Etiketa: Ekonomia

TTIParen aurkako mozioak aurkeztuko ditugu eta mosaiko herritarrak osatuko ditugu

TTIP, CETAeta TISAri ez! Multinazionalek boterea hartzeari ez!
Euskal Herriko jendarte zibileko erakundeak, alderdiak eta sindikatuak TTIP, CETA eta TISAren kontra gaude. Merkataritza itun hauen proposamenak gure demokraziarentzat, gizonen eta emakumeen arteko desberdintasunak ondasun eta baliabideetara hetzeko handiagotzen dituztelako, eta baita ere zerbitzu publikoentzat, jendarte arauentzat eta ingurumenarentzat, izugarrizko mehatxua direlako, arriskuan jartzen dutelako gure kalitatezko nekazaritza, baserritar txikien iraupena, elikadura arauak, arau farmazeutikoak, ezinbesteko trantsizio energetikoa eta, aipatutako guztien gain baita ere gure eskubideak eta jendartea hobetzeko gaitasuna. Arestian aipatutako itunen onuradunak multinazional handiak direlako beti.

Europar herri-ekimaren arrakasta ospatzeko, badugu arrazoi handi bat gaurko egunean 2.950.862 sinaduraren bilketa, gure aldarrikapenak indartuz doaz eta kalera aterako gara. Urriaren 10ean Iruñean, Gasteizen, Donostian eta Bilbon. Elkarretaratzeetan parte hartzeko deia luzatzen dizuegu. Aurpegi biko mosaikoak eraikiko ditugu, aurpegi batean TTIP, CETA eta TISA errefusatzen ditugula erakutsiko da eta beste aurpegian Euskal Herriko herritarrak jendarte justuago baten alde, demokratiko baten alde, eta solidario baten alde daramatzagun borroka guztien islada izango da, pertsonak zentro diren jendartea nahi dugulako eta ez kapitala zentro den jerdartea.

Azken hamarkadetan, sektore publikoen agintetik interes pribatuen eskuetara  transferentzi handia egiten ari dela ikusten dugu, liberalizazio ekonomikoari eta finantzieroari bultzada emanez. Honegatik guztiagatik, desberdintasunak, pobrezia eta ingurumenaren hondamena areagotuz doaz. TTIParen, CETAren eta TISAren helburuak aipatutakoak areagotzea dituzte, eta era berean atzera bueltarik gabekoak bilakatu. Itun edo hitzamen hauek galaraztean datza gure borroka, eta borroka honek austeritatearen kontra, klimaren alde eta justizia sozialaren aldeko jendarte mugimenduekin bat egiten du. Milaka eta milaka herritarrek parte hartuko dute urriaren 1etik 15era Europa osoan, denak elkartuz Bruselan, austeritateari ez, pobreziari ez eta TTIPari ez, esateko. Egunetik egunera langabezia pairatzen duten herritar kopurua gorantz doa, etxe-bizitzaren eskubideen galera, osasun zerbitzuen kalitaearen jeitsiera, berdintasunean oinarritutako hezkuntza zerbitzuen murrizketak edota duinak ez diren pentsiodunen kopurua handiagotzen doa, Europar Batasuna deritzon honetan. Finantza krisia deiturikoa, kapitalismo globalizatuaren atxaki perfektua bilakatu da, herritarrean eskubideak murrizteko eta herrien subirautza demokratikoa deseuzteko.

Herritarrei juztizian oinarritutako gure borraka hontara, gehitzeko dei egiten dugu. Ildoari jarraituz, udaletako eta aldundietako Mozioen kanpaina ere, aurkezten dugu,  gure ordezkari politikoei eskatuz,udalerriek eta Lurralde historikoek TTIP, CETA eta TISA ezartzearen kontrako Deklarazioa onar dezaten. Kanpainan parte hartzen duten alderdiek, Irabazik (Equok), Podemos Ahal Duguk eta EHbilduk, ikusirik itunen berri eman beharko luketenen ez jakintasuna,axolagabekeria eta balizko konplizitatea, gaur atxikitzen dugun mozioa aurkeztuko dute eta udaletako eta aldundietako korporazioei itun hauen eztabaida jendartean zabaltzeko eskatuz, argi adieraziz hauek dakartzatena, udalerriak eta lurralde historikoak TTIP, CETA eta TISAri insumizioa adierazteko asmoz.

Uste dugulako demokrazian gauzak ez direla konpontzen fede onaz soilik, ezta, eztabaida izkutatuz. Jendarte heldu batek arrazoizko iritzia izateko nahiataezkoa du herritarrak kritikoak eta informatuak izatea.

Herritarrentzako onuragarria den merkataritzari bai, baina multinazionalen onuragarria denari ez! TTIP, CETA eta TISAari ez! Multinazionalek boterea hartzeari ez!

