Etiketa: Berria

Yayo Herrero López “Ecología, decrecimiento y ecofeminismo”

Video de la intervención de Yayo Herrero López en las jornadas sobre “Decrecimiento y Crisis Económica” organizadas por Alternatiba los pasados 9 y 10 de noviembre en el Aula de Cultura de Algorta (Getxo). La ponente, Co-cordinadora de Ecologistas en acción y profesora de la cátedra de educación ambiental de la UNED, ofreció una charla bajo el título “Ecología y decrecimiento como alternativa a la crisis ambiental, económica y política” ante una sala que se quedó pequeña, con cerca de 75 personas que siguieron la conferencia e intervinieron activamente en el turno de preguntas.

“Desazkundea eta Krisi Ekonomikoa” lemapean Alternatibak Algortan, Getxoko Kultur Etxean, antolatutako jardunaldietan Yayo Herrero Lopezek eskainitako hitzaldiaren bideoa, azaroaren 9an grabatutakoa. Hizlaria, Ekologistak en acción erakundeko koordinatzailea eta UNEDeko ingurumen hezkuntzako katedrako irakasleak, “Ekologia eta desazkundea ingurumen, ekonomia eta politikaren krisiei erantzuteko alternatiba gisa” izeneko hitzaldia eskaini zuen txiki gelditu zen aretoan, 75 lagun ingururen aurrean.

http://alternatiba.net/old-files/55989_549939098356744_570271344_o.jpg

Berriak

Etxebizitza Institutu Publiko eratzeko proposamena

Sabino Cuadra eta Maite Aristegi Amaiurreko ordezkariek prentsaurrekoa eskaini dute gaur etxe desjabetzeei buruz:

Lehenik eta behin, azken egunetako gertakarien ordena kronologikoa egitea komeni dela uste dugu.

Joan den ostegunean, ehun urte dituen Espainiako hipoteka legeak lehengo kritika juridikoak jaso zituen Europako erakundeetatik, kasu honetan Estrasburgoko epaitegitik.

Hurrengo egunean, euskal herritar batek bere buruaz beste egin zuen etxetik kaleratzera zihoazenean. Milaka herritarrek pairatzen duten egoera lazgarria agerian utziz erakunde, alderdi politiko eta eragile sozialen erreakzio soka luzea ekarri zuen gertaera triste eta tamalgarri horrek.

Etxe kaleratzeen arazoari irtenbidea emateko negoziazioa hasi zuten estatu espainiarrean PPk eta PSOEk. Gogora dezagun, hipoteken legean aldaketak egitera ukatu eta etxebizitza bankuari emanda zorra kitatzeko proposamenak atzera bota dituztela behin eta berriz bi alderdi politiko horiek azken urteetan. Era berean, bankuen patronalak (AEB) gai honekiko bere mugak zehaztuz prentsa komunikatua kaleratu zuen.

Hortik aurrera aski ezaguna da gertatu dena: Alderdi Popularraren gobernuak urgentziazko lege dekretua onartu zuen atzo. Dirudienez bi alderdi politiko horiek ez dute akordiorik lortu.

Hainbestetan aipaturiko merkatuen diktadurak, klase politikoaren gaineko finantza oligopolioen diktadura baino ez denak, botere horiekiko klase politiko horren menpekotasunaren adibide garbia baino ez digu utzi gaur.

Dekretua adabakia baino ez da Amaia Egañaren heriotzak/hilketak eragindako ahots kritikoak isil arazteko. Ustezko “gizatasun” irizpidez jantzitako adabaki horrek milaka eta milaka herritar bankuen aurrean babesik gabe egoten ahalbidetuko ditu.

Behin baino gehiagotan esan dugu. Ez gaude arrazoi humanitarioen aurrean, giza eskubide eta sozialen aurrean baizik. Ez da arazo teknikoa, politiko eta soziala baizik. Gaur gaurkoz, etxebizitza eskubidea bermatu gabe dago.

Aztertu dezagun.

Alderdi Popularraren gobernuak aurkezturiko neurriek ez dute legea ukitzen. Hipoteka, alokairu eta lurzoruaren legeek bere horretan segitzen dute. Gogora dezagun batetik, lege horiek ahalbidetu dutela bizi dugun egoera hau eta bestetik, Estrasburgoko epaitegiak adierazi legez kontsumitzaileak babesteko Europako araudiaren aurkako legeez ari garela. Familia “ahulenen” kasuan bi urteko luzamendua soilik aipatzen du lege dekretuak.

