Etiketa: Internazionalismoa

Hassanna Aaliaren asiloa eskatzeko manifestazio nazionala deitu dugu Bilbon

Gaur goizean Euskal Herriko hamaika eragile politiko, sindikal eta sozial batu dira, Hassannaren Lagunak izenpean larunbatean Bilbon, arratsaldeko 17:00etan abiatuko den manifestaziorako deialdia egiteko. Agerraldian izan da Alternatibako Koordinakunde nazionaleko kide Alba Fatuarte, EHBilduko ordezkari Maribi Ugarteburu eta David Lopategirekin batera.

Hemen agerraldia irakurritako testua euskara:

Lehenik eta behin, bertaratu garen eragile sozial, politiko eta sindikalek, gure babesa eta elkartasuna adierazi nahi diogu Hassanna Aaliari, gure adiskide eta sahararren aldeko borrokako aktibista.

Hassanna Mendebaldeko Saharan, Aaiun-en, jaio zen 1988. urtean. 17 urte zituela, bere militantzia politikoari ekin zion, giza eskubideen defentsan eta herri sahararraren autodeterminazio eskubidearen alde. Harez geroztik, eta herrialdetik azken aldiz atera arte, tratu txarrak, tortura eta atxiloketak pairatu ditu polizia-etxe marokoarretan.

2011ko martxoan, hilabete lehenago Dakarren (Senegal) izandako Munduko Foro  Sozialean parte hartu ondoren, autonomia erkidego honetara etorri zen giza eskubide eta nazioarteko zuzenbide ikasketetan sakontzeko, okupatutako eremuko gazte sahararrei zuzendutako beka bati esker. Urte bereko maiatzean, hiru hilabetez ikasten egon ostean, Hassanna okupatutako Mendebaldeko Saharara itzuli zen, giza eskubideen aldeko konpromiso politiko eta borroka baketsuari eutsiz. 

2011ko urrian, bigarrenez etorri zen autonomia erkidego hontara, bere formazioaren bigarren zatiarekin jarraitzeko. Handik hilabetera, telefono dei baten bitartez jakin zuen, Rabaten dagoen Epaitegi Militar Marokoarrak, beste 24 lagunekin batera sumario militar batean sartu zuela, Gdeim Izik-en Duintasun kanpamendu batean parte hartzeagatik. 

Horregatik guztiagatik, 2012ko urtarrilean, Hassannak asilo politikoa eskatu zion Espainiako estatuari. Bien bitartean, giza eskubideen inguruko formazioarekin eta hainbat hitzaldi eta topaketetan parte hartzen jarraitu zuen herrialde osoan zehar.

2013ko otsailean, hemen zegoela, internet bidezko irrati baten bidez, guztiz erabaki bidegabe baten berri izan zuen: biziarteko kartzela zigorra ezarri zioten, Gdeim Izik-eko kanpamenduko gertakizunengatik. Epaia Rabateko Auzitegi Militarrak ezarri du, 25 zibil kondenatuz. 

Nazioarteko hainbat erakundek publikoki eta aho batez salatu dute Auzitegi Militar honek abian jarritako prozedura ez dela bidezkoa, ez baititu gutxieneko bermerik betetzen: Dirudienez, akusatuen deklarazioak torturapean egin dituzte; gainera, ezin izan dituzte aurkeztu euren errugabetasuna baieztatzeko eskatutako frogak; eta azkenik, polizia akta faltsuak aurkitu dira.

Auzitegi honek Hassannaren aurkako akusazio faltsu batean oinarritu da. Ez du kontraesan eta defentsa printzipioa ere errespetatu, bera ez baitzen bertan izan hura gauzatzeko. Gainera, Auzitegi Militar honek emandako epaiari ezin izan zitzaion errekurtso arrunt bat ezarri.

