Bere buruari demokrata deitu eta bere egunoroko jardueran demokraziaren esanahiaz ahazten diren horien hipokresi eta irakaspen faltsuen aurrean nekatuta gaudelarik; berrogei urtetako diktadura oraindik ere gaitzetsi ez duten horien ahotsean demokrazia hitza etengabe entzuten jarraitzen dugularik; herri honetan ematen den eskubide zibil, politiko eta sozialen urratzearen aurrean bizitza guztiko demokratak beste aldera begiratzen jarraitzen dutelarik; gaur demokraziaren bandera gure eskuetan altxatzera gatoz. 

Manipulatua eta kasu askotan mespretxatua bada ere, gure antolaketa politiko eta sozialaren oinarria izan behar duen demokraziaren aldarrikapena eta defentsa ezin dugu alboratu. Horregatik, gaurkoan benetako demokrazia baten aldeko aldarrikapena egitera gatoz, pertsonak bere etorkizunaren jabe izango diren jendarte eredu baten aldarrikapena, zeinean elkarrekin bere etorkizuna eraikitzeko eta erabakitzeko parte hartzea bermatua izango duten.     

Egun, erabaki garrantzitsuenak finantza foro murritzetan hartzen dira eta bankeroak gobernu ezberdinen politika nagusiak diseinatzen dituzte. Egun, klase politikoaren gehiengoak eredu neoliberalak bultzatzen dituen eskubide sozialen murrizketak eta  pribatizazioak bereak egiten ditu. Egun, ordezkaritza instituzionalak inbertsio edo proiektu handien inguruko erabakiak herritarrei bizkar emanez hartzen ditu arazo konplexuak direla esanez edota diskurtsotik harantzago ez doan parte hartzea irudikatuz. Eta egun, herritarrei eta langileei parte hartzea eta erabakitzea ukatu egiten zaigu iraunkorki. Horregatik, eta horren aurrean, logika politiko berri bat aldarrikatzera gatoz. Paradigma berri bat, zeinean  gizon eta emakumeen parte hartzea eta erabakia lehenetsiko den, instituzioak borondate horren zerbitzura egungo diren eta erabaki politikoak ekonomian eta merkatuan eragingo duten. Eta ez egun gertatzen den bezala, bi hauek politikan eragin bere baitan  ustelkeria zabaltzeko.

Baina logika berri bat aldarrikatzea ez da nahikoa norabide horretan konpromiso zehatzak hartzen ez baditugu eta hau behar du izan hain zuzen gure jardueraren ezaugarri nagusia: konpromisoak hartu eta praktikara eramateko gaitasuna erakusten dugula. Eta ez etorkizun urrun edo utopiko batean, hurrengo legealdian baizik, konbentzituta bai gaude hurrengo lau urte hauen ezaugarri nagusia instituzioetan sartzera doan haize berria izango dela.

Norabide honetan gure jarduerarako konpromisoak elkarloturik dauden hiru esparrutan gauzatzen dira: Demokrazia ordezkatzailea, demokrazi partehartzailea eta demokrazia zuzena.

Demokrazia ordezkatzailearen inguruan

1. Herriaren, eta bereziki herriarekin, ordezkariak izateko konpromisoa hartzen dugu. Honek esan nahi du uko egiten diogula kasta politiko berezi baten partaide izateari eta betikoak izaten jarraitzeko konpromisoa hartzen dugula. Politikak eta boterea ez gaituztela aldatuko eta herri bakoitzeko  eskaera herritarrak ezagutzeko eta harreman zuzena izateko gure esku dagoen guztia egingo dugula.
2. Ordezkari publikoak garen heinean gure sarrera ekonomiko eta ondarearen inguruan kontuak ematera behartuta gaude. Ondorioz, beharrezkoa izan daitekeen  informazio guztia emateko konpromisoa hartzen dugu jarduera politiko garden bat bermatuz.
3. Edozein ustelkeri susmo baten aurrean gure kargua dagokionaren esku uzteko konpromisoa hartzen dugu eta era berean, honen araberako inputazioak zuzenean gure karguaren erretiratzea suposatuko luke
4. Kontratazio eta kudeaketa publikoa eta zuzenaren aldeko konpromisoa hartzen dugu, hori baita ustelkeria ekiditeko tresnarik eraginkorrena eta publikotasuna, meritua eta berdintasuna bermatuko duten politikak aurrera ateratzeko biderik egokiena.
5. Norabide horretan konpromisoa publikoa hartzen dugu gobernatuko ditugun udal zein instituzio guztietan kudeaketaren auditoriak burutuko ditugula bai legealdiaren hasieran zein amaieran.

