Etiketa: EHBildu

Kongresu eta Senaturako zerrenda proposamenak bidali ditugu herrietara

Kongresurako eta Senaturako hauteskundeetarako zerrenda proposamenak igorri ditu EH Bilduk herrietara, tokian tokiko batzarretan oinarriek onar ditzaten. Aldez aurretik, EH Bilduk prozesu bat abiatu zuen. Lehendabizi, oinarriek izenak proposatzeko aukera izan zuten. Zuzendaritzek, izen horiek kontuan izanda, zerrenda proposamena egin dute. Hain justu, atxikita bidaltzen dizuegun zerrendak dira herrietara bidalitakoak. Orain, EH Bilduko oinarriei dagokie zerrenda horiek berrestea.

ARABA

KONGRESUA / CONGRESO

MIKEL OTERO

Gasteizen bizi da (1972). Filosofia eta historia ikasketak egin zituen suhiltzaile plaza lortu arte. Frackingaren aurkako aktibista ezaguna.

AITZIBER SALAZAR

Gasteiz (1988) EHUtik Adminsitrazioaren eta Politika Zientzietan lizentziatua da. Horretaz gain, Bake eta Gatazka masterra burutu zuen Uppsala-ko Unibertsitatean (Suezia) eta Hauteskunde Behaketan beste bat, EHUko Unibertsitatetik. Egun, Europako Legebiltzarrean ari da lanean.

PABLO GOROSTIAGA

Laudio (1942). Laudioko alkate historikoa eta Egin egunkariko administrazio kontseiluko kide izandakoa da. 18/98 makrosumarioan ezarritako zortzi urteko espetxe zigorra bete zuen.

ESTI BESA

Ardogilea eta enologoa. Eskuernagako bizilaguna, nekazaritza ekologikoan aditua da. Arabarako Errioxarako sor marka propioaren aldekoa, Candido Besa Upategiko jabea da, familiarekin batera. Arabar Errioxan lan handia egin du euskara eta kulturaren alde, enpresaren esparrutik, ikastolatik, eta herritik.

IÑAKI MARTIN

Sindikalista. Pentsiodunak lanean kolektiboko kidea da. Martxoak 3ko borrokaldietako kide historikoa, Mercedes Benz-eko langile ohia da.

VERÓNICA DOMINGO

Mar del Platan (Argentina) jaiotakoa, zuzenbidean lizentziatua da. Nazioarteko gaietan masterra du ere. Giza-eskubideetan eta Familia zuzenbidean aditua. Nazioarteko harremanetan, arlo juridikoan eta administrazioan du lan-eskarmentua. Gaur egun, SEADen lagunen elkartean teknikaria da, Saharar Ordezkaritzaren proiektuan.

IKER URBINA

Gasteiztar abokatua. 2011-15 legealdian Amaiurreko diputatua izan zen Madrilgo Kongresuan.

 

SENATUA / SENADO

EBA LOPEZ DE ARROYABE

Nekazaria. Lehen sektorearekin lan eta harreman zuzena dauka.

IKER GARCIA DE EULATE

Abokatua. Trebiñuko zinegotzia

IZAR MENDIGUREN

Laudio (1988). Kazetaritzan Lizentziatua, euskara eta komunikazioaren alorrean egiten du lan. Bertsolaria da eta Aiarako Bertso-eskolako irakasle eta arduradun izan da, baita barnetegi eta bertso-udaleku begirale Laudioko eta Airaldeko herri mugimendu ezberdinetako kidea da.?Laudio, 1988.

BIZKAIA

KONGRESUA / CONGRESO

OSKAR MATUTE

Barakaldo (1972) Enpresa zientzietan lizentziatua. EAEko legebiltzarkidea izan da 2002-2009 urteetan Ezker Batua-Berdeak koaliziotik. 2012tik parlamentaria da Gasteizen EH Bildurekin. Alternatiba alderdiko bozeramailea.

ITZIAR ABELLANAL TUEROS

Bilbo (1962). Irakaslea. Eusko Jaurlaritzako Administrazio orokorreko langilea. Bertan, LAB sindikatuko Jaurlaritzako delegatua eta liberatua izan da. Ortuellako Institutuko bulegoan dihardu egun. 1999-2003 urteetan Euskal Herritarrok-en zinegotzia izan zen Muskizen.

JON IÑARRITU GARCIA

Leioa (1979). Zuzenbidean lizentziatua EHU eta Federico II-Napoles Unibertsitateetan. Nazioarteko eta Europako Zuzenbidean Masterra egina du (Grenobleseko Pierre-Mendès-France unibertsitatean). Gaur egun tesia egiten ari da Baionako Unibertsitatean. 2011-2015 urteetan Amaiur koalizioa ordezkatu izan du Madrilgo Kongresuan.

IRATXE ARRIOLA

Ea (1980). Zuzenbide ekonomikoan lizentziaduna. Europako Zuzenbidean graduondoa egina Exetergo Unibertsitatean (Erresuma Batua). Eako alkatea da.

MIKEL ARGIÑARENA OTAMENDI

Errazkin (1943). Filosofia eta Letretan lizentziaduna. Jubilatua. Pentsionistak Martxan Plataformako kidea da.

 

MARIA APELLANIZ GARRO

Basauri (1977). Gizarteratze Goi Mailako Teknikaria da.

ADRIAN FUENTES AREVALO

Bilbo (1994). Nazioarteko Harremanak eta Zientzia Politikoan graduatua Queen Mary Unibertsitatean (London). ALE-Europako Aliantza Libreko gazteriaren presidenteordea.

ONINTZA ENBEITA MAGUREGI

Muxika (1979). Kazetaritzan lizentziatua eta bertsolaria. Espainiako Gorteetan diputatu ibili da 2011-2015 legegintzaldian Amaiur koalizioaren izenean. 2015eko azken hauteskunde orokorretan Bizkaitik atera zen berriro diputatu.

PEDRO MACHO AGUILLO

Bilbo (1962). Ingeles Filologian lizentziatua. Euskadi Eskola Kontseiluan irakasleen ordezkari ordezkoa.

IRANTZU VARELA URRESTIZALA

Portugalete (1974). Kazetaria eta militante feminista. Kooperatiba sozial batean egiten du lan hezitzaile eta emakumeen kontrako biolentziaren aholkulari gisa. Hainbat komunikabideetan aritzen da, kolaboratzaile gisa.

JUANKARLOS GOIENETXEA BEITIA

Bermeo (1949). Ikasketaz, Industria Ingeniari teknikoa da. Eusko Alkartasuneko politikari historikoa. 1991 urtetik 2007 urtera arte Bermeoko alkatea izandakoa. 2007-2011 bitartean zinegotzia. 2011-2014 bitartean EH BILDUko zinegotzi bezala aritu izan da.

