Etiketa: Berria

“Argiaren prezioa manipulatzeagatik zigortutako Iberdrolak Bilbotar Ospetsua izaten jarraituko du”

Alternatibako kide eta Euskal Herria Bildu koalizioko zinegotzi Alba Fatuarteren hitzartzea Bilboko azken udalbatzan zeinetan Iberdrolari bilbotar ospetsuaren titulua kentzeko eskatu duen, konpainiak energiaren prezioarekin iruzurra egin duela ezagutu ostean.

Lehiakortasunerako Batzordeak 25 milioi euroko isuna ezarri zion abenduan Iberdrola multinazionalari argiaren prezioa manipulatzeagatik. Batzorde horren arabera, Iberdrolak eskaintza murriztu zuen 2013. urteko gabonetan prezioak gora egin zezan. Jarrera hori multinazionalari Bilboko Udalak 2011n emandako Bilbotar Ospetsua titulua eta aipamena bertan behera uzteko nahikoa dela uste du EH Bilduk eta gaurko Osoko Bilkuran titulua bertan behera gelditzea eskatu dugu. EAJ, PSOE eta PP batu dira garestiago izateko argiaren prezioa manipulatzeagatik zigortutako Iberdrolari Bilbotar Ospetsua titulua ez kentzeko. Argigarria oso.

https://pbs.twimg.com/media/CZy-vxVW0AAV8rk.jpg

Abenduan prentsak jakinarazi duenez, lehiakortasunerako Batzordeak 25 milioi euroko isuna ezarri dio Iberdrola multinazionalari, argiaren prezioa manipulatzeagatik. Batzorde horren arabera, Iberdrolak argiaren eskaintza murriztu zuen 2013. urteko gabonetan prezioak gora egin zezan.

Jarrera hori Udalak 2008an multinazionalari emandako Bilbotar Ospetsua titulua eta aipamena bertan behera uzteko nahikoa da. Aipamen hori bilbotarren izenaren, irudiaren eta interesen alde agerian jokatu duen pertsona eta erakundeei ematen zaie, eta herritarrek ordaindu beharreko argiaren prezioa manipulatzea ez da batere eredugarria.

https://pbs.twimg.com/media/CZzC8ZAW0AEpkLt.jpg

Gainera, ez da lehen aldia Iberdrola enpresaren jokabidea eztabaidagarria dela. 2009 eta 2010 urteetan, pizgarri fiskalen aitzakipean, ez zuen Sozietateen Gainerko Zergarik ordaindu.

Dagozkion zergak ez ordaintzea, herritarrok ordaindu beharreko fakturetan prezioak manipulatzea edota legearen aurka kontzienteki jardutea. Hori da Iberdrolak egiten duena eta jarrera hori nahikoa da Udalak 2008an multinazionalari emandako Bilbotar Ospetsuaren titulua eta aipamena bertan behera uzteko.

Ohoreei, Merezimenduei eta Zeremonialari buruzko Araudiak edozein pertsona fisiko zein juridikoren aparteko merezimenduak, ohiz kanpoko zerbitzuak eta meritu nabarmenak saritzea du helburu. Aipamen hori bilbotarren izenaren, irudiaren eta interesen alde agerian jokatu duen pertsona eta erakundeei ematen zaie, eta herritarrek ordaindu beharreko argiaren prezioa manipulatzea ez da batere eredugarria. Iberdolaren jarduera mafiosoak ez du merezi bilbotarron adeitasuna eta esker ona eta ez du bat egiten Udalak ematen dituen tituluen filosofiarekin. Horregatik eskatzen dugu lehenbailehen bilbotar Ospetsuaren titulua eta aipamena erretiratzea Iberdrolari.

EH Bildu Bilbo

Berriak

Prekarietateraen kontrako 800 kilometroko lasterketa, Bilbotik Bartzelonara

Dozenaka eragile sozial, sindikal eta politikoek (tartean Alternatiba eta EH Bildu) babesa eman diote gaur aurkeztutako Correscales 2016 ekimenari, otsailaren 18tik 22ra bitarte, korrika 800 kilometro egingo dituena Bilbotik Bartzelonaraino prekarietatea salatu eta elkartasuna zalabaltzeko asmoz.

