Etiketa: Gipuzkoa

SS2016: lotsaizuna!

Joseba Barriola – Alternatiba eta EH Bilduko kidea

Europako Batasunaren instituzio batek aldarrikatu zuen izendapena. Baina Europako Batasunaren politika kulturala hilkorra (Irak, Libia, Siria, Palestina… edo ez al dago gerraren kultura?), kriminala (aurten Mediterraneoan 5.000 etorkin hil dira itota eta denok ikusi ahal izan dugu Europako mugetako lotsagarrikeria) eta krudela (austerizidiotik hasi, etorkin langile esklabuen antolakuntzatik segi) da. Eta horrez gain islamofobiaren gorakada eta kulturaren merkantilizazioa eta espektakularizazioa, kultura negozio bide soila bihurtuz. Europako Batasuna, gaurkoa, munduko mila hizkuntzen desagerpenaren erantzule da, eta botereak erabiltzen dituen hizkuntza nagusienak degradatuak daude dominazioaren tresna bihurtuz. Ez da euskara soilik, gaztelera eta frantzesa, inglesa etabar zapalketaren (eta arrokeriaren eta gorrotoaren) pentsamendu bakarra elikatzeko erabiltzen dira milioika euro horretan gastatuz. Hauek dira Europako Batasuneko kultura ustelduaren agerpen batzuk. Europako Batasuneko «kultura» minbiziaz hartua dago. Aldarrikatzen du elkarbizitza eta pakea eta justo kontrakoa praktikatzen du eskala handian. Gezur permanente bat da. Auzi zentral honen aurrean ezikusiarena egitea erosoena da. Korronteari segi, kultura itxura egin, negozioari (turismoa) begiratu eta gure nortasuna beste aberatsekiko «graziosoak» izan.

Pakea? Bi hitzaldi sonatuak eman ziren: Solanarena eta Barrosorena. Solana: orduko Yugoslavian NATOren bonbardaketak agindu zituena. Barroso: Azoresen Bush, Blair eta Aznarrekin Irakeko gerraren proklama egin zuena.

“Tratados de Paz” erakusketa egin zen eta bertan egon zen Felipe VI, oraingo Espainiako erregea. Bere aurrekoen artean Felipe V aurkitzen da, Ondorengotza gerraren ondoren Borboien kastaren lehena Espainiako Monarkian. 1713. Utrech-eko pakea. Besteak beste Felipe V.ak Inglaterrari eman zion «asiento de negros» delakoa, hau da, Afrikatik esklabu beltzak Ameriketara eramateko monopolioa.

¿Tratados de Paz? Eta Euskal Herrian, gaur egun, gehiengo osoak nahi duen pake-itun edo pake-bideari eta ETAren desarmeari trabak jartzen? Eta pakearen eta elkarbizitzaren izenean euskal presoen kuadroen zentsura. Hori da SS2016ko kulturaren kalitate gorenaren froga!

Olatu talka, maiatzean egin ziren. Hona webgunearen oharra:

«La singularidad de Olatu Talka radica en que su programación se configura desde y para la ciudadanía, que es quien envía las propuestas culturales. Por eso tiene la participación una especial significación: Olatu Talka será lo que la ciudadanía decida que sea. Olatu Talka es un festival que sacude culturalmente la ciudad.»

Zer da kulturalki hiria astintzen duena? Zer esan nahi du «su programación se configura desde y para la ciudadanía»? Europako Batasunak izendatu gaitu hiriburu kulturala! Gure esker ona! Fabore bat egin digu, ez gara kritiko jarriko! Kontestua jarrita dago. Kontestua ezin da eztabaidatu. Kontestua jarri ondoren, Europako Kulturaren goraipamenaren kontestuan, herriari ematen zaio partizipazioa. Seguraski Olatu Talkan agertuko ziren kulturari buruzko bestelako nahiak edo desioak. Harremanak egingo ziren, pertsonalak eta kulturalak, adixkideak. Ondo da. Bainan dena irentsia gelditzen da. Kontestuak irensten du dena. Milaka ekintza pentsamendu propiorik gabe. Inaugurazioko danborrada erraldoia bezala. Bagera (gerraren kontrako eresi ironikoa) jotzen da Beethowenen sinfoniarekin batera Europako Batasunako himnoa delako. Antimilitarismo ironikoaren eta askatasunaren himnoak, gerrak sustatzen eta libertadeak murrizten duen erakundearen omenez. Zertan bihurtu gara? Kulturalki hiria astintzen duena da, besteak beste, olatuen talkak Mediterraneoan.

Hizkuntz eskubideen protokoloaz. Kontestua gainditzeko posibilitate bat zen. Lortu al da? Hemen gogoeta baterako abiapuntua. Egoera subordinatuan egonik, bi diskurtso kritiko mota egin daitezke:

a) Diskurtso subordinatu kritikoa.

b) Subordinazioa gainditzen duen diskurtso unibertsala.

Diskurtso subordinatuaren ezugarria da, kontestu orokorra ez duela ez aipatu ere egiten. Faktum ukiezina gisa balioesten da. Horrela eztabaidatik at, ikustezinduak gelditzen dira politika linguistikoaren klabeak: Merkatuaren tirania, estatuen glotofagia, dimentsio planetarioa.

Eta hutsune horren ondorioz, funtsezko errealitatearen elementu solteak azaltzen badira ere, erizpide eta praktika glotofagikoak zuritzen dira. Funtsezko gaiak (kasu honetan linguistikoak) ez dira ikusten, aipatzen, epaitzen.

