Etiketa: Berria

Bilbon Emakumeen Etxea martxan jartzea proposatu dugu parte-hartze sozial eta politikoa bultzatzeko

Alternatibako kide eta EHbilduren Bilboko zinegotzi Ana Etxartek azpimarratu duenez, Emakumeen Etxea “debate eta hausnarketarako topagune bat izango da mugimendu feministarentzat, emakume taldeentzat eta norbanako gisa parte hartu nahi duten emakume guztientzat”. Halaber, zinegotziak proposatu du Bilboko emakumeen Jabetze Eskola Emakumeen Etxean kokatzea, bertan ekintza eta ikastaroen bitartez kontzientzia-hartzeko prozesuak abiatuko direlarik.

EHBildu udal taldeak Bilbon Emakumeen Etxearen proiektua martxan jartzea proposatu du, emakumeen parte-hartze sozial eta politikoa bultzatzeko. Urtarrilaren 29an ohiko udalbatzan eztabaidatuko den proposamen honetan koalizio soberanistak proposatuko du Emakumeen Etxean Bilboko emakumeen Jabetze Eskola kokatzea.

“Proiektu hau Udala, mugimendu feminista eta emakumeen taldeen lan komunaren ondorioa izango da eta egikaritzeko aurrekontua izan beharko du”, adierazi du Etxartek.

Etxe honen bitartez, Bilboko Udalak Emakunderen IV planean aurkitzen zen proposamen bat gauzatuko du eta Jabetze eskola edota Emakumeen Etxea duten Udal sare bateko kide izango litzateke. Basauri, Getxo, Ermua ,Ondarroa, Abadiño, Durango, Elorrio, Sestao, Erandio, Donostia, Arrasate, Eibar, Zarautz, Errenteria, etab. sare horretako kide dira.

Etxarteren aburuz, hainbat udalerriek Jabetze eskola edota Emakumeen Etxea bezalako ekimenak martxan jarri izana “ekimen honen arrakastaren seinale da eta Bilbo ezin da atzean gelditu”.

Irakurri ehbildu.eus webgunean

Berriak

Araba berria eraikitzeko prest gaude

Aurkeztutako taldean Luis Maria Salgado Alternatibako kidea ere badago, politika sozialen lan taldeko dinamizatzaile lanetan, hain zuzen ere.

EH Bilduk gaur aurkeztu du programaren ildoak lantzen ari den pertsonen lan taldea. “Araba eraldatzea, Araba berria lortzea, sekulako erronka da. Horregatik, hilabeteak daramagu lanean eta maila handiko taldea dugu. Arabako lehen indarra izateko aukerak ditugu eta Araba berria burutzeko prest gaude”, adierazi du ahaldun nagusia izateko hautagaia den Kike Fernandez de Pinedo.

Gaur goizean Arabako lehentasunezko arloak dinamizatzen dauden pertsonek lan saioa burutu dute, idei nagusiak komunean jartzeko. Fernandez de Pinedok azaldu duen bezala, sozio-ekonomiak izango du garrantzia nabaria, gizartean kezka nagusia izanda, EH Bildurena ere badelako, eta ereduari buelta emateko oinarrizkoa delako. Aldi berean, fiskalitatea, politika soziala eta euskara Araba berriaren oinarriak ere izango dira. Bestalde ere, ingurumena, lurralde antolamendua, lehen sektorea eta toki erakundeen lan taldeetako arduradunak ere bildu dira, hauen komuneko lana izango baita herrialde iraultzeko bermea.

EH Bilduren indar garrantzitsuena bere proiektua osatzen duten lagunak direla nabarmendu dute gaur. “Jende asko dugu inguruan bere ekarpena egiteko gogoekin. Orain gure lan guzti hori Araba berria diseinatzera bideratuko dugu, jakinda ere, sortutako sare oso horrek Araba berria gauzatzen lan egingo duela”, iragarri du Fernandez de Pinedok.

Gaur agertutako dinamizatzaile bakoitzak lan talde osoa osatu du bere inguruan, arlo bakoitza sakonean eta ikuspegi anitzekin lantzeko. Hurrengo asteetan hainbat dinamika burutuko dira gaiez gai eta kuadrilaz kuadrila.

