Alternatibaren Bilboko bozeramaile Asier Vegak Askegune berrian, Ondarroako Zumardian, erakutsitako herri duintasun eredua txalotu du, zeinetan ehunka lagunek “delitu ezagun bakartzat militantzia politikoa duen gazte bat” babesten eguneko 24 orduak eman dituzten. Baina atxiloketaren gainetik ere, Alternatibatik nabarmendu dute Donostiako Boulevarden gertatu bezala, “Ondarroa erresistentzia bakezalearen, herritar duintasunaren eta elkartasunaren eredu bilakatu dela mundu osoaren aurrean”.
Alderdi ezkertiarreko bozeramaileak gogorarazi du Alkortaren aitortza torturapean lortu zutela, berak salatu zuenez, eta Nazioarteko Amnistia bezalako erakunde batek Espainiako Erresuman “tortura estatuaren egiturazko arazoa” dela esan berri duela; horri gehituta nazioarteko epaitegi ugarik diotela tratu txarren eta irainen salaketak ez direla behar bezala ikertzen. Era berean, Arartekoak berak eskatu zituen atxiloketa honi buruzko agiriak, “inoiz lortu ez zituen arren”.
Bestaldetik, Vegak bertan egon diren pertsonak zoriondu ditu: “haien elkartasun aktiboa eta bortizkeriarik gabeko herri erresistentziarekiko konpromisoa erakutsi dutelako, herri honetan soluzioaren eta bakearen alde nor dagoen eta nor ez dagoen agerian utziz”. Aldi berean, Iñigo Urkulluren gobernuaren eta polizia agintarien jarrera deitoratu du, berriro ere, beharrezkoa ez zen bortizkeria erabili duten eragileen ikuskizun tamalgarriak errepikatzea ahalbidetu dutelako; “gure koalizioko kide Maribi Ugarteburu mehatxatu badute honek legebiltzarkide txartela erakutsi arren, zer ez zuten egingo bertan zeuden pertsonen kontra”.
Bukatzeko, Alternatibatik azpimarratu dute “euskal gizartearen gehiengoa Euskal Herriko pertsona guztien eskubide osoak berreskuratuko dituen prozesu ekonomikoaren alde” dagoela eta horren harira, gaurko deitutako elkartasun manifestazioetan parte hartzera deitu dute.
EHBildu koalizioa osatzen dugun indar politikook, Donostiako 8 gazteen kartzelaratzea irmoki salatu nahi dugu.
Bada garaia gure herrian jazarpen politikoa amaitu dadin. Ezin onar dezakegu, gaur egun, gure hirian, beraien ideia politikoengatik 8 gazte 6 urtez espetxera bidaltzea. Atxiloketa eta epaiketa politiko guztiak behin betiko eten behar direla, ozen aldarrikatzen dugu. Kartzelak husteko garaiak dira honakoak, ez hauek betetzen jarraitzekoak.
Gure elkartasun eta babes osoa adierazi nahi diegu atxilotuei beraiei baita haien senide eta lagunei ere, bizitzen ari diren une zail hauetan.
Herri honek gatazka politikoa konpontzeko eta bakea eraikitzeko urratsak eskatzen ditu; sufrimendu egoerekin behingoaz amaitzea, eta ez, etengabean sufrimendu egoera berriak sortzen jarraitzea.
EHBilduk, orain artean bezalaxe, pertsona guztien eskubide guztiak errespetatu daitezen lanean jarraituko du buru-belarri. Sinetsiak gaude, horixe dela sentsibilitate ezberdinetako herritarren gogoa.
Gazte hauekin burutu den injustizia salatzeko, elkartasunezko ekimena abiarazi zuen herritar talde batek Donostiako Bulebarrean.
Azken bi asteotan Donostian sortu den elkartasun eta salaketa mugimendua, ikaragarria izan da. Gure zorionak eman nahi dizkiegu Aske Gunea posible egin duten herritar guztiei. Zuen jarrera eraikitzaile eta arduratsuarekin antolaketa eta konpromiso lezio ederra eskaini diguzue donostiar guztioi.
Horrekin batera, bertan bildutakoak kanporatzeko ertzaintzak izandako jokamoldea salatu beharrean gaude. Asko izan dira, mehatxuak, umiliazio sexistak eta eraso fisikoak salatu dituzten herritarrak.
