Etiketa: Gizartea

Etxerik gabeko pertsonentzako aterpeari dagokion berririk ez Ezkerraldean

Duela urtebete Ezkerraldeko EH Bilduko hautetsi eta kideek gaua kalean eman zuten, aterpetxe baten beharra agerian uzteko. Gaur egun egoerak berdin jarraitzen du, eta horregatik gaur ere gaua kalean pasako dugu.

Santurtzin eta Sestaon EAJ-k egindako hitzarmenak ez dira martxan jarri, Portugaleten, PSEk ezetza eman zio proposamenari eta alternatibarik ez du eskaini eta Barakaldon bestalde, PSE-k etxerik gabeko pertsonen arazoa neguko hilabeteetan adabaki txiki batekin konpontzen dela sinestarazten tematuta dago

Duela gutxi, lan-mahai bateko abiaratzea bultzatzea eskatu diegu lau herrietako alkateei. Lau udaletxeek eta beraien alkateek, alderdi politkoek eta arlo honetan lan egiten duten elkarteek osatutako mahaia proposatu diegu, informazioa elkartrukatzeko eta gure herrien kaleetan bizi den drama honi irtenbideak bilatzeko helburuarekin. Ez dugu erantzunik jaso, PNVk eta PSEk ez dute arazo honi irtenbidea aurkitu nahi.

EHBildu Bizkaia

https://pbs.twimg.com/media/B5P_qL4CYAM5wgQ.jpg

https://pbs.twimg.com/media/B5OKgdaCUAAsTIt.jpg

https://pbs.twimg.com/media/B5OKgdeCYAAK9gg.jpg

https://pbs.twimg.com/media/B5PnhB8CUAAhlkb.jpg:large

Berriak

Auzitegien ebazpenaren ostean EAJri eskatu diogu jarrera aldatzeko eta ez dezala Bilbo bihurtu askatasun erlijiosoa urratzen duen lehen euskal udalerria

Ana Etxarte Alternatibako kide eta Bilboko EHBilduren zinegotziak adierazi du “nahiko kezkagarria” dela herritarrak epaitegietara jo beharra beraien oinarrizko eskubideak errespetatu daitezen.

Atzo ezagutu genuen Euskal Herriko Auzitegi Nagusiak baliogabetu zuela kultu zentroen irekiera oztopatzeko ezarritako mugak zehazten zituen HAPOaren aldaketa, forma arrazoiak zirela eta, hau da, prozedura ez jarraitzearen ondorioz. Ebazpenaren ondoren EH Bilduk gobernu batzordeari eskatu dio jarrera aldatzeko eta ez dezala Bilbo bihurtu askatasun erlijiosoa urratzen duen Euskal Herriko lehen udalerria.

Ana Etxarte zinegotziak, gai honen jatorria eskubide bati muga jartzea, hau da, askatasun erlijiosoa mugatzeko saiakera izan zela gogoratzeaz gain, azpimarratu du “nahiko kezkagarria” dela herritarrak epaitegietara jo beharra beraien oinarrizko eskubideak errespetatu daitezen “eta, hori dela eta, udalari eskatzen diogu bere jarrera berehala alda dezala”.

EH Bilduko zinegotziak azpimarratu du EHANren ebazpenak agerian uzten duela EAJren parte hartze eredua. Etxartek gogoratu du Deustuko kanalaren aferan ere parte hartze eskubidea ez bermatzearen ondorioz antzeko epai bat egon zela. “Orduan, orain bezala, epaia forma kontuetan sartzen zen soilik eta ez zuen fondoan gaineko iritzirik eman, baina bizilagunen presioari esker udalak azkenean gaiaren muinari eutsi eta hasierako proposamena aldatzea erabaki zuen bizilagunekin hitz egin eta gero. Orain gauza bera egitea eskatzen diogu udalari.

Etxartek gogoratu du HAPOaren aldaketa hau bultzatzeko Hirigintza sailaren argudioak ez zirela gertakari objektiboak izan, “baizik eta arrazoi ideologikoetan oinarritzen zen erlijio katolikokoak ez beste baztertzeko. Hirigintza araudia aitzakia bezala erabilita, Udalak herritargoaren zati baten eskubideak mugatu nahi ditu”.

Etxartek gezurtatu du atzo Eduardo Maiz Hirigintza zinegotziak egindako adierazpenak non esaten zuen EHANren ebazpenak arrazoia ematen diola Udalari. “Ebazpena ez da gaiaren mamian sartzen, ez ditu salatzailearen argudioak aztertzen, eta forma akats honek prozesu guztia bertan behera uzten du”, adierazi du zinegotziak.

