Feminismoa – 16 orrialdea

Gipuzkoak 165.000 euro bideratuko ditu Emakumeen Mundu Martxa laguntzera, emakumeen pobreziaren eta indarkeria matxistaren aurkako borrokan

Gipuzkoako Foru Aldundiak 165.000 euro emango ditu Emakumeen Munduko Martxarekiko lankidetza proiekturako. Emakumeen Mundu Martxa nazioarteko mugimendu feminista bat da, mundu osoan emakumeen pobreziaren eta haien kontrako indarkeriaren arrazoiak desagerrarazteko lanean dabilena, eta aste honetan Donostian egingo du bere biltzar europarra. Foru erakundeak tokiko mailan nahiz nazioartean eman nahi du babesa eta, horregatik, bi hitzarmen sinatuko dira: bata, MMM Forum Mulherreko nazioarteko idazkaritzarekin sinatuko da –Mozambikeko gobernuz kanpoko erakundea-; bestea, berriz, Euskal Herriko Emakumeon Mundu Martxarekin –mugimenduaren tokiko plataforma, Euskal Herriko hainbat elkarte feminista biltzen dituena-.

Gizarte Politikako diputatu eta Alternatibako kide Ander Rodriguezek, gaur aurkeztu ditu bi hitzarmenak Euskal Herriko Emakumeon Mundu Martxako ordezkari Idoia Trenorrekin. MMMko nazioarteko idazkaritzako ordezkari den Graça Samok Mozambiketik bidalitako bideo baten bidez hitz batzuk esan ditu Aldundiaren laguntza eskertzeko. Akordio horien arabera, bi erakundeek hainbat jarduera egingo dituzte, emakumeen eskubideen alde eta indarkeria matxistaren kontra, bai gure inguruan eta baita nazioartean ere. Beren ekimenen artean, nabarmena da aste honetan bertan Donostian egingo denaren garrantzia. Izan ere, urriaren 10etik 12ra, Gipuzkoako hiriburuak Emakumeen Mundu Martxaren Europako Topaketa hartuko du. Herrialde askotako ordezkariak bilduko dira. Topaketa honetan, besteak beste, 2015ean kontinente osoa zeharkatuko duen karabana feministaren azken xehetasunak zehaztuko dira.

Diputatuak salatu du “gaur egun, pobrezia egoeran dauden 10 pertsonatik 7 emakumeak dira, eta horietatik % 60k indarkeria fisikoa naiz sexuala sufritzen dute. Mundu osoan dauden gizarte eskubideen urraketak jasaten dituzten emakumeak. Ezin dute parte hartu beren bizitzetan eragina duten erabakiak hartzerakoan.” Testuinguru honetan, Gipuzkoako Foru Aldundiak sustatu nahi du “desberdintasun horiek desagertu daitezen antolatu egiten diren eta elkarrekin borroka egiten duten emakumeen ahalduntzea”. Horregatik, Foru Aldundiak, nazioarteko gizarte mugimenduekiko lankidetzaren bidez, garapenerako kooperazio politika eraldatzaile bat sustatzearen aldeko apustua egin du, pobrezia desagerrarazteko helburuarekin, egiturazko kausetan eraginez -kausa politikoak, ekonomikoak, soziala, ingurumenekoak eta generokoak-.

“Kooperazio eraldatzaile bat sustatzeko eta aliatu estrategikoekin lankidetzan aritzeko ezinbestekoak da tokiko nahiz nazioarteko mugimendu sozial emantzipatzaileekin akordioetara iristea, hala nola Euskal Herriko Emakumeon Mundu Martxarekin (EHEMM) eta Emakumeen Nazioarteko Mundu Martxarekin (Fórum Mulher). Izan ere, horien helburu nagusia da borroka feminista, antikapitalista eta internazionalista. Bai Euskal Herrian eta baita munduko beste lekuetan ere, sare honetan integratuta dauden oinarrizko talde eta erakundeak lanean ari dira, pobrezia eta emakumeen kontrako indarkeria eragiten duten kausak desagerrarazteko. Haien balioak eta ekintzak aldaketa sozial, ekonomiko eta politikorantz bideratzen dira, eta Gipuzkoak Foru Aldundiak bat egiten du aldaketa horrekin.”

