Etiketa: Gizartea

Badira zakila duten neskak eta bulba duten mutilak. Horrelaxe da!

Azken egunetan markesina ezberdinetan ohiko publizitate sexista ikusi ordez, Euskal Herriko Chrysallis elkarteak egindako kanpaina beharrezko bat ikusi ahal izan dugu. “Badira zakila duten neskak eta bulba duten mutilak. Horrelaxe da! Horietako gehienek sufritu egiten dute, gizarteak errealitate honen berri ez duelako. Hitz egin beharra daukagu. Beraien zoriona zure esku ere badago” dio kanpaina honek.

Hain zuzen, hitz egiteko asko eman du kanpainak, baina tamalez ez espero zen norabidean. Hasteko, kanpaina publiko egin bezain laster Facebook orrialdeak irudia zentsuratu egin zuen. Jendartearen mobilizazioari esker berrezartzea lortu zuten ordea. Hala ere markesinetako kartelek ere jaso dituzte erasoak. Mezu transfoboz esnatu zen Iruñea kanpaina martxan jarri ondorengo egunean, Gasteizen ere kristalak apurtuta eta kartelak kenduta ikusi ditugu, eta errepikatu dira Bilbon ere.

Gogor salatu nahi ditugu eraso guzti hauek. Hain zuzen, kanpainak dioenaren kontrako jarrera oldarkor eta bortitz hauek pertsona transexual guztien kontrako sufrimendu biderkatzaile baitira. Norberaren dogma eta ideologia atzerakoiak, pertsonen ongizate eta zoriontasunaren gainetik jartzeak mespretxu handiena merezi du eta jadanik bizi-istorio gogor eta zailak dituzten pertsonen sufrimenduan sakondu nahi dutenen aurrean, aniztasunaren aldarrikapen irmoena egiten dugu. Pertsona heldu transexualak galdutako haurtzaroaz mintzo dira euren testigantzetan. Eta ikaragarria da jakitea haurtzaroan identitatea ukatu zitzaien heldu transexualen suizidioen saiakera tasa %41ekoa dela (populazio osoaren %1,6a izanik).

Aitzitik, itxaropenez bete gaitu gazte transexualekin berriki egindako ikerketa beten emaitzak; kasu honetan, haien identitatea errespetatu zuten familiek, haien ondoan egon eta babestu egin zituzten, eta nerabezaroan blokeorako tratamendua eskaini zitzaien. Ikerketa honetan egiaztatu da, bai bizi eta zoriontasun kalitate indizeak, bai antsietate indizeak eta bakoitzaren gorputzaren itxuragatik dituzten kezkak, bere adin bereko populazio ez transexualaren antzekoak edo hobeak direla.

Horregatik, transexualitate egoeran dauden haurren, helduen, zein ingurune hurbilaren ongizateagatik Chrysallis elkarteak egiten duen lana berebizikoa da. Haiekin asko ikasi dugu azken urteetan eta garapen handia suposatu duten urrats asko ematen lagundu digute. Horrexegatik, haien jakintza eta bizipenetatik ikasten jarraitu nahi dugula eta bidelagun izango gaituztela esan nahi dugu gaurkoan.

EH Bilduk, dituen baliabide eta espazio ezberdinetan Chrysallisen lana bultzatu eta babesteko ekimenak egiten hasi edo jarraituko duela adierazi nahi du, eta publikoa izan beharko lukeen kanpainari bere babes osoa adierazi. Trasexualitatearen legearen garapenean, eskoletako programen sakontzean, herrietako trebatze eskoletan… haiekin batera lanean egongo gara.

Oztopo guztien gainetik, elkarteak egiten duen lana goraipatu eta txalotzea besterik ez zaigu geratzen. Eskerrik asko Chrysallis!

EH Bildu

Berriak

SS2016: lotsaizuna!

