Alternatibaren Asanblada Nazionalak, Bilbon gaur batzartutakoa datorren hauteskundeen aurretik azkeneko aldiz; Aralar, Eusko Alkarasuna eta Ezker Abertzalearekin batera Alternatiba bera kide duen Euskal Herria Bildu koalizioaren ezkerreko apustua berretsi du. EH Bilduk bozetara eramango duen programa militantziaren gehiengo zabal batek onartuta berretsi du.
Alderdi ezkertiarreko bozeramaile Oskar Matutek oso positibotzat jo du Alternatibako militanteek dagoeneko onartu duten programa “elkarlanaren eredugarria delako, lau alderdi politiko desberdinen zein gizarte eragile ugariren arteko elkarlanarena”. Esan duenez, EH Bilduren ekimen politikoa da “PNVk, PPk eta PSEk ezarritako eredu bakarrari erantzuteko gai den bakarra”.
Matutek azpimarratu duenez, programa honek “zuzenean begiratzen die herritarrei, beharrizan gehien dituztenei batez ere”. Era berean, azpimarratu egin du EH Biduk “benetako alternatiba eskaintzen duela indarrean dagoen errealitatearen aurrean, sinesgarria eta ahaltsua Euskal Herrian beren buruan ezkertiartzat dutenentzat, ezkerreko ohitura eta adierazpen desberdinak biltzen dituelako, eta gainera, aukerak dituen bakarra da”.