Desarrollismo kapitalistak gatazka armatuetan interes ekonomikoak asetzea, lurraldea kontrolatzea eta baliabide naturalak ustiatzea bilatzen du. Kongo, Palestina, Afganistan, Kolonbia edo Sahara dira praktika horien lekukoetako batzuk. Azken adibideari dagokionez, duela 40 urte baino gehiagotik, Marokok, Espainiako Erresumaren konplizitatearekin, Mendebaldeko Sahararen okupazioan aritu da, giza eskubideak urratuz eta bere lurraldea legez kanpo ustiatuz, aberasteko.
Hain zuzen ere, Mendebaldeko Sahararen egoera izango da euskal ezkerraren elkarlanaren aldeko apustua egiten duen Alternatiba alderdiak antolatutako hurrengo solasaldiaren protagonista. Azaroaren 16an, asteartea, izango da beren Gasteizko egoitzan (Los Herran 25), 18:30etik aurrera. Hainbat alderdi aztertuko dira, aditu desberdinen eskutik.
Hitzaldiaren izenburuak dioen bezala, Sahararen subiranotasunerako garai berriak zabaltzen dira gerra giroan. Sultana Sid Brahim Khaya ekintzailearen testigantzaren bidez (giza eskubideen, lurraren, feminismoaren eta lurraldearen defendatzailea d bera), emakumeek prozesuan jokatzen duten papera nolakoa den ikusiko dugu. Erantzukizun politiko handiagoak dituzte gerra hasi zenetik, eta frontera joateko antolatzen dira. Horregatik, gerrako praktika patriarkalak areagotzen dira, hala nola sexu-indarkeria, emakumeak espazio publiko eta politikoetatik aldendu nahian.
Saharako Euskadiko ordezkari Mohamed Liman Mohamed Ali bezalako ekintzaileen nazioarteko salaketa ere ezagutuko dugu. Herri oso baten borrokari esker, tresna kolonizatzaile batekin haustea lortu da, merkataritza-akordioak legez kanpo uzteko bidean. Su-etena bertan behera utzi zeneko lehen urteurrenaren ondoren, 2021eko irailaren 29an, Eurpako Batasuneko Auzitegi Orokorrak agertoki berri bat ireki zuen saharar herriarentzat, Europako enpresek Marokok legez kanpo okupatutako Saharako baliabideak legez kanpo ustiatzen dituztela ebatziz.
Kolpe ekonomiko eta estrategikoa da alauien erresumarentzat, Rabaten eta Bruselaren arteko merkataritza-akordioak deuseztatzeagatik eta Fronte Polisarioak Mendebaldeko Saharan dituen baliabide naturalen gaineko subiranotasuna onartzeagatik. Pernando Barrena EH Bilduko eurodiputatuak emango duen ikuspuntua izango da.
Laburbilduz, Sultana Sid Brahim Khayak egungo testuinguruari buruz hitz egingo du begirada feministarekin. M. Liman Mohamed Alik Fronte Polisarioaren balorazio politiko eta juridikoa aztertuko du EBren epaien eta etorkizuneko ondorioen aurrean. Azkenik, Pernando Barrenak okupazioaren negozioaz hitz egingo du, Espainiako eta Europako transnazionalen interesei arreta berezia eskainiz. Esku-hartze batzuk bideokonferentziaz egingo dira, eta beste batzuk aurrez aurre.
Hitzaldia sarrera librekoa izango da, Gasteizko Los Herran 25 etxabean dagoen egoitzako edukiera bete arte. Youtube.com/AlternaTB eta Facebook.com/AlternatibaEraiki alderdiaren sareetan ere izango da eskuragarri, streaming bidez.