Azkenik, PNV, PSE eta PPren jarrerari dagokionean zera adierazi nahi dugu:
Eskandalagarria iruditzen zaigu azken asteotan Donostiako oposizioko alderdiek erakutsi duten jokaera arduragabea. Zortzi gazte lan politikoa egiteagatik 6 urtez kartzelaratu behar dituztenean, hori salatzen duten herritarren aurka oldartu dira. Larriagoa da, nonbait, Bulebarrean protesta egitea zortzi familiaren bizitzak bidegabeki apurtzea baino.
Herritarren ahotsa entzutera gonbidatzen ditugu PNV, PSE eta PPko Donostiako ordezkariak. Ausardia eskatzen diegu, beraien alderdien irizpideak alboratu ditzaten eta Donostiarren gehiengoaren nahiarekin bat egin dezaten.
Beraien oinarriek pentsatzen dutena esatera animatzen ditugu. Alegia, 2013an, gure hiriko seme alabak Madrileko agindu injustuak betez kartzelara bidaltzea onartezina dela.
Bakea eta elkarbizitza eraikitzeko, alderdi guztion ekarpena beharrezkoa da, eta bide horretan, jarrera ausart eta positiboak bultzatu behar ditugu Donostian ere. Donostia elkarbizitzaren erreferente bilakatu nahi badugu, oinarrizko eskubideen kontrako eraso hauekin amaitu beharra dago, ezinbestean.
Alternatibako bozeramaile nazional Oskar Matutek bere alderdiaren elkartasuna adierazi nahi izan die Ertzaintzak gaur goizean Donostian atxilotu dituen gazteei, gogorarazi duenez, “militantzia politiko hutsagatik kondenatu dituztelako”. Atxiloketen gainetik, alabaina, Matutek txalotu egin du ehunka lagunek erakutsitako “erresistentzia baketsua, herri duintasuna eta elkartasuna, egunak daramatzatelako kalean gazteak babesten”.
Alderdi ezkertiarreko bozeramailearen hitzetan, euskal gazteriak “elkartasun aktiboa eta ez-biolentziarekiko konpromisoa agertu dute erresistentzia zibilaren bitartez, eta auzi honetan bakoitzaren kokapena agerian utzita”. Hala, “deitoragarria” iritzi dio Iñigo Urkulluren Gobernuak erakutsitako jarrerari, “berriz ere jarri baitu Ertzaintza bakea zein normalizazio politikoa oztopatzeko asmoa besterik ez duen Espainiako Erresumako Gobernuaren borondatearen zerbitzura”.
Honen harira, bere ardura plazaratu du “polizi autonomikoak Askegunea husteko indarkeria erabili duelako eta eguneko ordu txikietatik aurrera dozenaka lagunek salatutako mehatxuak eta irainak ugariak izan direlako”. Horrela, jarraitu du esanez “onartezina da komunikazio hedabideei haien lana egitea galarazi izana, gaur goizeko gertakariez berri ematera hurbildu direnean”.
Matutek, Askegunea hustea lortu duten arren, “elkartasuna eta Euskal Herrian pertsona guztien eskubide guztiak berrezartzea helburu duen prozesua geldiarazterik ez dutela lortuko” ziurtatu du. Era berean, “Askeguneak luze iraungo” duela gaineratu du, “bidegabekeriaren aurkako borroka, duintasuna eta erresistentzia eredua bilakatu delako”. Azkenik, Alternatibatik gaur arratsalderako eta biharko deitutako elkartasun mobilizazioetan parte hartzera deitu dute.
Gaur bertan bi hedabideri esker euskal jendarteak ezagutu duen grabazioak argi utzi du Ertzaintzako buruek mina egiteko borondatea zeukatela 2012ko apirilaren 5ean Iñigo Cabacasen heriotza eragin zuen agindua eman zutenean. Maria Diaz de Haro kalean zeuden agenteek istilurik ez zegoela eta egoera kontrolpean zegoela ziurtatu eta hala eta guztiz ere “dugun guztiarekin sartzeko” agintzea modu horretan soilik uler daiteke. “Grabazioak agerian utzi du Ertzaintzako buruek mina egitea bilatzen zutela eta herri honetako sektore sozial eta politiko baten kontra jotzeko erabaki politikoa ere bazegoela. Iñigoren heriotza borondate horren ondorio latza izan zen, eta gaur ezagutu dugun grabazioak argi utzi du hori ezin dela, inondik inora, istripu gisa hartu”, salatu du Marian Beitialarrangoitiak.