Hauek dira epaiketan behatzaile lanak egindako erakundeetako batzuk: Giza Eskubideen Behatzaileen Nazioarteko Erakundea, Amnistia Internazionala, Human Rights Watch, hainbat eurodiputatu, Mendebaldeko Saharako Fundazioa, Europako Parlamentuko Atzerri Batzordea, Giza Eskubideen aldeko elkarte marokoarra, eta alderdi politiko ezberdinak.       

Javier Canivell, Hassannaren abokatuak publikoki adierazi duenez, urtarrilaren 19an Barne Ministeriotik jakinarazi zitzaion, eskatutako nazioarteko babesa ukatua izan dela eta Hassanna estatutik 15 egunetan ateratzera behartzen duen agindua igorri zaiola. 

Hassannari helarazi zaion ebazpenak onartu egiten du borroka sahararraren aldeko ekintzailea dela, Giza Eskubideen urraketa larrien Biktimen Elkarte Sahararreko kidea dela, eta bai Hassannak zein aipaturiko elkarteak, euren jarduna era baketsuan garatzen dutela. Era berean, onartu egiten da Hassannak 17 urte zituenetik atxiloketak, tratu txarrak eta torturak pairatu dituela polizia marokoarraren eskutik. Beraz, Hassannak errefuxiatu estatutua eskuratzeko ezarritako eskakizunak betetzen ditu. Aitzitik, Hassannari jakinarazitako erresoluzioak, oinarritzat hartzen du eta ez du zalantzan jartzen Rabateko Auzitegi Militarraren epaia, eta Estatu espainolean asilo eskubidea arautzen duen 12/2009 legean zehaztutako asilo eskubidea ukatu egiten dio.   

Hassanna atxilotua izateko arrisku larrian dago; biziarteko kartzela zigorra betetzeko espetxeratua izan daiteke, berez tratu krudel eta iraingarritzat jo daitekeena.

UNHCR, Iheslarientzako Nazio Batuen Goi Mandatariak ere, Hassannaren babes eskaeraren alde agertu da, baina Estatu espainolak ez du aintzat hartu.

Honengatik guztiagatik, bertaratu garenok honakoa adierazi nahi dugu:

Espainiako Gobernuko Barne Ministerioari Hassanna Aalia-ri asilo politikoa ematea eskatzen diogu, egindako nazioarteko babes eskakizuna onartuz. Izan ere, bere herrira itzuliz gero, gogortasunez zigortua izango da agintari okupatzaile marokoarren eskutik eta bizitza osoan ez da berriz ere espetxetik aterako. Hassanna ekintzaile politiko bat delako, nazioartean aitortua, eta herri sahararren autodeterminazio eskubidearen alde era baketsuan borrokatzen duelako.

Horregatik guztiagatik, “Hassanna LIBRE, asilo politikoa orain!” lelopean,  manifestazio nazionala deitzen dugu Bilbon larunbat honetan, urtarrilaren 31n, arratsaldeko 17:00etan. Manifestazioa Arriaga plazatik abiatuko da eta Gobernuaren Ordezkariordetzan amaituko da.

Eskubide zibil eta politikoen urraketa honi aurre egiteko, herritarrak larunbateko manifestazioan parte hartzera deitzen ditugu, guztion artean indarra egin dezagun, Hassannari asilo politikoa eman diezaioten.

Herri Eragileak:

-Euskadiko Gazteriaren Kontseilua (EGK)
-Sahararen diaspora(DISABI)
-Ahaztuak 1936-1977
-Tolosaldea Sahararekin
-Ikasle Abertzaleak
-Etawasol
-EHE
-Komite Internazionalistak
-Leioako Sahararen aldeko elkartea FATH
-ATFAL Getxo
-Elkartzen
-Asociación saharaui por la convivencia y la solidaridad en Euskadi(bizikidetza eta elkartasuna)
-Bilgune Feminista
-Hernaniko saharar herriaren lagunak
-Ernai
-Amigos y amigas del sahara (Ermua)
-Askapena
-Asociación Euskadi Sahara
-GITE-IPES
-Amigas y amigos de la RASD
-Gazte Abertzaleak
-Asociación mujeres del mundo BABEL
-Berriotxoak
-Marcha Patriotica
-Red mujeres vascas en apoyo a la mujer saharaui
-Constituyente de exiliad@s colombianos por la paz
-CEAR
-Gazte Komunistak
-Asociación integral/cultural(AMAL)
-Eleak, eskubide zibil eta politikoen aldeko mugimendua