 

SENATUA / SENADO

 

BEGOÑA LANDA

Bermeo (1954). Psikologian lizentziaduna. Gernika-Lumoko zinegotzia azken 21 urteetan (alkate-ordea 8 urtez).

ARKAITZ FULLAONDO

Leioa (1980). Soziologian Doktorea Kataluniako Politeknikotik. EHUn irakaslea da egun.

ANGELITA BURGOA ARKOTXA

Ondarroa (1943). Jubilatua. 1995-1999 zinegotzia HB-rekin. 1999-2003 Hirigintzako zinegotzia Euskal Herritarrok-en eskutik.

GIPUZKOA

KONGRESUA / CONGRESO

MARIAN BEITILARRANGOITA

1968 (Legazpi). Hernanin bizi da. Kazetaria. Hernaniko Alkatea. Legebiltzarkidea. EH Bilduko Kongresu espainiarreko bozeramailea 2016ko abendutik maiatza bitarte.

IÑAKI OSTOLAZA

1968 (Zumaia). Ingenieria. Enpresari txikia. Ostolaza Zumaia SL Norbere Babeserako Ekipoak eta laneko arropak.

AITZOL CAJARAVILLE

1969 (Donostia, Intxaurrondo). Zumarragan bizi da. Arcelor Mittal altzairugintza enpresako langilea eta enpresa batzordeko kidea. Sindikalista. Langileen bozeramailea Arcelor Mittalden itxieraren aurrean.

ERAITZ SAEZ DE EGILAZ

19 urte (Beasain). Zuzenbideko ikaslea. Ikasle Mugimenduko kidea.

MARIA SERRANO

1950 (Donostia). Gizarte Langilea. Haur babeserako arloan askotariko gabezien familiekin 24 urteko lan-esperientzia. Duintasunako kidea (pentsionista).

GORKA ERRASTI

1979 (Eibar). Enpresa zientzietan diplomatua. Gizarte lanetako ikaslea. Immigrazio teknikaria. Gaur egun Eibarko Udaleko zinegotzia (EH Bildu).

JONE ETXEBERRIA

1979 (Itsasondo). Filosofian lizentziatua. Soziekonomia arloan aditua.

IZASKUN SORONDO

1973 (Irun). Iruneko zinegotzia. Sindikalista ohia. Zuzenbideko ikasketak.

JOKIN ARANALDE

1945 (Ibarra). Preso ohia. Senidea.

 

SENATUA / SENADO

 

ALBERTO UNAMUNZAGA

1975 (Eibar). Zientzia Politikoetan eta Soziologian lizentziatua. Amaiurrekin senatari lanetan aritu zen Madrilen 2011-2015.

MAITE SARASUA

1959 (Zarautz). Idazkaritza profesionalaren ikasketak. Zarauzko Udaltzaina 1999 arte. Zarauzko Udaleko Gizarte Zerbitzuetan administraria. Gipuzkoako Batzarkidea 2011-2015.

JOANES ROSÓ

1987 (Elgoibar). Talde-ekintzaile gaztea eta Koperatibista (TZBZ koop.). Ekonomia Sozialaren bultzatzailea. Lidergo Ekintzaile eta berrikuntza gradua (LEINN) eta berrikuntza irekian eta barne ekintzailetzan master exekutiboa (MINN)

 

NAFARROA

KONGRESUA

BAKARTXO RUIZ

Iruñea, 1977. Iruñean bizi da. Euskal Filologian lizentziatua, Bigarren Hezkuntzako irakasle San Fermin Ikastolan eta EH Bilduko Parlamentarioa 2011tik.

IRATI JIMENEZ

Bermeo, 1977. Iruñean bizi da. Informazio Zientzietan lizentziatua, kazetaria eta idazlea. Hainbat liburu idatzi ditu eta beste hainbeste sari jasotakoa da. Hedabideetan ere lan egin du, irrati zein telebistan.

PEIO GURBINDO

Atarrabia, 1964. Magisteritzan lizentziatua NUPen. Lehen Hezkuntzako irakaslea. Atarrabiako alkatea (2007-2011), gaur egun EHBilduko zinegotzia. Territorial de EA en Navarra.

LUR ALBIZU

Artazukoa, 23 urte, Euskal Ikasketen Gradua egin du.

JOSEBA COMPAINS

Iruñea, 35 urte. Zuzenbidean eta Administrazio eta Enpresa Zuzendaritzan lizentziatua da. Abokatua eta NUPeko irakasle asoziatua da.

 

ORDEZKOAK

 

ARTURO GOLDARACENA.

Tafallako alkatea

OIHANEDER INDAKOETXEA.

Barañaingo alkatea

JOSEBA OTONDO.

Baztango alkatea.

 

SENATUA

 

XANTI BEGIRISTAIN

57 urte, Larraungoa. Auritzen erroldatua. Euskara irakaslea, txistularia, erretiratua. Zinegotzia Iruñeko Udalean 2003-2007 bitartean.

MAIDER BELOKI

Iruñea, 1978. Merkataritza kudeaketan diplomatua. Kultura ekitaldi eta kultura kudeaketan aritua. Gaur egun Iruñeko hezkuntza, kultura, hizkuntza politika eta kirol zinegotzia udalean.

KOLDO ABREGO

42 urte. Larragetan bizi da (Berriobeiti). Administrazio eta Enpresa Zuzendaritzan lizentziatua, eta enpresa munduan aritzen da. Berrioebeitin zinegotzia 2011tik. 2015etik, alkateordea.

 

ORDEZKOAK

 

MIREN OTXOA

Iruñea, 43 urte. Osasunbidean zaindari eta LABeko ordezkaria da.

EVA ARANGUREN

Sarrigurenen bizi da, 1976. Kazetaritzan lizentziatua. Bigarren hezkuntzako irakaslea.. 2011-2015 artean EH Bilduko zinegotzi eta bozeramale Iruñeko udalean.

MAITE MANGADO.

45 urte, Sartagudakoa, Informazio zientzietan lizentziaduna. Oroimen Historikoan ekintzailea.

EH Bildu

Berriak

Lehenengo kanta, fede kapitulua

Joseba Barriola – Alternatiba / EH Bildu

Hementxe gaude bildurik Euskal Herriaren populua. Kanta dezagun, denok batera, lehenen kapitulua, fedearen artikulua». Arestiren poema hau, Oskorrik kantatua, nire burmuinera etorri zait gaur goizean esnatu naizenean. Arratsaldean Otegiri egingo zaion ongi etorrirako kanta aproposa, pentsatu dut. Poema eder horren kulunkan ardaztu dut Belodromokoa.

Hementxe gaude bildurik. Belodromoan eta karpan zirenak eta etorri ezin izan direnak, eta han egin eta esandakoarekin erresonantzian jarriko direnak, eta bizitza duina aspotzen zuten hitz eta irudiekiko konexioa egin duten guztiak, eta iraganeko herritar xume sufritu eta adoretsuak eta USAko kartzelan zigortua dagoen Peletier amerindio duina. Denak. Han, bildu ginen.

