Etiketa: Berria

Alba Fatuarte: “Prekarietate egoeran daude zaintzan aritzen diren pertsonak”

Gure kide eta EH Bildu Bildoko zinegotzi Alba Fatuarteren hitzartzea azken udalbatzan, Veronica del Carmen langilearen heriotzaren harira, paperik izan gabe baldintza txarretan lan egiten zuen etxean hil baitzen eta, horregatik, Udal gobernuari Osalan erakundearen ikerketa eskatzeko proposamena eraman du koalizioak.

Veronica del Carmen, Nikaraguan jaiotako 28 urteko langile Bilbotarra bere lanpostuan (Derion) hil zen urriaren 13an. Pertsona nagusi bat zaintzen lan egiten zuen eta haren etxean hil zen. Baina egoera irregularrean zegoenez, gertakari hauek ez dira ikertu. Hori dela eta, EH Bilduk eskaera zehatza eraman du gaurko Osoko Bilkurara: Osalan-i beharrezko ikerketak egiteko eskatzea, eta beharrezkoa izanez gero, arlo judizialean neurriak hartzea ahalbidetzea. EAJ, PSOE eta PP batu dira proposamena atzera botatzeko.

Veronica del Carmen, Nikaraguan jaiotako 28 urteko langilea, azken 4 urteetan Bilbon bizi izan zen, urriaren 13an, Derion hil zen egunera arte. Pertsona nagusi bat zaintzen lan egiten zuen eta haren etxean hil zen. Baina egoera irregularrean zegoenez, gertakari hauek ez dira ikertu.

Kasuak izandako oihartzun ezak erakusten du zer nolako prekarietate egoeran dauden zaintzan aritzen diren pertsonak, hala nola, egun indarrean dagoen Atzerritarren Legeak dituen ondorioak. Lege horrek emakumeen eskubideak urratzen ditu. Veronicak bezala, euskal gizartearentzat ezinbestekoak diren zerbitzuak eskaintzen dituzten emakumeen eskubideak urratzen ditu lege horrek.

Veronica kontratu gabe ari zen lanean eta baldintzak oso gogorrak ziren: atsedenerako denbora ez zitzaion bermatzen, ezta ere medikuen zerbitzua jasotzeko eskubidea.

Beharrezkoa da langileen osasun eta segurtasun neurriak bermatzea eta horretarako, enpresen eta administrazioen konpromiso handiagoa behar da.

Etxeko langileen kolektiboaren lan baldintzek ez dituzte osasun fisikoa eta emozionala bermatzen. Beste pertsona batzuk zaintzen duena zaintzea ez da aurreikusten. Hori langile horiek duten babes ezaren ondorioa da.

EH Bildu Bilbo

Berriak

24 orduko baraualdia egingo dugu “Euskal Presoak Euskal Herrira, etxera” lelopean espetxe politika salatu eta presoekiko konpromisoa berrizteko

Alternatibako kide eta Euskal Herria Bilduko legebiltzarkide Oskar Matutek, Nekane Perez kaolizioko kidearekin batera, asteburua honetan presoen eskubideen alde egingo dugun baraualdiaren aurkezpena egin zuten atzo prentsa agerraldian.

2011an Euskal Herrian urte luzeetako gatazka konponbidearen agertokira eramateko ateak parez pare zabaldu ziren. Ordutik ona pausu esanguratsuak eman dira eremu ezberdinetatik konponbiderako prozesua aurrera ateratzeko eta gatazkaren ondorioak gainditzeko egia, justizia eta erreparazioaren printzipioak oinarritzat hartuta, sufrimendu ororen aitortza eta salbuespenik gabe biktima guztiak aintzat hartuta.

Denbora honetan gizartearen eragile politiko eta sozial anitzetatik, instituzio ezberdinetatik, nazioarteko eragile ekarpen garrantzitsuak heldu dira. Baina posizio eraikitzaile horien aurrean espainiar eta frantziar estatuak blokeo estrategian kokatu dira, eta horren islada nagusia presoekiko espetxe politika nabaria da.