Neurriok ez dute atzera eraginkortasunik. Hau da, etxebizitza galdu dutenek ez dute berreskuratzeko aukerarik izango. Espainiako gobernuaren arabera alokairu merkeko etxebizitzak jasotzeko aukera izango dute. Gogora dezagun ordea, azken urteotan 400.000 hipoteka exekutatu edo gauzatu eta 185.000 etxe kaleratze izan direla estatu osoan. Zein etxebizitzaz ari da Espainiako gobernua?, Nondik aterako du horrenbesteko etxebizitza kopurua?, Nola kudeatuko du?, Noizko?

Etxea ematearekin batera zorra kitaturik dagoela ez du aipatu Alderdi Popularrak. Ekonomia ministroaren arabera “zorrak eta interesak itzuli egin behar dira”. Hau da, etxea emanda ez da zorra kitatzen.

Berriz diogu; aurreko egunetan Espainiako bankuek zehazturiko baldintzekin bat datoz Alderdi Popularraren gobernuak aurkeztu dituen neurriak.

Bankuei laguntzeko dirua badago, baina pertsonei, herritarrei laguntzeko ez. Are gehiago, “Banku Txarra” delakoak milaka etxebizitza prezio “merkean” salduko ditu berriz ere baten batek negozioa egiten jarraitu dezan.

Argi dago Madrilek ez duela ez gaitasunik ez borondaterik arazo larri honi aurre egiteko. Beraz, guri dagokigu, euskal gizarteari dagokio proposamen eraginkorrak aurkeztu eta egoera honi irtenbidea ematea. Ezinbestekoa da eragile politiko, sozial eta sindikalen artean sakoneko eztabaida bat piztea. Ezkerreko indar subiranisten batasunak “Etxebizitza Institutu Publiko” baten eratzea proposatzen du.

Azkenik, bihar larunbatean, azaroaren 17an, Bilbon egingo den manifestaziora joateko deia luzatzen diegu euskal herritarrei.

Berriak

Bizitza duinaren alde, kapitalismoa lurpera dezagun. A14 Greba Orokorra!

Bihar, Azaroaren 14an egingo den Nazioarteko Greba Orokorrera deitu du Alternatibak gizarte osoa, Europan eta Euskal Herrian herrialde ezberdinetako hainbat sindikatuk deitutakoa. Klase agintariaren kontra etengabeko mugimendu inkonformista eta borroka iraunkorra beharrezkoak direla uste dugu. Klase agintari honek, Europako banku handietako bulegoetatik euren politikak diseinatu eta ezarri egiten dituzte, agintari zuri eta koldar batzuen laguntzaz, beti ere, boteretsuen pribilegioak defendatuz pertsonen eskubideen gainetik.

Aurreko langile zein gizarte borroketara gehitu ginen bezala, oraingoan ere Alternatiba kalean izango da herriaren kontrako etengabeko erasoak salatzen, hain zuzen, lan erreformetan eta gizarte eskubideen murrizketetan azaldu zaizkigun erasoak salatzen. Ikuspuntu internazionalista batetik ere egin nahi dugu, ezinezko eskakizunak sufritzen dituzten herrialde batzuekiko elkartasuna erakusteko. Honen adibide Grezia dugu, murrizketak baino, Troikaren eraso antisozialak pairatzen dituenak. Baina Portugalekin batera ere gaude, mobilizazioen eta greben bitartez agintariak atzera egitera behartzera posible dela erakutsi baitigutelako.

Kalera aterako gara horma sendo bat eraikitzeko beharra dugula esatera; sistema menderatzaile guztien erasoei aurre egingo dien eta emakumeak makurtarazi eta euren eskubideak urratzen dizkieten patriarkatuari aurre egingo dien horma eraikitzera goaz. Kapitalismo krudel honi ere aurre egingo diogu, denboran irauteko bere burua irensteaz aparte, langileen duintasunaren lepotik egiten duelako; aurre egingo diogu ere ingurumenarekin akabatzen ari den garapen jasanezinari, gizarteak behar ez dituen makro azpiegiturak eraikitzen dituen sistema delako. Kolonialismoaren kontrako harresiak ere eraikitzera goaz, desagertzearen ordez, oraindik ere herritar eta herrialde ugari agortzen dituztelako euren subiranotasun eskakizunei kasurik egin gabe.

Harresi hau eraikitzeko  Euskal Herriko gehiengo sindikalaren garrantzia aitortzen dugu eta, horregatik, errespetutik baina erakunde bakoitzaren autonomiatik ere, kontinente osoan zehar hainbat herrialdeen ahotsak bateratuko dituen ezohiko greba honetara batuko gara. Alternatibatik, alabaina, berretsi egin nahi dugu kontzertazioan oinarritutako sindikalgintza baino, eredu sindikal konfrontatiboa eta aldarrikatzailea babesten jarraituko dugula, baita Euskal Herriko baliabideak berton erabakitzeko burujabetza zein euskal lan esparruaren defentsan gaudela, gure langileen eskubideak defendatzeko modurik eraginkorrena delako.