Euskal Herriaren populua. Baina zer zen populua, Euskal Herriaren populua, Arestirentzat? Bere poemetan utzi digu argi adierazia. Populua da: langile jendea, etxean lana egiten duten langile ordaindu gabeak, nekazariak, arrantzaleak, iñudeak, merkatutan eta ostatutan diharduten emakumeak, Somorrostroko mineroak, Lemoako frenteko «primera línea de fuego», Adela gorria-Adela guria, poetak eta titiriteroak, lurrarekin hitz egiten duten Oteiza-Gandiaga-Mari Sanz-Laboa bezalako eroak, zeru bideko Joxe bezalako, lurra eta jendea eta herriaren pentsalari sakonak, etakideen ama sufrituak eta beltzak eta davidovichak… Populua dira kollazoak eta petxeroak, eta lingua navarrorum-lingua barbaroruma hitz egiten duten euskal nekazari pobre Nafarroako Monarkiak baztertuak, matxinadetako matxinoak, galeretara kondenatuak eta prostituziora behartuak, langabeziara kondenatuak eta etxetik atzerriratuak edo kanporatuak, eta presoak… Horiek dira Euskal Herriaren populua. Populuan ez dira kabitzen jauntxoak, aiton-seme gamboinoak edota oñaztarrak, errege, abade, obispo lur-inperio goseak, Caracaseko eta Filipinas Konpainia esklabista eta kolonizatzaileak eta Confebaskeko edo Iberdrola edo Petronor eta orohar esanda besteen sufrimenduen kontura aberasten den jendea. Horiek ere hemengoak dira jatorriz, baina ez dira populua. Beraien aberria diru pilaketa baizik ez da.

Kanta dezagun batera. Zer da, Aresti, kantatu beharko genukeena? Bi kanta eta bi kanta horien arteko zubia.

Lehenengo kanta: Lehenen kapitulua. Guztion izenean Jon Maia bertsolariak irakurri zuen poema argitsua. Biziraupenaren kanta eta dantza. Gu gara kanta bizigarria. Europa osoan eta mundu osoan gu ere bagara, gaur egungo lehen beharraren lekuko: biziraupenaren lekuko. Mendetan eta mendetan nolabait gure nortasun bizia, eta bizia delako aldatuz doan eta guk geuk aldatzen eta ederragotzen saiatzen garen nortasuna biziraun duelako. Jonek ahots tonu liluratzailez irakurritako poema, gure iraganari maitasunez botatako begirada da, eta maitasunez egina dagoelako etorkizunera proiektatua.

[…] Munduko herri guztien lagunkidetasunean oinarrituriko nortasuna eraiki nahi dugu. Horregatik jatorri anitzetako jende lagunak gurean izan du eta izango du lekua gurekin batera eraikitzeko etorkizuna. Izan ere, gizadi osoaren lehen eginkizuna da biziraupenaren gain zamatzen gaituen mehatxuekin (TTIP izeneko kolonizazio mundial berria, aldaketa klimatikoa, arma atomikoak, gizartearen desestrukturazioa, arrazakeria etniko eta soziala, pentsamendu bakar harrizkotuaren inperioa, sentimenduen manipulazio zitala…) amaitzea. Lekukoak gara, esperientzia dugu adimentsu jokatzen ikasiz eta mundu osora eskainiz.

Bigarren kanta: Fedearen artikulua. Arnaldo Otegik luzatu zigun gonbidapen adimentsua eta igorri zigun adore eta autokonfiantza. Irriaren, bizitzaren ospakizunaren festara igarotzeko gramatika: estatu dezentea, independentzia, pentsamolde desberdinen eta erlijio desberdinen bultzada bizigarriez elikatuak, diagnostiko eta agenda egokiak egiteko entzun eta entzun eta entzun beharra, pultsua hartzeko eta ikasteko egarria, gure esku dago, herriaren esku dagoela sakon sinestuta. Ondo bereiziz zein da behaztopa harria eta zein den aldaketarako bide laguna. Geurea eraikitzen lanean beti prest esku bat luzatzeko, baita Espainiako ezker berriari. Eta black power, eta botere palestinarra, eta botere Saharauiarra, eta botere arabiarra, eta euskal boterea. Herrien boterea eta ahalmena, biziraupenaren borrokatik garai berrira, bizitzaren ospakizunaren festara jauzi egiteko ahalmena landu. Hitz batez, jende burujabez osaturiko herria(k) lehendakari. Eta arai berrira jauzia, oraintxe bertan saiatu, ez da geroko desioa, orain praktikatzen hasten garena baizik. Horren isla da, jaso dugun gonbidapena: irri egin.

Kantazubia: Bizitza duinaren defentsa kanta. Jone Etxeberriak, sutan erretako sorgin bizigarrien ahots gartsuz izar bat piztu zuen populuaren bihotzean: ez dugu onartuko ez bizitza, ez jaiotza, ez heriotza, ez sexua, ez maitasuna, ez lurra eta ez lana, ez dugu onartuko bizitzaren sorkuntza eta zaintza, kapitalaren akumulaziorako merkantzia miserable bihur daitezela.

Bizitzaren hatsaren hotsaren hutsaren hitza, mirarizko kanta baga biga higa misteriotsua, festa zoragarriaren ikimilikiliklik. Bizitza duina denontzat, bizitzea merezi duen bizitza betea, eraiki nahi dugun egitasmo politikoaren erdigunean.

Mila esker Belodromoko oparia eskaini zigutenei, hau da, presente edo hara hurbildu ezinik, han bildu ginen guztioi.

BERRIAn argitaratua

Berriak

Oskar Matute: “(AHT) Beharrezkoa deritzogu azpiegitura honen kostuak eta onurak aztertuko dituen txostena egitea”

PNL SOBRE ANALISIS COSTE BENEFICO EN EL TAV (Eusko Legebiltzarra 2016/02/25)

Gaurkoan proposamen argia, laburra eta zehatza ekartzen dugu ganbera honetara. Alderdi bakoitzak Abiadura Handiko Trenaren inguruan duen jarrera alde batera utzita, beharrezkoa deritzogu azpiegitura honen kostuak eta onureak aztertuko dituen txostena egiteari. Eusko Jaurlaritzari hala egiteko eskatzen diogu, gure herrian inoiz eman den azpiegiturarik handi eta garestienaren inguruan ari garela gogora ekarrita.

Legez Besteko Proposamenean ikusiko duzuenez, eskaera oso zehatza da. Eskaera baino, eskakizuna, guztion gaineko ondorioak dituen, eta  etorkizunean egin daitekeen edozein azpiegitura baldintzatuko duen inbertsioa delako.

Eta hala egin beharra dagoela uste dugu osasungarria, justua eta beharrezkoa delako diru publikoa erabiltzeko informazio guztia eskaintzea, eta gastuak ekar dezakeena zein ekarriko ez duenaren jakitun izan behar garelako; suposiziorik gabe, opakutasunik gabe, eta betikoak, gutxi batzuk, aberasteko gunerik gabe.

