Alternatibako kide Joxe Iriarte ‘Bikila’ eta Kepa Olaiz izango dira, besteak beste, bihar arratsaldean Madrilen egingo den manifestazioan.

Duela urtebete, Andaluziatik deitutako Duintasunaren martxak, Espainiako estatuko eragile sozial eta sindikal ugariren babesarekin (tartean Euskal Herria zutabean elkartutakoak), ehunka milaka lagun bildu zituen Madrilen, aldarrikapen argiarekin: jatekoa, lana, etxebizitza eta duintasuna.

Egunotan Madrilera abiatutako martxak, bihar arratsaldez manifestazio bakarrean bilduko direnak, bestelako helburua duen bidearen urratsa izango dira, hain zuzen ere, urrian Greba Orokorra antolatzeko asmoz eta helburu zehatzekin: zilegia ez den zorra ordaintzea auzitan jartzea; zerbitzu publikoen defentsa; lan duina eta lan eskubideak; emakumeen eskubideen defentsa; gazteen etorkizuna bermatu; zapalkuntza eta mozal legeak salatu; finantza botereen mesederako TTIP bezalako akordioak bertan behera utzi; etxebizitza duina eskatu; pertsona, herrien eta nazioen erabakitzeko eskubidea aldarrikatu; etab.

Euskal Herrian zein Katalunian martxan diren autodeterminazio prozesuenganako aitortza eta babes ageriagoa gustatuko litzaigukeen arren, aipatutako helburu horiekin bat egiten dute Alternatibak eta EH Bilduk. Helburu horiek lortzeko bidearekin era bat gatoz, argi utzita Euskal Herriko eragile sozial, sindikal eta politikoak izango direla horiek lortzeko moduak, bideak eta denborak erabakiko dituztenak. Kontuan hartu beharreko ezaugarriak dira espainiar estatuko gainerako eragileentzat, behin baino gehiagotan ahaztutako ezaugarriak baitira.

EH Bildutik azpimarratu beharra dugu aro politiko jakin honetan hauteskundeak daudela tartean eta oso litekeena da erakundeetan aldaketa garrantzitsuak ematea. Aldaketak ez dira benetan gauzatuko, alabaina, herritarrak ahaldundu gabe, indar politiko eta sozialen korrelazioa eraldatuta. Prozesu horrek elkartasuna izan behar du oinarri, espainiar estatuaren baitako zein kanpoko herri eta nazioekin. Greziak emandako irakaspena da. Gobernu ezkertiar bat aurrerapausoa da, kontraesanak kontraesan, herriaren eskakizunei erantzuteko orduan. Baina Troikaren oztopo eta presioek aldaketa horiek trabatu eta desegin ahal dituzte ez bada herri bat kalean, nazioarteko elkartasunak babestuta.

Euskal ezker subiranistarentzat, herri desberdinetako langileen arteko aliantzaren isla dira mobilizazio hauek. Helburu komunak gauzatzeko tresnak: benetako demokrazia ezarri, kapitalismo guztiz bidegabeari aurre egin eta botere finantzarien mesederako eraikitako Europako Batasunaren eredua iraultzea.

Euskal Bidearekin sustatu nahi dugun prozesua, gure prozesu eratzailea alegia, izaera anitzeko fronte politiko eta soziala sortzearekin uztargarria da, Europa osoko askotariko mugimenduak bere baitan hartuko dituena: ekologismoa, feminismoa, langile borroka, nazio askapena, oinarrizko askatasun demokratikoen babesa, antikapitalismoa, internazionalismoa, eta abar.

Guzti horrengatik. EH Bilduko militanteak Euskal Herria zutabearen baitan parte hartuko dute bihar arratsaldean Madrilgo manifestazioan amaiera izango duen mobilizazioan.

Alternatibatik Espainiako estatuko aparailu zapaltzailearen enegarren erasoa salatu nahi dugu. Berriz ere, elkartasuna gehien zabaltzen dutenen kontra egin dute: herrien duintasunaren alde borroka egiten dutenen aurka.

Hamaika borroketan aritzen diren ezinbesteko pertsonak dira, Euskal Herrian beti ikusi izan dugulako beharrezkoa beste herriekiko elkartasuna eta xamurtasuna erakustea, gure herriak pairatzen dituen bidegabekeriak salatzearekin batera.

Espainiako gobernuak Askapenaren internazionalismoa kriminalizatu nahi du, helburu argiekin: ezker iraultzailearen balioak eta, beraz, Euskal Herriarentzat eta Euskal Herritik eginiko internazionalismoa zigortzea.