Demokrazia parte hartzaileari dagokionez:

1. Herritarren artean parte hartzearen kultura hedatzeko konpromisoa hartzen dugu. Horretarako behar adineko baliabide ekonomiko eta humanoak jarriko ditugu, norabide horretan ezinbesteko izango diren hezkuntza, sentsibilizazio, boteretze dinamikak bultzatzeko eta eraginkorra eta kalitatezkoa izango den parte hartzea bermatzeko.
2. Konpromisoa hartzen dugu udal zein diputazioen ateak mugimendu sozial eta elkarte herritarrei irekiko dizkiegula. Horretarako, politika zehatzak landuko ditugu eguneroko jardueran orobat herritarron eta zehazki emakumeen eta gazteen parte hartzea ahalbideratzeko.
3. Auzo elkarte eta eragile sozialen parte hartzea ahalbideratzeko beharrezkoak suertatu daitezkeen mahai sektorial, lurralde kontseilu  edo bestelako tresnak martxan jartzeko konpromisoa hartzen dugu, garatuko ditugun politika publiko ezberdinetan bere inplikazioa lortzeko
4. Konpromisoa hartzen dugu pertsona zein eragile sozialen parte hartzea ahalbideratuko dituzten aurrekontu parte hartzaileak garatuko ditugula, baita  informazio gardena bermatuko duen aurrekontuaren kudeaketa publiko batekin.
5. Plan sektorial edota orokorrek herritarren parte hartzea ezinbestekoa dute eta ondorioz konpromisoa hartzen dugu parte hartze eraginkor eta erreala bermatuko dituzten tresnak ahalbideratzeko
6. Kudeaketa publiko eta garden batekin hartu nahi dugu konpromisoa. Gure jardueraren berri herriari, herritarrei eta edonolako kaltetuei informatzea lehentasuna izango delarik eta informazio hori bermatzea gure lanaren ardatz nagusia bilakatu behar delarik

Demokrazia zuzenari dagokionez:

1. Konpromisoa hartzen dugu erreferendum eta herri galdeketetara joko dugula herri borondatearen zilegizko adierazpen gisa. Izan daitezela, emakumeak eta gizonak, gazteak eta helduak, lehen pertsonan, gure herriei eragiten dieten proiektu garrantzitsuenen aurrean erabakiak hartuko dituztenak.
2. Konpromisoa hartzen dugu beharrezkoak izango diren baliabide ekonomiko eta humanoak jarriko ditugula herri galdeketa  eta erreferendumak egin ahal izateko eta aukera guztiak askatasunez adierazi ahal izan daitezen. 

Hauek dira benetako demokrazia baten aldeko gure lehen konpromisoak. Euskal Herriak, bere herrialde bakoitzak eta udalerri guztiek benetakoa aldaketa politikoa eta soziala behar dute eta guk gure esku dagoen guztia jarriko dugu aldaketa horren ezaugarri nagusia eragile sozialen eta herritarren parte hartzea izateko. Konprometitu zaitez gurekin!