Apuesta estratégica SI, análisis riguroso NO.

“Impacto en la economía de la CAPV de la Y Vasca”

– Solo se han estudiado beneficios no costes (profesor dixit)

– Datos obsoletos (input output 2008). Informe 2012.

Y todo esto en un contexto marcado por la crisis que no solo afecta a desarrollo proyecto futuro TAV, amenaza ya nuestras vidas.

Inversión en TAV sostenida contra viento y marea.

2010 – 69% inversión total.

2011 – 45,88%

2012 y 2013 – 57%

2014 – 69%

2015 – 68%

Tenemos una idea de lo que costara construirlo pero no mantenerlo.

Informe: tarificación, transito mercancías, tiempos de conexión capitales, conectividad europa y meseta.

¿beneficios? ¿costes? ¿Explotación?

Eta esan beharra dugu, kezkatzen gaituela eraikuntzarekin aberastu diren ACS, Ferrovial, Acciona edo Alsa; enpresa berberak izatea orain bidaiarien garraiorako operadore bezala aurkezten direnak. Kezkatzen gaitu batzuek negozio handiak egiten dituztelako, diru publikoaren lepotik beti ere, eraikuntzan eta ustiaketan. Badirudi merkatu librea hainbeste atsegin duten horiek eremu publikotik edateko ohitura handiegia dutela.

¿ACS, FERROVIAL, ACCIONA operadores ferroviarios? Después de forrarse construyendo quieren seguir forrándose explotándolo…

¿Y lo explotaran también en el corredor norte aunque FEDEA diga que será el menos rentable de todos los corredores?

APUESTA POR EL FERROCARRIL no implica solo TAV. El TAV es proyecto de elites con el dinero de clases populares.

465 millones viajeros en tren estado en 2013, 408 cercanías, 24,5 media distancia. El AVE solo 25,3 millones de pasajeros.

Deuda estimada de RENFE operadora 4500 millones de Adif 14000.

Superur, Eibar Donostia, túneles de Artxanda… Demasiados desajustes entre coste inicial y final. Demasiado desajuste entre demanda estimada y demanda real.

Por ello y para evitar seguir incidiendo y percutiendo en el error, que pagamos todos y todas, que nos privan a todos y todas de más recursos para mejorar la calidad de vida proponemos la siguiente propuesta.

Que se haga un análisis coste beneficio que considere la vida útil y estudie desde un punto de vista monetario el impacto en el bienestar de la sociedad vasca.

Que se presente en tres meses.

Konbentzituta nago, guztiok izan nahi dugula eredugarriak baliabide publikoak kudeatu eta diru publikoa gastatzeko orduan. Izan gaitezen ere eraginkorrak guztion diruz ordaintzen diren azpiegiturak proiektatzeko garaian, guztion onurarako izan daitezela.

Berriak

Alternatibaren A20aren osteko ondorioak euskal ezkerra berrindartzeko

Alternatibaren azken Batzar Nazionalean, Gasteizen 2016ko urtarrilaren 16an eginikoa, eztabaida politikorako dokumentua jarri zen mahai gainean. Ondorengo lerroetan eztabaida horretatik ateratako 15 ondorioak jasotzen dira:

1. EHBilduk hauteskundeetan lortutako emaitzei mugatuta, txarrak dira, baina emaitza orokorrari begiratuta, erregimenaren haustura positiboa dago, etorkizunean gehiengo sozial berriak sortzeko aukerak eskaini ahal dituena. Zubiak eraiki behar dira.

2. Onartu behar dugu egoera post-politiko berrian gaudela (ohiko forma eta formatuetan, 78ko erreformatik errotutakoak), baina ez post-ideologikoan, non ezker / eskuin edo euskal abertzaletasuna / espainiar abertzaletasuna bezalako ardatzek, dagoeneko, ez duten berdin jokatzen. Inposatu egiten da, erdigunetik periferiara, berriaren balioa zaharrarekiko; eremu soziologiko tradizionalak zaharkituta gelditzen dira. A20ko emaitzek, logika honi erantzun dioten tokiko hautagaitzak dauden tokietan, eta gazteek aukera berri gisa (gurea barne) erantzuten ez diotenak aukeratu izana, politika instituzionala nora doan islatzen duen ispiluak dira.

3. Ez dugu plazaratu mezu argi bat gure parte-hartzeaz hauteskunde orokorren gainean. Ahotsa izango garen, paper aktiboa izango dugun, gure erakundeak ez direla, perfil apaleko kanpaina… ideia kontrajarriak. Oker gabiltza islatzen badugu Espainiako estatuko hauteskundeen gaineko interesik ez dugula, aldiz, Grezia, Korsika, Eskozia edo Venezuelako bozetan arreta jartzen dugun bitartean. Espainiako hauteskundeek zuzen-zuzenean eragiten digute.

4. PPren gobernuaren aurrean, bere jarduerak baldintzatutako hauteskunde orokorretan, erantzun soziala haien kontra antolatu behar da nagusiki. Hala, kontrako eragina izan dezake bestelako eraso lerroak jorratzea PNV, PSOE edo Podemosen aurka. Horrela bakarrik azalduko gara gizartearen aurrean politika horiek Euskal Herrian errepikatuko ez diren berme, eta gure eskubideen babesle gisa. Hala, 1978an ezarritako erregimen sasi demokratikoarekin amaitzen lagunduko dutenen artean eragile nagusienetako bat garela erakutsiko dugu.

5. Gure kanpaina independentzian kokatzean, hazkundea independentisten artean lortzera mugatu dugu. Alegia, ateak ixten dizkiogu autodeterminazio eskubidea esplizitu edo inplizituki aitortzen dutenei. Definizio honek gurekin bat egin nahi duen jende ugari kanpoan utz dezake, oraindik bere burua horretan kokatu ez duelako edo erabakiko dugun egunean zer nolako apustua egingo duen erabaki ez duelako.

6. Euskal Herria ez da Katalunia. Hango paradigmaren baliokiderik ez dago hemen, ezin da berregin bere horretan. Katalunian, herritarrek sustatutako mugimendua da independentismoa, gurean eman ez diren eraso jakin batzuk abiapuntu izan zuena. PNV-k askoz hobeto jokatu du burujabetza nazionalaren defentsan, zentralitatearen bidez, gizartearen gehiengoarekin bat ez datozen muturreko keinurik gabe eta inor baztertu gabe. Proiektu nazionalista bat baino, proiektu nazional gisa definitu behar dugu gure burua. Horrela bakarrik izango dugu aukera, beren burua abertzaletzat ez dutenengana heltzeko, bere kokapena balizko erreferendum bat ematen denean zehaztuko duena. Ezker subiranista gorpuzteko apustuan sakondu egin behar dugu.

