EHBildu – 9 orrialdea

Kanpaina sexistetan diru publikoa erabiltzea salatu du EH Bilduk

Eusko Jaurlaritzak eta Bilboko Udalak, Bilbao Ekintzaren bitartez, kanpaina sexistak babestea oso larritzat jo du Alternatibako kidea eta EH Bildu Bilboko zinegotziak, Alba Fatuarte. Hain zuzen ere, Santutxu Stock kanpaina babesten dute erakunde bi horiek. Argitaratutako karteletan maniki itxurako zenbait emakume agertzen dira. Emakumea, algeia, arropa erostea ardura bakar bezala duen pertsona bat bezala irudikatzen dute.

Fatuarte zinegotziaren ustez, “Berdintasun Legea betearazi behar duenak ezin du horrelako kanpainei sostengurik eman. Merkatari txikiei babesa eta laguntza eskaini behar zaie. EH Bilduk ez dauka inolako zalantzarik eta hori da koalizioaren lehentasunetariko bat. Hala ere, babes hori ezin da inoiz sexismoan oinarritu”.

Horrek erakusten du, Fatuarteren ustez, “udal gobernuak zer nolako garrantzia ematen dion berdintasunari. Egun batean Emakume Mundu Martxari babesa ematen diote; hurrengoan horrelako kanpaina sexista bati”.

Beraz, EH Bildu Bilbok exijitzen du kanpaina bertan behera uztea du eta Bilbao Ekintzak afera horretan duen erantzukizuna bere gain hartzea gaur ospatu behar duen batzarrean.

15/10/02

Berriak

Kolonbiako herria lortzen ari den bezala, Euskal gizarteak behin betiko bakean eta elkarbizitzan oinarritutako etorkizuna irudikatzen du

Hasier Arraiz EH Bilduko bozeramaileak eta Diana Urrea EH Bildu zein Alternatibako kideak eta Kolonbiako nazioarteko bake foroko partaideak agerraldia egin dute Kolonbian lortu duten bakerako akordioaren irakurketa egiteko. Arraizek eta Urreak Kolonbiako herria zoriondu dute, bakea ekarriko duen oinarriak ezartzeko gai izan direlako.

Kolonbiar-euskalduna izanik, “hunkituta” dagoela adierazi du Urreak. “Zorionak eman behar dizkiot Kolonbiako herriari, baina, batez ere, nirea bezalako milaka eta milaka familiei, etorkizun hobeago baten bila Kolonbiatik joan behar izan zuten familiei. Urrunetik bada ere, gatazka armatua amaitzen ari dela eta justizia sozialean oinarritutako bakea eraikitzeko lehen urratsa eman dela ikusten ari dira”.

“Kontrako interes asko egon arren, Kolonbian erakutsi dute bakea lortzea posible dela”, esan du Urreak. “Zoragarria litzateke Kolonbian bizitzen ari diren momentu historiko hau, guk ere Euskal Herrian etorkizun hurbil batean bizi ahal izatea, eta lortuko dugu”.

Arraizek, bere aldetik, adierazi duenez, “aldi baterako justizia ezartzeko eta 6 hilabeteko epean bakea erdiesteko Kolonbiako Gobernuak eta FARCek nazioarteko begiradapean erdietsi duten akordioaren edukietan sartu barik, Kolonbia behin betirako bakerako bidean jartzeko eraman duten prozedura eta irmotasuna eredugarriak dira”.

“Lehendabizi, zeuden zauriei begiratu gabe, gai izan dira alde guztiak mahai baten bueltan esertzeko. Gero, bidean izan diren oztopo guztiak gainditzeko gai izan dira. Eta amaitzeko, bi aldeak gai izan dira eskuzabaltasun osoz jokatzeko helburu baten bila: bakea”, nabarmendu du EH Bilduko bozeramaileak.

“Inork ez du esaten gatazkak gainditzea erraza denik”, gaineratu du. “Jakitun gara bidean gaindiezinak diruditen mendiak aurkitzen direla, hangoek eta hemengoek prozesua zangotrabatzeko ahaleginak eta bi egingo dituztela… Euskal Herrian beste inon baino hobeto dakigu hori. Baina borondatea dagoenean, determinazio osoz jokatzen denean, eta alde guztiak eskuzabal jokatzeko heldutasuna dutenean, helburuak lortzen dira. Eta behin betiko bakea lortzen da”.

Bestalde, Espainiako Gobernuaren jarrera “hipokrita” salatu du Arraizek, Kolonbiako bake prozesua babesten duelako, Euskal Herriko “zapuztu nahian” ari den bitartean. “Kolonbiako ispiluan begiratu beharrean, Espainiako Gobernuak eta PPk nahiago izan dute Euskal Herriko gatazkari errendimendu politikoa eta elektorala atera. Baina Kolonbiako bidea eta eredua hain da argigarria nazioarte mailan, Madrilgo gobernuak jendaurrean babestu behar izan zuela Kolonbiako bake prozesua. Hau da, Kolonbiarako balio duenak eta ona denak, Euskal Herriarentzat ez du balio. Hipokresia handiagorik?”.

EH Bilduko bozeramailearen esanetan, “Euskal Herrian, Kolonbian egin duten bezala, gai izan behar gara bakea lortzeko erantzukizunak eskatzen duen mailan aritzeko. Erantzukizunez, tinkotasunez eta herri gisa jokatu behar dugu. Herri gisa dauden helburu guztiak bezala, bakea eta elkarbizitza egunero eraikitzen dira, egunero ematen ditugun urratsen bidez. Ondo dakigu hori Euskal Herrian, eta determinazio eta borondate osoz jarraitu behar dugu gure helburuaren bila. Bidean topatzen ditugun oztopo eta zangotraba guztien gainetik jauzi eginda”.

“Euskal gizarteak behin betiko bakean eta elkarbizitzan oinarritutako etorkizuna irudikatzen du, eta horra heldu nahi du. Kolonbiako herriak lortu duen bezala”, azpimarratu du.

Bakea eta elkarbizitza egunero hartzen diren erabakien bidez eraikitzen dela adierazi du, eta “herri gisa” jokatuz. Era horretara, urriaren 3an ‘Bakea, Erabakia’ lelopean egingo den manifestazioa horretarako aukera paregabea dela agertu du. “Bakean bizi nahi duen eta elkarbizitza eraiki nahi duen herri oso bat dagoela erakutsi behar dugu, erantzukizun eta determinazio osoz jokatzen duena. Horrela bakarrik lortuko dugu bidean aurkitzen ari garen oztopo guztiak gainditzea eta gure helburua erdiestea: bakea”.