Ondorioz, kontestu orokor funtsezko horren barruan, subordinazioaren diskurtsoak hobekuntzak planteatzen ditu, baina kontestu orokorra zalantzan-eztabaidan jarri gabe. Horrela egiten diren kritikak «kudeaketa»-ri buruzkoak dira; aldarrikatzen denean «aniztasuna» ahantzia uzten da aniztasun praktikoan dagoen botere harremana; hizkuntza minorizatuaz soilik hitzegiten da eta hizkuntza maiorizatuen zulo beltzei buruz eta horien pribilegioak ez dira aipatzen; beraien egoera jartzen da erreferente bezala; gizarte zibila laudatzen denean, desagertzen da gizarte zibilarekiko edozein aipamen kritiko eta ahaztu egiten da «gizarte zibila» glotofagikoa ere badagoela.

Horrela hizkuntzen eskubide unibertsalak badira, ezin dira Europara murriztu. Eta bestalde, eremu juridikoan kokatzen badira ere –eskubidetaz ari gara–, badakigu eremu erabakiorra beste bat dela, zapalketa eta desberdintasun mota askoren aurka (langabezia, etxekanporatze, errefuxiatuak, etorkinak, emakumeak, kulturegile baztertuak…) garatzen diren mobilizazioen eremuan.

Amaitzeko. Badugu Bildukoek lan sakon eta apasionagarria egiteko beharra. Politika kultural kritiko eta askea lantzea. San Sebastián 2016-ek agerian utzi ditu gure ahuldadeak.

Naiz-en argitaratua

Berriak

Diario Vasco: zure hitzak salatzen zaitu

Diario Vascok, urriaren 13ko edizioaren editorialean, bi gai ukitu ditu. Lehena, “El Día de la Fiesta Nacional” eta bigarrena “Virtual desarme de ETA”.

Lehenari buruz iruzkin labur bat. Esaten du: «La Fiesta Nacional no se celebra para engrandecer más esencias que las de la convivencia pluralista». Hori da, nonbait, Espainiako esentzia. Eta hori da, «convivencia eta tolerancia»,  egun horretan ospatzen dena desfile militar batekin, gehiengoak nahi ez duen errege borbondar batekin, Amerikako Konkista “ospatze” aldera deitzen  zaion «el día de la Hispanidad», Francoren garaian egiten zen bezala «esencias de España» goraipatuz. Tartean, noski, «unidad indisoluble de España», konstituzioak dioen bezala. Kuriosoa egin zait tituluaren azpin azpimarratzen dena: «En España coexisten diversos sentimientos de pertenencia que se muestra incompatibles…» Zergatik dira incompatibles? Erantzuna: «sólo como efecto del independentismo impaciente». Ederki gabiltza. Independentismoaren impazientzia da erruduna, eta ez noski, autodeterminazioaren ukazioa, ezta Egunkariaren itxiera, ezta milaka torturatuen bizipena, ezta Irak-eko gerran parte hartzea edo Saharari bere independentzia ukatzea, ezta Frankismoan desagertutako milaka pertsonak, ezta Frankismoari «dohain» eta akumulatutako dirutza itzuli gabe eman zitzaion «barkamena», ezta Euskara bigarren hizkuntzatzat balioestea konstituzioan, , ezta sikiera Autonomia subordinatu honen konpetentzia legalak oraindik  praktikara eraman gabeak izanak. Guzti honek ez al du zer ikusirik «Dia de la Hispanidad» delakoarekin «inkompatible» sentitzeko? Ez, ez, ez da ukazioaren auzia, ez da historia kolonial eta terrorista baten ospakizuna izatea, «impazientzia» kontua da soilik. Holako analisi zital baten ondoren, normala da Diario Vascok esatea: «Pero la Fiesta Nacional no sobra, en ningún caso». Hori esatea da Diario Vascok babestu eta elikatu duen Espainia Frankista, eta babestu eta elikatu duen franksimoaren tutela eta kontrol pean oraingo “Estado de Derecho” hau ez daudela, inolaz ere sobran.

Bigarrenari buruz, “Virtual desarme de ETA” burura etortzen zaidan lehen gauza da ergelkeriaz eta gezurrez beteriko editoriala dela.

«La banda (ETA) continúa existiendo en su ocaso»… ETA borroka armatua praktikatzen duen erakunde gisa ez dago «ocasoan», jadanik ez da. «La liturgia de “desarme negociado”»… Nondik atera zaio editorialistari “liturgia” hitza? Misterioa ari da bilatzen. Ez da «desarme negociado», baizik eta «negociación del desarme»? Eta hori gaizki iruditzen zaio Diario Vasco-ri? Nonbait, errepikatu nahiko luke Areizagak Bilbon okupatuan, 1937an, esan zuenaren estiloan: «vencida y derrotada ha quedado hecha una piltrafa». Eta hori ezin duenez, 80 urtetan elikatutako gorrotoa ilusionismoz arindu nahi du. Patetikoa da Diario Vascoren diskurtsoa, etsaiaren humiliazioa eta duintasun-galera da bilatzen duen bakarra.

«Extrema debilidad en que se mueven los restos de la banda». Baina Diario Vascok badaki armak entregatzea dela ETAren proposamena azken bost urtetan, eta prozesu hori fundamentuz egitea jarrera erresponsablea dela, eta Espainiako Gobernua dela, arduragabekeria hutsa, horri uko egiten diona. Horregatik gezur hutsa da esatea: «ETA necesita demostrar que continúa armada».

