Etiketa: Internazionala

Palestinarekiko elkartasuna Nakba-ren 66. urteurrenean

Maiatzaren 15ean Nakba-ren eguna gogoratzen da, “hondamendiaren eguna” arabiarrez hain zuzen ere. Izan ere, 1948ko egun horretan herri palestinarraren zati handi bat bere etxeetatik kanporatua izan zen. Hortaz, Israelgo Estatuaren sorrera, sionismo politikoak hamarkada batzuk lehenago teorikoki garatuta, “herririk gabeko lurra lurrik gabeko herriarentzat” premisa faltsuan oinarritzen da. Zentzu horretan, Israelgo Estatuaren sorreraren osteko populazio palestinarraren kanporatzea proiektu espantsionista sionistaren beharren gauzatzea baino ez zen izan. Historian zehar izan diren beste kolonizazio adibide batzuen aldean, kasu honetan ez zuten bilatzen bertako populazioa menderatu eta lan-esku merke bezala erabiltzea, baizik eta judutarrekin ordezkatzea, edozein lekutatik etorrita ere. Modu honetan, gehiengo demografiko judutarra lortuko zuten, erlijio judutarra bere zutabe nagusia daukan Estatuaren existentzia ziurtatuko lukeen gehiengoa hain zuzen ere.

1947ko 181 Ebazpenaren bidez NBEk onartu zuen Palestinaren zatiketa (ordura arte agindu britainiarraren menpe zegoen) eta jarraian Israelgo Estatuaren aldebakarreko adierazpena heldu zen. Hala ere, zonaldeko Estatu arabiarrek ez zuten onartu eta gaur arte dirauen gatazka historiko eta politikoa hasi zen. Sortu berria zen entitate sionista (neurri handi batean EEBBek eta Estatu europar batzuek finantzatua eta armatua) eta Libano, Egipto, Transjordania, Siria eta Iraken arteko enfrentamendu militarraren testuinguruan populazio palestinarraren zati handi baten kanporatzea gauzatu zen, aginte britainiarraren garaietan erreprimitua eta desarmatua izan ostean. Iturrien arabera datak aldatzen badira ere, 700.000-900.000 palestinar haien etxebizitzak uztera behartuta izan ziren, Ejertzito sionistaren aurrekaria zen Hagana indar militarraren presioak eta sarraskiek bultzatuta. Iheslarien zati bat inguruko nazioetara abiatu zen eta beste zati batek Zisjordaniako eta Gazako errefuxiatu eremuak sortu zituen. Gaur egungo zifrak 4 milioien inguruan leudeke, NBEk berak aitortzen dituen lehen errefuxiatuen ondorengoak kontuan hartuta.

Nakba-tik 66 urte pasatu dira jada eta 1948ko errefuxiatu gehienak hil dira etxera ezin bueltaturik. Beren ondorengoek haien etxeen giltzak gordetzen dituzte oraindik, eta itzultzeko itxaropena eta aldarrikapenari eusten diote, gobernu askok plan sionisten aurrean mantentzen duten axolagabekeria edota konplizitate zuzenaren gainetik.

Hala ere, herri palestinarrak pairatzen duen egoera ez da mugatzen 1948 kanporatzera. Azken sei hamarkada eta erdi hauetan errepresio eta ustiatze bortitza gauzatu da proiektu sionista finkatzeko eta Estatu palestinar bat bideraezin bihurtzeko. 1948an lapurtutako lurrez gain, Estatu sionistak lurraldeak bereganatzen jarraitu du, palestinarren kontura baita siriarrenera ere (1967). Koloniak eraikitzeko politika (ondoriozko israeldarren erabilpen esklusiboko errepideen sareaz, segurtasun perimetroaz, check-point-ez eta militarizazioaz) eta Apartheid harresia (familia palestinarrak banantzen, nekazal-eremuak mozten eta herri palestinarren arteko joan-etorria itotzen duena), jendarte-ingeniaritza sionistaren parte dira, lurraldea bereganatzeko eta bertakoak ordezkatzeko helburua duena.

Estatu sionistak urteetan zehar ostutako lurren garapena mapa baten gainean ikusten badugu, oso erraz ulertuko dugu nola egoera batera heltzen ari den non palestinarrak beraiek beren lurraldearen barruan isolatuta geratzen ari diren, alderantzizko kolonien modura. Hau guztia Gazako egoera deskribatzera sartu gabe. Izan ere, Hamas-en aurkako gerra-politika sionistei nazioarteko gobernuek emandako sostenguak milioi bat eta erdi biztanleko zonalde hau zabortegi bihurtzea ekarri du, non populazioak ez daukan ezta oinarrizko zerbitzurik, kanpotik ezarritako isolamendua dela eta.

Nakba-tik 66 urtera ez da aurreikusten epe motzean irtenbide bat herri palestinarraren eskubideen aitorpenerako bidean, errefuxiatuen bueltatzea ezinbestekoz jaso behar duena. Zonaldean garatzen ari den ofentsiba inperialistak (Libia, Siria, Libano, Egipto…) ez du errazten herri palestinarraren aldeko presio nahikoa inguruko gobernuetatik.