‘TTIPari ez! Mosaiko herritarrak’: urriak 10, larunbatean, 12:30ean
IRUÑEA: Sarasate Pasealekuan
GASTEIZ: Andra Mari Zurian
DONOSTIA: Zurriolan
BILBO: Arriagan

Euskal Herrian TTIPari ez!

www.ttipez.eus

Eragileak: CCOO Euskadi, LSB-USO, UGT, LAB, ELA, ESK, EHNE, STEE-EILAS, CNT, CGT, EH Bildu, Ezker Anitza-IU, Podemos-ahal dugu, EQUO Euskadi, Ezkerra-Berdeak, M+J, Cumbre Social Vasca, Federación Republicanos RPS, Gure Energi­a, Ekologistak Martxan, ATTAC, AHT Gelditu Elkarlana, Auditoria Ciudadana de la Deuda Bizkaina, Desazkundea, Askapena, Asamblea de mujeres de Bizkaia, Basherriak, Fracking Ez, P.A.H., Antikapitalistak, Komite Intenacionalistak, Coordinadora ONG, Economistas sin Fronteras, M15M, REAS Euskadi, EBC Euskadi (Economía del Bien Común), SETEM HEGO HAIZEA, Coordinadora de ONGD de Euskadi-Euskadiko GGKEen Koordinakundea.

Berriak

Oskar Matute: “Espainiako gobernuak AHTrako egindako inbertsioa porlana pertsonen gainetik jartzen duen ereduaren erakusle da”

Gobernu espainiarrak aurkeztu berri dituen aurrekontuetan AHTari egingo zaion diru ekarpenari buruz hitz egin du gaur Oskar Matute Alternatibako eta EH Bilduko kideak.

Matutek adierazi du AHTaren ibilbiderako jasoko den inbertsio hau PNV eta PP arteko akordio eta apustuaren isla dela. Bi alderdi hauek porlana pertsonen aurretik lehenesten dutela salatu du Matutek, eta betikoen negozioa gehiengoaren beharrizanen aurretik lehenestea leporatu die.

Euskal Herriak behar duena bere baliabide guztien gaineko erabakimena izatea dela nabarmendu du EH Bilduko eledunak, modu honetan, denonak diren baliabideak denon beharrizanen mesedetan jarri ahal izango baititugu, jendarte eredu berri bat eraikiz.

EH Bildu

https://pbs.twimg.com/media/CLqWXpTWoAAUx2B.jpg

 

Berriak

EH Bildu Madrilen PPren autokontsumo elektrikoari buruzko dekretu proiektuaren aurka dago

EH Bilduk autokontsumo elektrikoa arautzen duen dekretu-proiektua atzera botatzeko eskatu dio Espainiako Gobernuari, ekainean aurkeztu zuen zirriborro hori autokontsumo elektrikoaren aurkako eraso zuzena delako eta, hortaz, energia berriztagarrien garapenaren kontra ere doalako. Dani Maeztuk azaldu duenez, “autokontsumoa mugatzeak ondorio garrantzitsuak ditu. Adibidez, argiaren fakturan aurreztea galarazten du, enplegu kualifikatua sortzeko aukera mugatzen du eta EAEn ingurumen arloko konpromisoak betetzea zailtzen du”. Gainera, “dekretu-proiektuak talka egiten du Europar Batasunean eta Estatuan bertan indarrean dauden araudiekin”, erantsi du EH Bilduko legebiltzarkideak.

Gaur bertan Madrilen, Kongresuan, oposizioko alderdiek eta sindikatu eta elkarte ugarik autokontsumo energetikoaren aldeko konpromisoa berretsi dute eta dekretu-proiektua bertan behera gera dadila eskatu diote Rajoyren Gobernuari. Gasteizko Legebiltzarrean ere EH Bildu antzeko adierazpen bat aho batez egiten saiatu da. Zehazki, adierazpen instituzionala onartzea proposatu zuen ekaineko azken osoko bilkuran. Adostasuna ia erabatekoa izan zen, baina PPk Parlamentua Rajoyren dekretu-proiektuaren kontra agertzea galarazi zuen.

EH Bildu

Berriak

Zer pasa da Grezian?

Joxe Iriarte ‘Bikila’ – Alternatiba

Ez negar egin, eta ez irri: ulertu! Klasikoek horrelako gomendioak egin izan dituzte ziurtasun-ezarik gabeko unetarako, nahasmenak etsipenari ateak irekitzen zionean, amorru kontrolaezina edo negarrari; edo, aitzitik, gertaeren halabeharrezko amaiera aldez aurretik profetizatua zutenen irrifar inozo, arrokeriazko eta dogmatikoa.

Stathis Kouvelakis-ek (Syrizako Zuzendaritzako kidea eta Ezkerreko Plataformaren kide aipatua) hartzen duen jarrera arrazoitsua iruditzen zait: Dioenez, ez dator bat esaten dutenekin:“Grezian ikusi duguna ez gaitu harritzen; erreformismoaren historia zaharra da; langile klaseari eginiko traizioa… Ezer berririk ez, segi dezagun aurrera”.  Abiapuntu honek ez digu biderik ematen prozesu aski konplexu bat ulertzeko: oso borroka gogorrak Europa mailako indar harreman oso kontrako baten barnean, nahiz eta indar harremana bestelakoa izan Grezian bertan.