Egun, izaera politikoa duen gatazkaren testuinguruan 400 euskal hiritar baino gehiagok jarraitzen dute preso sakabanaketaren politikaren baitan. Auzia ez da juridikoa, nahiz eta eremu judizialetatik bat egiten den Madrilgo gobernuak markatzen duen ildoarekin. Erabaki politikoa da presoekiko mendeku politika mantentzea, nahiz eta jakin horrekin batera presoei eta senitartekoei kalte eta sufrimendu handia eragiten zaien.

Bakea eta elkarbizitza helburu duen garai berri batean, legedia errealitate politiko berrira egokitu behar da, baina Estatuek salbuespeneko zigor, espetxe eta auzibide politika atzerakoian babestea erabaki dute. Horren ondorioz oinarrizko eskubideen urraketa eguneroko kontua bihurtu da.

Oinarrizko giza eskubideetaz ari gara, salbuespeneko zigor eta mendeku politika baten baitan urratzen diren pertsonen eskubideetaz. Nazioarteko epaitegiek ere zalantzan jarri dute politika hori eta erabaki garrantzitsuak hartu dituzte horren aurka. Ezin da onartu egoera mantentzea, ez da zilegia urraketa sistematiko eta konsziente honen aurrean aurpegia bueltatzea, edota eskubideen berma eskaintzea beste zeozeren truke, eskubideak merkantzia politiko bezala erabiliz.

Eskubide guztiak pertsona guztientzako. Oso gogoan ditugu giza eskubideen urraketak bizi izan dituztenak zein egun urraketa horiek bizi dituzten pertsonak, salbuespenik gabe. Lehentasunezko zeregina da modu integralean heltzea euskal gatazka politikoaren ondorioei. Eta presoen auziak lehentasunetariko bat izan behar du.

Euskal presoak Euskal Herrian egon behar dira, etxean, salbuespenik gabe. Gizartearen gehiengo zabal baten aldarrikapen argia da. Gatazka politikoaren konponbide integralerako ezinbestekoa zaigu preso dauden pertsonak gogoan izatea. Eurek, presoek, modu argi batean euren borondate osoa adierazi baitute Euskal Herrian irekita den ziklo politiko berriari ekarpena egiteko.

Guzti ha dela eta, datorren asteburuan EH Bildutik euskal presoen eskubideen defentsarekin gure konpromisoa berrizteko urrats berri bat egingo dugu. “Euskal Presoak Euskal Herrira, etxera” lelopean, Bilboko La Casillako polikiroldegian, larunbateko eguerditik aurrera, herri ezberdinetatik heldutako EH Bilduko dozenaka pertsonek 24 ordutako baraualdia egingo dugu  sakabanaketa eta presoekiko mendeku politika salatzeko.

Horrekin batera larunbatean arratsaldeko 18etan giza katea bat abiatuko da La Casillatik Areatzaraino, eta igandean, eguerdiko 12etan, ekitaldi politiko bat deituko dugu La Casillan bertan.

EH Bildu

Berriak

Atsekabea eta gaitzespena Frantziako estatua Sirian egiten ari den bonbardaketen aurrean

EH Bilduk irmo salatu nahi ditu Frantziako estatuko armada Sirian egiten ari den bonbardaketak; era berean, horrek guztiak populazio zibilean eragingo dituen ondorioen aurrean bere atsekabea azaldu nahi du. Sirian egindako eraso masiboak ez dira konponbidea, arazoa dira; izan ere, eraso horietan gatazkarekin ezelango zerikusirik ez duen populazio zibila hilko da. Eraso masibo horiek mina areagotzea eta gatazka gordintzea baino ez dute eragiten: Kobane, Beirut, Palestina eta munduko beste leku pairatzen ari direnak hainbat inperialismoren ondorioa dira. Guzti-guztiak salatzen ditugu salbuespenik gabe, eta herrien eta herritarren eskubideetan oinarritutako eskubideetan oinarritutako konponbide politikoak aldarrikatzen ditugu.

