Etiketa: Internazionalismoa

Kultur Alternatibak hitzaldiak antolatu ditu bihartik Bilbon eta Gasteizen Kanarietako ezker subiranistako ordezkariekin

Kutur Alternatibak Kanarietako ezker subiranistaren ibilbidea ezagutzeko jardunaldiak egingo ditu, bihar Bilbon eta larunbatean Gasteizen. Horretarako, Kanariar Uharteetan gero eta babes gehiago duen mugimenduko ordezkari sozial eta politikoak izango ditugu Bilbon eta Gasteizen. “Kanariar ezker subiranista: Atzo, gaur eta bihar” lemapean, Soberanistas de Izquierda taldeko Shema Riverak eta Hugo Saavedrak hartuko dute parte hitzaldietan, Unidad del Pueblo alderdiko idazkari nagusi Vicente Quintanarekin batera.

Bi hitzaldietako lehenengoa, edukietan berdinak izango badira ere, Bilbon egingo da. Bihar ostirala, irailak 20, izango da, 18:00etatik aurrera La Bolsa auzo etxean (Pelota 10), Alde Zaharrean. Larunbatekoa, hilak 21, berriz, Gasteizko Aldabe gizarte etxean (Portal de Arriaga 1) egingo da goizeko 11:30etatik aurrera.

Hizlariak berton izango direla kontuan hartuta, Alternatibaren Koordinakunde Nazionaleko ordezkaritza bat Soberanistas de Izquierdako kideekin batzartuko da, bertatik bertara ezagutu ahal izateko Kanarietan pizten ari den mugimendu ezkertiar eta burujabea, Euskal Herrian nahiko gutxi ezagutzen baita. Horrez gain, bi alderdien arteko harremanetarako zein elkarlanerako formulak aztertuko dira.

Berriak

Alternatiba Bartzelonan dago, ANCk eta CUPek gonbidatuta, Diadaren ekitaldi desberdinetan parte hartzeko

Alternatibako bozeramaile nazional Amaia Agirresarobe, eta Diana Urrea Mahai Internazionalistako kide eta parlamentaria, Bartzelonara bertaratu dira, hurrenez hurren, CUPek eta Kataluniako Asanblada Nazionalak (ANC) gonbidatuta, Diada egunerako antolatutako ekitaldi desberdinak babesteko, eta independentziaren alde lurralde osoa zeharkatuko duen giza kateari indarrak gehitzeko ere. ANCk eginiko gonbidapenari erantzunez, EHBilduren ordezkaritzaren baitan joan da Urrea.

Legebiltzarkideak gogorarazi duenez, Alternatibak subiranotasunaren eta erabakitzeko askatasunaren aldeko apustua egiten du: “herritarren gehiengo batek, Euskal Herrian zein Herrialde Katalanetan, gure borondatearekin eta oztoporik gabe, gure etorkizuna erabakitzeko nahia partekatzen dugu”. Aldi berean, CUP bezalako indar politikoekin, Diada egunean Alternatiba ekitaldi desberdinetan parte hartzera gonbidatu duena, “komunean dugu eraikuntza nazionala eta soziala batera garatzeko helburua, borroka bat bestearen gainetik lehenetsi gabe”.

Azkenik, Alternatibatik Txileko presidente Salvador Allenderen hitzak gogoratu dituzte, gaur Pinocheten estatu kolpearen eta presidentearen heriotzaren 40. urteurrena gogoratzen denean. Horrela zioen Allendek: “Historia gurea da eta herriek osatzen dute”.

Berriak

Elkarretaratze jendetsua Bilbon nekazari kolonbiarrekin elkartasunean

Dozenaka lagun atera dira gaur kalera Kolonbiako nekazarien lanuztearekin elkartasuna adierazteko, Bilboko Kolonbiako kontsulatuaren aurrean eginiko elkarretaratzean. Euskal Herriko Marcha Patrioticak eginiko deialdira erakunde ugarik erantzun diote. Alternatibak ordezkaritza zabala izan du, besteak beste, Oskar Matute eta Diana Urrea legebiltzarkideak; Amaia Agirresarobe eta Asier Vega batzarkideak eta Ana Etxarte Bilboko zinegotzia izan dira bertan, Alternatibako Mahai Internazionalistako militante askorekin batera. LAB, Askapena, Komite Internazionalistak eta Sortuko kideak ere bertaratu dira. Elkartasun mezuak eta Gobernuaren aurkako oihuak izan dira nagusi protestak iraun duen ordu osoan.