GFA Politika Soziala

14/10/06

Berriak

Hedabideez eta estereotipo matxistez

Lur Etxeberria Iradi eta Diana Urrea Herrera – EH Bildu

Udazkeneko hego haizeak iraileko kresal usaina dakarkigunean, oraindik gogora dezakegu irailaren 14ko igandea: Kontxako estropada eta emakume arraunlarien ahalegina, poza, urtetako lana agerian geratu zenekoa. Zirrara berezia eragin zigun hainbeste oztoporen gainetik kirolari lotuta jarraitzen duten emakumeak ikusteak, Kontxako estropada ez ezik, emakumeek arrotz zaizkien uretan lehiatu behar dutelako egunero eta kirolean nabarmen. Garaipen txiki bat zela sentitu genuen, emakume arraunlari guztien garaipena, emakume kirolari guztiena, emakume guztiena eta jendarte osoarena. Udazkeneko hego haizeak dakarren kresal usainarekin egun hura gogoratzean, irribarrea sortzen zaigu ia oharkabean.

Irailaren 14ak argi-ilunak izan zituen, ordea. Egunean bertan eta biharamunean kezkaz ikusi genuen hedabide batzuentzat emakumeen estropada ez zela existitu ere egin, edo beste batzuk gizonen estropadaren “telonero” gisa tratatu zituztela. Are gehiago, gure hedabide publikoa denak, EiTBk, titularretan gizonen estropadaz soilik hitz egin izanak eta emakumeen estropadari bazterreko lekua emateak. Are gehiago, Hego Euskal Herrian gehien saltzen den prentsa gehienak emakumeen estropada ezkutatu izanak. Egia da hedabideek kirolean emakumeak baztertzea edo ezkutatzea ez dela kontu berria, baina bai larria. “Normala da”, “beti horrela izan da” eta antzeko argudioek ez gaituzte asebetetzen. Atzo normaltzat ematen genuena ez da gaur normaltzat daukaguna.

Kirola, eta bereziki lehiaketara bideratutako kirola, gizonen espazioa dela adierazten digute etengabe. Hedabideetako titularrak eta irudiak gizonenak dira, gizonak jokalari titularrak, gizonen partida da kirolarena eta emakumeak aulkian geratzea tokatzen zaie; ikusle gisa edo ikusiak izateko gisan, azafata, animatzaile edo bikotekide-ederraren paperean, ikuskizunari glamourra ematen. Lehenago ezagutuko dugu futbolari izar baten bikotekidea, emakume futbolari puntako bat baino. Ez al da hala? Esaera batek dioen bezala, denok jolastu ezean, baloia zulatuko dugu, eta agian iritsi da ordua. Hemen ez dugu denok jolasten eta, are gutxiago, antzeko baldintzatan.

Kezkaz begiratzen diogu kirolari, ikusita osasungarri eta gozagarri izan daitekeena nola bihurtu den patriarkatuaren gotorleku, hedabide nagusien konplizitatearekin. Kirola eta hedabideak balio, rol eta estereotipo sexisten sorburu inportantea dira gaur egun. Gizon kirolariak izar eta heroi bihurtzen dituzte, mutikoentzat erreferente eta eredu bakarra sortuz, mutikoek ondo ikas ditzaten gizon arrakastatsu izateko behar dituzten ezaugarri eta jokabideak. Neskek, berriz, segituan ikasten dute mezua: “kirola ez dela neskentzat”, nahiz eta ezkon daitezkeen kirol izar batekin, eta Hello Kyttiren mundua daukatela zain. Bestelako erreferenterik ez daukate apenas.

Kezkatuta gaude kirol-ikuskizun handiek eta hedabideek, kirolaren aitzakian, zabaltzen dituzten mezu eta irudiekin, erreferente eta eredu matxistak sortzen eta indartzen etengabe. Munduko saskibaloi txapelketa Bizkaitik pasa berri zaigu eta esatari baten komentario matxista dela eta ez dela zalaparta sortu da, ikuskizun arranditsu hori erabat matxista zela aipatu gabe, protagonistak gizonak zirela ahaztuz eta emakumeek animatzaile edo azafata gisa parte-hartzea beste aukerarik ez zutela. Horregatik, uste dugu urgentea dela erakunde publikoek esparru honetan parekidetasunaren alde egitea. Gaiari heldu behar diogu udako kresal usaina neguko ipar haizeak izoztu baino lehen. Ez gaude prest gure seme-alabak sexismoan hezteko; ez dugu haientzat jendarte sexistarik nahi. Pertsona aske nahi ditugu.