7. Gure itxura, gure taularatzeko moduak, gure izaera azken batean, baztertzailea iruditu ahal zaizkio jende bati. Ez diogu euskal gizartearen gehiengoari hitz egiten baizik eta dagoeneko konbentzituta dagoenari. Herri indarra izan nahi badugu, proiektu nazionala bagara, ezin dugu inor baztertu. Nabarmena da hiri handietan porrot egiten duela gure proiektuak. Espainiar identitatea duen herritarrak urrundu egiten ditugu, beren herrian atzerritar gisa sentiarazten ditugulako edota gu ikusten gaituztelako atzerritar.

8. Gainerako herrialdeen aldean, Gipuzkoan emandako gainbehera handia izan da. Urrundu egin dira oinarriak, zuzendaritzatik batez ere, udal hauteskundeetan ikusi genuen eta sakondu egin da zerrendak egiteko prozesuarekin. Agerikoa dirudi barne demokrazia zabaldu eta indartu behar dela, edukiz beteta eta denbora emanda, honako galdera mahai gainean jartzeko: fronte zabala: nola eta noiz sustatu?

9. Podemosekin batera fronte komuna eratzeko deialdia Garzonek Iglesiasi egindakoa bezain antzua izan da. Ez genuen ikusi haiek direla halako aliantzak eskaintzeko indarrak zutenak, eta deiari atea itxi izanak ez die inolako kalterik eragin.

Diskurtso argia garatu behar dugu, Euskal Herriko lurralde anitz guztietan lehiatzeko gai izango dena, aldaketa politiko eta sozialarekin konpromisoari eutsiko diona eta demokrazian sakontzeko asmoan aurrera egingo duena (zerrendak osatzeko batzar gehiago, EH Bildu gehiago zabaltzea…), eragile sozialak ere presente daudela (etengabeko mobilizazio soziala eman dadin lagundu behar dugu, borroka instituzionalaren bidaide izango dena eta ez bakarrik Euskal Herriaren ezker soberanistaren ekintza eremu bakarra), eta borroka agenda zein helburu argiekin, erraz ulertu eta defendatzekoak.

Esaterako, Madrili zorrik ez ordaintzea (600 milioi urtero 2040era arte EAEko aurrekontuetatik) osasungintza, hezkuntza eta politika sozialak; edo bizitza duinerako eskubidea non emakumeen papera saririk gabeko zaintzara mugatuko ez den; edo gazteen enplegurako plan bat deserrira joandakoak bueltan ekarriko dituenak; edo energia arbia eta berriztagarria kutsakorrekiko (Fracking, etab.) burujabetza energetikoa ahalbidetuko diguna energia enpresa handiek argindarraren prezioaren xantaiatik askatzeko. Hala, diskurtso sendoa, ulergarria eta jendeak bere eguneroko arazoetan errotuta ikusiko duena, gure oinarriek bere egin eta zabaldu ahalko duten diskurtsoa, modu errazean eta blokeo mediatikoak gaindituta.

10. 2011. urtean hedabideen arretaren erdigunean geunden, eta ez da hala gertatu 2015ean. Erabaki dute hobe dutela gutaz ez hitz egitea areriotzat azaltzea baino. Espainiako Estatuan medioetan egotea zaila da, baina ez dugu erabat baztertu behar. Agerikoa da, alabaina, komunikazio politikoan badugula zer hobeto: eman dezake EiTBn lehiatzearekin konformatzen garela eta ezkutatu edo isilarazi egiten gaituztela salatu. Ez gara gai izan komunikazio politikorako lanabesak martxan jartzeko sare sozialetatik eta hedabide alternatiboetatik haratago.

11. Ulertu beharra dugu aldaketa nahi duen jendeak ez duela nahi gatazkaren bidez lortzea. Badakigu gure herriaren zein beste batzuen ukazioen bere izaera altxatzen duen estatu baten aurrean ezin ditugula gure helburuak modu atseginean lortu, baina honetaz ez konturatzea ezin diogu jendeari leporatu. Pedagogia landu behar dugu, aldaketaren aldeko mezuan behin eta berriro sakondu behar dugu, formetan sartu gabe. Atseginagoa edo irmoagoa izango den jendeak erabakitzen joan beharko du, estatuan sakoneko erreformarik ezin dela egin ikusi ahala.

12. Gure agenda eta lehentasunak ez datoz guztiz bat jendeak larritzat edo beharrezkotzat jotzen duenarekin.  Hala, independentzia eta gatazkaren konponbidea gure kezka nagusien artean dauden arren, ez dira lehentasun euskal gizartearentzat.

13. EH Bildutik lortu behar dugu gure mezuek egoera latzenetan daudenen sentimenduekin bat egitea.

14. Bozen bila daramagun bidea noraezean doala dirudi. Batetik, EH Bilduren baitan gehien ideologizatutako jendearengandik urruntzen gaitu eta, bestetik, ez ditugu beste batzuk erakartzen gure keinuen lerro estrategikoa argi ikusten ez dutelako. Laburbilduz, gure lerro politikoa definitu beharra dugu EHko ezker soberanista indartzeko bidean, irekiagoa, barneratzaileagoa eta harkorragoa izan dadila hemen bizi eta lan egiten dutenentzat, haientzako herria irabazteko hain zuzen.

15. EH Bilduk EHko mugimendu sozialen egoera sozio-politikoari kasu egin behar dio, hamarkadetan jokatu duten papera aztertu eta egun duten autonomia edo eragin gabeziei. Krisi larria dago eremu honetan.

Ondorio hauek guztiak jaso ditugula, ezinbestekoa deritzogu EH Bilduk ordezkatzen duen proiektu politikoa berreskuratu eta indartzeari; orain lan egin eta eragiteko garaia da, guk nahi dugun eta Euskal Herriko ezkertiarrek espero duten proiektua eraikitzen jarraitzeko.

http://alternatiba.net/old-files/160116BatzarNazionalaAlternatiba.pdf

Berriak

Euskal indar politikoek eta eragile sozialek Euskal Herritarren Agenda osatzea proposatu dugu, gizarteak dituen erronkei erantzuteko

Euskal Herriko gizarteak marko demokratikoetan oinarrituko den aldaketa politiko eta soziala exijitzen duela esan du gaur EH Bilduk, eta horretarako, Euskal Herritarren Agenda abian jartzea proposatu du. “Hau da, euskal herritarren interesekoak diren gaien inguruan, euskal herritarren interesak defendatzen eta aldarrikatzen dituzten indar politikoek eta eragileek elkarrekin jardutea proposatzen dugu”, adierazi dute Oskar Matute eta Oihane Zabaleta EH Bilduko bozeramaileek, gaur, Donostian, egindako agerraldian. “Elkarlan hori Madrilen egin beharko litzateke, herri honek ahots propio eta indartsua izan dezan”, gaineratu dute.