https://sphotos-b-ams.xx.fbcdn.net/hphotos-ash4/p206x206/1002222_715628611787791_204097355_n.jpg

https://fbcdn-sphotos-a-a.akamaihd.net/hphotos-ak-frc3/980536_715628608454458_1641040407_o.jpg

https://fbcdn-sphotos-h-a.akamaihd.net/hphotos-ak-ash4/1273835_715628781787774_785995287_o.jpg

https://fbcdn-sphotos-g-a.akamaihd.net/hphotos-ak-ash3/1267828_715629051787747_751702023_o.jpg

https://fbcdn-sphotos-h-a.akamaihd.net/hphotos-ak-ash4/1268137_715629101787742_1217927272_o.jpg

https://fbcdn-sphotos-g-a.akamaihd.net/hphotos-ak-ash3/1262855_715629371787715_2059182799_o.jpg

Berriak

Alternatibak Euskal Herriko Marcha Patrioticak eginiko deialdiarekin bat egin du Bilbon Kolonbiako nekazariekin elkartasunean kalera ateratzeko

Kolonbiako herriak bizi duen egoera humanitario korapilatsuaren aurrean, Euskal Herriko Marcha Patrioticak herri nekazariei elkartasuna ematera deitu du, Kolonbia osoan ematen ari diren milaka nekazarien protestak isilarazteko helburua duten indar publikoek gauzatutako giza eskubideen eta Nazioarteko Zuzenbide Humanitarioaren urraketei erantzuna emateko. Nekazal Geldialdi Herrikoia izena jaso duen mugimendu honek, asteak daramatza Juan Manuel Santosen gobernuaren politika ekonomikoak eta errepresiozko politikak salatzen, Kanada, Hego Korea, Estatu Batuak, Japon eta azkenaldian, Europako Batasunarekin adostutako Komertzio Askerako Hitzarmenek ekarri dizkieten ondorio latzekin batera. 

Kolonbiako herritarrek egunero bizi dituzten hilketei, mehatxuei, atxiloketei eta zurikeria kasuei erantzuteko, Alternatibak, Askapena, Komite Internazionalistak eta LAB bezalako beste erakundeekin batera, bere atxikimendua eman dio kontzentrazioari. Eta bide batez, gizarte osoari dei egin dio Kolonbiako nekazarien eskubideak aldarrikatuko dituen kontzentrazioan parte hartzera ostegunean,irailak 5, Kolonbiako Kontsulatuaren aurrean (Urkijo Zumarkalea 2, Bilbo) 19:00etatik aurrera egingo dena.

Alternatibaren Mahai Internazionalistako kide eta EHBilduko parlamentari Diana Urrea, martxan parte hartuko duen Alternatibaren ordezkaritzaren buru izango da.

Kontzentrazioa Kolonbiako nekazarien elkartasunean Euskal Herritik
LEKUA: Kolonbiako Kontsulatuaren aurrean (Urkijo Zumarkalea 2, Bilbo)
ORDUA: 19:00etan

Berriak

Alternatibak bere Batzar Nazionalean erabakiko du Europako hauteskundeetan parte-hartzearen inguruan, irailaren 28an

Zenbait komunikabideetan azaldutako informazioen harira, Alternatibaren Koordinakunde Nazionalak argitu nahi du datorren urteko Europako hauteskundeetan parte hartzeko erabakia oraindik ez dela hartu. Izan ere, alderdiaren estatutuek zehazten dutenez, erabaki hori asanblada baten bidez hartu behar dute militanteek, eta horixe izango da, hain zuzen, Bilbon irailaren 28an, Alternatibaren hurrengo Batzar Nazionalak eztabaidatuko dituen gai nagusietako bat. Organo honek, eta ez beste inork, hartuko du Alternatibaren parte-hartzea izango duen edozein akordio hauteskundeei begira.

Alternatibarentzat europar proiektua estrategikoa da, herrien burujabetza aldarrikatu ez ezik, ezker alternatiboaren aldeko apustua garatzeko, indarrean dagoen sistema eraldatu baino, gainditzeko helburua duena. Hala, gabezia demokratiko ikaragarriak dituen eta botere finantzario handien menpe dagoen batasunarekiko oso bestelakoa izango den Europa eraikitzeko aliantzak sortu eta indartzeko aukera izan daiteke. Halaber, Europarako agenda alternatiboa eraikitzeko abagunea izan daitezke bozak, herritarren jabekuntza ahalbidetuko duena ezker alternatiboaren oinarrietatik.

Hauek izango dira, besteak beste, Europako hauteskundeen inguruan Alternatibaren Batzar Nazionalak aintzat izango dituen irizpideak, hartu beharreko erabakia egun horretan bertan jakinaraziko dela.