EH Bilduk Estefania Beltran de Heredia egungo Segurtasun sailburua; bere aurrekoa, Rodolfo Ares, eta egun hartako operatibo burua Legebiltzarrean berehala ager daitezela eskatu du, Jaurlaritzak auzi honetan emandako urratsak zehatz-mehatz argitzeko. Izan ere, dio Beitialarrangoitiak, “euskal jendarteak egia ezagutzea merezi du, eta Aresek eta Beltran de Herediak egia kontatzeko obligazioa dute. Batak zein besteak grabazio hau ezagutzen zuten eta horrek are argiago uzten du orain arte gezurretan aritu direla, ez dutela gertatutakoa argitu nahi izan. Beren helburua ez da ardurak garbitzea izan, Ertzaintzaren jarduna justifikatzea, estaltzea eta zuritzea baizik. Ez digute egia osoa kontatu; Ares gezurretan aritu zen hasieratik eta orain Beltran de Heredia ez da hobeto ari, onartezina baita gertatutakoa istripu gisa hartzea grabazioan mina egiteko gogoa agerikoa denean”. Ildo horri jarraituz, EH Bilduko legebiltzarkideak Jaurlaritzaren pasibotasuna salatu du, eta 2012ko apirilaren 5ean inolako arrazoirik gabe kargatzeko agindua eman zuen ertzainaren aurkako diziplinazko neurririk hartu ez izana egotzi dio Segurtasun Sailari.
Zentzu horretan, berehala kargutik kentzeko eskatu dio: “Agente hori identifikaturik dago, egon behar du, eta Iñigo Cabacasen heriotzaren erantzukizuna berari dagokio neurri handi batean, arduragabekeria baino erakusten ez duen agindu hura emateagatik. Horregatik, ulergaitza da ertzain horrek, bere aginduen ondorio larriak ikusita, oraindik orain bere postuan jarraitzea. Azalpen posible bakarra hasieratik salatu egin duguna da, Segurtasun Sailaren lehentasuna ez dela jazotakoa argitzea eta ardurak garbitzea, agente horien jokaera arduragabea estaltzea baizik”.
Gaur jakin izan dugu Felipe Gonzalezen Gobernuak 25 milioi pezeta bideratu zituela Santi Brouard Euskal Herriko diputatua erailtzeko, 1984ko azaroaren 20an. Gonzalez ez da inoiz epaitua izan eta, gaur egun, urtero 126.500 euro irabazten ditu Gas Natural enpresako kontseilari gisa, escracheak direla eta moraltasun irakaspenak ematen dituen bitartean.
Gaur jakin dugu Rodolfo Aresen Ertzaintzak Iñigo Cabacasen hilketa diseinatu zuela, soldaduek “daukagun guztiarekin sartzeko, herrikon sartzeko” agindua jaso zutela arazorik ez zela jakinarazi arren. Ares ez da inoiz epaitua izan eta bizitza osorako soldata txukunarekin erretiroa hartu ahal izango du.
Baina ez ezazue pentsa justiziak ez duela ezer egiten: gaur goizean berton, guardia zibilak Sortuko buruzagi Iker Rodrigo atxilotu du, agintariek hainbat egunez ezkutatu duten hilotzaren herriratzearen ekitaldian ikusle izateagatik.
Justizia egon badago, noski; boteretsuek kudeatzen eta herri xeheko lagunok pairatzen duguna.
Alternatibako Gipuzkoako koordinatzaile Xabier Sotok irmotasunez kritikatu du Espainiako Auzitegi Gorenak gaur jakinarazitako epaia, Auzitegi Nazionalak Segikoak izatea leporatuta zortzi gazteren kontrako sei urteko kartzela zigorra berretsi duena: “Herri honetan bakea eta normalizazio politikoa ezartzeko ahaleginak biderkatzea ezinbestekoa den garai honetan, berriz ere topo egin behar dugu militantzia politikoan aritzea delitu bakarra duten gazteen kontrako espetxe zigor onartezinekin”.
Alternatibatik gogorarazi dute duela hilabete, martxoaren 9an, mobilizazio jendetsu batek Gipuzkoako hiriburuko kaleak zeharkatu zituela kondenatutako gazteak babestu eta jazarriak dauden beste guztien egoera salatzeko. Orduan, Alternatibak “babesgabetasunean dauden pertsonekiko zubiak eraikitzera eta laguntzera” deitu zuen. Gaurkoan, Sotok militantzia politikoagatik ere zigortua izan zen gazte baten hitzak azpimarratu nahi izan ditu; “zerbait gaizki egiten ari gara gazteak kartzelaratzen uzten jarraitzen badugu” zioena.