“Baina ez Madrilen bakarrik. Benetako aldaketa politiko eta soziala gertatzeko aukera hemen daukagu, Euskal Herrian. Orain Madrilen jokatzen ari dira partida, baina itzulerako partida, egiazkoa, aldaketa ematea edo ez erabakiko duena, Euskal Herrian jokatuko da”, azpimarratu dute.

Matutek eta Zabaletak agertu dutenez, euskal gizarteak bizi duen egoera politiko, ekonomiko eta sozialak Euskal Herritarren Agenda lehenbailehen osatzera behartzen gaitu. Euskal indar politikoek eta eragile sozialek sortutako elkarlan esparru baterako aukerak daudela uste dute, eta hori osatzeko lehen proposamen gisa, lau alorretan batera jarduteko eskaintza egin dute: pentsio sistema, enplegu politikak, kontsultak egiteko eskuduntzak eta espetxe politika.

– Pentsio sistema. Euskal gizarteak pentsio sistema propioa nahi du eta behar duela eta Madrildik ezartzen diren pentsioek ez dutela bermatzen gure pentsiodunek bizi baldintza duinak eduki ahal izatea azpimarratu dute. Pentsiodunen kolektiboak bere egiten duen aldarrikapen historiko hori gauzatu bitartean, pentsioak 1.080 eurora osatzeko proposamen zehatza erregistratuko du EH Bilduk euskal instituzioetan, hurrengo egunetan.

– Enplegu politikak. “Enplegu politika Madrilgo gobernu zentralaren esku izateak gure berezitasunetara egokitutako enplegu politika eraginkorra abian jartzeko zailtasunak eragiten ditu”, azaldu dute Matutek eta Zabaletak. Hortaz, beharrezkoa ikusten du EH Bilduk enplegu politika aktiboen eskuduntza Hego Euskal Herriko instituzioek izatea. “Horren aldarrikapen bateratua egin beharko litzateke Madrilen”, esan dute. Halaber, lan harremanen euskal esparrua eraikitzeko urratsak ematea eskatu dute. “Egun daukagun egoerak eta Madrilen egiten dituzten lan erreforma atzerakoien menpe egoteak, euskal herritarren lan eta bizi baldintzak gero eta okerragoak izatea dakar berarekin. Enplegu politikak Euskal Herrian eta euskal herritarren artean erabakitzeak ondorio zuzenak izango lituzke Euskal Herriko gizon eta emakumeen eskubide sozialetan eta bizitza kalitatean. Duintasunean irabaziko genuke”. Hori gauzatu bitartean, herritarren bizi eta lan baldintzak duintzeko helburuarekin, Euskal Herrian ere urratsak emateko aukera jarri dute mahai gainean. Era horretara, gutxieneko soldata 1.200 eurokoa izateko proposamena erregistratuko du EH Bilduk euskal parlamentuetan, eragile sindikalen aldarrikapenarekin bat eginez.

– Kontsultak egiteko eskumena. “Herri gisa dagokigun erabakitzeko ahalmena aitor diezaion aldarrikatu behar diogu Espainiako estatuari, horretarako beharrezkoak diren bideetatik, demokraziaren ezinbesteko betekizuna dela gogoratuz”, nabarmendu dute Matutek eta Zabaletak. Baina Euskal Herrian ere gure urratsak ematea beharrezko ikusten dute, euskal gizarteak bere etorkizun politiko eta soziala erabaki ahal izateko. Zentzu horretan, kontsultak egiteko lege proposamenak erregistratuak dituzte Gasteizko eta Nafarroako parlamentuetan.

– Espetxe politika. Salbuespenezko espetxe politika bidegabeari amaiera emateko, beharrezko ikusten du EH Bilduk euskal indar politikoek eta eragileek espetxe politikaren eskuduntzak Hego Euskal Herriko erakundeei ematea.

Euskal indar politikoekin eta eragile sozialekin Euskal Herritarren Agenda osatzen hasteko eta elkarlanerako esparru berriak abiatzeko prestutasuna agertu du EH Bilduk. Matutek eta Zabaletak azpimarratu dutenez, “edukiak adosteko gure irekitasun eta prestutasuna azpimarratu nahi dugu, jokoan dagoena herri honetan aldaketa politiko eta soziala gauzatzea eta herritarren eskubideak berreskuratzea eta lan eta bizi baldintzak duintzea delako”.

EH Bildu

Berriak

Europarako B plana-ren alde

Elite ekonomiko eta finantziero boteretsuek kontrolatu eta zuzendutako Europar Batasuna. Banku eta multinazionalen esanetara dagoen Europar Batasuna, herri eta herrialdeak itotzen dituena, herritarren oinarri-oinarrizko eskubideak ere ukatuz. Lehen mailako herritarrak, bigarren mailakoak eta herritar ikusezinak dituen Europa. Egiteko eta betebeharrak bai, baina eskubide eta askatasunik ez duen Europa, munduaren aurrean harrokeriaz ongizatea goraipatzen duena, bere herritarrei ere halakorik bermatzen ez dien bitartean. Gaur egun, bertan bizi garen herritarren gehiengoak ukatzen dugun Europa.

Finantza sistemaren ez-arautzea, boterea euren interesen alde soilik egiten duten lobbien esku uztea, zerbitzu publikoak enpresa pribatuei saltzea, eurek sortutako zorra ordainaraziz estatu eta herriak itotzea… “Europako instituzio” deiturikoek hartutako neurrietako batzuk dira horiek, neurri horien ondorioak sufritzen ditugunoi galdetu ere egin gabe hartutako neurrietako batzuk. Horma eta harresi fisiko zein lege-bidezkoak eraikitzea, elkartasuna eta babesa behar duten errefuxiatuak kriminalizazio eta bazterkeriaren esku utziz. Askoren pobrezia, miseria eta bazterketa soziala handitzea gutxi batzuen pribilegioak mantentzeagatik. Hau da austeritate eta eskubide murrizketen Europaren argazkia, eta honen aurka egin behar dugu.

Asko gara urtetan zehar proiektu “komun” horren gezurra salatu dugunak. Orain, 23 urte beranduago, askoz gehiago gara gehiengoaren interesen aurka eraiki duten kapitalaren Europa hori aldatzeko beharra ikusten dugunak. Europa justu eta solidarioagoa aldarrikatzen dugu, oinarrizko eskubideak bermatuko dituena eta herritar guztiok bizitza duin bat garatu ahal izateko oinarriak ezarriko dituena. Bere baitako herri eta herritar guztiak erabakitzeko sujetu bilakatuko dituen bide demokratikoa abiatuko duen Europa. Gure instituzio eta ordezkari demokratikoak zuzenean guk geuk aukeratuko ditugun Europa berri bat.