Greba mugagabean dauden kolektiboentzako funts kooperatiboa, dokumentala eta 800 kilometroko lasterketa Bilbotik Bartzelonara. Correscalesek 150.000 euro bildu nahi ditu sare bitartez lortutako dohaintza txikien bidez, Espainiako estatuan inoiz egin izan den kanpainarik handiena, hain zuzen ere. (http://goteo.cc/correscales).

Beren ekarpena egin duten 360 gizarte mugimendu, sindikatu, talde eta ehunka lagun baino gehiago dira protagonistak. Elkartasunak gainezka egin digu: gaurdaino, Katalunian 40tik gora hitzaldi, aurkezpen eta bestelako babes jarduera egin izan dira; Euskal Herrian ere, dozena inguru antolatu dira. Orain, jasotako konfiantza funts komun bat martxan jartzea ahalbidetuko du prekarietatearen aurka borrokatzeko.

Duela hilabete batzuk Movistarreko milaka langilek abiatutako bidea da hau, muturreko zapalkuntzaren kontra altxatu ziren bi hilabete pasa luzatu zen greba indartsua eginez, gizartean isla nabarmena izan zuena. Gaurkoan, taldean berreskuratuko dugu borroka horren lekukoa; lehenik eta behin, greba horri aurre egiteko erabili ziren dozenaka milaka euroak itzulita eta, ondoren, hurrengorako oinarri ekonomikoa sortzen.

Guk ekin genion bide honi, baina inoiz ez genuen lortuko gure kabuz arituz gero. Orain, borrokarako, berotasunerako eta konplizitate sare bat ehuntzen jarraituko dugu ibilbidean zehar. Otsailaren 18an Bilbotik abiatuko gara, Iruñerako bidean, gau eta egunez jarraituko dugu korrika Aragoiko Goi Pirinioetatik, aurretik Donostia bezalako hiriak zeharkatuta. Tokian tokiko borrokak babesteko, Esako 8ekin elkartasuna agertuko dugu, dirua bilduko dugu Correscalesek igaroko dituen dozenaka herri eta hirietan, eta azaldu egingo dugu nola Movistarrek eta beste enpresa askok dozenaka milaka familien bizitzak izorratzen dituzten.

Gure bizitzarengatik korrika egingo dugu, Huesca, Lleida, Vilafranca, Reus, Tarragona, Sant Boi, Cornellà; Bartzelonaraino heldu arte otsailaren 22an, Mobile World Congress irekitzeko ekitaldian egoteko, teknologiarik aurreratuenak prekarietatearen eskailerak oinarri dituela gogorazteko.

Ondorengo estekan ibilbide zehatza eta 18tik 22ra arte egingo dugun Bilbo eta Bartzelonaren arteko ibilbidearen irteera eta helmuga ordutegiak topatuko dituzue.

https://scontent-mad1-1.xx.fbcdn.net/hphotos-xpf1/v/t1.0-9/12509118_1247702785247035_1787171580412328587_n.jpg?oh=e56d8a4ddfc7e2b0c00e75ee7e644b03&oe=5743D245

https://scontent-mad1-1.xx.fbcdn.net/hphotos-xpt1/t31.0-8/981095_1247703055247008_3046283047507365200_o.jpg

https://scontent-mad1-1.xx.fbcdn.net/hphotos-xpt1/t31.0-8/12633734_1247703011913679_9081394488917174619_o.jpg

https://scontent-mad1-1.xx.fbcdn.net/hphotos-xfa1/t31.0-8/12593970_1247702771913703_2282201583437341218_o.jpg

https://scontent-mad1-1.xx.fbcdn.net/hphotos-xat1/v/t1.0-9/12647306_1247702791913701_3881495606703634103_n.jpg?oh=8b83a23ca5babc79bfd596fe5e76dde6&oe=573F182A

https://scontent-mad1-1.xx.fbcdn.net/hphotos-xpt1/t31.0-8/12525611_1247703001913680_2245538909401118229_o.jpg

https://scontent-mad1-1.xx.fbcdn.net/hphotos-xfa1/t31.0-8/12622214_1247703245246989_5791845916664195450_o.jpg

http://4.bp.blogspot.com/-T8vDTHw9nUA/Vnpz5Dx6QFI/AAAAAAAABME/WWXKrHzBJnU/s1600/IMG-20151222-WA0011.jpg

Berriak

Elkartasuna Kurdistango emakumeei eta herriari, eta Emakumeen Mundu Martxak antolatutako protesta ekintzekin bat egiteko deia

2016ko urtarrilaren 8an, gobernu turkiarraren segurtasun indarrek eraildako hiru emakume aktibista kurduen hileta burutu zen. EH Herria Bilduk elkartasuna adierazten die emakume eta herri kurduari eta Emakumeen Mundu Martxak egiten duen salaketarekin bat egiten du.