Jakinarazi ere, Euskal Herrian arrazoiak soberan ditugula kaleak bete eta grebara ateratzeko. Errudun asko ditugu oraindik seinalatzeko, adibidez, lehendakaritzarako bidean den EAJ eta alde egitera doan PSOE; lehenengoak, bere abstentzioaz eta bigarrenak bere bultzadaz, biek aurrekontuen egonkortasunaren legea onetsi zutelako, instituzioak eskuak lotuta utzi dituen legea, hain zuzen, zorpetuta egotea ere debekatzen diena instituzioei, bere helburua politika sozialak krisi ekonomikotik babestea izanda ere. Alderdi Popularra ere aipatu behar, Zapateroren lekukoa hartu eta pentsioak jaitsiko dituelako Europako bankuak kontentatzeko. Abortuaren legea ere aldatuko dute, emakumeek beren gorputzen gaineko erabakiak, modu libre eta doakoan, har ditzaten are gehiago oztopatzeko.

Inoiz baino garrantzitsuagoa dugu, gainera, borroka egin eta gure ahotsa entzunaraztea, oinarrizko eskubideak aldarrikatuz gobernuak gogaitzen ditugunerako lege formako mehatxuak egiten ari diren honetan. Alternatibarentzat, alabaina, ezinezkoa da isilik egotea herria ordezkatu beharrean zapaldu nahi dutenen aurrean; terrorismo finantzieroak Ezkerraldean pertsona bat hiltzea eta gaur Durangaldean lan istripuetan aurten hildako hamaikagarren behargina egotea ahalbidetu dutenen aurrean; eta baita egun berean mozkinak eta kaleratzeak iragartzeko kopeta dutenei.

Bizitza duinaren alde, kapitalismoa lurpera dezagun. Euskal Herrian eta Europan, Azaroak 14, Greba Orokorra!

Euskal Herrian, 2012ko Azaroaren 13an

http://alternatiba.net/old-files/A14N_0.jpg

Berriak

EAJk kromo trukaketa besterik ez zuen nahi, eta EHBildu ez da halako jokoetan sartzen

  1. EAJk hasieratik erabakia hartua zeukan, bakarrik gobernatzekoa, alegia. Azken bi aste hauetan burutu diren bilkuretan, EAJ anbiguotasun osoz aritu da. Bi dokumentu helarazi dizkiogu, hitzarmen posibleetarako hainbat edukiren inguruan zehaztapenak jasotzen zituena. Era berean, hainbat galdera ere luzatu dizkiogu, erantzunik jaso gabe.

  1. Igandean buruturiko agerraldian esan bezala, gobernu berria osatzeko akordio bila baino, edukien inguruko hausnarketarik gabe instituzio ezberdinen aurrekontuen onarpena lortzen saiatu da EAJ. Hau da, aurrekontuek zer jasotzen duten aztertu gabe onartzeko eskaera egin du EAJk. Gu ez gatoz bat politika egiteko eredu horrekin, kromo-trukaketaren politikarekin. Edukien arabera lortu behar dira adostasunak.

  2. Era berean, arduraz adierazi nahi dugu, oraindik ez dugula ezagutzen EAJk krisitik ateratzeko, herritarrei eskaintzeko, dituen neurri zehatzak. Ez du inolako programarik edo proposamen zehatzik aurkeztu.

  3. Une honetan lehentasunezkoak diren gaietarako, hala krisiari herri eta herritarren ikuspegitik aurre egiteko zein normalizazio prozesuan, nola bakegintzan aurrera egiteko, proposamen eta neurri zehatzak proposatu ditugu. Izan ere, gure helburua herritarrei soluzioak ematea da. Horretarako, edukietan oinarritutako akordio zabalak bilatzen saiatuko gara.

  4. Une honetan, ezinbestekoa deritzogu herri ikuspegi batekin jardutea, herri gisako politikak eta akordioak gauzatzea eta herritarrak politika horien ardatzean kokatzea. Hori da gure borondatea eta hori izango da gure jardunaren ardatza.

  5. Horretarako datozen asteetan gure legebiltzarkide taldea gainontzeko indar politikoekin eta eragile sozialekin hartu-emanak izaten ahaleginduko da.