Egoera etsigarri honen aurrean, bi alderdi azpimarratu behar dira. Alde batetik, bizirik jarraitzeko eta okupazioa, zapalkuntza eta Apartheid egoera bukatzeko herri palestinarraren borroka eta sakrifizioa. Borrokatzeko gaitasun hori, belaunaldiz belaunaldi irakatsita, etorkizunaren bermerik onena da herri honentzat: ezer oparituko ez dietelako eta, gainera, lapurtzen eta gutxiagotzen jarraitzen saiatuko direlako kontzientea dena.

Beste alde batetik, indarrean jarri nahi dugu Palestinarekiko nazioarteko elkartasuna eta, honen barruan, herri palestinarrak proposatutako elkartasun-ekimen handiena: Israelgo Estatuaren aurkako boikot, desinbertsioak eta zigorren kanpaina (BDS kanpaina: www.bdsmovement.net/call). Palestinako 173 erakundek bultzatutako kanpaina honek Israelgo Estatuak herri palestinarraren autodeterminazio eskubidearen aitorpena bilatzen du, baita nazioarteko legedia betetzea ere, honako alderdi hauei dagokienez: okupazioa eta kolonizazioa bukatzea, harresia botatzea, Israelen bizi diren palestinarren eskubideen berdintasuna aitortzea eta errefuxiatuen bueltatzea onartzea.

Kanpaina honen tresna nagusiak hauexek dira: produktu eta zerbitzu israeldarrei boikota (Israelgo enbaxadore kultural gisa aritzen diren artistei eta akademikoei boikota barne), sektore publikotik zein pribatutik ez inbertitzea herri palestinarraren eskubideen zapalkuntzarekin erlazionatuta dauden enpresa israeldar zein beste nazioartekoetan, eta hirugarrenez, nazioarteko instantzietan Estatu sionistaren aurkako zigorrak ezartzea. Hauek dira herri palestinarrak munduko herrien eta erakundeen eskuetan jartzen dituen tresnak elkartasuna erarik eraginkorrenean lantzeko. Hegoafrikako Apartheid erregimenarekin bezala, Palestinarren Nakba betikotzen eta sakontzen duen Estatu sionistaren isolatzea eta ahultzea epe-luzeko borroka da. Hala ere, BDS kanpaina arrakasta handiak jasotzen ari da jada eremu komertzialean (Veolia edo G4S enpresen galera handiak kontratuetan), kulturalean (Israelen egitekoak ziren emanaldiak bertan behera geratuta eta artista israeldarrek atzerrian emateko emanaldien aurrean protesta ugari) eta akademikoan (unibertsitate israeldarrekin ez kolaboratzeko adierazpenak nazio batzuetako unibertsitateen eskutik edo pasa den urtean Jerusalem-en nazioarteko konferentzia batean Stephen Hawking-ek bere parte-hartzea bertan behera uztea). Euskal Herrian ere, Palestinaren aldeko elkartasuna bideratzeko daukagun erarik onena BDS kanpaina da. Azken urteetan agerian geratu denez, lan-eremuak ez daude faltan. Izan ere, beharrezkoa da presioa handitzea entitate sionistarekin dauden eta egon daitezkeen harreman guztiak mozteko, instituzio, komertzio baita akademia arloetan ere.
Era berean, Palestinaren zapalketaren aurka kokatu gabe, eta Israelgo Estatuaren irudi “adiskidetsua”, Estatu modernoa eta demokratiko gisa irudikatzeko jasan behar ditugun kirol erakustaldien (Tel Aviv-eko Maccabi…) edo kultura-emanaldien (Noa Gasteizko Jazzaldian aurtengo uztailean…) aurrean ezin dugu geldirik geratu. Nakba-ren nazioarteko gogorapenean beharrezkoa da guztiok lan egitea, bakoitzak bere esparruan, proiektu sionistari zilegitasuna kentzeko eta herri palestinarrarentzako irtenbide-eskenatoki baten alde egiteko. Zentzu horretan, gaur egun, egin dezakegun elkartasunik eraginkorrena BDS kanpaina are gehiago bultzatzea eta zabaltzea da.

Sionismorik gabeko Euskal Herria lortzea herri palestinarraren askapen prozesuarekiko gure kontribuzio partikularra izango da.

Euskal Herria-Palestina Sarea

*Alternatiba eta EHBildu sare honen partaide dira beste hainbat sindikatu eta gizarte eragileekin batera.

 

Berriak

Oskar Matute “EAJ, PSE eta PPk ateak ireki dizkiote transnazionalek Europako botere politikoa eskuratzeari”

EAJ, PSE eta PPk ez dute oztopatu nahi izan Europako eta Estatu Batuetako agintariek egiten diharduten merkataritza askeko ituna. EH Bilduk aukera eman die Legebiltzarreko osoko bilkuran, amerikako transnazionalek kapitalismoaren izenean inpunitatez Europan sartzea gaitzesteko. Aldiz, jeltzale, sozialista eta popularrek nahiago izan dute “zuhurtziaren” izenean sinadura hori ez oztopatzea. Itunak ahalbidetuko du “enpleguan, ingurumenean, osasun publikoan eta elikadura segurtasunean ondorio suntsitzaileak” izatea, salatu du Oskar Matute legebiltzarkideak.

