Etiketa: Berria

EHBilduk Bardeetako ariketa militarrei buruzko azalpenak eskatu dizkio Espainiako defentsa ministroari

Alternatibako kide eta EHBilduren diputatu Madrilen Oskar Matutek Pedro Morenesen urgentziazko agerraldia eskatu du joan den irailean Bardeetan izan ziren eta azken egun hauetan ere izaten ari diren ariketa militarrei buruzko azalpenak eman ditzan.
 
Koalizio subiranistak ez ditu ahaztu joan den irailean Espainiako indar militarrek Bardeetako tiro eremuan egin zituzten ariketak. “Jakin dugunez, azken egun hauetan ere mugimenduak izan dira bertan. Azalpenak nahi ditugu”, esan du Oskar Matute diputatuak.

Ildo horretan, diputatu subiranistak Espainiako gobernuari eskatu dio “tiro eremua desegin dezala behin betiko. Horrela, Nafarroak lur eremu hori guztia berreskuratuko luke eta gizartearentzat hobea den erabilpena emango lioke. Onuragarria litzateke gizartearentzat”.

Matutek gogoratu duenez, “urte gehiegi igaro dira Parke Naturala eta Biosfera Erreserba militarren mesedera erabiltzen dutenetik. Nafarroako herritarren interesen aurka erabiltzen ari dira beraz. Eta hori onartezina da”.

Berriak

EHBilduk arrantzu ministroaren urgentziazko agerraldia eskatu du Frantziako estatuarekin adostutako akordioen berri eman dezan

Alternatibako kide eta EHBilduren diputatu Oskar Matutek, Isabel Garcia Tejerina ministroaren urgentziazko agerraldia eskatu du hegaluzearen kanpaina bukatutzat emateko Arrantzu Ministerioak hartu duen erabakia dela eta.

Diputatu subiranistaren arabera, Espainiako gobernuak “alde bakarrez” eta “azkarregi” hartu du erabakia. Bere esanetan, “Tejerina andreak ez du aldez aurretik sektorearekin hitz egin”. Matutek gogoratu duenez, arrantzaleek ez dute kanpaina honetan zegokien arrain kopurua harrapatu eta beraz, “1.200 tona hegaluze ehizatu gabe geratu dira Espainiako gobernuaren erabakiz”.

Bere esanetan, “erabaki honek zailtasun handiak eragiten dizkio euskal arrantzu sektoreari”. Are gehiago, Matutek esan duenez, “sektore honek dagozkion kupoak bete ditu, kupo horiekin ados izan ala ez”.

“Ministerioak ez du kontuan hartu euskal arrantzaleen iritzia eta esperientzia, eta are gutxiago itsasoarentzat horren kaltegarri ez diren arrantzu teknikak”, esan du.

Horregatik guztiagatik, EH Bilduk Espainiako Nekazaritza, Elikadura eta Ingurumen ministroaren urgentziazko agerraldia eskatu du gaur Diputatuen Kongresuan.

Berriak

Alternatibak Hassanna Alia ekintzaile sahararra zoriondu du azkenean errefuxiatu politiko izaera aitortu diotelako

Alternatibatik Hassanna Alia ekintzaile saharauia zoriondu nahi dugu gaurko garaipenaren handiarengatik, bost urteko borroka luzearen ostean, Espainiako Auzitegi Nazionalak aitortu dio azkenean asilo politikorako duen eskubidea. Izan ere. Izan ere, bere delitu bakarra beren eskubideen eta Saharako herriaren askatasunaren alde lan egitea izan da.

Gogoratu beharra dago Hasssanna Aaliak Marokoko Armadak bortizki desegin zuen Gdeim Izik erresistentzia kanpaldi baketsuan parte hartu zuen 2010ean, eta 2013an bizi osoko zigorra ezarri zion horregatik epaitegi militar batek. Nazioarteko erakundeek bidegabekeria hori salatu zuten, epaiketak bidezkotzat hartu ahal izateko bete beharreko gutxieneko baldintzak bete ez zituelako, akusazio faltsuak eta torturak tartean. Espainiar Gobernuak berak onartu du Aaliak modu baketsuan egin duela saharar herriaren eskubide demokratikoen alde, baina hala ere, orain arte ez du egin.