Joseba Barriola – Alternatiba eta EH Bilduko kidea

Europako Batasunaren instituzio batek aldarrikatu zuen izendapena. Baina Europako Batasunaren politika kulturala hilkorra (Irak, Libia, Siria, Palestina… edo ez al dago gerraren kultura?), kriminala (aurten Mediterraneoan 5.000 etorkin hil dira itota eta denok ikusi ahal izan dugu Europako mugetako lotsagarrikeria) eta krudela (austerizidiotik hasi, etorkin langile esklabuen antolakuntzatik segi) da. Eta horrez gain islamofobiaren gorakada eta kulturaren merkantilizazioa eta espektakularizazioa, kultura negozio bide soila bihurtuz. Europako Batasuna, gaurkoa, munduko mila hizkuntzen desagerpenaren erantzule da, eta botereak erabiltzen dituen hizkuntza nagusienak degradatuak daude dominazioaren tresna bihurtuz. Ez da euskara soilik, gaztelera eta frantzesa, inglesa etabar zapalketaren (eta arrokeriaren eta gorrotoaren) pentsamendu bakarra elikatzeko erabiltzen dira milioika euro horretan gastatuz. Hauek dira Europako Batasuneko kultura ustelduaren agerpen batzuk. Europako Batasuneko «kultura» minbiziaz hartua dago. Aldarrikatzen du elkarbizitza eta pakea eta justo kontrakoa praktikatzen du eskala handian. Gezur permanente bat da. Auzi zentral honen aurrean ezikusiarena egitea erosoena da. Korronteari segi, kultura itxura egin, negozioari (turismoa) begiratu eta gure nortasuna beste aberatsekiko «graziosoak» izan.

Pakea? Bi hitzaldi sonatuak eman ziren: Solanarena eta Barrosorena. Solana: orduko Yugoslavian NATOren bonbardaketak agindu zituena. Barroso: Azoresen Bush, Blair eta Aznarrekin Irakeko gerraren proklama egin zuena.

“Tratados de Paz” erakusketa egin zen eta bertan egon zen Felipe VI, oraingo Espainiako erregea. Bere aurrekoen artean Felipe V aurkitzen da, Ondorengotza gerraren ondoren Borboien kastaren lehena Espainiako Monarkian. 1713. Utrech-eko pakea. Besteak beste Felipe V.ak Inglaterrari eman zion «asiento de negros» delakoa, hau da, Afrikatik esklabu beltzak Ameriketara eramateko monopolioa.

¿Tratados de Paz? Eta Euskal Herrian, gaur egun, gehiengo osoak nahi duen pake-itun edo pake-bideari eta ETAren desarmeari trabak jartzen? Eta pakearen eta elkarbizitzaren izenean euskal presoen kuadroen zentsura. Hori da SS2016ko kulturaren kalitate gorenaren froga!

Olatu talka, maiatzean egin ziren. Hona webgunearen oharra:

«La singularidad de Olatu Talka radica en que su programación se configura desde y para la ciudadanía, que es quien envía las propuestas culturales. Por eso tiene la participación una especial significación: Olatu Talka será lo que la ciudadanía decida que sea. Olatu Talka es un festival que sacude culturalmente la ciudad.»

Zer da kulturalki hiria astintzen duena? Zer esan nahi du «su programación se configura desde y para la ciudadanía»? Europako Batasunak izendatu gaitu hiriburu kulturala! Gure esker ona! Fabore bat egin digu, ez gara kritiko jarriko! Kontestua jarrita dago. Kontestua ezin da eztabaidatu. Kontestua jarri ondoren, Europako Kulturaren goraipamenaren kontestuan, herriari ematen zaio partizipazioa. Seguraski Olatu Talkan agertuko ziren kulturari buruzko bestelako nahiak edo desioak. Harremanak egingo ziren, pertsonalak eta kulturalak, adixkideak. Ondo da. Bainan dena irentsia gelditzen da. Kontestuak irensten du dena. Milaka ekintza pentsamendu propiorik gabe. Inaugurazioko danborrada erraldoia bezala. Bagera (gerraren kontrako eresi ironikoa) jotzen da Beethowenen sinfoniarekin batera Europako Batasunako himnoa delako. Antimilitarismo ironikoaren eta askatasunaren himnoak, gerrak sustatzen eta libertadeak murrizten duen erakundearen omenez. Zertan bihurtu gara? Kulturalki hiria astintzen duena da, besteak beste, olatuen talkak Mediterraneoan.

Hizkuntz eskubideen protokoloaz. Kontestua gainditzeko posibilitate bat zen. Lortu al da? Hemen gogoeta baterako abiapuntua. Egoera subordinatuan egonik, bi diskurtso kritiko mota egin daitezke:

a) Diskurtso subordinatu kritikoa.

b) Subordinazioa gainditzen duen diskurtso unibertsala.

