Fatuarte: «Gardentasuna zalantzan jartzen duen edozein zantzu ekidin behar da Arriaga antzokian»
Alba Fatuarte Alternatibako kide eta EH Bilduko ordezkariak Arriaga antzokiko Administrazio Kontseiluan, kontratazio prozesuetako epaimahaiaren inpartzialtasuna eta profesionaltasuna errespetatzea eskatu du.
2015/5 Dekretuaren arabera inpartzialtasuna eta profesionaltasuna epaimahaien oinarri izan behar dira. Horretaz gain gizon eta emakumeen arteko berdintasunerantz jo behar dute. Horretaz gain, arau horrek zehazten du izendapen politikoz, bitarteko funtzionarioek edo aldi baterako langileek ezingo dutela epaimahaian parte hartu.
“Kasu honetan, berriz, epaimahaian presidentea bera eta administrazio kontseiluko kide bi daude. Horiek guztiak izendapen politikoa dute jatorri. Uste dugu prozesuaren gardentasuna zalantzan jartzen duen edozein zantzu ekidin behar dela”, azpimarratu du Fatuartek.
Arriaga antzokia ez dago behartua araua betetzera, baina azpimarratu behar da arau horrek eragiten ez dien Administrazio Publikoko langileengan ordezko izaera daukala.
“Hori dela eta, 6/1989 legearen 31. artikuluan zehazten den bezala, espezialitate printzipioari eutsi behar zaiola uste dugu eta jatorri politikoa duten karguek ordezkatu trebakuntza eta prestakuntza egokia daukaten pertsonengatik”, gaineratu du EH Bilduko ordezkaria
.jpg){kind=link}