Alternatibak Jaizkibel konpainia babesteko deia egin du bihar Hondarribiko alardean
Alternatibako Mahai Feministako bozeramaile Begoña Vesgak Eusko Jaurlaritzak Gipuzkoako zein Euskal Herriko gainerako herritarrei dei egin die gaurkoan, “urteak eta urteak, Irunen zein Hondarribian, emakumeen bazterketarik gabeko jai herrikoi eta demokratikoen alde lanean aritu diren pertsona guztiei babesa adierazten jarrai dezatela”, Hondarribian bereziki, bihar alardea ospatuko baitute bertan, non Jaizkibel konpainia inolako bazterketarik gabeko parte-hartzea ahalbidetzen duen bakarra izango den, berriro ere.
Alternatibatik salatu egin dute konpainia honek asteon pairatu behar izan dituen oztopoak, Eusko Jaurlaritzako Herrizaingo Sailak entseguak eskatu bezala egitea galarazi baitzion, ordena publikoa mantentzeko aitzakiarekin “iazko alardean Jaizkibelen ohiko ibilbidea debekatzeko erabilitako aitzakia faltsua, hain zuzen ere”. Horregatik. Vesgak galdegin du biharkoan “erabat errespeta dadila konpainia honek festan parte hartzeko duen eskubidea”, are gehiago, kontuan izanik “benetan parekidea den eta alardean parte hartu nahi duten guztientzat zabalik dagoen konpainia bakarra dela”. Gogorarazi du, halaber, erakunde publiko guztien eginkizuna dela pertsona guztien eskubideak babestea; hartara, udaletatik hasita Jaurlaritzaraino, guztiek ekidin behar dute emakumeen aurkako bazterketa.
Vesgak, azkenik, alarde mistoetatik egiten duten eskaerekin bat egin du, “ahalik eta etorkizunik gertuenean alarde bakarra egotea baita aldarrikatzen dena, parekidea eta parte hartu nahi duten pertsona guztiei zabalik egongo dena”. Hori dela eta, Vesga bera izango da bihar Hondarribian Alternatibako hainbat kiderekin batera Jaizkibel konpainia babesteko.
Instituzioen egoera ekonomikoaren inguruko polemika artifiziala eta inolako oinarri errealik gabekoari eusten ari zaizkio egunotan PSE eta EAJ. Zalantzarik gabe, hauteskunde izaera daukan ika-mika baten aurrean gaude, erabat mediatikoa. Gainera, eztabaida antzua da, zenbait instituziok bizi duten egoera ekonomiko larriaz hitz egiteko asmorik ez dutelako azaltzen. Izan ere, oinarri-oinarrian dagoen arazoa da EAJk, PSEk eta PPk instituzioak kudeatzeko duten eredua.
Curro Cuberos, SAT Andaluziako Langileen Sindikatuko Alcala de Guadairako militanteak Alternatibak antolatutako hitzaldian parte hartu zuen joan den abuztuaren 24an, Bilboko Aste Nagusian eta Zaratas konpartsaren laguntzari esker, haien txosnaren megafonia laga baitziguten. Hitzaldi guztiz irekia izan zen, Cuberosek sindikatuaren inguruko aurkezpena egin zuen, haren ibilbidea zein helburuen berri emanda. Horren ostean, hainbat lagunen galdera eta hausnarketei erantzun zien ordubetez. Hemen izan genuela, AlternaTBn elkarrizketatzeko aukera baliatu dugu. Besteak beste, SATeko borrokaz, Mercadonan eginikoaren moduko ekintza arrakastatsuen inguruan edota Hego Euskal Herrian irailaren 26rako deitutako greba orokorrerako deialdiaz galdetu diogu. (Gazteleraz baino ez dago)