Koalizioak beste bide batetik jotzeko proposamen politikoa egin du Legebiltzarrean, hain zuzen, “Europako herrien burujabetza erreskatatzeko eta herritarrak enpoderatzeko bidean”. Hiru alderdiek guztiz kontrakoa egin dute, “kapitalismoaren izenean krisi sozioekonomikoan sartu gintuen Europara itzultzea, bidea irekiz transnazional eta lobbiek Europako botere politikoa eskuratzea, euren intereserako erabiltzeko”. “Estatu Batuen interes geoestrategikoen eta bere morrontzara dagoen Europa nahi duzue”, esan die Matutek, eta “hala ere, gai izango zarete kanpainan Europa demokratikoagoa eta sozialagoa nahi duzuela aldarrikatzeko”.

EHBildu

Berriak

Alternatibak salatu du “espainiar abertzaletasun ozpinduenak” ateak itxi nahi dizkiola Kataluniako gehiengo sozialak aldarrikatutako eztabaidari

Alternatibako bozeramaile nazionalak, Oskar Matutek, “ateak ixtea” deritzo Espainiako Diputatuen Kongresuak atzo Kataluniako herriari galdeketaren harira emandako erantzunari: “Espainolismoaren erantzuna da, espainiar abertzaletasun ozpinduenak Kataluniako gehiengo sozialak aldarrikatutako eztabaidari bizkarra eman nahi diona”. Edozein kasutan, gaineratu du, “lortuko duen bakarra Kataluniaren aldetik aldebakartasunaren bideak aktibatzea da” bere etorkizuna erabakitzeko bidean.

Alderdi ezkertiarretik, estatu espainiarrean gehiengoa duten alderdiek “herriek haien etorkizuna askatasunez eta demokratikoki bideratzeko eta erabakitzeko asmo legitimoak geldiarazteko konstituzioa giltzarrapo gisa erabiltzen dutela” adierazi dute. Zentzu horretan, Matutek abiatutako bidean jarraitzera premiatu du: “Alternatibatik Kataluniako gizarte osoa prozesuarekin aurrera egitera eta askatasunez erabakitzeko helmugari eustera animatzen dugu, haien jomuga guztiz demokratikoa delako eta egungo erregimena zalantzan jartzen duelako”.

Bukatzeko, “egun, estatu espainiarrean mantentzen den erregimen hau, eskubideen ukapenean, askatasunen murrizketan eta ‘Espainia Handi eta Libre’ delakoaren ideia zaharkituan oinarritutako erregimena dela” gogoratu du. Errealitate honi aurre egiteko “egun, estatu espainiarraren menpean dauden herri eta nazioen, herri katalana eta herri euskalduna kasu, xede legitimoak” azpimarratu ditu.

Berriak

EHBilduk Europatik faxismoa desagerrarazi eta inmigrazio politika odoltsuekin bukatzeko lan egitera deitu du

Bihar larunbata, Faxismoaren kontrako Nazioarteko Egunaren harira, Europako hainbat hirietan milaka pertsona kalera aterako dira totalitarismorik, arrazakeriarik eta xenofobiarik gabeko gizartea aldarrikatzeko. EHBilduk, arratsaldeko 18:00etan Moyua Plazatik abiatuko den “Euskal Herria faxismoaren eta arrazakeriaren aurka” lelopeko martxan parte hartuko du. Manifestazioa Inoiz gehiago ez! plataformak deitu du, eta bere sorreran EHBilduk osatzen dituzten alderdi politikoek (modu zuzenean edo haien gazte erakundeen bitartez) parte hartu dute, beste erakunde sindikal, sozial eta politikoekin batera.

EHBilduk BNG, Puyalon de Cuchas, Andecha Astur, Unidad del Pueblo eta Alternativa Nacionalista Canaria alderdiekin batera sinatutako Europako Parlamenturako hauteskundeetarako hautagaitzaren manifestuak jasotzen duenez “ultraeskuinari mozorroa kentzeko, eta sistemak eta bere eliteen desberdintasunak betikotzeko baliatzen duten tresna bat dela agerian uzteko” lan egingo du. Halaber, “Europa-gotorlekuko mugetan milaka heriotza eragin dituzten eta arrazakeria elikatzen duten immigrazio politika kriminalen” kontra borrokatzeko konpromisoa ere bereganatu dute.

Europan emandako muturreko eskuinaren gorakada, EHBilduren ikuspuntutik, gertaera nabarmena ez ezik, askatasunaren eta demokraziaren kontrako mehatxua ere bada. Zentzu horretan, inolako hauteskundeetan hautatuak ez diren Troika bezalako eragileen inposaketek, muturreko eskuineko taldeek gizartearekin konektatzea ahalbidetzen dute.

Berriak

Europako Parlamenturako Hautagaitzaren Manifestua “Herriek erabaki”

Europako Parlamenturako hauteskundeak sistema ekonomiko kapitalistaren krisi sakonak markatutako egoera batean egingo dira. Maiatzaren 25eko bozak testuinguru latz batean datoz: zerbitzu publikoak murrizten eta eskubide sozialak deuseztatzen ari dira etengabe; horren ondorioz, milioika pertsonak langabezia, etxe-desjabetzeak, prekarietatea, pobrezia eta bazterketa soziala pairatzen dituzte…

Halaxe dio “Herriek erabaki” koalizioaren manifestuaren hasierak, Euskal Herriko indar ezerkertiar eta subiranistok, EHBilduren baitan gaudenak alegia, estatuko bestelako lurraldeekin hitzartu dugun agiria: Puyalon de Cuchas (Aragoi), Bloque Nacionalista Galego (Galizia), Andecha Astur (Asturias), Unidad del Pueblo y Alternativa Nacionalista Canaria (Kanaria uharteak).

