Feminismoa – 36 orrialdea

Emakumeen eskubideetan emandako atzerapausoen aurrean elkarlan sareak sortu eta berdintasunaren alde borrokan jarraitzeko deia

Euskal Herria Bilduko emakumezko ordezkariak elkarretaratzea egin dute Bilboko Doctor Areilzako anbulategian martxoaren 8ari begirako irakurketa egiteko, emakumeen erabakitzeko eskubidea, beren bizitza zein gorputzen gainean, aldarrikatzeko. Han izan dira, besteak beste, Amaia Agirresarobe, Diana Urrea eta Ana Etxarte Alternatibako ordezkariak, EHBilkoen artean.

Gainean dugu martxoaren 8a, emakumeon aldarrikapenerako eguna, urteetako borroka gogoratu, ospatu zein berresteko aukera ematen diguna; baina aldi berean, emakumeon egungo egoeraren gaineko hausnarketa egiteko abagunea dugu. Izan ere, krisialdiaren aitzakiarekin, kapitala eta patriarkatuak mozorroa kendu dute eta orain arte lortutako eskubideetan atzera egiten ari garela ikus dezakegu.

En vísperas de este 8 de marzo, además de reivindicar la lucha feminista, queremos hacer balance de la involución de derechos que sufrimos las mujeres, una vez que el capital y el patriarcado se han quitado su máscara. Las mujeres estamos cada día más desnudas en el mercado laboral, cargamos con el peso de los cuidados, soportamos el yugo de la violencia machista y, por si fuera poco, vemos como nuestro útero se transforma en cuestión de estado. Todo esto mientras atacan a cualquiera que no cumpla con el modelo de mujer y de familia heterosexual tradicional.

Orain, gure gorputza gurea dela ere ukatu nahi digute. Abortatzeko eskubidearen kontrako erreformarekin, ama-emazte izatera mugatu nahi gaituzte, ideologia ultra-atzerakoi bati erantzunez. Gure askatasunaren eta aniztasunaren kontrako eraso berriak datoz kontrarreforma honen eskutik, emakumeak otzan eta menpeko bihurtzeko.

Patriarkatuaren zutabe den familia eredu tradizionala sustatzeko neurriak ere jarri dituzte martxan: ugalketa lagundurako eskubidea bikote heterosexualentzat bakarrik, haurdun dagoen orori umea izatera behartu, sexu-hezkuntza murriztu, sexu berekoen arteko harremanak gaixotasun direla esatea eta indarkeria sexista makilatu edota justifikatzea.

Quieren imponer un modelo de familia y de educación basado en la religión. Y también es palpable el retroceso en los medios de comunicación, donde la presencia de mujeres en debates de actualidad es anecdótica. Ni se nos ve, ni se nos escucha; al tiempo que los contenidos de ocio y la publicidad alimentan estereotipos en base a roles y valores sexistas.

Baina egoera gordin hau, etsipenean erortzeko baino, gure egoeraz jabetu eta erantzuteko baliatu behar dugu. Elkarlanean aritu, atzerapausoak identifikatu eta aurrera egiteko sare sendoak sortu. Helburua: gure bidea egitea, nahi duguna izateko. Hala, esparru guztietan, kalean zein erakundeetan, emakume eta gizon askeen Euskal Herria eraikitzeko konpromisoa hartu nahi dugu.

Finalmente, llamamos a todas las mujeres y hombres que persiguen la igualdad entre sexos a participar en la concentración que con motivo del 8 de marzo se celebrarán en pueblos y ciudades de Euskal Herria. Una vez más, tomaremos la calle a reivindicar nuestra libertad y nuestro derecho a decidir sobre nuestras vidas y nuestros cuerpos.

Emakumeok erabaki, Euskal Herria feminista eraiki.

Martxoak 8ko adierazpena: Euskal herri feminista eraikitzeko konpromisoa

https://fbcdn-sphotos-f-a.akamaihd.net/hphotos-ak-prn2/t31/10001153_826599207357397_1447844927_o.jpg

https://fbcdn-sphotos-h-a.akamaihd.net/hphotos-ak-prn2/t31/1921029_826599204024064_246964864_o.jpg

https://scontent-b-lhr.xx.fbcdn.net/hphotos-ash3/t31/1912099_826599257357392_206930245_o.jpg

https://fbcdn-sphotos-e-a.akamaihd.net/hphotos-ak-frc1/t31/1910997_826599404024044_413819967_o.jpg

14/03/06

Berriak

Alternatibak iraingarria deritzo de Andresek Euskadiko PPren kongresua martxoaren 8ko ospakizunari lehenesteari

Alternatiba Arabako bozeramaile Cristina Bereciartuak “irain larritzat” jo du Foru Aldundiak Euskadiko PPren kongresua emakumearen nazioarteko egunaren ospakizunari lehenestea, martxoaren 8ko ekitaldi ofiziala 6ra aurreratu baitu. Bereciartuak, Diputatu Nagusi Javier de Andresi “bere ardura arabar guztien ordezkari izatea dela” gogoratu dio “eta ez bere alderdiko bozkatzaileena bakarrik. Are gehiago, jarrera honekin agerian uzten du bere lurraldeko %50arren populazioaren jabekuntzan duen interes falta”.