Sindikatuak:

LAB
ELA
STEILAS
EHNE Bizkaia
ESK

Alderdi politikoak:

Ezker Anitza/Izquierda Unida
EH BILDU
PCE-EPK
EAJ-PNV

https://fbcdn-sphotos-f-a.akamaihd.net/hphotos-ak-xpa1/t31.0-8/10865755_1031993113484671_5093351023211942294_o.jpg

https://scontent-a-mad.xx.fbcdn.net/hphotos-xfa1/t31.0-8/10547738_1031993346817981_2965422205727662065_o.jpg

https://fbcdn-sphotos-b-a.akamaihd.net/hphotos-ak-xpa1/v/t1.0-9/10945584_1031997903484192_4477343141203304422_n.jpg?oh=ea26fe92d1a63b8e8746007088183493&oe=556D951E&__gda__=1432338548_52c5ffd3b974667fd7670546b20d0fa3

https://scontent-b-mad.xx.fbcdn.net/hphotos-xpf1/t31.0-8/s960x960/10943756_1031993463484636_8985984391994786921_o.jpg

https://fbcdn-sphotos-d-a.akamaihd.net/hphotos-ak-xpa1/t31.0-8/10922270_1031993406817975_4433930295515901666_o.jpg

https://fbcdn-sphotos-c-a.akamaihd.net/hphotos-ak-xpa1/t31.0-8/10662179_1031993146818001_5713565796576182402_o.jpg

https://scontent-b-mad.xx.fbcdn.net/hphotos-xap1/t31.0-8/10865870_1031993140151335_6104317358496208886_o.jpg

https://fbcdn-sphotos-h-a.akamaihd.net/hphotos-ak-xpf1/v/t1.0-9/10942603_1031993466817969_6999307642944627515_n.jpg?oh=21bfb208222a937f81cbbc32b76de051&oe=556C546F&__gda__=1432991824_41e9de187010a78e896f0a78a49031f1

Berriak

Alternatibak Greziako herriaren garaipena ospatu du beldurraren propaganda eta Troikaren austerizidioaren aurrean

Syrizak Grezian izandako garaipena ospatzen dugu Alternatibatik, hauteskundeetako garaipen arrunt batetik haratago doalako. Greziako herriaren garaipena da hau, Europako Banku Zentralaren, Europako Batzordearen eta Nazioarteko Diru Funtsaren aurrean, herritarrei bizkarra emanda botere finantzariek  sortutako erakunde ilunen aurrean. Troikaren boterearen kontra altxatzen den ezkerraren lorpena da, eliteen menpe dauden alderdiak gainditu dituena.

Atzoko emaitzek ezkerreko fronte zabal bat jarriko dute gobernuan, demokraziaren eta herriaren burujabetzaren alde, Greziaren alde, egiten duen blokearena. Herritarren duintasuna eta bestelako eredu sozioekonomiko baterako bidea egin nahi duen apustua da, benetan bidezkoa eta jasangarria izango dena.

Syrizak Troikaren presioen gainetik irabazi du, Berlin eta Bruselatik jaurti duten propaganda beldurgarriaren gainetik. Oker uste zuten austerizidioaren bidez dagoeneko pobreziara kondenatu duten herria are gehiago pobretzera kondenatzearekin mehatxatu zezaketenik. Merkatuek ez dute kontuan izan ezer galtzerik ez duenak inolako beldurrik ez duela.