Ordezkari politikook eta bereziki erakunde publikoek badugu ardura eta gaitasuna egoera hau iraultzen laguntzeko. Horretan saiatuko gara guretik. Hasteko, gure kezka helaraziko diogu Emakunderi eta ekimenak abiatuko ditugu Gasteizko legebiltzarrean. Eduki matxistak zabaltzen dituzten hedabideak diru publikoz lagundu behar dira, publizitate instituzionala emanez?Balio eta estereotipo sexistak indartzen dituzten kirol-ikuskizun handiak diru publikoz lagundu behar dira? Galdera hauexek egiten dizkiogu Jaurlaritzari eta eskatu diru publikoa 0 izan dadila hedabide eta kirol-ikuskizun hauentzat. Alferrikakoa da emakumeen kontrako eraso agerikoenen aurrean txapa morea jartzea, eraso horien oinarrian dauden desberdintasunak gainditzeko ezer egiten ez badugu. Has gaitezen serio jokatzen.

Naiz-en argitaratua

14/09/25

Berriak

Mugimendu feministaren garaipena ospatu arren, abortatzeko eskubidearen alde mobilizatzen jarraitu beharra dago

Abortuaren legearen proiektuaren porrota ospatu nahi dugu, Apezpiku Batzarraren esanetara dagoen gobernu ultra atzerakoiaren eta amatasuna zein sexualitatea ulertzeko emakumeen errealitate anitzen arteko distantziaren froga delako. Kontrarreforma honen porrotak gobernua agerian utzi du, gehiengo absolutuarekin ere, ezinezkoa izan duelako argi eta ozen hitz egin duen gizartea makurraraztea, urte luzeetako borrokari esker lortutako eskubideei uko egiteko prest ez zegoelako.

Horregatik, gaurkoan, EH Bildu osatzen dugunok gizarte osoaren garaipen hau ospatzen dugu, bereziki borroka feministaren lorpena dela ahaztu gabe, batera eta antolatuz legea geldiaraztea lortu dutelako. Gure bizitzen gainean erabakitzeko eskubidea ukatu nahi ziguten, oinarrizko eskubidea dena.

Ospatu beharra dago, halaber, Espainiako estatuaren porrot honek izan duen ordaina, izan ere, emakumeak trukerako txanpon gisa erabiltzeko ahaleginak, emakumeak tutelatzeko borondatea beti azaltzen duten ultraeskuindarren mesederako edota gure gorputz zein eskubideak hauteskundeetako emaitzei begira erabili izanak kale egin dielako.

Patriarkatuaren eraso berri honekin atzera egin eta Gallardonek kargua utzi izanak antolatutako emakumeen borrokaren isla dira, aspalditik eta oztopoen gainetik, emakumeak beren bizitzaren jabe direla defendatu duen mugimendu feministaren lorpena.

Adierazitako guztiarengatik, EH Bildutik abortatzeko eskubidearen nazioarteko egunaren harira Euskal Herrian asteburuan antolatutako elkarretaratze desberdinetan parte hartzera deitu nahi dugu, irabazitakoa ospatzeko baina, aldi berean etor daitezkeen mehatxu berrien aurrean guardian egon behar garela azpimarratzeko. Hala, emakume guztien eskubide eta bizitzen alde lanean jarraituko dugu, salbuespenik eta injerentziarik gabe.

EHBildu

http://alternatiba.net/old-files/Abortuaren despenalizazioa.jpg

14/09/25

Berriak

Denbora agortu da: Hondarribiko alkateak gaur bertan bere dimisioa aurkeztu behar du

Lehenik eta behin, zoriondu nahi dugu Jaizkibel konpainia. Hondarribian eta Euskal Herri osoan emakumeen eskubideen aldeko ikurra zarete. Segi lanean, alarde bakarra eta parekidea gero eta gertuago dago zuen urteetako zuen lana eta konpromisoari esker. Herri honen historian leku bat duzue irabazita.

Aldiz, amorru handiz ikusi dugu aurten berriro ere Jaizkibel konpainiaren aurkako plastiko beltzak agertu direla eta hori onartezina da. Urte asko pasatu dira eta Eusko Jaurlaritzak eta Hondarribiko udalak alardearen gatazka konpontzeko ez dutela inongo borondaterik konprobatzeko tartea izan dugu batzuk eta besteek. Bereziki larria da Hondarribiko alkatearen jarrera, eta de fakto bere karguan jarraitzeko indargabetua geratu da. Beraz, Hondarribiko alkateak gaur bertan bere dimisioa aurkeztu behar du. Aitor Kerejeta alkateak Jaizkibel konpainiari egiten dion mespretxua gero eta argiagoa da. Emakumeen bazterketaren ikurra bihurtu da Kerejeta eta gatazka betikotzeko arduradun nagusian bilakatu da.