Hilketa politiko hau salatzen dugu eta Turkiako enbaxaden aurrean datorren osteguna hilak 21 egingo diren protesta ekitaldietan parte hartzera deitzen du. EH Bildu, hiru emakume aktibista hauen hilketa salatzeko Emakumeen Mundu Martxak aurkeztu duen manifestura atxikitzen da.

EH Bilduk inpunitatearekin amaitzea, krimen hauen arduradunak epaitzea, eta aktibista politiko, giza eskubideen defendatzaile eta kazetarien erailketekin amaitzea eskatzen du. Toke militarra bertan behera utzi, indar militar eta paramilitarrak hiri kurduetatik atera eta su etena adierazi behar du bake elkarrizketak berreskuratuz.

EH Bilduk gehiegikeria, irain eta pertsonei emandako tratu txarra, bereziki emakumeei amaitzea exijitzen du. Guzti honegatik, Munduko Emakumeen Martxak plazaratuta manifestuarekin bat egiten du, enbaxaden aurrean egingo diren protestetara batuko da eta gaur bertan Turkiako enbaxadari eskutitza bidali diogu guzti hau eskatuz.

EHBildu

Berriak

Igor Meltxorrekin hitzaldia antolatu du Alternatibak EAJren kudeaketaren inguruan; txiringitoak, zigorgabetasuna eta harrokeria

Urtarrilaren 21ean, osteguna, Alternatibaren Bilboko egoitzan (Casilla plaza 6, behealdea), Igor Meltxor analista politikoarekin hitz egiteko aukera izango dugu, PNVren kudeatzeko balizko gaitasuna zalantzan jarriko duen solasaldian. “Gestión a la vasca: Chiringuitos, impunidad y soberbia” eta “Caso Bidegi: ¿A dónde ha ido a parar el dinero?” ikerketa liburuen egileak, hainbat datu jarriko ditu mahai gainean jeltzaleen benetako interesak azalerazteko, #PNVstyle deritzonaren frogak azken batean.

Berriak

Fatuarte: “Herritarren arazoak konpontzeko dirurik ez, baina Espainiako Itzuliaren antolatzaile eta hotel handiei ordaintzeko badago”

Alba Fatuarte, EH Bilduko zinegotzi eta Alternatibako kideak, Espainiako Itzuliagatik ordaintzea suposatuko duen xahubidea salatu du. “Ulertezina da udal gobernuak hartu duen erabakia. Orain dela egun gutxi bilbotarrek aurrekonturako egindako proposamen guztiak atzera bota zituzten. Bilboko 16 auzokide eta kultur arloko elkarteek egindako 20 proposamenentzat ez dago dirurik. Herritarren eguneroko arazoak konpontzeko dirurik ez, beraz. Espainiako Itzuliaren antolatzaile eta hotel handiei ordaintzeko, berriz, ez dago inolako arazorik”, salatu du Fatuartek.

EH Bildu Bilbok gogoratu du orain dela lau urte gertatutakoa. Orduan 197.000 euro gastatu zituen Udalak. “Diru publikoa xahutzen ari dira. Ekonomian omen duen eragina behin eta berriz aipatzen dute horrelako ekitaldiak babestek, bilbotarren beharrizanak ahazten dituzten bitartean”.

Hori dela eta, EH Bilduk Gobernuari galdetuko aurten zenbat diru bideratuko den Espainiako Itzulia babesteko. Horretaz gain, Udalak ekitaldi horretara bideratuko dituen baliabideak zehaztu beharko ditu. Esaterako, ekitaldi horretan lan egingo duten udaltzaingo kopurua, argiztapena edo kaleak atontzeko egingo diren lanen inguruan galdetuko du EH Bilduk.

EH Bildu Bilbo

Berriak

Presoen eskubideen aldeko Bilboko eta Baionako manifestazioetan parte hartzeko deia egiten dute EH Bilduk eta EH Baik

 
Presoen eskubideak aldarrikatzeko manifestazioa egingo da, hurrengo larunbatean, Bilbon eta Baionan, Sarek eta Bagoaz-ek deituta. EH Bilduk eta EH Baik bat egiten dugu manifestazio horien aldarriekin eta eskaerarekin, pertsona guztien eskubide guztiak  defendatzearen printzipioa gure egiten dugun heinean. Zentzu horretan, demokraziaren eta gizarte baten elkarbizitzaren oinarrizko irizpide horrekin bat egiten duten euskal herritar guztiak Bilboko eta Baionako kaleetara ateratzeko deia egiten dugu.
 