Indar zabala osatu dugu, klase herritarren ahotsa Europara eramateko helburua izango duena, botere finantzarien menpe dauden erakundeetara. Bi ardatz nagusi ditu: beren etorkizuna eraikitzea eraiki nahi duten herrien defentsa eta herritarrei bizkarra ematen dien Europako Batasunari errotiko kritika egitea, Troikaren inposaketak salatuz. Bankuak erreskatatu baina herritarrak desjabetu egiten dituen EBren aurrean, gure konpromisoa Herrien Europa da, pertsonen eskubideak lehenetsiko dituena gaur egun gertatzen denaren kontra, Europako erakundeeak korporazio kapitalistak baldintzatuak daudela.

Horrela, jarraipena ematen diogu Alternatibarentzat iazko irailaren 28an abiatutako bideari, Bilbon antolatutako Batzar Nazionalean, orduan erabaki baitzen Euskal Herria Bilduren baitan Europako Hauteskundeetara joatea.

Europako Parlamenturako Hautagaitzaren Manifestua “Herriek erabaki”

http://alternatiba.net/old-files/Herriek Erabaki_Europako Parlamenturako Hautagaitzaren Manifestua.pdf

Berriak

Troikaren aurrean Nazioarteko topaketak/Jornadas Internacionales contra la Troika (Bideoak/Videos)

“Troikaren aurrean, gure bidea: eraldaketa soziala eta burujabetza” nazioarteko topaketak egin ziren igandean Bilboko Zabalguneko azokan. Josu Juaristi EHBilduko eta harekin izan ziren Europako hainbat ordezkari: Trevor Ó Clochartaigh (Sinn Fein), Errikos Finalis (Syriza), Florian Wilde (Die Linke), Jorge Costa eta Belandina Vaz (Bloco de Esquerda), Herri Gourmelen eta Pierre Fourrel (UDB) eta Sandra Muzi (Sinistra Ecologia Liberta). Andaluzia, Galizia eta Aragoiko lagunak ere izan ziren.
 

Josu Juaristi: "Troikaren aurrean, gure bidea, eraldaketa soziala eta burujabetza"
#troikagohome Sandra Muzzi (Sinistra Ecologia Liberta)
#troikagohome Jorge Costa (Bloco de Esquerda)
#troikagohome Herri Gourmelen (UDB)
    
 
#TroikaGoHome: Errikos Finalis (Syriza)
 
#Troikagohome CUT-BAI en el encuentro internacional de Bilbao
#Troikagohome: Puyalón de Cuchas en el encuentro internacional de Bilbao
#Troikagohome: BNG en el Encuentro Internacional de Bilbao
    

Lehenik eta behin, ongi etorria eman nahi diegu EH Bilduk antolaturiko nazioarteko topaketetara etorririko nazioarteko lagunei. “Troikaren aurrean, gure bidea, eraldaketa soziala eta burujabetza” da nazioarteko topaketa hauen leloa. Helburua oso argia da: Troikak inposatzen dituen politika bidegabeen aurrean, ezinbesteko den beste bide bati ekitea. Horretarako, Europan barna dauden beste esperientziak ezagutzea eta konpartitzea ezinbestekoa da. Elkarlanari ekinez, topaketa hauek islatzen duten moduan.

Bihar, nazioarteko finantza erakunde nagusietako eta enpresa transnazional garrantzitsuetako ordezkariak bilduko dira hemen, Bilbon, Global Forum Spain delakoan. Krisiaren aitzakiarekin, herritarren eskubideetan egin duten urraketa ikaragarria goratzera datoz, haiek diseinatutako politikak aplikatu dituzten ordezkari politikoen txalo artean. Era berean, eredu espainiarraren apologia egitera dator foro hau. Eta, Euskal Herriak, Galizak eta Paisos Catalansek ongi dakiten moduan, eredu edo marca España horrek herrien eskubideen ukazioa du ezaugarri.

El 3 de Marzo es, año tras año, una cita ineludible en Euskal Herria. Como siempre, mañana tenemos una cita con la memoria histórica de nuestro pueblo y del movimiento obrero, una cita con las reivindicaciones sociales y laborales y como no, para homenajear a Pedro Mari Martínez, Francisco Aznar, Romualdo Barroso, José Castillo y Bienvenido Pereda, trabajadores muertos el 3 de marzo de 1976 por la policía española.

Y ésta es justamente la fecha elegida por la élite financiera y económica, la misma que es responsable de la actual vulneración de derechos sociales y laborales, para escenificar el respaldo institucional y de algunas multinacionales a las políticas de austeridad y recortes impulsadas por la Troika. Políticas que, a su vez, están siendo implementadas, por ejemplo, por los sucesivos ejecutivos de Gasteiz, Iruñea y Madrid.

No es de recibo equiparar estabilidad con la actual sangría de millones de personas desempleadas que condena a la precariedad social a capas cada vez más amplias de la población.