Garaipena lortu duten arren, Greziako herriaren bidea leuna izango ez dela badakigu; kontraesanez eta oztopoz josita egongo da. Baina hala eta guztiz ere, barneko amorruari beldurrari eta etsipenari aurre egingo dion ilusioaren eta itxaropenaren bidea ere izanen da. Euskal Herriko emakume zein gizon ezkertiarrok barneratu beharreko ikasbidea da hau, ezkerretik burujabetza osoaren eta aldaketa politiko eta sozialaren alde apustu egin nahi dugunontzat ikasbidea.

Alternatibaren Koordinakunde Nazionala 

Berriak

Diana Urrea “Hassannak errefuxiatu politiko gisa hartzeko baldintza guztiak betetzen ditu eta Marokora itzultzekotan bere bizitza arriskuan egongo da”

Alternatibako kide eta EHBilduren parlamentari Diana Urreak, Espainiako Barne Ministroari Hassanna Aalia Saharako aktibistari babes eskubidea emateko proposatu du Estatutik alde egiteko Madrilek 15 egun eman dizkionean. Legebiltzarrak haintzat hartu du proposamena.

Mendebaldeko Saharan jaio eta 2011n Euskal Herrira iritsi zen Hassana Aalia gaztea, Marokotik ihes eginez. Orain espainiar Gobernuak 15 egun eman dizkio Estatutik alde egiteko, babes eskubidea ukatu baitio, nahiz eta baldintza legal guztiak betetzen dituen eta bere sorterrira itzultzekotan bere bizitza arriskuan egongo den. Bere egoera larriaz asaldaturik, Bakea eta Askatasuna Mendebaldeko Saharan Taldeartekoa presaz bildu da gaur Legebiltzarrean, EH Bilduk hala eskatu ostean, eta koalizioaren proposamena aintzat hartuz, Espainiako Barne Ministerioari eskatu dio Hassanna Aaliari dagokion babes politiko eskubidea onartu dezala, “Marokora itzuliko balitz, bizi osoko espetxe zigorra bete beharko lukeelako, saharar herriaren eskubideen alde modu baketsuan aritzeagatik”, Diana Urreak ohartarazi duenez. Gasteizko Taldeartekoak bilera ere eskatuko dio Fernandez Diaz Barne ministroari, Aaliaren eskubideen alde egiteko.

EH Bilduko legebiltzarkideak azaldu duenez, Hasssanna Aaliak Marokoko Armadak bortizki desegin zuen Gdeim Izik erresistentzia kanpaldi baketsuan parte hartu zuen 2010ean, eta 2013an bizi osoko zigorra ezarri zion horregatik epaitegi militar batek. Nazioarteko erakundeek bidegabekeria hori salatu dute, epaiketak bidezkotzat hartu ahal izateko bete beharreko gutxieneko baldintzak bete ez zituelako, akusazio faltsuak eta torturak tartean. Espainiar Gobernuak berak onartu du Aaliak modu baketsuan egin duela saharar herriaren eskubide demokratikoen alde eta, beraz, babes eskubidea emateko baldintzak betetzen dituela. Hala eta guztiz ere, babes eskubidea ukatu zion hilaren 19an eta 15 egun eman zizkion Estatutik alde egiteko, erabaki horrek bere bizitza arrisku larrian jartzen duela jakin arren. Diana Urrearen iritziz, “horrelakoetan ohikoa denez, Hasssanna Aaliaren kasuan ere espainiar Gobernuaren jokaera nazkagarria da, babes eskubidea ukatzen diolako Marokok haren giza eskubideak urratuko dituela dakien arren”.

Berriak

Syrizak Greziaren burujabetza eta demokrazia ordezkartzen du

 
Datorren urtarrilaren 25ean, hauteskundeak egingo dira behingoz Grezian. Europako ezkerraren interesa piztu duten hauteskundeak, Syrizak garaipena lortzeko aukera errealak dituelako. Elite ekonomiko eta politikoek ere egiazkotzat jotzen dituzten aukerak, eta horregatik FMIrekin eta Alemaniako Gobernuarekin batera, euren mehatxu eta estortsioa gora doaz, Greziako herriaren balizko erabakien aurrean.
 