Gaur agertu diren lagunak hurrengoak ekarpena egiten ari dira lan taldeetan:

  • Kike Fernandez de Pinedo: lurralde antolamenduaren dinamizatzailea.
  • Eva Lopez de Arroyabe: lehen sektoreko dinamizatzailea.
  • Belen Arrondo eta Antxon Belakortu: sozioekonomia lan taldeko dinamizatzaileak. Patxi Martinez de Albeniz: toki erakundeen dinamizatzailea.
  • Luis Maria Salgado: politika sozialaren dinamizatzailea.
  • Miren Larrion: Gasteizko: ingurumen taldeko dinamizatzailea.
  • Gorka Ortiz de Guinea: fiskalitatearen lan taldearen dinamizatzailea
  • Eva Blanco eta Mikel Oraa: ikuspegi kualifikatua eskainiko dute lan talde bat baino gehiagotan.

EHBildu Araba

Berriak

Syrizak Greziaren burujabetza eta demokrazia ordezkartzen du

 
Datorren urtarrilaren 25ean, hauteskundeak egingo dira behingoz Grezian. Europako ezkerraren interesa piztu duten hauteskundeak, Syrizak garaipena lortzeko aukera errealak dituelako. Elite ekonomiko eta politikoek ere egiazkotzat jotzen dituzten aukerak, eta horregatik FMIrekin eta Alemaniako Gobernuarekin batera, euren mehatxu eta estortsioa gora doaz, Greziako herriaren balizko erabakien aurrean.
 
 
Syrizak hori ordezkatzen duelako, Greziako herriaren subirautzaren defentsa,  hemendik aurrera egingo dena erabakitzeko, langile klasearen interesen defentsa ordezkatzen du eta demokraziaren defentsa ordezkatzen du, mehatxu edo injerentziarik onartu gabe.

https://pbs.twimg.com/media/B7vSoJ2IIAEXT2c.jpg

Berriak

Matute: “Estatu demokratiko batek ez ditu abokatuak atxilotzen edo herritarren elkartasuna lapurtzen”

Atzo Donostiako kaleak bete genituen, eskubideak aldarrikatuz eta konponbide eske, hainbat eragilek, Alternatibak barne, deitutako mobilizazioan. Alderdiko militanteen artean ordezkari ugari izan genituen Antiguotik abiatutako martxan: Oskar Matute eta Diana Urrea legebiltzarkideak, Ander Rodriguez Politika Sozialeko diputatua, Asier Vega batzarkidea eta Maite Elizondo, Alba Fatuarte eta Aitor Miguel Quintanta Alternatibaren Koordinakunde Nazionaleko kideak, besteak beste.
 
Oskar Matuteren adierazpenak:

Gaur, berriz ere, euskal gizarteak, kaleak hartuko ditu errespetua exijitzeko, gure herriarentzat eskubideak eta demokrazia aldarrikatzeko. Demokratikoa den estatu batek, ez ditu abokatuak atxilotzen, ez ditu presoak mendekurako erabiltzen. Zuzenbide estatu batek, ez du herritarrek bildutako dirua lapurtzen; ez du elkartasuna zigortzen. Baina Espainiako estatua ez da, ez demokratikoa, ezta justua.

Horregatik da hain garrantzitsua kaleak hartzea, joan den astean eta gaurkoan bezala. Argi utzi behar diegu, bakea nahi dugula, Euskal Herria askea eta solidarioa nahi dugula. Eta ez dago operazio politikorik helburu horretan geldituko gaituena. Eraiki nahi dugun herriak ez du haien beharrik. Mehatxuen gainetik gure etorkizuna eraikiko dugu.

https://fbcdn-sphotos-a-a.akamaihd.net/hphotos-ak-xaf1/t31.0-8/10860980_1026564660694183_8043940636576524203_o.jpg

https://fbcdn-sphotos-h-a.akamaihd.net/hphotos-ak-xap1/t31.0-8/10649036_1026564744027508_1366566725363920161_o.jpg

https://fbcdn-sphotos-h-a.akamaihd.net/hphotos-ak-xfp1/t31.0-8/10620411_1026564624027520_632919885669649909_o.jpg

https://scontent-a.xx.fbcdn.net/hphotos-xpa1/t31.0-8/10333292_1026564640694185_2246454904735498038_o.jpg

https://fbcdn-sphotos-d-a.akamaihd.net/hphotos-ak-xap1/t31.0-8/10911352_1026564670694182_7934500708324530077_o.jpg

https://fbcdn-sphotos-e-a.akamaihd.net/hphotos-ak-xap1/t31.0-8/10904515_1026564794027503_1547349005033084203_o.jpg

https://scontent-b.xx.fbcdn.net/hphotos-xap1/t31.0-8/10919404_1026564984027484_9007859353055269363_o.jpg