Hassannarekin bat gatoz esatean bere borroka gainerako preso eta errefuxiatu saharauiak libre izan arte. Gora Sahara askatuta!

Zerikusia duten sarrerak:

Solidaridad con Hassanna Aalia desde el Parlamento de Gasteiz

Llamamiento a la manifestación nacional para pedir el asilo político para Hassanna Aalia

Urrea: “Hassanna cumple todos los requisitos para obtener el estatuto de refugiado y si vuelve a Marruecos su vida estará en peligro”

Berriak

EAJk eta PSOEk ontzat eman dute Guggenheimeko hezitzaileen kaleratzea lan baldintza duinak eskatzeagatik

EAJk eta PSOEk ontzat eman dute gaurko Osoko Bilkuran Guggenheim-ek hezitzaileak kaleratzeko hartutako erabakia. Hau da, ontzat eman dute 18 langile kaleratzea eta 6 lanpostu deuseztatzea. Aipatutako hiru alderdiek argi utzi dute Udalbatzarrean langileen kontrako euren jarrera EH Bilduk, Udalberrik eta Goazenek batera gai honen inguruan aurkeztutako mozioaren aurrean. Hona hemen Alba Fatuarte Alternatibako kide eta koalizioaren Bilboko zinegotziaren hitzartzearen zati bat:

 

 

Hau izan da EAJk, PSOEk eta PPk atzera bota duten mozioa:

Bilboko Udaleko Udalbatzarrak Guggenheim Bilbao Museoko hezkuntza departamentuko zerbitzuak eskaintzeko beharrezkoak diren lanpostuak mantentzearen alde egiten du. Halaber, museoak langileak zuzenean kontratatuz gero, lanpoltsa publikoen bidez izatea eskatzen du, Museoko zuzendaritza organoetan parte hartzen duten Administrazioetan langileak kontratatzeko kontuan izaten diren irizpide eta berme berdinekin.

Bilboko Udalbatzarrak uko egiten dio Guggenhiem Bilbao Museoak hartutako erabakiari. Alegia, euren eskubideak defendatzen dituzten langileak langabe uztea, 18 lanpostu suntsitu nahi izatea eta kontrataziorako kontrol publikorik gabeko lanpoltsa bat erabiltzea, orai arte zerbitzua eman duten pertsonei itxia dagoena eta lan-kategoria ezberdin baten hautaketa prozesu batetik sortua.

Helburu horrekin, Udalbatzarrak Alkateari eskatzen dio Guggenheim Museoko dagozkion organoetan ondorengoa defendatzea:

  • Orain arte Manpower enpresak eskaini dituen hezkuntza zerbitzu guztiak bere horretan mantentzea.
  • Museoak langileak zuzenean kontratatzea erabakiz gero, egun Museoko Hezkuntza Departamentuan zerbitzuak eskaintzen dituzten langile guztien subrogazioa ziurtatzea, gutxienez egun betetzen duten lanaldiak mantenduz eta langileek egindako eskakizunak kontuan izanez, bisitak prestatzeko behar dituzten orduak lan deboratzat aitortuz.
  • Zerbitzu hauek eskaintzeko, kontratazio berri bat lizitatzea aukeratuz gero, egungo lanpostu guztiak mantentzea eta plantillak eskatutako hobekuntzak bermatuko dituen baldintzen plegu baten bitartez izatea.
  • Lan-poltsak lan kategorien arabera osatzea, publizitate, berdintasun, meritu eta gaitasun printzipioen araberakoak, Bilboko Udalean, bizkaiko Foru Aldunndian edota Eusko Jaurlaritzako lan poltsak osatzen diren bezalako gardentasun publikoan oinarritutako berme eta prozedura beretsuekin, eta hiru instituzietako teknikariek parte hartuko duten hautaketa epaimahai baten bidez.

Kontratatzerakoan, kategoria horretarako zehazki osatuak ez diren lan poltsak ez erabiltzea.

EH Bildu Bilbo

Berriak

Matute: “Ez da koherentea Mariano Rajoyk Kolonbiako Bake Akordioa ospatzera joatea”

Koalizio subiranistak Espainiako Gobernuko presidenteari zuzendutako gutun bat erregistratu du Diputatuen Kongresuan. Gutunean, Oskar Matute Alternatibako kide eta EH Bilduko diputatuak, Marian Beitialarrangoitiaren batera, irailaren 26an Kolonbiako Bake Akordioa sinatzeko ekitaldira ez joateko eskatzen diote Mariano Rajoyri.