Kouvelakis-ek azaltzen duenez, “Syriza boterera iritsi zen herriaren agindu itxuraz nahiko argia eta sinple batekin: austeritate politikekin haustura eta zor eutsiezina eta injustotik libratu herria. Bere konpromezuaren barne zegoen, geure tradizioan, “trantsizio programa” izenez dizenda dezakeguna. Horixe zen Tesalonikako programa: helburu multzo bat austeritate politikarekin amaitzera zuzenduak (azken bost urtetako memorandumekin guztiz erasokor Grezian aplikatu dena). Estrategia honek bi zutabe zituen oinarrian. Alde batetik zorraren auzia eta austeritatearen auzia banantzea. Zorrari dagokionez, 1953an Alemaniako zorrarentzat Londoneko Konferentzian egin zen ereduaren gisan, bernegoziazioa, bainan baztertu gabe aldebakarreko neurriak negoziazioak porrotean amaitzen baziren”.

Bainan horretarako plan B bat garatu beharra zegoen (Syrizako ezkerrak eskatzen zuen bezala), negoziazioen balizko porrotaren kasurako. Aukera konplexu bat, eurotik irtetzea, bainan ezkerreko korrontearen eritziz “egingarria”. Ez da hori berez helburua, aldaketa sozialerako, burujabetzako eta hobekuntza ekonomikoarako baieztapen-prozesuaren lehen etapa baizik. Norabide hori litzateke estrategia orokor baten atal bat, produkzioaren norabide berri batean, inbertsioen sustapenean eta Estatu soziala eta justiziazkoaren berrantolaketa batean oinarritua.

Ezkerreko ekonomista adituek esan dute agintari greziarrek badutela modurik moneta elektroniko bat sortzeko herrialde barruko erabilpenerako. Gobernuak emiti ditzake ere paperezko tituluak IOY moduan (I owe you; zor dizut), zirkulazio bileten eskasiari aurre egiteko.

Alternatiben gaia izan da eta da argitzeko puntu zorrotzena, batez ere beste muturretik (mutur posibilistatik) esaten dutenak Tsipras egin zitekeen guztia egin duela eta lor zitekeen gehiena lortu duela (nahiz eta onartu gutxi dela amore eman behar izan denaren alboan. Izan ere euro taldea uzteko aukera ez bait zen kontuan hartzekoa.

Bat nator Eudardo Garzonekin aipatzen duenean “ Syrizaren gobernuak nahiago izan duela amore eman eta troikaren exijentziak onartu (aurreko zirriborroenak baina gogorragoak izanda ere) eurotik irtetzea jokoan jartzea baino”.

Amore emate hori are ulergaitzagoa da EZ-aren aldeko erreferemdumaren emaitaren ondoren. Herri grekoak ezustean hartu zuen Europa eta mundua gobernuaren deiari masiboki erantunez, eta gerra ondorengo edozein herrialde europearraren ohikoa den arabera aurrekaririk ez zuten baldintzetan eginez, kreditu emaileen proposamen estugarri eta umiliagarriei “ezezkoa”ren botoa emanez masiboki.

Gobernuak bere beldurrari kasu egin dio jendearen eritziari baino, eta herri kontsulta baliogabetu du. Eta guzti horrekin bere estrategia, eurotik atera gabe austeridadearen aurkako planaren defensa, porrota nabarmenean bukatu da.
Hala ere, oso zaila da defendatzea (ezinezkoa ez esatearren) gobernuak akordioari jarri dion sinadura. Izan ere erreferendumean hiritarrek gehiengoz errefuxatu zuten akordioa bainan kaltegarriagoa da sinatutakoa.

Ba omen dago eztabaida Eurotik irtetzearen inguruan: batzuk diote hasieratik planteatu beharreko helburua zela; beste batzuk, aldiz, baldintzak ondu arte itxaron egin behar zela diote. Bigarren eritziaren aldekoa naiz. Gobernuaren ibilbidearen hasieran ez zen bidezkoa horrelako aukera planteatzea greziarren gehiengoak ez bait zuen hori nahi eta urruntze arriskua handia zen. Herri grekoa troikaren txantaiaren aurrean postura hartzera behartua izan zen unetik (zertarako egin zen erreferemduma bestela?) eta ezezkoa botoa eman zuenetik, beste aukerarik ez zegoen: edo troikak baztertzen zituen bere exijentziak, edota irteera beharrezkoa zen. Beharrezkoa izanez gero, hauteskunde berriak proposatuz grexiten inguruan, aurreko hauteskundeetan egin gabeko planteamentua bait zen,  gehiengo berri bat lortzeko.

Erreakzio sozial handia esperatzekoa da eta itxaron dugu horrela Syrizako Batzorde Nagusiaren gehiengoa legitimatu eta indartuko dela eta gehiengo hori amore ematearen aurka dagoenez Tsipras eta bere aldekoak norabidez aldatzera edo dimisio aurkeztera behartuak sentituko direla. Ez litzateke egokia izango, berriro ere, líder karismatikoaren ezarpenaren historia tristea errepikatuko balitz. Horrela, etsaiaren aurka amore emate hori ixilarazten da eta modu antidemokratikoz eta zigortzailez imponitzen da liderraren jarrera berarekin ados ez dagoenaren aurka.

Grezian gertatzen ari dena kolpe handi bat da esker eraldatzaile europear osoarentzat, bai beraren hegal posibilistentzat ( Siryzako zuzendaritza edota Podemos-ena) nola erradikalagoentzat (eurozonatik irtetzeko aukera defenditzen aritu direnak), zeren onura gehien atera dezaketenak dira sektore ultranazionalista xenofoboak eta Europaren aurka duten ikuspuntu txobinista.

