Etiketa: Feminismoa

Ander Rodriguez: “Herri bat eraiki nahi dugu, emakume eta gizon librez osaturiko herri berria”

EH Bilduk “herri berri bat” eraiki nahi du, “emakume eta gizon librez osaturiko herri berria”. Horrela adierazi du gaur arratsaldean koalizioko Kongresurako hautagai eta Alternatibako kide Ander Rodriguezek Arrasaten izandako hauteskunde ekitaldian. Rodriguezek independentzia “itxaropenez” hartzen duen helburua da. “Herri bat eraikitzeko aukera izatea da independentzia. Neguaren erdian egonda, udaberria helduko den itxaropena. Herri berria, emakume eta gizon librez osaturiko herri berria aldarrikatzen dugu”, esan du hautagaiak.

Rodriguezek adierazi du EH Bildu Madrilera joango dela “zutik”, inoren aurrean “belauniko jarri gabe, inoren menpeko izan gabe”. “EH Bilduren zerrendetan emakume eta gizon libreak aurkituko dituzue. Herri honen borondateari bakarrik men egingo dioten emakume eta gizonak”, baieztatu du Rodriguezek, eta gaineratu du bakoitza izan behar dela bere bizitzaren protagonista.

“Beste inork ez digu esango zer pentsatu, sentitu eta erabaki. Gure bizitzari eta etorkizunari buruzko erabakiak guk hartu behar ditugu. Gure eskubideak ez dira negoziatzen, irabazi egiten dira. Hemen, Euskal Herrian irabazten dira, eta Madrilen defendatzen dira”, esan du. Zentzu honetan, esan du EH Bilduk Estatu espainiarrarekin haustura demokratikoa lortu nahi duela eta, abenduaren 20aren ondoren, koalizioko hautagaiek haustura hori lortzearen aldeko “konpromisoa” hartu dutela.

Memoria oso eta inklusiboa

Rodriguezen ondoren, EH Bilduko Kongresurako hautagai Gotzon Elizburuk hartu du hitza eta adierazi du koalizioa “memoria oso eta inklusiboa” lortzearekin konprometitu dela: “Espainiak eta Frantziak egiten dizkiguten eskaintzak inposaketa eta ukazioa dira, giza eskubideen urraketa eta mendekuan oinarritutako kartzela politika, gatazkan kateatuta nahi dutelako herri hau. Guk, aldiz, bakearekin, memoria oso eta inklusiboarekin dugu konpromisoa, biktima guztien aitortzarekin, erreparazioa eta, garrantzitsuena, berriro ez gertatzea bermatuko dien kontakizunarekin”.

EHBildu

EH Bilduk “herri berri bat” eraiki nahi du, “emakume eta gizon librez osaturiko herri berria”. Horrela adierazi du gaur arratsaldean koalizioko Kongresurako hautagai Ander Rodriguezek Arrasaten izandako hauteskunde ekitaldian. Rodriguezek independentzia “itxaropenez” hartzen duen helburua da. “Herri bat eraikitzeko aukera izatea da independentzia. Neguaren erdian egonda, udaberria helduko den itxaropena. Herri berria, emakume eta gizon librez osaturiko herri berria aldarrikatzen dugu”, esan du hautagaiak.

Rodriguezek adierazi du EH Bildu Madrilera joango dela “zutik”, inoren aurrean “belauniko jarri gabe, inoren menpeko izan gabe”. “EH Bilduren zerrendetan emakume eta gizon libreak aurkituko dituzue. Herri honen borondateari bakarrik men egingo dioten emakume eta gizonak”, baieztatu du Rodriguezek, eta gaineratu du bakoitza izan behar dela bere bizitzaren protagonista.

“Beste inork ez digu esango zer pentsatu, sentitu eta erabaki. Gure bizitzari eta etorkizunari buruzko erabakiak guk hartu behar ditugu. Gure eskubideak ez dira negoziatzen, irabazi egiten dira. Hemen, Euskal Herrian irabazten dira, eta Madrilen defendatzen dira”, esan du. Zentzu honetan, esan du EH Bilduk Estatu espainiarrarekin haustura demokratikoa lortu nahi duela eta, abenduaren 20aren ondoren, koalizioko hautagaiek haustura hori lortzearen aldeko “konpromisoa” hartu dutela.