EH Bilduren ustez, Mariano Rajoyren gobernuak Euskal Herriko prozesu politikoaren nahiz Saharako gatazkaren aurrean daukan jarrera “ez da koherentea Kolonbiako Bake Akordioa ospatzearekin”. Horregatik, eta “kontuan izanik mota guztietako ad intra nahiz ad extra gatazkak kudeatzeko eta konpontzeko erakutsi duen ezgaitasuna eta Kolonbiako bake prozesuari dagokionez bere gobernuak ez duela inolako ekarpenik egin eta prozesu horretatik ez duela ezertxo ere ikasi”, koalizio subiranistak uste du “zentzuzkoena” dela Mariano Rajoyren gobernua ez joatea Kolonbiara irailaren 26an, “ez duelako inolako ekarpenik egin eta beraren aldetik ez delako ezer espero”.

EH Bildu

Berriak

Zein da atzerritarren parte-hartze politikoa? elkarrizketa Diana Urreari Info7n

Atzerritik etorririko euskal herritarren partehartze politikoaz eta boto eskubideaz solasaldia Alternatibako kide eta EH Bilduko Bizkaiko zerrendakide Diana Urrearekin. Gero eta nabariagoak dira atzerritik etorririko herritaren bozka  bilatzen duten hauteskunde kanpaina adierazpen eta estrategiak. Baina ezer gutxi dakigu atzerritik etorritako euskal herritarren boto eskubidearen inguruan. Entzun Info7n.

Berriak

I25eko hauteskundeen inguruko eztabaida Euskadi Irratian: Gizarte gaiak, Ander Rodriguezekin

Alternatiba eta EH Bilduko kide Ander Rodriguez, PSEko Eneko Andueza, PPko Laura Garro eta Elkarrekin Posemoseko Lander Martinez Euskadi Irratiko hauteskunde eztabaidan. Irailaren 25eko hauteskundeen inguruan egindako  eztabaidan, gizarte gaiei buruzko proposamenak aztergai izan dituzte.

 

Berriak

Matute “Argi geratu da paradisu fiskalak ez direla arazo Munduko Bankuarentzat”

Alternatibaren kide eta Madrilen EHBilduren diputatu, Oskar Matutek, Munduko Bankuaren “izaera espoliatzailea” salatu eta “paradisu fiskaletan enpresak izateagatik zergak saihestea ere ustelkeria mota bat dela” esan du.

Diputatu subiranistak gogor kritikatu du Soria auzia, “ez Espainiako estatua ordezkatzear zegoelako Munduko Bankuan, auzi honek banketxe horren eta Alderdi Popularraren benetako izaera erakusten duelako baizik”.

Bere ustez, “Munduko Bankuaren helburua ez da garapen bidean dauden herrialdeei laguntza ematea ez eta pobreziari aurre egitea. Alderantziz. Munduko Bankuak helbururik badu, hori herrialde horiei guztiei lapurreta egitea da”.

Oskar Matutek PPren hipokresia ere salatu du. Bere esanetan, “birsorkuntza demokratikoaren alde ari dela esan eta esan ari den bitartean inongo lotsarik gabe ate birakarien politika sustatzen du paradisu fiskaletan enpresak izanik zergak saihestu dituen ministro ohi bat Munduko Bankuko zuzendari nagusiaren kargurako proposatuz”.

Ekonomia ministroaren agerraldia dela eta, Matutek ukatu egin du Jose Manuel Soriaren izendapenak irizpide politikoei erantzuten ez zienik. “Ez al zegoen paradisu fiskaletan enpresarik ez zuen hautagairik?”, galdetu du. Are gehiago, EHBilduko diputatuak adierazi duenez, “paradisu fiskaletan enpresak izateagatik zergak saihestea ustelkeria mota bat ere bada”.

Bere aburuz, auzi honek agerian utzi du elite politiko eta ekonomiko batzuen benetako jarduera. “Beti herritarren bizkarretik eta enpresa eta finantza erakunde handien mesedera”, esan du.

ehbildu

Berriak

Alternatiba | Ezkerra eraldatzearen erronka

X