EH Bildu

15/09/25

Berriak

Herri katalanari eta bere prozesuari babesa adierazi diogu EH Bilduk, ezkerreko hainbat indar subiranistekin batera

Diada egunaren ospakizunekin kointzidituz, Estatuko nazio eta herri desberdinetako 8 erakunde politikok Katalunian irekitako prozesuarekiko babes posizio amankomuna topatzera begira bilkura bat ospatu zuten Bartzelonan. Galiza, Castilla, Mallorka, Valentzia, Euskal Herria, Aragoi eta Asturiako ordezkariek irailaren 27an Principateko herritarren hartutako erabakiekiko errespetua aldarrikatzen duen adierazpena onartu zuten. Erakunde hauek, gainera, Estatuak Kataluinaren aurka hartu ditzakeen balizko neurrien aurrean koordinatzeko konpromisoa agertu zuten. Eta modu orokorrago batean, bakoitzak bere herrian aldarrikapen soberanistak aurrera egin dezan ekimenak elkarbanatzean. Nazio ezberdinetako ordezkarien bilkura Ciemen-en (Centre Internacional Esquerra per a les Minories Etniques e les Nacions ) egoitzan ospatu zen, eta topaketa horren anfitrioi eta ikuskatzaile gisa CUP eta ERCko ordezkariak egon ziren.

Begirada irailaren 27an Principatean ospatuko diren hauteskundeetan jarrita, Galiza, Euskal Herria, Castilla, Asturias, Aragon eta Pais Valencia eta Mallorkako erakundeek, espreski onartzen dute hauteskude horien izaera “plebiszitario eta/edo konstituziogilea”.

Era berean, Principat-eko prozesua Estatuko nazio eta herri desberdinetan etorkizunean eman daitezkeen aldarrikapenen plasmazioarekin lotzen dute, ikur desberdinetakoak izan arren, amankomunean haustura demokratikoa eta erabakitzeko eskubidea dituztenak.

Andecha Astur, Bloque Nacionalista Galego (BNG), Bloc Nacionalista Valencià (Bloc), Chunta Aragonesista ( CHA), Euskal Herria Bildu ( EH Bildu), Izquierda Castellana ( Izca), Mes per Mallorca (MES) eta Puyalón de Cuchas-ek argiki adierazten dute Catalunyako egoera eta nazioarteko komunitateak, Europar Batasunak eta Estatu espainiarrak egoerari aurre egingo dieten moduak “determinatuko dutela hein handi batean, gure nazioek euren etorkizunean eragingo duten erabakiak hartzeko errespetuzko marko bat bideratzeko aukerak”.

Era berean, manifestuaren sustatzaileek “borondate demokratikoaren errespetua eta herrien eskubideen errekonozimendua harreman justuago eta solidarioagoen marko baten oinarria izan behar dutela” ulertzen dute eta “justizia sozialean eta bizitze onean oinarrituta, herriak zorraren txantaiatik askatuko dituen eta oinarrizko eskubide sozialak eta askatasunak onartuko dituen Europa berri bat eraikitzeko” duten xedea adierazi dute.

Bilkuran parte hartu zuten erakundeak Katalunian irekitako prozesuaren inguruan interlokuzio iraunkorra izateko konpromisoa hartu zuten, bereziki “Estatutik mota guztietako ohartarazpen nahiz mehatxuak igortzen direnean”. Era berean, haustura demokratikoaren mesedetan “eztabaida eta kolaborazio” esparruak irekitzeko prestutasuna adierazi zuten; “aldaketa politikoa nazioetan eta hauen erabakitzeko eskubidean jokatzen dela” ulertzen baita.

EH Bildu

http://alternatiba.net/old-files/Herri katalandarraren askatasunen aldeko elkartasun adierazpena.pdf

15/09/16

Berriak

Oskar Matute: “EH Bilduko militantziak erabakiak hartzeko guneak behar dituela uste dugu, eta lehen urratsa egingo dugu bide horretan”

Oskar Matute EH Bilduko bozeramaile eta Alternatibako kideak Bilbon egindako agerraldian azaldu du EH Bilduk prozesu parte-hartzailea jarriko duela abian, Espainiako Kongresurako eta Senaturako hauteskundeetara zein modutara eta zein zerrenda kiderekin aurkeztuko den militanteek erabaki dezaten. Matutek azpimarratu duenez, “prozesu parte-hartzaile eta gardena izango da, behetik gora gauzatuko dena”. Gaineratu duenez, “EH Bilduko militantziak erabakiguneak izatea eta erabakiak izatea da gure helburua, eta hurrengo egunetan abian jarriko dugun prozesura barne demokrazian sakontzeko lehen urratsa da”, agertu du.

Matutek gogorarazi duenez, joan den uztailean EH Bilduko bozeramaileek aurreratu zuten irailean erantzungo ziela hauteskunde orokorretan aldaketa politiko eta sozialaren alde lanean diharduten indar politikoei zerrenda bateratua osatzeko EHUko irakasle talde batek egindako eskaintzari. “Gainera, erabaki hori EH Bilduren militanteek hartuko zutela argi utzi genuen. Heldu da iraila, eta gure oinarriek erabaki hori hartzeko prozedura parte-hartzaile eta gardena abian jartzera goaz”.

Era horretara, hurrengo irailaren 16tik 24ra herri batzarrak egingo dira Hego Euskal Herriko udalerri guztietan, eta bertara deituak izango dira udalerri horretako EH Bilduko militante guztiak. Prozedura honetan ez dira aintzat hartuko herri batzar osoarekin erabakiak, baizik eta militante bakoitzak emandako botoa izango da kontuan, eta zenbaketa orokorra egingo da.

Baina ez da hori izango EH Bilduko oinarriek hauteskunde orokorrei begira hartu beharko duten erabaki bakarra. Urriaren 16tik 30ra herri batzarrak deituko dira berriro, kasu honetan Kongresurako eta Senaturako barruti bakoitzeko zerrendaburuak aukeratzeko.

Matutek azpimarratu duenez, “prozesu parte-hartzaile eta garden hau abian jarrita, zintzoak eta koherenteak izan nahi dugu herritarrei erabaki ahalmena emateko gure irizpidearekin. EH Bilduko militantziak erabakiak hartzeko guneak behar dituela uste dugu, eta hurrengo asteetan abian jarriko dugun ekimena bide horretan emango dugun lehen urratsa izango da”.

15/09/14

Berriak

Ez ezetz da! Indarkeriarik gabeko jai guneak eta bizitzak nahi ditugu

EH Bilduren agerraldia atzo Donostian, Alternatibako militanteen presentziarekin Gipuzkoako batzarkidea den Jon Albizu haien artean, koalizioaren konpromisua eraso sexisten kontra eta beren jarrera politikoa azpimarratzeko azken asteotan eman diren eraso sexisten aurrean.