Aldi berean, “gauzak egiteko modu honek Arabako emakumeak gutxiesten dituela” nabarmendu du ere, aurtengo martxoaren 8an, aurreko urteekin alderatuta, “borrokarako gogo berezia” aurreikusten dela, hein handi batean, Gallardon ministroaren Abortuaren Lege “atzerakoiaren” onarpena dela eta, de Andresek sutsu defendatzen duena “aste honetako osoko bilkuran eginiko adierazpenekin egiaztatu zuen bezala, abortatzeko eskubidea garagardo bat edo tabako pakete bat erosteko erraztasunarekin konparatzeko ausardia erakutsi zuenean”.

Alderdi ezkertiarreko bozeramaileak Arabako “emakumeen ahotsak entzutearen de Andresen beldurrari” leporatu dio betidanik foru erakundeko eskaileretan egin izan den ekitaldia Aldundiak leku isil eta ezkutatuago batera, Artium museora alegia, mugitu izana”.

Egoera honen aurrean, Alternatibatik haien haserrea erakutsi nahi izan dute, “Aldundiko Gobernuak egindako zentzugabekeria honen aurrean. Horregatik, Javier de Andres jaunaren eta bere lan taldearen berehalako zuzenketa exijitzen dugu”. Bukatzeko, Bereciartuak Arabako gizarte osoa martxoaren 8rako, larunbata, deitutako manifestazioarekin bat egitera deitu du, San Anton plazatik abiatuko dena 12:30etan “GURE ASKATASUNA BORROKATUZ, erabakitzeko eskubidea gurea da” lemapean. Bide batez, egun horretarako deitutako mobilizazio guztiekin bat egitera deitu du ere.

14/03/05

Berriak

Zuen lan-esku merkea abortatuko dugu

Ana Etxarte eta Carmen Garcia – Alternatibako Mahai Feminista

Inauterietako jaialdi ez ohikoa izango da Bilbon antolatutako nazioarteko goi bileran. Bertan oso pertsonaia ezagunak desfilatuko dute, guztiak ardi larruz jantzita eta euren hitzaldietarako, egonkortasuna, hazkundea edota ekonomia bezalako izen eufemistikoak erabiliko dituztenak. Hamaika hitz polit horiek, errealitate gordina ezkutatzen dute: gure bizitzei eta bizitzari berari, inposatzen dioten pobrezia eta prekarietatea, hain zuzen.

Baina hitzaldi guztien izenburuetan bada hitz bat sarri errepikatzen dena: jasangarritasuna. Jakin badakigu goi bilera honek ardatz izango duen jasangarritasun bakarra, sistema kapitalista patriarkalarena izango dela. Gupida gabeko sistema hiltzaile bat, aspalditik planeta osoa eta bertan bizi diren gizon-emakumeen bizitzak eta duintasuna suntsitu dituena.

Izan ere, kapitalismoak betidanik patriarkatua erabili du emakumeak menperatzeko. Patriarkatuari esker kapitalismoak bere ongarria ustiatu dezake: lan indarra. Eta Bilbon bilduko diren pertsonaia ziztrin guzti horiek, beste behin ere, emakumeek egindako lan erreproduktiboa alfonbra gorriaren azpian estaliko dute. Gorbatadun lapur hauek nahi dutena, erreprodukzio horren kostua zeroren ingurukoa izatea da, gero eta gehiago aberastu eta euren kapital zikina biderkatzen jarraitu ahal izateko.

Baina zer behar dute aipatutako helburua lortzeko? Zer behar du kapitalismoak lan-esku merkearekin elikatzen jarraitzeko? Erantzuna da esaneko emakume menderatuak behar dituela. Patriarkatuaren indarra behar dute gu etxean mantentzeko, prekarietatean biziko diren eta lan baldintza ziztrinak onartzera behartuta egongo diren umeak erditzen.

Ondo dakigu betidanik eliza eta bere inkisizio santua guztiz ados egon direla mendeetan emakumeak menderatzeko asmoarekin. Eliza eta moral katolikoa; biak oso lagungarri izan dira sistemarentzat, adituak baitira kontrol soziala ezartzeko askotariko metodoetan; bortitzenetik hasita, emakumeak sutan erretzea esaterako, leunenetara, gure gorputz eta sexualitatearen gainean lotsa eta errua izatea inposatuz, adibidez.