Berriak

Alternatibak ohartarazi die PPri eta PSOEri desjabetzen kontrako adabakiek ez dutela milaka pertsonen hondamenean duten ardura estaliko

Alternatibako bozeramaile Oskar Matutek, gogor kritikatu ditu bai PPk eta PSOEk exekuzio hipotekadunen inguruan gaur eginiko bilera zein Espainiako Banku Elkarteak hurrengo bi urtetan muturreko kasuetan etxe desjabetzeak geldiarazteko erabakiaren gaineko iragarpena. Matutek salatu du “orain desjabetuen adiskide bezala agertzen diren horiek, kongresuan zorrak etxearen bidez kitatu ahal izatearen bezalako neurrien kontra egin zuten berdinak direla”. Gauzak horrela, popularrei eta sozialistei leporatu die “milaka pertsonaren bizitzen suntsipenaren erantzukizuna”, euren agintaldietan desjabetzea ahalbidetu dituztelako. Horregatik, orain onesten dituzten adabakiek ez dute euren erantzukizuna desagerrarazi edo lausotuko.

PPk eta PSOEk adostu beharreko edukiari dagokionean, bilera bera baztertzailetzat jo du Matutek, “beste indar politikoak baztertzeaz aparte, azken erabakia errudun nagusien eskuetan laga eta eragile sozialak zein kaltetuen erakundeak ere kanpoan uzten dituelako”. Alternatibako bozeramaileak zalantzan jarri du alderdien borondatea, eta baita hartuko duten neurrien eraginkortasuna ere: “Zorrak etxea ematearen bidez kitatzeak eta luzamenduak etxe hustearen data atzeratzeko bakarrik balio dute, banketxeen iruzurra eta lukurreriari irtenbide berririk eman gabe”.

Matutek, alderdi politiko hauek bankuei laguntzeko ekimen guztiekin bat etorri direla gogorazi nahi izan du ere. “Bankuentzat dena, pertsonentzat ezer ez” politika defendatu eta “hildakoak ekarri dituen terrorismo finantzarioaren konplize bihurtu” direla azpimarratu du, pasa den ostiralean Ezkerraldean emandako gertaera mingarriak agerian utzi duen bezala. Honen aurrean, gobernu ezberdinei etxebizitza duin baterako eskubidea bermatuko duten politika eta tresnak eskatu ditu, besteak beste “benetako etxebizitza publiko baten aldeko apustua” egitea ere. Madrilen, ostera, banku txarra deritzon eufemismoa jaio da, bere zenbakiak egokitzeko etxebizitzak eraisteko asmoa duela esan berri duena.

Alternatibatik ziurtatu dutenez, “ez da nahikoa adabaki txarrekin”, pertsonek benetan beharrezkoa dutena “banku-finantza sistemaren gehiegikeriak geldiarazi eta lukurariek zuzendutako merkatu zein haien menpe dauden politikari koldarrengandik babestea”. Horregatik, ezkerreko alderdiak etxe desjabetzen aurrean ekintza konfrontatzailea eramango du instituzioetara eta, aldi berean, gizartea mobilizatzea ezinbestekoa izaten jarraituko duela azpimarratu du. Hala, finantzen alorreko erasoen kontra edota haien aurrean konponbideak aldarrikatzen dituzten mobilizazio ororekiko atxikimendua berretsi dute.

Berriak

Azaroaren 14ko greba orokorrera deitzeko adierazpen bateratua

14aren mobilizazioa berezia da, europa mailako ekimen amankomun batean kokatzen delako. Herri guztietan, klase herrikoien manifestaldiak eta ekintzak izango dira. Eta bereziki Portugalen, Italian, Espainian, Belgican, Maltan, Chipren eta Grezian, krisialdi ekonomikoa eta Troikaren (EB, NDF, EBZ) austeritate politikak gehien pairatu dituzten herrietan, greba orokorren bitartez erantzungo da. Hori dela eta, 14a, kapitalak jadanik egin duen bezala, mugak gainditu egin behar dituen borrokaren hasiera izan behar du. Gaurko Europar Batasunaren muinaren kontra jo eginez.

Orain dela gutxi Espainian 2013ko aurrekontuen proiektua aurkeztu da, murrizketa berriekin. Aurrekontu hauetan larriena ez da azaltzen dena, baizik eta izkutuan dagoena. Krisian sakontzea ekarriko dutelako eta, ondorioz, diru-sarreren jeitsiera, hau da, aurrekontuen desoreka berria, eta berriro ere murrizketa gehiago “defizit publiko sakaratua” ez areagotzeko.

Espainiako eta EAEko gobernuen politikak multinazionalen eta korporazioen interesei bakarrik erantzuten diete, oligarkia politiko eta kapital handiei. Haien murrizketek krisian are gehiago murgiltzeko baino ez dute balio izan.