Udara hasieran Gozo Goza Jaiak kanpaina aurkeztu genuenean Barañaingo jaietako eraso sexista azkena izan behar zuela aipatu genuen. Horrez geroztik, ugariak izan dira jai ezberdinetan izandako erasoak; Baionan, Gasteizen, Azpeitian, Getxon…

Desagertzetik urrun geure jendartean errotuta dagoen biolentzia matxista honek, aurpegi ugari ditu, tartean eraso fisiko eta sexualak, baina ekonomikoak eta hitzezkoak ere badaudelarik.

Horregatik diogu biolentzia matxistari aurre egiteko, bizitzaren esparru orotan berdintasunezko harremanak oinarri izango dituen jendartearen eraldaketa ezinbestekoa dela.

Eta zentzu honetan diogu, biolentzia ez litzatekeela gauzatu ahalko, baldin eta onartzen eta posible egiten duen jendarteratze mekanismoak egongo ez balira; hainbatetan biolentzia kontziente edo inkontzienteki arrazoitutzat, beharrezkotzat edo saihets ezinezkotzat jotzen baita. Eta honela, erlijioak, hizkuntzak, komunikabideak, familiak eta hezkuntzak biolentzia egonkortu dadin, jendarteratze mekanismoen eragile bilakatzen dira.

Horregatik, emakumeok biolentzia matxistarik gabeko bizitza libreak bizi ahal izateko, burutu beharreko lan eta estrategiek ondorengo urratsetan behar dute izan oinarri:

Biolentzia matxistari aurre egiteko garaian, emakume eta gizonen arteko bazterkeria estrukturalaren kontrako lanketa hartu oinarri.
Biolentzia modu anitz eta ugariak bistaratu, biolentzia horiek gauzatzen diren espazio ugariak agerian uztearekin batera.
Baztertzaileak diren adierazpen eta gauzapen kulturalei aurre egin, eta biolentzia matxistaren eragiletzat jo halakotzat hartuak ez baina badiren fenomeno sozio-kultural eta sinbolikoak, hauen bitartez ematen baita gehienetan biolentzia matxistaren legitimazioa.
Agerian utzi, prebentzio lana egin eta emango bada aurre egin, beste biolentzia matxista moduei, transfobia, lesbofobia edo homofobiaren modukoei.
Biolentzia matxistaren aurrean gizonek duten protagonismoa eta jarrera hartzeak aztertzera bultzatu: erasoa zer den eta zer ez den identifikatzeko dituzten arazoak, emakumezkoekin eraikitzen dituzten harremanak, balizko jardunbide matxisten aurreko beraien jarrera, edo eraso matxista baten aurrean har lezaketen jarrera pasiboa erasoa babestu ez arren.
Prebentzioa ezinbesteko elementutzat hartu, berdintasuna oinarri izango duten harremanak sortu eta eraikitzeko garaian, hezkuntza formal eta ez formalean eragin beharko dugularik.

Honengatik guztiagatik, honako konpromisoa hartzen du bere eguneroko jardun politiko, sozial eta instituzionalean EH Bilduk:

Berdintasun esparruko politikekiko konpromisoa mantendu eta egonkortu, berdintasun politikak garatzeko behar diren baliabide ekonomiko eta humanoak indartuz.
Ekintza eta jarrera matxisten aurrean, prebentzio eta salaketarako eragile aktibo izan.
Abian jarri, hedatu edo indartu, emakumeen parte hartze ekitatiboa ahalbideratzen dituzten jai edo jardun sinbolikoak, bai eta gainerako espazio sozio-kulturalak ere.
Emakumeen enpoderamendua bultzatzen duten gune komunak sortu edota indartu, behar adina baliabiderekin eta sare lana sustatuz, enpoderamendu eskolak edo emakumeen etxeen modukoak.

Ez ezetz da eta indarkeriarik gabeko jai guneak eta bizitzak nahi ditugu!!!!

EH Bildu

15/08/17

Berriak

EH Bildu Madrilen PPren autokontsumo elektrikoari buruzko dekretu proiektuaren aurka dago

EH Bilduk autokontsumo elektrikoa arautzen duen dekretu-proiektua atzera botatzeko eskatu dio Espainiako Gobernuari, ekainean aurkeztu zuen zirriborro hori autokontsumo elektrikoaren aurkako eraso zuzena delako eta, hortaz, energia berriztagarrien garapenaren kontra ere doalako. Dani Maeztuk azaldu duenez, “autokontsumoa mugatzeak ondorio garrantzitsuak ditu. Adibidez, argiaren fakturan aurreztea galarazten du, enplegu kualifikatua sortzeko aukera mugatzen du eta EAEn ingurumen arloko konpromisoak betetzea zailtzen du”. Gainera, “dekretu-proiektuak talka egiten du Europar Batasunean eta Estatuan bertan indarrean dauden araudiekin”, erantsi du EH Bilduko legebiltzarkideak.

Gaur bertan Madrilen, Kongresuan, oposizioko alderdiek eta sindikatu eta elkarte ugarik autokontsumo energetikoaren aldeko konpromisoa berretsi dute eta dekretu-proiektua bertan behera gera dadila eskatu diote Rajoyren Gobernuari. Gasteizko Legebiltzarrean ere EH Bildu antzeko adierazpen bat aho batez egiten saiatu da. Zehazki, adierazpen instituzionala onartzea proposatu zuen ekaineko azken osoko bilkuran. Adostasuna ia erabatekoa izan zen, baina PPk Parlamentua Rajoyren dekretu-proiektuaren kontra agertzea galarazi zuen.

EH Bildu

15/07/28

Berriak

Oskar Matute: “Hanka bat izan behar da instituzioetan, eta bestea, kalean”

BERRIA egunkariak Oskar Matute Alternatibako kide eta EH Bilduko legebiltzarkideari eginiko elkarrizketa egun-eguneko gai politikoen inguruan

Matutek uste du EH Bilduk gizartera zabaltzen jarraitu behar duela, herritarrekin eta eragile sozialekin lankidetzan aritzeko. Baikor dago etorkizunera begira, ezker politikoak hegemonia lor dezakeelakoan.

Egunotan joango da oporretara Oskar Matute (Bilbo, 1972) Alternatibako bozeramaile eta EH Bilduko legebiltzarkidea, baina ez luzerako, abuztuaren hasieran martxan izango baita.

Maiatzeko bozetan ezkerrak lehen baino boto gehiago jaso zituen, baina, Araban, Bizkaian eta Gipuzkoan bederen, EAJ da nagusi erakundeetan. Zer hausnarketa eragiten dizu horrek?

Herrialdeotan, ezker politikoak ez du herritarren aldetik jasotako babesaren adinako islarik erakundeetan. EAJk lortu du botere instituzionala bereganatzea, baina horrek ez du esan nahi lehen baino indar handiagoa duenik.