EH Bilduk azpimarratu du ebazpen honek agerian uzten duela Udalak bizkarra ematen diola herritargoari eta egin eta desegiten duela legeak ezartzen dituen parte hartze prozedurak errespetatu gabe.

Hori dela eta, Etxarte zinegotziak Udal gobernu batzordeari eskatu dio jarrera aldatzeko, behingoagatik herritarron mesedetara gobernatzeko eta ez dezala Bilbo bihurtu askatasun erlijiosoa urratzen duen Euskal Herriko lehen udalerria.

EHBildu Bilbo

Berriak

EAJri eskatzen diogu jardun publikotik ken ditzatela ikerketa judizial baten menpe dauden kideak

Bizkaiko EHBilduk agerraldia egin du gaur, Alternatibako kide eta Bizkaiko legebiltzarkide Asier Vega eta Maribi Ugarteburu legebiltzarkidea hizlari izan direla, Alonsotegin izan diren irregulartasunak direla medio, EAJri mugimendi zehatzak eskatuta.

EH Bildu milaka herritarron babesa jaso zuen programa oso argiarekin hasi zen Bizkaiko Batzar Nagusi eta Udaletan; ezkerreko planteamenduaz baliatuta eta justizia sozialean oinarrituz eredu sozioekonomiko honi buelta emateko helburuarekin. Beti ere, parte-hartzearen eta gardentasunaren bitartez gure herria, Euskal Herria, oinarri hartuta. Kudeatzen ditugun instituzio horietan ateak eta leihoak ireki ditugu, eta oposizioan ere, modu fiskalizatzaile batean lan politiko-instituzional horretan aritu gara, gure betebeharra herritarron esku instituzio gardenak jartzea izan delako eta oraindik ere badelako.

Horregatik, Alonsotegin emandako egoera salatu nahi dugu gaurkoan, Alonsotegi Eraikiz elkartearen kasuaren harira, Bizkaiko Foru Aldundiko Turismo eta Kanpo Sustapeneko zuzendari Gabino Martinez de Arenazari eta beste zazpi pertsonari, Alonsotegiko alkate ohi Aitor Santiesteban barne, ustezko delitu penalak egotzi zaizkienean. Biak EAJko kideak.

Gaur, astelehenean gure batzarkide taldeak aurreratutakoa berrestera gatoz. EAJk, behin eta berriro, esaten digu Ebrotik behera gertatzen diren ustelkeria kasu anitzak Bizkaian ematen direnekin alderaezinak direla. Tematu egiten da Bizkaian ustelkeria kasurik ez dagoela errepikatzen duenean. Hala eta guztiz ere, EAJk gobernatu dituen hainbat eta hainbat instituzioetan, herritarren interesen kalterako, interes pribatu zehatz batzuk onesten dituzten jarrerei mesede egiten zaiela ikusi dugu. Alonsotegiren kasuan, ardura penala dagoela argi dugu.

EH Bildu osatzen dugunok ez gara batere pozten Bizkaiko politikagintzan horrelako irregulartasun eta klientelismo kasuak ematen direnean. Guztiz kontrakoa. Hitzetatik eta geldotasunetik haratago, benetan gustatuko litzaiguke, beste alderdi politikoek aplikatzen omen dituzten kodigo etiko berdinak praktikan jarriko balira. Bestaldetik, EAJren ordezkari instituzionalei ez zaie ezertarako balio artxibatuak izan diren irregulartasunezko kasu hauek ezkutatzeko asmoz, diskurtso populista eta ukatzaileaz baliatzea. Gizartea, hitz goxoetan sinestetik urrun, zergadunen kontura poltsikoak betetzen dituen klase politikoaren zati handi baten gehiegikeriarekin nazkatuta dago.

Iñigo Urkullu lehendakariak berak, De Miguel ustelkeria kasuan inplikatuta zeuden EAJko buruei afiliazio karneta itzultzeko eskatu zien. Baina benetako arazoa eredua bera da. Hamarkadaz hamarkada mantendu eta oraindik mantentzen den kudeaketa eredu hau da erruduna; ustelkeria kasuen zerrenda handitzen den bitartean. Honen aurrean, Bizkaiko EAJk, ustezko errugabetasun oinarriari heldu dio eta neurririk hartu behar ez duela argi utzi du. Baina argudio honek aurrez aurreko talka egiten du gardentasunezko aitorpena jaso nahi duen edozein alderdi politikoaren kodigo etikoarekin.

