Alternatibatik Brahim Ghali Fronte Polisarioko buru eta RASDeko presidente izendatu izanari ongietorria eman nahi diogu, joan den uztailaren 8an eta 9an saharar herriaren kanpalekuetan antolatutako ezohiko kongresuan, “Indarra, determinazioa eta borondatea independentzia eta burujabetza irabazteko” lemaduna, parte hartu ostean.
Ghalik Polisarioaren babes zabala izan du kongresuan bildutako 2.500 ordezkariren artean eta nazioarteko ordezkari ugariren aurrean, tartean Euskal Herrikoak, Alternatiba zein Euskal Herria Bilduko kideak izan direla Saharako herriaren borroka babesteko. Polisarioko idazkari berriaren lehen erronka garrantzitsua hil honen amaieran izango da; orduan erabakiko baitu NBEk Minursoren misioarekin jarraituko duen.
Nilce Magalhães de Souza, Nicinha, arrantzalearen gorpua duela astebete agertu zen Brasilgo iparraldean. MAB Brasilgo Presek Kaltetuen mugimenduko buruzagia duela sei hilabete inguru desagertu zen Mutum Paranan (Porto Velho-n).
Kautxu biltzaileen alaba zen Nicinha, eta borrokalari sutsua izan zen bere herrian ezarritako enpresa hidroelektrikoek eginiko giza eskubideen urraketen kontra. Salatzen zituen urtegietako presa batera jaurti zuten bere gorpua, oinak eta eskuak harri batera lotuak.
Buruzagiak Jirauko Hidroelektrikoaren eta ESBR partzuergoaren aurkako borrokarengatik zen ezaguna. Juan Marcos Dutra, MABeko Porto Velho-ko koordinatzaileak irregulartasunak salatu ditu ikerketan.
Erailketa hau, tamalez, Latinoamerikan indigenen eskubideen alde, eta baliabideak ustiatzen dituzten enpresen aurka, lan egiten duten ekintzaileen hilketen zerrenda luzearen hurrengoa baino ez da. Gertaerak Berta Caceres ekartzen digu gogora, martxoaren hasieran Hondurasen eraila izan zena. Talde bereko COPINHeko Nelson Garcia eta beste batzuk ere akastu dituzte.
Alternatibatik kapitalismo arrazistaren erailketa berri hau salatu nahi dugu, giza eskubideak, herri indigenak zein ama lurra inoiz errespetatuko ez dituen sistema hiltzailea. Hilketa berri honen aurrean, duintasunetik eta elkartasun internazionalistatik erantzun beharra dago berriz ere.
Iñaki Markiegi Alternatibako kideak parte hartu izan du ekainaren 23tik 26ra bitarte San Salvadorren (El Salvador) egin den Sao Pauloko Foroaren XXII. Topaketan. Foro honek Latinoamerika eta Karibeko ezkerreko alderdi eta mugimenduak biltzen ditu, baina nazioarteko ordezkaritzak ere gonbidatzen dituzte hara, tartean Euskal Herrikoak. Hala, Alternatiba zein Sortuko kideak izan dira egunotan topaketan parte hartzen, Euskal Herria Bildu koalizioko alderdiak biak.
Foro honetako lan talde guztietan parte hartzera gonbidatu izan dute Alternatiba, non Markiegik “eztabaida interesgarrietan” parte hartu izan du. Brasil (PT), Mexiko (PRD), Nikaragua (FSLN), Argentina, Bolivia, Kuba, Venezuela eta El Salvadorko ordezkariak aritu dira hizlari, besteak beste, Carmen Bohórquez, Lole Iliada, Hugo Moldiz, Roberto Regalado, Patricia Rodas, Orlando Nuñez, eta Norma Guevara. “Herrialde bakoitzeko egoera politikoa izan da mahai gainean, ezkerren aurkako AEBen ofentsiba, asmatutakoa zein oker eginikoak, zein etorkizuneko erronkak”.
