Feminismoa – 17 orrialdea

Alternatibak alarde parekidea babestuko du Irunen eta erakundeei bazterketari zilegitasunik ez emateko exijitu die

Alternatibako bozeramaile Diana Urreak herritarrei dei egin die “Irunen zein Hondarribian, emakumeen bazterketarik gabeko jai herrikoi eta demokratikoen alde lanean aritu diren pertsona guztiei babesa adierazten jarrai dezatela”, alardeetan urtero gertatzen dena jakinda eta, Irungoa bihar ospatuko dela. Nabarmendu du, halaber, aurten alarde parekideak konpainia berri bat, Santiagokoa, izango duela, “horrek erakusten du, herritarren artean gero eta babes zabalagoa duela, beste behin ere, instituzioei aurrea hartuta gatazka konpontzeko bidean”.

Alternatibarentzat guztiz “onartezina da kargu publikoek plastiko beltzena bezalako jarrerak edota beren herriko jaietan askatasunez parte hartu nahi dutenak iraintzea eta bizkarra ematea babestea”. Leporatu diete halaber, balizko gehiengoetan ezkutatzea, izan ere, “oinarrizko eskubideak ez daudelako inongo gehiengoren menpe, errespetatu eta instituzioetatik bermatu beharra besterik ez dago”.

Joan den ostiralean, Gasteizko legebiltzarrean, eskatu zion Urreak Urkullu lehendakariari alderdikide duen Hondarribiko alkate Aitor Kerejetaren jarrera aldarazteko lan egin dezala, eta gauza bera eskatzen dio orain PSEri, “Irungo alkate sozialista Antonio Santanori exijitu diezaiotela alarde baztertzailea babesten ez jarraitzeko, gainera alarde parekideari harrera ere egiten ez dionean”. Are gehiago, kontraesana iritzi dio PSEko gazteriek alarde publikoaren lana saritu izana alderdi bereko alkate batek bere herriko biztanleen erdia baztertzen jarraitzen duen bitartean.

Urtero bezala, Alternatibako ordezkariak Irunen izango dira astelehenean Alarde parekidea “publikoa, parte-hartzailea eta bazterketarik gabekoa” bultzatu eta babesteko, alderdiko bozeramaileak esan duenez. Diana Urrearekin batera, Alternatibako ordezkari ugari bertaratuko dira, tartean Ander Rodriguez lurraldeko Politika Sozialeko diputatua eta Jon Lasa Koordinakunde Nazionaleko kidea. Han izango dira berdintasuna eta bazterketarik gabeko jaiak aldarrikatzen duten Irungo milaka gizon-emakumeekin.

14/06/29

Berriak

Urkulluri galdetzen diogu ea onartuko duen Irungo eta Hondarribiko alkateek alarde parekideari harrerarik ez egitea, alarde baztertzailea babestuz

Diana Urrea Alternatibako kide eta EHBilduko legebiltzarkideak alarde baztertzaileak gainditzeko benetak urratsak egin ditzala eskatu dio gaur Urkullu lehendakariari. Gogorarazi dio, halaber, Kerejeta Hondarriko alkatea bere alderdikoa dela eta, hartara, irailaren 8an alarde parekideari harrera egin diezaiola eskatzeko exijitu dio.

Eskubideak pertsonarenak dira, ez gehiengoarenak ez gutxiengoarenak, pertsonarenak baizik.

Oso egokia iruditzen zaigu, lehenengo eta behin, Eusko Jaurlaritzak duela gutxi eginiko inkesta Hondarribiko alardearen inguruan. Inkesta horren arabera, galdetutako pertsonen gehiengoa ez dago ados egungo gatazkarekin eta, gainera, konponbide bat nahi dute, alardean parekidetasunez parte hartzea ahalbidetuko duena.

Inkesta horrek agerian uzten du, Erakunde eta alderdi politikoek konponbide baten bila berehala lanean hasi behar garela. Hala nola, inkesta horren emaitzak ikusita hurrengo ondorioetara heldu gaitezke: alarde parekidea agenda politikoan urte osoan eta ez bakarrik une jakinetan kokatzeko beharra dago.

Hain zuzen ere alardearen harira sortutako erakundeen arteko lan esparruan norabide horretan lan egiten da.

Lan esparru hori Gipuzkoako Foru Aldundiak zuzendutako espazioa da, Emakunde eta Arartekoaren parte-hartzearekin.