Memoria oso eta inklusiboa

Rodriguezen ondoren, EH Bilduko Kongresurako hautagai Gotzon Elizburuk hartu du hitza eta adierazi du koalizioa “memoria oso eta inklusiboa” lortzearekin konprometitu dela: “Espainiak eta Frantziak egiten dizkiguten eskaintzak inposaketa eta ukazioa dira, giza eskubideen urraketa eta mendekuan oinarritutako kartzela politika, gatazkan kateatuta nahi dutelako herri hau. Guk, aldiz, bakearekin, memoria oso eta inklusiboarekin dugu konpromisoa, biktima guztien aitortzarekin, erreparazioa eta, garrantzitsuena, berriro ez gertatzea bermatuko dien kontakizunarekin”.

– See more at: http://ehbildu.eus/eu/8528-ander-rodriguez-herri-bat-eraiki-nahi-dugu-emakume-eta-gizon-librez-osaturiko-herri-berria#sthash.DOZuLIVF.dpuf

Berriak

Betiko matxismoaren diskurtso berritua

Diana Urrea Alternatiba-EHBilduko kide / Lur Etxeberria EHBilduko legebiltzarkidea

Azaroaren 25arekin batera desagertu dira indarkeria matxistaren kontrako agintarien agerraldiak eta instituzioen manifestuak. Hain erraz desagertuko ez direnak, ordea, azkenaldian indarkeria matxistari buruz nagusitzen ari diren ideia ustel batzuk dira, indarkeria matxista justifikatzen dutenak edo, gutxienez, nahasmena sortzen dutenak, gaia behar bezala ulertzea zailtzeko eta, azken finean, indarkeriari iraunarazteko. Diskurtso mailan inor gutxik defendatuko du, gaur egun, emakumeen berezko lekua etxean dagoenik edo emakumeek gizonek baino gaitasun gutxiago dutenik enpresa, instituzio, alderdi edo sindikatu bat zuzentzeko. Garai bateko diskurtsoek zilegitasuna galdu dute. Diskurtsoak aldatu dira, baina zalantza daukagu ideologia matxista neurri berean higatu ote den. Egiaz, diskurtso matxista berritzen joan da, sofistikatu egin da, nolabait, eta Jaurlaritzaren Prospekzio Soziologikoen Kabineteak egindako inkestak diskurtso berri honen arrakasta jarri du agerian, besteak beste.

Salaketa faltsuena da ideologia matxista zabaltzen ari den ideia nagusietako bat. Gaur egun indarkeria matxista existitzen denik ukatu ezin duenez, emakumeek egiten dituzten salaketa asko faltsuak direla sinetsarazi nahi digu, emakumeei sinesgarritasuna kendu, edozein salaketaren aurrean zalantza sortzeko. Horrela, gaur egun justifika ezina dirudiena justifikatzen da. Indarkeria matxistaz hitz egiterakoan inor gutxi ausartuko da emakumeak horixe merezi zuenik esaten, ez eta etxeko kontu pribatua denik ere; baina ohikoa da emakumeen hitza zalantzan jartzea, indarkeria matxista benetan egon denik zalantzan jartzea. Salaketa faltsuen aldarrikapena asko entzuten da, esaterako, gurasoen banantze-kasuei buruz hitz egiterakoan. Emakumeei salaketa faltsuez baliatzea leporatzen zaie haurren zaintza, pentsioak edo etxebizitza lortzeko. Ideia horrek, bide batez, ideologia matxistak sortutako emakume gaizto, gezurti eta manipulatzailearen irudia indartzen du, emakumeenganako gorrotoa elikatuz. Mundua alderantziz aurkezten digu, biktima borrero bihurtuz, eta erasotzailea biktima. Baina datuak argiak dira. Izan ere, indarkeria guztiaren % 15 besterik ez da salatzen eta salaketa faltsuak ez dira % 0,1era iristen. Hortaz, indarkeriaren dimentsioa azaleratzen dena baino askoz handiagoa da eta ez alderantziz. Indarkeria matxista gehienak itzalean jarraitzen du oraindik ere.

Era berean, indarkeria ekintzak alkoholarekin, drogekin eta estresarekin lotzen jarraitzen dugu, beren buruaren kontrola galdu duten gizonen ekintzak balira bezala. Ideia horren arabera, gizon «normal» eta «sanoek» ez dute indarkeria matxistarik erabiltzen eta erasotzailea pertsona gaixoa da, desorekatua, biolentoa… gutarra ez dena, azken finean, arazoa gugandik kanpo kokatuz. Baina arazoa gure-gurea da, publikoa, politikoa. Gizon deskontrolatuen ekintza baino, emakumeen kontrola mantentzeko mekanismo sistematikoa da indarkeria.