Lau urte joan dira Aieteko adierazpena onartu eta ETA erakundeak bere jarduera armatua behin betiko amaitutzat eman zuenetik, eta orduz geroztik, makina bat urrats eman dira Euskal Herrian bakea eta elkarbizitza eraikitzearen alde. Euskal herritarren gehiengo zabal batek modu batera edo bestera ere adierazi du bakean eta elkarbizitza demokratikoan sakontzeko eta aurrera egiteko desioa eta borondatea.
 
Hori horrela izan arren, Espainiako eta Frantziako estatuek beren blokeo egoerari eusten diote, ez dute inolako borondaterik erakusten bakean eta elkarbizitzan sakontzeko eta urratsak emateko; aitzitik, euskal gizartearen gehiengoaren desioa eta borondatea gauzatzeko oztopo nagusi bihurtu dira, eta esku artean dituzten tresna guztiak erabiltzen dituzte herri honen nahiak ez gauzatzeko.
 
Testuinguru horren baitan kokatu behar dugu Espainiako eta Frantziako estatuen espetxe politika. EH Bildutik eta EH Baitik ulertzen dugu bakean eta elkarbizitza demokratikoan sakondu nahi bada, ezinbestekoa dela herritar guztien eskubide guztiak errespetatzea, presoenak ere bai. Aldarrikapen hori, gainera, bat dator nazioarteko eragile ezberdinek adierazitako irizpideekin. Hau da, oinarrizko aldarrikapen demokratikoa da, demokraziaren oinarrizko irizpidea betetzeko eskaera da.
 
Demokraziaren oinarrizko printzipioa da dispertsio politikarekin amaitzea; une honetan 400 preso baino gehiagok pairatzen dute sakabanaketa politika, eta ondorioz, euren etxeetatik ehunka kilometrotara betetzen dute beren zigorra, horrek beren senitarteko eta hurbilekoei eragiten dien kalte fisiko, psikiko eta ekonomikoarekin. Eta gainera, 12 preso daude gaixotasun larriekin espetxeratuta.
 
Bere burua demokratikotzat duen estatu eta gizarte batean egoera hau onartezina da. Bakean, elkarbizitzan eta irizpide demokratikoetan sinesten duen edozein pertsonak ezin du onargarritzat eman horrelakorik gertatzea bere gizartean. Demokraziagatik, bakeagatik, elkarbizitzagatik eta pertsona guztien giza eskubideen errespetuagatik, hurrengo larunbatean Bilboko eta Baionako kaleetan izango gara EH Bildu eta EH Bai, eta printzipio horietan sinesten duten euskal herritar guztiei mobilizazioetan parte hartzeko deia egiten diegu.
 
Euskal Herrian, 2016ko urtarrilaren 5ean

http://alternatiba.net/old-files/ehbaiehbildu.jpg

Berriak

Alba Fatuarte: “Zezenketak dira animalien aurkako indarkeriaren adibiderik argienak”

Ricardo Barkala alkateordeak eta Vista Alegre zezen plazako arduradunak, azpiegitura hau errentagarria izateko erabilera berriak bilatu behar zaizkiola onartu du. Barkalak egindako adierazpenen harira, EH Bilduk beste behin ere mahaigaineratu nahi du zezen plazaren etorkizuneko erabilera herritarrek erabaki behar dutela.

Alba Fatuarte zinegotzi eta Alternatibako kidearen ustez, “zezen plazaren erabileraren inguruan eztabaida irekitzeko unea da, bilbotarrek erabaki dezaten zein erabilera ematen zaion. Batetik, argi geratu da zezenketek gero eta babes txikiagoa dutela bilbotarren artean, plaza askotan erdi hutsik ikusi dugu eta. Bestetik, EH Bildutik animalien kontrako indarkeria sustatzen duten ekitaldiak alde batera uztea eskatzen dugu, eta Bilbon zezenketak dira indarkeria horren adibiderik argienak.”