Horregatik premiazkoa da merkatariek eta bere agenteek duten egitasmo europearraren ez bezelako beste egitasmo bat planteatzea, bainan eskubitarren nazionalismorantza atzerapausoa izan gabe.

Birplanteatu behar da era berean instituzionalaren (borrokaren fronte bezala ulertua) eta  kontraboterearen arteko dialektika, gobernuak konkistatu ahal izateko eta gobernu horiei agindu herrikoia mantentzera behartzeko.la del contrapoder popular capaz de conquistar gobiernos, y de obligarles a mantener el mandato popular. Non eta gobernuak botere herrikoiaren onarpen eta horrekiko zerbitzuan egon daitezen (aginduz obeditu esango lukete zapatistak) eta kontrabotere horren indar metaketa askia antolatuz kapitalaren eta bere gobernuen instituzioen txantaiari amore ez emateko hainakoa.

Eta penagarria bada Grezian gertatutakoa, ez da gutxiago penagarriagoa, esker europearraren (horren parte gara) portaeraL: moralki solidarioa eta praktikoki alperrikakoa, lelotua, desmobilizatua eta ezin ulertuz Greziako batalla, Estatu Espainiarrean 36koa bezala, dimentsio europearra eta historikoa duela. 

Berriak

Erreferendumean izandako emaitza berri ona da Greziarentzat, Europarentzat eta Euskal Herriarentzat

Lehenego eta behin, EH Bilduk Greziako herria zoriondu nahi du, Troikak indarrean jarritako beldurraren eta xantaiaren aurrean ez zirelako kikildu eta euren iritzia modu libre eta demokratikoan adierazi zutelako atzo egindako erreferendumean. Era berean, Greziako Gobernua eta Syriza ere zoriondu nahi ditugu, herritarrek euren etorkizunaren inguruan erabakitzeko duten eskubidea onartu eta egikaritzeagatik.

Atzo Grezian egindako erreferendumean Troikak inposatu nahi dituen neurri eta politika ankerrei ezezko borobila eman izana berri ona da Greziarentzat, Europarentzat eta, noski, Euskal Herriarentzat. Merkatuen diktadura eta austerizidioa pairatzen duten Europako hegoaldeko herri guztiei garaipena eman diete Greziako herritarrek. Izan ere, azken urteetan Europan Troikak ezarri eta inposatu dituen politika neoliberalei atea ixteko bidea ireki da. Hau da, bestelako oinarrien gainean eraikitako Europa eraikitzeko bidea eman duelako; demokrazian, justizia sozialean eta herritarren eskubideetan oinarritutako Herrien Europa eraikitzea posible da. Greziako erreferendumean herriek irabazi dute eta Troikak galdu du, eta Euskal Herriari dagokionean, gure herrian Troikaren politika desegoki eta ankerrak sutsuko defendatu dituzten PNV, PP eta PSE izan dira galtzaileak.

Atzo Grezian asko zuten jokoan greziarrek: edo herri oso baten ekonomia itotzen duen ereduarekin jarraitzea edo itxaropenerako garaia ekarri dezakeen horma erraldoia eraisten hastea. Eta greziarrek bigarren aukeraren alde egin zuten atzo, euren eredu sozioekonomikoa erabakitzeko eskubidea eta berauen herriaren burujabetza defendatzea erabaki zutelako.

Greziako Herritarrek emandako ezezkoak Europar eta finantza Instituzioak euren jarrera berrikustera eraman beharko lituzke. Urteetan bultzatu duten austeritate politika ankerrak Grezia krisialdi humanitariora eraman dute eta negoziaketetan izandako jarrerak, erantzun argi eta ozena jaso du. Grezia ez dago inongo aginte demokratikorik ez duen Troikaren agindurik hartzeko prest. Atzo Grezian gertatutakoa demokraziaren eta herri oso baten duintasunaren garaipen handia izan zen.

Gogoratu beharra dago negoziaketetan Greziako Gobernuak egindako proposamenen aurrean (diru-sarrerak handituko lituzketen neurriak, zerga-iruzurraren kontrako neurriak adibidez) Troikak murrizketa berriak eta austeritate gehiago baino ez dituela proposatu . Europarako eskaintzen zaizkigun bi ereduen adierazgarri.

EH Bilduk dei zuzena egiten die Europar Batzordeari eta Europako Banku Zentralari, mehatxu eta inposizioen politika utzi eta Greziako Gobernuak proposaturiko neurriak onartu ditzaten. Izan ere, Greziako Gobernuaren mandatua berretsi du erreferendumak, eta justizia sozialaren eta herrien Europaren aldeko bozka eman du Greziako Herriak.

Greziako herriak eta gobernuak jarrera eredugarria izan dute prozesu honetan. Ez dira makurtu Troikak egin nahi zien xantaiaren aurrean, mehatxupean bada ere erreferendum bidez eta herritar ororen iritziak aintzat hartuta erabaki dute zein izan behar den euren norabidea eta zer nolako oinarri demokratiko eta ekonomikoekin eraiki nahi duten euren herria eta gai izan dira herrien eta herritarren eskubideetan eta demokrazian oinarritutako alternatiba politiko eta sozial sendo eta eraginkorra eraikitzeko. Grezian posible dena Euskal Herrian ere posible izan beharko litzateke, eta herritarren egunerokoa baldintzatzen duten neurri eta politika neoliberalei bestelako erantzun bateratua garatzeko eta eraikitzeko gai izan beharko ginateke Euskal Herrian ere bai.