Indarkeria matxistaren inguruan daukagun irudiak ere ez digu errazten horri aurre egitea. Izan ere, indarkeria matxista ukabilkadarekin eta begi morearekin erlazionatzen dugu, indarkeria fisiko zuzenarekin, alegia, eta horrek zaildu egiten du bestelako indarkeriak identifikatzea. Baina mugimendu feministak aldarrikatzen duen moduan, indarkeria matxistak baditu hamaika aurpegi. Nork ez du inoiz gizon-talde baten aurretik pasatzean komentariorik entzun behar izan? Nork ez du inoiz etxera gauez itzultzerakoan nondik, norekin eta nola joango den pentsatu behar izan? Nor ez da inoiz bilera batean gutxietsia sentitu? Nork ez du zaintza-lanen ardurarik? Eta nor ez doa lan-merkatura beste motxila horrekin? Nork ez du presiorik sentitzen dieta egiteko edo itxura jakin bat izateko? Izan ere, emakumeak besteentzat gara, besteentzako gorputzak, besteentzako bizitzak. Horra hor indarkeriaren oinarria. Horregatik, sekulako iraultza dakar gure bizitzak eta gorputzak gureak direla aldarrikatzeak.

Laburbilduz, salaketa faltsuen ideiak eta indarkeria matxistaren ikuspegi murritzak indarkeria matxista desitxuratzen eta iraunarazten laguntzen dute. Diskurtso berrituarekin dator betiko matxismoa. Hala ere, udazkenak zuhaitzak biluzten dituen bezala asmatuko ahal dugu ideia ustel hauek biluzten, eta etorriko ahal da azaroaren 25ik gabeko udaberria.

BERRIAn argitaratua

Berriak

Fatuarte: “Lapurtu dizkiguten kaleak eta erlojuaren ordu guztiak bizi nahi ditugu. Askatasunez bizi ere, kalea eta gauak gureak baitira”

Gure kide eta Euskal Herria Bilduko Bilboko zinegotzi Alba Fatuartek azaroaren 25 emakumeen aurkako indarkeriaren kontrako egunaren harira eginiko irakurketa udalak Alondegian antolatutako ekitaldian:

Hiriaren erdia ez omen da guretzat; espaloien erdia; kaleen erdia; eta batek daki, arnasteko airearen erdia ere ez ote dugun ukatua.

Bilboko mapa ikusi eta, guretzako, gune beltzak eta zonalde debekatuak ageri dira nonahi.

Erlojuaren erdia ere ez; denboraren erdia, gaua, ukatu baitigute. Beldurgarriena da maite zaituen horrek jartzen dizkizula mugak. Beldurgarria. Maite zaituenak askatasuna mugatzen badizu, zer ez du  egingo min egin nahi dizunak?

Izan ere, inork daki non azalduko zaizun otsoa, eta ezjakintasun horrek beldurtuta bizitzera kondenatzen gaitu.

Baina aski da esateko garaia dugu.

Hiri osoa nahi dugu; bizitza osoa. Auzo zein kale guztiak nahi ditugu; lapurtu dizkiguten argiztatu gabeko izkinak eta erlojuaren ordu guztiak bizi nahi ditugu. Askatasunez bizi ere.

Eskubide guztiak dituzten pertsona horien modura bizi nahi dugu; kalea eta gaua gureak baitira.

https://pbs.twimg.com/media/CUmGil8WwAA5L59.jpg

Berriak

Alba Fatuarte: “Prekarietate egoeran daude zaintzan aritzen diren pertsonak”

Gure kide eta EH Bildu Bildoko zinegotzi Alba Fatuarteren hitzartzea azken udalbatzan, Veronica del Carmen langilearen heriotzaren harira, paperik izan gabe baldintza txarretan lan egiten zuen etxean hil baitzen eta, horregatik, Udal gobernuari Osalan erakundearen ikerketa eskatzeko proposamena eraman du koalizioak.

Veronica del Carmen, Nikaraguan jaiotako 28 urteko langile Bilbotarra bere lanpostuan (Derion) hil zen urriaren 13an. Pertsona nagusi bat zaintzen lan egiten zuen eta haren etxean hil zen. Baina egoera irregularrean zegoenez, gertakari hauek ez dira ikertu. Hori dela eta, EH Bilduk eskaera zehatza eraman du gaurko Osoko Bilkurara: Osalan-i beharrezko ikerketak egiteko eskatzea, eta beharrezkoa izanez gero, arlo judizialean neurriak hartzea ahalbidetzea. EAJ, PSOE eta PP batu dira proposamena atzera botatzeko.