Lehen aipatutako guztiagatik, galdetu nahi diogu:

Nola baloratzen du Urkullu lehendakariak, Irungo eta Hondarribiko alkateek bertako alarde eta konpainia parekideei babes instituzionalik ez ematea?

Lehendakariari galdetzen diogu ea onartuko duen 2 alkate hauek Jaizkibel konpainiari eta alarde parekideari harrerarik ez egitea, alarde baztertzaileari babesa emanez eta emakumeen askatasunak eta eskubideak ukatuz.

14/06/27

Berriak

Alterkaria: Alternatibaren aldizkariaren 3. zenbakia

Alterkariaren 3. zenbakian, aurrekoetan bezala, askotariko gaiak jorratzen ditugu. Emancipatiba Alternatibaren formakuntza eskola ageri da azalean, aurrera begirako proiektua, militantziaren artean ezagutza partekatzeko besteak beste. Horrez gain, Europako hauteskundeen edota Gure Esku Dago ekimenaren giza katearen emaitzen balantzea egin dugu. Horrez gain, Feminismoa, Internazionalismoa, Ekologia eta bestelako borroken berriak edota iritzi artikuluak jasotzen ditugu.

Alterkaria Alternatibaren paperezko aldizkaria duzu, gure jardun politikoaren azken hilabeteetako lana laburbiltzen duena. Militante guztiek etxean jasotzen dute sei hilabetean behin, eta zale zein bestelakoek aski dute Alternatibaren egoitzaren batetik igarotzea ale bat lortzeko. Baina paperean ez ezik, sarean irakurtzeko aukera badago, online ikusi edo pdf formatuan deskargatzeko hain zuzen ere. Irakurri eta zabaldu.

http://alternatiba.net/old-files/Alterkaria3.pdf

14/06/25

Berriak

Eraso sexisten aurkako irizpide bilduma jasotzen duen liburuxka argitaratu dugu, Bilgune Feministarekin batera

Udalak plazaratutako ‘emakumeentzako segurtasun gomendioak’ jasotzen dituen liburuxkaren edukiari aurre egin nahi diogu horrela, emakumeen askatasuna murrizten duen beldurrean eta debekuan oinarritzen baita.

Bilboko EH Bilduk eta Bilgune Feministak eraso sexistei aurre egiteko irizpide bilduma jasotzen duen liburuxka eman dugu argitara, bi helbururekin: beldurrean eta debekuan oinarrituta, Udalak emakumeei zuzendutako segurtasun gomendioak salatzea batetik, eta eraso sexistei aurre egiteko Autodefentsa Feministan oinarritutako irizpideen berri ematea, bestetik. Ana Etxarte EH Bilduko zinegotziak eta Nora Aurrekoetxea eta Hegoa Ugalde Bilgune Feministako militanteek aurkeztu dute, gaur goizean, eragile biek elkarlanean egindako liburuxka. ‘Info Bilbao’ du izena Udalaren liburuxkak; eta ‘Info Bilbo feminista’ EH Bildu eta Bilgune Feministarenak. 5.000 ale atera ditugu auzoetako jaietan zein Aste Nagusian zabaltzeko.

Etxartek adierazi duenez, eraso sexistak errealitate dira gaur egun. “2013an, askatasun sexualaren aurkako 74 delitu gertatu ziren Bilbon, eta horiek zati bat baino ez dira, jakin baitakigu den-denak ez direla salatzen”. Etxarten hitzetan, “EH Bilduk kezka handiz ikusten ditu erasook, baina are preokupazio handiagoz bizi dugu horien aurrean Udalak harturiko jarrera”. Izan ere, beldurrean eta debekuan oinarrituriko ‘emakumeentzako gomendio bilduma’ jasotzen duen eskuorria kaleratu du Udalak berriki. “Eskuorri horretan emakumeei esaten zaigu arriskupean bizi garela, pertsona menpeko eta biktima garela, kalea eta gaua arriskutsuak direla guretzat, eta beraz, gauez kalean egotekotan, hobe dugula lagundurik egon”.

Etxartek irmo salatu du: “Mezu horien bidez, Udalak ez gaitu emakumeak babesten. Biktima bihurtzen gaituen beldurrezko giroa sustatu baizik ez du egten, eta erasoren bat jasatekotan, emakumeok egiten gaitu horren erantzule, arduragabe jokatu eta hartu beharreko neurriak hartu ez ditugulako”.