Alternatibatik Askapenak sustatutako elkartasun internazionalistarako manifestuarekin bat egiten dugu, eta epaiketa politikoen amaiera exijitzen dugu.

Besarkadarik beroena helarazi nahi diogu erakunde horri, mundu justu, solidario eta askea eraikitzeko helburuan bidaide dugulako.

Manifestu honi atxikimendua adierazi dio Alternatibak

Internazionalismoa ez da delitua

Espainiako fiskalak Askapena, Askapeña, Herriak Aske eta Elkar Truke ilegalizatu eta Walter Wendelin, Aritz Ganboa, David Soto, Unai Vazquez eta Gabi Basañez euskal internazionalistak 6 urtez espetxeratzeko eskariaren aurrean, behean sinatzen dugun Euskal Herriko eragile, antolakunde, alderdi eta sindikatuok hurrengoa adierazi nahi dugu:

Lehenik, eskaera hau, pertsona bezala dagozkigun funtsezko eskubide sozial eta politikoen kontrako eraso berri bat dela salatu nahi dugu. Hain zuzen, onartezina eta antidemokratikotzat jotzen dugu Estatu Espainolak, interes partidario eta politikoen arabera besterenezineko eskubideak mozteko duen enpeinua, baita antolatzeko eskubidea bera ere.

Fase berri batean gaudela ohartarazi nahi dugu, eta gaur inoiz baino gehiago Euskal Herriak ez du ulertzen, ezta onartuko ere, errepresio, ilegalizazio eta herritarren espetxeratzean oinarritzen den dinamikan preso jarraitzea. Fiskaltzaren erabakia gure funtsezko eskubideen kontrako eraso bat bezala ulertzen dugu, eta aldi berean, gatazkaren konponbide demokratikorako oztopo arduragabea.
Hau honela, auziperatu eta ilegalizazioarekin mehatxatutako antolakundeei gure elkartasuna helarazi nahi diegu. Eragile hauen ekinbide politikoa, elkartasun internazionalistaren eremuan, gure herriaren eraikuntzan ekarpen handia dela aintzakotzat hartzen dugu. Hain zuzen, brigaden urteroko antolaketa, munduan zehar emantzipazio bidean dauden prozesuen gaineko elkartasun kanpainak edo eta potentzia inperialista handiek burututako eskubide indibidual eta kolektiboen urraketen salaketak gure herriko kultura politikoaren barnean kokatzen diren jarduerak dira. Urte luzeetako lan guzti honek, beste herri batzuekin elkartasunezko eta errespetuzko harremanetan sakontzeko aukera eman digu, errealitate ezberdinak gerturatuz baina mundu justu eta parekide bat lortzeko borroka berdin batean batuz.

Honegatik guztiagatik, Euskal Herria internazionalista baten alde lan egiteko beharra eta eskubidea, eta herri burujabeen arteko elkartasunezko harremanetan eraikiko den mundu bat aldarrikatu nahi dugu. Pertsona eta antolakunde internazionalista hauek modu eredugarrian garatu duten ezinbesteko lana eta horregatik, gure lan eremuetatik lagunduz, elikatuz jarraitzeko konpromisoan berresten gara.

Errepresiorik ez!
Gora Euskal Herria internazionalista!

Gaur goizean Euskal Herriko hamaika eragile politiko, sindikal eta sozial batu dira, Hassannaren Lagunak izenpean larunbatean Bilbon, arratsaldeko 17:00etan abiatuko den manifestaziorako deialdia egiteko. Agerraldian izan da Alternatibako Koordinakunde nazionaleko kide Alba Fatuarte, EHBilduko ordezkari Maribi Ugarteburu eta David Lopategirekin batera.

Hemen agerraldia irakurritako testua euskara:

Lehenik eta behin, bertaratu garen eragile sozial, politiko eta sindikalek, gure babesa eta elkartasuna adierazi nahi diogu Hassanna Aaliari, gure adiskide eta sahararren aldeko borrokako aktibista.

Hassanna Mendebaldeko Saharan, Aaiun-en, jaio zen 1988. urtean. 17 urte zituela, bere militantzia politikoari ekin zion, giza eskubideen defentsan eta herri sahararraren autodeterminazio eskubidearen alde. Harez geroztik, eta herrialdetik azken aldiz atera arte, tratu txarrak, tortura eta atxiloketak pairatu ditu polizia-etxe marokoarretan.