EH Bildu

https://scontent-mad1-1.xx.fbcdn.net/hphotos-xaf1/v/t1.0-9/11202859_1128746123809369_3183363758286716772_n.jpg?oh=9c57ca74b6bed8c59282e098145bfb5a&oe=562A58B9

https://scontent-mad1-1.xx.fbcdn.net/hphotos-xpf1/v/t1.0-9/11695764_1128746050476043_3666381257949067205_n.jpg?oh=8e375a2079aeab9db07ec04b77c3b835&oe=5631AB60

https://scontent-mad1-1.xx.fbcdn.net/hphotos-xpt1/v/t1.0-9/11698593_1128745970476051_509591134983400772_n.jpg?oh=a48e29b7b3b428e8bd05be9445d099e3&oe=5612EFAD

https://scontent-mad1-1.xx.fbcdn.net/hphotos-xfp1/v/t1.0-9/1610946_1128745947142720_4880064608994768750_n.jpg?oh=edec5a979a369de95b178878ca8958ae&oe=5629CC73

https://scontent-mad1-1.xx.fbcdn.net/hphotos-xpf1/v/t1.0-9/10999003_1128745783809403_2780830614861648894_n.jpg?oh=efdc2cc2b21c55d761f8d6939c99343d&oe=5617F1D3

https://scontent-mad1-1.xx.fbcdn.net/hphotos-xfp1/v/t1.0-9/10390079_1128745600476088_5282140786187936320_n.jpg?oh=88e63708f4f34dc957a8add99e80b1db&oe=5624D325

https://scontent-mad1-1.xx.fbcdn.net/hphotos-xfp1/v/t1.0-9/11667420_1128745460476102_126284736960779345_n.jpg?oh=a93a79487caa38898ccf4580d30ff51b&oe=562C9246

https://scontent-mad1-1.xx.fbcdn.net/hphotos-xap1/v/t1.0-9/11217519_1128745357142779_8684478911173235750_n.jpg?oh=920e540c104a5a137d42eb191b6107cb&oe=562C6FCF

https://scontent-mad1-1.xx.fbcdn.net/hphotos-xpt1/v/t1.0-9/11705353_1128745097142805_2807317550049342343_n.jpg?oh=820b46581189715d66b1ae859932eb4b&oe=5611F041

https://scontent-mad1-1.xx.fbcdn.net/hphotos-xpa1/v/t1.0-9/20006_1128745017142813_660311385097657689_n.jpg?oh=afd7e153f244686a4df96b2695374971&oe=561519D3

https://scontent-mad1-1.xx.fbcdn.net/hphotos-xfa1/v/t1.0-9/11403173_1128744957142819_118299918224017926_n.jpg?oh=5676d2ae22510cca56bac0ba5b26e74e&oe=5625DAE6

https://scontent-mad1-1.xx.fbcdn.net/hphotos-xtf1/v/t1.0-9/11698895_1128744917142823_5997266183016645421_n.jpg?oh=23bd7db4bd26a4d9be2b4ac895a0ed8f&oe=56148C4E

https://scontent-mad1-1.xx.fbcdn.net/hphotos-xtf1/v/t1.0-9/11403092_1128744890476159_1034229578685794007_n.jpg?oh=57ed2f803c1ff8cec46de530c2630aad&oe=565C41FE

https://scontent-mad1-1.xx.fbcdn.net/hphotos-xtf1/v/t1.0-9/11698472_1128744687142846_2895579059291847032_n.jpg?oh=9bcbc089ad12196ad07d7c42a37e04f4&oe=565BA91A

https://scontent-mad1-1.xx.fbcdn.net/hphotos-xpa1/v/t1.0-9/11666138_1128744643809517_8575124196863852130_n.jpg?oh=dcebe8588affe00be495c12df4b34b5f&oe=562769FF

https://scontent-mad1-1.xx.fbcdn.net/hphotos-xtp1/v/t1.0-9/11693941_1128744607142854_2264442351921506007_n.jpg?oh=76f6360c29f522dc69e3a18c5e633ef7&oe=5629166F

https://scontent-mad1-1.xx.fbcdn.net/hphotos-xfp1/v/t1.0-9/11008505_1128744553809526_1035532985884150407_n.jpg?oh=68b1c03b0815422493872cdf830603aa&oe=5627D957

https://scontent-mad1-1.xx.fbcdn.net/hphotos-xtp1/v/t1.0-9/11709516_1128744483809533_6447695408551369841_n.jpg?oh=bca73233b00f2bd8477a9f119f0a996b&oe=5631B44A

https://scontent-mad1-1.xx.fbcdn.net/hphotos-xtp1/v/t1.0-9/11693828_1128744427142872_3607488125428619848_n.jpg?oh=5b914b4c949fb34f983e0dbaf36cee26&oe=561F384C

https://pbs.twimg.com/media/CJLUnVcWwAA7agH.jpg

https://pbs.twimg.com/media/CJJaxgAWUAAewJC.jpg

Berriak

EAJ, PSE eta PPk ez dute TTIParen harira EH Bilduk proposatutako balizko galdeketarik nahi

Alderdi jeltzaleak “berriro ere agerian hutsi du hutsaren hurrengoa dela herritarren parte-hartzearen alde egiten duen apustua”, salatu du Oskar Matute Alternatibako kide eta EHBilduko legebiltzarkideak.