Eraso sexistei aurre egiteko erantzukizuna emakumeengan kokatzen du Udalak, pertsona guztiontzako segurua eta egokia izango den hiriaren antolamenduan instituzio horrek duen erantzukizuna saihestuz. “Besteak beste, argiztapen eta ikusgarritasun gutxi duten eremuak ekidin behar ditugula esaten digu Udalak, igogailuan pertsona ezezagunekin ez sartzeko eta autobusean edo jende pilaketak ematen diren tokietan ukituak jasanez gero, kalteturik aterako ez garen moduan jokatzeko”.

Etxartek galdera zehatzak egin dizkio Udalari: “Zein da egiazki Udalaren helburua gomendio bilduma horrekin? Zer bilatzen du, etxean gera gaitezen eta gauzak egiteari utz diezaiogun? Gure askatasanari uko egin diezaiogun? Ez gaitezen inortaz fio edozeinek eraso ahal digulako? Norbaitek ukituak eginez gero, isilik gera gaitezen badaezpada zerbait gertatuko zaigun?”

Etxarteren irudiko, “emakumeontzako segurua izango den hiria eraikitzeko duen erantzukizunari uko egiteaz gainera, urteetan mugimendu feministak eginiko lanari bizkarra eman dio Udalak”. “Eraso sexistak oso bestela interpretatu behar dira, eta oso bestela aurre egin behar zaie. Autofentsa Feministaren bitartez, hain zuzen”.

Aurrekoetxeak eta Ugaldek esplikatu dutenez, “Autodefentsa Feminista geure bizitza bizitzeko modu bat da, ahalduntze eta jabetze pertsonal zein kolektibotik. Bizitzako eremu guztietan sufritzen ditugun diskriminazioa eta bereizkeria prebenitu eta horiei aurre egiteko balio digu, baita eraso sexistei aurre egiteko ere”.

Bilgune Feministako kideen iritziz, “Udalak berrikusi egin behar du eraso sexistei aurre egiteko darabilen politika. Ezinbestekoa da emakumeak biktima eta pertsona menpekoak eta inseguruak bihurtzen gaituen diskurtsoa, beldurrean eta debekuan oinarriturikoa, gainditzea”.

Gaineratu dute: “Emakume guztiek jasan dezakegu eraso sexistaren bat, baina gure gaitasunaren zenbat eta jabeago izan, zenbat eta kontzientziatuago egon, orduan eta aukera eta indar handiagoa izango dugu eraso sexistei aurre egiteko. Eta Autodefentsa Feminista kontzientzia eta gaitasun hori lortzeko bitartekoa da, eraso sexistei aurre egiteko bitartekoa”.

EHBilduren webgunean irakurri

14/06/23

Berriak

Diana Urrea “Sexu joera eta genero identitateari lotutako eskola jazarpen larriena soilik antzematen da”

Euskal Herrian eta munduan oraindik sexu eskubideak ez daude bermatuta eta sarri askotan urratu egiten dira. Sexu joera eta genero identitatearen ondoriozko eskola jazarpena edo, beste batera esanda, lesfobia, homofobia, bifobiak eta transfobiak eragindako jazarpena ikasle batek bere sexu joera edo genero identitatearen ondorioz bere ikastetxean jasaten duen jazarpena.

Lesfobiak, homofobiak, bifobiak eta transfobiak eragindako eskola jazarpena edo bullying kontzeptuaren atzean ikasleen arteko bazterketa, bakartzea, mehatxuak eta erasoak daude botere harreman ez parekidean testuinguruan, non erasotzaileek edo bullyek homofobiari, transfobiari, sexismoari eta heterosexismoari lotutako balioak jarraitzen dituzte.

Sexu joera eta genero identitatean oinarritutako jazarpena eraso fisiko, psikologiko eta sozialen bidez gauzatzen da, orokorrean ikasle edo irakasle talde batek ikaskide edo lankide lesbianei, homosexualei, bisexualei eta transexualei zuzendua. Jokabide hauek era askotan azaleratu daitezke, besteak beste, bazterketa irainak eta eraso fisikoak eta baita erailketa edo suizidioa eraginez hori.

Arartekoaren txosten batek jasotakoa nabarmendu nahiko nuke. “Arrisku egoera berezietan dauden adingabeak” izeneko txostena da.

Ondorioz, lesbiana, gay, bisexual, transexual, intersexual, queer nerabe ugarik egunero haien errealitatea onartzen ez duten egoerak bizi dituzte eta gutxiespen egoerak bizi behar izaten dituzten familian, eskolaren esparruan eta aisian.