– Krisia dela medio bere buruaz beste egin dutenen kopuruak gora egin du, baina etsipenak jota bizi diren milioika pertsonen muturreko eredua besterik ez dira.

– Kredituei aurre egin ezinik pertsonak beren etxeetatik kaleratzen dituzten bankuek 60.000 milioi euro jaso dituzte aurten dagoeneko, zor publiko gisa ageri zaiguna.

– Menpekotasun legeari lotutako laguntzetan eginiko murrizketek emakumeek pairatzen duten patriarkatuaren ondorioetan sakondu egiten dute, zaintza  lanen aitortza sozialean eta ardura partekatuan atzerapauso larriak egiten direla.

– Pobrezia alderdi guztietan egin du gora, inolako diru sarrerarik ez dutenen familien kopuruak hazten den bitartean, hainbat eta hainbat pertsona kale gorrian daudela.

– Aberastasun handiak gero eta handiagoak dira eta arazorik izan duten guztietan gobernuak gure diruarekin erreskatatu ditu. Dirua badago, baina betikoen esku dago.

 – Ingurumenaren kontrako erasoak gero eta bortitzagoak dira (Kosten legea, Poloniari isurtze eskubideak erostea, aldaketa klimatikoaren ukapena, agroindustriaren sustapena, etab.)

Botere politikoa eta mediatikoaren zerbitzura dagoen botere ekonomikoak, grebek ezertarako balio ez dutela esaten digu, politika ekonomikoak ez direlako aldatuko. Baina, jakin badakigu, borrokaren eta elkartasunaren bitartez soilik, mantenduko ditugula, horrenbeste urtetan zehar kapitalismoaren sustraietatik ateratzea kostatu zaizkigun garaipen sozialak.

Adibidez, Portugaleko Gobernuak atzera bota behar izan du langileen kotizazio soziala igo eta modu horretara, enpresariei jaisteko proiektua, Krabelinen Iraultzatik izan diren manifestaldi handienen eraginez.

Egoera honen irteera ez da etorriko industri ekoizpena eta kontsumoaren igoeragatik. Enplegua eta aberastasuna banatzeko neurrien alde borrokatu beharra daukagu, fiskalitate justu eta mailakatu baten bitartez; enplegu publikoa sortuz, pertsonen zaintza eta jasangarriak diren sektoreetan.  Planetaren muga ekologikoen barruan, lan, ekoizpen eta kontsumorako modu berriak defendatu behar ditugu.

PSOE-eko  eta jarraitu dion PPko gobernuen  murrizketak zein lan-erreformak, ez ziren azaldu beraien hauteskunde programetan. Horregatik, gure herriaren gehiengoen ahotsa kalera eraman beharra daukagu, gizartea ordezkatzen dutela esaten duten erakunde horiek entzun dezaten eta demokrazia parte-hartzailea eta zuzena bermatuko duten formulak aplikatuz.

Krisialdia ez da egoera pasakorra. Gainerakoa bota beharra daukagu, gure eskubideen defentsarako eta alternatiba berriak proposatu beharko ditugu, guztion artean beste mundu posible batzuk eraikitzeko. Ez dugu gutxi bat jokuan jartzen; baizik eta guztia jartzen dugu jokuan. Datorren azaroak 14an guztiok, eredu sozial berri baten aldeko Greba Orokorrera.

Azaroak 14an Greba Orokorra.

Alternartiba, Antikapitalistak, EQUO, Ezker Anitza-IU, Gorripidea, PCE-EPK

http://alternatiba.net/old-files/NazioartekoGreba.jpg

Berriak

Documental “La sombra del fracking: Gas no convencional” Dokumentala

“La Sombra del Fracking GAS NO Convencional” es un documental realizado por Dani Amo y Rosa Martínez, alerta en torno al fracking, que está llegando al Estado español sin que las Administraciones informen claramente de los permisos que están concediendo y sin que la población sea consciente de los riesgos que supone esta técnica. Además de recoger las evidencias de contaminación y terremotos que la fractura hidráulica ha provocado en Estados Unidos y otros Estados, La sombra del fracking advierte de los peligros para la salud humana con una entrevista a Nacho Santidrián, cirujano oncológico del Hospital de Cruces. Muestra lo miserable que se puede llegar a ser vendiendo la tierra y a sus habitantes por un puñado de dinero.