“Venezuela aurrera”, Alternatiba kide duen Iraultza Bolivartarrarekiko Euskal Elkartasun Plataformak, Yolanda Rojas Urbina-ren, Venezuelako Errepublika Bolibartarraren Bilboko Kontsul Orokorraren heriotza dela eta, bere atsekabetze sakonena, adierazi nahi du. Familiari eta Koltsulatuko talde guztiari gure doluminak adieraztearekin batera.
Yolanda-k fisikoki soilik utzi gaitu. Bere oroimena gure buru eta bihotzetan mantenduko da. Bere lan ona, bere espiritu askea, bere adeitasun bereziki berezia. Hutsik gabeko diplomatikaria soilik ez, une zailenetan lehen lerroan beti egon dena joan da. Yolanda, ororen gainetik, Iraultzaile bat izan da. Justizia sozialean eta pertsonen duintasunean oinarritutako mundu hobe baten aldeko borrokalari nekaezina izan da. Proiektu sozialistan sinetsi izan zuen beti, Hugo Chávez Komandantearen legatuari jarraitu zion eta fidela izan zen, momentu oro, Iraultza Bolibartarrarekiko.
“Venezuela aurrera” mugimenduko hainbat eta hainbat lagunentzat eta berau osatzen duten 29 eragile, alderdi eta sindikatuentzako, Yolanda diplomatika bat baino gehiago izan da. Lagun bat izan zen beti.
Bere heriotzaren aurrean, Markos komandanteordearen esaldi bat gogoratu nahi dugu, gure ustetan Yolanda ezinegokiako definitzen duena: “Askatasuna egunsentia bezalakoa da, lotan goiza iritsi zai itxaroten dutenak daude. Baina iratzarri eta gaua oinez igarotzen dutenak ere badaude”.
EH Bilduren oharra
EH Bilduko militanteok Bilbon Venezuelako kontsul Yolanda Rojasen heriotzak sortutako atsekabea azaldu nahi dugu. Era berean, gure elkartasuna eta dolumina adierazi nahi diogu familiari eta kontsulatuko talde osoari.
Bera ezagutu eta berarekin lan egiteko aukera izan dugun EH Bilduko kide guztiok beti maitasunez gogoratuko dugu.
Yolandak, beti diplomazia zorrotzenetik, maitasuna eta errespetua erakutsi zion beste herritar bat bezala hartu zuen Euskal Herriari. Berak bezala, mundu hobe bat eraikitzearen utopia partekatzen dugun milaka Euskal Herritarren gogoan izango da beti. Agur eta ohore Yolanda!
Mohamed Abdelaziz, Fronte Polisarioko Idazkari Nagusia eta Saharako Errepublika Arabiar Demokratikoaren lehendakaria hil egin da. Saharako herriaren eta bere eskubideen aldeko konpromisoa berretsi eta Mohamed Abdelazizen borroka eredugarria azpimarratu nahi ditugu.
Mohamed Abdelaziz, Saharako Errepublika Arabiar Demokratikoaren lehendakari eta Fronte Polisarioko Idazkari nagusiak 1968an ekin zion bere herriaren askatasunaren aldeko borrokari eta 1973 Fronte Polisarioko sortzean parte hartu zuen. 1978tik Fronteko Idazkari Nagusia izan da eta Saharako herriaren eskubideen eta Sahararen autodeterminazio eskubidearen aldeko borroka eredugarriaren adierazle nagusi izan dugu.
Bere herriaren eskubideen aldeko borrokalari nekaezinak utzi gaituen egunean gure doluminak adierazi nahi dizkiogu Saharako herriari eta Fronte Polisario osoari.
Mohamed Abdelaziz, Fronte Polisarioko Idazkari Nagusia eta Saharako Errepublika Arabiar Demokratikoaren lehendakaria hil egin da. EH Bilduk Saharako herriaren eta bere eskubideen aldeko konpromisoa berretsi eta Mohamed Abdelazizen borroka eredugarria azpimarratu nahi ditu.