Halaber, lesbofobiak, homofobiak, bifobiak eta transfobiak eragindako eskola jazarpenean baditu beste eskola jazarpenetik ezberdintzen dituen ezaugarriak. Honakoak dira: Hezkuntza sistemaren homosexualitatea eta transexualitatea ikusezin bihurtzea; gutxienen sexualitateen aurrean, familiaren bazterketa edo laguntza zehatz eta espliziturik ez eskaintzea; estigma kutsatzea ez soilik lesbiana, gay, bisexual, intersexual, queer eta transexualei, baizik eta euren alde agertzen direnei ere.

Homofobia eta transfobia normalizatzeak norberaren kontzeptuaren barneratze negatiboa eragiten du eta horrek norberaren desira edo sentimendu lesbo, homo, trans-a ukatzea ekar dezake. Lesbiana, gay, bisexual, intersexual, queer edo transexual sentitzen denaren lotsa eta ondorioz jazarpenaren biktima dela segurtasun eza, era berean bere bakardadea eta isolamendua areagotuz; erasoak jasateko arriskua, legitimotzat hartzen diren jarrera oldarkorren biktima bihurtzeko aukeraren aurrean.

Honek guztiak ulertezintasuna, babesgabetasuna eta bakardadea sufritzen ekar dezake eta bizipen hau inor ohartu gabe gerta daiteke ikusezin bihurtua eta, kasu gehienetan, ez du biderik edo beharrezko laguntzarik topatzen zuzendua izan dadin.

Zaila da lesbofobiak, homofobiak, bifobiak eta transfobiak eragindako eskola jazarpena antzematea. Izan ere, gaur egun kasurik larrienak antzematen dira soilik. Ehunka, milaka dira haien izaera onartzen ez zaien ikastetxeetan ari diren gazte homosexual eta transexual, haur eta nerabeak eta beraz, euren afektibotasuna etengabe ezkutatu behar izaten dutenak.

Gazte hauek ez dute inolako erreferenterik. Kanpotik erantzun negatibo bat jasotzeko beldurra dute eta horregatik euren afektibotasuna ezkutuan erruduntasunez, beldurrez eta kasurik txarrenean ondorio patologikoekin bizitzera kondenatzen ditu.

Hauek ez dira baieztapen hutsak. Izan ere, aniztasun afektibo-sexualaren aurrean gazteek dituzten jarrerak ezagutzeko asmoz egindako hainbat ikerketen arabera, ikastetxeetan nabarmenki homofoboak diren jarrerak agertzen dira.

Nabarmentzekoa da gainera, jarrera pasibo generikoak aipatutako jarrera homofoboak sustatzen dituela eta hau kontuan izan beharko litzateke etorkizunean garatu daitezkeen esku hartze ildoetan. Herritarren % 5a eta % 10a inguruk bere sexu desira eta bereko pertsonengana zuzentzen du. Hortaz, sexu afektibotasuna trabarik gabe bizi ahal izateko sekulako ahalegina beharko dituen ikasle kopurua oso handia da.

Asko dira tartean dauden faktoreak. Bat nabarmentzekotan, erreferente positiborik gabe biziarazten dituen testuinguru soziala eta gazteen testigantzetatik ondorioztatzen denez, eskola testuinguruak ere segurtasun eskainik ordez, erabat gatazkatsua den espazioan sustatzen du aniztasun afektibo-sexualaren bizipenari dagokionez.

Cuando hablamos de bullying o acoso por motivos de orientación sexual o identidad de género, estamos hablando de un sistema de agresión, opresión y exclusión presente en todos los ámbitos de nuestro sistema educativo y que afecta en mayor o menor medida a un porcentaje importante de la población escolarizada. Estamos hablando de una estructura de poder por la que la heteronormatividad penaliza cualquier disidencia real o figurada.

Ante esta vulneración de derechos, desde EH Bildu consideramos que para ser nuestras las demandas de las y los jóvenes gays, lesbianas, bisexuales, transexuales, intersexuales, queers entre otros en Euskal Herria, es fundamental trabajar sobre una base: La coeducación, para poder garantizar un modelo de escuela basada en el desarrollo integral de las personas al margen de estereotipos y roles en función del sexo, que eduque en el rechazo a toda forma de discriminación y violencia machista y que posibilite una orientación académica y profesional no sexista, contando con la participación y la implicación de todas las personas de la comunidad educativa.

Impulsa la educación afectivo sexual superando planteamientos biologicistas, trabajando diferentes aspectos, la identidad sexual y cómo ésta se relaciona con la identidad de género y la diversidad, el deseo como una emoción propia y construida e importante para la felicidad personal y relacional.