Dani Amok y Rosa Martínezek sortutako dokumentala da “La Sombra del Fracking GAS NO Convencional”, Espainiako Erresumara eta Euskal Herrira (Arabara bereziki) heltzen ari den frackingaren inguruan ohartarazi nahi duena. Batetik, Administrazioek ez dute argibiderik zabaltzen eman dituzten baimenen inguruan eta, bestetik, herritarrek teknika honek ekar ditzakeen arriskuen inguruko informaziorik ez dute. Besteak beste, Estatu Batuetan haustura hidraulikoak eragin dituen lurrikara eta kutsaduraren berri jasotzen du laburmetraiak eta, era berean, Nacho Santidrian Gurutzetako Ospitaleko onkologoa elkarrizketatzen du teknikak osasunerako ekar ditzakeen kalteen gainean. Azken finean, lurra eta herritarrak diru truke saltzea maiz egiten dela azaltzen du dekumentalak.

*Dokumentala gazteleraz baino ez dago.

http://www.youtube.com/watch?v=Sk6d2iDWF_4

Berriak

EHBilduk euskal kutxen sorrera eragin zuten baina batzuek alde batera utzi nahi izan dituzten oinarriak aldarrikatu ditu

Ezarleen hauteskundeekin, urte hasieran egin beharrekoa zen Euskal Kutxetako Batzarrak berritzeko prozesua amaitu egin da.

Bezeroen talde honetan lortutako emaitzak BILTZEN plataformaren zerrendek izan duten babes garrantzitsua berrestera datoz, Udal eta Aldundietan duela urte eta erdi lortutako emaitzekin batera, azkenean, herritarren borondatea benetan ordezkatuko duten Batzarrak lortzea ekarriko duelako, azkenaldian gertutakoaren kontra beraz.

Gure premiazko balorazioan esan genuenez, Batzarra osatzen duten Taldeetan jaso dugun sostenguak ateak irekitzen dizkio hartu izan diren erabaki batzuen gainean norabide aldaketa egiteari, tamalez, onartu izan direnak eta gure ustez ekidin beharrekoak zirenak, horretarako aukerak ere bazirelako.

Etxe desjabetzen ugaritzeak, gehienak Kutxabank-en eskutik, kutxak eta Kutxabank alderdi politiko batzuen mesederako zuzendu nahi izan dutenen asmoen adibidea baino ez dira. Izan ere, herritarren beharrei bizkarra eman diete, Herri honetako ekonomia, enplegua sortzea eta krisi ekonomikoa gainditzeko politikak zeharo baztertuta.

Era berean, Pribatizazioarena bezalako asmoei aurre egingo diegu, kutxek beren izaera soziala eta publikoa gal ez dezaten gure esku dagoena eginda.

Hiru euskal kutxetako Batzarretako egoera berriak aukerak zabaldu ditu orain arte kontrolatu izan dituztenen asmoak baldintzatuko dituzten akordioetara heldu eta beharrezkoak dituzten aldaketak sustatzeko, euskal kutxen sorrera eragin zuten oinarriak berreskuratze aldera, inoiz laga behar ez zirenak: Euskal Herriko pertsona zein ekonomiarentzat Funtzio Soziala zuten finantza erakundeak izatea. Horretarako, alabaina, etxe desjabetzeekin bukatu beharra dago, benetako ekonomiari eta pertsonei begirako politika egin beharra dago, eta ez espekulazioari begira; Gizarte Ekintza mantendu eta bermatu beharra dago eta instituzioen zein enpresa txiki eta ertainen finantziazioari ateak ireki behar zaizkio, horren beharra baitute.

Horregatik, herrialde bakoitzeko emaitzak aztertu ondoren eta Gipuzkoan ordezkari gehien dituen indarra garela berretsita, izendatutako 79 Kontseilarietatik 37, honakoa diogu: Kutxaren Batzarrean ordezkaritza duten talde guztiekin elkarrizketak ABIATZEKO lana GURE GAIN hartzen dugu, lehen azaldutako irizpideen arabera Kutxak babestu eta demokrazia zein gardentasuna bermatuko dituzten akordioak lortzeko asmoz. Espero dugu talde desberdinek, bezeroek eta eragile sozial zein politikoek Kutxen izpiritua babesteko beharra ulertuko dutela, batzuek bilatzen dituzten alderdikeria, espekulazioa eta asmo pribatizatzaileetatik salbu.

Era berean, Araban eta Bizkaian dagokigun erantzukizuna ere gure egiten dugu, hauetan baina, herrialde bakoitzean nagusi izan den indarrak kontaktuak hastearen zain geldituko gara. Ezinbestekoak dira kontaktuak Batzarreko errealitatea Kutxen eta Kutxabank-eko gainera organoetan islatzeko. Eta ez diogu uko egiten elkarrizketak abiatzeari gainerako indarrek egiten ez badute. Guztiekin negoziatzeko prest gaude, baina argi utzi nahi dugu gure abiapuntuak Kutxen Izaera Soziala eta Gizarte Ekintza direla, beren izaera publikoaren defentsa eta, ondorioz, pribatizazio asmoen eta etxe desjabetzen kontra egitea. Kutxak eta Kutxabank Euskal Herriaren eta pertsonen zerbitzura jarri behar ditugu, alderdikeria eta espekulazioaren bitarteaz sortu duten krisi honetatik ateratzeko baliagarriak diren erakundeak sortzeko.