EH Bilduk TTIParen inguruko eztabaida berri bat ekarri du Gasteizko legebiltzarrera. Hain zuzen, koalizioaren legez besteko proposamena eztabaidatu da ganberan, Araba, Bizkaia eta Gipuzkoan Merkataritza eta Inbertsioetarako Akordio Trasatlantikoari buruz balizko galdeketa bat egiteko. “Sekretupeko negoziazioen eta iluntasunaren aurrean, beharrezkoa da herritarrei argitasuna ematea. Hala, Jaurlaritzari eskatzen diogu 2017 urtea baino lehen informazio eta sentsibilizazio kanpainak abiatu ditzala, azken urratsa herri galdeketa izan dadin”, azaldu du Oskar Matute legebiltzarkideak.

“Prozesu horretan zuek tratatua defendatuko duzue, eta guk, aldiz, bere alderdi ilunak eta langile klaseari zein ingurumenari ekarriko dizkion kalteak aipatuko ditugu. Ideien konfrontazioaren ondoren, demokrazia parte-hartzailea praktikan jartzeko kontsulta etorriko da. Ez dago aitzakiarik horrelakorik ez egiteko, 2017 urtea arte denbora baitago eta horrelakoetan esperientzia badugulako”, argudiatu du Matutek, NATOri eta Europako Konstituzioari buruz egindako galderei erreferentzia eginez.

EH Bilduren iritziz, TTIPa “erazo zuzena da Europako herrietan ditugun langileen eskubideen, eskubide sozialen eta ingurumena babesteko eskubideen aurka”. Gainera, “estatuen subiranotasun printzipioaren aurkako esku hartze zuzena da”. “Esaterako, nahiz eta legebiltzar honek frackinga debekatzeko erabakia hartu, erabaki hori balio gabe geratu daiteke TTIParen erruz, 2013an Canadan Nafta akordioarekin gertatu den moduan”, gaineratu du.

“EAJk kongresuan jarraitutako ildo beretik jarraitu du. Madrilen Izquierda Pluralek ekimena aurkeztu zuen, herriari galdeketa egiteko gai honen harira. Orain, EAJk, berriro ere ukatu du herriari galdetzeko aukera hori. Agerian geratzen da jeltzaleek parte hartzearen alde egiten duen apustua hutsaren hurrengoa dela”, salatu du Matutek.

EHBildu

http://ehbildu.eus/images/ttip-kartela.jpg

Berriak

TTIP itunak herrien burujabetza galtzea dakar, lehentasuna ematen zaielako transnazionalen interesei

EH Bilduk TTIP-Ameriketako Estatu Batuen eta Europar Batasunaren arteko Inbertsio eta Merkataritzarako Itunari buruzko herri kontsulta egiteko proposamena egin du Gasteizko Legebiltzarrean eta hala eskatuko dio datorren ostegunean Jaurlaritzari. Alternatibako kide eta koalizioko legebiltzarkide Oskar Matutek -Dani Maezturekin batera- azaldu dutenez, kontsulta TTIPri buruzko prozesu oso baten azken urratsa litzateke, lehenik eta behin Lakuako Gobernuak akordio horren edukiak eta ondorioak jendartean ezagutarazteko prozesu bat burutu beharko lukeelako. Europan bi milioi sinadura baino gehiago jaso dira jada TTIPren aurka eta etzi itun horri buruzko eztabaida egingo du Estrasburgoko Parlamentuak.

EH Bilduko legebiltzarkideek Estatu Batuak eta Europar Batasuna (EB) Merkataritza Libreko Itunari buruzko negoziazioa ezkutuan egiten ari direla salatu dute, akordio horrek izango dituen ondorio larriak azaldu gabe. Izan ere, TTIPk AEBren eta transnazionalen interes ekonomikoak babestea du helburu, Europako Estatuen legediak helburu nagusi horren menpe jartzeraino ere. Beraz, Matutek eta Maeztuk ohartarazi dutenez, “itun horrek herrien burujabetza galtzea dakar, lehentasuna ematen zaielako transnazionalen interesei Estatuen legedien gainetik”. Finean, “transnazionalen Estatu kolpea da pertsonen interesen kontra; demokrazia zapaltzen baita transnazionalen mesedetan”.

Horrek, azaldu dute, sekulako ondorio larriak izango ditu egunerokotasunean, TTIPk oinarrizko eskubideak urratuko dituelako, hala nola, lan eta osasun eskubideak, sozialak, ingurumen arlokoak eta abar. Beraz, akordio horrekin Ongizate Estatuak atzera egingo du eta bizi baldintzek okerrera egingo dute, ondorioztatu dute EH Bilduko legebiltzarkideek, eta horren haritik kontsultaren beharra azpimarratu dute, “herritarrek esan behar dutelako TTIPk euren bizi baldintzak hobetzea ekarriko duen edo, aldiz, hipotekatuko dituen”. EH Bilduren iritziz, kontsulta tresna egokiena da prozesu horren gaineko kontrol demokratikoa eta gardentasuna ziurtatzeko. Hortaz, gobernuei dagokie, Lakuakoari kasu honetan, “transnazionalen gerenteak izan nahi duten edo herri borondatea bermatuko duten” erabakitzea.