Elkartasun eta internazionalismoaren printzipioen gainean eraikitako etorkizun berria balioan jartzeko garaia da. Egin nahi dugun bidea Herriek eta bertan bizi garen herritarrok erabakiko dugun etorkizun berria. Herri, nazio eta estatu bakoitzak, burujabetza osoz bere erabaki propioak hartzeko ahalmena izan dezan, horrek beste inor ekonomikoki ito gabe. Inor atzean utziko ez duen Europa bat eraiki nahi dugu, denontzako aurrerapen sozialaren berme izango dena. “Reset” bat behar dugu, lapurtutako burujabetza itzuliko diguna, modu horretan gure politika sozial eta ekonomikoak erabaki eta martxan jarri ahal izateko. Praktikan jarri nahi ditugu giza eskubide guztiak, eskubide sozial eta politiko guztiak, inork horregatik mehatxatuko ez gaituen ziurtasunaz. Gutxietsiak eta alboratuak izan garen guztiak eskubide osoko herritar izan nahi dugu; izan emakume, etorkin, gazte edo errefuxiatu.

Egungo europar sistema errotik aldatzeko asmotan lanean ari diren indar sozial zein politikoekin elkarlanean bidea egiteko prest gaude, gaur egun gobernatzen gaituztenen eredutik aldenduz, demokrazia maila guztietan berreskuratzeko asmoz. Aldaketa eraiki nahi dugu Euskal Herria herri hobe bat bilakatzeko Europa berri batean, pertsonak zentroan jarriko dituen Europa batean, bere baitako herrien nahi sozial, ekonomiko eta politikoak errespetatuko dituen Europan. Asko dugu elkarren artean hitz egin eta eztabaidatzeko gure herri txiki handi honek eta Europak behar duen aldaketari buruz. Gure arteko ezberdintasunak errespetatu eta aitortuz batzen gaituenari balioa emateko gai bagara, beraien interesen mesedetan burumakur eta otzan nahi gaituztenen aurrean irabazle izango gara.

Aldaketaren aldeko hamaika eragilek parte hartuko dugun “Europarako B plana” izeneko jardunaldiak aukera paregabea izango dira proiektu, asmo eta ikuspuntuak elkartrukatzeko. Horregatik, “Europarako B plana” dokumentua sinatzen dugunok jarrera eraikitzaile batekin lan egiteko konpromisoa hartzen dugu, herritarron gehiengoari lapurtzen saiatu zirena itzultzeko asmoz lanean ari diren indar eraldatzaileekin elkarlanean.

Joseba Asirón, Marian Beitialarrangoitia, Sabino Cuadra, Miren Larrion y Aitziber Ibaibarriaga

EH Bildu

Berriak

Matute: “Guztiok hobeto bizi ahal izateko, guztiok erabakitzea da bidea”

Oskar Matute EH Bilduko bozeramaile eta Alternatibako kideak adierazi du hondoratzen ari den Espainiako estatuaren aurrean hurrengo igandean Euskal Herriko alternatiba indartu beharra dagoela. Alternatiba sendotzeko bidea herri honetako gizon eta emakumeei egunerokoan eragiten diguten gauza guztiez erabakitzeko gaitasuna ematea da. Nahi dugun gizarte eredua, hezkuntza sistema, osasun sistema, lan harremanak… Horretaz guztiaz erabakitzeko aukera izateak indartuko du alternatiba. Guztiok hobeto bizi ahal izateko, guztiok erabakitzea. Horixe da bidea”.

Gaur goizean, Donostian egindako ekitaldi politikoan esan duenez, “hauteskunde hauetan EH Bildu da herri honetako gizon eta emakume guztien erabakia errespetatu behar dela aldarrikatzen eta defendatzen duen aukera politiko bakarra”.

Euskal gizarteak aldaketa politiko eta soziala eskatzen duela azpimarratu du Matutek. “Herri honetako gizon eta emakumeek eskatzen dute beren lehentasunak lehenestea eta ez beren kezka eta arazoen konponbidearekin zerikusirik ez duten interesak bultzatzea. Eta Euskal Herrian aldaketa burujabetza deitzen da. Aldaketa EH Bildu da”.

EHBildu

Berriak

Espainiako konstituzioaren aurkako manifestazioa abenduaren 6rako deitu du EH Bilduk Bilbon

Sabino Cuadra eta Maria Sierrak, azken honek gazte mugimenduaren izenean, datorren abenduaren seian Bilboko kaleak betetzera deitu dituzte herritarrak. “Espainiako konstituzioa inposatu egin digute, eta horretaz gain, konstituzio tranposoa da, zinikoa eta hipokrita”, esan dute.

Cuadrak adierazi duenez, “honek ez du gehiagorako ematen, ez Euskal Herrian, ezta Katalunian ere”. Horregatik gizarte, kultura, sindikalgintza, ekonomia eta politika arloko eragile guztiei dei egin diete “Madrilera begiratzeari utzi eta gure herrira begiratu dezaten”. Bere esanetan, “arima eta gihar indartsuak ditugu askatasunean, demokrazian eta justizia sozialean oinarrituriko etorkizuna eraikitzeko”.

Sabino Cuadrak eta Maria Sierrak adierazi dutenez, “txikira jokatzeari utzi eta handira jokatzen hasteko garaia da, alegia, erabakitze eskubide exijitu eta praktikan jartzeko garaia da”.

Ildo horretan, Cuadrak esan du abenduaren 6an kalera irtengo garela “ez soilik herrien espetxea den konsituzio horri ezetz esatera, askatasuna eta burjabetza aldarrikatzera baizik”. “Gaurtik aurrera, gure bideari ekin, independentziara eta Euskal Errepublikara eramango gaituen bide horri ekin behar diogu”.

Manifestazioa eguerdian abiatuko Moiua plazatik Arriagara.

EH Bildu

Berriak

Hasi dira hauteskunde orokorretarako EH Bilduren hautagaiak aukeratzeko tokiko batzarrak

EH Bilduk Estatuko hauteskundeei begira zabaldu zuen prozesuaren lehen fasea amaitu ondoren, gaur bertan bigarren faseari ekingo zaio. Orain arte egin diren batzarretan Amaiurrek egindako lana eta beste indar politikoekin konfluentziarako aukerak baloratzeaz gain, hautagaien zerrendak osatzeko izen proposamenak jaso dira. Gaurtik aurrera, herriz herri egingo diren batzarretan EH Bilduk aurkeztuko dituen hautagaien zerrendak erabakiko dira.

Prozesuaren nondik norakoak azaltzeko, agerraldia egin dute Alternatibako kide eta Gasteizko legebiltzarkide Oskar Matutek, Nekane Perez EH Bilduko bozeramailearekin batera. “Hasieratik nahi izan dugu prozesua zabala, parte-hartzailea eta gardena izatea, alderdien eremua gaindituz eta EH Bilduren proiektuarekiko hurbiltasuna edota adostasuna sentitzen duen orori parte hartzeko aukera emanez. Prozesuaren hiru ezaugarri horiek izango dira, azken finean, aurrera begira EH Bildu herri honek behar duen aldaketa politiko eta soziala bultzatzeko gizartearen zerbitzura egongo den interbentzioa politikorako tresna bilakatzeko oinarrizko zutabeak”, adierazi dute.