 
Syrizak hori ordezkatzen duelako, Greziako herriaren subirautzaren defentsa,  hemendik aurrera egingo dena erabakitzeko, langile klasearen interesen defentsa ordezkatzen du eta demokraziaren defentsa ordezkatzen du, mehatxu edo injerentziarik onartu gabe.

https://pbs.twimg.com/media/B7vSoJ2IIAEXT2c.jpg

Berriak

Palestinaren aldeko elkartasuna sakontzeko EHBilduren proposamena

Euskal Herria eta Palestina arteko elkartasun haria aspaldikoa da. Gure herriak oso une eta egoera ezberdinetan bat egin du Palestinako herriak eraman duen borrokarekin.

Palestinarren oinarrizko eskubideak, zibil eta politikoak, norbanakoenak zein kolektiboak, zapaltzen ditu Israelek Palestina okupatuan garatu duen politikak. Gazaren aurkako blokeoa, alde batetik, eta kolonizazioa, bestetik, guztiz jasangaitza den egoeraren adierazle dira.

Israelgo estatuaren sorreratik pizturik izan den auziari irtenbidea emateko bi estatuen soluzioa aitzat hartzen du EH Bilduk, Nazio Batuek onartu ebazpenek babestu eta palestinarrek beraiek aldarrikatzen duten soluzio markoa delako.

1967. aurretiko mugen gainean eratua eta Jerusalem hiriburua izango duen Palestinako estatuaren zilegitasuna aldarrikatzen dugu eta gure ustez errefuxiatu palestinarren itzulera ezinbestekoa izango da bake iraunkor eta justua bermatzeko.

Ordezkari palestinarrek zehaztutako lehentasunak jarraituz, datozen bi urteotan Estatu palestinarraren onarpenaren eta okupazioaren bukaeraren alde jardungo dugu eta Palestinako preso politikoen egoera eta oro har oinarrizko eskubideen aldeko dinamika landuko ditugu.

Guzti honetarako, palestinarren batasun nazionala hizpide hartuta, haien aginte nazionalarekin harremanak  sendotuko ditugu eta gizarte zibileko ordezkariekin elkarlanean aritzea hobetsiko dugu.

Helburu horiekin bat eginez sostengu dinamika iraunkor bat sustatzeko ekimenak bultzatuko ditu EH Bilduk. 3 lan ardatz nagusitan:

•    Palestinako herriaren aldeko ekimenak babestuko ditugu  nazioarteko eremuan.

•  Palestinarrek pairatzen duten giza-eskubideen bortxaketen salatzeko, Palestinako okupazioa iraun bitartean Israelekin lehentasunezko akordioak eta oro har harreman diplomatiko normalizatuak garatzea ez dugu zilegitzat joko.

•    Azkenik, Palestinarren egoerari elkartasunetik erantzuteko aukerak zabalduko ditugu, lankidetza era iraunkorrean garatuz, baina une-uneko elkartasun ekimenak alboratu gabe.

Lan ardatz hauek, gizarte sentsibilizazioa eta herritarren inplikazioa bultzatuko duten ekimenak lehenetsiz garatuko ditugu, mezu eta jarduera iraunkorrak hartuz. Dinamika inklusiboak aldarrikatzen ditugu, euskal jendartearen baitan palestinar herriaren eta oro har bere askapen nazional eta soziala bilatzen duten herrien aldeko jarrera aktiboak sustatzeko helburua dugulako.

Palestinako eragileek luzaturiko lankidetza proposamenak bultzatu eta babesteaz gain, ekimen propioak  garatzeko asmoa du EH Bilduk.

Gure asmoa ez da Palestinaren aldeko konpromiso teorikoak adieraztea, baizik eta palestinar herriaren alde jarrera eraginkorra hartzea. Beti ere euskal  jendartean sustraituta diren dinamikak ahantzi gabe, eta ahal den neurrian horiek elikatuz eta lagunduz.