Azkenik, alderdi ezkertiarreko bozeramaileak iragarri du zigortutako gazte independentistak babesteko datozen egunetan antolatu daitezkeen manifestazio deialdiekin bat egingo dutela, “gizartearen mobilizazioa ezinbestekoa delako gatazkaren ondorioak pairatzen dituzten pertsonak oraindik ere egotea saihesteko”.
Alternatiba Gazteak-eko bozeramaile Diana Urreak herritar guztiei dei egin die euskal gazteriaren eskubideen alde kalera ateratzera, Eleak mugimenduak hurrengo larunbaterako, hilak 19, Donostian egingo duen manifestaziorekin bat eginda. Era berean, aldarrikapen berdinarekin gaur eta bihar Hego Euskal Herriko gainerako hiriburuetan antolatutako kontzentrazioekin bat egitera deitu du. “Euskal Gazteria. Libre eta Legala” lemapean, larunbateko manifestazioa eguerdiko 12.30etan Boulevardetik abiatuko da eta hiriburuko kaleak zeharkatuko ditu Euskal Herriko Gazteriaren eskubide zibilak zein politikoak aldarrikatuz.
Urreak, alderdi ezkertiarreko gazteen taldeko kide eta Gasteizko ganberako legebiltzarkide gazteena, bizi dugun egoera ulertezina salatu du: “Euskal herriarentzat bakea eta normaltasun politikoa lortzear gauden garai itxaropentsu hauetan, onartezina da oraindik ere gazte jazarriak, atxilotuak, epaituak, kondenatuak eta iheslariak egotea politikan aritze hutsagatik”. Horrez gain, Espainia eta Frantziako gobernuei leporatu die “behin eta berriro pertsonen oinarrizko eskubideak, eskubide zibil zein politikoak neurri zapaltzaileekin urratzea”.
Bestaldetik, Alternatiba Gazteak larunbateko manifestazioan gizarte osoaren mezu bateratu bat bidaltzearen garrantzia azpimarratu nahi izan du, eta “norbaiten etxean indarraren bitartez sartzean, gure etxea ere inbaditzen ari direla” gogorazita. Gazteek bizi duten errepresio egoera honen aurrean, babesgabetasun egoeran bizi direnentzat zubiak eraikitzera eta laguntza luzatzera deitu du.
Diana Urrea bera izango da Alternatibaren ordezkaritzaren baitan Donostiako manifestazioan eta, besteak beste, Gipuzkoako Koordinatzailea Xabier Soto ere izango da bertan harkein batera.
“Berradiskidetze zubiak eraikiz” proiektutik urte bete igarota, sentsibilitate ezberdinetako gazteek osatutako talde batek Belfastera egin zuen bidaia Lokarrirekin joan zen azaroaren 28tik abenduaren 2ra. Zehazki, Lokarrik proiektuaren aurkezpenean azaldu zuen bezala, Euskadiko Gazteria Sozialistak, Gazte Abertzaleak, Ezker abertzalea, EGI eta Alternatibako kideek hartu zuten parte esperientzian, Lokarriko bi pertsonekin batera.
Aurtengo bizipenaren ondorioa oso positiboa da berriz: Ipar Irlandako prozesua zuzenean ezagutzeak eta bizipenean parte hartzen duten pertsonen arteko elkarbizitza biziak beste eguneroko testuinguruetan lortzea zailak diren ikaskuntza, elkarrizketa eta konpromiso prozesuak eragiten ditu. Zaila da, baita ere, ikasi eta bizitako guztia azaltzea, baina jarraian bidaiaren kronika labur bat eskaintzen saiatzen gara.
1. eguna: Dublin
Taldearen lehenengo geltokia Dublinen izan zen, bere parlamentuan, gure anfitrioia zen Ruairi Rowan-ekin. Instituzioa ezagutu genuen Sinn Féineko gazteen eskutik eta laburki Gerry Adams agurtu ahal izan genuen, Sinn Féineko ordezkariekin bilera batean parte hartu aurretik. Bilera horretan zegoen, besteak beste, Eoin Ó Broin “Matxinada. Historia del movimiento juvenil radical vasco” (Txalaparta) liburuaren autorea. Batzarrean elkarrizketaren garrantzia, gazteen paper garrantzitsua edo nazioarteko sostengua bezalako gaiak azpimarratu ziren. Dena blokeatuta dagoela ematen duen uneetan pazientziaren garrantzia nabarmendu zuten: “beti hartzen du uste baino denbora gehiago”, zioten. Eguna Dublineko toki esanguratsuetatik zehar Sinn Féinnek antolatutako ibilaldi historiko batekin bukatu genuen.