Diskurtso subordinatuaren ezugarria da, kontestu orokorra ez duela ez aipatu ere egiten. Faktum ukiezina gisa balioesten da. Horrela eztabaidatik at, ikustezinduak gelditzen dira politika linguistikoaren klabeak: Merkatuaren tirania, estatuen glotofagia, dimentsio planetarioa.

Eta hutsune horren ondorioz, funtsezko errealitatearen elementu solteak azaltzen badira ere, erizpide eta praktika glotofagikoak zuritzen dira. Funtsezko gaiak (kasu honetan linguistikoak) ez dira ikusten, aipatzen, epaitzen.

Ondorioz, kontestu orokor funtsezko horren barruan, subordinazioaren diskurtsoak hobekuntzak planteatzen ditu, baina kontestu orokorra zalantzan-eztabaidan jarri gabe. Horrela egiten diren kritikak «kudeaketa»-ri buruzkoak dira; aldarrikatzen denean «aniztasuna» ahantzia uzten da aniztasun praktikoan dagoen botere harremana; hizkuntza minorizatuaz soilik hitzegiten da eta hizkuntza maiorizatuen zulo beltzei buruz eta horien pribilegioak ez dira aipatzen; beraien egoera jartzen da erreferente bezala; gizarte zibila laudatzen denean, desagertzen da gizarte zibilarekiko edozein aipamen kritiko eta ahaztu egiten da «gizarte zibila» glotofagikoa ere badagoela.

Horrela hizkuntzen eskubide unibertsalak badira, ezin dira Europara murriztu. Eta bestalde, eremu juridikoan kokatzen badira ere –eskubidetaz ari gara–, badakigu eremu erabakiorra beste bat dela, zapalketa eta desberdintasun mota askoren aurka (langabezia, etxekanporatze, errefuxiatuak, etorkinak, emakumeak, kulturegile baztertuak…) garatzen diren mobilizazioen eremuan.

Amaitzeko. Badugu Bildukoek lan sakon eta apasionagarria egiteko beharra. Politika kultural kritiko eta askea lantzea. San Sebastián 2016-ek agerian utzi ditu gure ahuldadeak.

Naiz-en argitaratua

Berriak

Eskaleak

Aurreko batean lagun batek aipatzen zuen zenbat eskale zebilen herriko kaleetan eta kezka agertzen zuen txiro horiekin nolabaiteko laguntza politika egiten ote zen. Gogoratu nuen orduan nerabe garaian Quevedoren El Buscón edo Tormesko Itsumutila irakurtzerakoan eskaleen agerpena nola harritzen ninduen, aspaldiko garaietako irudikapen baten modura. Frankismoak txiroak ere hartu zituen kontuan eta 50eko hamarkadan “eguberrietan jar ezazu pobre bat zure mahaian” kanpaina bultzatu zuen, aberatsek bihozberatasuna eta karitatea erakuts dezaten egun seinalatu horietan. Berlangak filma ederra egin zuen horren gainean, Placido. Zorionez ez nuen halakorik ezagutzen, krisiak jota zegoen langile auzo eta herri batekoa izan arren. Pobreziaren ideia ez zen miseriarena, pobrezia gehiago zen langileen etxeetan egon zitekeen eskasia aberatsekin konparatuz. Eskaleak ia ia literaturaren mundukoak ziren.
Ipuin zaharretan ere ohikoak dira eskaleak, txiroak, bazterreko pertsonaiak, hamaika pasadizo bizi dituztenak euren egoeratik irteteko. Txiroak dira protagonista eta elkartasuna dute lagun beren abenturetan. Emakume eskaleak lagunduko dio protagonistari bere egoera aldatzen, haren eskuzabaltasunaren ordain gisa. Ezerezaren bizimoduan aberastasuna elkar laguntza da. Ipuin zaharretan ez dago karitaterik, elkartasuna baizik, bestearenganako arreta. Pobreak ez dira aberatsen mahaietan esertzen haien kontzientzia zuritzeko, mahaia hartu egiten dute. Kontalariak horien ahotsa transmitituko du.
 
Joxemari Carrere Alternatibako kidearen blogean argitaratutakoa
Berriak

Fatuarte: «Urquijok demititu behar du herritarrak bere ideien politikoengatik jazartzen dituelako»

EAEko Auzitegi Nagusiak Jone Artola txupineraren harira  gaur kaleratutako ebazpenaren ondorioz, Alba Fatuarte Alternatibako kide eta EH Bilduko zinegotziak Carlos Urkijoren berehalako dimisioa eskatu du. Fatuartek leporatu dio Urkijori herritarrak jazartzea bere ideien politikoengatik eta “hori onartezina da demokrazia batean”.