Mendebaldeko herrialde nagusiek aitortu dute talde ezberdinak finantzatu eta elikatu dituztela hainbat interesei jarraituta. EH Bildutik azpimarratu nahi dugu arazoa bere osotasunean ulertu behar dela: erantzukizunak argiak dira, Mendebaldean ere bai.

Ekintza eta jarrera bortitz horiek giza eskubideen urraketak eragiten ari dira Sirian eta inguruetan, herri horretako pertsonak beren etxeak eta herria uztera behartuta daudelako. EH Bildu drama hori bizitzen ari diren pertsonekin dago eta egon da. Josu Juaristi EH Bilduko europarlamentaria Errefuxiatuen Bidea egiten ari da Balkanetan, eta duela aste batzuk Jordaniako errefuxiatu zelai handiena bisitatu zuen. Ikusten ari dena kontatzen da: tratu txarrak, sufrimendu asko… Eta badirudi Europan ez inon ez dagoela inor prest horren gaineko erantzukizuna bere gain hartzeko. Beharrezkoa da errefuxiatuei laguntza humanitarioa eskaintzea eta gure herrietan jasotzea. Baina benetan beharrezkoa dena da pertsona horiek guztiak drama batekin aurkitzea beste drama batetik ihes egiten ari direnean.

EH Bilduren adierazpena Pariseko erasoen aurrean

Atzo Parisen gertatutako eraso latzen aurrean EH Bilduk adierazpen hau helarazi nahi dio gizarteari eta iritzi publikoari:

-Lehenik eta behin gure samina adierazi nahi diegu Pariseko erasoetan  hilik edo zauriturik izan diren herritarrei eta haien familiei. Horrekin batera gure babes eta elkartasun osoa adierazi nahi diegu Frantziako estatuko herritarrei une larri hauetan.

– Giza eskubideetan eta demokrazian oinarritutako gizarte ereduan sinesten du EH Bilduk, eta horren alde lan egiten du eta borrokatzen du egunero, Euskal Herrian eta mundu zabalean harremanak dituen herrialde guztietan. Mundu osoan gertatutako giza eskubideen eta oinarrizko printzipio demokratikoen aurkako eraso guztiak salatzen ditugu.

-Zentzu horretan, Parisen gertatutako erasoaren erantzuna giza eskubideetan eta oinarrizko irizpide demokratikoetan oinarritu behar dela aldarrikatzen dugu. Populazio zibilak modu bidegabean pairatu duen eraso ankerraren erantzuna ezin da inola izan neurri eta izaera berekoa. Eskubideen murrizketan oinarritutako salbuespen legeek demokrazia ahultzen dute eta ez dute inoren segurtasuna bermatzen.

– Parisen bizi den sufrimendua ez da mundu osoan bizi diren gatazketan bizi denarekiko ezberdina. Horregatik, aldarrikatzen jarraitzen dugu inork ez dezala indarkeria erabili errugabeen aurka, inork ez ditzala armak saldu bere etekinak handitzeko, eta inoren Nazioarteko politikak ez ditzala gatazka gehiago eragin. Herri eta pertsona guztien askatasunak baino ez du lortuko mundu osoan ditugun gatazka lazgarri guztiak gainditzea.

EH Bildu

Berriak

“Venezuela Aurrera” Iraultza Bolivartarrarekiko Euskal Elkartasun Plataformarekin bat egin dugu

Venezuelako parlamenturako hauteskundeak atarian izanik, abenduaren 6an, Venezuelako demokraziarekin elkartasunean eta desinformazio eta desegonkortze eta injerentzia kanpainaren etengabearen aurrean, 26 kolektibo, sindikatu eta alderdi politiko euskaldunek “Venezuela Aurrera” plataforma osatu dugu, Iraultza Bolivartarrarekiko Euskal Elkartasun Plataforma.