2. eguna: Belfast, iraganera eta etorkizunera bidaia
Bidaiaren bigarren eguna, jada Belfasten, Healing Through Remembering-en egoitzan antolatutako mahai inguru batekin hasi zen Brian Rowan eta Eamonn Maille kazetariekin, Alliance Party eta Northern Ireland Youth Forum-eko gazteekin eta UDA talde armatu unionistako kide izandako Jackie McDonald-ekin. Solasaldia zinez interesgarria izan zen.
Kazetariek beren bakearen aldeko paper aktiboa nabarmentzen zuten: alde guztiekin hartu-emanak dituzten agenteak izanik, gertatzen zena kontatzeko ardura zuten, egiaren prozesuarekin zerikusia duena. Prozesu horri azalpen edo informazio prozesu deitzea egokiagotzat hartzen zuten, eta ez da salaketarekin, erruarekin edo barkamenarekin nahastu behar, eta batez ere, ez da politikoen arteko “erruen” egozpen bataila bat izan behar. Gure taldetik gobernua mugitzen ez denean zer egin daitekeen galdetzean, zera erantzuten zuten: “ez du merezi gobernua kritikatzen tematzeak. Limurtu, pedagogia egin eta, batez ere, lengoaia berri bat erabili behar da. Bakea ez datza exijentzietan, baizik eta bakoitza konpartitzeko prest dagoen horretan. Arriskuak hartu eta deserosoak diren gauzak egitea eskatzen du”.
Bertako gazteek ere azpimarratu zuten gertatutakoaren irudi osoa kontatzearen garrantzia, gatazkaren arrastoak haien belaunaldira ere iritsi baitira mesfidantza eta erru bezala, eta beharrezkoa da hesiak apurtzea.
Jackie McDonald berak ere berretsi zuen: giltza gazteen artean dago, indarkeriaren zama haiengana ere iritsi baita: “Gertatutakoa kontatu behar zaie, erromantizismorik gabe, harrotsaunik gabe: hau egin genuen eta ezin da errepikatu”, zioen. Preso ohi bezala kartzelatik ateratzean bizitzen dituzten zailtasunez eta edozein bake prozesutan duten ezinbesteko paperaz ere aritu zen.
Elkarrizketa honen ondoren, taldea Ipar Irlandako parlamentuari bisita egitera joan zen Stormont-en. Bere funtzionamendua eta berezitasunak ezagutu zituen, parlamentuko lehendakari den William Hay-ekin bildu zen eta Sinn Féin, DUP, SDLP eta UUP alderdietako legebiltzarkideekin hizketaldi batean hartu zuen parte, urte batzuk arte elkarren etsaitzat hartzen ziren ordezkariak mahai berean esertzeko gai direla ikusiz.
3. eguna: Burdin hesiek badiraute, hormek hitz egiten dute
Hirugarren egunean komunitateen arteko harremanetan lan egiten duen Intercomm erakundea ezagutzera joan ginen. Hainbat pertsonekin solasalida izan genuen han, haietako asko preso ohi unionista zein errepublikarrak, gaur egun Intercomm bezalako proiektuetan elkarrekin lankidetzan ari direnak. Benetako bake prozesua gizartearen oinarrietan gertatzen dela eta gertatu behar dela azpimarratu zuten, eta hor aske geratutako presoek ezinbesteko papera izan zuten eta dute. Hala ere, denek baieztatu zuten birgizartearatzeak dakartzan zailtasunak, baliabide praktikoak edo sortutako gorroto soziala kasu. Gure taldeak galdetu zien ea nola azalduko lioketen beren bilobei bakoitzaren kontakizun pertsonala, eta hainbat gauzen inguruan hitz egitea oso zaila dela baieztatu zuten, betiere, beharrezkotzat hartuz “buruak desarmatzeko”. “Ez gara pertsona txarrak. Gauza ikaragarriak egin dituzten pertsona onak gara”, azaldu zuen batek.
Haietako batek, talde armatu unionista bateko kide izandakoa eta egun gizarte langilea eta doktoregai den John Howcroft-ek, Belfasteko iparraldeko auzo batzuk ezagutzera eraman gintuen, indarkeria gehien bildu duen gunera hain zuzen. Lehen banaketa eta indarkeria bultzatzen zuten eta bizikidetzaren aldeko baloreak sustatzeko berrituak izan diren horma-irudiak, komunitateek normaltasunez harremanak izateko helburuarekin ireki egin diren hesiak edo gune oso gatazkatsuetan bi komunitateetako pertsonak hartzen dituen eraikin eraberrituak erakutsi zizkigun. John beraren adibidea ere oso adierazgarria izan zen.