«Ya nadie toma en consideración sus palabras y sus gestos». Egia esan Diario Vascok ez du inoiz kontsideraziotan hartu bere hitzak eta bere keinuak, ez bada horiek manipulatzeko. Bainan inork ez badu bere hitzak kontutan hartzen, zergatik ematen dio Diario Vascok leku bat editorialean, eta gainera bere hitzak aipatu ere gabe? Zere bilatzen du Diario Vascok?

Hona hemen erantzuna: Diario Vascoren editorialaren ustetan, «Necesita demostrar que continúa como “agente político”», «la pretensión que tiene de continuar tutelando la evolución de la izquierda abertzale se está convirtiendo» —arreta jarri hemen – «en la mayor amenaza que puede representar para la democracia y las libertades». Zentzugabekeriak aparte (ia inork kontsideraziotan hartzen ez duten hitzek, bihurtzen dira askatasunerako mehatxurik handiena!!!) kuriosoa da salatzea esker abertzalearen tutela, hitzez, egin nahi izatea. Zer deabru izkutua konjuratu nahi du Diario Vascok?

Bi deabru izkutuak ditu: a) Diario Vascok gatazkaren garaia amaitu nahi du «derrota absoluto y sin misericordia» batekin, bainan ez da horrelakorik ematen, bainan horrelakoa nahi du. Eta horretarako erabakitzeko ahalmena ere kendu nahi dio ETAri: borroka armatuaren desagerpena ez da izan beraren kabuz hartutako erabakia, baizik eta «Estado de Derecho»-k lortu duen derrota. Duela bost urte lortu zuen garaipena, edo duela bost urte ETAk erabaki zuen uztea? b) Mehatxu bat ikusten du Diario Vascok ETAren hitzetan eta esker abertzalea tutelatzeko duen asmoan. Tutelajea. Hori da arazoa eta arriskua. Zeinentzat, esker abertalearentzat, libertadearentzat, demokraziarenarentzat. Edo hemen arrisku ez, errealitate gordina baizik daukagu, tutelajearen mehatxua. Noren tutelajearen pean handitu zen, eta Gipuzkoako osoko eritzi publikoa eratzeko monopolioa izan zuen Diario Vascok? Agian, ez al zuen izan Frankismoaren tutelajea, franquista hutsa zelako? Eta ondorengo Estado de Derecho hau, 1978ko Monarkia Parlamentaria hau, 78 Erregimen hau, ez al zen sortu eta ez al da mantendu, eta horrekin batera Diario Vasco bera, Frankismoaren indar ekonomiko-militar-juridiko-erlijiosoen tutelajearen pean. Esperientzia handia du Diario Vascok tutelajeari dagokionez. Bestea seinalatuz, berea estaltzen da. Bai. Editorial honen hitzak salatzen du Diario Vasco.

Naiz-en argitaratua

Berriak

Irailaren 25ean ere egin dezagun herri

Ander Rodriguez – Alternatibako kide eta EH Bilduko Gipuzkoako zerrendakidea

Arnaldoren inhabilitazioarekin tokatu zaigu hauteskundeak hastea.

Gure herria iraganeko parametroetan mantentzeko asmoz ezarritako inposizioa. Inposizio bat gehiago beste askoren artean, eta ez da azkena izango herri bezala erantzuten ez dugun bitartean. 

EH Bildun argi daukagu hurrengo legealdia erabakiarena izan behar dela. Hemen bizi eta lan egiten dugunon artean adostu eta erabaki behar dugu etorkizuna, eta, horregatik, akordio zabalerako eskaintza luzatu diegu EAJ eta Ahal Dugu alderdiei, euskal gehiengo sindikalari eta eragile sozialei. 

Akordioa murrizketa sozialak desagertzeko, oinarrizko eskubideak bermatuak izan daitezen.

Akordioa burujabetza berreskuratzeko. Bizitza duina nahi badugu eskumen guztiak gureganatu behar ditugu, erabakitzeko eskubidearen bitartez.

Akordioa justizian oinarritutako bakea eskuratzeko. Gatazkak utzitako ondorio guztiak gainditzea gure esku dago.

Euskal Herriak behar dituen bermeak ez zaizkigu Madriletik etorriko, eta ezta Madrilekin adostuko ere, azken urteotako esperientziak erakusten digun bezala. Adostasunak hemen lortu behar ditugu, gure etorkizuna beste batzuen eskuetan utzi gabe. Hemen bai dago aukera akordio zabal eta eraginkorrak erdiesteko, eta EH Bildu prest dago horretarako.

Prest dago bertako eragile politiko, sindikal, ekonomiko eta sozialekin bide-orri bat adosteko. Prest ere herritarren babesa jaso dezan kontsulta bat antolatzeko. Prest ere, demokrazia printzipioari jarraiki, bide-orria Madrilera eraman eta berorren aplikazioa negoziatzeko, betiere, eta Madrileko balizko ezetzaren aurrean, lehenik bertakoen artean bide-orriaren aplikazioa adosten badugu.

EH Bilduk argi dauka bidea, mugarri bakarra euskal herritarren borondatea izanik, baina horretarako herritarren babesa behar dugu, zure babesa ezinbestekoa zaigu.

Goiena-n argitaratua

Berriak

Errepideeen gastua noren kontu?

Jon Albizu – Alternatiba

Azken hilabeteetan izan dugu maiz mahai gainean euskal errepideetako bidesarien inguruko eztabaida. Gai honi buruzko hausnarketetan askok erabili izan duten ardatza honakoa izan ohi da: ikuspuntu ekologista batetik bidesariak egokiak dira (“kutsatzen duenak ordaindu behar” ideia) baina sozialetik ez. Azken ikuspuntu hau, baina, ondo hausnartzekoa da, izan ere, bidesaririk ez egoteak ez du esan nahi inondik inora errepide horiek ordaintzen ez direnik, baizik eta nola eta nork ordaintzen dituen da gai honen koska.