Zergatik diozu hori?

Ez nuke esango inoiz baino errotze sozial handiagoa daukanik.

Zein da zure balantzea?

Ni baikor nago, etorkizuna interesgarri baitator. Gero eta herritar gehiagok hautatzen dute ezker politikoaren eskaintza. EH Bilduk eutsi egin dio lehen zeukan indarrari, gobernu batzuk galdu dituen arren, eta, gainera, aldaketa politikoa eta soziala aldarrikatzen duten beste eragile batzuk sartu dira: Ahal Dugu, Irabazi eta herri plataforma batzuk.

Balizko bazkide al dituzue?

Oraindik ere gizarteko arlo batzuek gurekiko badute errezelorik, nahiz eta gauza askotan bat egiten duten gure planteamenduekin. Lan handia dugu egiteko, eta eremu handia lantzeko. Jende horri ere azaldu behar diogu aukera politiko irekia, plurala eta bateratzailea dela EH Bildu, eta gai garela eskuin politikoari hegemonia borrokatzeko.

EAEn EAJren alternatiba osatzeraino?

Ezker politikoak badu ahalmen hori. Hemen badago oinarri sozial bat aldaketa politikoa eta soziala nahi duena. Oinarri horrek konektatu beharra dauka.

Ahal Dugu-ko botoemaileen soslaia askotarikoa da, baina, agian, gehien Alternatibara hurbiltzen da EH Bildun. Aukera bat galdu duzuela uste al duzu?

EH Bilduko alderdi bakoitzak ditu bere zereginak, baina garrantzitsuena da EH Bilduk berak zer egin behar duen zehaztea. Haren izaera kolektiboa definitu behar dugu, jakinda plurala dela. Gogoeta egiten ari gara fronte zabalaz.

Zer da fronte zabala?

Borroka sozialaren eta nazionalaren uztarketa lortzea eginkizun du euskal ezker politikoak.

Egituraketa aldetik, zer asmo?

EH Bilduk zabaldu beharra dauka, bertako lau alderdietako kide ez den jendeari ere parte hartzeko aukera emateko.

Koalizioan aldaketa sakona egin nahi al duzue?

EH Bilduk ezin du izan alderdien koalizio klasiko bat, ezta hauteskunde marka huts bat ere. Ezin gara aktore indibidual eta kolektiboentzat balazta bat izan, Euskal Herriko ezkerraren indar bateratzaile nagusia izateko xedea baitugu. Zabaltasunaren lurrin horren bila jotzea da funtsezkoa.

Euskal Herrian, alderdi politikoek ez al dute, ordea, kontrolerako tradizio edo joera handiegia?

Guk erabakien uneoroko kontrol edo zaintza saihestu behar dugu, baldin eta tresna hau irekia izatea nahi badugu.

Hauteskundeetako hautagai nagusiak aukeratzeko orduan, ez al zarete nahiko itxiak izan?

Proiektu hau herritarrentzat bada, herritarrek proiektuaz erabakitzeko ahalmena izan behar dute. Asko dugu hobetzeko hautagaien aukeraketan. Alderdion kuotak saihestu, eta ezinbestekoa da denon artean hautagairik onenak aukeratzera jotzea. Aniztasuna gehiago bermatuko litzateke. Izaera horrekin arituz gero, ezin dugu mugarik jarri hautaketa formuletan; berdin dit primarioak egiten ditugun, batzar zabal eta jendetsuak…

Maiatzeko hauteskundeen ondoren, autokritika egin eta herritarrekin egongo zinetela iragarri zenuten. Zer moduz?

Autokritika zintzo bat egin genuen, eta, prozesu horren ondorioz, indartuta aterako gara.

Herritarrekin izandako harreman horretan, zein izan da autokritika nagusia?

Tokian-tokian egoera desberdinak daude, baina, funtsean, EH Bilduk maila nazionalean egindako autokritikarekin bat datoz. Oro har esan dena da: etorkizun bikaina du EH Bilduk, baina gaurko egoera aintzat hartu behar du pausoak emateko. Hau da, Euskal Herria plurala da, errealitate eta lehentasun desberdinak daude, eta osagai denak kontuan hartu behar dira gero erabakiak hartzeko, eta ez lan hori egiteke erabakia hartu eta gero hori ezartzen saiatu.

Duela lau urte hainbat eta hainbat gobernutara iritsi eta politika batzuk martxan jartzean abiapuntu okerra izan al zenuten?

Instituzio bateko gobernura iristeak derrigorrean ez du esan nahi instituzio hori dagoen lurraldeko boterea duzunik. Pentsamendu kolektibo soziala ez bada zure aldekoa, instituzioetan egonda ere ez duzu nahikoa gaitasun izango erabakiak garatzeko. Kontua ez da soilik instituzioak ondo kudeatzea; instituzioak gizartea eraldatuz eta herri bat eraikiz joateko tresna dira.

Gabezia hori izan al duzue?

Hartu, adibidez, Gipuzkoa. Han, egundoko emaitzak izan genituen 2011n, baina hautetsontzietako babes hori ez da nahikoa izan aldaketa soziala eta politikoa baldintzarik onenetan gauzatuz joateko. Hanka bat instituzioetan izan behar da, eta bestea, kalean.

2011tik aurrerako hauteskundeetan, 300.000 botoren bueltan ibili da beti EH Bildu, baina erakundeetako indar hegemoniko izatetik urruti samar dago. EAJk Eusko Legebiltzarrerako bozetan 100.000 boto kentzen dizkizue.

Herri honetan inor ez da indar hegemoniko izango Bilbo Handian ez bada eragile indartsua, ia 900.000 lagun bizi baitira han.

Eta EH Bildu Bilbo Handian botoen %13 inguruan dabil.

Gure koalizioa, ezkerrekoa ez ezik, independentista ere bada, baina horrek ez du eragozpen izan behar Bilboko eta Ezkerraldeko herritarrentzat. Nola lan egin, ordea? Bertako jendearen benetako arazoak konpontzeko proposamenak landuta. Ez naiz esaten ari EH Bilduk Euskal Herri batu eta independentearen aldarrikapenak lausotu egin behar dituenik han. Esan nahi dudana da hango eremu ez-abertzaleko jendea limurtu egin behar dugula haien bizi baldintzak hobetuko dituen eskaintza bat eginda. Haiek hobeto bizitzeko borrokatu behar gara. Ezin dugu azentu berarekin joan Lekeitiora eta Barakaldora.

Zuek, Alternatiba gisa, gabezia edo behar hori ikusten al zenuten lehendik?