4. eguna: Falls Road, Brian Rowan-ekin
Brian Rowan kazetaria bake prozesuan zehar jazotako gertakari askoren lekuko zuzena izan da, eta bera izan zen Falls Road inguruko gune errepublikarrak ezagutzera eraman gintuena, berak bizitako mugarri horiei buruzko pasarteak kontatzen zizkigun bitartean. Horma-irudiak eta biktimen memorialak ikusi genituen, eta kafe bat hartu genuen urteetan zehar bildu zuen altxorra erakusten zigun bitartean: azken urteotako dokumentu, egunkari-zati eta argazki esanguratsuz betetako karpeta bat, besteak beste, IRAren su-etenaren adierazpen originalak barne. Preso errepublikarren museoa ere ikusi genuen, Tar Anall-en Seanna Walsh-ekin bildu baino lehen.
Seanna Walsh-ek 21 urte pasa zituen espetxean IRAko kide izateagatik. Bobby Sands-en laguna zen, eta bera izan zen 2005ean IRAk su-etena iragartzen zuen adierazpena irakurri zuena. Azken urteotako prozesuaren bere kontakizuna eskaini zigun: “ez da katoliko eta protestante edo errepublikar eta unionisten arteko gatazka bat. Guk IRAn argi genuen gure borroka britainiar okupazioaren aurka zela, britainiar Gobernuaren aurka, eta ez unionisten aurka”. Indarkeriaren zirkuluak inora eramaten ez zuela ikusi eta britainiar Gobernuarekin negoziatzen saiatu behar zirela ondorioztatu zuten, eta denak iritsi ziren ondorio berera.
IRAko disidenteen inguruan ere aritu zen, helburu argirik gabeko gutxiengo bezala definituz, eta baita 1998 urtean adostutako presoen askapen prozesuaz, barkamenaz, egiaz eta biktimez ere. Bukatzeko, taldeak galdetu zion nola sentitu zen IRAren su-etena iragartzen zuen adierazpena irakurri zuenean, eta hunkituta erantzun zuen “harro eta ohorez”.
Bidaiaren agenda bizia SDLP alderdiko gazteekin pub batean egindako bilera informal batekin bukatu zen. Besteak beste, beren harridura eta nolabaiteko miresmena azaldu ziguten sentsibilitate hain ezberdinek osatutako gure taldea ikustean elkarrekin eta konfiantza handiko harremanarekin bizipen hau konpartitzen. “Betidanik ezagutzen zaretela ematen du”, zioten. Gazterien artean harremanak egon arren, halako esperientzia baterako elkartzeko gai izango ote ziren ez zekitela esan ziguten. Guri bisita egiteko gonbitea luzatu genien.
Izan ere, Ruari Rowan-ek artikulu honetakogure bisitaren inguruko kronikan, ikaskuntzak bi noranzkotan izan zela ematen du, eta ikasitakoak berradiskidetzearen zubiak igarotzen ditu Euskal Herria eta Ipar Irlandaren artean eta baitan.
Oharra: taldea itzuli eta ordu gutxitara, egun indarrean dirauen britainiar banderekin lotutako gatazka sortu zen Belfasten. Gatazka honen garapenari jarraipena ematea, bildu ginen pertsonek konpartitzen zizkiguten hausnarketekin lotuz, oso baliagarria izaten ari da. Bakerako beren bidea zailtasunez beteta dagoela eta kontatzen ziguten “hartutako zama” hori egon badagoela ikusten dugu, eta gure babesa adierazten dugu indarkeria adierazpen hau bideratu ahal dezaten, berriz ez errepikatzeko.
Amais Infante Arabako EH Bilduko hautagai eta Alternatibako kideak Ertzaintzaren eskutik jasandako mehatxu eta jazarpenak salatu ditu EH Bilduk Arabako Hauteskunde Batzordean.
Eranskinean doakizue aurkezturiko salaketa, Amais Infante hautagaiak jasandako jazarpena barnebiltzen duena. Ertzain batek pistolarekin burura apuntatu zuela salatu du Infantek
EH Bilduk oso larritzat ditu gisa honetako gertaerak. Horrela bada, EH Bilduk deialdia luzatzen dio Eusko Jaurlaritzako Barne Sailari eta Idoia Mendia sailburuari gertaerak argitu eta erantzuleei kargu har diezaien. Era berean, Ertzaintzaren jazarpenekin amaitzea exijitzen diogu Barne Sailari.
