Rodriguez «Ahaleginduko gara gehiengoak aktibatzen»
Elkarrizketa egin diote gure kide Ander Rodriguezi Mondraberrin joan den igandeko hauteskundeen emaitzaren harira.
Alternatibak bere Gasteizko egoitzaren kontrako erasoa salatu du, EHBilduren panelak apurtu dituztela
Hauteskunde kanpaina hasi zenetik bigarren aldiz, Alternatibaren egoitza, EH Bilduren alderdi sortzaileetako bat, kristaletako biniloak txikituta agertu da astelehen honetan.
EH Bilduren hauteskundeetako iruditeria jarrita zegoen kanpainaren hasieratik, eta lehen egunetan eraso txikiren bat pairatu zuen Gasteizko Los Herran kaleko 25.ean dagoen lokaleko erakusleihoan.
Alternatibaren Koordinadora Nazionalak eraso berria salatu du, eta gogorarazi du egoitza horrek berak eraso faxista bat jasan zuela, 2017ko abenduan. Orduan kristalak apurtzen saiatu ziren joaera frankistako pintadak egin zituztela. Egun batzuk arinago, eskuin muturreko talde batek sare sozialetatik iragarri zuen egoitza erasotzeko asmoa zuela. Ertzaintzaren aurrean salatutako gertakari horiek ez zuten inolako ekintza polizialik edo judizialik eragin, eta ez zuten alderdi politiko gehienen erantzun politikorik jaso; antzeko gertaera edo arinagoen aurrean kondenak galdegiten dituzten alderdi berberak direla.
Alternatibatik adierazi dutenez, faxismoari aurre egiten jarraitu beharra dago, eta horretarako lanabesik indartsuena da duela ia hamar urte Euskal Herria Bilduren inguruan egituratutako alternatiba ezkertiar eta subiranistaren alde lan egitea.
Alternatibak palestinarren kontrako eraso berria salatu eta manifestazioetara deitu du
Israelek Zisjordaniako lurraldea atxikitzeko planaren aurrean, Alternatibako Mahai Internazionalistaren adierazpena:
– Anexioa Israelek Palestinako lurra eta biztanleria kolonizatzeko etengabeko prozesuaren beste urrats bat da: kolonoen kokalekuak hedatzea eta estatu bateko biztanleria lurralde okupatura nahitaez transferitzea (Genevako IV. Hitzarmenak debekatzen badu ere). Kokaguneak hedatzeko markatutako eremuetan dauden komunitateek aurre egin behar izan diete eraispen-aginduei, lurren konfiskazioari eta nahitaezko birkokatze-planei (beduinoen kasuan). Zisjordaniako eta Jordango haraneko 132 kokagune kolonoak dira Israelek data horretatik aurrera gehituko dituenak. Zisjordaniaren %30a da hori.
– Atxikipen-plan horrek ukatu egiten ditu herri palestinarraren eskubideak: beren erabakitzeko eskubidea, baliabide naturalak, etxebizitza edukitzea eta mugitzeko askatasuna izatea. Gainera, kolonoengandik pairatzen duten indarkeriaren gorakada ekarriko du.
– AEBk eta Israelek “mendeko Akordioa” deitu diote eraso horri, eta Jerusalem Israelen hiriburu zatiezina dela, palestinar errefuxiatuen itzulerarako eskubiderik ez duela eta okupatutako lurraldeko kokaguneak legeztatzen dituela adierazten du. Hori guztia, jakina, onartezina da palestinar herriarentzat.
Herri palestinarraren eskubide legitimo eta historikoen aurkako eraso berri honen aurrean, herrien artean partekatutako borroken internazionalismoa oinarri hartuta, erakunde, herri palestinarraren alde Euskal Herriko hainbat hirietan antolatutako manifestazioekin bat egiteko deia egiten dugu.