EH Bilduk argi utzi du dagoeneko, aro politiko berriari begira ere, Bizkaian ezarritako opakutasunari amaiera ematera gatozela. EAJri eskatzen diogu, Urkulluk berak eskatu zuen bezala, jardun publikotik ken ditzatela ikerketa judizial baten menpe dauden kideak, are gehiago kudeaketa publiko onartezina eta balizko delitu penalak egin dituztenean. Alderdi politiko guztiak ez gara berdinak, eta EH Bilduk arduraz jokatzen jarraituko du Alonsotegikoaren moduko zein bestelako aferen aurrean; eta gainerako alderdiei berdin jokatzeko exijitzeko moduan gaude, umiltasunez, botere instituzionala herritarren zerbitzura jarrita eta ez pertsona jakin batzuen mesedetara.

PNV, Bizkaiko gobernuan dagoen alderdia den heinean, alderdi ilunei zalantza izpirik utzi behar ez dien politikagintzaren bermea izan beharko litzateke, ahaldun nagusiak aipatutako ‘maletarik’ gabekoa beraz. Ustelkeria estatu espainiarraren egiturazko elementu gisa azaleratzen den unean, EAJren jokabidea PPk egiten duenarekiko desberdina izan beharko litzateke, neurri zehatz eta irmoak hartuta.

EH Bilduk ez du politika judizializatzeko berezko asmorik. Inoiz ez dugu eramango auzitara diskurtso edo analisi politiko bat, beste batzuek gure ordezkariekin egin bezala. Egingo duguna, ordea, herritarren agindua zorrotz betetzea da, politika gardena eta garbia, inolako irregulartasunik gabekoa, egitearen agindua.

EHBildu Bizkaia

Berriak

Kontratazio eta erosketa publiko arduratsua bultzatzeko foru araua aurkeztu du EHBildu Arabak

Kontratazio eta erosketa publiko arduratsua bultzatzeko foru araua aurkeztu du gaur EH Bilduk Arabako Biltzar Nagusietan. Gipuzkoan aho betez onartu den foru arauan oinarriturik, arau horren arabera, Arabako Foru Aldundiak eta bere menpe dauden entitate guztiek egiten dituzten kontratazio publikoetan izaera sozialeko klausulak kontuan hartuko dituzte, hala nola, genero berdintasuna, kolektibo berezien lan merkaturatzea, ingurumenarekiko errespetua, kalitatezko enplegua eta hizkuntz eskubideen bermea bultzatzea.

Foru Arau honen helburuak hauek izango dira:

1. Lan merkatura sartzeko zailtasun bereziak dituzten kolektiboak laguntzea

2. Lan merkatuan gizonezkoen eta emakumezkoen artean dauden desberdintasunak ezabatzea. Berdintasuna eta familia eta lana bateratzeko neurriak bermatzen dituztela egiaztatzen duten enpresen eskaintzak lehentasuna izango dute, beraz, kontratazio publikoetan.

3. Kalitatezko enplegua sustatzea, hau da, enpresa horien langileei oinarrizko lan eskubideak errespetatuko zaizkiela eta lan baldintza duinetan eta segurtasunaz lan egingo dutela bermatzea.

4. Ingurumenarekin lotutako irizpideak. Eraginkortasun energetikoa, ahalik eta hondakin gutxien sortzea, produktu ekologikoak erabiltzea… Horri esker, ingurumena babestu eta inguruari kalte egiten ez dioten sistemak sustatzea da helburua.

5. Hizkuntzarekin lotutako irizpideak ere aintzat hartuko ditu, legeak ezartzen duen moduan, herritarren hizkuntz eskubideak modu eraginkorrean bermatzeko helburuarekin.

“Instituzioetatik berme batzuk ezarri nahi ditugu eta horrez gain, gizarte justuago bat eratzeko beharrezkoak diren irizpideak saritu nahi ditugu erosketa eta kontratazio publikoaren bidez”, laburbildu dute Luis Salgado Alternatibako kideak eta Gorka Ortiz de Guineak, EH Bilduko ordezkariak biak Arabako Biltzar Nagusietan.

EHBildu Araba

Berriak

Alternatibak hitzaldi sorta antolatu du, TTIP, AEBen eta Europaren arteko merkataritza librerako itunaren ondorio larrien inguruan

Datorren astean, urriaren 7an, Kultur Alternatibak Gorripidearen babesarekin antolatutako hitzaldi sortari hasiera emango diogu, Hego Euskal Herriko lau herrialdeetan, Europa eta Estatu Batuen arteko Merkataritza eta Inbertsiorako Itun Transatlantikoaren testuingurua eta bere ondorio larriak sakonki aztertuko dituena. “TTIP: Transnazionalen inbasioa geldiaraz dezagun” lemapean, hitzaldietan nazioarte gaietako adituen parte-hartzea izango dugu: ikerlari sozial eta Ecologistas en Accion-eko kide Tom Kucharz, ELA sindikatuko nazioarteko arduradun Laura Gonzalez de Txabarri, EHUko irakasle eta zuzenbidean doktore Juan Hernandez eta ATTAC-eko kide eta ekonomista Jose Ramon Mariño, Alternatibako bozeramaile eta EHBilduren legebiltzarkide Oskar Matuteren parte hartzearekin batera.