Berriak

Kolonbiako herriak gobernuaren kontra altxatutako mobilizazioen harira Alternatibaren babes eta elkartasun komunikatua

Orain astebete, Kolonbia mobilizazio jendetsuen eszenatoki bihurtu dela, Paro Nacional Agrario y Popular izena jaso duen mugimendua, alegia. Kolonbiak Estatu Batuekin, Europarekin eta Korearekin sinatutako merkataritza askerako itunak indarrean egotearekin eta politika ekonomiko neoliberalen aplikazioekin batera, nekazaritza, meatzaritza, garraioa eta industria bezalako sektore zabalei ondorio oso negatiboak ekarri dizkie.

Gizarteko maila babesgabetuenek sufritzen duten pobrezia endemikoa kronikoa bihurtu da. Baina herriak nahikoa duela esan du. Herri xumeek eta munduko langileek ezaugarri duten sendotasunaz eta ausardiaz lagunduta, Kolonbiako herritarrak manifestazio zabal eta jendetsuetan altxatu dira, herrialde osoan zehar, mezu argia eta biribila zabalduz: justizia sozialak ezin du gehiagorik itxaron, herri langile eta pobre baten bizi-baldintzak duinak izan behar direlako; eta hau, estatuaren lehetasuna behar du izan.

Eredu demokratikoen artean hoberenetarikoa duela harrokeriaz baieztatzen duen herrialde honek, aldi berean, bere herriari lurrak lapurtu eta enpresa transnazionalei ematen dizkio, baliabide naturalak ustiatzeko eta bidean topatzen duten guztia suntsitzeko ahalmenarekin batera; adierazpen askatasunaren oinarrizko eskubideari erantzuteko herritarrak zapaltzen dituena eta giza eskubideak eta bakeaz eraikitako justizia soziala defendatzen dutenak espetxeratzen dituen herria ere bada. Hauxe dugu Hubert Ballesteros kidearen kasua, nekazari buru gailena ez ezik, Central Unitaria de Trabajadores (CUT)-ko kide, Federación Nacional Sindical Unitaria Agropecuaria (FENSUAGRO)-ko presidenteorde, Mesa de Interlocución y Acuerdo (MIA)-ko ordezkari eta Junta Patriótica Nacional del Movimiento Político y Social Marcha Patriótica-ko burukide ere dena. Atxiloketa hau, herri klasearen eskubideak denfendatzeaz aparte, eredu kapitalista zapaltzaile hau lurperatzeko alternatibak aurkezten dituztenentzat berme politikorik ez dagoen seinale berria da.

Hildakoak, zaurituak eta atxilotuak, horixe da gobernuaren erantzuna. Hala ere, borroka aurrera doa eta datozen egunetan, gatazka areagotuko da sektore berrien, ikasleak adibidez, bateratzeari esker. Borrokaz osaturiko astea dugu aurretik.

Horregatik, Alternatibatik gure elkartasuna eta babesa eskaini nahi diogu justizia sozialaren aldeko borroka egiten duten nekazariei, komunitate indigenei, afro-ondorengo pertsonei eta Kolonbiako beste herri sektore guztiei. Eta aldi berean, herri klasearen eskubideak aldarrikatzeagatik preso dauden guztien kaleratzea eta manifestarien kontrako erasoak bertan behera gelditzea exijitzen diogu Kolonbiako estatuari, ideiak eta protestak libreki kaleratzeko eskubide konstituzionala bermatuz, eta benetako bakea lortzeko bideari jarraituz.

Bukatzeko, Kolonbiako eta latinoamerikako beste herrialdeen adibidea jarraitzera premiatzen ditugu herriak, borrokaren bitartez bizi-baldintzen hobekuntzara jotzen ari direlako. Eta bestaldetik, garai historiko honetan Kolonbiari publikoki haien elkartasuna ematera deitzen ditugu ere. Gora herriak, gora Kolonbiako herria! 

http://alternatiba.net/old-files/Paro macional.jpg

Berriak

Palestinarekiko elkartasuna aldarrikatzeko Elizondoko Palestina Eguna aurkeztu dute Euskal Herriko BDS sareak

Euskal Herria Palestina sarea duela hiru urte sortu zen, hain zuzen, Palestinako ehunka eragilek eskaturikoari jarraituz, Euskal Herrian ere, nazioarteko BDZ (Boikot,Desinbertsio eta Zigor) ekimena indartu asmoz. Honela, Palestinarekin elkartasuna sustatu eta palestinarren eskubideak bermatu artean, Israel presionatzea du xede egitasmoak.  