Lehenik eta behin, gai hau aztertzean kontuan hartu beharreko gaia errepideen (berriak egitearen zein mantentzearen) kostua aztertzea da. Supersur delakoa arazo honen isla da, superzor hori bizkaitarron lepo ordaintzen ari baita, bizkaitar guztien zergekin eta bidesariak ordaintzen dituztenen sosekin. Beraz, azpiegitura hauen kostuaren banaketarekin batera, azpiegitura hauen kostua aztertu beharko genuke, eta zenbateko pisua duten edota eduki beharko luketen Hegoaldeko lau foru erakundeetan.

Hori argituta, errepide gastuak eta beste gastuek izango duten kostua nola banatuko den aztertu beharko litzateke. Berriz esango dut, errepideak doan izan beharko luketela esaten denean, geure buruari (ala besteei) ziria sartzen ari gatzaizkio. Errepideetan zehar zirkulatzea doan izateak adierazi nahi duena zera da, gastu hori denon artean ordainduko dela, errepideak (zenbatetan) erabili axola gabe. Alde ona zera da, bakoitzak ahal duenaren arabera ordaintzen duela (baldin eta benetako fiskalitate progresiboagoa bagenu), baina egokia al da horrela ordaintzea?

Bidesarien aurka dauden askok kopagoaren aurkako jarrera ageri dute. Neuk ere badut, baina kezkagarria iruditzen zait gure haurren hezkuntzan, geure zaharren edota etxez etxeko laguntza behar dutenen laguntzan edota behar ditugun sendagaietan kopago tasa batzuk onartuak ditugularik… autoz ibiltzea izatea jende askok kopagoa onartzen ez duen arloa. Foru Aldundien kasuan adibidez, badirudi zahar etxe batean dagoenak edo etxez etxeko laguntza behar duenak kopago zatia izatea zilegi dela; baina, antza, errepideetan ez. Bada, nire ustez lehentasun handiagoa luke ongizatean (edota hezkuntzan eta osasunean) dauden kopagoak murrizteko aukerak aztertzea, bidesarietan egitea baino. Hori lorturik, prest aztertzeko fiskalitate progresiboago bati esker ala beste gastu batzuk murriztuaz aukera dugun eta egoki den errepideak gastu publiko hutsez finantzatzea.

Eskenatoki utopiko (hots, urrun) horretan ere, nire ustez bidesariak beharrezko izango dira bi ikuspuntu direla eta. Bata, ezin zaio berdin atera errepidea autoa erabiltzen duenari eta ez duenari; edo garraio kolektiboan doanari. Bi, bidesariak dira zerga bidez errepide baten finantziazioan parte hartzen ez dutenek euren ekarpena egiteko aukera bakarra. Hau da, herrialde bateko biztanleok errepide hori ordaintzen bakarrak izan ez gaitezen bide bakarra, errepide horiek baliatzen dituzten besteei ordaintzeko bidea bidesariak dira. Ez jartzea, herrialdekoen teilatura harrika aritzea da, beste herrialdeetara joatean beraien errepideak finantzatzen baititugu autoz bagoaz, eta gureak, ordea, geure lepo ordainduko genituzke.

Noski, horrek ez du esan nahi gure gaur egungo bidesari eredua bidegabea ez denik eta aldatu behar ez denik. Gutxi batzuek (A-8ko erabiltzaileek batez ere Bizkaia eta Gipuzkoan) ordaindu behar izatea kopago zati hori ez da bidegabea. Baina, noski, autoa erabiltzen ez dugunoi leporatzea are gutxiago. Eta geure errepideetatik ibiltzen diren ez bertokoak ordaintzetik at uztea geure teilatuari harrika egitea da. Beraz, nire ustez lehen kontua honi guztiari ikuspegi globala ematea da, hauen antzeko galderak kontuan hartuta: zenbateko pisua izango du errepideen gastuak geure aurrekontuetan? nola banatuko dugu? zein zerbitzu dira funtsezkoago eta kopago maila baxuagoekin denon eskuragarri bermatuko beharko liratekeenak? zer nolako fiskalitatea bultzatu behar dugu zerbitzu publikoak denon eskuragarri izateko? errepideen finantziazioan zenbat ordaindu behar du erabiltzen ez duenak, zenbat erabiltzen duen zerga ordaintzaileak eta zenbat bertakoa ez denak?

Berriak

Altenatibak duela hogei urte parekidetasuna gauzatzea erabaki zuten Alarde parekideko emakumeen ausardia txalotu du

Maiatzean 20 urte bete ziren Bidasoaldeko Emakumeak elkartetik Irungo Udalari eskatu ziotenetik Alardean emakumeen parte-hartzea galarazten zuen araudia aldatzeko.

Biharko Alardean, beraz, bi hamarkada beteko dira emakumeen parekidetasunaren aldarrikapena, ordura arte “modu ezkutuan” parte hartzen zuten askok, mahai gainean jarri zutenetik. Une horretan ahotsa hartu zuen eskaerak eta erakundeetara heldu zen. Alternatibako bozeramaile Alba Fatuartek, irundarra eta alarde parekideko kideak, urtemuga baliatu nahi izan du “emakume horien adorea eta ausardia txalotzeko”, bere senideetako batzuk daude tartean, “berdintasuna egikaritu zutelako beren hiriko jaietan modu parekidean aritzea erabaki zutenean. Bide ofizialek porrot egin ostean, ez zuten bestelako baimenik itxaron eta, Rosa Parks-en modura, erakutsi zuten errealitate bidegabeei desobeditzea dela gauzak aldatzeko modurik onena”.