Bozeramailearen esanetan, “une honetan, AEBetako eta EBeko gobernuek sustatutako transnazionalen eta Europako arteko norgehiagoka baten lekuko gara. TTIP deritzon merkataritza eta inbertsiorako itun transatlantikoaren mehatxua dago mahai gainean, Europako herritarroi pobrezia, pribatizazioa, natur baliabideen galera, osasunerako arriskua eta demokraziaren okertzea ekarriko diguna”. Laburbilduz, “pertsonen eskubide eta duintasunaren kontrako eraso bortitza dela” gaineratu du.

Zentzu horretan, Alternatibatik “itun horren inguruan ikuspegi kritikoa sustatu eta haren kontra erresistentzia eraikitzeko apustua” egin nahi dugu. Guzti horregatik, beste eragile sozial, sindikal eta politiko batzuekin batera partekatuko ditugun borroka esparruetatik haratago, urriaren 11n Europako TTIParen kontrako Eguna ospatzen adibidez, alderdi ezkertiarrari lotuta dagoen elkarte kulturalak konferentzia hauek antolatu nahi izan ditu aipatutako norabide horretan aurrera egiteko. Jardunaldiak urriaren 7an, 8an, 27an eta 28an izango dira, Bilbon, Oreretan, Iruñean eta Gasteizen hurrenez hurren.

Aurretik esan bezala, hitzaldiak antolatzeko ATTAC, Ecologistas en Accion, EHUko hainbat irakasle eta eragile sozialekin kontaktuan jarri gara, ingurumenaren ikuspuntuaz gain, ikuspegi eta perspektiba desberdinetatik, soziala zein ekonomikoa, TTIParen onespenak ekarriko dituen ondorioetan sakondu ahal izateko.

Urriak 7, Bilbao, Hika Ateneo,19:00
– Tom Kucharz (Ecologistas en Acción)
– Oskar Matute (Alternatiba)

Urriak 8, Orereta, Mikelazulo, 19:00
– Tom Kucharz (Ecologistas en Acción)
– José Ramón Mariño (ATTAC)
 

Urriak 27, Iruñea, Katakrak, 19:00
– Laura Glez. de Txabarri (ELA)
– Tom Kucharz (Ecologistas en Acción)

Urriak 28, Gasteiz, Aldabe, 19:00
– Laura Glez. de Txabarri (ELA)
– Juan Hernández (EHU-UPV)
– José Ramón Mariño (ATTAC)

 

http://alternatiba.net/old-files/Cartel TTIP RGB.jpg

Berriak

Marotok beste behin ere hiri garraiorako ikasle txartelaren deskontuak hilabete atzeratu ditu

Alternatibako kide eta Gasteizko EHBilduren zinegotzi David Pinak Gasteizko alkate Marotori ikasleen garraio sari-txartelak martxan jartzeko exijitu dio, eta bide batez, bere Gobernuari laguntza gehien behar duten kolektiboak bost axola zaizkiela erakusteari uzteko eskatu dio”

PPren Gobernuak, bigarren urtez jarraian, hiri garraiorako ikasle txartelaren hobariak hilabete atzeratu ditu. Urtero bezala kurtsoa irailean hasi da, deskontuak urria arte ez direla abian jarriko egiaztatu dugu.

“Alkateari eta bere Gobernuari laguntza gehien behar duten kolektiboak zenbat bost axola zaizkiela ikusten dugu beste behin ere”, azaldu du zinegotzi eta TUVISAko kontseilaria den David Pinak. Bere gobernuaren utzikeria gorritzeko modukoa da. “Ekainean jada hobariak epean martxan jartzeaz ohartarazi genuen, aurreko ikasturtean gertatutakoa errepikatu ez zedin. Eta beste behin ere berdina egin dute”, gogoratu du. “Egoera lehen aldiz salatu genuenean, Gobernuak TUVISAri leporatu zion errua. Egun, aipatu behar da, Alfredo Iturricha zinegotzia udal garraio elkartearen lehendakariorde dugula eta beraz, PPren arabera euren zinegotzia dela honen erruduna”.

Gobernuari eskatu diogu hobariak berehala martxan jartzeko eta gai honi buruzko azalpenak emateko eskatu dugu bai Hezkuntza batzordean eta baita TUVISAko kontseiluan bertan ere.