“Venezuela Aurrera”k bere lehen komunikatuan Venezuelako herriarena den prozesu demokratikoa mantentzeko ahaleginekin bat egin nahi du, eta martxan dagoen hauteskunde prozesu eta emaitzenganako errespetu zorrotza exijitzen du. Eskuineko oposizioak uko egin dio emango diren emaitzenganako errespetu konpromezua sinatzera, eta honek, lehenago gertatu den bezala, desegonkortze eta indarkeria eszenatoki batera eraman dezake Venezuelako herria.

Honako hauek dira Iraultza Bolivartarrarekiko Euskal Elkartasun Plataforma den “Venezuela Aurrera” osatzen duten eragileak: Alternatiba, Aralar, Arbol Euskal Herria, Askapena, Asodemuc, Bachue (Kolonbiako Errefuxiatuak Euskal Herrian), Cine de Base, “La Puebla” Zirkulu Bolivartarra, Ernai, Euskadi-Cuba elkartea, Ezker Anitza-Izquierda Unida, Gazte Komunistak, Gazte Komunisten Batasuna (GKB), Giltza, Ikasle Abertzaleak, Ikasle Ekintza, IPES-GITE, LAB, Komite Internazionalistak, Marcha Patriótica Euskal Herrian (Colombia), Bakea eta Duintasuna, PCE-EPK, Resumen Latinoamericano, Revista “Encuentros”, Sortu eta Emigrados sin Fronteras.

Venezuelako herrialdean garatutako Iraultza Bolivartarra geopolitikoki berebiziko garrantzia duen elementu bilakatu da eta arrazoi honek AEB zein EBren inperialismoaren jo puntu estrategiko bihurtu du bertako gobernu iraultzailea, gure plataformatik bi botere inperialista hauek Venezuelan garatzen saiatzen diren edozein esku sartzea salatuko dugu.

Bere etorkizuna berdintasunez eta justiziaz eraikitzeko bidezkoa den eskubidea  da Venezuelan jokoan dagoena, aski ezagunak diren errezeta neoliberalak baztertuz, Latinamerikako herriei hainbeste baztertze sozial eta desberdintasun ekonomikoa ekarri dieten errezetak hain zuzen ere.

Urteak dira herrialde hartan gertatzen ari den desegonkortze eta “kolpe leun” operazio sistematiko baten lekuko garela, eta operazio honen helburua Nicolas Maduroren gobernua indarraren bitartez kanporatzea baino ez da.

Nazioarteko Gerra mediatiko bizia saiakera golpistak legitimatzen saiatzen da, eta hedabideek aldakuntza prozesua babesten duen gehiengo sozialari ezikusia egiten dioten bitartean, gizartearen gutxiengo bat “Venezuelako herria” bezala aurkezten dute. Eta noski, gehiengo sozialak bultzatuko gobernuaren lorpenak ez dituzte ezta aipatzen, esateko baterako petrolio errentaren inbertsio sozialari esker 15 urteko epean pobrezia erdira murriztea lortu dutela.

“Kolpe leuna”k oso bizia den gerra ekonomiko, politiko eta informatiboa dakar barne, kanpora begira “kaos ekonomiko” eta “errepresio” mezuak zabaltzeko helburuarekin.

Gure euskal lurretatik Venezuelako herri borrokalariarekin, bere mugimendu herrikoiekin eta demokratikoki hautatutako gobernuarekin elkartasun aktibo eta etengabekoaz aurrera egiteko deialdia luzatzen dugu.

Berriak

A.Miguel: “Egungo egoerak ez dauka inongo zentzurik. Gasteizko Mendietatik garbi heltzen diren urak zikinekin nahasten ditugu ostean garbitzeko”

Miguel: “Egitasmo honek ikuspegi ekonomiko zein ingurumenekoaren aldetik onurak ditu, hori dela eta, Udalbatza osoari eskatzen diogu Eusko Jaurlaritzari proiektuaren gauzapena eskatzeko”

EH Bildu Gasteizek Hegoaldeko errekak, Zapardiel eta Batan, bideratzeko egitasmoak dituen onurak azpimarratu ditu, bai ingurumen aldetik bai ikuspegi ekonomikotik. Hori dela eta, bihar ospatuko den udalbatzara eramango du gaia. Mozioan, EH Bilduk proposatzen die udal talde guztiei eskatzen die egitasmoa babesteko, gero Eusko Jaurlaritzari eskatzeko URAk hartutako konpromisoak bete ditzan.