Jendeak esaten digu EH Bildu euskal presoez edo independentziaz baino ez dela kezkatzen. Baina hori ez da horrela: Eusko Legebiltzarrean aurrera eraman ditugun ekinbideen %80 pasa arlo sozioekonomikokoak izan dira; sektore publikoaren, hezkuntzaren, osasunaren, langileen, feminismoaren eta abarren defentsa egin dugu. Baina begira zer pentsatzen duen jende askok gure jardueraz. Arazo bat daukagu hor, eta lortu behar dugu aldatzea.

Nafarroan mezu horrek eraginkortasun handiagoa izan al du?

Bai. Baina Nafarroan mezu hori gizarteratzea errazagoa izan da, UPNren gobernu despotiko bat egon baita. Gainera, UPNren politiken aurkako mugimendu sozial indartsu bat eratu zen, alderdien agenda baldintzatzeraino, lehentasunak non diren esanez. Hori da EAEn falta zaiguna.

Zergatik?

Erkidego honetan oraindik ere jende askok pentsatzen du EAJk ez duela politika eskuindar edo neoliberal bat egiten. Barcinaren UPNren kontra egitea baino zailagoa da hemen EAJren aurka egitea. Eta aurka gogor egingo balitz, gainera, arriskua legoke kontrako efektua lortzeko; hau da, jendearengandik urruntzeko.

Zer mezu ematearen alde zaude, hortaz?

Ez diegu horrenbeste erreparatu behar beste alderdiei. Herritarrak izan behar ditugu buruan, eta haiekin aritu, denon artean zertarako prest gauden aztertuz. Badira lantzeko eremuak: etxegabetzeak, langabezia, berdintasuna, ingurumena… Hegemonikoa izan nahi duen ezkerreko indar batek aliantza lehendabizi bere herriarekin egin behar du; mugimendu sozialekin eta herritarrekin, hain zuzen.

Euskal gatazkaren ondorioak itxi gabe egotea eragozpena al da EH Bilduren bilakaerarako?

Indarkeria mota bat desagertu da [ETArena], baina badira beste batzuk oraindik: sakabanaketa, polizia jazarpena… Eta, gainera, gatazkaren ondorioak amaitu gabe dira. Horrek zaildu egiten du EH Bilduren hazkundea. Horregatik sinisten dut nik aldebakartasunean. Guk geuk izan behar dugu aurrenak mugitzen gatazkaren ondorioak konpon daitezen.

Zer pauso emanda?

EH Bilduk aurrerapausoak eman ditu, eta segitu behar du ematen. Adibidez, sektore batzuekiko enpatia handiagoa bilatuz. Bizi baldintzak-eta hobeak izateko, EH Bildu ez da eragozpena izango. Gainera, egoera hobe bat izateak aukera handiagoa sorraraziko du prozesu eratzaile bat egiteko.

Espainiako Estatua hori geldiarazi nahian al dabil?

Gobernuak ez du agertoki demokratiko bat nahi; beldurra dio horri, eta horregatik ari da zangotrabatzen ETAren armagabetzea.

Zu Ezker Batuan ibili zinen. Zer diozu Espainiako Estatuko ezker politikoari buruz?

Badakit, adibidez, Pablo Iglesiasek lehen zer pentsatzen zuen, eta, estatuan inoiz ardura postu garrantzitsurik badu, gustatuko litzaidake gauza bera pentsatuko balu. Baina hemen garrantzitsua euskal ezker politiko indartsua egotea da, eta, gaur-gaurkoz, Euskal Herrian indar hori EH Bildu da. Ikusiko dugu beste indar batzuek zer bilakaera duten.

Zuk uste duzu estatuan aro berri bat zabal daitekeela?

Estatuan behar dena da haustura demokratiko bat, eta ez erreforma bat.

PSOEk iragarri du konstituzio erreforma bat bultzatu nahi duela, eta Urkulluk aitortu du harekin ituna egin nahi duela.

Urkullu erakusten ari da euskal estatuaren bisio txikia daukala. Arduradun instituzional batek bere alderdiarentzat lasaitasuna eta erosotasuna bilatzeak ez du derrigorrean esan nahi hori izango denik onena hark ordezkatzen duen herriarentzat. Erabakiak euskal herritarren artean hartzeko tresnak lortu behar ditugu, eta Urkullu ez da ari formula horren bila. Are gehiago, esango nuke PSOErekin ituna egin nahi horretan ez duela nahi halakorik.

Berria

15/07/17

Berriak

Alarde mistoari harrera ofiziala egiteko eskatzen diogu Foru Aldundiari, arartekoari eta Irungo Udalari

Ate joka ditugu Irungo jaiak eta bertako ospakizunetako hitzordurik garrantzitsuena: alardea. XXI. mendean ondo sartuta gauden arren, oraindik ere Irun eta Hondarribiko alardeak emakumeen eskubideen eta, beraz, giza eskubideen urraketen esparruak izaten jarraitzen dute. Urteetan bertako emakumeek eta bestelako eragile sozialek egindako borrokari esker aurrerapauso nabarmenak eman diren arren eta gizon-emakumeek osatutako alardea urtero kalera ateratzen den arren, oraindik ere alarde parekideak ez du erdietsi alor instituzionalaren erabateko babesik eta errekonozimendurik.

Alor instituzionalaren aldetik beharrezkoa den aitortza eta babes horretan aurrerapauso nabarmenak egin dira azken lau urteotan. Izan ere, Gipuzkoako erakunde nagusietako ordezkari instituzionalek, harrera instituzional ofiziala egin diete Irungo eta Hondarribiko alarde parekideei.

Gipuzkoa anitza, librea eta herritar guztien oinarrizko eskubide zibilak babestu behar direla jabetuta, emakume eta gizonen parte-hartze parekidea, festa giroan ere gauzatu behar dela barneratua izan dute Gipuzkoako Foru Aldundiak zein Gipuzkoako Batzar Nagusietako Lehendakaritzak azken lau urteotan.

Emakumeen eta gizonen arteko berdintasuna Gipuzkoako esparru guztietan gauzatu dadin, erakundeetako ordezkariok lider izan behar dugula uste dugu EH Bildutik, eta horregatik atzerako pausurik eman gabe aurrera egiten jarraitzea dagokigu, gipuzkoarrekiko erantzukizunez, eta herritar guztien askatasuna babestuz.

Hori horrela izanik, EH Bilduren batzarkide taldeak eskaera zuzena erregistratu du Gipuzkoako Batzar Nagusietan, Eider Mendoza BNetako presidenteari, eta osatu berri den Gipuzkoako Foru Aldundiari, Markel Olano diputatu nagusiari, Irunen eta Hondarribian izango diren alarde parekideetako konpainiei, erakunde harrera ofiziala egin diezaieten.