Berriak

Ana Etxarte “EAJk saltoki ertain eta txikiak desagerpenara kondenatzen ari ditu, langileen lan baldintzak geroz eta gehiago prekarizatuz”

EHBilduk gaur goizean baloratu du, atzo Euskal Herriko Aldizkari Ofizialean agertu bezala, merkataritza ordutegiei dagokienez,  Bilbo eremu turismo handiko eremutzat jo izana. Ana Etxarte zinegotziak adierazpena gogor kritikatu du soilik merkatal kate handiei on egiten baitie, merkatu txikia “babesik gabe utzi eta desagerpenera kondenatuz, langileen baldintzak gero eta gehiago kaskartuz”.

Ezkerreko zinegotzi soberanistak, aipatutako adierazpena EAJ-k Bilbon merkatu ertain eta txikia kaltetzeko duen estrategiaren baitan kokatu du. “PPk Madriletik inposatutako merkatuaren liberalizazioaren onarpenarekin ikusi ahal izan dugu” adierazi du Etxartek.

Zentzu honetan, Etxartek salatu du Eusko Jaurlaritzak, Arantza Tapiak hain zuzen, “egiari muzin egin diola” ez baita egia “irekiera librearen aukera ahal den gehienera mugatzen duenik”.

EHBilduko zinegotziaren ustez, Gasteizko exekutiboak goian aipatutakoa benetan egin nahi izan balu, “eremu turistiko handiko eremu, auzo bakar bat, edo Guggenheimaren inguruko bizpahiru kale izendatuko lituzke. Dekretuak, zonalde bakar bat eremu turistiko handiko eremu izendatzearekin nahikoa izango litzatekeela adierazten baitu. Aldiz, bost auzo izendatu dituzte (Abando, Indautxu, Garellano, Alde Zaharra eta Deustu), hiriaren erdigune osoa hain zuzen. Honek zera adierazten du, azalera handiko merkatu, supermerkatu eta kate komertzial handientzako ordutegi askatasunari ateak irekitzea”.

Etxartek azpimarratu du Eusko Jaurlaritzak, merkatu ertain eta txikia babestetik urrun, Bilboko EAJren gogo liberalizatzaileei men egin diela, “dekretua publikatu bezain pronto Lakuari hiriko erdigune osoaren liberalizazioa onartzeko eskatu baitzion”.

“2012ko otsailaz geroztik, hau da, EAJ, PP eta PSOEk, EHBilduren oposizio bakarraz, 8 jai egunetako egutegia aurrera atera zutenez geroztik, EAJk ez du etenik izan kate komertzial handiak bultzatzeko ekimenean, Rajoyren dekretua aitzakia baino ez da, PPk bultzatutako proiektua martxan jarriko du EAJrenaren berdin berdina izanik. Hau guztia, kate handien etekinak handitzea baino ez du ekarriko” deitoratu du Etxartek.

EHBilduren zinegotziak adierazi du neurri honek merkatu txikia babesik gabe uzten duela, “desagerpenera kondenatu eta langileen eskubideak gero eta gehiago kaskartuz. Hau, ordutegien liberalizazioa aplikatu den beste eremu batzuetan gertatu da jadanik, Madril eta Valentzia kasu”.

Azkenik, Etxartek Andoni Aldekoa alkatetzako ordezkariarengana zuzendu da, “merkatu txikiaren gainean etengabe jazarpen politika ezartzen duen arren, haren konpromisoa eskatzen jarraitzen duelarik”, merkatu ertain eta txikiarekiko zein langileekiko EAJren konpromisoa zein dengaldetzeko. Non ote dago kaltetuen aterako diren auzoetako merkatuekiko konpromisoa?”.

Berriak

Hurrengo ikasturterako plangintza eta programa osatzeko partehartze prozesua martxan

EHBilduk hurrengo ikasturteari begira bere plangintza eta programa osatzeko parte hartze prozesu bat jarri du abian. Ekimen honekin herritarrei eta batez ere haien iritziari eta eguneroko politikagintzako parte-hartzeari garrantzi berezia eman nahi diogu. Horregatik, parte-hartze prozesu irekia abian jarri dugu. Irailaren 6an ekitaldia egingo dugu, ikasturterako plangintza eta programaren lerro nagusiak zehaztuz.

EHBilduren oinarri ideologiko nagusietako bat da politika egiteko bestelako eredu berri bat indarrean jartzea: herritarrengandik eta eragile sozialengandik hurbila, haien iritzia entzun eta aintzat hartzen duena, arreta haien benetako interesetan jartzen duena… Azken finean, herritarrak eta haien beharrak eta interesak dira gure eguneroko jardun politikoaren ardatza. Besteak beste, horretarako jaio ginen eta etorri ginen taula politikora. EHBilduk herritarrekin eta herritarrentzat egin nahi dugu politika. Politikan aritzeko beste modurik ez dugu ulertzen.