Gazaren aurkako azkeneko erasoaldiak euskal herritarrengan sortu zuen zirrara baliatuta, ildo beretik urrats gehiago eman genuen: herritarrei gonbita bikoitza luzatu genien: alde batetik, palestinarren aldeko sostengu kanpainekin bat egitea eskatu genien; eta bestetik, Israelen ekoizturiko produkturik edo israeldar koloniak inbertsio bitartez babesten dituzten enpresen produkturik ez erosteko gomendioa egin genien.

BDS-en aldeko kanpaina malgutasuna ahalbidetzen duen heinean, bidea eginez segitzea hobesten dugu. Han non aukerak aurreikusten diren urratsak ausartagoak emateko -demagun senidetuta dauden herrietan- kanpaina horretan sakontzeko aukera aztertuko dugu. Kasuz-kasu, herriko eragileekin adostuta. Behetik gorako dinamikaren baitan.

Azkenik, EH Bilduk helburu propioak dituen heinean – euskal jendartearen baitan atxikimendu zabala jasotzen dituzten asmoak: bakea, autodeterminazioa, justizia soziala- nazioarte mailan asmo horiek aurrera eramateko jarduerek lehentasuna hartu behar dutelakoan gaude.

Berriak

EHBilduk bere babesa eta atxikimendua adierazi dio Kolonbiako bake prozesuaren aldeko konferentziari

Kolonbiarrak eta euskal herritarrok asko dugu komunean. Arrazoi ekonomikoa zein politikoak direla medio, ugariak izan dira Kolonbiara alde eginiko euskaldunak. Era berean, hemen gurean ere, arrazoi ekonomikoak zein politikoak direla etorritako kolonbiarrak ere ,ez dira gutxi.

Horretaz gain euskaldun eta kolonbiarrak azken hamarkada luzeetan gatazka amaigabean bizi izanak batu gaitu. Bi herriotan erro historiko eta politikoak dituen biolentzia bizi izan dugu, eta orain oso gutxi arte, bi herrioi gatazkan bizitzera kondenatuak izango bagina bezala tratatu izan gaituzte.

Baina ez da horrela izan. Zeren bi herriok batzen gaituen beste elementua “bakea eta askatasunean” bizitzeko griña da. Asko sufritu duten herriek ondo dakite noraino den ona eta beharrezkoa bakea.

Horregatik, Aieteko jauregian orain hiru urte bake bidea gure herrian ireki zuen konferentziaren leku berean Kolonbiaren bake prozesuaren aldeko konferentzia bat egiteak pozten gaitu.

Gatazkak, noski, desberdinak dira, hemendik pasatu diren hainbat eta hainbatek azaldu diguten bezala, ez dago gatazka berdinik, eta bide eta irtenbideak ere desberdinak dira. Baina helburua, aldiz, berdina da: Bake justu eta iraunkorra lortzea.

Gatazka luze hauei irtenbidea ematea beti da zaila, beti daude ezbehar eta ezustekoak (nahita edo nahigabekoak). Kolonbiako kasuan Cano komandantearen hilketa edota Euskal Herrian Arnaldo Otegiren espetxeratzea bezalako kasuak…, horrelako prozesu zailak froga gogorren aurrean daude beti eta zailtasunen gainetik beti aurrera egiteko borondatea agertzeak prozesuaren atzeraezintasunaren adierazle dira. Azken asteotan Kolonbian ere une zailak bizi izan dira baina aldeorok erantzunkizun osoz jokatu du.

Maila horretan prozesuaren deseskalamendurako neurriak ematea eta Gobernu zein FARCek sueten akordioa lortzeak berebiziko garrantzia dutela deritzogu. Aldeei dei egiten diegu akordiorako esfortzuak areagotu ditzaten.

ELNrekin ematen ari den elkarrizketa esploratxaileek ere lehenbailehen emaitza positiboak izatea espero degu. Eta horretara animatzen ditugu aldeak.

Argi dago, beraz, aukera paregabea dagoela gatazka honi,euskal gatazkari bezala, behin betiko irtenbidea ematekoa. Kontua borondate politikoan eta herritarron babesean dago, herritarron griñan.