EHBildu

Berriak

Beste erabaki oker bat Kutxabanken, honako hau ere ilunkerian eta inori kontuak eskatu gabe hartua

Garcia Lurueña Kutxabankeko kontseilari ordezkari izendatu izana berehala gogor kritikatu dute bankuko sindikatu gehienek; hau da, ondoen ezagutzen dutenek, erakundeko langileek, ezbaian jartzen dute pertsona honek daukan kudeaketa gaitasuna.

Bestalde, harrigarria da Kutxabank Cabieces-Fernandez auzian erabat murgilduta dagoenean, Kotrolerako eta Barne Auditoriarako Zuzendariaren Albokoa eta Presidentzia Kabineteko Zuzendaria aukeratu izana kontseilari ordezkari kargurako.

Horrez gain, EHBildutik salatu behar dugu azken bi izendapenetan, Villalabeitiarena eta Garcia Lurueñarena, izan den ilunkeria eta gardentasun eza. Euskal Kutxak desagertu eta horiek banku fundazioak bihurtu ondoren, kontrol publiko eta soziala ezerezean geratu da. Ez dago jakiterik nola egiten diren izendapenak, nork proposatzen dituen, zeintzuk izan diren kontuan izan diren ezaugarriak eta jarri diren helburuak. Instituzioetako ordezkariak, bezeroak, langileak eta gizarte erakundeak zeuden batzar batean ematen ziren kontuak lehen, baina orain izendapenak akziodunen batzar batean egiten dira; baina batzar horietan hiru pertsonek bakarrik parte hartzen dute eta ez daukate inori azalpenak emateko obligaziorik.

Gainera, komunikabideek jasotako filtrazio baten bidez jakin ahal izan genuen Gregoria Villalabeitiaren urteko soldata 800.000 eurokoa izango dela. Baina orain badakigu ez duela lan hori egingo, horretarako izendatu baitute kontseilari ordezkaria. Komenigarria izango litzateke Kutxabankek euskal gizarteari jakinaraziko balio, eta oraingo honetan filtrazio gabe, zenbateko soldata izango duen kontseilari ordezkari berriak.

Biderik aurkitzen ez duen itsasontzia bezala jokatzen ari da aspaldian Kutxabank. Egun baten akzioak saldu nahi ditu, eta hurrengoan ez; orain presidente bat dauka, bihar beste bat izan daiteke, eta hurrengoan kontseilari ordezkari berria dauka. Baina argi dagoena da oraindik ere ez dakigula zer egin nahi duten bere arduradun politikoek (EAJ, PSE eta PP) herri honetako finantza erakunde garrantzitsuenarekin. Erabaki asko hartzen dituzte, egiaz zein erabaki hartu nahi duten ez dakitelako.

EHBIldutik, ordea, oso argi daukagu. Krisi ekonomiko eta sozial gogorra bizitzen ari gara. Hemengo instituzioek hemengo herritarren aurrezkiekin sortutako banku baten funtzioa izan behar da bizi dugun egoera gordinetik ateratzeko laguntza eskaintzea. Horretarako, bi norabidetan egin behar da lan: egoerarik zailenean dauden bezeroen eta familien ondoan egon eta, beraz, etxegabetzeak eta IRPH klausula bidegabearen erabilera geratu; eta bestetik, ekonomia errealaren eta tokiko inbertsioak bultzatu kooperatibei eta enpresa txikiei finantzazioa eskainiz. Horrenbestez, Kutxabanken etorkizunari buruz eta euskal ekonomia zein gizartearen beharra asetzeko bete behar duen funtzioari buruz eztabaida irekitzeko deia egiten deia egiten diegu finantza erakundeko arduradunei zein gizarte osoari.

EHBildu

Berriak

Aberastasun handien gaineko Zerga ezarriko dugu Bizkaian, gehien dutenek gehiago ordain dezatela

Negurira etorri gara, gehien dutenek gehiago ordain dezaten Bizkaian Aberastasun Handien Gaineko Zerga ezartzea proposatzen dugula azaltzera. Arantza Gutierrez Getxoko alkategaiak eta Oskar Matute Alternatibako bozeramaile eta EHBilduko legebiltzarkideak hitz egin dute agerraldian.

Azkorrin eta Andra Marin espekulazioari bidea ireki nahi izan zioten, baina herritarrok gelditzera behartu genituen. Momentuz, behintzat. Bitartean, Getxon ez dago alokairu sozialeko etxebizitzarik eraikitzen, eta etxebizitza-plana paper bustia da. Gazteek herritik alde egin behar dute bizitokia topatzeko. Itxasontzi handiak datoz gurera, elite-turismoa saldu nahi digute, aberatsena, baina gure herriak beste eredu bat nahi du. Jendea, pertsonak, helburu duen eredua.

EAJren kudeaketa, ordea, kontrako noranzkoan doa. 30 milioi euro dauzka udalak gastatu gabe, inbertitu gabe. Are gehiago, irabaziak izan arren, %20-ko murrizketa ezarri ditu aurrekontuetan jendarte zerbitzuetan, euskaran eta sozioekonomia arloan. Hori bai, bere makroproiektoentzako partidak etengabe loditzen dituen bitartean.