Oseguera «Ez dugu EAJk eta gobernu bazkideek instituzioetan martxan jarri duten eredu baztertzailea onartzen»
Gure kide eta EH Bilduko Arabako zerrendakide Einar Osegueraren parte hartzea atzoko kanpaina ekitaldian LGTBI pertsona eta kolektiboen borrokaren More…
Ekainak 28 (Maria del Rio)
Badira egutegian izen propioa duten egunak; beren karga sinbolikoa horren handia da, non data horiek aipatu eta berehala irudiak eta oroitzapenak etortzen More…
Fatuarte «Pertsonak zaintzeko inbertsioak lehenesteko unea da»
EH Bildu Bilbok aurkeztutako mozio baten ekimenez, Udalak lau hondartza berde jarriko ditu Bilboko hiri-ingurunean, kalean aisialdirako aukerak eskaintzeko.
More…
Iriarte ‘Bikila’ «Kontzientzia oso sakona zegoen herrian errepresioaren kontra»
Gure Alternatibako kide, idazle eta ekintzailea politiko eta sozial Joxe Iriarte ‘Bikilari’ elkarrizketa Ikerne Zarate Oarsoalde egunkariko kazetariaren eskutik, 1970. hamarkadan Errenteriako Asanbladak utzitako irudi gogoangarrien harira. Borroka politiko eta sozialen erreferente bat bihurtu zen herria; garai horrek ere, utzi dio arrastoa gaurko Errenteriari. More…
Ingurunea birpentsatzeko abagunea (Alba Fatuarte)
Ia 50 egun etxean itxita egon ostean, azkenik kaleak berreskuratu genituen, baina jada ezer ez zen berdin. Ondo gogoratzen ditut deseskaladako lehen egunak, mugikortasuna bizitokitik kilometro bateko eremura mugatuta genuenean: Gaindegiko webgunera jo behar izan nuen kilometroaren muga hori norainokoa zen jakiteko. Nire lehen kezka, ea paseatzeko espazio atsegin batera joateko aukera izango nuen izan zen. Zorionekoa ni, Txurdinagako parkearen zati bat nire mugikortasun esparruan zegoelako. Izan ere, lagun askok ez zuten aukerarik izan ordubeteko ibilaldi hori espazio atsegin eta osasuntsu baten igarotzeko, eta horrek zer pentsatu eman beharko liguke guztioi:
Black Lives Matter (Maria del Rio)
George Floyd poliziaren esku hil izanak mobilizazioak eragin ditu mundu osoan. Gure artean ere, horren adibide jendetsuak izan ditugu. Ez da, noski, ezagutzen dugun horrelako lehen heriotza, baina oraingoan lekuko izan gara. Irudi gordinak eta bortitzak biralizatu egin dira, eta atzean dagoen historia ezagutu dugu; biktimaren izena, haren familia… Zalantzarik gabe, azken honetan zailagoa izan zaigu beste alde batera begiratzea. Hori guztia, gainera, AEBetan gertatzen ari den polarizazio sozialeko testuinguruan gertatu da, eskuin muturraren hazkundea horren adierazle dela. Hauteskundeak laster izango dira, eta COVID-19aren krisiaren kudeaketa negargarriaren ondorioek zenbait kolektibo bereziki kolpatu ditu, hala nola, afrikar ondorengoen artean.
Rodriguez «Txaloak instituzionalizatzeko gai izan behar dugu»
Gure kide eta EH Bilduren legebiltzarkide Ander Rodriguezi elkarrizketa birusak adinekoen egoitzetan sortu duen egoera larriak, eta osasun eta lan mailan pandemiaren ondoren sortzen ari diren doluzko egoerek agerian utzi diguten pertsona, osasuna eta bizitza duina erdigunean jartzeko beharraren inguruan. ‘Normaltasun berria’ deiturikoa ‘normaltasun zaharraren’ zantzuak hartuz doa eta horrekin errezeta zaharrak azaleratzen dira. More…