Euskal Herrian, neurri hauen kontrako borrokan ibilbide luzea dugu. Gaur inoiz baino beharrezkoagoa da merkatuen interesen menpe dagoen ereduari kritika erradikala egitea. Ildo horretan, egun dagoen logika neoliberala gaindituko duen gizarte aldaketa baten bidean, aldarrikapen hauek egin nahi ditu EH Bilduk:

  •  Zilegitasun demokratikorik ez duten Troika bezalako botereguneen desagerpena, gure herrien pobretzea ekartzen ari direlako inposatutako austeritate politiken bitartez.
  • Erregenerazio demokratikoa, hau baita erabaki politikoak korporazio pribatuen interesen menpekotasunetik askatzeko bide bakarra.
  • Zorraren kontu-ikuskaritza, publiko zein pribatuarena, eta herrialdeen etorkizuna bera mehatxatzen duen zor ez zilegia ez ordaintzea.
  • Finantza erakundeen kontrolerako mekanismo eraginkorrak martxan jartzea eta beste politika batzuk bultzatzea, betiere pobretutako klaseen beharrak kontuan izanik.
  • Aurrerantzean finantza botereen interes ekonomikoak helburu izan beharrean pertsonak helburu izango dituen eredu ekonomiko eta sozial baterako bidean, oinarrizko gizarte eta lan eskubideak bermatuko dituen politikak martxan jartzea Instituzio zein botere publikoen aldetik.

Como primeros pasos necesarios hacia un cambio social que supere la lógica neoliberal existente, EH Bildu apuesta por:

  • La desaparición de núcleos de poder decisorios como la Troika que, sin mandato democrático alguno, imponen políticas de austeridad responsables del empobrecimiento de nuestros países.
  • La regeneración democrática para acabar con la supeditación de las decisiones políticas a los intereses de las corporaciones privadas.
  • La auditoria de la deuda, tanto pública como privada, y el no pago de la deuda ilegítima que amenaza el futuro de países enteros, particularmente en el sur de Europa.
  • El establecimiento de mecanismos de control efectivo de las instituciones financieras y la re-adecuación de sus políticas a las necesidades de las clases más desfavorecidas.

La puesta en marcha por parte de las instituciones y poderes públicos de políticas que salvaguarden los derechos sociales y laborales básicos y que permitan, además, avanzar hacia un modelo económico y social que tenga como objetivo a las personas, y no a los intereses económicos de los grandes poderes financieros.

Troikak bultzaturiko politikak, biharko foroan bilduriko agintariek babesten dituzten politikak borrokatzeko konpromisoa adierazten dugu. Politika hauek, langileriaren eta, orokorrean, gizarteko sektore ahulenen eskubideen murrizketa ekartzen baitute.

Euskal Herria Bildu osatzen dugun gizon emakumeok argi dugu zein den gure lekua, eraldaketa soziala eta burujabetzaren bidetik gure bidea egitera eramango gaituena. Horregatik, bihar kalean izango gara Troikak sinbolizatzen edo bultzatzen dituen politiken kontra, herri honetako gehiengo sozialarekin batera.

EHBildu

https://fbcdn-sphotos-f-a.akamaihd.net/hphotos-ak-frc3/t1/1962788_824954880855163_463681089_n.jpg

https://fbcdn-sphotos-b-a.akamaihd.net/hphotos-ak-ash3/t1/1959706_824955020855149_1859999633_n.jpg

https://fbcdn-sphotos-f-a.akamaihd.net/hphotos-ak-prn2/t1/1982029_824955210855130_984961508_n.jpg

https://fbcdn-sphotos-h-a.akamaihd.net/hphotos-ak-prn2/t1/1902918_824955290855122_1425810020_n.jpg

http://alternatiba.net/old-files/140302OskarMatuteTroika.jpg

http://alternatiba.net/old-files/140302OskarMatuteTroika.jpg

Berriak

Zuen lan-esku merkea abortatuko dugu

Ana Etxarte eta Carmen Garcia – Alternatibako Mahai Feminista

Inauterietako jaialdi ez ohikoa izango da Bilbon antolatutako nazioarteko goi bileran. Bertan  oso pertsonaia ezagunak desfilatuko dute, guztiak ardi larruz jantzita eta euren hitzaldietarako, egonkortasuna, hazkundea edota ekonomia bezalako  izen eufemistikoak erabiliko dituztenak. Hamaika hitz polit horiek, errealitate gordina ezkutatzen dute: gure bizitzei eta bizitzari berari,  inposatzen dioten pobrezia eta prekarietatea, hain zuzen.

Baina hitzaldi guztien izenburuetan bada hitz bat sarri errepikatzen dena: jasangarritasuna. Jakin badakigu goi bilera honek ardatz izango duen jasangarritasun bakarra, sistema kapitalista patriarkalarena izango dela. Gupida gabeko sistema hiltzaile bat, aspalditik planeta osoa eta bertan bizi diren gizon-emakumeen bizitzak eta duintasuna suntsitu dituena.

Izan ere, kapitalismoak betidanik patriarkatua erabili du emakumeak menperatzeko. Patriarkatuari esker kapitalismoak bere ongarria ustiatu dezake: lan indarra. Eta Bilbon bilduko diren pertsonaia ziztrin guzti horiek, beste behin ere, emakumeek egindako lan erreproduktiboa alfonbra gorriaren azpian estaliko dute. Gorbatadun lapur hauek nahi dutena, erreprodukzio horren kostua zeroren ingurukoa izatea da, gero eta gehiago aberastu eta euren kapital zikina biderkatzen jarraitu ahal izateko.