La tracción, al margen de parámetros de masculinidad y feminidad hegemónica, así como las relaciones afectivas y o sexuales desde el deseo, el cuidado del bienestar y lo compartible, no desde el acoso, el control, el abuso, el sufrimiento o la violencia machista.

Así está recogido en el plan estratégico de coeducación del Departamento de Educación, Política Lingüística y Cultura que ha presentado recientemente y que, desde EH Bildu a pesar de haber mostrado discrepancias en muchos aspectos, va a favorecer su desarrollo por considerarlo una herramienta clave para avanzar hacia una sociedad igualitaria y, por tanto, antipatriarcal que perseguimos, siempre y cuando se cuente para ello con los recursos necesarios para su correcto desarrollo. Seguiremos de cerca su cumplimiento.

Es por ello por lo que hemos firmado una enmienda de transacción con los grupos Nacionalistas Vascos y Socialistas Vascos para desarrollar y ejecutar este plan en su totalidad suponiendo otro paso más para avanzar hacia esa Euskal Herria feminista que desde EHBildu reivindicamos.

14/06/18

Berriak

Aldundiak 123 neurri bultzatu ditu gizonen eta emakumeen arteko berdintasuna sustatzeko Gipuzkoan

Gipuzkoako Foru Aldundiak 123 neurri jarri ditu abian gaur arte, indarkeria matxista borrokatzeko eta eremu laboral, sozial, kultural eta ekonomikoan gizonen eta emakumeen arteko berdintasuna bultzatzeko. Ekimen horren bidez, non zortzi kartel ditugun emakumeek Gipuzkoan bizi duten egoerari buruz baieztapen bana dutela, ezagutzera emango da zer aurrerapen egin diren berdintasunaren eremuan, foru departamentuei, Lurraldeko udalei eta are enpresa pribatuei eragiten dien neurriei esker.

Ugartek gogora ekarri du Gipuzkoako emakumeek zokoratuta jarraitzen dutela hainbat eremutan; baita ekonomikoan ere. Ekimen horren bidez, non zortzi kartel ditugun emakumeek Gipuzkoan bizi duten egoerari buruz baieztapen bana dutela, ezagutzera emango da zer aurrerapen egin diren berdintasunaren eremuan, foru departamentuei, Lurraldeko udalei eta are enpresa pribatuei eragiten dien neurriei esker.

Ugartek gogora ekarri du Gipuzkoako emakumeek zokoratuta jarraitzen dutela hainbat eremutan; baita ekonomikoan ere. Emakumeen batez besteko errenta 11.857 eurokoa da Gipuzkoan; 23.224 eurokoa, aldiz, gizonezkoena. Emakumeen erdia ez da iristen 9.000 euroko errentara urtean, eta heren bat 1.500 euroren azpitik dago. “Egoera horren aurrean, sektore pribatuak ere berdintasunarekin bat egin dezan saiatu behar gara eragile publikoak”.

Bide hori jorratu zuen Aldundiak 2013ko urtean, obra publikoetarako Gizarte Klausulen Foru Araua onartu baitzuen. Foru Arau horretan, hainbat eskakizun egiten dira; esate baterako, lan baldintzetan hobekuntzak dakartzaten berdintasuneko planak egitea; sektore maskulinoetan emakumeak kontratatzea; eta erantzunkidetasuna ea kontziliazoa sustatzea

Erabaki horri esker, 2013ko urtean bikoiztu egin dira berdintasun klausulen kopurua, eta halakoak jasotzen dituzten kontratazio espedienteen kopurua ere bai: lehen, 32 kontratu ziren –13,7 milioi euro, guztira–, eta orain, berriz, 71 kontratu –26,9 milioi euro, guztira–.

Beste aldetik, emakumeen diskriminazioaren aurkako borrokan badago Aldundiak berebiziko garrantzia ematen dion beste sektore bat: zaintzarena da. Eremu bereziki femenino eta prekarioa da, ezberdinkeriak erabat kolpatua. Horregatik, Gizarte Politikako diputatuak azpimarratu duenez, garrantzi handia du zaintzako langileei baldintza duinagoak dakarzkien politika publikoak erabakitzeak, bai arlo profesionalean bai familiakoan. Arlo profesionalari dagokionez, diputatuak gogoratu du Aldundiak jarrera aktiboa mantendu zuela adinekoentzako egoitzetan eta eguneko zentroetan ez zedin Espainiako lan erreforma aplikatu, eta 4.200 langilek eskatzen zituzten soldata igoerak bere gain hartu zituela.