Ohiturek, Fatuartek azpimarratu duenez, “inoiz ez dute justifikatuko herritarren parte bat, erdia, baztertzea; eta oinarrizko eskubideak defendatzeko orduan ezin dira salbuespenik onartu”. Hala, gaitzetsi egin du PNV eta PSOE bezalako alderdiek erakusten duten jarrera, “Gasteizko legebiltzarrean gauza bat esan, eta Irunen eta Hondarribian beste bat egiten dutelako, botorik ez galtzeko”.

Edonola ere, Alternatibako bozeramaileak nabarmendu nahi izan du “gero eta gehiago” direla Irungo Alarde parekidean desfilatzen dutenak, eta Hondarrbian Jaizkibelekin bat egiten duen herritarren kopurua.

Berdintasun Legea betetzea, alabaina “ezin da atzeratu, eta horregatik ezinbestekoa da Irungo alkateak alarde publikoari harrera egitea, eta ez, orain arte bezala, honi bizkarra ematea alarde baztertzaile eta pribatuari udaletxeko balkoitik harrera egiten dion bitartean”. Izan ere, Fatuartek gaineratu duenez, “gizarte patriarkal honek garrantzirik gabekoak diruditen milaka desberdintasun egoera sustatzen ditu, alardeetan ematen dena askori irudituko zaionaren modukoak, baina egiturazko desberdintasunak nagusi diren sistema beraren parte dira; besteak beste, gizonezkoen eta emakumezkoen arteko soldaten alde ikaragarria, zaintza lanetarako kondenak zein lan ikusezinen morroi izatea kasu. Edota aurpegi gordinena erakusten duen indarkeria matxistarena”.

Alternatiba, urtero bezala, Irunen izango da bihar Alarde publikoa babesteko. Bertan izango da alderdiaren ordezkaritza bat, Ander Rodriguez buru izango duena, Alternatibako kide eta Gipuzkoako Politika Sozialeko diputatu ohia.

Berriak

Jon Albizu: “Ustezko delitu larrien aurrean, Gipuzkoako Foru Gobernuak izan duen jarrera iluna onartezina da”

Gipuzkoako Foru Gobernuaren gardentasun falta agerian geratu da gaur Pasaiako lonjako obretan izandako irregulartasunei buruzko batzordean. Marisol Garmendia diputatuak eman dituen azalpenak urriak izan dira, ez baitu argitu zergatik isildu zituen lanen desbideratzeak, ezta zergatik bozkatu zuen gaia Fiskaltzara eramatearen kontra. Era berean, Portuko Agintaritzako presidente Ricardo Peñaren agerraldia oso kezkagarria izan da. Aitortu du 2014ean jabetu zela irregulartasunez, 2015eko abendura arte Administrazio Kontseilua jakinaren gainean jarri ez zuen arren. Gainera, Agintaritzako arduradun politiko nagusia izan arren, ez du erantzukizunik hartu bere gain. 

EH Bilduren ustez, “ziurtasunak baino, zalantza gehiago utzi dituzte Garmendiak eta Peñak”. Horregatik, koalizioak iragarri du ekimen gehiago jarriko dituela abian auzia argitzeko. Besteak beste, zuzendari ohiaren agerraldia eskatu du Batzar Nagusietan eta idatzizko eskaera aurkeztu du Diputazioak gai honen inguruan dituen txosten juridiko guztiak eskuratzeko.

Garmendia eta Peña Batzar Nagusietako Lurralde Antolaketako batzordean izan dira gaur, EH Bilduk eskatuta, Pasaiako obretan agertutako irregulartasunei buruzko azalpenak emateko. Jon Albizu Alternatibako kide eta EH Bildu Gipuzkoako batzarkidearen esanetan, egoera oso larria eta kezkagarria da, Fiskaltzak salaketa jarri du epailearen aurrean eta sei delituren zantzu aipatu ditu: prebarikatzea, diru publikoa oker erabiltzea, agiriak faltsutzea, iruzur egitea, eroskerian aritzea eta ordainarazpen ilegalak egitea. Gainera, zazpi milioiko gainkostua daramate Pasaiako portuko lonjako obrek, aurrekontuan zehaztutako gastua baino %46 handiagoa.

Ustezko delitu larri horien aurrean, Foru Gobernuak izan duen jarrera iluna;onartezina dela adierazi du Albizuk. Erakunde publiko batean delitu zantzuak antzeman bezain pronto, informazio guztia herritarren, alderdi politikoen eta epaitegien esku jarri behar da. Garmendia diputatuak, aldiz, irregulartasunak zeudela abenduan jakin zuela aitortu duen arren, hilabete hauetan isildu egin da. Eta ez hori bakarrik, informazioa Fiskaltzara eramatearen kontra bozkatu zuen. Gaur ezin izan du bere pasibotasuna eta bere opakotasuna esplikatu, bere azalpenak eskasak izan dira eta bere gardentasun falta agerian geratu da.  Ricardo Peñaren agerraldia, era berean, oso kezkagarria izan da. Aurrekonturik eta kontraturik gabeko obrak eta baimendu gabeko gastuak egin direla aitortu du. Hala eta guztiz ere, ez du inongo erantzukizunik hartu bere gain, Agintaritzako kargu politiko nagusia izan arren.