Etengabeko auzolan honetan, bertan batzen garen eragile, alderdi eta sindikatuek, aurtengoan, Maiatzeko Nakba egun adierazgarriaren baitan, aste osoa iraungo duten ekimen eta agerraldiez gain, Palestina Euskal Herria egunaren berri ematera gatozkizue. Gaurkoan, atzerritik helduko zaizkigun lagunen ordezkari gisan, Ilian Pape, historialaria eta Israelgo apartheid erregimenaren aurkako mugimenduaren erreferente garrantzitsua dago gurekin.

Honela beraz, euskal jendarteari dei egiten diogu aste osoan egingo diren ekimenetan parte hartzera eta palestinarren eskubideen alde lan egitera bdz kanpainarekin bat eginez.

Komite internazionalistak, Askapena, Mewando sarea, LAB, Iruñeako gerraren aurkako plataforma, Ernai, Ikasle Abertzaleak, Aralar, Sortu, Alternatiba eta Eusko Alkartasuna.

Maiatzak 18, Larunbata:
Palestina EH eguna Elizondon. Egun osoan zehar hainbat tailer., erakusketa euskal eta palestinar dantzak, eta haurren txokoa izango da. Honetaz gain, 11:00etan James Petras eta Adel Abou Salem ek solasaldia egingo dute. 12:00etan Herrirarekin batera elkarretaratzea egingo da herriko plazan, “Preso Palestinarrak Etxera, Gi za eskubideak, irtenbidea, bakea. Euskal Presoak Euskal Herrira lelopean. 12:30etan ekitaldia izango da Sarearen eskutik. Ondoren bazkaria izango da eta Fermin Valencia kantaldia eskainiko du.

20:00etan Maysa Daw ren kantaldia izango da eta 22:00etan Kontzertuak izango dira Palestinian Unit (Gaza), La Jodedera (EH-Kuba), Kasu (Iruñea), Tirry & Tery taldeen eskutik.

Berriak

Diana Urrea: “Egunero, 1.100 emakume eta ume bortxatuak izaten dira Kongon”

Alternatibako kide eta EHBilduko parlamentari Diana Urreak hitza hartu du Eusko Legebiltzarrean Kongoko Errepublika Demokratikoan egunero bortxatzen diren 1.100 emakume eta umeen eskubideen alde egiteko. Aldi berean, sistema kapitalistaren interes ekonomikoek eta sistema honen defendatzaile boteretsuek eragindako gatazka dela azpimarratu du. Egoera hau dela eta, Urreak sakonki deitoratu du talde parlamentarioen arteko adostasun falta, Euskal Herria bereizi beharko lukeen elkartasun internazionalistaren bidetik aldetzen gaituelako.

Berriak

Alternatibak mobilizazioa egingo du bihar Gasteizen iraultza Bolivartarraren alde

Alternatibako bozeramaile Luis Maria Salgadok kalera ateratzera dei egin du Alternatiba Arabak bihar asteazkena, hilak 24, Gasteizko Posta kalean Correos aurrean arratsaldeko 19:30etan deitutako kontzentrazioan parte hartzera “Eraso inperialistaren aurrean, iraultza Bolivartarra!” lemapean egingo dena. Salgadok salatu du Venezuelako eskuinaren indarkeriazko jokabidea eta horregatik, iraultza Bolivartarrarekin elkartasuna adierazteko indarrak batzera deitu du.

Alderdi ezkertiarreko bozeramaileak oposizioari eskatu dio “jarrera kolpistari eten egiteko eta hauteskunde emaitzak berehala aitortzeko. Baina batez ere, armak eta indarkeria alde batera utz dezala, dagoeneko hainbat lagun erail dituztenean”. Aldi berean, Capriles ordezkatzen duen eskuinaren helburu bakarra horrela nabarmendu du: “beldurra sustatu eta estatu kolpea jo nahi dute, iraultzaren alde dagoen herri horretan faxismoa ezartzeko”.

Salgadok gogorarazi nahi izan du Venezuelak munduan dagoen hauteskunde zenbaketa sistema gardenetarikoa duela eta Maduroren Gobernua animatu du “Chavezek duela hamarkada luze bat hasitako iraultzarekin aurrera egitera, pertsona guztien eskubideak bermatuko dituen sozialismoa lortu arte”. Hala, Alternatibatik gogoratu dute Iraultza Bolivartarra “guztion iraultza” dela, “Euskal Herriarena ere; Latinoamerikako iraultzak gure buruak islatzeko ispiluak diren heinean”.

http://alternatiba.net/old-files/VenezuelaKontzenGasteiz_0.jpg

Berriak

Alternatiba | Ezkerra eraldatzearen erronka

X