Fatuartek adierazi du Urkijok Artolaren kontrako gurutzada hasi zuela jakinda pertsona hori alkate, Urkijo beraren postua edota Espainiako presidente izendatua izateko eskubidea zuela. Eta hori prebarikazioa da.
 
Hori dela eta, EH Bilduko eledunak uste du Auzitegi Nagusiaren ebazpenak agerian uzten duela Urkijo lurralde kolonialetako erregeorde bat bezala ari dela. “Debeku horren bitartez bai Urkijok bai PPK helburu argia izan zuten: gatazka sortzea eta Aste Nagusiaren ezaugarri nagusiaden izaera parte-hartzailea erasotzea”. ” Horrela”, gaineratu du, “hautesontzietan lortu ez zuten garrantzia euren betiko politiketan erabiltzen duten nik agindu eta egin lortu nahi izan zuten”. Zorionez ez zuten 2013ko Aste Nagusian haien helburua lortu, eta ez dute lortu orain ere. Bilbotarren gehiengoarentzat Jone Artola izan zen 2013ko txupinera. Duintasunez eta normaltasunez egindako lana”.
 
Fatuartek gogoratu du “biktimak umiliatzen duena Alderdi Popularrak egiten duen erabilera alderdikoia dela”. Horregatik guztiagatik, zinegotziak Alderdi Popularrari eskatu dio ” ez dezala egin Aste Nagusiaren jai ereduaren kontra. Herritarren babesa duen ereduaren kontra, alegia”.
 
Horretaz gain, EH Bilduk gogoratu egin du “gobernu-ordezkariaren kargua ez dela beharrezkoa. Bakea eta normalizazioa oztopatzea bakarrik bilatzen du, hala nola gatazkaren ondorioak gainditzea oztopatu”.
 
Berriak

Salgado: «Arduragabekeria da Foru Aldundiak zerbitzu sozialen berrantolaketa eta finantzazioa bi urtez atzeratzea»

Luis Salgado: “Gizarte Zerbitzuen Foru Diputatuaren agerraldia eskatu dugu kudeaketa negargarri honen azalpenak eman ditzan, baita legea ez betetzeak izango dituen ondorioak eta arriskuak ere”

Zerbitzu sozialen berrantolaketan eta finantzazioan Foru Gobernuak inposatu duen bi urteko atzerapena arriskutsua dela ohartarazi du EH Bilduk. “Foru Gobernuak aldebakartasunez bi urteko luzapena ematea oso larria da eta gai honen kudeaketarako gaitasun eza agerian utzi du”, azaldu du Alternatibako kide eta Arabako Batzar Nagusietako EH Bilduko eledunak, Luis Salgadok.

Gogoratu duenez, gaitasun eza behin baino gehiagotan salatu du EH Bilduk eta luzapen honek bere kezka guztiak baieztatu ditu. Baina horrez gain, udalerriak ere arriskuan utziko ditu erabaki honek kudeaketa eta finantzazioari buruzko egin beharreko onarpenak udalerriek euren gain hartzea ekarriko du. Zentzu horretan, Legeak ez betetzearen erantzukizuna udalerriek esku egongo da orain, nahiz eta kudeaketa hori nola egin behar den eztabaidatzeko aukerarik ez izan.

“Arduragabekeria izan da Foru Aldundiaren jokabidea. Guk egindako kritiken aurrean, behin eta berriz dena kontrolpean zuela esan du eta epe laburrean zalantza guztiak argituko zituen proposamen bat egingo zuela esan du. Baina azkenean, Aldundiaren proposamena bi urteko luzapena eskatzea izan da”, laburbildu du Salgadok.

Hori guztia ikusita, EH Bildutik Zerbitzu Sozialen Foru Diputatuaren zein GOFEren Zuzendariaren agerraldia eskatu ditu kudeaketa negargarri honen azalpenak eta erabaki honek izan ditzake ondorioak eta arriskuak azal ditzaten.