Esan dugun bezala, hurrengo ikasturte politikoari begira EH Bildutik beste urrats bat eman nahi dugu zentzu horretan, eta urteko plan politikoaren plangintza gure oinarri sozialarekin eta herritar ororekin batera prestatu nahi dugu.

Komunikaziorako tresna berriek eskaintzen dituzten abantailak erabiliko ditugu horretarako, eta EH Bilduren webgunean -www.ehbildu.eus- ere atal berezi bat irekiko dugu. Baina ez gara horretara mugatuko, eta aurrez-aurreko ekarpen, iritzi edo kritika guztiak entzuteko eta aintzat hartzeko prestutasun osoa daukagu. Azken baten, EHBilduren ateak oraindik eta gehiago zabalduko dizkiegu herritarrei eta eragile sozialei.

Egin nahi dugun auzolan horretarako sarbide nagusia, esan bezala, koalizioak bere webgunean jarriko duen atal berezia da. Bertan egin ahal izango du bere ekarpena nahi duen orok. Ekarpenak modu eraginkorragoan egin eta biltzeko asmoarekin, atal berezituak jarriko ditugu bertan: euskara, hezkuntza, burujabetza ekonomikoa, Jaurlaritzaren eta Nafarroako gobernuaren politika ekonomikoak, AHT, Kutxabank eta euskal finantza sistema, alor sozial eta ekonomikoaren eztabaida estrategikoak, tokiko garapena, energia eta elikadura burujabetza, osasungintza, politika feminista, politika egiteko bestelako eredu gardena eta herritarra eta askatasuna eta eskubideak. Modu horretan laburbildu nahi izan ditugu gaiak, baina horrek ez du esan nahi herritarren eta eragileen ekarpenak horretara mugatu behar direnik.

EHBilduren helburua politikagintza egiteko bestelako ereduan oraindik eta gehiago sakontzea delako, egungo eredua goitik behera eraldatuz, edo hobe esanda, behetik gora eraikiz. Politikagintza herritarra eta gardena egin nahi dugulako, herritarren kezkak eta interesak entzun, aintzat hartu eta erabakiguneetara eraman nahi ditugulako. Laburbilduz, politikagintzaren jardunaren ardatza herritarrengan eta haien interesetan jarri nahi dugu, eta ez elite ekonomiko, sozial eta politikoen ezkutuko interesetan. Bide horretan, jauzi kualitatibo garrantzitsua eman nahi dugu hurrengo hilabeteetan.

Berriak

Melilla: fikzioa gainditzen duen errealitatea

Diana Urrea – Alternatiba

Errealitateak fikzioa gainditzen duela diogu, baina batzuetan esaldi hori askoz ere gordinagoa izan daitekeela sentitzen dugu. Hala gertatu zait duela gutxi Melillara egin dudan bidaiaren ondorioz.

Mugan ematen den giza miseriaren arduradun zuzenak Espainiako eta Marokoko erresumak direla ziurtatzera eramaten gaituzten argudioak aipatu aurretik, ezinbestekoa da migratzaileak eta errefuxiatuak Melillara zer nolako  egoeratan heltzen diren azaltzen duen testuinguruaz hitz egitea.

Melillaz ari garenean, berehala hesia zeharkatzen saiatzen diren afrikar “uholdeen” irudia datorkigu gogora. Hesia baino, hesiak direla esan beharko genuke, guztira hiru baitira; eta aurki lau izango dira, Maroko eraikitzen ari den hesi berria gehituta. Afrikar hauetariko gehienak gizonezkoak dira. Emakumeak ordea, txalupetan edota muga-zeharbideetatik sartzen dira; bertatik egunero komunikabideentzat ikusezinak diren 20.000 eta 30.000 lagun artean igarotzen direla.

Gauzak horrela, azpimarratu beharreko lehen faktorea generoa da. Beste behin ere, emakumezko migratzaile eta errefuxiatuek ondorio latzak pairatzen dituzte: guztiek sexu erasoak jasotzen dituzte etengabe sorterritik atera eta helmugara heldu arte; gehienak euren ibilbide migratzailea kontrolatzen dituzten eta sexu esplotazioa helburu duten sareen salerosketaren biktimak dira; gainera familia barruan indarkeria matxista egunero jasaten dute, eta abar luze bat. Guzti hau heriotza edo haientzat are beldurgarriagoa den zerbaiten mehatxupean; budua.

Aurretik azaldutako baldintzak guztiz lotuta daude emakume hauek duten asilo eskubidearekin. Halaber, pertsona hauen sorterria gatazka egoeran eta krisi humanitario larrian murgilduta dago; eta ondorioz, nazioarteko babesa jasotzeko zilegitasun osoa dute.  