Mohamed Abdelaziz, Saharako Errepublika Arabiar Demokratikoaren lehendakari eta Fronte Polisarioko Idazkari nagusiak 1968an ekin zion bere herriaren askatasunaren aldeko borrokari eta 1973 Fronte Polisarioko sortzean parte hartu zuen. 1978tik Fronteko Idazkari Nagusia izan da eta Saharako herriaren eskubideen eta Sahararen autodeterminazio eskubidearen aldeko borroka eredugarriaren adierazle nagusi izan dugu.
Bere herriaren eskubideen aldeko borrokalari nekaezinak utzi gaituen egunean EH Bilduk bere doluminak adierazi nahi dizkio Saharako herriari eta Fronte Polisario osoari.
– See more at: http://ehbildu.eus/eu/albisteak/9785-mohamed-abdelazizen-heriotzean#sthash.OTr05J7r.5L6O27Ji.dpuf
Mohamed Abdelaziz, Fronte Polisarioko Idazkari Nagusia eta Saharako Errepublika Arabiar Demokratikoaren lehendakaria hil egin da. EH Bilduk Saharako herriaren eta bere eskubideen aldeko konpromisoa berretsi eta Mohamed Abdelazizen borroka eredugarria azpimarratu nahi ditu.
Mohamed Abdelaziz, Saharako Errepublika Arabiar Demokratikoaren lehendakari eta Fronte Polisarioko Idazkari nagusiak 1968an ekin zion bere herriaren askatasunaren aldeko borrokari eta 1973 Fronte Polisarioko sortzean parte hartu zuen. 1978tik Fronteko Idazkari Nagusia izan da eta Saharako herriaren eskubideen eta Sahararen autodeterminazio eskubidearen aldeko borroka eredugarriaren adierazle nagusi izan dugu.
Bere herriaren eskubideen aldeko borrokalari nekaezinak utzi gaituen egunean EH Bilduk bere doluminak adierazi nahi dizkio Saharako herriari eta Fronte Polisario osoari.
– See more at: http://ehbildu.eus/eu/albisteak/9785-mohamed-abdelazizen-heriotzean#sthash.OTr05J7r.5L6O27Ji.dpuf
28 kolektibo, sindikatu eta alderdi politiko euskaldunek (Alternatiba barne) osatzen duten “Venezuela Aurrera” plataformak kontzentrazio-deia egin du, apirilak 19, astearte horretako 19:00etarako, Bilboko Plaza Biribilean (Zirkularra, BBVA), “Venezuelarekin bat: Espainiar injerentziari Ez. No a la Ley de Impunidad!” lemapean, espainiar gobernuak eta hainbat indar politikok herri horretan eginiko esku-sartze neokolonialaren aurka.
28 kolektibo, sindikatu eta alderdi politiko euskaldunek osatzen duten “Venezuela Aurrera” plataformak kontzentrazio-deia egin du, apirilak 19, astearte horretako 19:00etarako, Bilboko Plaza Biribilean (Zirkularra, BBVA), “Venezuelarekin bat: Espainiar injerentziari Ez. No a la Ley de Impunidad!” lemapean, espainiar gobernuak eta hainbat indar politikok herri horretan eginiko esku-sartze neokolonialaren aurka.
Venezuelarekiko Mundu Mailako Elkartasun Akzio Egun honen markoan, kontzentrazio horretan, Euskal Herrian dagoen Iraultza Bolivartarrarekiko elkartasuna adierazgarri izango da.
Komunikatua: PP, PSOE eta C’s-ek laguntzen dituzten kriminalentzako Amnistia LegeaVenezuelan
Estatu espainiarrean, Partido Popular, PSOE eta Ciudadanos-ek gogotsu bermatu eta txalotu duten “Proyecto de Ley de Amnistía y Reconciliación Nacional” izena duen lege proiektua onartu du Venezuelako Asanblada Nazionaleko gehiengo opositoreak. Sostengu honen adibide garbia Mariano Rajoy berak -“demokrata guztiok bezala”- El País-en lege horren alde idatzi duen artikulua.