EUSKAL HERRIAN  Maiatzaren 11ean

Dagoeneko, Bildu maiatzaren 22an Hego Euskal Herrian egingo diren udal eta foru hauteskundeetan egongo dela esan dezakegu. Dakizuenez, ibilbide zaila izan da atzetik utzitakoa eta, zaila ez ezik, bidegabea izan da herri honetako gizon eta emakumeok bizi behar izan duguna, gureak ez ezik, milaka eta milaka euskal herritarren eskubideak berriz ere urratu nahi izan dituztelako.

Pero este tremendo esfuerzo, esta dura pelea, ha valido la pena. Queremos por tanto empezar agradeciendo a la sociedad vasca su ola de solidaridad activa, su compromiso y su apoyo para que todos lo spartidos políticos, incluido BILDU, puedan concurrir finalmente a este ciclo electoral.

Ez ditugu ahaztu nahi munduko bazter guztietatik izandako elkartasun adierazpenak. Eta gurekin bat egin ez arren demokraziaren alde eta ilegalizazio bortitzen kontra hona bildu zareten guztiei ere eskerrik beroena eman nahi dizuegu. Benetan eta bihotzez, mila esker guztien babesagatik.

Pero no olvidamos que lo acaecido hasta ahora pone en evidencia que si bien BILDU ha sido la cabeza de turco escogida esta vez, antes hubo otras, lo que ha estado en juego y seguirá estando es la lucha de quienes creemos en la democracia, la de verdad, la de todos y todas, frente a los que apuestan por la autocracia y la dedocracia, donde lo que importa es el poder y lo que sobran las personas y sus derechos.

Eta jakin badakigu mehatxua gure buruen gainetik dagoela oraindik ere, Euskal Herrian garai politiko berria nahi duten askok, bakearekin eta demokrazioarekin konpromisoa adierazi duten askok, haien etengabeko bigilantzia pairatu beharko dute denbora luzez. Gaur bertan ikusi ditugu haien kutsadura zabaltzeko ahalegin berriak.

Arrancaremo esta campaña con la ilusión intacta, porque hemos luchado frente a quienes nos querían ver doblegados, arrodillados y mudos y, no lo han conseguido. El triunfo de la sociedad vasca ante la sinrazón y los intereses mezquinos de algunos ya es un triunfo colectivo que nadie nos va a poder arrebatar, al igual que nuestra dignidad.

Orain, hemendik aurrera, denbora guzti honetan pilatu dugun itxaropena bideratzea dagokigu. Ilusioz eta gogoz bere etorkizuna eraikitzeko prest dagoen herria amestu dugunon garaia heldu da. Guri dagokigunez hutsik egingo ez dugula agintzen dizuegu.

Tenemos pues ante nosotros y nosotras ahora el reto de hacer llegar nuestras propuestas, que las tenemos, a todos los pueblos y localidades de Euskal Herria y demostrar así que el compromiso de suma desde la diferencia, que diferentes sensibilidades de la izquierda en Euskal Herria pueden sumar para construir país.

Garai politiko eta sozial berria heltzear dagoela uste dugu, horren alde egiteko ibili baitugu hain bide luzea, mila oztopoz beterikoa. Hori da atzo, gaur eta bihar berretsiko dugun konpromisoa, euskal gizarteak behin eta berriro aldarrikatu duen herria irabazteke dugulako.

Ha sido una apuesta la que nos ha traido hasta aquí, una apuesta por el cambio político y social que nos ha de llevar a la restitución de todos los derechos humanos, civiles y políticos para todas las personas en toda Euskal Herria. Un cambio político y social al servicio de la ciudadanía, para hacer frente de forma efectiva a todas las desigualdades existentes en nuestra sociedad,

Herritarren zerbitzura dauden erakundeak nahi ditugu, boterea eta diruaren aginduen aurrean makurtuko ez direnak. Gero eta herritar gehiago kolpatu dituen krisia gainditzeko ezer egin ez dutenak gure erakundeetatik atera nahi ditugu, eta orain aukera guztiak egongo dira horren aldeko boza eman bahi duten herritarrentzat.