EH Bildu Araba

Berriak

Aurten ere jolas ez sexista eta ez belikoen aldeko kanpaina sustatuko dugu

Haurren hazkuntza eta hezkuntzan, bitarteko naturala da jolasa. Jolasen bidez sozializatzen dira, ikasten dute taldean aritzen eta norbanako izaera osatzen joaten zaie. Jolasteko ordea, jostailuak erabiltzen dira, eta hauek haurren nortasunaren garapenerako ezinbestekoak dira. Jostailuekin jolastuz, haurra norbere identitatea eraikitzen astearekin batera, besteekiko pertzepzioa, harremantze-modua eta jendarteratzea lantzen da.

http://ehbildu.eus/images/2016/GabonakMarkatu.jpg

Horregatik da garrantzitsua oso, jolasaren hautaketa, jakinda haurraren interesa, kanpoko eraginak eta gure asmoak, guztiak kontuan hartu behar ditugula. Ez dago jolas onik edo txarrik, jolasaren erabilerak baitira onak edo txarrak, izatekotan. Era berean, ez dago neska edo mutikoentzat den jolasik, izatekotan, jolas jakinak neskei edo mutikoei eskaintzen baitizkiegu; eta kasu hauetan, maiz asko generoei esleitutako rolak eta aurreiritziak indartzen ditugu.

Horregatik estereotipoak eta rolak gaindituz, umeak berdintasunean, askatasunean, solidaritate eta elkartasun baloreetan hazi eta hezi ditzagun, opariak ere irizpide horiei eutsita erosteko proposamena egiten dugu EHBildutik.

Hausnarketa sustatu nahi dugu gure herrietan, eta udalerriei urte osoko lanketa proposatuko diegu, herriko guraso elkarte, ikastetxe, merkatari elkarte, aisialdi talde eta herri mailako lanketa kolektiboa bultzatzeko hausnarketa eta lanketa partekatuaren bidez, beste kontsumo eredu batzuk bultzatu eta sustatu ditzagun, gure umeekin ere.

EH Bildu

Berriak

Aitor Miguel: «Gasteizen badago dirua gauza askotarako baina ez, aldiz, pobreziari aurre egiteko»

 

Hiru ostegunetik behin Gasteizko Udalera begira jartzen gara ARABA HIZPIDE-n, hiriburuko aktualitatea errepasatzeko irratira hurbiltzen diren zinegotzi eta politikari ebzerdinekin. Jorge Tejedor (Equo) eta Aitor Miguel ( Alternatibako kide eta EH Bilduko zinegotzia Gasteizen) egon dira gaurkoan gurean.

Lau gai izan ditugu gaurkoan hizpide:

  • Etxegabeen neguko laguntza planean murrizketak salatu dituzte.
  • Gasteizko garbiketa: FCC susmopean.
  • Biktimak elkartuko dira bake eta bizikidetza jardunaldietan.
  • Euskara eguna, Euskaldun berri plazaren inaugurazioa.

Podcast-a: Jeitsi

Berriak

Aitor Miguel: “FCC ez dago betetzen Udalarekin duen akordioa”

Gasteizko garbiketa kudeatzen duen FCC enpresaren irregulartasunak salatu ditu EHBilduk, eta ikerketa-batzordea eskatuko du Gasteizko Udalean; abenduan ajrri nahi dute batzordea martxan. Gaian sakondu dugu Hala Bedi irratiko ARABA HIZPIDEn Alternatibako kide eta EHBildu Gasteizko zinegotzia den Aitor Miguelekin.

FCC-ren irregulartasunetaz aparte, kasu pertsonal bat ere salatu du EHBilduk, langile baten egoera larria mahai gainean jarriz. Senide eta lagunak ari dira enpresan sartzen, egunez egun. Gainera, Gasteizko Udalak “non grata” izendatu du Carlos Urquijo, EHBilduren eskaeraz, baina gainontzeko beste hainbat alderdiren babesarekin. Gaiaz ere mintzatu gara Migelekin.

Entzun

Podcast-a: Entzun lehiotxo berri batean | Jeitsi

Berriak

Aitor Miguel: “BRT, estrategikotzat dugun proiektua hobetzeko lanean segituko dugu”

Aitor Miguel Alternatibako kide eta Gasteizko EH Bilduren zinegotziak: “Azkenik, azken hilabeteotan Eusko Jaurlaritzareko teknikariekin eskatu genuen bilera burutu delako. Horretan BRTa finantzatzeko beste eredu ezberdinak aztertzeko aukera dagüela baieztatu da,  publiko-pribatuaz gain, hiriarentzat onuragarriena izateko. Estrategikotzat dugun proiektua hobetzeko lanean segituko dugu”.