Familiaren ingurunean, zaintza lanak gehienbat emakumeen esku daude oraindik. “Aldundiaren ikuspegitik guztiz garrantzitsua da zaintza zerbitzuak profesionalizatzea, alor horretako langileen lan baldintzak duin bihurtzea eta, orobat, emakumeei gero eta zerbitzu eta laguntza gehiago eskaintzea, beren borondatez erabaki dezaten zaintza lanak beren gain hartu edo ez hartu, eta, beren gain hartzekotan, nola hartu. Arrazoi horregatik, erakunde honek ez du Espainiako Gobernuak Mendekotasunaren Legean agindutako murrizketatatik bat bera ere aplikatu Gipuzkoan. Guztiz alderantziz jokatu dugu, gehitu egin baititugu adinekoentzako eta ezgaituentzako baliabideak eta prestazio ekonomikoak”. Zehazki, Laguntza Pertsonalaren Prestazio Ekonomikoaren hedadura zabaldu izana aipatu du diputatuak: etxean zaintzaileak kontratatzeko laguntza horren bidez 1.000 enplegu baino gehiago sortu dira urte batean.

Rodriguezek azpimarratu nahi izan du, baita ere, Gizarte Politikako Departamentua indarkeria matxistaren aurka egiten ari den ahalegina. Halatan, zerbitzu berriak definitu eta sortu dira eta 1.000 biztanle baino gutxiagoko hogeita bat udalerriri laguntza eman zaie indarkeria matxista prebenitzeko, bereziki gazteen artekoa.

Berdintasuneko zuzendariak udalerri batzuetan lantzen ari diren egitasmoak azpimarratu ditu. Esate baterako, Irun eta Hondarribian, urteko jaietan eta jarduera sozio-kulturaletan gertatzen den diskriminazioa dela eta, edo Tolosan, non esperientzia pilotu bat egiten ari diren emakumeak elkarte gastronomikoetan baldintza berdinetan sar daitezen bermatzeko.

“Ari Gara” kanpainan aipatzen da, baita ere, Gipuzkoako udalen % 70, Aldundiaren laguntzarekin, lanean ari direla diskriminazioarekin bukatzeko, eta, bereziki, 10.000 biztanle baino gutxiagoko 40 udalerritan berdintasunaren aldeko politika publikoak sustatzen ari direla. Kanpainak, azkenik, leku bat eskaintzen dio mugimendu feminista egiten ari den lan eskergari, mugimendu hori abangoardia baita berdintasunaren aldeko borrokan.

14/06/03

Berriak

EHBilduk abortatzeko eskubidearen alde Iruñean etzi egingo den manifestazioarekin bat egitera deitu du

Iaz iragarri zenetik eta gaur egunera arte, EHBildutik behin eta berriro adierazi dugu Mariano Rajoyren gobernuak sustatutako abortuaren legearen erreformaren aurkako gaitzespenik irmoena. Hala berretsi dugu ordezkaritza dugun erakunde guztietan, emakumeek beren bizitzaren, gorputzaren eta osasunaren gainean erabakitzeko duten eskubidearen kontra egiten duen erreforma salatuz eta, aldi berean, gure erakundeei eskatu diegu beren eskumen guztiak erabil ditzatela eta berme guztiak jar ditzatela emakumeek libreki erabaki ahal izateko. Osasun, lege zein gizarte arloko bermeez ari gara.

Erreforma hau ez da herritarren aurka ematen ari diren eraso sortaren enegarrena. Herritarren erdiaren aurkako indarkeria ekintza zuzena da, emakumeen autonomiaren aurkako kolpe larria, beren gorputz zein bizitzen gainean erabakitzeko eskubidearen kontrakoa. Eta erantzun sendoa behar du lege honek, urratzen dituen eskubideen tamainakoa.

Horregatik, EHBildu koaliziotik Euskal Herriko mugimendu feministak larunbat honetarako Iruñean antolatutako manifestazio nazionalarekin bat egiteko deia egiten dugu, “Gure gorputza, gure erabakia” lemapean nafar hiriburua zeharkatuko dituena 17:30etatik aurrera. Izan ere, ardura ekidinezina da indar politiko, sindikal zein sozialentzat erreforma hau geldiaraztea, eta, horrez gain, jabetu behar gara indarrean dagoen araudia aldatu behar bada emakumeon eskubideak zabaltzeko izan behar dela.