Agentes sociales y políticos llamando a la manifestación #HassannaLibre por su asilo político. 31E a las 17h Arriaga pic.twitter.com/H901aAtqfq

— Alternatiba (@alternatiba) January 27, 2015

2011ko martxoan, hilabete lehenago Dakarren (Senegal) izandako Munduko Foro  Sozialean parte hartu ondoren, autonomia erkidego honetara etorri zen giza eskubide eta nazioarteko zuzenbide ikasketetan sakontzeko, okupatutako eremuko gazte sahararrei zuzendutako beka bati esker. Urte bereko maiatzean, hiru hilabetez ikasten egon ostean, Hassanna okupatutako Mendebaldeko Saharara itzuli zen, giza eskubideen aldeko konpromiso politiko eta borroka baketsuari eutsiz. 

2011ko urrian, bigarrenez etorri zen autonomia erkidego hontara, bere formazioaren bigarren zatiarekin jarraitzeko. Handik hilabetera, telefono dei baten bitartez jakin zuen, Rabaten dagoen Epaitegi Militar Marokoarrak, beste 24 lagunekin batera sumario militar batean sartu zuela, Gdeim Izik-en Duintasun kanpamendu batean parte hartzeagatik. 

Horregatik guztiagatik, 2012ko urtarrilean, Hassannak asilo politikoa eskatu zion Espainiako estatuari. Bien bitartean, giza eskubideen inguruko formazioarekin eta hainbat hitzaldi eta topaketetan parte hartzen jarraitu zuen herrialde osoan zehar.

2013ko otsailean, hemen zegoela, internet bidezko irrati baten bidez, guztiz erabaki bidegabe baten berri izan zuen: biziarteko kartzela zigorra ezarri zioten, Gdeim Izik-eko kanpamenduko gertakizunengatik. Epaia Rabateko Auzitegi Militarrak ezarri du, 25 zibil kondenatuz. 

Nazioarteko hainbat erakundek publikoki eta aho batez salatu dute Auzitegi Militar honek abian jarritako prozedura ez dela bidezkoa, ez baititu gutxieneko bermerik betetzen: Dirudienez, akusatuen deklarazioak torturapean egin dituzte; gainera, ezin izan dituzte aurkeztu euren errugabetasuna baieztatzeko eskatutako frogak; eta azkenik, polizia akta faltsuak aurkitu dira.

Auzitegi honek Hassannaren aurkako akusazio faltsu batean oinarritu da. Ez du kontraesan eta defentsa printzipioa ere errespetatu, bera ez baitzen bertan izan hura gauzatzeko. Gainera, Auzitegi Militar honek emandako epaiari ezin izan zitzaion errekurtso arrunt bat ezarri.

Hauek dira epaiketan behatzaile lanak egindako erakundeetako batzuk: Giza Eskubideen Behatzaileen Nazioarteko Erakundea, Amnistia Internazionala, Human Rights Watch, hainbat eurodiputatu, Mendebaldeko Saharako Fundazioa, Europako Parlamentuko Atzerri Batzordea, Giza Eskubideen aldeko elkarte marokoarra, eta alderdi politiko ezberdinak.       

Javier Canivell, Hassannaren abokatuak publikoki adierazi duenez, urtarrilaren 19an Barne Ministeriotik jakinarazi zitzaion, eskatutako nazioarteko babesa ukatua izan dela eta Hassanna estatutik 15 egunetan ateratzera behartzen duen agindua igorri zaiola. 

Hassannari helarazi zaion ebazpenak onartu egiten du borroka sahararraren aldeko ekintzailea dela, Giza Eskubideen urraketa larrien Biktimen Elkarte Sahararreko kidea dela, eta bai Hassannak zein aipaturiko elkarteak, euren jarduna era baketsuan garatzen dutela. Era berean, onartu egiten da Hassannak 17 urte zituenetik atxiloketak, tratu txarrak eta torturak pairatu dituela polizia marokoarraren eskutik. Beraz, Hassannak errefuxiatu estatutua eskuratzeko ezarritako eskakizunak betetzen ditu. Aitzitik, Hassannari jakinarazitako erresoluzioak, oinarritzat hartzen du eta ez du zalantzan jartzen Rabateko Auzitegi Militarraren epaia, eta Estatu espainolean asilo eskubidea arautzen duen 12/2009 legean zehaztutako asilo eskubidea ukatu egiten dio.   

Hassanna atxilotua izateko arrisku larrian dago; biziarteko kartzela zigorra betetzeko espetxeratua izan daiteke, berez tratu krudel eta iraingarritzat jo daitekeena.