Baina zer behar dute aipatutako helburua lortzeko? Zer behar du kapitalismoak lan-esku merkearekin elikatzen jarraitzeko? Erantzuna da esaneko emakume menderatuak behar dituela. Patriarkatuaren indarra behar dute gu etxean mantentzeko, prekarietatean biziko diren eta lan baldintza ziztrinak onartzera behartuta egongo diren umeak erditzen.

Ondo dakigu betidanik eliza eta bere inkisizio santua guztiz ados egon direla mendeetan emakumeak menderatzeko asmoarekin. Eliza eta moral katolikoa; biak oso lagungarri izan dira sistemarentzat, adituak baitira kontrol soziala ezartzeko askotariko metodoetan; bortitzenetik hasita, emakumeak sutan erretzea esaterako, leunenetara, gure gorputz eta sexualitatearen gainean lotsa eta errua izatea inposatuz, adibidez. 

Eta hara non datozen NDF, Europako Batzordea, Europako Banku Zentrala, hainbat enpresa transnazional eta nola ez, Espainiako Gobernua bere erregea buru. Guztiei harrera ezin hobea egingo die Begoñako Amatxuren zale dugun  alkate txit agurgarriak, euren plan beldurgarria garatzen jarraitzeko, eliza katolikoak gure gorputzen inguruan erabaki duen horretan oinarrituz: “minez erdituko duzu”.

Menderatuta nahi gaituztelako, elizkoi nahi gaituzte, pobre nahi gaituzte, gose nahi gaituzte, errudun nahi gaituzte, ezjakin nahi gaituzte… Menderatuta egotea nahi dute, erditzen eta zaintzen, euren lan indarra erreproduzitzen jarrai dezagun. Horregatik ukatu nahi digute gure gorputzaren gainean erabakitzeko oinarrizko eskubidea, guztiz existitzeko oinarrizko eskubidea, gure buruaren gainean erabakitzea ahalbidetuko diguna, gure gorputzei eta gure bizitzei buruz ari direlako.

Ba beldurraren inauteriak jakin dezala, XXI. mendeko benetako sorginek, era guztietako feministek, zuen hipokresiaren monumentuaren atera oihu egitera joango garela, betiko legez, ez dugula agindua beteko eta abortatzen jarraituko dugula: Zuen lan-esku merkea abortatuko dugu!

Berriak

EAJk Legebiltzarrean berretsi du “mundua pobretu izanaren errudun nagusien biltzarrari” ematen dion babesa

Oskar Matute Alternatibako bozeramaile eta EHBilduko legebiltzarkideak jardunaldi hori “mundua pobretu izanaren errudun nagusien biltzar erraldoi” gisa definitu du. Hain zuzen ere, Matutek bertaratuko direnak eta euren erakundeak jo ditu “demokraziaren murriztearen, lan eta giza eskubideak suntsitzearen” erreduntzat, “baita Euskal Herriari dagokionean ere”, gaineratu du. Koalizioak eskua luzatu dio EAJri, gailurrari eman dion babesa erretiratzeko. Aldiz, jeltzaleek nahiago izan dute PSErekin eta PPrekin batera bozkatu eta koalizioaren mozioaren aurka egin.

Ildo horretatik, Matutek salatu du Jaurlaritzak ateak irekiko dizkiola “murrizketa politika krudela sustatu duten erakundeei”. “Hipokrita da, kanpotik datozenekiko begirunea adierazten duena eta etxekoekin harroputz”, esan die jeltzaleei, Malincheren esaldia gogoratuz. Berez, ongi etorria egingo die Urkulluk eta Jaurlaritzak Espainiako Erregeari edo Christine Lagarde (FMI) eta Olli Rhen (Europako Batzordea) bezalako agintariei.

Horregatik guztiagatik, EH Bilduren bozeramaileak adierazi du koalizioa kalean izango dela, sindikatu eta eragile sozialek deitu duten mobilizazioetan. “Kalean aldarrikatuko dugu beharrezkoa dela eraldaketa soziala eta eredu kapitalista bazterrean uztea”.

EHBildu

Berriak

Politika austerizidak berrestera datorren goi bilera ekonomikoaren aurrean gure bidea aldarrikatuko dugu

Alternatibako bozeramaile eta EHBilduko legebitzarkide Oskar Matutek gaur goizean eginiko interbentzioa Troikaren Goi Bilera ekonomikoaren harira. Maite Ubiria Sortuko eta EHBilduko kideak Europako ezkerreko hainbat alderdirekin egingo dugun topaketaren berri eman du.

Ezaguna denez, datorren astelehenean, martxoaren 3an, nazioarteko finantza erakunde nagusietako eta enpresa transnazional garrantzitsuetako ordezkariak bilduko dira Bilbon, haientzako antolatu den Goi Bilera ekonomikoan. Global Forum Spain lemapean, krisiaren aitzakiarekin herritarren eskubideetan egin duten sarraskia goratzera datoz, haiek diseinatutako politikak aplikatu dituzten ordezkari politikoen txalo artean.