EH Bildu Gasteizek EH Bildu Gasteiz-ek bere poztasuna adierazi du , azkenik, duela hilabeteak eskatzen zuen bilera egin delako, Eusko Jaurlaritzako teknikariek  hirian BRTa ezartzeko proiektuaren detaile guztiak azaldu ditzazten.

“Obskurantismoa eta informazio eza salatu dugu, adostasunak lortzeko oztopoa izan dena, eta helarazi zaigun apurra zalantza eta mesfidantza ugari sortu egin dira, adostasunak eraikitzeko oso zaila dena. Bilera hori eskatu genuenetik hilabeteak igaro dira, eta behingoz egin da eta hori positiboa da”, adierazi du Aitor Miguelek, EH Bildu Gasteizko zinegotziak.

Urtararen Gobernuaren informazio ezaren aurrean, EH Bildu Gasteizek aurreko astelehenean iritzi publikoari zuzendu zitzaion, Eusko Jaurlaritza proposatu duen finantziazio inguruko eztabaida irekitzea planteatuz. Proposatu den eredu publiko-pribatuaren aurrean, EH Bildu Gasteiztik finantziazio publikoa aztertzea proposatu genuen, 32 milioiak aurrezteko baliogarria izan daitekeena.

“Goizeko bileran argi geratu da hiriarentzat onuragarriagoak izan daitezkeen finantziazio beste aukerak aztertu daitezkeela. Hori positiboa da, karta guztiak mahai gainean egonda, hiriarentzat proiektu hobeago bat lortzeko aukera zabaltzen delako”

EH Bildu Gasteiz-tik BRTaren aldeko apostua egiten du, proiektu abanguardita eta puntakoa, Gasteiz, jasangarritasunaren eremuan errefentea izateko aukerarekin.

EH Bildu Gasteiz

Berriak

Gure kide Alba Fatuarteren parte-hartzea Bilbo Hiriaren eztabaida politikoan – 16/11/16

Gure kide Alba Fatuartek parte hartu izan du gaur goizean Bilbo Hiria irratian eginiko eztabaida politikoan, espazio publikoaren erabilera eta Hiri Antolaketarako plan orokorrak dakarren parte hartzea hizpide. Hona hemen entzungai.

Gaurko solasaldian Alba Fatuarte EH Bilduko zinegotzia, Koldo Bilbao EAJko kidea eta Amaia Arenal Udalberriko zinegotzia izan dira. Gaurkoan bi gai ekarri ditugu, batetik espazio publikoaren erabilera eta Hiri Antolaketarako plan orokorrak dakarren parte hartzea. Kaleko edanaren ondorioz sortutako eragozpenengatik jarritako isunek ere gora egin dute aurten. Eta hau ikusita Bilboko udalak proiektua jarri zuen abian. Udalak 2015eko azaroan hasi zuen Bilboko kaleko edanaren errealitateari buruzko lana, urtearen lehen 9 hilabeteetan 472 zigor jarri dira kalean edateagatik. Espazio publikoaren erabileraren inguruko iritzi ezberdinak izan dituzte.

EH Bilduren iritziz 2010 onartutako espazio publikoaren ordenantza bertan behera utzi beharko litzateke. Udalberriren iritziz ordenantzak eskubideak  urratzen ditu esaterako kalean biltzea mugatzen du. Herritarrek Hiri Antolaketarako Plan Orokorra Herritarren Partaidetzaren bidez berrikusteko ‘Bilbao AurreraGo!’ Prozesuaren barruan egingo diren solasaldi informatiboetan parte hartu ahalko dute zortzi barrutietan; azaroaren 17 arte izango dira hauek. Hiri Antolaketako Plan Orokorra herri batek bere etorkizuna antolatzeko duen tresna nagusiena da. Hau abitu baino ez da egin baina alderdi politikoen iritziak jaso nahi izan ditugu.   Baina badira aipatzen diren kontu batzuk ez direla aldatuko esaterako ez dago zalantzan AHT Bilbora iritsiko dela, A-8a Errekaldetik desagertuko dela, Olabeaga eraldatu behar dela eta tranbiak Zorrotzaurrera joan behar duela. Galdera da nondik eta nola egin daitekeen hobeto. Aurkeztutako proiektu guztiak egingarriak dira?

Berriak

Alternatiba | Ezkerra eraldatzearen erronka

X