Berriak

Alternatibak dio gaurko atxiloketak estatuaren usteltze demokratikoaren adierazle direla

Operazio polizial gisa mozorrotutako gaurko operazio politikoaren harira, Euskal Herriko udalerri desberdinetan 16 atxiloketa ekarri dituena, Alternatibaren Koordinakunde Nazionaleko kide Ayem Oskozek salatu nahi izan du “herri honen normalizazio politikoaren eta herritarren eskubideen aurkako enegarren erasoa”. Esan duenez, operazioak “berriz ere egin du zuzenbide estatu batean ukiezina izan beharko litzatekeen defentsarako eskubidearen kontra, hain zuzen ere, justiziaren gainetik eta mendekurako zein eskubideak urratzeko ad hoc sortutako legeei aurre egin behar dieten abokatuak direlako atxilotutakoak”.

Alderdi ezkertiarreko bozeramaileak gogorarazi du “muntaiak” Madrilen gaur hastekoa zen eta bertan behera gelditu den makro epaiketaren hasierarekin bat egin duela, “ezker abertzaleko 35 lagunen ekintza erabat politikoa zigortu nahi duena”, hauen abokatuetako batzuk ere atxilotutakoen artean daudenean. Horren ildotik, salatu egin du fiskaltzak auzia ireki nahi izana auzipetuek konfiantzako babes legalik gabe egon arren.

Alternatibatik fartsa politiko-polizial guztiekin bukatzea exijitu dute, “Espainiako Erresumaren usteltze demokratikoaren inguruan ke lainoak” altxatu ez ezik, “bakea oztopatzea eta pertsona ororen eskubide guztiak bermatuko dituen Euskal Herri burujabea eraikitzeko bideari trabak ipintzea” bilatzen dutelako bakarrik. Horregatik, Oskozek gizarte osoari zein eragile sozial, sindikal eta politikoei dei egin die, bakearen eta eskubideen alde gaur eta hurrengo egunetan egingo diren mobilizazio guztiekin bat egin dezatela, “gaurko atxilotuen askatasuna eta frankismoaren oinordeko diren auzitegietako makro-epaiketa ororen amaiera” aldarrikatzeko.

Berriak

Alternatibak sakabanaketaren kontra Bilboko kaleak betetzera deitu du

<--break->Alternatibako bozeramaile Asier Vegak bihar Bilboko kaleetan euskal preso politikoen eskubideak aldarrikatuko dituen manifestazioarekin bat egitera deitu du; beste behin ere, “sakabanaketaren bitartez presoen eta haien familia kideen eskubide oinarrizkoenak urratzen dituzten” Estatu espainiarraren “mendeku” politikak salatuko dituena.

Zentzu horretan, Vegak “edozein motatako giza eskubideen urraketari muzin egiten dion pertsona ororen aldarrikapen basikoa” dela azpimarratu du. Hortaz, “eskakizun hau herritarrei dagokiola” nabarmendu nahi izan du ere, “eskubideen urraketa hori betikotzen eta Euskal Herriaren bake prozesuaren eta normalizazio politikoaren aurrera pausoak oztopatzen dituzten erabakiak politikoak diren arren”.

Bukatzeko, alderdi ezkertiarretik “Argi dugu. Now Euskal Herrira. Now Bilbora” lemapean17:30tan abiatukoa den martxarekin bat egitera dei egin dute, denon artean “herritarren borondateaz eginiko harresia eraiki ez ezik, gatazkaren konponbidearen, normalizazioaren eta eskubide guztiak berrezartzearen alde egiteko, eskubide zibil, sozial eta politikoa guztiak euskal herritar ororentzat bermatuz”. 