Baina Melillara heldu eta asiloa eskatzeko asmoa dutenek, euren askatasunez mugitzeko eskubide urraketarekin topo egiten dute. Izan ere, asilo baimenaren izapideak egiten diren bitartean, debekatuta dute hiritik ateratzea eta penintsulatik libre ibiltzea. Ondorioz, penintsulara beste nolabait sartzea erabakitzen dute. Arazoa da ordurako kaleratze agindu bat jaso dutela eta horrek gerora asiloa eskatu nahi izatekotan, zailtasunak sortuko dizkiela; horrela, legez kanpoko pertsonak bihurtzen dira; oinarrizko bizi baldintzarik gabe, prekarietate sozial eta ekonomiko larrian bizitzera behartuta egongo diren etorkinak. 

Argitu beharra dago Espainiako Gobernuak ez duela oraindik sexu esplotazioa helburu duen pertsonen salerosketa asiloa eskatzeko arrazoitzat jotzen eta, ondorioz, emakumeak babesik gabe eta euren sorterrira bueltan bidaltzeko arriskupean daude.

Beste faktore garrantzitsu bat Etorkinen Aldi Baterako Egonaldi Zentroaren (CETI) gehiegizko okupazioa eta pilaketa egoera da. Egiaztatu dugunez, 480 lagun biltzeko sortutako zentro honetan 1.600 pertsona nekez bizi dira; haien artean 400 adin txikikoak. Euren bataz besteko egonaldia 280 egunekoa da.

Zentro honen beharrizan guztiei aurre egiteko 15 funtzionariok egiten dute lan, eta eskura dituzten baliabide ekonomiko eskasak kontuan izanda, zeregin hau betetzea erabat ezinezkoa da. Egoera lazgarri honen arduraduna Estatu Espainoleko Barne Ministerioa da. 

Faktore mediatikoak ere garrantzi handia dauka: komunikabide ofizialistak erabiliz, hesira salto egiten duten pertsonak kontrolaezinak direla sinestarazten zaie herritarrei. Norbaitek sinetsiko al luke egoera hauek kontrolaezinak direla, estatuaren segurtasun eta indar kidegoek eskura dituzten bero eta mugimendu sentsoreekin eta base militar marokoarrekin? zentzugabekeria hutsa da. Hala nahi izango balute, inork ez luke hesitik salto egin behar, baina zenbait hitzarmen ekonomiko sinatzen direnean, mugimendu masibo hauek ematea komeni da, arreta desbideratu ahal izateko, giza miseriaren morboa eta pertsonen salerosketa erabilita.

Zorionez, komunikabide alternatiboak daude, Espainiari lan zikina egiten dieten indar marokoarrek pertsona migratzaileei jasanarazten dieten krudeltasunaren  berri ematen digutenak. Melillako Garapenerako Gobernuz Kanpoko Erakunde baten esanetan “penintsulako herri ezberdinen burujabetza ukatzen dutenek, Marokori bere nahiera ibiltzen eta giza eskubideak urratzen uzten diote”.

Azkenik, ezin ahaztu Melillan ematen den esklabotza mota ikusgarriena: “Emakume garraiolari” delakoak. Emakume marokoarrak dira, Espainia eta Maroko artean 30 eta 100 kilo bitarteko fardelak euren sorbaldetan eramaten dituztenak, 2 euroren truke. Auzo Txinatarretik igaro besterik ez dugu behar pairatu behar izaten dituzten izugarrikeriez ohartzeko.

Baina zerbait azpimarratzekotan, duintasuna izango litzateke. Mundu zeken eta bidegabe batean gizaki batek jasan dezakeen guztia jasan ostean, edozein bidetik mugak zeharkatzen dituzten milaka gizon-emakumeei, Estatu espainol eta marokoarrek inoiz kendu ezin izango dieten duintasuna, hain zuzen ere.

Mugarik gabeko mundu baten alde, non herrien arteko elkartasuna eta herritartasun unibertsala oinarrizko printzipioak izango diren; gaur inoiz baino gehiago, Euskal Herri libre eta internazionalista bat aldarrikatzen dugu, munduko edozein tokitan pobrezia eta bidegabekeria pairatzen duten pertsona eta herri guztien mina bere egingo duena.