Eta hara non datozen NDF, Europako Batzordea, Europako Banku Zentrala, hainbat enpresa transnazional eta nola ez, Espainiako Gobernua bere erregea buru. Guztiei harrera ezin hobea egingo die Begoñako Amatxuren zale dugun alkate txit agurgarriak, euren plan beldurgarria garatzen jarraitzeko, eliza katolikoak gure gorputzen inguruan erabaki duen horretan oinarrituz: “minez erdituko duzu”.

Menderatuta nahi gaituztelako, elizkoi nahi gaituzte, pobre nahi gaituzte, gose nahi gaituzte, errudun nahi gaituzte, ezjakin nahi gaituzte… Menderatuta egotea nahi dute, erditzen eta zaintzen, euren lan indarra erreproduzitzen jarrai dezagun. Horregatik ukatu nahi digute gure gorputzaren gainean erabakitzeko oinarrizko eskubidea, guztiz existitzeko oinarrizko eskubidea, gure buruaren gainean erabakitzea ahalbidetuko diguna, gure gorputzei eta gure bizitzei buruz ari direlako.

Ba beldurraren inauteriak jakin dezala, XXI. mendeko benetako sorginek, era guztietako feministek, zuen hipokresiaren monumentuaren atera oihu egitera joango garela, betiko legez, ez dugula agindua beteko eta abortatzen jarraituko dugula: Zuen lan-esku merkea abortatuko dugu!

14/02/28

Berriak

‘Ekofeminismotik proposamenak’ hitzaldiaren bideoak Yayo Herrero eta Laura Gomezekin Errenteria-Oreretan

Pasan den urtarrilaren 29an ‘Ekofeminismotik proposamenak: axola duten bizitzak eraikitzen’ izenburudun hitzaldia ospatu genuen Errenteria-Oreretan, eta bertan, Ecologistas en Accion-eko zuzendari Yayo Herrero eta Gipuzkoako Aldundiko Zuzendari Nagusi Laura Gomez izan genituen hizlari.

Hemen Yayo Herreroren partehartzea ekofeminismoak egun eskuragarri jartzen dizkigun alternatibaz hitz egin ez ezik, egungo produktibitate eta kontsumo ereduari kritika egiten diona, kapitalismoari, alegia: “Aberastasunaren, ongizatearen eta gizartearen ikuskera berdina duten gizarteetan bizi garela da gure arazo larrienetako bat; eta hau oso erabilgarria zaio kapitalismoari. Horixe da hain zuzen ere, lantzeke dugun garrantzitsuena, beharrezkoak diren aldaketak ekarriko dituen mugimendu boteresua eraikitzea”.

Bukatzeko, Laura Gomezen partehartzea dugu, Gipuzkoako Emakume eta Gizonen Arteko Berdintasunerako II. Foru Planaren giltzetaz aritu dena. Bertan, bizitzaren sostengarritasuna bezalako ideia interesgarriekin batera, gure gizarteko emakumeen bizitza eta lan balditzen kalitaterako neurri zehatzak ematen ditu: “Gure planak, alde batetik, larrialditasun egoerei erantzuna eman nahi die, bizitzaren okerragotzea gelditzeko. Eta bestetik, eraldaketarako helburu horretan aurrera egiteko ahalegin batean, bizitza eta bere zaintza gizartearen lehentasunen erdigunean jartzeko alternatiben eraiketan lagunduz”.

14/02/18

Berriak

Alternatibak hitzaldia antolatuko du Errenteria-Oreretan proposamen ekofeministen inguruan

Urtarrilaren 29an, asteazkena, Alternatibak “Ekofeminismotik proposamenak, axola duten bizitzak eraikitzen” izeneko hitzaldia antolatu du Errenteria-Oreretako Mikelazulo Kultur Elkartean. Bertan, Ecologistas en Accion-eko zuzendari Yayo Herrero, eta Gipuzkoako Berdintasuneko Zuzendari Nagusi Laura Gomezen parte-hartzeak entzuteko aukera izango dugu.

Hitzaldia Yayo Herreroren parte-hartzearekin hasiko da arratsaldeko 19:00etatik aurrera, egungo produktibitate eta kontsumo ereduari kritika eginez,proposamen ekofeministen oinarri kontzeptual eta ideologikoak azalduko dituena, emakumeengan eragiten duen desberdintasuna eta prekarietatea salatuz. Aldi berean, Herrerok indarrean dagoen sistema honi alternatibak aurkeztuko ditu, desazkundea eta bizitza duin baterako ardatz gisa bizitza bera duten teorietan oinarriturik. Ondoren, Laura Gomezen parte-hartzea izango dugu Gipuzkoako Emakume eta Gizonen Arteko Berdintasunerako II. Foru Planaren giltzaz hitz egingo duena. Bertan, bizitzaren sostengarritasunaren inguruko gakoak eman ez ezik, gure gizartean emakumeek kalitatezko bizitza eta lan baldintzak izan ditzaten neurri zehatzak emango ditu ere.

14/01/27

Berriak

Etiketa: Feminismoa