Getxon bizi garenontzako herria nahi dugu, inor bazterrean utzi gabe, eta ez turista aberatsentzako postalari zuzendutako herria. 30 milioi € dauzka Getxoko Udalak gastatu gabe, inbertitu gabe. Are gehiago, irabaziak izan arren, %20-ko murrizketa ezarri ditu aurrekontuetan jendarte zerbitzuetan, euskaran eta sozioekonomia arloan.

Oskar Matute: Aberastasun Handien gaineko Zerga sortzea proposatzen dugu; bizkaitarron %1ari eragingo dio, bizkaitarron %100aren mesedetan

EH Bilduk Bizkaia berri bat eraikitzen jarraituko du datozen lau urteetan ere. Eraldaketa sozial eta politikoa indartuko dugu, herriz herri. Bizi dugun egoera injustuaren aurrean, beste gizarte eredu baten alde arituko gara lanean: inor bazterrean utziko ez duen Bizkaia berriaren alde, bizkaitar guztiei duintasunez bizitzeko aukera emango dion gizarte solidarioaren alde.

Horretarako, ezinbestekoa da egungo politiken norabidea aldatzea. Izan ere, Bizkaian ez dira krisi egoerari aurre egiteko neurriak bultzatu.

Hauxe da azken urteetako politikek eragin duten egoera. Eta testuinguru honen aurrean, ezinbestekoa dugu egungo eredu fiskala aldatzea. Beste zerga politika bat behar dugu aberastasuna birbanatzeko baina baita behar adina baliabide biltzeko ere. Baliabideak behar ditugu bizi dugun desindustrializazio egoerari aurre egiteko, zerbitzu publikoen sarea mantentzeko, enplegua sustatzeko. Finean, Bizkaiak eta bizkaitarrok ditugun beharrei erantzuteko.

Egoera injustu honi aurre egiteko EH Bilduk Aberastasun Handien gaineko Zerga sortzea proposatzen du. Zerga honek bizkaitarron %1ari eragingo dio, Negurin ikusi ditzakegun luxuzko etxe hauetan bizi direnei, hain zuzen. Aldiz, bizkaitarron %99ari egingo dio mesede.

EHBildu

Berriak

Matute: “Baliabide publiko gehiago bermatu eta gehien dutenek gehiago ordaintzera behartuko dituen erreforma fiskala behar dugu”

Ezin gara proposamenetan sartu, egungo egoera sozial lazgarria eta krisiaren eta austeritatezko politika neoliberalen ondorio larriak kontutan hartu gabe.

– Gaur egun,160.000 pertsona baino gehiagok gizarte-bazterketa larria pairatzen dute HegoEuskalHerrian.

– Gaur egun, HegoEuskalHerrian 220.000 langabetu daude,hau da, %16ko tasa. Europakoa %11n dagoen bitartean.

– Krisia hasi zenetik sei urte luze pasa direnean, sektore guztietan milaka lanpostu galdu eta desagertu dira. Industriaren arloan bakarrik, 75.000 lanpostu galdu direla azpimarratu nahi dugu.

Egoera honi ekimen publikoaren bitartez eta arduraz erantzun behar zaio:

Krisialdiaren ondorio sozial larriei aurre egiteak ondorengoa eskatzen du:

– Austeritate gutxiago eta gizarte politika gehiago.

– Murrizketa sozial gutxiago eta gastu sozial gehiago.

– Eta noski, politika publikoen helburu zehatza ezartzea. Pertsona guztientzako bizitza duina bermatzea, alegia.

Baina aipatutakoa lortzea ez da nahikoa. Beharrezkoa bai, baina ez nahikoa. Enplegua sortu nahi badugu eta bizitza duinak bermatu nahi baditugu, aurretik ekonomia eraldatu behar dugu.

– Saldu nahi diguten susperraldi honek ez du enplegurik sortuko. Ez du milaka eta milaka langabetuen egoerarekin bukatuko.

– Horregatik, ekonomiaren gaineko kontrola berreskuratu behar da; pertsonak, haien eskubideak eta haien beharrak politika publiko, ekonomiko eta fiskalen erdigunean jarriz.

– Kalitatezko enplegua sortu behar da, eta horretarako, eredu sozial eta ekonomiko berri baten aldeko apustua egin behar dugu.

?   Tokiko garapena bultzatuz

?   Susperraldi ekonomikoaren eta berriztatze industrialaren aldekoa apustua eginez

?   Trantsizio energetikoa gauzatuz

?   Eta besteak beste, elikadura burujabetza edota saltoki txikiak babestuz.

Baina hau guztia aurrera ateratzeko, baliabide ekonomikoen eta sektore publiko sendo baten beharra dugu.

– Sektore publiko indartsua izatea lortzeko baliabideak eta kalitatezko zerbitzu publikoak behar ditugu.

– Aurrekontuak herritarren, gastu sozialaren, enplegu sorketaren, tokiko garapenaren, susperraldiaren, industriaren berritzearen, baserritarrak eta saltoki txikiak bultzatzearen zerbitzura jarri behar ditugu.

Berriak

Alternatiba | Ezkerra eraldatzearen erronka

X