Berriak

Oskar Matute “Aurrekontu hauek argi uzten dute Jaurlaritzaren eta EHBilduren gizarte ereduak desberdinak direla”

Alternatibaren ordezkari eta EHBilduren parlamentari Oskar Matuteren partehartzea osoko bilkuran EAEko 2014. urteko Aurrekontu Orokorren eztabaida eta ebazpenaren harira. Matutek PNVren aurrekontuen aurrean bere kezka plazaratu du, gizarteak bizi duen egoera larriari erantzun beharrean, murrizketetan oinarritutako aurrekontuak onartu dituelako EHBilduren proposamenari kasu egin gabe.

Berriak

Presoak Euskal Herriratzeko presio politikoa biderkatu behar dugu

Alternatibako bozeramaile eta EHBilduren parlamentari Oskar Matute eta bere koalizioko kide Maribi Ugartebururen partehartzea, hurrengo urtarrilaren 10eko euskal presoen herriratzearen aldeko mobilizaziora deitzeko.

Urgentea da presoen Euskal Herriratzea. Egungo egoeraren arduradun eta errudun nagusia Madrilgo gobernua da: presoekin giza eskubide urraketa nabarmena, sistematizatua eta, gainera, hauspo edo asmo politikoa daukana egiten ari da.

Madrilen asmoa presoen aurkako dinamikan soka tenkatzen jarraitzea da: bakearen etsaiek, PP buru dutela, bake prozesua kartzeletan korapilatu eta kolapsatu nahi dute, etengabean baldintza berriak asmatuz.

Madril ez da mugituko; guk mugiarazten behar dugu.Marraztutako egoera honen aurrean presio politikoan sakontzeko gai garela erakutsi behar dugu,  presoen Euskal Herriratzearen aldeko urrats berriak eta sakonak eginez.

Izan ere, bakeak eta soluziobideak presoen Euskal Herriratzea eskatzen du, hori da herri honen gehiengoaren aldarria eta gehiengo horren eskutik aurrera egiteko moduan asmatu behar dugu. Iritsi da horretarako ordua.

Norabide honetan kokatzen dugu euskal presoen kolektiboa hartzen ari den erabakiak, soluziobideetan aurrera egiteko funtsezkoak iruditzen zaizkigunak.

Eta Norabide honetan ere kokatzen dugu urtarrilaren 10eko mobilizazioa: Bakearen etsaiei urrats berriekin erantzun behar zaie, eta ziur gaude urtarrileko 10eko urrats historikoa izango dela.

Euskal Herria Bildu koalizioak erantzukizun osoz jokatuko du, orain arte bezala, sufrimendu oro desagerrarazi behar duelako herri honetatik, giza eskubideen urraketa ororekin amaitzea ezinbestekoa delako herri gisa aurrera egiteko. Koalizioak bere eskutan dagoen guztia egingo du hau honela izan dadin.

Berriak

Bizkaiak ezinbesteko duen eredu aldaketa bizkortzeko unea dela argi utzi dute EAJ, PSE eta PPk onartutako aurrekontuek

Gutxi batzuen interesen zerbitzurako 2015-eko aurrekontuak onartu dira Bizkaian egunotan. EAJren kudeaketa ereduaren isla dira aurrekontu hoiek eta kudeatzen dituzten instituzioen jaun eta jabe sentitzen direnen eredu hori bertan behera uztea du helburu EH Bilduk.

Bizkaiak bizi duen egoera azken hamarkadetako txarrena izanik ere, aurrekontuek murrizketak mantendu, sektore publikoaren desegitea areagotu eta desberdintasun sozialak biderkatuko dituzte. Lau lehentasunei heltzea proposatu zuen EH Bilduk; gizarte politiken indartzea; enplegu sustapenerako plan estrategikoa; politika fiskal justua eta parte hartzerako eta gardentasunerako neurriak.

Aldundiak ez die lehentasun horiei erantzun. Aldiz, aurtengo aurrekontu eztabaidan EAJk, PSEk eta PPk ikuskizun lotsagarria eman dute.

http://alternatiba.net/old-files/bizkaia2015-eu-1.png

http://alternatiba.net/old-files/bizkaia2015-eu-2.png

http://alternatiba.net/old-files/bizkaia2015-eu-3.png

http://alternatiba.net/old-files/bizkaia2015-eu-4.png

http://alternatiba.net/old-files/infoak aurrekontuak.pdf

Berriak

Alternatiba | Ezkerra eraldatzearen erronka

X