Eskaera bera egiten diogu Ararteko izendatu berri duten Manuel Lezertuari, eta Irungo Udalari. Urteak joan eta urteak etorri, PSE-EEren gidaritzapeko Irungo Udala ez da kapaz izan eskubide guztiak bermatzen dituen alarde parekideari merezi duen harrera ofiziala egiteko eta, okerragoa dena, errespetu minimoa agertzeko. Gauza bera exijitzen diogu Hondarribian urtetan gobernatzen ari den PNVri ere. Ordezkari publikoek alarde publikoari zor diote begirunea, baina PSE zein PNVko ordezkariak honi bizkarra eman diote.

Biek, PSEk eta PNVk, Irunen eta Hondarribian, bizkar eman diote emakume eta gizonen berdintasuna gauzatzen duen ariketa praktikoari, jai parekideari, alegia, alarde mistoari; eta alarde baztertzaileen alde modu ageri bezain lotsagabean jokatzen dute urtero. Orain Gipuzkoako erakunde nagusietan gobernu akordioa duten horretan, gipuzkoarrekiko erantzukizunen, eta herritarren oinarrizko eskubideen alde eginez, Irunen eta Hondarribian alarde mistoari harrera ofiziala egitera deitzen ditugu.

Era berean, eta urtero ekainaren 30ean eta irailaren 8an EAEko Emakumeen Berdintasunerako Legea urratzen dela ikusita, lege hauste horiek saihesteko zein neurri hartzeko asmoa daukan galdetu nahi diogu beste behin Jaurlaritzari eta Urkullu lehendakariari. Eusko Jaurlaritzak ezin du jarraitu beste aldera begiratzen tamaina honetako lege eta eskubide urraketak gertatzen diren bitartean.

Emakumeen eta gizonen arteko berdintasuna lortzea esparru guztietan gauzatu behar denez, ordezkari publikooi dagokigu haren aldeko zaintza eta berau lortzeko ardura instituzionalarekin jokatzea, Gipuzkoako erakunde nagusietako ordezkari instituzional garen neurrian. Azken urteotan bezala, EH Bilduko ordezkariak han izango gara, eta BNetako lehendakaria, GFAko ordezkari nagusia, eta Irun zein Hondarribiko alkateak, alboan izan nahi ditugu.

EH Bildu

15/06/29

Berriak

Matute: “Herriak agindu eta gobernuak bete. Zapatisten leloa Euskal Herrian nahi dugu”

Oskar Matute Alternatibako bozeramaile eta EHBilduko legebiltzarkidearen hitzartzea koalizioak asteon oreretan eginiko ekitaldian.

Ongietorri eta eskerrik asko etorri zareten guztiei. Gurekin egon nahi, baina egoterik ez dutenei ere, besarkada bat helarazi nahi diegu.

Kanpainaren azken txanpan sartu gara. Baina aurretik bide luzea egin dugu. Lau urteko ibilbidearen azken urratsa dugu aurretik eta, zorionez, pozik eta lasai esan dezakegu, etxeko lanak eginda heldu garela une honetara. Kalean zein erakundeetan, udaletxe eta batzar nagusietan, erakutsi egin dugu, EH Bildu dela eredu ustel eta zaharrari aurre egiteko alternatiba bakarra. Gipuzkoa da horren adibide.

Las mujeres y hombres que conformamos EH Bildu llevamos cuatro años caminando juntos, peleando cada injusticia y plantando cara a aquellos que han convertido el poder en una costumbre y el robo en una profesión. A los saqueadores de lo público, a esos que utilizan el dinero de todos para el lujo de unos pocos, queremos decirles que tienen las horas contadas, que las gentes de Euskal Herria no vamos a parar hasta arrancar a los corruptos de las instituciones de este país. Y nos da igual que se refugien en la calle Génova, o en Ferraz, o en Sabin Etxea. Nos hemos cansado de su política de especulación, hormigón y sobornos. Nos hemos hartado de que llenen los bolsillos de banqueros y grandes empresarios mientras hunden al pueblo en la deuda y la miseria.

Los veréis estos días fingiendo desacuerdo. Recriminándose unos a otros. Lanzándose acusaciones y reproches. Lo hacen siempre, unos días antes de las elecciones. Están en campaña y saben hacer teatro. El mismo día de las elecciones, como han hecho en todas las ocasiones sin excepción, detendrán su pelea para repartirse el botín, para negociar una vez más las mismas políticas que nos han llevado a la ruina. Se pondrán de acuerdo como lo han hecho para llenarse los bolsillos con la estafa del TAV, con los desfalcos de Bidegi, con la privatización de Kutxabank o con el negocio de la incineración que quieren exportar a Gipuzkoa. Lo demuestran día a día: son el mismo perro con distinto collar.

EHBilduk erakutsi du gauzak beste modu batera egin daitezkeela. Herri honek baduela horretarako indarra eta gaitasuna, eta badirela aldaketarako baldintzak. Eraldaketa soziala eta burujabetzaren bidetik, ezkerretik eta behetik gora eraiki beharreko Euskal Herria nahi dugu.

Los que tienen todo, tienen miedo a perderlo todo. Pero las clases populares de este país no tenemos nada que perder. La rebeldía es nuestro derecho más básico y no vamos a dudar en ejercerla. Ya lo reconocía la Declaración de los derechos humanos de 1793: “Cuando el gobierno viola los derechos del pueblo, la insurrección es para el pueblo el más sagrado de sus derechos y el más indispensable de sus deberes.”

Nuestra insurrección se llama Vía Vasca. No es un atajo ni un camino fácil, pero es un camino desobediente para devolver la dignidad al pueblo vasco. En esa vía vasca, como en la declaración de los derechos humanos, todas las personas son iguales. En la vía vasca no puede haber millonarios brindando con champán mientras cada vez más personas se ven obligadas a dormir en cajeros automáticos. Y en la vía vasca, Euskal Herria no puede ser el país con mayor concentración de policías de Europa (máxime cuando demuestran que todas reprimen igual de bien), ni quiere ser un país sumiso que se deshace en reverencias hacia los borbones. Nos lo decía el otro día Lucio Urtubia, histórico militante anarquista: “hay que pelear porque las cosas no caen del cielo”. Un pueblo libre no pide permiso para ejercer sus derechos, por eso vamos a tomar lo que es nuestro sin esperar a nadie.

No nos cansaremos de repetirlo, queremos decidirlo todo para cambiarlo todo. Los poderes financieros no van a decidir el futuro de este pueblo. La patronal de los grandes empresarios no va a decidir el futuro de este pueblo. Ya hemos visto a PNV, PP y PSOE ejercer de marionetas de la banca y la peor calaña empresarial. Los hemos visto traernos paro, precariedad, contratos basura, facturas de la luz más caras, alimentos y productos básicos más caros. La Vía Vasca es el pueblo eligiendo su propio destino, somos la mayoría eligiendo derechos sociales y servicios públicos. En Euskal Herria, como proclaman las comunidades zapatistas, el pueblo manda y el gobierno obedece.