La nuestra es una apuesta colectiva, de todos y todas y para todas aquellas personas que quieren construir nacionalmente Euskal Herria, que quieren transformarla socialmente desde abajo y a la izquierda. Por tanto, animamos a la ciudadanía a acompañarnos en esta campaña para conseguir que BILDU sea la respuesta efectiva y útil que este pueblo necesita y merece.

Ez dezagun denbora gehiagorik galdu, kalera atera gaitezen gure proposamenak plazaratzeko, beste Euskal Herriaren aldeko borrokan lagun eta kide berriak, pertsona askeak eta burujabeak erakartzeko.

El 22 de mayo queremos llenar las urnas de ilusión, de esperanza, de decenas de miles de votos de soberanistas e independentistas de izquierda. El futuro es nuestro, esta en nuestras manos, porque el futuro lo construyen los pueblos, lo construimos nosotros y nosotras.

Alternatibak gogor salatu nahi du Auzitegi Gorenak Bildu maiatzaren 22ko hauteskundeetatik kanpo utzi izana. Ezetza biribila eman nahi diogu erabaki politiko hutsa delako, oinarri juridikorik gabekoa, eta milaka eta milaka herritarrek hauteskundeetan parte hartzeko duten eskubidea urratzen duelako. Legalak diren bi erakunde eta indarkeriaren aurkako eta herritar guztien eskubide guztien aldeko konpromiso sendoa duten ehunka herritar utzi nahi dituzte demokraziatik kanpo.

Hala ere, Gorenaren epaiak ez ditu euskal gizartearen eskubide zibilak eta sozialak urratzen soilik, baizik eta nagusi den eskuinaren kontra Euskal Herriko ezker subiranistak sustatutako aldaketa estrukturalaren, sozialaren eta ekonomikoaren aldeko apustua kriminalizatu nahi du. Bilduren parte-hartze politikoa oztopatu dutenak dira, aldi berean, bankarekin eta enpresariekin bat egin dutenak. Eskubideak eta zerbitzuak murriztu dituzte merkatuen esanetara eta, bidean, 200.000 langabetu utzi dituzte Euskal Herrian eta 5 milioi inguru Espainiako Estatuan. Beraz, ez dute ezker indartsua erakundeetan aurrez aurre izan nahi.

Egun bizi dugun egoera honek agerian uzten du Alderdien Legeak Espainiako Erreinuan abiatu zuen inboluzio demokratikoa. Bihar Auzitegi Konstituzionalak hartzen duen erabakia edozein delarik, ez du gertatutakoa konponduko. Izan ere, azken egunotako gertaerek agerian utzi dute epaileak Alderdi Popularraren eta PSOEren agindupean daudela.

Aldi berean, ezin dugu ahaztu aurretik beste batzuk pairatu izan dutela Bilduk gaur egun bizi duen babesgabetasun egoera hau. Izan ere, azken hamar urte hauetan ehunka euskal herritarrei galarazi zaie parte hartze politikorako duten oinarrizko eskubidea. Gainera, milaka herritarrek ezin izan dute euren aukera politikoa askatasunez bozkatu. Alternatibak hasiera-hasieratik salatu du herritarrak hiru klasetan banatzen dituen lege lotsagarri hau: legalak, ilegalak eta kutsatuak. Demokrazia errealak ezin ditu kasta politikoak ontzat eman edo apartheid politikoa ezarri.

Lege hau babesten duten horiek lotsatuta egon beharko lirateke euren trikimailuak agerian geratu direlako. Ez dute bake eta normalizazio egoera nahi eta gezurretan ari dira horren alde lan egiten dutela adierazten duten bakoitzean. Euskal gizarteak ilusioz hartu duen prozesua oztopatu baino ez dute egiten, batez ere, Alderdi Popularrak eta PSEk euskal erakundeei eusteko eta aldundiak eta udalak eskuratzeko beharrezkoa duten faltsututako errealitate irudikatzen jarraitu nahi dutelako.