EH bildutik salatu behar dugu aurten EAJren zenbait kargu publikok alarde baztertzailearen aldeko jarrera argia agertu dutela. Aitor Kerejeta alkateaz gain, Eider Mendoza batzarkideak eta Kristina Uriarte Sailburuak bere babes osoa adierazi diote Alarde matxistari eta bizkarra eman diote Alarde parekideari.

Eider Mendoza gaur egun Batzar Nagusietako lehendakaria da, funtzioetan, eta gaur ez du alarde mixtoa babestu, eta normaltzat jo du alarde baztertzailea existitzea.
Jakina da ere Kristina Uriarte Kultura sailburuan zein alardearen aldekoa den eta aurten Alarde baztertzaileari bere babes osoa adierazi dio publikoki.
Eusko Jaurlaritzak aurten ere ez du legea betearazi. Hamar urte pasatu dira Berdintasunaren legea onartu zenetik eta ez du ezer egin Hondarribiko alardearen gatazka konpontzeko. Gainera, plastiko beltzen aurrean Ertzaintzaren pasibotasunak alarde matxistaren aldeko keinu bat bezala ikusten dute alarde matxistaren aldekoek.

EH Bilduren iritziz, gure instituzioetan horrelako jarrerek ez dute lekurik izan behar eta hiru kargu publiko hauei, Kerejeta, Mendoza eta Uriarteri, irtenbide bakarra geratzen zaie: edo publikoki emakumeen parte hartzearen alde egiten dute edo berehala bere dimisioa aurkeztu beharko dute.

Alderdi politikoei dagokienez, Gipuzkoako EAJ eta PSEri Hondarribian jarreraz aldatzeko denbora agortu zaio. Egoera honek ezin du gehiago iraun. Hondarribitik kanpo emakumearen berdintasuna aldarrikatzen dute baino bertan bazterketaren aldeko eragile sutsuenak dira. Markel Olanok, Egibarrek eta Arriolak etxeko lanak egin behar dituzte eta emakumeen bazterketa defendatzen duten bere kargu publikoak kanporatu behar dituzte.

EH Bilduren iritziz, posible da gatazka konpontzea eta jaia berdintasunean ospatzea. Baina horretako erakunde guztiek norabide egokian lan egin behar dute. Emakunde, Ararteko eta Diputazioak egin bezala, udalak ere bere aldetik lan egin behar du. Gipuzkoan bertan esperientzia desberdinak daude eta horrelako gatazkak konpondu daitezkeela adierazten digute. Donostian, Tolosan eta EH Bildu gobernatzen ari den herri guztietan horren alde ari gara lanean eta emaitzak hor daude.

Emakumeak eremu publikoan baztertzearen ziren garaiak betirako pasatzen ari dira Gipuzkoa osoan. Hondarribian eta Irunen ere laster horrela izango dela ziur gaude eta horretarako ari gara lanean. Hondarribiko populazioaren gehiengoak gatazka konpontzea nahi du eta emakumeen presentzia ziurtatzea nahi du. Hori da bidea eta ziur gaude denon artean lortuko dugula.

EHBildu Gipuzkoa

https://fbcdn-sphotos-a-a.akamaihd.net/hphotos-ak-xaf1/v/t1.0-9/10363842_939931589357491_7788036189047025826_n.jpg?oh=226eb0a6ea9a582c7782e8f51dd672f1&oe=548DB7F5&__gda__=1419749188_1d9d0656a0798725bfd75a40d74f6503

https://fbcdn-sphotos-e-a.akamaihd.net/hphotos-ak-xap1/v/t1.0-9/10635780_939931642690819_9212621135115522829_n.jpg?oh=48ea02a04b79a7aee7c51c1a4def61fd&oe=5487E3F9&__gda__=1418605861_a3a827ce696e7d2bd573d6532b769a8c

https://scontent-a-mxp.xx.fbcdn.net/hphotos-xfa1/v/t1.0-9/10614392_939931706024146_6480879954909799583_n.jpg?oh=ee49ff82427ed442db7ec4747c92f89e&oe=54CE0969

https://fbcdn-sphotos-d-a.akamaihd.net/hphotos-ak-xfp1/v/t1.0-9/10689567_939931722690811_8126581789878556358_n.jpg?oh=1f5f85b952b6ae2309625da44ceaea05&oe=549380C6&__gda__=1418216527_0249bd510329a3fb33d786c88cd90083

https://scontent-a-mxp.xx.fbcdn.net/hphotos-xaf1/v/t1.0-9/10626650_939931596024157_885298966056105342_n.jpg?oh=d068700a714e3d9e1fa1f0613b985d96&oe=54824D8C