EH Bilduk, babes osoa agertu nahi dio Kolonbian burutzen ari den pake prozesuari eta gure eskuetan dauden aukerak baliotuko ditugu prozesu hau ahal dugun einean babestu eta laguntzeko.

http://alternatiba.net/old-files/Urrea Arraiz Kolonbia.jpg

Berriak

Alternatibak Kolonbiako bake elkarrizketak berriz abiatzeko eskatu die bi aldeei

Alternatibaren mahai Internazionalistatik, Diana Urreak salatu du bihar Habanan hastekoak ziren Kolonbiako presidente Juan Manuel Santos eta FARC-EP gerrillen arteko bake negoziaketen haustura.

Kontaktuen etenaldia Santosen gobernuak jakinarazi du Choco departamentuan armadaren jeneral baten bahiketa gertatu ostean, antza denez, buruzagi militarrak hautatutako bidearen gainean egindako ohartarazpenak kontutan hartu ez zituelako. Gogoraraztea, bestetik, joan den astean ELNko negoziatzaile bat ere desagertu dela.

Edozein kasutan, Alternatibatik alde bien arteko elkarrizketei berrekin eta helburuetan sakontzeko dei egiten diegu, Kolonbiako herriak aspaldi duen gogoari bidea irekitzeko, alegia, bake iraunkorra lortzea, mina nagusi izan den garai luzeari amaiera emateko. Hala, Urreak Kolonbiako gobernuaren eta FARC-EPren arteko erasoen etenaldia eskatu du, Habanako mahaira buelta daitezela eta bakea lortzeko aukera paregabe hau galarazi ez dezatela.

Berriak

Alternatiba eta Kubako Herrien Laguntasunerako Institutuaren arteko topaketa Habanan

Joan den irailaren 24an, La Habana hirian, ICAP Kubako Herrien Laguntasunerako Institutuaren egoitzan topaketa internazionalista eman zen erakunde honetako Europarako zuzendari Gladys Ayllonen, espainiar zein portugaldar estatuekiko harremanetarako arduradun Katia Suarezen eta Alternatibako militante eta Mahai Internazionalistako kide Carmelo Hernandezen artean.

Topaketan, Alternatibako ordezkariak, erakundearen izenean, ICAPekoi “Nuestro mayo rojo” liburua oparitu zien, Patxi Abasolo, David Mendaza eta Joxerra Bustillo egileena eta Txapalarta argitaletxeak kaleratutakoa. Liburuak euskal langileriaren mugimenduaren historia (1789-1990) jasotzen du eta Eugenio Etxebeste “Antton”-en hitzaurrea eta Giovanni Giacopuzziren sarrera dauzka.

ICAPeko arduradunen aldetik, harrera beroa eskaini zioten Hernandezi, Kubako herriaren oinarri solidario eta internazionalisten berri emanda. Era berean, Alternatibako kide baten bisita eskertu zuten, alderdiaren inguruan interesa agertuta, euskal politikagintzan jokatzen duen rolarengatik, gure kideak azaldu ziena, Euskal Herriko ezker subiranista eta antikapitalistaren baitan dugun kokapenaren gainean.

Gure konpromiso solidario internazionalista aipatuta, Kubako herriaren eta bere iraultzaren eredua goratu zuen, erresistentziaren erreferente gisa herritarren burujabetza eta beren askapen soziala beste herri batzuentzako inspirazio iturri izan dela beren bide propioak jorratzeko. Alternatibatik, abagunea erabili zen ICAPekin batera elkartasun internazionalistaren eremuan etorkizunean jorratu daitezkeen elkarlanetarako. Hala, gure ordezkariak esan zien Institutuaren gertukoak diren Euskadi-Cubaren moduko elkarteekin edota hari lotutako Cubainformacion komunikabidea, Jose Manzanedak zuzendutakoa.