Espainiako demokraziak bere kalitate eskasaren eta gabezien froga berriak eman zituen atzo, Bilduko bozeramaileei demokraziaren etxea deritzon horretan prentsaurreko bat egitea debekatu zitzaienean. Beharbada pozik egon beharko ginateke korrupzioa darabiltenak, estatuaren terrorismoa gidatu zutenak edota frankismoa garai baketsua zela ziotenak hain ongi hartzen dituen tokian sartzea galarazi digutelako.
Euskal politikagintzatik Bilduk programarik ez duela esan dutenei ere erantzun nahi diegu. Izan ere, programak egiten eman dute denbora, ahalegin eta ilusio gehien Alternatibako gizon-emakumeek koalizioa martxan hasi zenetik. Horrexegatik, nahi duten guztien aurrean gure ideiak defendatzeko irrikan gaudela esan dezakegu. Ezin ahaztu, alabaina, hauteskundeetan egoteko aukera ukatzen digun egoera baten aurrean, gure aldarrikapen nagusia bozetan egoteko eskubidea exijitzea izango dela.

Biharko erabakia edozein izanda ere, inork ez dezala zalantzarik izan gure ideak euskal gizartera helduko direla, bozetan lortu ezin dutena zentzugabekeriaren indarrez lapurtu nahi dutenen aurrean egongo garelako. Alternatibak bere esku dagoen guztia egingo du ezkerreko indarren elkarlana inork geldiarazi ez dezala, ezkerrak egungo menpekotasun sistema guztiak, kapitalismoa eta demokrazia faltsua gainditu behar dituelako.

Azkenik, herritar guztiei dei egin nahi diegu bihar Bilboko kaleak iluntzeko zortziretan zeharkatuko dituen manifestazio nazionalean parte har dezaten hauteskunde demokratikoak eta ilegalizazioen amaiera aldarrikatzeko. Era berean, Euskal Herritik bertatik zein kanpotik heldu diren atxikimendu eta babes adierazpenak eskertu nahi ditugu, batez ere, atzoko mobilizazioetan gure herri eta hiriko kaleak bete zituzten milaka herritarrena.

Irudia: Soniko
Alternatibaren Koordinakunde Nazionaletik Bildu maiatzaren 22ko hauteskundeetan egotea  galarazten duen Auzitegi Gorenaren 61 Aretoaren erabakia irmo errefusatu nahi dugu.

Erabaki erabat politikoa dela uste dugu, sostengu juridikorik gabekoa, eta berriz ere milaka eta milaka euskal herritar hile honetako bozetan hautatuak izateko eta hautatzeko aukerarik gabe utziko dituena, legalak diren erakundeen eta era guztietako indarkerien gaitzespenarekin konpromisoa ageri duten pertsonen parte-hartzea eragotzita.

Auzitegi Konstituzionalaren azken ebazpena edozein izanda ere, Auzitegi Gorenaren erabakia Espainiako Erresumak Alderdien Legearekin abiatutako inboluzio demokratikorako prozesu larria berreztera dator: poliziak eta epaileak dira agenda politikoa ezartzen dutenak; hauek PSOE, PSE eta PP alderdien interesen arabera erabiltzen dituzte; asmatutako konspirazioak inposatzen dituzte argudio juridiko eta legalen gainetik; kutsaduraren orbana da, eskubide indibidual eta kolektiboen ordez, zabaltzen dena. Hau ez da demokrazia, ez da Alternatibak babesten eta sustatzen duen demokrazia.

Gertatukoa ez da soilik euskal gizartearen eskubide zibil eta politikoen kontrako erasoa, aitzitik, egiturazko aldaketaren alde, euskal ezker subiranistaren baitan sortzen ari den apustu ausartaren kontra egin eta berau kriminalizatzeko ahalegina da ere, eskuineko indar guztiek, PPtik PSOEra, babesten duten eredu ekonomiko eta sozialari aurre egin nahi diolako. Egoera hau eragin duten berberek bizi dugun krisialdi sistemikoaren arduradunak dira: Espainiako Estatuan 5 milioi langabe utzi dituena, lan eskubideak eta pentsioak erreformatuta eskubide sozioekonomikoak urratzen dituena, sindikalgintza aldarrikatzaileari eraso etengabeak egiten dizkiona, etab. Ez da kasualitatea Maiatzaren Lehena aukeratu izana ebazpen deitoragarria iragartzeko, izan ere, ezker erredikalak gizarteari eskaini diezaiokeen eraldaketa sakona eragozteko helburua dute.