https://scontent-b-mxp.xx.fbcdn.net/hphotos-xfp1/v/t1.0-9/10458156_939931802690803_6381362475919783672_n.jpg?oh=8357094daa2cb03d38fb87cf13d827e5&oe=54964389

https://scontent-a-mxp.xx.fbcdn.net/hphotos-xpa1/v/t1.0-9/10153953_939931832690800_7572166121847837779_n.jpg?oh=1fc901370644653f9864237c0d24bcbd&oe=54990EC4

https://fbcdn-sphotos-h-a.akamaihd.net/hphotos-ak-xpf1/v/t1.0-9/10527819_939931926024124_1155934589670856706_n.jpg?oh=7a4fd60c4a50b8688fb0f01b5be1250f&oe=549C7566&__gda__=1419945228_241aa5b57c9b849ea740496fa870eeaa

https://scontent-b-mxp.xx.fbcdn.net/hphotos-xap1/v/t1.0-9/10626620_939931996024117_989098003606422630_n.jpg?oh=b8140249001dac0ac6b0169e2676c141&oe=548F5DA1

https://scontent-a-mxp.xx.fbcdn.net/hphotos-xpa1/v/t1.0-9/10641220_939932079357442_1091106014455494626_n.jpg?oh=57fea865c01a58765f2a835da40d0484&oe=548E3EE9

https://scontent-b-mxp.xx.fbcdn.net/hphotos-xap1/v/t1.0-9/10696425_939932099357440_2014697540412944086_n.jpg?oh=f43854c6d0967b83e65be9fa6861cc11&oe=548DDAB5

https://fbcdn-sphotos-f-a.akamaihd.net/hphotos-ak-xpf1/v/t1.0-9/10429373_939932179357432_7903186029429668509_n.jpg?oh=d69bbcb637cc347ca78d4ceabbc738cb&oe=549F45FB&__gda__=1419411345_e996f6debd74f6eef3d5839b2f80cb80

https://fbcdn-sphotos-d-a.akamaihd.net/hphotos-ak-xfp1/v/t1.0-9/10606304_939932169357433_4405481878381461002_n.jpg?oh=784f08d225ac3e43bfc3d8e5e474e4ab&oe=548BECB4&__gda__=1419324477_8427ccbedb5c70d9cf02042275315b3e

https://fbcdn-sphotos-f-a.akamaihd.net/hphotos-ak-xap1/v/t1.0-9/10698538_939932379357412_8882333061319517490_n.jpg?oh=e9ddb6033cb5800ca46127fd9e8f00e1&oe=54A572EF&__gda__=1418164019_0cc403075cf848dec4427e3f8bceae89

14/09/09

Berriak

Alardea: Ezer berririk ez. Ala bai?

Laura Gomez – Gizpuzkoako Foru Aldundiaren Berdintasunerako Zuzendari Nagusia

Hondarribiko Udalbatzak, EAJ, PP eta H1! alderdien babesarekin, duela gutxi eskatu dio Jaizkibel konpainia mistoari bere estrategiaren inguruko hausnarketa sakon bat egiteko eta, horrez gain, bere babes osoa erakutsi dio alarde pribatuari, hondarribiar gehienak horren aldekoak direla argudiatuz. Aldi berean, Hondarribiko alkateak eta Eusko Jaurlaritzako Hezkuntza sailburuak, biak EAJkoak, Alarde Fundazioaren lokal berriaren inaugurazioan izan dira, eta horrek garbi uzten du desfile pribatuari ematen diotela babesa. Emakunde, Arartekoa eta Gipuzkoako Foru Aldundia bezalako erakundeek egindako adierazpenek, non udalei eskatzen baitzitzaien erantzukizunez jokatzeko 20 urtez iraun duen gizarte gatazkari konponbideak bilatzeko, Alarde Fundazioaren erantzun haserrea eragin zuten, berriz ere.

Beraz, pentsa liteke hainbesteko mugimenduan ez dagoela ezer berririk. Edo bai. Susmoa daukat oraingoan aldea dela mugimendu horiek, hain zuzen ere, ezer ez aldatzea nahiko lukeenarentzat gauzak lekuz aldatzen ari direla imajinatzeak sortzen duen urduritasunaren ondorio direla. Eta badute urduri egoteko arrazoia, hiru erakunde (Gipuzkoako Foru Aldundia, Arartekoa eta Emakunde), lehenengo aldiz, elkar hartuta ari baitira lanean konponbideak bilatzen eta aho batez eskatzen udalek ere haiekin bat egin dezatela. Eta Eusko Jaurlaritzak duela gutxi egindako azterketa soziologiko batek erakusten duelako hainbeste aldarrikatzen dituzten gizarte gehiengo horiek jada ez direla beraiek dioten bezalakoak: hondarribiarren %72k gatazkarentzako konponbideak eskatzen dituzte, %84k adierazten dute oraingo jaiak tristura, lotsa, gogaitasuna eta haserrea sorrarazten dizkiela, eta %43k formularen bat nahi dute emakumeek parte hartzeko aukera izan dezaten, baina ez orain bezala.