Herriak agindu eta gobernuak bete. Zapatisten leloa Euskal Herrian nahi dugu. Eta horregatik, Erabakitzeko Eskubidea izango da EH Bilduren jardunaren oinarria. Dena erabaki nahi dugu, dena aldatzeko; austeritate politiken aurrean gure politika propioak erabaki nahi ditugu, fiskalitate eredutik politika sozialetara, politika ekonomikoetatik ingurumenarekiko harremanera. Herritarren borondatean oinarrituko den Euskal Herria eraiki nahi dugu.

Han querido ensuciar la palabra democracia. Pero la democracia no puede ser cuatro años de carta blanca para los gobernantes. Queremos decidir día a día nuestro futuro. Queremos que nos pregunten si nuestro dinero debe regalarse a las constructoras del TAV o si por el contrario es una prioridad cubrir nuestros derechos más básicos. Queremos decidir para que no nos decreten recortes sociales, para que nuestro dinero no termine en los bancos alemanes. Queremos decidir un NO muy grande al fracking y a quienes quieren hipotecar nuestra tierra con ánimo de lucro. Queremos decir un NO sonoro al TTIP y a aquellos que someten los derechos sociales y laborales de los pueblos a los caprichos de las transnacionales.

Nuestra brújula no mira hacia Madrid. Nosotras y nosotros somos nuestro propio norte. Porque la soberanía no es sólo un derecho colectivo, es cuestión de derechos humanos, civiles y políticos. De supervivencia. En un país libre y soberano, nuestros jóvenes no serían torturados y encarcelados por su militancia política, y la policía vasca no los detendría a las órdenes de un tribunal franquista.

Por eso, queremos enviar un abrazo lleno de fuerza y solidaridad para todas las personas que han levantado un muro rebelde en Gasteiz. Un abrazo muy fuerte a quienes resisten, a quienes luchan, un abrazo a Aiala, Igarki e Ibon Esteban, los tres jóvenes perseguidos por su compromiso político. Sois el presente y el futuro de este pueblo. Eutsi gogor!

Gasteizera begira altxatu da gaur Euskal Herria. Aurretik Ondarroan edo Loiolan gertatu bezala, laranja duintasunaren eta elkartasunaren kolorea bilakatu da. Gazteak eraman dituzte, baina berriro ere, herri honek irabazi egin du: Biharko Euskal Herrian, pertsona guztien eskubide guztiak errespetatuak izango direlako.

Gehiengo sozialen interesak eta eskubideak babesten dituen indarra de EHBildu. Jendeak badaki, haien artean egon garelako denbora guzti honetan: etxe-gabetzeak geldiarazteko, lan eskubideak aldarrikatzeko, emakumeek beren gorputzaren jabe direla oihukatzeko eta pertsona guztion eskubide guztiak exijitzeko. Erakundeak hartu behar ditugu herritarren zerbitzura jartzeko.

Frente al negocio gris de la especulación y el cemento, levantamos el color verde de quienes pelean por defender nuestra Ama Lurra. Nuestro color es el morado del movimiento feminista, el de aquellas mujeres que han plantado cara Adegi y han defendido los derechos de las trabajadoras de las residencias. Y llevamos también el color rojo de la rebeldía. Porque Euskal Herria es un pueblo hecho de rebeldía.

Hace cuatro años llegamos para decirle a los jueces de Madrid que la democracia no se compra ni se vende. Que somos y existimos. Hoy me gustaría recordar a Galeano, defensor incansable de los derechos de los pueblos. El mundo, decía, “es un montón de gente, un mar de fueguitos”. Durante los próximos días, vamos a encender este país, vamos a iluminarlo para que nadie se olvide de que la dignidad existe y lleva vuestro nombre.

Maiatzaren 24an, udalak eta foru erakundeak baino askoz gehiago dugu jokoan. Herri bat, duintasuna eta etorkizuna ditugu irabazteke. Eta irribarre egin, irabaztera goazelako.

Gora Euskal Herri gorria, berdea eta morea. Gora gu ta gutarrak.

https://pbs.twimg.com/media/CFYBMPGWoAATayJ.jpg:large

https://pbs.twimg.com/media/CFTyMFYW0AAVS91.jpg:large

http://oarsoaldea.hitza.eus/wp-content/blogs.dir/225/files/eh-bilduren-ekitaldia-niessenen/DSC_0643.JPG

http://oarsoaldea.hitza.eus/wp-content/blogs.dir/225/files/eh-bilduren-ekitaldia-niessenen/DSC_0652.JPG

http://oarsoaldea.hitza.eus/wp-content/blogs.dir/225/files/eh-bilduren-ekitaldia-niessenen/DSC_0663.JPG

http://oarsoaldea.hitza.eus/wp-content/blogs.dir/225/files/eh-bilduren-ekitaldia-niessenen/DSC_0679.JPG

15/05/20

Berriak

Oskar Matute: “Erakundeak hartu behar ditugu, udaletxeak eta batzar nagusiak herritarren zerbitzura jartzeko”

EHBilduko hauteskunde kanpainako Bizkaiko ekitaldi nagusian, joan den maiatzaren 9an, Oskar Matute Alternatiba zein koalizioko kideak eginiko hitzartzea.

Ongietorri eta eskerrik asko etorri zareten guztiei. Gracias a quienes os habéis acercado a este acto.

Gurekin egon nahi baina egoterik ez dutenei ere besarkada bat helarazi nahi diegu, asteon eraman dituzten eta LIBRE nahi ditugun gazteak kasu.

Dagoeneko kanpainan murgildu gara. Lau urteko ibilbidearen azken urratsa dugu aurretik eta, zorionez, pozik eta lasai esan dezakegu, etxeko lanak eginda heldu garela une honetara. Kalean zein erakundeetan, udaletxe eta batzar nagusietan, demostratu egin dugu, EHBildu dela eredu ustel eta zaharrari aurre egiteko alternatiba bakarra.

Dicen que el movimiento se demuestra andando, y lo cierto es que las mujeres y los hombres que conformamos EHBildu llevamos ya 4 años aplicándonos el cuento: 4 años caminando para transformar el modelo caduco y corrupto del tripartito conformado por PNV, PP y PSOE. Un modelo que arruina a la mayoría y beneficia a unos pocos; que nos cubre de hormigón y nos endeuda de por vida para llenar los bolsillos a sus amiguetes.