EH Bildu Gipuzkoa

Berriak

Ordenagailua, ezinbesteko lagun

Hector Prieto Alternatibako kide eta Aretxabaletako EH Bilduko zinegotziarekin erreportajea egin du Goiena aldizkariak. Bere borrokaren berri ematen digu, besteak beste, Mirari Altube kazetariaren artikuluak.

Ahots barik geratu zen iaz Hector Prieto (Aretxabaleta, 1983). Baina horrek ez du isildu, ez horixe. Ordenagailu baten laguntzarekin zinegotzi lanean jarraitzen du, sare sozialetan gogotsu dihardu eta historia kontuen gaineko hainbat proiektu ditu buruan.

Muskuluetako gaitz degeneratiboa du Prietok, eta urte asko daramatza gurpildun aulkian. Eskuak mugitu barik ere aise idatzi du ordenagailuan oraintsu arte, ahotsak lagunduta. Gaitzak, baina, aurrera jarraitzen du eta iaz ahots barik geratu zen. “Hilabete gogorrak pasatu nituen, baina lanerako gertu itzuli naiz”. Asko du esateko eta besteekin partekatzeko eta horretan lagunduko dion ordenagailua jarri diote: “Ohiko tableta da, baina arratoia begiekin mugi dezaket. Gainera, idatzitakoari ahotsa jartzen dion programa dut”.

Teknologi baliabideei oso eskertuta dago: “Elbarritasunak ditugunondako mundura zabaldutako leiho bat dira”. Horrez gain etxekoen babes handia du: “Horiek barik ezinezkoa zatekeen egin dudan guztia, euren bultzada ezinbestekoa dut une txarretan”, eta batez ere ama nabarmendu du: “Nire bizitzaren zati handi bat da, beti alboan; ama benetan kementsua”.

Blog bi eta historia kontuak

Iazko ekainetik da zinegotzi Prieto: “Aitak, gaztetan, sindikatuen inguruan jardun zuen eta horren eraginez edo nik beti izan dut kontzientzia soziala. Zinegotzi izan zen Tomas Fernandezek proposatu zidan 2011n Bilduren zerrendan joateko eta baietza ematearekin batera Alternatiban afiliatu nintzen”. Gizarte Zerbitzuak beste aldetik ezagutzen ditu eta esperientzia hori eroan gura izan du udaletxera: “Etxerik etxeko laguntza hobetu gurako nuke batez ere; erabiltzaileen eta laguntzaileen egoera. Ondo ordaindu gabeko lana dela kontura gaitezen gurako nuke, batez ere emakumeek egindakoa”, dio eta gaineratu du: “Borondate politikoa behar da etxerik etxeko zerbitzua egoitzen alternatibatzat hartzeko”.

Zinegotzi lana bateratzen du idaztearekin: “Oso gustuko dut, eta une gogorretan asko lagundu izan dit”. Sare sozialetan ere ibiltzen da, batez ere Facebooken, eta bi blog ditu: “Lehengo Rinconcito de los Sueños orain Atxabalta Redvolution bihurtu dut eta hor nabil. UDAko kontuak jasotzen ditudan Pasion Celeste, ostera, geldi daukat. Datorren denboraldian helduko diot berriro, futbolzale asko ditut horren zain eta”. Historia ikasketak ditu eta buruan badu proiektutxoren bat: “Hainbat dokumentu jasotzen bukatu berri dut eta aurrerago helduko diet”.

Aurten 33 urte beteko ditu Aretxabaletako gazteak. Etorkizunera begira egon beharrean egunean egunekoa bizi du: “Che Guevarak zioen esaldi bat dut oso gustuko: “Bizitza honetan aire-ahokada bakoitzeko egin behar da borrokan”. Asma zuelako asko sufritu zuen hark, baina ez zuen sekula amore eman”.

Goiena

Berriak

Urrea: “Irainak eta erasoak pairatu dituzte, eta erakundeek baztertu nahi izan dituzte; baina borrokan jarraitu dute alardeetan”

“Berez, zertxobait motz geratzen den arren gaur onartutakoa, egia da tunelaren amaieran argia ikusteko balio ahal duela, eta alardeetako jaiak berdintasun baldintzetan egiteko urratsa dela”. Hitz horiek bota ditu gaur Diana Urreak, Alternatibako kide eta EH Bilduren legebiltzarkideak, Gasteizko Legebiltzarrean aho batez koalizioaren bi ekimen onartu ondoren. “Nahi dugu akordio hau beste maila instituzionaletara eta sozialetara ere hedatzea, hala nola, alardeak kudeatzen dituzten erakundeetara heltzea. Garrantzia eman nahi diogu gaur hemen lortutako adostasunari, maila parlamentario eta politikoan bultzada garrantzitsua eta esanguratsua direlako alarde parekideentzat”, esan du legebiltzarkidea. 

Hala, EH Bilduk aurkeztutako jai parekideen eta alardeen inguruko bi legez besteko proposamen onartu ditu gaur Gasteizko legebiltzarrak. Bietan EAJrekin sinatu du koalizioak erdibide testu bat, eta aho batez onartu dituzte taldeek. Lehenengoan, “alarde parekidearekiko errespetu eta begirune faltak baztertzea” eskatu da, “espresio guztientzako errespetua eta begirunea garatzeko”. Eta bigarrenean, dei egiten zaie alardeetan inplikatuak dauden erakunde zein gizarte eragileei, “elkarrizketarako bide ireki dezaten eta konponbidea lortzeko asmoa, 4/2005 Berdintasun Legeak agintzen duen bezala”. 