Aukera egin dute: merkatuak, transnazionalak eta bankuak dira haien aliatuak; gureak, aldiz, herritar klaseak dira, kaleko gizon-emakumeak, herritar guztien eskubideak. Ez dute inork haien zilegitasuna zalantzan jartzea nahi, ez dute ezker anitzen elkarlanerako esperientzia berriek haien ihesaldi zentzugabean itzal egitea nahi.
Horregatik, Alternatibatik honakoa adierazi nahi dugu, gerta daitekeena gertatuta ere, ez poliziak, ez justiziak ezta alderdi eskuindarrek ere ezinezkoa izango dute Euskal Herrian sortutako aldaketarako uholdea gelditzea; inork ezingo du ezkerreko indarrak bateratzeko esperientzia itxaropentsu hau geldiarazi; Alternatibak subjektu herritar eta borrokalari berri honen aldeko apustu sutsua egiten jarraituko du, demokrazioa faltsu honekin amaitu eta kapitalismoa zein egungo menpekotasun sistema guztiak garaituko dituena.

Haiek iraganaren parte dira, gu oraina eta geroa gara; haiek beldurra eta zapalkuntza ordezkatzen dute, eta guk itxaropena, demokrazia eta eskubideak.

Alternatibak atxikimendua agertu nahi dio Arnaldo Otegiren askapena eskatzeko bihar egingo den manifestazioari. “Arnaldo askatu, politika askatu” lelopean, manifestaldia Elgoibarko plazatik aterako da 17:30ean eta Oskar Matutek parte hartuko du Alternatibaren izenean.

Bake eta normalizazio prozesuarekin aurrera egiteko bidean “ezinbestekotzat” jo du Alternatibako bozeramaileak Euskal Herriko eragile guztiek politika egiteko eskubidea bermatuta izan dezatela. “Otegi erabaki politikoen ondorioz dute espetxean oraindik. Are gehiago, bakearen aldeko bere ekimen politikoak izan dira auzipetua eta espetxeratua izatera eraman dituztenak eta hori salatu beharra dago”, gaineratu du.

Alternatibak albiste baikorra deritzo su etena hausten ez duen ETAren edozein agiriari. Hala ere, ETAri, “erantzukizunak besteengan ez lagatzeko eta dagokiona bete dezan” eskatu dio, “indarkeria behin betiko utzita”. Era berean, Espainia eta Frantziako Gobernuei “bake prozesuan parte hartu eta berau baieztatzeko lan egin” dezatela galdegin die.

Bilduk “bilgune” izan nahi duen webgunea aurkeztu du gaur

Eusko Alkartasuna, Alternatiba eta independente ezkertiarrek osatutako koalizioak Bildu.info atariaren aurkezpena egin du gaur Bilbon. Prentsaurrekoan Zuriñe Gaintza, Amaia Agirresarobe, Lore Martinez eta Asier Gomez izan dira. “Herritar guztiei eskaini eta beraiekin konpartitu nahi dugun tresna da webgune hau”, Gaintzak adierazi duen legez.

Koalizioari buruzko berriak, irudiak eta bideoak jasotzeaz gain, Araba, Bizkaia, Gipuzkoa eta Nafarroak espazio propioak dituzte webgunean. Era berean, herriz herri hautes-programen eta hautagaiei buruzko kontsultak egiteko aukera zabalduko du. Gainera, Martinezek aurreratu duen legez, ekitaldi nazioanalak streaming-ean emitituko dira aurrerantzean.