Argitaratu izan da, besteak beste:

Ahotsa.info eta Ozenki webguneetan.

https://scontent-b-mad.xx.fbcdn.net/hphotos-xap1/t31.0-8/10532325_921584127858904_8223132021791970165_o.jpg

https://scontent-a-mad.xx.fbcdn.net/hphotos-xpa1/t31.0-8/10457389_921583914525592_770403091804003351_o.jpg

https://scontent-b-mad.xx.fbcdn.net/hphotos-xpa1/t31.0-8/10497292_921583921192258_2981816096046544466_o.jpg

https://scontent-b-mad.xx.fbcdn.net/hphotos-xpf1/t31.0-8/10547369_921584001192250_7142990125952579762_o.jpg

https://fbcdn-sphotos-g-a.akamaihd.net/hphotos-ak-xfp1/t31.0-8/10535779_921584027858914_198461352626954479_o.jpg

https://fbcdn-sphotos-a-a.akamaihd.net/hphotos-ak-xaf1/t31.0-8/10572203_921584077858909_9056584540340134860_o.jpg

https://scontent-b-mad.xx.fbcdn.net/hphotos-xap1/t31.0-8/10517308_921584184525565_5475852870746427544_o.jpg

https://fbcdn-sphotos-b-a.akamaihd.net/hphotos-ak-xap1/t31.0-8/s960x960/1889080_921584211192229_8860629059750369364_o.jpg

https://fbcdn-sphotos-h-a.akamaihd.net/hphotos-ak-xfp1/t31.0-8/10553743_921584221192228_8235299782313136558_o.jpg

https://scontent-a-mad.xx.fbcdn.net/hphotos-xpa1/t31.0-8/1537544_921584277858889_8216496498213771208_o.jpg

https://scontent-a-mad.xx.fbcdn.net/hphotos-xpf1/t31.0-8/10295897_921584301192220_7814162715301170349_o.jpg

https://scontent-a-mad.xx.fbcdn.net/hphotos-xpa1/t31.0-8/10497141_921584324525551_9050137041099940671_o.jpg

https://scontent-b-mad.xx.fbcdn.net/hphotos-xap1/t31.0-8/10495344_921584361192214_1408028507051181404_o.jpg

https://scontent-a-mad.xx.fbcdn.net/hphotos-xpa1/t31.0-8/10498315_921584354525548_329560118946672805_o.jpg

Berriak

EHBilduk lortu du Arabako Aldundiak atzera egin eta klausula sozialak sartuz lan batzuetarako lehiaketa publiko berri bat egitea

EH Bilduk lortu du Arabako Foru Aldundiak atzera egin eta klausula sozialak sartuz lan batzuetarako lehiaketa publiko berri bat egitea. Pasa den hilabetean EH Bilduk helegite bat aurkeztu zuen lehiaketa publiko hori bertan behera uzteko ez zituelako klausula sozialak jasotzen. Besteak beste, baldintza hauen bitartez lan baldintza duinak eta segurtasuna bermatzea da helburua, baita ingumena zaintzea, berdintasunezko politikak edo edo euskara bultzatzea. Otsailean foru arau hau onartu zenetik lan publikoen kontratazio guztietan araudi hau aplikatu behar da.

Baina handik eta ia bi hilabetetara, maiatzaren 13an, Diputatu Kontseiluak, Mañuetako hondakin urak Eskuernagako arastegira eramateko lanak kontratatzeko lehiaketa publikoa onartu zen. EH Bilduk espedientea aztertu du eta klausula sozialak ez daudela jasota ikusi zuen. Neurri horiekin egun diru publikoarekin finantzatzen diren beste obra publikoetan gertatzen ari diren praktika esklabistak saihestu nahi ziren, besteak beste, Salburuako Gizarte Etxean edo Gasteizko Autobus geltokian.

Hau guztia ikusita, akordio hori berehala bertan behera uztea eskatu zuen EH Bildu helegite horretan. Koalizioaren ustez, akordioa baliogabea zen, kalteak eragin zitzakeen eta ondoren kontratua deuseztatuz gero kalte ordainak ordaindu beharko ziren. Helegitea aurkeztu eta egun gutxietara, Gobernu Kontseiluak aurreko uztailaren 15ean kontratazioa bertan behera uztea eta beste deialdi publiko egitea erabaki zuen. Aste honetan Arabako Buletin Ofizialean lehiaketa publikoaren plegu berriak argitaratu ditu. Oraingoan, bai, klausula sozialak jasota daude

EH Bildutik Luis Salgado biltzarkide eta Alternatibako kideak erabakia txalotu du helburua lortu delako, hau da, langileen lan baldintza duinak bermatzea. Hori bai, herrilan hauek atzeratu egin direla azpimarratu du PP-ren gobernuak burugogorkeriaren ondorioz. Izan ere, Alderdi Popularrak ez zuen foru arau hau babestu baina aplikatu egin behar du.

EHBildu Araba

Berriak

Alternatiba | Ezkerra eraldatzearen erronka

X