Urrea legebiltzarkideak zoriondu nahi izan ditu “hainbeste urtean euren eskubideak aldarrikatzen aritu diren pertsona guztiei, bereziki emakumeei”. “Eskertzekoa da egin duten lana, jaiak modu parekidean bizitzearen alde”. “Irainak, erasoak pairatu dituzte, eta sarriegi erakundeek baztertu nahi izan dituzte; baina hala ere, borrokan jarraitu dute”. “Bagoaz urratsak ematen, pixkanaka bada ere, logikoa eta justua den hori lortzeko bidean. Izan ere, logikoa eta justua da aldarrikatzea jaiak eta alardeak baldintza duinetan eta modu parekidean bizi ahal izatea”, gaineratu du Urreak. 

“Hala, espero dugu gaur onartu diren bi ebazpen garrantzitsuek isla izatea Irun eta Hondarribiko udalek alarde parekideei egiten dioten harreran”, bukatu du legebiltzarkideak.

EH Bildu

“Berez, zertxobait motz geratzen den arren gaur onartutakoa, egia da tunelaren amaieran argia ikusteko balio ahal duela, eta alardeetako jaiak berdintasun baldintzetan egiteko urratsa dela”. Hitz horiek bota ditu gaur Diana Urreak, EH Bilduren legebiltzarkideak, Gasteizko Legebiltzarrean aho batez koalizioaren bi ekimen onartu ondoren. “Nahi dugu akordio hau beste maila instituzionaletara eta sozialetara ere hedatzea, hala nola, alardeak kudeatzen dituzten erakundeetara heltzea. Garrantzia eman nahi diogu gaur hemen lortutako adostasunari, maila parlamentario eta politikoan bultzada garrantzitsua eta esanguratsua direlako alarde parekideentzat”, esan du legebiltzarkidea.

Hala, EH Bilduk aurkeztutako jai parekideen eta alardeen inguruko bi legez besteko proposamen onartu ditu gaur Gasteizko legebiltzarrak. Bietan EAJrekin sinatu du koalizioak erdibide testu bat, eta aho batez onartu dituzte taldeek. Lehenengoan, “alarde parekidearekiko errespetu eta begirune faltak baztertzea” eskatu da, “espresio guztientzako errespetua eta begirunea garatzeko”. Eta bigarrenean, dei egiten zaie alardeetan inplikatuak dauden erakunde zein gizarte eragileei, “elkarrizketarako bide ireki dezaten eta konponbidea lortzeko asmoa, 4/2005 Berdintasun Legeak agintzen duen bezala”.

Urrea legebiltzarkideak zoriondu nahi izan ditu “hainbeste urtean euren eskubideak aldarrikatzen aritu diren pertsona guztiei, bereziki emakumeei”. “Eskertzekoa da egin duten lana, jaiak modu parekidean bizitzearen alde”. “Irainak, erasoak pairatu dituzte, eta sarriegi erakundeek baztertu nahi izan dituzte; baina hala ere, borrokan jarraitu dute”. “Bagoaz urratsak ematen, pixkanaka bada ere, logikoa eta justua den hori lortzeko bidean. Izan ere, logikoa eta justua da aldarrikatzea jaiak eta alardeak baldintza duinetan eta modu parekidean bizi ahal izatea”, gaineratu du Urreak.

“Hala, espero dugu gaur onartu diren bi ebazpen garrantzitsuek isla izatea Irun eta Hondarribiko udalek alarde parekideei egiten dioten harreran”, bukatu du legebiltzarkideak.

– See more at: http://ehbildu.eus/eu/instituzioak/gasteizko-legebiltzarra/9529-alarde-parekideetan-berdintasunean-urratsak-emateko-adierazpen-garrantzitsua-egin-du-gasteizko-legebiltzarrak-eh-bilduren-ekimenez#sthash.VtsKFz8t.dpuf

“Berez, zertxobait motz geratzen den arren gaur onartutakoa, egia da tunelaren amaieran argia ikusteko balio ahal duela, eta alardeetako jaiak berdintasun baldintzetan egiteko urratsa dela”. Hitz horiek bota ditu gaur Diana Urreak, EH Bilduren legebiltzarkideak, Gasteizko Legebiltzarrean aho batez koalizioaren bi ekimen onartu ondoren. “Nahi dugu akordio hau beste maila instituzionaletara eta sozialetara ere hedatzea, hala nola, alardeak kudeatzen dituzten erakundeetara heltzea. Garrantzia eman nahi diogu gaur hemen lortutako adostasunari, maila parlamentario eta politikoan bultzada garrantzitsua eta esanguratsua direlako alarde parekideentzat”, esan du legebiltzarkidea.

Hala, EH Bilduk aurkeztutako jai parekideen eta alardeen inguruko bi legez besteko proposamen onartu ditu gaur Gasteizko legebiltzarrak. Bietan EAJrekin sinatu du koalizioak erdibide testu bat, eta aho batez onartu dituzte taldeek. Lehenengoan, “alarde parekidearekiko errespetu eta begirune faltak baztertzea” eskatu da, “espresio guztientzako errespetua eta begirunea garatzeko”. Eta bigarrenean, dei egiten zaie alardeetan inplikatuak dauden erakunde zein gizarte eragileei, “elkarrizketarako bide ireki dezaten eta konponbidea lortzeko asmoa, 4/2005 Berdintasun Legeak agintzen duen bezala”.