“Proiektua ahalik eta azkarren gauzatzea Gasteizerako urgentzia bat da”, azaldu du Aitor Miguel Alternatibako kide eta EHBilduko zinegotziak. Zentzu honetan, erreka hauek kanalean sartu ordez urak biltzea planteatzen duen proiektuaren onurak azaldu ditu. “Egungo egoerak ez dauka inongo zentzurik. Gasteizko Mendietatik garbi heltzen diren urak zikinekin nahasten ditugu ostean garbitzeko. Horrela Crispijanak egin behar duen lana, eta ondorioz udalak duen gastua, igotzen da. Gainera, Crispijana askotan gainezka egiten du heltzen zaion ur kopuruagatik. “Gure kalkuluen arabera, urtean miloi bat euroko gastua dakar ur horiek hiriko ur zikinekin elkartzeak”, azaldu du Miguelek.

Bestalde, Aitor Miguelek gogorarazi ditu ur biltegiak eraikitzeko aurreikusten den zonaldean, hots, Lasarteko Legar-Hobietan, dauden interes espekulatiboak. “Proiektua gauzatzeak Hegoaldetik hazteko dauden interesak eta mamu espekulatzaileak behin betiko uxatuko ditu”, ondorioztatu du Miguelek eta gogorarazi du Kutxabank dela lurzoru horien jabe nagusia.

Hori dela eta, EH Bildu Gasteizek bihar planteatuko du akordio proposamen bat hiru helburuekin; proiektu hau lehentasunezkoa dela azpimarratzea, Eusko Jaurlaritzari eskatzea 2016an gauzatzeko eta Kutxabanki eskaera lurzoru honen inguruko negoziazioa errazteko.

EH Bildu Gasteiz

Berriak

Matute: “Herriari erabakitzeko ahalmena ematen dion legearen aurka egitea Estatuko inposizioaren eta ukazioaren frontearekin bat egitea da”

Legebiltzarreko Mahaiak tramitera onartu zuen atzo Arabako, Bizkaiko eta Gipuzkoako Herritarrak Ahalduntzeko Lege Proposamena. Tramite hutsa baino izan behar ez zen erabaki bati eduki politiko handia eman zioten, ordea, PSEk eta PPk. Euren ordezkariek EH Bilduren ekimena tramitera onartzearen aurka bozkatu zuten, ekimenaren eztabaida bera ere galarazten saiatu ziren eta, beste behin ere, “agerian utzi zuten beren jarrera erabat antidemokratikoa dela”, Oskar Matute Alternatibako kide eta EH Bilduko bozeramaileak salatu duenez. Izan ere, “bere burua benetan demokratatzat daukana ezin daiteke jendeari galdetzearen aurka agertu eta, beraz, ez luke arazorik izan beharko gure proposamenarekin bat egiteko. Herritarrei beren etorkizun politiko eta soziala erabakitzeko ahalmena emango dien legearen aurka egitean, PSE eta PP herri honen eta herritarren oinarrizko eskubideen aurka jarri dira beste behin”.

EH Bilduko bozeramailearen esanetan, “espainiar Estatuko indar nagusiak, Katalunian bezala, Euskal Herrian ere ukazioaren eta inposizioaren eskemetan kokatzen dira; ez dute onartu nahi herri honek eta gizarte hau osatzen duten herritarrek erabakitzeko eskubidea dutela eta etorkizuna erabaki egingo dutela, inposizio guztien gainetik”.