Venezuelako Auzitegi Gorenak lege proiektu hori Konstituzioaren aurkakoa dela erabaki du.
Baina zer bultzatzen ari dira “demokrata” hauek Venezuelan? Amnistia lege honek ezarritako orden konstituzionala edo gobernua aldatzeko manisfestazioetan edo protestetan parte hartzeagatik egindako delituak amistiatuko lituzke, zehazki 1999ko urtarrilak 1etik aurrera eta legea onartu harte, hau da, Hugo Chávez eta Nicolás Maduroren legislaturetan bakarrik egindako delituak.
Zer delitu barkatuko luke lege honek? Adibidez, “garraio zerbitzuetan, sistema informatikoetan edota edozein zerbitzu publikoan eragindako hondamenak edo suntsipena”, “lehergailuen edo bonba su-eragileen fabrikazioa edo inportazioa”, “delituak egiteko adingabekoen erabilpena”, “suteak eragitea”, “legeen desobedientzia eta gorrotoa sustatzea”, “agintaritzaren aurka egitea” eta “droga-trafiko txikia” eta “iruzurra, maula eta lukurreria exebizitza eraikuntzetan” barkatuko ditu lege honek.
Barkamena lortzeko baldintza bakarra “Estatuko botere betearazleak egindako politiken aurkako protesta, manifestazioa edo bileren bidez” bultzatutako delituak izatea da.
Lege honen bidez argi onartzen du oposizioak Nicolás Maduroren gobernua bere postutik kentzeko indarkeria erabili duela eta, honetaz gain, kartzelatik atera nahi dituen pertsonen zerrenda zehatza osatzen du ere. Hauen artean ezagunena Leopoldo Lopez da, duela bi urte 43 hildako eragin zituen indarkera olatuaren erantzule zuzena.
Azken asteetan eskuinaren indarkeria larriagotu egin da eta ekintzaile sozial bat, bi polizia eta diputatu chavista bat erahil dituzte.
Venezuela Aurrera, Iraultza Bolivartarraren aldeko euskal elkartasun plataformatik, Estatuko zenbait alderdi politiko zein komunikabide bultzatzen duten Inpunitate Lege honen nazioarteko salaketa egitera deitzen dugu. Badakigu Venezuelak pairatzen duen gerra ekonomiko, mediatiko eta politikoa sistema neoliberalaren berrezarkuntza lortzeko beste ahalegin bat dela, eta Venezuela, azken hilabeteetan Brasil, zein latinoamerikako beste prozesu aurrerakoiak erasotzea duela helburu.
Venezuela Aurrerak, hurrengo apirilak 19an Venezuelako Iraultza Bolibartarrarekin nazioarteko elkartasun jardunaldian parte hartzera deitzen du euskal herritar oro.
“Venezuela Aurrera” (Plataforma Vasca de Solidaridad con la Revolución Bolivariana): Alternatiba, Aralar, Arbol Euskal Herria, Askapena, Asodemuc, Bachue, Bakea eta Duintasuna / Paz con Dignidad, Cine de Base, Emigrados sin Fronteras, “Encuentros” aldizkaria, Ernai, Euskadi-Cuba, Ezker Anitza-Izquierda Unida, Gazte Komunistak, Gazte Komunisten Batasuna, Giltza, GITE-IPES, Ikasle Abertzaleak, Ikasle Ekintza, Inti Kokone, LAB, “La Puebla” Zirkulu Bolivartarra, Komite Internazionalistak, Marcha Patriótica EH, PCE-EPK, Resumen Latinoamericano, Sodepaz Nafarroa, Sortu.