14/04/03

Berriak

Alternatibak salatu du Irungo alkatearen jarrerak Berdintasun Legea era larrian urratzen duela

Alternatibaren ordezkari Diana Urreak, “guztiz onartezintzat” jo du Irungo alkate Jose Antonio Santanok kargu publiko gisa hartutako aldebakarreko erabakia, udalerriko III. Berdintasun Planaren zirriborrotik Alardearen ospakizunarekin urtero errepikatzen den egoera diskriminatzailea kendu duelako, mugimendu feministek, berdintasun teknikariek eta Gipuzkoako Foru Aldundiak berak salatu duten bezala. Horregatik, ohartarazi dio “Berdintasun Legea modu larrian urratzen” ari dela.

Alderdi ezkertiarretik adierazi dute Bidasoa eskualdeko Alardeen egoera udalerrietako berdintasun planetan sartzea oinarrizkoa dela: “gizartearen talde adierazgarri bat matxista izatea, Berdintasunari dagokio; bere herriko jaietan modu baketsuan desfilatu nahi duten emakumeen kontrako hitzezko indarkeria edo indarkeria fisikoa eragitea, Berdintasunari dagokio; bizitzaren esparru guztietan emakumeen parte-hartze sozial eta politikoa zaindu eta sustatu behar duten instituzioek jokaera sexistak praktikan jartzea eta zigorgabe mantentzea, Berdintasunarekin erabat lotuta dago”.

Zentzu horretan, Urreak emakumeen eta gizonen arteko berdintasuna gai soziala dela gogoratu du, batez ere, desberdintasun hori gizarte patriarkal batean oinarritzen delako eta “Emakumeen eta Gizonen Berdintasunerako 4/2005 Legearen arabera, EAEko botere publiko guztiak behartuta daudelako sistema patriarkal honen ondorio guztiei aurre egitera”. Horregatik, “Irungo alkateak bizitzaren arlo eta espazio guztietan, herriko jaietan barne, berdintasun efektiboa lortzea eragozten duten oztopo guztiak desagerrarazi beharko lituzkeela” azaldu du.

Bestaldetik, “desfilatzen duten emakumeak iraintzea, ezkutatu nahi izatea eta zilegitasuna kentzea ahalbidetzen duen kultura sustatzea emakumeen kontrako indarkeria modu sinbolikobatean sustatzearen berdina da”. Horrela, Santanok Eudeli balioa kentzen diola ulertzen du, aste honetako bezalako erailketa matxistak ekiditeko berdintasunaren alde lanean ari dela baieztatzen duenean, bere presidenteorde Santanok bitartean “kultura matxista zabaltzen duenean, emakumeen kontrako indarkeriaren sustraia dena”.

Bukatzeko, Urreak PSEri eskatu dio bere alderdiko Santanori aipatutako 4/2005 Legea betetzeko exijitu diezaiola, PNVri ere helarazi dion eskaera, jeltzalea baita Hondarribiko alkate Aitor Kerejeta, Eudeleko zuzendaritzako kidea ere, eta modu berean urratzen du bere herriko emakumeek alardean parte hartzeko duten eskubidea. Tamalez, amaitu du, “legeak emakumeon eskubideekin zerikusia dutenean inork ez du ezer egiten betearaztearren, bigarren mailako legeak iruditzeraino. Izango da alkate batzuek, oraindik ere, uste dutelako emakumeak bigarren mailako pertsonak direla”.

14/03/22

Berriak

Ehun emakume inguruk sortu dute Gipuzkoako Berdintasuneko lehen Foru Kontseilua

Gipuzkoako 41 elkartetako ehun emakumetik gora izan dira Gunea Gipuzkoako Berdintasunerako lehen Foru Kontseilua sortzeko prozesuan parte hartu dutenak. Emakumeen parte-hartze soziopolitikorako eta Diputazioarekin elkarrizketa zuzena izateko sortu da Gunea. Orain arte, babes instituzionalik izan ez duen mugimendu feministaren aldarrikapen historikoa da.

Kontseiluaren sortze dekretua Diputatuen Kontseiluak onartuko du bihar eta gaur aurkeztu dute Gipuzkoako Batzar Nagusietan Gizarte Politikako diputatu Ander Rodríguezek, Berdintasunerako foru zuzendari Laura Gómezek eta Gunean parte hartu duten bi emakumek, Hazar Smadi eta Katia Reimberg-ek, Safar eta Bidez Bide elkartekoek, hurrenez hurren.