Herritarrak Ahalduntzeko Lege Proposamena “gure herrian demokrazian sakontzeko tresna” dela azpimarratu ostean, Matutek ohartarazi du PP eta PSEren erantzunak agerian utzi duela “espainiar Estatuaren aldetik inposizioa eta ukazioa bakarrik espero dezakegula, Katalunian ere erakusten ari diren moduan”. Hori dela eta, “herri honek bere bide propioa egin behar du, eta bide horretan kokatzen dugu gure lege proposamena, Estatutik datorren ukazioaren, inposizioaren eta mehatxuen aurrean, gure erantzuna demokrazia gehiago delako”. Hortaz, erantsi du, “herriari erabakitzeko ahalmena ematen dion legearen aurka egitea Estatuan osatzen ari diren inposizioaren eta ukazioaren frontearekin bat egitea da”.

EH Bildu

La Mesa del Parlamento admitió ayer a trámite la Proposición de Ley para el Empoderamiento de la Ciudadanía de Araba, Bizkaia y Gipuzkoa, pero lo que debía haber sido una decisión de mero trámite adquirió un importante significado político debido al voto de PP y PSE en contra de tramitar la iniciativa de EH Bildu, en contra no ya de su contenido, sino incluso de que pueda ser debatida. Tal y como Oskar Matute ha denunciado hoy, “PP y PSE evidenciaron una vez más su carácter antidemocrático, ya que ningún demócrata de verdad puede decir no a consultar a la gente; solo quien manifiesta alergia a los parámetros democráticos puede oponerse a una propuesta que busca dar la palabra y la decisión a la ciudadanía. PSE y PP reniegan de la democracia, de que la gente pueda ser consultada sobre los temas que le afectan en su vida cotidiana. Están dispuestos a vulnerar lo que es un derecho fundamental de la población, el derecho a ser consultados, el derecho a opinar”.

A juicio del portavoz de EH Bildu, el voto de PSE y PP en contra de la tramitación de la Proposición de Ley para el Empoderamiento de la Ciudadanía es “una muestra más de que los partidos unionistas, igual que en Catalunya, también en Euskal Herria se mueven en términos de imposición y negación. Ya no es que nieguen nuestro derecho a decidir nuestro futuro, es que llegan al extremo de negar nuestro derecho a opinar. Si fuera por ellos, negarían a este Parlamento hasta el derecho a debatir”.

Tras subrayar que la Ley de Empoderamiento que propone EH Bildu “pretende ser una herramienta para profundizar en la democracia”, Matute constata que la respuesta de PSE y PP prueba que “del Estado español solo podemos esperar imposición y negación, como ya están demostrando en Catalunya”. Ante esa evidencia, “este pueblo tiene que hacer su propio camino, y es ahí donde situamos nuestra proposición de ley, porque ante la negación, la imposición y las amenazas del Estado nuestra respuesta debe ser más democracia”.

Por eso, advierte Matute, “rechazar una ley que otorga al pueblo la capacidad de decidir significa sumarse al frente de la negación que se está formando en el Estado ante Catalunya; todos y todas las que reivindicamos el derecho a decidir de la sociedad vasca tenemos que tener claro que ese camino no pasa por Madrid, que ese camino es imposible de la mano del PP o del PSOE, y tenemos que ser capaces de actuar en consecuencia”.

– See more at: http://ehbildu.eus/es/instituciones/parlamento-vasco/8126-al-oponerse-a-tramitar-la-ley-de-empoderamiento-el-pse-y-el-pp-demuestran-que-del-estado-espanol-solo-se-puede-esperar-imposicion#sthash.FHSD0cpO.dpuf

Berriak

Espainiako konstituzioaren aurkako manifestazioa abenduaren 6rako deitu du EH Bilduk Bilbon

Sabino Cuadra eta Maria Sierrak, azken honek gazte mugimenduaren izenean, datorren abenduaren seian Bilboko kaleak betetzera deitu dituzte herritarrak. “Espainiako konstituzioa inposatu egin digute, eta horretaz gain, konstituzio tranposoa da, zinikoa eta hipokrita”, esan dute.