Egoera berri horren aurrean, Hondarribiko Udalaren eta Alarde Fundazioaren erantzunak zahar usaina dauka. Antzua, frustragarria eta oso mingarria izan dela frogatuta dagoen eta, gainera, onartezina eta arduragabea den jarrerarekin jarraitzen du Udalak: hots, Alardea bezalako topaketa kolektiboko gune nagusi bat pribatizatzea funtsezkoa den berdintasun eskubidearen betetzea saihesteko; hain zuzen ere, eskubide hori betetzea basakerian ez bizitzeko gizarte talde modura hartu ditugun akordioetako bat da. Alarde Fundazioak, hasteko, biktimizatu egiten du bere burua erakundeek bultzatutako lintxamenduaz hitz eginez, Gipuzkoako Foru Aldundiarentzat arazo nagusia ez baita Alarde Fundazioa izeneko antolakuntza pribatua, Udalaren jarrera baizik. Eta, bigarrenik, gezurra esatea erabakitzen du Jaizkibel konpainia pasatzen denean protestak egiteko estrategian inolako erantzukizunik ez duela esatean. Urteak daramatzate ekintzak antolatzen berdintasunezko partaidetza defendatzen dutenak ahultzeko eta iritzia azaldu ez dutenak hertsatzeko; hala, haien isiltasuna aprobetxatzen dute gehienen babesa dutela aldarrikatzeko.

Beraz, zertan gara gatazka honen konponketari dagokionez? Ez dauzkagu konponbideak, baina bai bide horretan gidari izan behar ditugun zenbait elementu eta printzipio.

Erakundeen arteko elkarlana ezinbestekoa da, Alardearen auzia agendan sartu baita herrialde mailako arazo gisa; horrelako beste gizarte gatazka bat berriz gertatzea ekidingo duten irakaspenak ateratzeko aukera ematen digulako; eta helburu bakarra konponbideak bilatzea izatea ahalbidetzen digulako, gatazkaren inguruan dauden alderdikeriak gainditzea eta arma moduan ez erabiltzea lortzeko.

Udalak dira egoera hori aldatzeko gakoa. Adorea behar dute gizarte gatazka bat dagoela aitortzeko, ahots guztiak entzuteko —ez baita gehiengoentzat gobernatzen, gizarte osoarentzat baizik— eta zintzotasunez konponbideen bilaketan inplikatzeko. Beti esan diegu ondoan izango gaituztela laguntzeko, erakunde publiko gisa legitimizatzen gaituenaz arduratzea erabakiz gero: arazo kolektiboak konpontzea.

Konponbide-bilaketak taldean baretasunez eztabaidatzeko gai izan behar du, Alardearen eta haren kuestionamendu kritikoaren inguruko tabuak apurtzeko. Baina eztabaida horietan ezin da ahaztu jaiak errituak direla, elkarrekin bizitzeko hartu dugun erabakia eta adostutako kontratu bati jarraituz bizitzeko sinatu dugun ituna irudikatzen dituztenak. Beraz, herritarren zati batek ezin ditu modu pribatuan zehaztu jaiak eta ezin du adostutakoa ez errespetatu. Horrenbestez, edozein konponbidek eskatuko du jaiak publikoak eta berdintasunezkoak izatea, akordioaren eta adostasunaren bitartez elkarrekin bizitzea aukeratu dugunontzat bizitzeko eta gozatzeko moduko jaiak izatea, gehiengoen edo gutxiengoen mendean jarri gabe.

14/09/08

Berriak

Alternatibak alarde parekidea babestuko du Hondarribian eta Urkulluri Berdintasun Legea urratzen baimentzeari uzteko exijitu dio

Alternatibako bozeramaile Diana Urreak herritarrei dei egin die hurrengo irailaren 8an, berriro ere, “Hondarribiko kaleetara irten daitezela, urtetik urtera, alardean emakumeen bazterketarik gabeko jai libreen alde borroka egiten duten guztiak babestera”. Urreak “Hondarribiko eta Irungo ehunka emakume eta gizonen merezimendua eta esfortzua” gailendu du “atsedenik gabe eta indarra biziaz eskubideak konkistatzen jarraitzen dutelako, konplexurik gabe emakumeen eskubideak urratzen dituzten hainbat instituzioei aurre eginez”.