EH Bilduren galdera bati erantzun baten ondotik, EAEko lehendakariak onartu du Gasteizko Legebiltzarrean Garapen Lankidetzarako Euskal Legea bete gabe jarraitzen duela. Urkulluk, gainera, ez du 2013 urtean zegoen egoerara itzultzeko asmorik adierazi. Gogoratu beharra dago urte horretan sekulako murrizketa pairatu zutela arlo honetako laguntzek.
Alternatibako kide eta EH Bilduren legebiltzarkide Diana Urreak bat egin du Euskadiko GGKEn Koordinakundearekin, eta “legegintzaldia erabateko porrota” izan dela esan dio. “Zure mandatupean historian eman diren murrizketa handienak egin dira garapen lankidetzarako alorrean”. “Gainera, gobernuak berak egindako plana ere bete gabe utzi duzue, eta gauza bera gertatu da ganbera honek onartutako mandatuekin. Goitik beherako iruzurra izan da”, leporatu dio Urreak Urkulluri.
Legebiltzarkideak zintzotasuna eta autokritika eskatu dio lehendakariari, eta arlo honetan jarraitzen duen politikaren norabidea aldatzea. “Lotsagarria da 2012 urteko mailara ere ez iriztea bideratzen den dirua, alegia, %0,52ra, legeak jasotzen duenean kopuru hori %0,7ra igo behar dela”.
El lehendakari ha reconocido hoy en el pleno del Parlamento de Gasteiz, ante una pregunta de EH Bildu, el incumplimiento reiterado de la Ley Vasca de Cooperación. Urkullu tampoco ha mostrado intención alguna de retornar a la situación anterior al 2013, año que las ayudas a la cooperación recibieron un brutal recorte. – See more at: http://ehbildu.eus/es/instituciones/parlamento-vasco/9336-fracaso-absoluto-del-gobierno-vasco-en-materia-de-cooperacion#sthash.YMXnas9v.dpuf
Otsailaren 27an Saharako Errepublika Arabiar Demokratikoa aldarrikatu zenetik 40 urte beteko dira. Errepublikaren urteurrena medio, Alternatibatik eta EH Bildutik Saharako herriarekiko eta bere askatasunaren aldeko borrokarekiko gure elkartasuna berriztu nahi dugu.
Elkartasuna bultzatzerekin batera, Saharako auzia konpontzeko ordua da. NBEk hartu zuen Saharan erreferenduma egiteko konpromisoa bete behar da, saharauiarrek haien etorkizuna erabakitzeko eskubidea dute eta eskubide hori gauzatzeko unea da.
Saharako Errepublika Arabiar Demokratikoak 40 urte betetzen dituen honetan gogoratu behar da munduko 80 bat herrialdek eta Afrikako Batasunak berak, besteak beste, RASD delakoa aitortu dutela geroztik. Ez ordea, Saharako kolonizazioan eta kolonizazio osteko okupazioan ardura zehatzak dituzte Espainiako eta Frantziako gobernuek.
Horregatik, Espainiar estatuan Gobernu berria osatzeko lanetan diren alderdiek konpromiso argi eta zehatza hartu behar dute. 2015-2016an Espainia Segurtasun Kontseiluko kide gisa jardungo du. Beraz, Espainiako gobernuak, 1975an eginiko akatsa zuzenduz, Saharako auziari irtenbidea emateko ardura du. Espainiako gobernuari RASD aitortzea dagokio, Saharako ordezkaritza legitimoa delako. Horren aldeko urrats bat izango litzateke, hala nola, Palestinarekin egin zuen bezala, Espainiak Saharako gobernuko ordezkaritzari estatus diplomatikoa ematea.
Bestalde, Nazio Batuek lurralde okupatuetan duten misioak (MINURSO), erakunde horren edozein misioak dituen funtzioak bete behar ditu, besteak beste giza eskubideen begiraletza.