Cuadrak adierazi duenez, “honek ez du gehiagorako ematen, ez Euskal Herrian, ezta Katalunian ere”. Horregatik gizarte, kultura, sindikalgintza, ekonomia eta politika arloko eragile guztiei dei egin diete “Madrilera begiratzeari utzi eta gure herrira begiratu dezaten”. Bere esanetan, “arima eta gihar indartsuak ditugu askatasunean, demokrazian eta justizia sozialean oinarrituriko etorkizuna eraikitzeko”.

Sabino Cuadrak eta Maria Sierrak adierazi dutenez, “txikira jokatzeari utzi eta handira jokatzen hasteko garaia da, alegia, erabakitze eskubide exijitu eta praktikan jartzeko garaia da”.

Ildo horretan, Cuadrak esan du abenduaren 6an kalera irtengo garela “ez soilik herrien espetxea den konsituzio horri ezetz esatera, askatasuna eta burjabetza aldarrikatzera baizik”. “Gaurtik aurrera, gure bideari ekin, independentziara eta Euskal Errepublikara eramango gaituen bide horri ekin behar diogu”.

Manifestazioa eguerdian abiatuko Moiua plazatik Arriagara.

EH Bildu

Berriak

Matute: “Lakuan ustezko susperraldi ekonomiko batez hitz egiten dute behin eta berriz, baina horrek ez du inolako islarik aurrekontuetan”

Jaurlaritzak Legebiltzarrari igorri dion aurrekontu proiektua, “une honetan dagoen bezala, onartezina da, beste behin ere herritarren beharrak bigarren maila batean geratzen direlako”, ohartarazi du Oskar Matute Alternatibako kide eta EHBilduko legebitlzarkideak, Unai Urruzunorekin batera. “Lakuan ustezko susperraldi ekonomiko batez hitz egiten dute behin eta berriz, baina horrek ez du inolako islarik aurrekontuetan, murrizketak betikotzen direlako eta, finean, Jaurlaritzak PPren eredu neoliberalari jarraitzen diolako, politika sozialen kalterako”. Izan ere, “zor publikoa ordaintzera bideratutako kopuruak gora egiten du, baina hezkuntzak, osasunak, enpleguak edota politika sozialek aurrekontuetan duten berariazko pisua jaitsi egiten da; ez dago ongizate sistema indartzearen aldeko apustu bat”.

Egoera hori iraultzeko, EH Bilduk ezinbestekotzat jo du diru-sarrerei dagokien atalean zerga erreforma baten bitartez eragitea, betiere irizpide aurrerakoien arabera, baina hori egin beharrean, Urkulluren Gobernuak “diru-sarrera gehiago edukitzeari uko egin dio, enpresa eta kapital handien poltsikoak ukitu nahi ez dituelako”.

Lakuatik igorritako lege proiektuak, gainera, ez ditu aintzat hartzen Legebiltzarrak onartutako fracking eta etxebizitzari buruzko legeak, ez du kontuan hartzen lege horiek izan behar duten garapena. Hori dela eta, Matutek eta Urruzunok Parlamentuari bizkarra ematea eta hark agindutakoari jaramonik ez egitea egotzi diote Jaurlaritzari. “Espainiar Gobernuari, merkatuei eta finantza-botereei men egiten dio beti Jaurlaritzak, baina Legebiltzar honek onartzen duena ez du betetzen, ordea”.

EHBildu

Jaurlaritzak Legebiltzarrari igorri dion aurrekontu proiektua, “une honetan dagoen bezala, onartezina da EH Bildurentzat, beste behin ere herritarren beharrak bigarren maila batean geratzen direlako”, ohartarazi dute gaur Unai Urruzunok eta Oskar Matutek. “Lakuan ustezko susperraldi ekonomiko batez hitz egiten dute behin eta berriz, baina horrek ez du inolako islarik aurrekontuetan, murrizketak betikotzen direlako eta, finean, Jaurlaritzak PPren eredu neoliberalari jarraitzen diolako, politika sozialen kalterako”. Izan ere, “zor publikoa ordaintzera bideratutako kopuruak gora egiten du, baina hezkuntzak, osasunak, enpleguak edota politika sozialek aurrekontuetan duten berariazko pisua jaitsi egiten da; ez dago ongizate sistema indartzearen aldeko apustu bat”.