Azkenik, bi aldeen arteko elkarlanerako aukerak aztertu eta etorkizunean harremanetan sakontzeko asmoa agertu zuten, elkartasun internazionalista dela medio, bien arteko balizko kolaborazioetarako  prestutasuna agertuta.

https://fbcdn-sphotos-a-a.akamaihd.net/hphotos-ak-xpa1/v/t1.0-9/535908_965922336758416_1618904510400661766_n.jpg?oh=3fc226fbdaf593e1c9879e6bc0dc1910&oe=54ACC0F0&__gda__=1424727922_296ab4f008cd2a9f5e887ea265697976

https://scontent-a-cdg.xx.fbcdn.net/hphotos-xfp1/v/t1.0-9/10394633_965922296758420_2915692765359342054_n.jpg?oh=8e4905ecb5e0156c89f6939f199d3480&oe=54B70277

https://fbcdn-sphotos-h-a.akamaihd.net/hphotos-ak-xpa1/v/t1.0-9/10609589_965922260091757_6733720170005595627_n.jpg?oh=617ebf8703bd34ef78dd3b3c0ba0c469&oe=54F1356B&__gda__=1424566995_8169cfd8d3111ac041015d417f3c2dfd

https://fbcdn-sphotos-h-a.akamaihd.net/hphotos-ak-xpa1/v/t1.0-9/10609589_965922260091757_6733720170005595627_n.jpg?oh=617ebf8703bd34ef78dd3b3c0ba0c469&oe=54F1356B&__gda__=1424566995_8169cfd8d3111ac041015d417f3c2dfd

https://scontent-b-cdg.xx.fbcdn.net/hphotos-xpa1/v/t1.0-9/1395833_965922233425093_1806781475515560365_n.jpg?oh=dc186400c4095ca5d27f97346e46f8c8&oe=54BB0C49

Berriak

Gipuzkoak Kolonbia, Guatemala eta Bolibiako herri indigenetako ordezkariekin izan da alternatiba soziopolikoak lantzen

Foru Aldundiko Euskara zuzendari Zigor Etxeburua eta Ekonomia diputatu Helena Franco eta Gizarte Politikako diputatu eta Alternatibako kide Ander Rodríguezek harrera instituzionala egin diete Kolonbia, Guatemala eta Bolibiako herri indigenetako 10 ordezkarirekin. Eredu soziopolitikoaren alternatiben eraikuntzarako dinamiken inguruan hitz egin eta Gipuzkoako errealitate politiko eta instituzionala ezagutzeaz gain, beren egoeraren berri eman dute bileran. Indigenak, Mugarik Gabe GKEren eskutik, hainbat eragile, irakaskuntza erakunde, enpresa eta instituziorekin bilduko dira eta horietako bat da Gipuzkoako Foru Aldundia, hain justu.

Topaketa honetan, hezkuntza, hizkuntza eta ekonomia gaietan lanean ari diren Kolonbia, Guatemala eta Bolibiako pertsona hauek eredu soziopolitikoaren alternatiben eraikuntzarako dinamiketan herri indigenetako norbanako eta kolektiboen eskubideak errespetatu eta bultzatzeko egiten ari diren lanaren berri eman dute. Estatu Plurinazionalen Eraikuntza eta Hego Amerikako egituraketa eta ekonomia, gizarte eta hezkuntza eredu berriak izan dituzte hizpide. Era berean, Euskal Herrian, eta konkretuki Gipuzkoan bide horretan egiten ari den lanaren berri jaso dute Diputazioko ordezkarien ahotik.

Gipuzkoako Foru Aldundiaz gain, aste honetan enpresa kooperatiboak, unibertsitateak, heziguneak, erakundeak, sindikatuak, hezkuntza eremu duten gizarte mugimenduak, euskararen berreskurapena, berdintasuna, ekonomia eta bestelako eredu ekonomiko, sozial eta produktiboarekin bilduko dira bertatik bertara ezagutu asmoz.

GFA Politia Soziala

 

Berriak

Alternatiba | Ezkerra eraldatzearen erronka

X