Aldi berean, alderdi ezkertiarreko bozeramaileak “Urkulluren gobernuak Hondarribiko eta Irungo udalei erakusten dien konplizitatea” deitoratu du, “alarde sexisten zerbitzura baliabide publikoak bideratzen dituenean, berdintasunerako oinarrizko eskubidearen urraketa baimenduz”. Zentzu horretan, exekutiba jeltzalea bere konpromisoa erakusten duen “pauso ausartak ematera” premiatu du “bi herrietako alkateak legea betetzera behartzea adibidez, Hondarribian urtero Berdintasunerako Legea urtero urratzen baita”.

Azkenik, Alternatibatik bere babes osoa agertu nahi izan diote Jaizkibel konpainiari, hala nola, kale nagusian gora laguntzen duten pertsona guztiei ere, “gatazkaren konponbidean instituzioei aurrea hartu dietela erakusten dutelako”. Bukatzeko, “eskubideak ez bozkatu, ez negoziatu; eskubideak irabazi egiten direla” aldarrikatu dute, horregatik, euskal jendarte osoari eskubideak konkistatzen jarraitzera dei egin diote “Euskal Herriko jai eta tradizio guztietan emakumeen parte-hartzea defendatuz”.

14/09/07

Berriak

Atzera pausorik ez, Jaizkibel

14/09/01

Berriak

EHBilduk lotsagarri jotzen du Urkulluren Jaurlaritzak Alarde baztertzailearen antolatzaileei ematen dien babesa

Joan den abuztuaren 15ean Cristina Uriarte andereak Hezkuntza, Hizkuntza Politika eta Kultura sailburuak parte hartu zuen alarde baztertzailea antolatzen duen elkarte pribatuaren egoitzaren estreinaldiko ekitaldian. Gogoratu behar dugu elkarte hori, “Alarde Fundazioa Hondarribia” legeztatu gabe geratu zela emakume eta gizonezkoen arteko berdintasuna urratzen zuelako.

Euskal Herria Bildu koalizioak lotsagarri jotzen du EAJk eta Urkulluren Jaurlaritzak alarde baztertzailearen antolatzaileei ematen dien babesa. Hau da, bere garaian berdintasunaren printzipioa betetzen ez zuelako legeztatu gabe geratu zen elkartea babesteagatik. Lotsagarria.

Hondarribiko alkate jeltzalearen jarrera ezagutzen genuen. Orain, berriz ere, Jokin Bildarratz, EAJko senatariaren adierazpenek agerian uzten dute EAJren konplizitatea alarde baztertzailearen antolatzaileekin.

Edozein kasutan, gure ustez, larriena Hezkuntza, Hizkuntza Politika eta Kultura sailburuaren jarrera eta inplikazioa da. Ezin onar daiteke Jaurlaritzaren sailburu garrantzitsuenetariko batek emakumeak baztertzen dituzten taldeak babestea.

Egoera honen aurrean, EHBilduk Cristina Uriarte anderearen agerraldia eskatuko du Gasteizko Legebiltzarrean bere jarduerak eta jarrerak azal ditzan: Zergatik babesten duen emakume eta gizonezkoen arteko berdintasun printzipioa urratzen duen elkarte pribatua? eta zergatik ez du defendatzen emakumeen parte hartzea gizonezkoekiko berdintasunez, alarde bakarrean, publikoan eta ez baztertzailean?

EAJk emakumezkoen eta gizonezkoen arteko berdintasuna defendatu beharko luke. Lan munduan, politikan, jendartean eta baita jaietan ere. Horregatik, Jaurlaritzako kontseilariei exijitzen diegu berdintasuna urratzen dutenei babesik ez ematea. Aldiz, berdintasunaren alde egunero lanean dihardutenak babesteko eta laguntzeko eskatzen diegu.

Bukatzeko, beste behin ere, gure babesa adierazi nahi diegu emakumeen bazterketarik gabeko jai herrikoi eta demokratikoen alde lan txalogarrian aritzen diren pertsona guztiei. Eta hemendik, Uriarte Anderea hurbileko etorkizunean berdina egitera premiatzen dugu.

14/08/21

Berriak

Eraso sexisten aurrean, tolerantzia zero!