A LA JUNTA ELECTORAL AUTONÓMICA
Dña. AMAIS (Amanda Isabel) INFANTE, mayor de edad, ante esta Junta Electoral comparezco para poner en conocimiento de la misma y denunciar los siguientes HECHOS:
Primero- Soy candidata en Álava- número 20- a las próximas elecciones autonómicas por la Coalición EH Bilbu .
Segundo.- Dentro de los diferentes actos de campaña que EH Bildu esta realizando en el territorio alavés, en el día de ayer tenía que acudir desde Vitoria-Gasteiz a un acto (charla) programado a las 19:30 horas en Laudio. Así que a media tarde, salí dirección Laudio en un vehículo serigrafiado con el logotipo de EH Bildu y con el aparato de megafonia colocado en la parte superior, en el interior del vehículo, trasportaba un plotter que había que utilizar en el acto de Laudio.
Nada más entrar en la autopista, me di cuenta que no había comprobado si el plotter estaba en correcto estado, así que me metí en el área de descanso de Altube, para comprobar si funcionaba o tenía que volver a Vitoria-Gasteiz para coger otro.
Paré el vehículo en una zona habilitada al efecto y, mientras comprobaba el estado del plotter con la música de la megafonía puesta y las puertas del vehículo abiertas, estando yo girada hacia el interior del vehículo, alguien me apunto con un arma en la cabeza y me insto a que me apartarse y dejara de hacer lo que estaba. En un primer momento, pensé que se trataba de alguna broma, pero al girarme, vi que eran dos ertzainas, que en el momento en que me di la vuelta guardaron el arma.
Sin más explicación, y en un tono absolutamente coactivo, me ordenaron que pusiera las manos encima del techo de mi vehículo, y comenzaron a preguntarme sobre lo que estaba haciendo, explicándoles que me dirigía a un acto que EH Bildu iba a celebrar en Laudio y que tenía que llevar el plotter.
Sin aparente sentido, me preguntaron haber si tenía algo que declarar a lo que les conteste que no, contestando los agentes que tenían que registrar el coche y a ella, en un tono amenazante. Les pregunte por el motivo por el que tendrían que cachearme, sin obtener respuesta, por lo que me negué a que me registraran. En ese momento, uno de los agentes dijo “cuidado que el cachorrito saca las uñas”, al tiempo que le acusaban de tener algo que ocultar.
Les deje claro que si no era una mujer, no me iba a dejar registrar, momento en el que uno de los agentes le dijo que se podía marchar. Se quedó recogiendo y los agentes se fueron.
Tercero.- Candidata, trabajadora o lo que fuera, los agentes de la Ertzaintza que han protagonizado estos hechos no podían tener ninguna duda de que a quien se dirigían era una persona vinculada a la coalición EH Bildu, en el actual contexto de campaña electoral.
La actuación de los agentes de la Ertzaintza fue absolutamente coactiva desde el primer momento en el que me ponen la pistola en la cabeza, y no tengo la menor duda que el único objetivo era asustarme y humillarme, y en consecuencia a todas las personas vinculadas a EH Bildu.
Cuarto.- Por todo ello, solicito a la Junta Electoral Autonómica que tenga por realizada las anteriores manifestaciones, y conforme proceda, adopte las medidas necesarias para esclarecer responsabilidades y, fundamentalmente, para evitar que este tipo de hechos se repitan.
EH Bilduko gazteek agerraldia eskaini dute gaur Bilbon, Laura Mintegi lehendakarigaiarekin batera. EH Bilduk aurkeztutako hauteskunde programan Gazteriari dagokion atala gazteek berak osatua dela adierazi dute eta bi albiste ezagutarazi dituzte. Alde batetik, azaldu dute programa proposamenetara zabalik dagoela oraindik eta urriaren 12rako deialdi zabala egin dute, Gasteizko Alde Zaharreko frontoian, 18:00etan egingo den asanblada irekira gonbidatuz.