Joan den astean Marokoko kontsularen bisitaren ondorioz egin bezala, oraingoan ere EH Bilduk protesta irmoa adierazi du, oraingoan Legebiltzarreko presidenteak Israelgo enbaxadoreari egin dion harrera dela eta. Parlamentura iritsi denean, enbaxadoreak kalean bildutako jendea ez ezik, EH Bilduko hainbat legebiltzarkide ere zain zituen atean, Palestinaren aldeko kartelak eta banderak eskuan, gobernu sionistaren politika salatzeko eta palestinarren aldeko mezua helarazteko.
Diana Urreak Alternatibako kide eta legebiltzarkideak azaldu duenez, “protesta egin dugu ezin dugulako onartu Legebiltzarrak Israel bezalako erregimen genozida bat ordezkatzen duten pertsonei horrelako harrerak egitea”. Izan ere, “ezin dugu ahaztu, eta ez dugu ahaztu nahi, Israelek palestinarren giza eskubideak etengabe urratzen dituela. Horregatik, nazioarteko erakundeen erresoluzioak eman dizkiogu enbaxadoreari, Palestinak pairatzen duen eraso etengabea salatzeko eta palestinarren askatasuna exijitzeko”. Horren ostean, legebiltzarkideek bat egin dute kalean Euskal Herria-Palestina Sareak deitutako elkarretaratzean.
Joan den astean Marokoko kontsularen bisitaren ondorioz egin bezala, gaur ere EH Bilduk protesta irmoa adierazi du, oraingoan Legebiltzarreko presidenteak Israelgo enbaxadoreari egin dion harrera dela eta. Parlamentura iritsi denean, enbaxadoreak kalean bildutako jendea ez ezik, EH Bilduko hainbat legebiltzarkide ere zain zituen atean, Palestinaren aldeko kartelak eta banderak eskuan, gobernu sionistaren politika salatzeko eta palestinarren aldeko mezua helarazteko. – See more at: http://ehbildu.eus/eu/instituzioak/gasteizko-legebiltzarra/8851-eh-bilduk-palestinaren-aldeko-aldarria-helarazi-dio-israelgo-enbaxadoreari-legebiltzarrean#sthash.af3qRIeP.dpuf
Gasteizko Legebiltzarrean harrera egin dio ganberako presidenteak Marokoko kontsulari. Hala, EH Bilduk bisita aprobetxatu du ganberak herri horren autodeterminazio eskubidearen alde duen iritzia bereganatzeko. Kontsula agertu denean, koalizioko kideek Saharako ikurrekin eta erreferendumaren aldeko leloekin agertu dira, nazioarteko legalitateak babesten dituen aldarrikapenekin, alegia. Diana Urrea Alternatibako kide eta koalizioko legebiltzarkideak, Sahararen alde Gasteizko legebiltzarrak aho batez egindako adierazpen eta ekimen sorta eman dizkio kontsulari.
Urreak salatu egin du Saharako herriarekin elkartasuna lantzeko taldearteko lan talde jakina dagoen erakunde honetan harrera ofiziala egitea Marokoko gobernuaren goi ordezkari bati. Horrez gain, bisita ezagututa ere taldearteko gainontzeko kideek ekimenik hartu ez izana salatu du. “Guretzako, Saharako herria jazarri eta bere etorkizuna erabakitzeko eskubidea zein bakean bizitzeko eskubideari uko egiten dion gobernuko ordezkariak ez dira ongi etorriak ganbera honetan. Gainera, uste dugu kontsulak euskal jendartearen eta erakunde politiko gehienen iritzia ezagutu behar duela. Horregatik egin dugu ekimena eta horregatik atera gara gero Legebiltzarreko atean egin den protesta kontzentraziora”
.jpg){kind=link}
.jpg){kind=link}
.jpg){kind=link}
.jpg){kind=link}
.jpg){kind=link}
.jpg){kind=link}
.jpg){kind=link}
.jpg){kind=link}
.jpg){kind=link}
.jpg){kind=link}
.jpg){kind=link}