Urrea legebiltzarkideak zoriondu nahi izan ditu “hainbeste urtean euren eskubideak aldarrikatzen aritu diren pertsona guztiei, bereziki emakumeei”. “Eskertzekoa da egin duten lana, jaiak modu parekidean bizitzearen alde”. “Irainak, erasoak pairatu dituzte, eta sarriegi erakundeek baztertu nahi izan dituzte; baina hala ere, borrokan jarraitu dute”. “Bagoaz urratsak ematen, pixkanaka bada ere, logikoa eta justua den hori lortzeko bidean. Izan ere, logikoa eta justua da aldarrikatzea jaiak eta alardeak baldintza duinetan eta modu parekidean bizi ahal izatea”, gaineratu du Urreak.

“Hala, espero dugu gaur onartu diren bi ebazpen garrantzitsuek isla izatea Irun eta Hondarribiko udalek alarde parekideei egiten dioten harreran”, bukatu du legebiltzarkideak.

– See more at: http://ehbildu.eus/eu/instituzioak/gasteizko-legebiltzarra/9529-alarde-parekideetan-berdintasunean-urratsak-emateko-adierazpen-garrantzitsua-egin-du-gasteizko-legebiltzarrak-eh-bilduren-ekimenez#sthash.VtsKFz8t.dpuf

Berriak

Ander Rodriguez: “Begira ezazu behera, esaten zaio jendeari. Ez begiratu gora; beheko horiek dira zuen arazoen motiboa”

Diru sarrerak bermatzeko laguntzaren (AGI delakoa) inguruko erreportaje batean, Alternatibako kide eta Gipuzkoako Politika Sozialeko diputatu ohi Ander Rodriguez elkarrizketatu du BERRIAko kazetari Arantxa Iraolak. Hona hemen laguntzaren sorrerari dagokion zatia.

2012. urteko uztailean hartu zuen orduko foru aldundiak (EH Bildurena zen gobernua) diru sarrerak bermatzeko laguntza ezartzeko erabakia. Ondo gogoan du garai hartako Gizarte Politikako diputatu Ander Rodriguezek zerk bultzatu zituen; PSE-EEren gidaritzapean Jaurlaritzak diru sarrerak bermatzeko errenta lortzeko baldintzak zorroztu egin zituen (urtebetez erroldatuta egon beharrean eskea egiteko hiru urteko muga jarri zuen), eta horri erantzun nahi izan zioten. «Diru sarrerak bermatzeko errentak hasiera batean zituen baldintzak betetzea izan zen helburua, ez besterik; murrizketen aurreko egoerara itzultzea», azaldu du. «Kalkulu jakin bat egin genuen, eta, gure iritziz, bete da».

Guztiz arbuiatzen ditu, beraz, erakartze efektuari buruz esandakoak. «Erakartze efektuarena debate interesatu bat da; arazoa Gizarte Politikako Sailaren defizita da. Erabat arduragabea da tankera horretako sail batean ari den pertsona batek horrelako mezuak ematea», salatu du. «Beldurraren diskurtsoak emaitza ematen die politikari askori, eta hautu hori egin dute; pobreen arteko borroka besterik ez da lortu nahi. ‘Begira ezazu behera’, esaten zaio jendeari. ‘Ez begiratu gora; beheko horiek dira zuen arazoen motiboa’. Logika deabruzko bat dago horren atzean». Aldundiak berak emandako datuetan oinarritzen du bere hitzen funtsa Rodriguezek. Hain justu, diputazioaren txostenak berak onartzen du «egonkortuta» dagoela laguntza jasotzen dutenen kopurua; hasieran izan zuen gorakadaren ostean, ez da hazi.

Laguntzak ustez eragindako «eragozpenen» inguruko kritikei ere erantzun nahi die diputatu ohiak. «Izan ere, laguntza horren helburua oso oinarrizkoa da, diru pobreziari aurre egitea: jendeak jatea, kito. Bibliak esaten duen horixe; gose denari jaten ematea, besterik ez», oroitarazi du. Eta laguntza hori Gipuzkoan bakarrik ematen delako herrialdea «uharte» bat dela esatea ere ez da bidezkoa Rodriguezentzat. «Mendekotasunerako laguntzei begira ere, horien interpretazio eta prozeduretan uharte bat da Gipuzkoa. Horregatik zer egingo dituzte, kendu? Kontra egin? Ez, jakina. Astakeria bat litzateke…».

Era horretako gizarte laguntzen inguruan egon daitezkeen ikuskerak ez direla inoiz etorkinen inguruko zurrumurruak hauspotzeko erabili behar oroitarazi du Aierbek. «Aztertu behar da zer gertatzen den, eta erabili behar dira tresnak konpontzeko». Eta «etorkinentzako laguntzak» saihestu, eta gizarte osoaren onuran jartzen du xedea: premian dauden guztien abaroan. «Egoera horien aurrean, ezin da begiratu beste alde batera».

Gipuzkoako Caritasek ere ez du begi onez hartu du diputazioaren erabakia. Atzo ohar bat atera zuen horren berri emateko. Laguntzaren «planteamenduan eta metodologian» aldaketak egitea egokia izan daitekeen arren, laguntza kentzeak jende asko egoera arras zailean lagako duela ohartarazi du: «Pobreziatik babestu egiten ditu hainbat pertsona eta familia; egunerokoan bizi ahal izateko laguntza behar duten pertsonak dira». Laguntza ematearekin batera, gizarteratzen laguntzeko hainbat neurri eman behar direla esan du.

Berriak

Alternatiba | Ezkerra eraldatzearen erronka

X