UNHCR, Iheslarientzako Nazio Batuen Goi Mandatariak ere, Hassannaren babes eskaeraren alde agertu da, baina Estatu espainolak ez du aintzat hartu.

Honengatik guztiagatik, bertaratu garenok honakoa adierazi nahi dugu:

Espainiako Gobernuko Barne Ministerioari Hassanna Aalia-ri asilo politikoa ematea eskatzen diogu, egindako nazioarteko babes eskakizuna onartuz. Izan ere, bere herrira itzuliz gero, gogortasunez zigortua izango da agintari okupatzaile marokoarren eskutik eta bizitza osoan ez da berriz ere espetxetik aterako. Hassanna ekintzaile politiko bat delako, nazioartean aitortua, eta herri sahararren autodeterminazio eskubidearen alde era baketsuan borrokatzen duelako.

Horregatik guztiagatik, “Hassanna LIBRE, asilo politikoa orain!” lelopean,  manifestazio nazionala deitzen dugu Bilbon larunbat honetan, urtarrilaren 31n, arratsaldeko 17:00etan. Manifestazioa Arriaga plazatik abiatuko da eta Gobernuaren Ordezkariordetzan amaituko da.

Eskubide zibil eta politikoen urraketa honi aurre egiteko, herritarrak larunbateko manifestazioan parte hartzera deitzen ditugu, guztion artean indarra egin dezagun, Hassannari asilo politikoa eman diezaioten.

Herri Eragileak:

-Euskadiko Gazteriaren Kontseilua (EGK)
-Sahararen diaspora(DISABI)
-Ahaztuak 1936-1977
-Tolosaldea Sahararekin
-Ikasle Abertzaleak
-Etawasol
-EHE
-Komite Internazionalistak
-Leioako Sahararen aldeko elkartea FATH
-ATFAL Getxo
-Elkartzen
-Asociación saharaui por la convivencia y la solidaridad en Euskadi(bizikidetza eta elkartasuna)
-Bilgune Feminista
-Hernaniko saharar herriaren lagunak
-Ernai
-Amigos y amigas del sahara (Ermua)
-Askapena
-Asociación Euskadi Sahara
-GITE-IPES
-Amigas y amigos de la RASD
-Gazte Abertzaleak
-Asociación mujeres del mundo BABEL
-Berriotxoak
-Marcha Patriotica
-Red mujeres vascas en apoyo a la mujer saharaui
-Constituyente de exiliad@s colombianos por la paz
-CEAR
-Gazte Komunistak
-Asociación integral/cultural(AMAL)
-Eleak, eskubide zibil eta politikoen aldeko mugimendua

Sindikatuak:

LAB
ELA
STEILAS
EHNE Bizkaia
ESK

Alderdi politikoak:

Ezker Anitza/Izquierda Unida
EH BILDU
PCE-EPK
EAJ-PNV

https://fbcdn-sphotos-f-a.akamaihd.net/hphotos-ak-xpa1/t31.0-8/10865755_1031993113484671_5093351023211942294_o.jpg

https://scontent-a-mad.xx.fbcdn.net/hphotos-xfa1/t31.0-8/10547738_1031993346817981_2965422205727662065_o.jpg

https://fbcdn-sphotos-b-a.akamaihd.net/hphotos-ak-xpa1/v/t1.0-9/10945584_1031997903484192_4477343141203304422_n.jpg?oh=ea26fe92d1a63b8e8746007088183493&oe=556D951E&__gda__=1432338548_52c5ffd3b974667fd7670546b20d0fa3

https://scontent-b-mad.xx.fbcdn.net/hphotos-xpf1/t31.0-8/s960x960/10943756_1031993463484636_8985984391994786921_o.jpg

https://fbcdn-sphotos-d-a.akamaihd.net/hphotos-ak-xpa1/t31.0-8/10922270_1031993406817975_4433930295515901666_o.jpg

https://fbcdn-sphotos-c-a.akamaihd.net/hphotos-ak-xpa1/t31.0-8/10662179_1031993146818001_5713565796576182402_o.jpg

https://scontent-b-mad.xx.fbcdn.net/hphotos-xap1/t31.0-8/10865870_1031993140151335_6104317358496208886_o.jpg

https://fbcdn-sphotos-h-a.akamaihd.net/hphotos-ak-xpf1/v/t1.0-9/10942603_1031993466817969_6999307642944627515_n.jpg?oh=21bfb208222a937f81cbbc32b76de051&oe=556C546F&__gda__=1432991824_41e9de187010a78e896f0a78a49031f1