Koalizioak teknologia berrien “trena” hartu nahi du eta webgunea ezezik, hemendik aurrera Facebook, Tuenti eta Twitter sare sozialetan ere ariko da, aurreratu du Gomezek. “Herritarron sareko eremu pertsonal horretara sartu nahi dugu eta herritarrei gure berri eskaintzeaz gain, partaide izan dadila nahi dugu”.

Agirresarobek “ekarpen motibagarritzat” jo du webgunea eta “egun Euskal Herrian bizi dugun ilusio eta itxaropena” lau haizetara zabaltzen lagunduko duela iragarri du. Izan ere, “aldaketa politiko eta sozialerako” lagungarri izan daitekeela gaineratu du: “Hemen ez da filtrazio interesaturik izango, herritarren indarrak biltzeko gogoa isladatuko da, prozesuari bultzada geldiezina erakusteko leihoa izango da eta ezkerreko politikak aplikatzeko proposamenen kokapena”.    

Azkenik, Gaintzak “EAJk, PSE-EEk eta UPN-Alderdi Popularrak isladatzen duten politika egiteko estilo zaharkitu, usteldu eta etsigarritik” aldendu eta  “freskura, ilusioa, gogoa eta itxaropena” kontrajarri nahi diotela nabarmendu du. Izan ere, “herri interesak” dira Bilduren lehentasunak eta horrek “Madrilen zein euskal alderdi jakin batzuetan” kezka handia eragin du, bere ustez. “Kezka horien iturria jasotzen ari garen babes zañaba baino ez da”, laburbildu du zerrendaburuak.

Jazarpen politiko bortitza salatu du Bilduk eta PSOEren Gobernua Aznarren ministroen aginduetara makurtzea deituratu du

Eusko Alkartasunak, Alternatibak eta independete ezkertiar eta subiranistek osatutako Bilduk Rubalcaba eta Trillo jaunek koalizioaren zerrenda guztien kontra egiteko akordioaren berri izan du prentsari eginiko filtrazioen ostean. Hala, berriz ere demokrazioaren oinarrizko printzipioak urratu eta herritarren partaidetza politikoaren aurka joateko asmoa dutela salatu nahi du Bilduk. Era berean, argitaratutakoa egiaztatuko balitz, euskal herritarrei dagokiena Madrilen, Euskal Herritik urrun, erabakitzen dutela baieztatuko litzateke, eta beste behin ere euskal herritarren eskubideak urratzeko.

Bilduk azpimarratu du jazarpen politikoa eta mediatikoa onartezina dela, are gutxiago, zerrendak aurkeztu aurretik egiten denean eta euskal gizartea demokrazioaren aurkakoa den lege bat erabiltzearekin ohituta egon arren. Izan ere, alderdien legeak milaka herritarren parte-hartze politikoa galarazi du, eta orain legezkoak diren bi alderdien eta ezkertiar independentisten aurka bortizki egitera doa.

PSOE PPren aginduetara makurtzea deitoratzen du Bilduk, eta ekintza horien helburua euskal erakundeetan maiatzaren 23tik aurrera eman daitekeen aldaketa politikoa geldiaraztea dela salatu du, Bilduk bide politiko, bakezale eta demokratikoen alde eta era guztietako indarkeria formak arbuiatuz adierazitako konpromiso eztabaidaezin eta ukaezinaren inguruan susmoak ezarri nahian dabiltza, PP-PSOE binomioaren mesederako errealitate elektorala berresteko, gizartearen nahiak faltsutzen duen errealiteta, Eusko Legebiltzarrean bezala, herritarren botoa ordezkatzen ez dituzten erakundeak lortzeko. Laburbilduz, zeren beldur dira Rubalcalba eta Trillo jaunak? Bada, maiatzaren 22an susto ederra hartzea espero dute, Euskal Herrian aldaketa politikoaren eta sozialaren aldeko milaka boto jasoko ditugulako.