EH Bilduko gazteek agerraldia eskaini dute gaur Bilbon, Laura Mintegi lehendakarigaiarekin batera. EH Bilduk aurkeztutako hauteskunde programan Gazteriari dagokion atala gazteek berak osatua dela adierazi dute eta bi albiste ezagutarazi dituzte. Alde batetik, azaldu dute programa proposamenetara zabalik dagoela oraindik eta urriaren 12rako deialdi zabala egin dute, Gasteizko Alde Zaharreko frontoian, 18:00etan egingo den asanblada irekira gonbidatuz. Bestalde, koalizioko gazteek kudeatuko duten e-mail helbidea ezagutzera eman dute: gazteak@ehbildu.net. Helbide hori edozeinek ekarpenak egiteko eta eurekin harremanetan jartzeko irekita edukiko dute.
“Koalizioa oso arduratuta dago gaur egungo gazteen egoera ikusita.”, adierazi du Mintegik, “Enpleguak kezkatzen gaitu bereziki, langabezi tasa ikaragarria da gazteei dagokionean, %35ekoa. Horregatik, lehentasuna da gazteei lana ematea, inoiz baino gazteria prestatuagoa, bizia, dinamikoa dugulako”. Ez dugu nahi gizarte honek gazteak langabezira kondenatzea”, azaldu du.
Arri Zulaikak, EH Bilduko gazteen izenean, programan agertzen diren hainbat proposamen azaldu ditu:
Gazteek proposatzen dituzten aldaketa guztiak eman ahal izateko, Euskal Gazteriaren Lege berribaten osaketa proposatzen dugu. Honek, arlo guztietan gazteei begirako neurriak martxan jarriko direla ziurtatu beharko du, gazteriaren eskubideen bermerako erabilia izango dena.
Kontratazioa eta enpleguari dagokionean, Eusko Jaurlaritzatik gazteen kontratazioa bultzatuko dugu diru-laguntza bidez, batez ere I+G+Bn, euskal gizarteari gehien interesatzen zaizkien arloetan bereziki.
Mugikortasuna. Eusko Jaurlaritzatik sustatuta, Nafarroara, Ipar Euskal Herrira eta euskal diasporara begira gazte langileen formakuntzan onuragarria izango den herrialdeen arteko mugikortasuna bultzatuko da, behar direnhitzarmenak indartuz erakunde publikoekin zein erakunde pribatuekin.
Etxebizitza. Etxebizitza eskubide subjektibo bezala onartuta (hau da, etxebizitza eskatu daitekeen eskubidea dela onartuta) 18 urtetik gorako edozein pertsonak aukera izan dezala alokairu sozialaren bidez etxebizitza izateko, baldintzarik gabe.
Emancipación. Estableceremos un alquiler social específico para el alumnado que haya finalizado los estudios superiores, dedicando como máximo el 25% del sueldo al pago de la vivienda, y sin que el alquiler de la vivienda supere en ningún caso el importe de su sueldo. Además, se facilitarán ayudas para gastos de manutención, transporte, etc.
Educación. La educación debe estar al alcance de todas las personas, no de unos pocos privilegiados. Se estudiarán las consecuencias de la plicación del Plan Bolonia, y se desarrollarán soluciones para hacer frente a las que resulten perjudiciales. Tomaremos las medidas adecuadas para facilitar que se garantice en todos los niveles el derecho a estudiar en euskera. Implantar un plan de becas para hacer frente a tasas abusivas mientras estén en vigot, pero con el objetivo de suprimirlas.
Parekidetasuna bilatze aldera baloreen iraulketa bat burutu beharra dugu, heteronormak eta patriarkatua irauliz, internazionalismoa, kultura ezberdinen aniztasunaren aberastasunean, elkartasunean eta parekidetasunean oinarrituko dena.
EGKren garrantzia indartuko dugu eta eragile desberdinen elkargunea izateaz gain, EGKren lotune izaera azpimarratu beharra dago.
Potenciar la capacidad de creación de la juventud vasca, ofreciendo espacios que posibiliten la creación y que cuenten con la estructura y los recursos necesarios. Se divulgarán las obras de los y las jóvenes creadoras vascas.
Gaztetxeak Euskal Herriko herri eta auzo askoren pizgarri eta motor kulturalak dira. Gaztetxeen inplikazioa eta errekonozimendu zuzena proposatzen dugu sorkuntza eta ekoizpen prozesuan, diru-laguntza eta SARE baten sorreraren bitartez.
Gazteei zuzenduta plan berezi bat jarriko dugu martxan, zeinak helburu bezala izango duen Euskal Herria ezagutaraztea ematea gazte jendearen artean. Horretarako baliabide ezberdinak eskainiko ditugu, tartean aterpetxeen eskaintza hobetzea baita hauen dibulgazioa ere.
