Krisi ekologikoa eta honek pertsonen eguneroko bizitzan dituen ondorioak. Datorren ostiralean, apirilak 1, Alternatibak Castejonera eramango duen konferentziaren ardatzak izango dira. Bertan, ingurumenaren gaineko kalteak eta horiek pertsonen eguneroko bizitzan eta ingurunean duten berehalako isla jorratu nahi dira. Horretarako, ekologiarekin, nekazaritza-ekoizpenarekin eta gizarte-mugimenduekin lotutako hainbat arlotan adituak diren hizlariek parte hartuko dute.
Hala, honako hauek hartuko dute parte: Maite Ezquerro Saenz, Mugarik Gabe GKEkoak; eta Paul Nicholsonek, Mundubat GKEko kide eta Via Campesinako ekintzaileak. Moderatzailea David Mangado izango da, Alternatibaren Nafarroako koordinatzailea. Erakusketen bidez, ekofeminismoarekin, emakumeek landa-munduan duten rolarekin, planeta mantentzeko elikadura subiranotasun eraginkorra lortzeko beharrezko urratsekin edo azkenaldian ezagutzera ematen diren trantsizio ekologikoko proiektuetan dauden tranpekin lotutako gaiak jorratuko ditugu.
Konferentzia hau Alternatibak Nafarroan bultzatutako zikloaren bigarrena izango da, Krisi klimatikoari eta trantsizio ekologikoari buruzkoa. Otsailaren 17an hasi zen Iruñean, LAB, ESK, ELA eta CCOO sindikatuetako ordezkarien eta Oskar Matute Alternatibako bozeramaile eta Kongresuko diputatuaren parte-hartzearekin. Klima-krisiak lan-arloan dituen ondorioak aztertu ziren, bai eta beste ekoizpen- eta kontsumo-eredu batzuetarako beharrezko trantsizioa ere.
Alternatibak, Euskal Herria Bilduren alderdi sortzaileetako bat, abian den ikasturte politikorako erronketako bati aurre egin nahi dio zikloaren bidez, datozen urteetako eta hamarkadetako agenda sozial eta politikoaren nabarmen baldintzatuko duen ingurumen-egoera zailari buruz hausnartuz. Horrez gain, krisi honen ondorioak identifikatu eta egoerari aurre egiteko moduari buruzko proposamenak jorratu nahi ditu.
Hitzaldia Castejongo Museoko Erakusketa Aretoan izango da datorren ostiralean, apirilak 1, arratsaldeko 19:30etatik aurrera.
