Bilboko Udalean egoera, zoritxarrez, ez da desberdina. Udal gobernuaren planaren oinarrietariko bi berdintasuna eta enplegua dira. Hala ere, administrazio honek azpikontratatutako zerbitzuetan generoan oinarritutako desberdintasunak ematen dira. Ez da kasualitatea administrazio honetako azpikontrata prekarioenetako lanpostu gehienetan emakumeak egotea”, azpimarratu du Ibaibarriagak.

Egoera horren zenbait adibide jarri dituzte. Fatuartek gogoratu du egoera prekarioena etxeko-arreta zerbitzuan, garbitzaileen enpresetan eta 010 zerbitzuan ematen direla. “Etxeko-arreta zerbitzuan langileen %100a emakumezkoak dira eta desegonkortasuna nagusi da eta ez diete soldata igo 2014tik, nahiz eta enpresek haien prezioak %7a igo. 010 zerbitzuan ere denak emakumeak dira eta desengonkortasuna ere nagusi da hitzarmenak errespetatu gabe. Garbitzaileen %90a ere emakumezkoa da, lan zama itzela daukate eta urtarriletik hitzarmenik gabe daude”, zehaztu du Fatuartek.

Egoera zuzentzeko proposamena

Euskal Herria Bildu udal taldeak uste du konpromiso zehatzekin lan egiteko unea dela, instituzioak berdintasunaren alde daudela esateaz gain.

“Guk proposamen bat egin eta aurkeztuko dugu martxoko Udalbatzan. Arloen arteko batzordeak egin dezala urtero sektore feminizatuenen diagnostikoa. Horrela jakin ahal izango da zein den egoera erreala eta kontratazioetan baldintzak ezarri ahal izango dira egoera zuzentzeko.

Uste dugu beharrezkoa dela marko hori sortzea azpikontratekin lan egin eta haien jarraipena egiteko. Berdintasun arloaren gidaritzapean egin beharko litzateke lan gizon eta emakumeen soldatetan dauden desberdintasunekin bukatzeko. Marko horretan sindikatuen lana ezinbestekoa izango litzateke jarraipen egoki bat egiteko”, esan du Guarrotxenak.

Azkenik, EH Bilduko zinegotziek adierazi dute mugimendu feministak Bilbon antolaturiko ekimenekin bat egingo dutela.

EH Bildu Bilbo

Berriak

Bruselako Forum Feministan dira Alba Fatuarte eta Diana Urrea gure kideak

Europako Parlamentuko Ezkerreko taldeak, GUE/NGLek antolatuta, egunotan Forum Feminista izaten ari da Parlamentuak Bruselan duen egoitzan. Antolatu diren ekintza ezberdinetan parte hartzeko Euskal Herritik bertaratutako delegazioan Alternatibako kide Alba Fatuarte eta Diana Urrea ere bertan dira, EH Bilduko hainbat kiderekin batera, besteak beste, Oihana Etxebarrieta Gasteizko Legebiltzarreko kidea, Onintza Enbeita Madrilgo Kongresuko diputatu ohia, Ainhoa Beola Gipuzkoako Batzar Nagusietako batzarkidea.

Entzun Info 7 irratiak Fatuarteri grabatutako adierazpenak.

 

 

 

 

 

Berriak

Alternatibak zamaketarien egoera aztertzeko hitzaldiak egingo ditu Donostian eta Bilbon

Sektorea liberalizatzeko dekretua mahai gainean dagoela eta langileak mobilizazioak prestatzen ari direla, Alternatibak hitzaldi irekiak antolatu ditu Donostian eta Bilbon, Europako zein Espainiako araudi berriek Bilbo eta Pasaiako portuetan izango duten eraginaz aritzeko.

Zamaketarien sektorean 700 lagun inguru aritzen dira gaur egun gure portuetan (ia 500 Santurtziko kaian eta 200etik gertu Pasaian) eta eztabaida sozialaren erdigunean kokatu dituzte azken egunetan, pribilejiodunak ere direla esateraino. Hala, solasaldietako aztergaia izango da ere desberdintasunak nagusi diren sistema batean, non gehiengoak lan baldintza eta eskubide sozialetako asko galdu dituenean, eskubideei eutsi dietenen edo borrokatzen direnen kontra egiten den.

Lehenengo hitzaldia martxoaren 9an egingo da, Alternatibaren Donostiako egoitzan (Autonomia 16, behealdea) arratsaldeko 19:00etan. Bertan, Estiba Pasaiako langile batzordeko presidente Jose Angel Izquierdok hartuko du parte, Alternatibako bozeramaile eta EH Bilduko kongresuko diputatu Oskar Matuterekin batera. Azken hau Bilboko solasaldian ere egongo da, Bilbo Estibako Langile Batzordeko kide Alain Olagortarekin batera. Martxoaren 20an izango da, Alternatibaren Bilboko egoitzan, 19:00etatik aurrera.

Berriak

Feminismoa gerran #M8

Badira egoera edo une historiko jakin baten ondorioz sortzen diren sinboloak. Eta badira halabeharrez jaiotzen direnak. Gehienek, inguruan ditugun logika maskulino, kapitalista eta patriarkalari erantzuten diete. Baina badira izenik gabe sortzen diren ikurrak ere. Hedabideetako azaletan edo historia liburuetan ageri ez direnak. Borroka ikusezin baina nekaezinen ondorioz jaiotzen direnak.

Bada denbora Rosie the Riveter emakumeak lantegietan aritzeko gizonezkoek sortutako ikono izateari utzi zionetik, ordura arte etxeko lanetan eta zaintzan murgilduta baitzeuden, otzan eta menpeko. 2. Mundu Gerraren harira sortu eta bere jatorriaren gaineko ikuspegi desberdinak dauden arren, orain dela asko bilakatu zen Rosie, We can do it leloarekin batera, egun den ikur feminista. Patriarkatua gizateriaren zapalkuntza sistemarik zaharrena dela gogora ekartzen digun beste ikur bat baina, aldi berean, desberdintasun guztiei aurre egiteko proposamen eraldatzaileena dela agerian uzten duena.

Aldi berean, indarkeria matxista, bere aldaera desberdinetan eta munduko gizarte guztietan uneoro ematen dena, gogora ekartzen digu emakumeok, testuinguru honetan ere, gerra egoeran gaudela, Alterkaria honetan gure hainbat kidek berregin duten irudiaren garaian bezala. Gatazka krudela da, deklaratu gabekoa eta biktimak alde bakarrean dituena.

Soldaten arteko amildegia, zaintzarako kondena, ikusezintasunera zigortzea, gutxiestea, eremua publikoan dagokigun ordezkaritza ukatzea, indarkeria… Bakea, Jule Goikoetxeak dioenez, ez da bakarrik gizonezkoek haien artean hiltzea. Hori ezin baita izan gure bakea; era berean, ezin da gurea izan gizartearen erdia alde batera uzten duen oro. Horregatik, martxoaren 8 honetan, egunero bezala, jakin badakigu ahalduntzea bilatzen duten borroka guztiek gure eskutik joan beharko direla. Feminismoa edo basakeria.

La imagen puede contener: 5 personas

Berriak

Alternatiba | Ezkerra eraldatzearen erronka

X