Guzti hau berretsi du Ertzaintza Bilduren hautagaitzak ikertzen hasi dela ziurtatzen duen informazioak, Madriletik Rubalcabak agindutakoa betetzen hasi da Rodolfo Ares.

Jazarpen polizial, juridiko eta mediatikoaren aurrean, Bilduk bere apustua berretsi nahi du, indarkeriaren eta mehatxu ororen kontrakoa, pertsona guztien eskubide zibil zein politikoen aldekoa eta Euskal Herriko milaka herritarren botoa bahitzen duen legearen aurka.

Frantziako tiroketak bake prozesua eragozten duela adierazi eta ETAri desegiteko eskatu dio Alternatibak

Alternatibak irmo errefusatu du Frantzian izandako tiroketa, non ustezko bi etakidek jendarme bat zauritu duten, eta indarkeri ezaren aldeko konpromisoa berretsi du.

“Euskal Herriko eragile sozialek, sindikalek eta politikoek Gernikako Akordioaren baitan egin ditugun eskaeretatik kanpo jardun dute ustezko etakideek eta jarrera horrek Euskal Herriak behar duen bake eta normalizazio prozesua eragozten du”, Alternatibako bozeramaile Oskar Matutek adierazi duen legez.

Matutek “edozein indarkeri mota” gaitzetsi eta ETAren “behin betiko desagertzea” eskatu du: “ETAren estrategia militar antzu eta samingarriak eragin negargarria du pertsonengan, politikarengan eta gizartearengan herri honetako elkarbizitza eta garapen soziala kaltetuz”. Zentzu honetan, politikari ezkertiarrak zera eskatu du: “Inork ez dezala oztopatu Euskal Herriak bakerantz eta konponbide demokratikorantz egin behar duen ibilbidea”.

Alternatibako Nazio Asanbladak udal eta foru hauteskundeetara Eusko Alkartasunarekin eta independente ezkertiar eta subiranistekin koalizioan joatea erabaki du

BILBON, 2011ko APIRILAren 2an – Alternatibako Nazio Asanbladak baiezkoa eman dio maiatzaren 22ko udal eta foru hauteskundeetara Eusko Alkartasunarekin eta independente ezkertiar eta subiranistekin koalizioan joateari, Euskal Herria Ezkerretik akordioan hartutako konpromisoak berretsita.

Alternatibako bozeramaile Oskar Matutek positibotzat jo du koalizioa sortzea, erakundeak bere hastapenetatik adierazi duen borondatearekin bat datorrelako. “Alternatiba jaio zenetik, herri honek behar eta espero duen ezkerreko indarren bilkura ahalbidetu eta gauzatzea izan du proiektu nagusia. Bada, beraz, lehendabiziko urrats bat, hauteskundeetan amaiera izango ez duena, Euskal Herrian aldaketa sakona eragiteko sortutako apustu politikoa izango baita”.

Alternatibak bere ezaugarri propioak gordeko dituela ziurtatu du Matutek, pertsona eta herri guztietarako eskubide guztiak aldarrikatzen jarraituz, “batzuk besteen aurretik lehenetsi gabe”, agenda feminista, subiranista, errotiko demokrazioa zalea eta eredu ekonomiko alternatiboaren aldeko apustua babestuko duena.

Alternatibako bozeramaileak esan duenez, “egungo krisi egoerak, pertsona zein taldeen eskubideak urratzen ari direnean, aldaketa sakonak egiteko beharra inoiz baino ageriagoa da, eredu sozio-ekonomikoaren aurrean alternatibak eskaintzeko”.

Azkenik, Matutek nabarmendu du garai berri honetan udal eta foru erakundeek izango duten garrantzia: “Tokikoa funtsezko eremu estrategikoa da herri proiektu berria balio alternatiboetatik eraikitze aldera. Aukera hau baliatu beharra daukagu eskubide guztiak, bazterketarik eta lehentasunik gabe, politikaren erdigunean kokatzeko”.