El 3 de marzo  esta ciudad acogerá a la mayor cantidad de responsables del empobrecimiento mundial y de la vulneración de derechos sociales y laborales que jamás se haya congregado en Euskal Herria. La cumbre económica que se celebrará el lunes, pretende respaldar las políticas llamadas de austeridad impulsadas por la Troika e implementadas por diferentes gobiernos, entre ellos, los sucesivos ejecutivos de Gasteiz, Iruña y Madrid, convertidos en el último eslabón de una cadena iniciada en los despachos de instituciones ajenas a la democracia.

Vienen a tildar de estabilidad a la sangría de millones de personas desempleadas que cuentan los países del sur de Europa y a la condena perpetua de la precariedad social de amplias capas de la población. Mientras tanto, hablan de crecimiento y de brotes verdes cuando transnacionales como las que participarán en la cumbre engordan sus beneficios a base de desahuciar personas, aplicar regulaciones de empleo al tiempo que deslocalizan trabajo e incluso de explotar hasta la muerte a sus plantillas en países del mal llamado tercer mundo como Bangladesh.

Baina herritarren gehiengoa pobretu ez ezik, beren neurriek sistema kapitalistaren krisiak eragindako ondorioak konpontzeko inolako baliorik ez dute izan. Aldiz, langabeziaren hazkunde ikaragarria eta eskubide sozialen galera masiboa besterik ez dute lortu. Zerbitzu publikoak desegin dituzte, publikoa zen oro esku zein irabazi pribatuen esku utzita. Eta horrela, murrizketen gurpil gaiztoan murgildu dira, bestelako irtenbiderik ez dela ziurtatuz.

El Gobierno español necesita legitimar una política económica que condena a la precariedad social y a la miseria a cada vez más personas; y una vez más contará con cómplices necesarios en las instituciones locales, gobernadas por el PNV y con el aplauso de PP y PSOE, para agasajar a las y los representantes de organismos como el FMI, cuyas prácticas generan un amplio rechazo en el seno de la sociedad vasca. Rajoy, Urkullu y Almunia confraternizarán con quienes generan la pobreza, pobreza cuyas víctimas llaman después a la puerta de Europa para ser recibidos con pelotazos y cuchillas mortales.

Desde  EH Bildu, mañana volveremos a solicitar en sesión parlamentaria al lehendakari Urkullu que no se sume a quienes se enriquecen cada día a costa de empobrecer al resto. Le instaremos a reivindicar la soberanía de las instituciones vascas para plantar cara a las políticas homicidas en forma de recortes que le ordenan aplicar aquellos a los que va a recibir con la alfombra roja y medidas de seguridad que, a buen seguro, tratarán de acallar  el clamor popular que responderá desde las calles  que Euskal Herria no quiere acoger a quienes expolian derechos y dignidades.

Euskal Herria Bildu osatzen dugun gizon emakumeok argi dugu zein den gure lekua, eraldaketa soziala eta burujabetzaren bidetik gure bidea egitera eramango gaituena. Horregatik, kalean izango gara Troikaren lukurreria eta erasoen kontra, herri honetako gehiengo sozialarekin batera.

 

Troikarenaurrean,gurebidea:eraldaketasozialaetaburujabetza

Martxoak2,ZabalgunekoMerkatuan(15.00etatik19.00tara)

15:00:Topaketarenhasiera.

Hizlariak:

?   ErricosFinalis:Syriza koalizioaren zuzendaritzako kidea eta kanpo harremanetako arduraduna. Diputatua Greziar parlamentuan.

?    TrevoróClochartaigh:Sinn Féineko senataria.

? JorgeCosta:EurodiputatuohiaetaPortugalekoBlocodeEsquerdako  batzorde politikoaren kidea.

?    HerriGourmelen:Bretainiako eskualde kontseilari ohia, kultur eragilea eta UDB alderdiaren fundatzailea. Bonnets Rouges mugimenduaren sustatzaileetako bat da.

?   SandraMuzzi:Italiako SinistraEcologiaLiberta(SEL)-koordezkaria.

? FlorianWilde:Alemaniako Die Linke alderdiaren ordezkaria. Rosa Luxemburg fundazioaren kidea. Austeritate politikoari aurka egiteko koordinadoraren kidea.

? Kataluniako CUP, GaliziakoBNG, Kanarietako ANC eta UPkoordezkariak.

? EH Bilduren izeneean Josu Juaristik hitz egingo du.

17:00:Atsedenaldia.

17.30:Bigarren lansaioa:Solasaldi-eztabaida. eztabaida:Troikaren politikei alternatibak.

https://fbcdn-sphotos-c-a.akamaihd.net/hphotos-ak-frc3/t1/1896861_822506234433361_787118076_n.jpg

https://scontent-a-cdg.xx.fbcdn.net/hphotos-prn2/t1/1623773_822506261100025_159206502_n.jpg

https://fbcdn-sphotos-f-a.akamaihd.net/hphotos-ak-ash3/t1/1795534_822506287766689_319552984_n.jpg

https://scontent-b-cdg.xx.fbcdn.net/hphotos-prn2/t1/1743442_822506311100020_775014962_n.jpg

Berriak

Ahalik eta gehien zabaldu

Diotenez, nazioarteko krimen antolatuaren arduradun nagusienetako batzuk, martxoaren 3an Bilbon batzartuko dira, elkar elikatu eta beren jardun deliktiboarekin jarraitzeko asmoz. Hauek dira buruzagi bilatuenetako batzuk; ahalik eta zabalkunde zein laguntza handiena eskatzen dugu:

Christine Lagarde. Nazioarteko Diru Funtseko Zuzendaria.