Es hora de acabar con sus chanchullos, sus puertas giratorias… con su reparto de cromos y sueldos sin ir a trabajar, en una Kutxabank que le están robando a la ciudadanía. Necesitamos un cambio político, social y económico; un cambio que EHBildu pretende llevar a cabo, de la mano de las mujeres y hombres que viven y trabajan en este país: Vengan de donde vengan.

EHBilduk erakutsi du gauzak beste modu batera egin daitezkeela. Herri honek baduela horretarako indarra eta gaitasuna, eta badirela aldaketarako baldintzak. Indarrean dagoen eredu grisa eraldatzeko sortu ginen duela 4 urte, kolorezko Euskal Herria eta bizitzak nahi ditugulako. Elkarlanaren emaitza da EHBildu, ezkertiarron eta subiraniston arteko indar metaketa. Eraldaketa soziala eta burujabetzaren bidetik, behetik gora eraiki beharreko Euskal Herria koloretsua dugu helmuga.

Frente a quienes no quieren que nada cambie porque temen perderlo todo, Euskal Herria Bildu es la apuesta por los derechos para todas las personas; la que reconoce la mayoría de edad de la sociedad vasca para decidir su futuro, y cómo quiere vertebrarlo. Es la vía vasca hacia la soberanía plena, que reivindica las herramientas para vivir libres y vivir mejor. No nos valen medias tintas, no pretendemos golpear mil veces la misma puerta con la que siempre nos dan en las narices: Queremos decidirlo todo para cambiarlo todo.

Algunos le tienen miedo a dar la voz a la ciudadanía. Temen la voluntad popular e insultan a la democracia al reivindicarse demócratas. Por eso manipulan y esconden debates: Por eso no nos preguntan si, por ejemplo, queremos un TAV cuya construcción permitiría sufragar el derecho a la vivienda que el PNV nos niega; tampoco quieren saber si la ciudadanía está dispuesta a hipotecar su futuro y su medio ambiente con el fracking; y ni se plantean que nos pronunciemos -o nos informemos si quiera- sobre un acuerdo de libre comercio entre Estados Unidos y la Unión Europea, que supone el mayor ataque contra la soberanía de los pueblos, y contra derechos sociales y laborales.

Nosotras y nosotros no miramos a Madrid, en nuestra brújula el norte lo marca la voluntad libre y democrática de este pueblo. Ya no valen las excusas para demorar el debate sobre el derecho a decidir, porque no solo está en juego una frontera, lo están los derechos sociales, civiles y políticos de la mayoría de las personas que componemos este pueblo.

Gehiengo sozialen interesak eta eskubideak babesten dituen indarra de EHBildu. Jendeak badaki, haien artean egon garelako denbora guzti honetan: etxegabetxeak geldiarazteko, lan eskubideak aldarrikatzeko, emakumeek beren gorputzaren jabe direla oihukatzeko eta pertsona guztion eskubide guztiak exijitzeko. Erakundeetatik egin dugun bezala, eta maiatzaren 25etik aurrera, egingo dugun bezala. Erakundeak hartu behar ditugu, udaletxeak eta batzar nagusiak herritarren zerbitzura jartzeko.

Es hora de decirles a PNV, a PP y a PSOE, que no vamos a pedir permiso para denunciar sus desmanes ni vamos a pedir perdón por haberlos combatido. Que dejen de usar las instituciones para llenarse los bolsillos. Que dejen de llenar de millones las cuentas bancarias en Suiza de unos pocos. Se acabó la era de los ladrones.

Que vayan dejando de negociar puestos en los consejos de administración de Kutxabank para los amigos; que dejen de construir carreteras y viaductos que nadie usará, y que solo han servido para enriquecer a quienes luego les hacen cuantiosas donaciones; que dejen los pelotazos estilo Bidegi, Hiriko, Karrantza Minda, Pinosolo, Ibarzaharra y otros tantos. Porque los destaparemos y los denunciaremos uno a uno.

Tenemos por delante días intensos. Días para reafirmarnos y reivindicarnos como pueblo. Ni sumisión ni obediencia, reclamamos soberanía para construir otro modelo, una Euskal Herria libre y multicolor: roja y verde, y también morada. Porque no hay mejores lemas que aquellos que ha esgrimido el movimiento feminista, para reivindicar la soberanía sobre los cuerpos de las mujeres y su derecho a decidir sobre los mismos. Seguid siendo ejemplo para el resto de las luchas, para que no olvidemos que una Euskal Herria libre será feminista, o no será.

El mundo, como dijo un escritor latinoamericano que nos dejó recientemente, “es un montón de gente, un mar de fueguitos”. Nos quedan 14 días para cambiar la historia, seamos fueguitos de un mar que bañe una Euskal Herria libre y en paz, donde prime la vida digna de las personas frente al capital.

Maiatzaren 24an, udaletxeak eta foru erakundeak baino askoz gehiago dugu jokoan. Herri bat, duintasuna eta etorkizuna ditugu irabazteke. Eta irribarre egin, irabaztera goazelako.

https://scontent.xx.fbcdn.net/hphotos-xpa1/t31.0-8/11058506_1092557444094904_3021834543152741506_o.jpg

https://scontent.xx.fbcdn.net/hphotos-xfp1/t31.0-8/11221503_1092557857428196_4397187901039008496_o.jpg

https://scontent.xx.fbcdn.net/hphotos-xap1/t31.0-8/11212663_1092534584097190_1102115576153075881_o.jpg

https://scontent.xx.fbcdn.net/hphotos-xpf1/t31.0-8/11206566_1092534737430508_351354629088311005_o.jpg

https://scontent.xx.fbcdn.net/hphotos-xtp1/t31.0-8/11061667_1092534637430518_8015012317035747605_o.jpg

https://fbcdn-sphotos-g-a.akamaihd.net/hphotos-ak-xpa1/t31.0-8/11182806_1092535157430466_3500069544469488910_o.jpg

https://scontent.xx.fbcdn.net/hphotos-xta1/t31.0-8/11251382_1092535250763790_3330253053629742493_o.jpg

https://scontent.xx.fbcdn.net/hphotos-xat1/t31.0-8/11218569_1092535520763763_8964272552557076598_o.jpg

https://fbcdn-sphotos-c-a.akamaihd.net/hphotos-ak-xpa1/t31.0-8/11174715_1092535994097049_3608958064914547744_o.jpg

https://fbcdn-sphotos-g-a.akamaihd.net/hphotos-ak-xpa1/t31.0-8/10845646_1092548664095782_5782817250529548341_o.jpg

https://scontent.xx.fbcdn.net/hphotos-xta1/t31.0-8/11079989_1092549127429069_950204866956682187_o.jpg

https://scontent.xx.fbcdn.net/hphotos-xap1/t31.0-8/11203625_1092549880762327_6240744173315395545_o.jpg