Veronica del Carmen, Nikaraguan jaiotako 28 urteko langilea, azken 4 urteetan Bilbon bizi izan zen, urriaren 13an, Derion hil zen egunera arte. Pertsona nagusi bat zaintzen lan egiten zuen eta haren etxean hil zen. Baina egoera irregularrean zegoenez, gertakari hauek ez dira ikertu.

Kasuak izandako oihartzun ezak erakusten du zer nolako prekarietate egoeran dauden zaintzan aritzen diren pertsonak, hala nola, egun indarrean dagoen Atzerritarren Legeak dituen ondorioak. Lege horrek emakumeen eskubideak urratzen ditu. Veronicak bezala, euskal gizartearentzat ezinbestekoak diren zerbitzuak eskaintzen dituzten emakumeen eskubideak urratzen ditu lege horrek.

Veronica kontratu gabe ari zen lanean eta baldintzak oso gogorrak ziren: atsedenerako denbora ez zitzaion bermatzen, ezta ere medikuen zerbitzua jasotzeko eskubidea.

Beharrezkoa da langileen osasun eta segurtasun neurriak bermatzea eta horretarako, enpresen eta administrazioen konpromiso handiagoa behar da.

Etxeko langileen kolektiboaren lan baldintzek ez dituzte osasun fisikoa eta emozionala bermatzen. Beste pertsona batzuk zaintzen duena zaintzea ez da aurreikusten. Hori langile horiek duten babes ezaren ondorioa da.

EH Bildu Bilbo

Berriak

Fatuarte: “Udalak badaki hirian puntu beltz berriak sortzen direla eta ez du ezer egin aurre egiteko”

Alternatibako kide eta EH Bildu Bilboko zinegotzi Alba Fatuarteren hitzartzea azken udalbatzan indarkeria matxistaren harira eta udal gobernuak haren kontra egiteko borondate faltaren inguruan.

Udalberrik proposatuta eraso matxistei nola aurre egin galderaren inguruan eztabaidatu dugu gaurko Osoko Bilkuran. Udalbatzan entzundakoa oso interesgarria eta beharrezkoa izan da, baina EH Bildurentzat are garrantzitsuagoa plan eta helburu haiek aurrekontu partida zehatzetara eta egutegi konkretu batera lotuta egotea, plan hauek kajoi batean ahaztuta gelditu ez daitezen.

Adibide bat ematearren, uste dugu oso argigarria dela 2010ean landutako Hiri debekatuaren Maparen kasua. 2012an  EH Bildutik Mapa hori burutzeko plangintza bat eskatu genuenean, hau da, planean agertzen ziren ondorioak eta gomendioak aplikatzeko egutegi batera lotutako baliabideak zehaztea eskatu genuenean, PNVren eta PPren ezezkoa jaso genuen Udalbatzar honetan bertan.

Plan hori egin zenetik 5 urte igaro dira, eta joan den astean sexu eraso bat gertatu zen, plan horretan bertan zehazki aipatzen den zonalde eta kale batean (Hermogenes Rojo Kalea). Eta ez hori bakarrik, Udal honek jakin badaki hiri honetan puntu beltz berriak sortzen ari direla, adibidez Isozaki dorretan, eta ez du ezer egin arazo honi aurre egiteko. Eta zerbait egitekotan, gehienetan izaten da erasoak gertatu ondoren; adibidez Iturribide eta Zabalbide arteko kasuan bezala. Puntu hori identifikatuta zegoen aspalditik, emakumeen elkarteek eta mugimendu feministatik ere puntu hori behin baino gehiagotan salatu zuten, baina Udalarentzat ez zen lehentasun bat izan, han sexu eraso bat gertatu zen arte.

Orduan guk ikusten duguna da Udal honek oso intentzio onak adierazten dituela, baina gero, asmo hoiek ez direla lehentasunetan bihurtzen, ez zaizkielako baliabideak bideratzen. Orduan, txostengintza egitea oso ondo dago, baina goazen interbentzio eta egitasmo errealetan gehiago inbertitzera, mesedez.

EH Bilbu Bilbo

Berriak

Alternatiba | Ezkerra eraldatzearen erronka

X