Bigarren fase  honetan, urriaren 30a arte zabalduko dena, EH Bilduko oinarriek Kongresurako eta Senaturako zerrendaburuak aukeratuko dituzte, batzarretan proposatutako izenen artean. Beraz, batzarretan parte hartuko dutenen esku geratuko da EH Bilduren ordezkariak izendatzea.

“Prozesu parte hartzaile eta garden hau abian jarrita, zintzoak eta koherenteak izan nahi dugu herritarrei erabaki ahalmen emateko gure irizpidearekin. EH Bilduko oinarriek erabakiak hartzeko guneak behar dituztela uste dugu, eta aste hauetan abian jarri dugun ekimena bide horretan ematen dugun lehen urratsa da”, esan dute Matutek eta Perezek.

Hautaketa prozesuari dagokionez, nominala izango da; beraz,  izen bakoitzari emandako botoak zenbatuko dira. Eta horrekin batera, eta parekotasuna bermatzeko, batzarretan gizon bat eta emakume bat bozkatu beharko dira. Behin batzarrak amaituta, urriaren 31n, agerraldi publikoan iragarriko ditugu prozesuaren emaitza eta EH Bilduk Kongresu eta Senaturako aurkeztuko dituen zerrendaburuak.

EH Bilduk “gogoz eta arduraz” ekingo dio estatuko hauteskundeei, agertu dute Matutek eta Perezek. “Oso argi dugu egoerak, bai Euskal Herrian bai estatuan, euskal gizartearen gehiengo zabal baten aldarrikapen politiko eta sozialei konpromiso eta ekintza zehatzekin erantzungo dien interbentzio argia eta irmoa eskatzen duela”.

Benetako demokraziaren aldarrikapena, aldaketa politiko eta sozialaren beharra inoiz baino nabarmenagoa dela gizartean azpimarratu dute. “Zentzu horretan, EH Bilduren presentzia funtsezkoa izango da bakea, demokrazia eta normalizazioarako eszenatokiak eraikitzeko eta indartzeko. Baina ez bakarrik hori; aldarrikatzen dugu aldaketa politiko eta sozialean herri honen aitortza eta erabakitzeko eskubidearen onarpena bermatu beharko dira”.

EHBildu

Berriak

Ahalduntzeko Legearen aurkezpena: gure eredu politiko, ekonomiko eta soziala erabakitzea ahalbidetuko duen tresna da

EH Bilduk herritarrak eta eragileak elkartu ditu Portugaleteko El Solar plazan, Legebiltzarrean erregistratuko duen Herritarrak Ahalduntzeko Legearen edukiak azaldu eta haiekin eztabaidatzeko. Hurrengo azaroaren 4an erregistratuko du legea Legebiltzarrean, baina aurretik gaurkoa bezalako eztabaidarako eta ekarpenak jasotzeko lan-tailerrak egingo ditu Donostian eta Gasteizen. Oskar Matute eta Rebeka Ubera EH Bilduko bozeramaileek azaldu dutenez, “ez dugu gure legea bakarrik izatea nahi, herri oso baten legea izango da Legebiltzarrean aurkeztuko duguna”.

EH Bilduko bozeramaileek azpimarratu dutenez, “erabakiak hartzeko unea da. Araba, Bizkai eta Gipuzkoako herritarrek erabakiko dute zein izan behar den bere egitura politikoa, euskal lurraldeen arteko harremana edota Espainiako estatuarekiko harremana zein izan behar den. Baina ez hori bakarrik. Beraien egunerokoan zerikusia duten beste edozein arlotako erabakiak ere herritarren esku geratuko direla esan dute Matutek eta Uberak.

“Herritarrek erabakiko dute zein izan behar den gure eredu politikoa, baina eredu ekonomikoa eta soziala zein izan behar den ere erabakiko dute. Herritarrek erabakiko dute bankuak lagunduko diren edo etxebagabetzeak egingo diren; herritarrek erabakiko dute bizi dugun emergentzia sozial egoera honetatik ateratzeko neurririk eraginkorrenak zeintzuk diren edota zeintzuk sektore izan behar diren laguntza handiena jasoko dutenak; hezkuntza edota osasun sistema nola egituratuko den…”. Hori irudikatzeko, hain zuzen, erabaki du EH Bilduk Bizkaiko Ezkerraldean egitea legearen aurkezpen publikoa.

Erabaki horiek guztiak berme demokratiko guztiekin hartuko direla ahalbidetuko duen tresna Herritarrak Ahalduntzeko Legea dela esan dute Matutek eta Uberak. “Herritarrak beren buruen jabe dira eta hori praktikara eramatea nahi dugu. Herritarrak jarduera politikoaren erdigunean jarriko ditugu, beraiek izan daitezen herri honen etorkizun politikoa, ekonomikoa eta soziala erabakien bidez eraikiko dutenak”.

EH Bildu

https://scontent-mad1-1.xx.fbcdn.net/hphotos-xat1/t31.0-8/s960x960/12094834_1187444437939537_6383517178315967934_o.jpg

https://scontent-mad1-1.xx.fbcdn.net/hphotos-xap1/t31.0-8/s960x960/10344118_1187444457939535_2984996903802366586_o.jpg

https://fbcdn-photos-f-a.akamaihd.net/hphotos-ak-xap1/v/t1.0-0/p180x540/11217673_1187444347939546_6481486793201044463_n.jpg?oh=73e58c0f6e7fc6325c51f690fbd1ee00&oe=56CE4ADC&__gda__=1452839140_63cf7f7f1f4ec6f7487cee159d79a12f

https://fbcdn-photos-e-a.akamaihd.net/hphotos-ak-xal1/v/t1.0-0/p180x540/12143112_1187444354606212_2525980188682870580_n.jpg?oh=acb06b4f2db45d76d48de6192eb4201f&oe=569BE590&__gda__=1456340882_93f2a5f04750f04b246ef526b3ce37da

https://scontent-mad1-1.xx.fbcdn.net/hphotos-xtp1/v/t1.0-0/p180x540/12118902_1187444311272883_254476754823862168_n.jpg?oh=8677b66f63eb410665203694f05025c7&oe=56938156

https://scontent-mad1-1.xx.fbcdn.net/hphotos-xta1/v/t1.0-0/p180x540/12144721_1187444344606213_7316972102050364283_n.jpg?oh=a043479f7c4e49a821baaa5a0dbe74d5&oe=5696783D

https://scontent-mad1-1.xx.fbcdn.net/hphotos-xat1/t31.0-8/s960x960/12080397_1187444384606209_5233814870784694322_o.jpg

Berriak

Alternatiba | Ezkerra eraldatzearen erronka

X