Egoera hori iraultzeko, EH Bilduk ezinbestekotzat jo du diru-sarrerei dagokien atalean zerga erreforma baten bitartez eragitea, betiere irizpide aurrerakoien arabera, baina hori egin beharrean, Urkulluren Gobernuak “diru-sarrera gehiago edukitzeari uko egin dio, enpresa eta kapital handien poltsikoak ukitu nahi ez dituelako”.

Lakuatik igorritako lege proiektuak, gainera, ez ditu aintzat hartzen Legebiltzarrak onartutako fracking eta etxebizitzari buruzko legeak, ez du kontuan hartzen lege horiek izan behar duten garapena. Hori dela eta, Matutek eta Urruzunok Parlamentuari bizkarra ematea eta hark agindutakoari jaramonik ez egitea egotzi diote Jaurlaritzari. “Espainiar Gobernuari, merkatuei eta finantza-botereei men egiten dio beti Jaurlaritzak, baina Legebiltzar honek onartzen duena ez du betetzen, ordea”.

– See more at: http://ehbildu.eus/eu/instituzioak/gasteizko-legebiltzarra/7999-une-honetan-dauden-bezala-jaurlaritzaren-aurrekontuak-onartezinak-dira-ohartarazi-du-eh-bilduk#sthash.xktf42mE.dpuf

Jaurlaritzak Legebiltzarrari igorri dion aurrekontu proiektua, “une honetan dagoen bezala, onartezina da EH Bildurentzat, beste behin ere herritarren beharrak bigarren maila batean geratzen direlako”, ohartarazi dute gaur Unai Urruzunok eta Oskar Matutek. “Lakuan ustezko susperraldi ekonomiko batez hitz egiten dute behin eta berriz, baina horrek ez du inolako islarik aurrekontuetan, murrizketak betikotzen direlako eta, finean, Jaurlaritzak PPren eredu neoliberalari jarraitzen diolako, politika sozialen kalterako”. Izan ere, “zor publikoa ordaintzera bideratutako kopuruak gora egiten du, baina hezkuntzak, osasunak, enpleguak edota politika sozialek aurrekontuetan duten berariazko pisua jaitsi egiten da; ez dago ongizate sistema indartzearen aldeko apustu bat”.

Egoera hori iraultzeko, EH Bilduk ezinbestekotzat jo du diru-sarrerei dagokien atalean zerga erreforma baten bitartez eragitea, betiere irizpide aurrerakoien arabera, baina hori egin beharrean, Urkulluren Gobernuak “diru-sarrera gehiago edukitzeari uko egin dio, enpresa eta kapital handien poltsikoak ukitu nahi ez dituelako”.

Lakuatik igorritako lege proiektuak, gainera, ez ditu aintzat hartzen Legebiltzarrak onartutako fracking eta etxebizitzari buruzko legeak, ez du kontuan hartzen lege horiek izan behar duten garapena. Hori dela eta, Matutek eta Urruzunok Parlamentuari bizkarra ematea eta hark agindutakoari jaramonik ez egitea egotzi diote Jaurlaritzari. “Espainiar Gobernuari, merkatuei eta finantza-botereei men egiten dio beti Jaurlaritzak, baina Legebiltzar honek onartzen duena ez du betetzen, ordea”.

– See more at: http://ehbildu.eus/eu/instituzioak/gasteizko-legebiltzarra/7999-une-honetan-dauden-bezala-jaurlaritzaren-aurrekontuak-onartezinak-dira-ohartarazi-du-eh-bilduk#sthash.xktf42mE.dpuf

Berriak

Alternatiba | Ezkerra eraldatzearen erronka

X