Berdintasuneko zuzendariak azaldu duenez, azken urtean parte-hartze prozesu bat egin da zortzi eskualdetan bilerak eginez eta, bertan, Lurralde osoko emakumeek parte hartu dute Kontseilua definitzeko, izena zehaztetik Gunea-, helburuak finkatzera bitarte. Prozesu honetan elkarte mota ugarik parte hartu dute: feministak, musulmanak, alargunak, etxeko langileak, etorkin latinoamerikarrak…

Guztiek definitu dute Gunea “berdintasunerako parte-hartze eta elkarrizketa toki gisa, mugimendu feminista eta emakumeen elkarteek foru politiketan ahotsa izan dezaten”. Foro honek bere funtzioen artean du, gainera, berdintasun politikak bultzatzea, Aldundiko politiketan ikuspegi feminista txertatzen dela bermatzeko foru arduradunek elkarrizketa zuzena zehaztea, emakumeen enpoderatzea sustatzea, elkarteen arteko sare eta koordinazioa indartzea eta gure Lurraldeko edozein indarkeria matxista modu salatzea.

Berdintasun zuzendariak Guneako kideak zoriondu ditu gune hau sortzeagatik eta azpimarratu duenez, “honela, Gipuzkoan mugimendu feministak zuen aldarrikapen historiko bat bete da, izan ere, orain arte, erakundeek beti bizkar eman diote eskaera honi”. Gómezek gaineratu du Gunea datorren larunbatean, hilaren 22an, aurkeztuko dela publikoki, Donostiako Bulebarrean 12.00etatik aurrera egingo den festa giroko ekitaldi batean.

GFAko Politika Sozialeko saila

14/03/18

Berriak

Alternatibak Mungian izandako terrorismo matxistaren biktima berria salatu du eta emakumeen kontra indarkeriaren aurka egitera deitu du

Alternatibaren Uribe Butroeko asanbladako bozeramaile eta Gasteizko legebiltzarkide Diana Urreak Mungian gertatutako emakume baten erailketa salatu du: “Indarkeria matxistaren ondorio bortitz eta agerikoena izan arren, inondik inora bakarra ez bada ere; edozein kasutan gaurtik haratago eta gizartearen eremu guztietan arbuiatu beharrekoa da, ez bakarrik gaur eta halako gertaeren harira”. Ildo honetatik, gogorarazi du “patriarkatua menpekotasun sistemarik zaharrena dela eta pobrezia, indarkeria edo bazterkeria ematen den leku guztietan, emakumeok modu bortitzagoan pairatzen dugula beti”.

Hala, Alternatibatik gogorarazi dute emakumeak erailtzea ez dela gertaera isolatua edota zorizkoa, aitzitik, “egiturazko desberdintasuna ezarri duen gizarte patriarkalaren ondorio zuzena da, non emakumeok askotariko bortizkeria formak pairatzen ditugun, askotan estamentu, komunikabide eta instituzio batzuek isilarazi eta justifikatu ere egiten dituztenak”. Erakunde publikoen harira, hain zuzen ere, parekidetasunaren aldeko benetako legeak eskatu ditu, propagandatik haratago. Izan ere, “kontraesana” iritzi dio Eudel bezalako erakunde batetik hilketa honen inguruan berdintasunaren alde lan egitera deitu izanari, bere lehendakariorde Jose Antonio Santanok, bitartean, “alkate den herrian, Irunen, urtero emakumeen kontrako bazterkeria publikoki sustatzen duela”, alardea gogorarazita.

Bestaldetik, eraildako emakumearen jatorria zehazteko eta azpimarratzeko hedabideek egiten dituzten saiakerak salatu ditu legebiltzarkideak, “emakumeen kontrako indarkeria etengabeak ez daki ez mugaz, ez nazionaltasunaz, berriki argitaratu den txostenak baieztatzen duen bezalaxe, Europako hiru emakumeetatik batek, 62 milioi emakume baino gehiagok alegia, bere bizitzan indarkeria fisikoa edo sexuala sufritu dutela berresten duena”.

Bukatzeko, alderdi ezkertiarraren Uribe Butroeko asanbladatik, gaur arratsaldeko 19:00etan Mungiako udaletxean egingo den elkarretaratze isilarekin bat egitera deitu dute “terrorismo matxista eta patriarkalaren enegarren biktimaren” heriotza salatzeko. Bertan, Diana Urrea bera eta Alternatibaren Bizkaiko bozeramaile Asier Vega izango dira, eskualdeko militanteekin batera.