Indarkeria sexistak mila aurpegi, mila ahots, mila adierazteko forma eta esparru ditu; JAIETAN ERASO SEXISTA ASKO EMATEN DIRA. Hauen aurrean jaiak askatasunez bizitzearen aldeko aldarria luzatu nahi dugu. Jaietan eraso sexistarik ez!!! Honen aurrean denon ardura da erasotzaileak baztertzeko eta edozein erasoen aurrean erantzun sendo bat emateko. Ezin gara konplizeak izan.

Emakumeok aske bizitzeko eskubidea dugu eta gure gorputzaren jabeak gara. Euskal Herriko jaiak eraso sexistarik gabeko guneak izatea guztion artean lortzera goaz eta ildo horretan, “Eraso sexisten aurrean TOLERANTZIA ZERO!” leloko kartelak argitaratu ditu EH Bildu, Euskal Herriko jai guneetan jarriko direnak.

EHBildu

14/07/07

Berriak

Alternatibak Irungo alarde parekidea zoriondu du betiko borrokarako gogo berdinarekin eskubideak konkistatu izanagatik

Azken urteetako joerari jarraiki, alarde parekidea, gizon-emakumeek osatutakoa, desfilean inoiz baino jende gehiago izan da Irungo kaleetan desfile publikoa babesteko. Udaletxean, beti bezala eta tamalez, PSEko Santano alkatearen falta izan da nagusi, alarde baztertzailea bakarrik sustatzen duelako, Alternatibatik behin eta berriro salatu dugunez.

Alternatiba eta EHBilduko ordezkariak, aldiz, han izan dira alarde parte-hartzailea sustatzeko. Han izan dira, besteak beste, gure kide Diana Urrea, Ander Rodriguez eta Jon Lasa. Desfilatzen, berriz, Alba Fatuarte Alternatibako Koordinakunde Nazionaleko kidea izan da. Koalizioaren izenean, Martin Garitano Ahaldun Nagusia, Laura Gomez Berdintasun zuzendaria eta Laura Mintegi legebiltzarkidea izan dira, besteak beste.

Ertzaintza kale Nagusian zabaldu zen, pasa den urtean erasoak eman ziren lekuan alegia. Eta lehenengo aldiz, kargu publikoak, alarde diskriminalizatzailearen aldekoen eskutik alarde parekidekoek pairatzen dituzten erasoen zonaldean geratzeko aukera izan zuten. Alder publikoko partaideentzat, urterik hoberena izan da. Inoiz baino gende gehiagok osatu duelako alardea, Santiago konpainia berria barne, eta kalean alarde parekidea txalotzen ibili zirenak asko zirelako.

Goizeko eta arratsaldeko alarde parekideek utzitako irudiak lasaitasuna transmititzen dute, bai, baina betiko borroka dosi berdinarekin, eskubideak konkistatzen dituena.

#GoraEmakukeakAlardean

https://scontent-a.xx.fbcdn.net/hphotos-xpa1/t31.0-8/p417x417/10348798_898595230157794_2207733167658017703_o.jpg

https://scontent-b.xx.fbcdn.net/hphotos-xap1/t31.0-8/10506698_898594573491193_3133033394056683044_o.jpg

https://fbcdn-sphotos-c-a.akamaihd.net/hphotos-ak-xaf1/t31.0-8/10338483_898594810157836_65608237872717448_o.jpg

https://fbcdn-sphotos-b-a.akamaihd.net/hphotos-ak-xfp1/t31.0-8/10495042_898594533491197_7787327262419392394_o.jpg

https://scontent-b.xx.fbcdn.net/hphotos-xpf1/t31.0-8/10450064_898594556824528_3596325101702597021_o.jpg

https://fbcdn-sphotos-b-a.akamaihd.net/hphotos-ak-xfp1/t31.0-8/10272675_898594933491157_5136595146222498293_o.jpg

https://fbcdn-sphotos-h-a.akamaihd.net/hphotos-ak-xpf1/t31.0-8/10293769_898594966824487_460652228111220452_o.jpg

https://fbcdn-sphotos-d-a.akamaihd.net/hphotos-ak-xpa1/t31.0-8/10499368_898595060157811_5979889349263137988_o.jpg

https://scontent-a.xx.fbcdn.net/hphotos-xpa1/t1.0-9/10364160_898595373491113_2778688889291670991_n.jpg

https://fbcdn-sphotos-a-a.akamaihd.net/hphotos-ak-xap1/t31.0-8/10505045_898595726824411_7749361344176614303_o.jpg

https://fbcdn-sphotos-c-a.akamaihd.net/hphotos-ak-xpa1/t31.0-8/10379586_898595846824399_9005213136143646000_o.jpg