Berriak

EHBildurentzat kezkagarria da EAJk hona ekarri gaituen politika ekonomiko bera planteatzea

1.-Instituzio guztietarako aurrekontuen inguruko adostasuna planteatzen du dokumentuak. Nolabait instituzio guztiek aurrekontuak izatea duen garrantzia azpimarratzeko, baina puntu honen helburu nagusia Eusko Jaurlaritzako 2013ko aurrekontuak onartzea da eta jada iragartzen dituen irizpideak oso kezkagarriak dira:

-defizit publikoa murriztea du helburu, eta ez gure ekonomia berpiztea.

-Estura (austeritatea) eta gastu arruntaren murrizketa planteatzen du.

-Eta “arrazionaltasun” horren atzean sektore publikoaren murrizketarako eta indargabetzerako bidea irekitzen dela dirudi.

-Funtsean, eta gastu soziala mantentzea helburua dagoela esaten badu ere, EAJk proposatzen duen aurrekontu politikaren ezaugarriak zor publikoa bankuei ordaindu ahal izatea helburu duen “Aurrekontu egonkortasunerako legean” dago oinarritua. Alegia, lehen erreskatearen ondorioz Europako botere finantzarioa nagusiek estatu espainolari agindutako betetzea.

2.-EAJ-k aurrekontu politikaren oinarriak definitzerakoan muzin egiten dio EHBilduk proposatutako planteamendu ezberdinei:

-“Aurrekontuen Egonkortasun legearen” irakurketa propio eta aldebakarrekoa egitea. Gure herriak pairatzen duen krisi ekonomikotik aurrera ateratzeko aurrekontu espansiboak eta antiziklikoak behar dira eta EAJk planteatutako ezaugarriak azken urteetan sakontzea besterik ez dute planteatzen.

-Bestetik krisi egoera larri honetan hurrengo urteko aurrekontuetan estatu espainolari ordaindu beharko diogun kupoaren inguruko aipamenik ere ez dago. Kupo horren atal geroz eta garrantzitsuagoa berriro diogu bankuei zorraren interesak ordaintzeko erabiltzen denean.

-EAJk gure herriak burujabetza ekonomiko eta fiskal handiago baten norabidean lan egiteko konpromisoa azaltzen du, ez nola ordea. EHBilduk atal honetan eginiko proposamen zehatzari ez dio erantzuten nahiz eta egungo markotik abiatuko litzatekeen dinamika den (Finantza Kontseilu Nagusitik eta Kontzertuaren Batzorde Mixtotik, hain zuzen). Harrigarria benetan.

3.-EAJ-k erreforma fiskalerako deialdia egiten du. Pozten gara zinez, eztabaida hau Bilduk eta Gipuzkoako Aldundiak jada duela urte bete luze eskatu eta planteatu zutelako. Pozten gara era berean, progresibitatea eta sarreren nahikotasuna helburu duen erreforma planteatzea. Edonola ere, azken urteetan burutu diren erreforma fiskaletan (adib. 2008) edota lehengo urtean Gipuzkoan proposatutako aldaketetan EAJk beti uko egin dio progresibitateari. Eta iraunkorki izandako jarrerak mesfidati izateko arrazoiak ematen dizkigu, are gehiago aurkeztutako dokumentuan espreski Gipuzkoako Aldundiak aurkeztu berri duen Ondasun Handien gaineko zerga geldiarazteko saiakera oso garbi azaltzen denean. Edonola ere, ongi etorria izan dadila, erreforma fiskala eta progresibitatearen eztabaida, duela soilik aste batzuk Urkulluk gai hau demagogiatzat hartzen bai zuen.

4.-Argigarria da berriz ere zeharka bada ere, uko egiten diola hiru lurraldeen arteko iruzur fiskalaren kontrako plan bateratuei. Egia da, Aldundi bakoitzak bere egitasmoa egin behar duela, berez Gipuzkoakoak egin berri du jada, baina egia da ere hiruren arteko koordinazio eta elkarlana ezinbestekoa dela. Eta ez soilik “sentiberatze kanpainak” egiteko.