Leporatzen zaiona: demokraziatik kanpo dagoen erakunde bat zuzentzea, herrien burujabetza murriztea eta bere ondasunak banku handiei ematea. Hirurogei urtetan, nazioarteko mafia honek munduko diktadurarik ustel eta odoltsuenetako batzuk babestu ditu, beti ere Estatu Batuen kanpo politikarekin bat eginda. Gaur egun, Troikan parte hartuz, Europako hegoaldeko herrialdeen baliabide publikoen ustiaketan dihardu.

Jeroen Dijsselbloem. Euro-taldearen presidentea.

Leporatzen zaiona: banku pribatuekin batera pentsio publikoen aurkako erasoa planifikatzea. Baita Greziako herriari bere diru publikoa esku pribatuetan jartzeko xantaia egitea ere.

Olli Rehn. Ekonomia eta Moneta Gaietarako Komisario europarra.

Leporatzen zaiona: Rajoyren gobernuaren murrizketa politikak sustatzea. Baita, irabazi pribatuak handitzeko asmoz, soldatak %10ean murriztea proposatzea.

Karel de Gucht. Merkataritzako Komisario europarra.

Leporatzen zaiona:  lobby eta multinazionalen esanetara jardutea. Gainera, Estatu Batuen eta Europako Batasunaren artean hitzarmen bat negoziatu du, enpresari handiek eta bankariek euren espoliazioa jarduteko lege erraztasun handiagoak izateko. Besteak beste, 900.000 euro lapurtu dizkio Begikako herriari iruzur fiskalaren bitartez.

Joaquin Almunia. Konpetentzia Komisarioa eta PSOEko idazkari nagusi ohia.

Leporatzen zaiona: EBko herrietako industria politikei eta langileen eskubideen babesari trabak jartzea.

Werner Hoyer. Inbertsioen Europako Bankuko Presidentea.

Leporatzen zaiona: herrien zorpetzea eta bere ingurumena suntsitzea dakarren edozein lan finantzatzea; besteak beste, Abiadura Handiko Trena, Zubietako erraustegia edota Supersur errepidea.

Francisco Gonzalez. BBVAko Presidentea.

Leporatzen zaiona: krisi garaietan etekinak laukoiztu dituzten banku espainiarren elitea handitzea. Pentsio publikoen desegitea sustatu eta pentsio pribatuen negozioa ere elikatu du. Urtean 5,16 milioi irabazten ditu eta 80 milioiko pentsio pribatu bat jasoko du.

Pablo Isla. Inditex enpresako presidentea.

Leporatzen zaiona: Bangladeshen gertatutako 200 langileen sarraskia. Bere etekin pertsonalak 20 milioikoak dira urtean, bere Marokoko langileek astero 65 ordu lan egiteagatik hilean 178 euro jasotzen dituzten bitartean.

Jose Llado. Tecnicas Reunidas enpresaren jabea.

Leporatzen zaiona: Ibex 35eko enpresa gehienek egiten dute bezala, bere dirua paradisu fiskaletan mantentzea.

Jorge Sendagorta. SENER-eko presidentea.

Leporatzen zaiona: armak egin eta saltzeko, diru-laguntza publikoetan hainbat milioi kobratzea.

Ignacio Sanchez-Galan. Iberdrolako presidentea.

Leporatzen zaiona: energia nuklearrari esker bere burua aberastea eta Garoñako zentrala defendatzea. Gobernu espainiarraren erreforma elektrikoak idaztea leporatzen zaio. Hauei esker, 10 milioi euroko etekinak lortzen ditu egunean.

Cesar Alierta. Telefonicako presidentea.

Leporatzen zaiona: bere langileen %20a kaleratzea, bere etekinak egunean 10 milioi eurokoak direnean.

Mariano Rajoy, Luis de Guindos, Iñigo Urkullu eta Iñaki Azkuna. Agintariak.

Leporatzen zaiena: nazioarteko krimen antolatuaren alde egiteko legea usteltzea, diru publikoa enpresa handiei eta banku pribatuei ematea, eta euren kideentzako enpresa zein banku horietan urrezko erretiroak negoziatzea.

Juan Carlos Alfonso Victor Maria de Borbon y Borbon-Dos Sicilias. Erregea eta Francisco Franco diktadorearen ardurapekoa.

Leporatzen zaiona: Estatu espainiarraren erakunde militarraren burua izatea, herrien burujabetza ukatzea eta mundu osoko diktadore odoltsuen lagun-mina izatea. Bere aisialdian elefanteak erailtzen ditu eta gabon diskurtsoak ematen ditu.

Pertsona hauek atxilotzeko eta behingoz herritarren justiziaren eskuetan uzteko lagungarria izan daitekeen edozein informazio jakinaraztea eskertuko dizuegu.

http://alternatiba.net/old-files/Fondo facebook Troika2.jpg

http://alternatiba.net/old-files/kontuzTroika.jpg

Berriak

Alternatiba | Ezkerra eraldatzearen erronka

X