Hori dela eta, EH Bilduk bere proposamenari eusten dio: “espazio hori urteko egun guztietarako Aisialdirako Plaza bihurtu dadin. Hainbat erabilera izango dituen instalazio publiko bat izan beharko litzateke. Bilboko erdigunean herritarren aisialdirako instalazio aproposa izateko aukera paregabea dugu”, azpimarratu du Fatuartek.

Agerraldi eskaera

Azken urteetan Vista Alegre zezen plazako arduradunek zezenketek izan dituzten onura ekonomikoak  behin eta berriz aipatu dituzte. Hala ere, haiek ere onartzen dute plazaren errentagarritasuna ez dela behar bestekoa. Izan ere, Bilboko Udalak sarrera eta abonamenduen erosketarekin egiten duen zeharkako dirulaguntzarik gabe zezen-plazaren diruzaintza zenbaki gorritan egongo zen, eta errealitatea da Vista Alegre zezen plaza ”negozio hondatzailea” dela hiriarentzat.

EH Bilduk gogoratu du ez dagoela Vista Alegre zezen plazako Administrazio Batzarrean ordezkatuta ”EAJk eta PSEk ezarritako betoagatik”. Hori dela eta, EH Bilduk Ricardo Barkalaren premiazko agerraldia eskatu du.  Vista Alegre Zezen Plazaren azken Administrazio Kontseiluan jorratutako edukien inguruko azalpenak eman ditzan eta bertan aurkeztutako balantze ekonomikoaren xehetasunak Batzordean aurkeztu ditzan.

EH Bildu Bilbo

Berriak

Jostailu ez sexistak oparitzea eskatzeko, kanpaina

kartela parekidetasuna

Gabon garaia haurrei jostailu gehien oparitzen den garaia dela kontuan izanda, EH Bilduk kanpaina bat abiatu du udalerrietan, oparitzen diren jostailuak ez sexistak izateko. Hala nola, kartel sorta bat ikusgarri jarriko du helduak kontzientziatzeko helburuarekin.

Haurren hazkuntzan eta hezkuntzan, bitarteko naturala da jolasa. Jolasen bidez sozializatzen dute, ikasten dute taldean aritzen eta norbanako izaera osatzen joaten zaie. Jolasteko, ordea, jostailuak erabiltzen dira, eta hauek haurren nortasunaren garapenerako ezinbestekoak dira. Jostailuekin jolastuz, haurra norbere identitatea eraikitzen hastearekin batera, besteekiko pertzepzioa, harremantze modua eta jendarteratzea lantzen da. Horregatik da garrantzitsua oso, jolasaren hautaketa, jakinda haurraren interesa, kanpoko eraginak eta gure asmoak, kontuan izan behar ditugula.

Ez dago jolas onik edo txarrik, jolasaren erabilerak baitira onak edo txarrak, izatekotan. Era berean, ez dago neska edo mutikoentzat den jolasik, izatekotan, jolas jakinak neskei edo mutikoei eskaintzen baitizkiegu; eta kasu hauetan, generoei esleitutako rolak eta aurreiritziak indartzen ditugu.

Horregatik guztiagatik, EH Bilduk uste du haurrei jostailuak oparitzen dieten helduek erantzukizunez jokatu behar dutela, eta horretaz kontzientziatzeko, kanpaina jarriko du abian.

kartela neskamutilak elkarrekin

kartel generoa jolasak

Berriak

Diana Urrea: “Euskal gizarteak, lehen eta orain, sahararren borrokari erakutsi dion atxekimendua txalogarria da”

Diana Urrea Alternatibako kide eta EHBilduren Kongresurako Bizkaiko hautagaiak “euskal gizarteak, lehen eta orain, sahararren borrokari erakutsi dion atxekimendua txalotu du”.

Urreak, Fronte POLISARIOa bere XIV.garren kongresua egiten ari den Dakhlako errefuxiatu eremutik “euskal gizartearen jarrera” nabarmendu eta Mendebaldeko Sahararen aldeko Legebiltzarreko lan taldearen ekimena nabarmendu ditu.  

Hala ere, legebiltzarkide subiranistak herri sahararraren autodeterminazio borrokarekiko elkartasuna areagotzera deitu ditu euskal erakundeak.

Era berean, Urreak Espainiako gobernuak joan den urriko uholdeek errefuxiatu eremuetan sortutako larrialdi egoeraren aurrean erakutsitako jarrera salatu du.

Berriak

Alternatiba | Ezkerra eraldatzearen erronka

X