5.-Ekonomia biziberritzeko plana eta enpleguari dagokionez zera esan nahi dugu. Oro har, positiboak izan daitezkeen norabide ezberdinak ageri dira. Baina EAJk oso ondo daki “defizit publikoa murriztea helburu duen” aurrekontu batekin ezingo direla hor agertzen diren norabide orokorrak plan zehatzetan bideratu. Are gehiago, adibidez gastatzeko egongo den diru kopuruaren zati garrantzitsuena AHT bezalako inbertsio erraldoiak aurrera ateratzeko gastatzen badira. EAJk ez ditu ekimen zehatzak planteatzen atal honetan, jakin badakielako 2013tik aurrera Eusko Jaurlaritzak ez duela nahikotasun finantzariorik ekonomia biziberritzeko plan eta egitasmo zehatzak aurrera ateratzeko. Edonola ere, gure prestutasuna azaldu nahi dugu enplegua sortzeko helburu duten atal guztietan hitz egiteko.

6.-Azpimarratzekoa dokumentu osoan lehen sektoreak bizi duen krisiaz aipamenik ere ez egitea.

7.-Argigarria da ere enplegua sortzeko atal batez ari bagara ere, lan harremanetarako esparrua eskuratzeko edo praktikan lan erreformak gurean eragina izan ez dezaten hartu beharko liratekeen neurrien inguruan aipamenik ez egitea.

8.-Politika sozialak mantentzeko helburua begi onez ikusten ditugu nahiz eta “kontrola” hitzaren atzean zer dagoen ere imajinatu dezakegun eta guztiz kezkatzen gaituen. Hala ere, atal honetan ere hitz potoloetatik zehaztasunetara dagoen bidea ikusteko EH Bildu prest.

9.-Oro har esan daiteke egungo markoaren gabezien baitan eta egungo politika neoliberalek ezartzen duten margenen baitan (“Egonkortasun legea”) kokatutako planteamendua dela. Oinarria beraz arduratzekoa, hona ekarri gaituzten politika ekonomikoaren lerro nagusiak errepikatzea planteatzen delako. Hala ere, EH Bilduk planteatutako erreforma fiskala, enpleguaren sorrerarako ekimenak edota gastu soziala mantentzeko asmoa agertzen den neurrian hitz egiten jarraitzeko borondatea azaldu nahi du. Hori bai, edo sakoneko aldaketak egiteko prestutasuna dago edo sakona, oso sakona den krisi honetatik ateratzea ezinezkoa izango da.

Berriak

Alternatibak Elikadura Burujabetzaren alde bihar Bilbon Etxaldek deitutako manifestaziora joateko deia egin die herritarrei

Alternatibako Mahai Ekologistako bozeramaile Asier Vegak, bihar Bilboko kaleak zeharkatuko dituen elikadura burujabetzaren alde “Elikadura, herritarron eskubidea” lemapean Etxalde mugimenduak antolatutako manifestaziora herritar guztiei dei egin die. Guztiontzako “elikadura eredu iraunkor baten alde egingo da, elikadura eskubide bat izan ez ezik, bizirik irauteko beharrezkoa ere delako”.

Alderdi ezkertiar eta ekologistako bozeramaileak gogorarazi duenez, elikatzeko eskubidea 1948ko Giza Eskubideen Aldarrikapen Unibertsalean jasotzen da baina, “tamalez, munduan eta Europako Nekazal Politika Bateratuan (NPB) gailentzen den eredu neoliberal kapitalista honen ondorioz, elikadura, merkantzia eta espekulaziorako tresna bilakatu da”. Eta honek, laguntza publikoen kontzentrazioa sustatzeaz aparte, hainbat gizarte segmentuen onura ere ekarri du beste pertsona eta herri askoren gabeziaren eta gosearen lepotik”.

Bestetik, Vegak, Euskal Herriaren kasua azpimarratu nahi izan du: “Hemen kontsumitzen ditugun elikagaien %4a baino ez da gure lurraldean ekoizten eta, horregatik, enpresa banatzaile eta saltzaile erraldoi hauetatik bat-batean urruntzeko beharra dugu”. Era berean, bertako lurren “bereganatze masiboa” salatu eta, aldi berean, arrantza, nekazaritza eta abeltzaintza eredu industrialen kontra egiteko garrantzia adierazi du ere.

Egoera honi aurre egiteko, Alternatibak nekazarien eskubideak kalean aldarrikatzeko dei egin dio gizarte osoari, bihar Bilboko Jesusen Bihotzetik 12:00etan abiatuko den elkarretaratzean parte hartuz mugimendu sozial, GKE, talde ekologista eta sindikalekin batera. Alternatibako ordezkaritza zabala ere izango da martxan, hautatu berriak diren Diana urrea eta Oskar Matute legebiltzarkideak eta Asier Vega bere ere, besteak beste.

Berriak

Alternatiba | Ezkerra eraldatzearen erronka

X