Ekologia – 8 orrialdea

EH Bildu Madrilen PPren autokontsumo elektrikoari buruzko dekretu proiektuaren aurka dago

EH Bilduk autokontsumo elektrikoa arautzen duen dekretu-proiektua atzera botatzeko eskatu dio Espainiako Gobernuari, ekainean aurkeztu zuen zirriborro hori autokontsumo elektrikoaren aurkako eraso zuzena delako eta, hortaz, energia berriztagarrien garapenaren kontra ere doalako. Dani Maeztuk azaldu duenez, “autokontsumoa mugatzeak ondorio garrantzitsuak ditu. Adibidez, argiaren fakturan aurreztea galarazten du, enplegu kualifikatua sortzeko aukera mugatzen du eta EAEn ingurumen arloko konpromisoak betetzea zailtzen du”. Gainera, “dekretu-proiektuak talka egiten du Europar Batasunean eta Estatuan bertan indarrean dauden araudiekin”, erantsi du EH Bilduko legebiltzarkideak.

Gaur bertan Madrilen, Kongresuan, oposizioko alderdiek eta sindikatu eta elkarte ugarik autokontsumo energetikoaren aldeko konpromisoa berretsi dute eta dekretu-proiektua bertan behera gera dadila eskatu diote Rajoyren Gobernuari. Gasteizko Legebiltzarrean ere EH Bildu antzeko adierazpen bat aho batez egiten saiatu da. Zehazki, adierazpen instituzionala onartzea proposatu zuen ekaineko azken osoko bilkuran. Adostasuna ia erabatekoa izan zen, baina PPk Parlamentua Rajoyren dekretu-proiektuaren kontra agertzea galarazi zuen.

EH Bildu

15/07/28

Berriak

AHTren aurkako manifestazioan parte hartzera deitzen dugu, inondik inora ez doan trena gelditzeko

Datorren larunbatean, hilak 13, Donostian egingo den manifestazioan parte hartzera deitzen dugu Alternatiba zein EHBildutik, Abiadura Handiko Trena, inondik inora joango ez dena, eraikitzeko proiektua bertan behera uzteko aldarria lau haizeetara zabaltzeko. Zentzugabekeria da Madrilekin zein Parisekin loturarik izango ez duena makro azpiegitura egitea, eta argi dago enpresa eraikitzaleei bakarrik egingo diela mesede. Proiektua gelditzeko eta horren inguruko eztabaida soziala abiatzeko eskatuko dugu asteburuan. AHT Gelditu Orain kanpainaren adierazpena gure egiten dugu, hona hemen edukia:

8 urte igaro dira Abiadura Handiko Trena (AHT) egiteko lanak hasi zirenetik. Ordutik hona mito bat erortzen ikusi dugu. Urte hauetan zehar agerian gelditu da AHT ez dela bideragarria eta ez dakarrela inongo onurarik gizartearentzako. Porrot egin du proiektu honek, milioiak xahutzen dituena eta oinarrizko beharrizan sozialetara bideratu beharko liratekeen partidak murriztu beharra dakarrena, kalte itzela eraginez gizarte, ekonomia eta ingurumen arloetan.

Proiektu hau inposatu nahian ari direnek ez digute esaten zenbat diru gastatu duten orain arte eta ez dakite zenbat gehiago beharko den aurrerantzean, ezta noiz amaituko dituzten lanak ere. Gero eta zalantza gehiago Euskal Herrian sekula eginiko inbertsio handienaren gainean, bultzatzaile burugogorrei errealitatea ikusten uzten ez diena: Paris eta Madrilekin loturarik ez dauka eta, gainera, Bilbo, Gasteiz eta Donostia artean aurrikusitako denborak gero eta handiagoak dira, autoen edo autobusen ia parean egoteraino. Maila bereko zentzugabekeria ikusi dezakegu Nafarroan, inondik inora ez doan AHTa eraikitzen ari baitira, Aragoirekin eta EAErekin loturarik ez duena.

Estrategikotzat saldu nahi izan diguten proiektu honi errealitatea gailendu zaio. Eraikuntza lanek ekarri behar omen zuen bultzada ekonomiko handia ez du inork ere ikusi, hango eta hemengo alderdi politikoetako lagun minak diren eraikuntza enpresario handiek izan ezik, poltsikoak ondo bete dituztenak, gero eta maizago azaleratzen diren ustelkeria kasuak lekuko. Prekarietatea eta lan istripuak AHTko lanetan ari diren langileen eguneroko ogia dira, beraietako gehienak azpikontraten eskuetan harrapatuta, lan eta segurtasun baldintza negargarrietan, honez gero 7 hildako eragin dituztenak.

Diru-xahuketa honen erantzuleek, EAJ-PNV, UPN-PP eta PSE-PSN-PSOE, ez daukate inongo arazorik urtero aurrekontuen zati handi bat obra honetara bideratzeko. Badakite diru hori maileguan eskatu behar dela eta gero eta zor handiagoa pilatzen dutela eskuetan dituzten gobernuen gainean. Aldi berean, gainera, esaten digute ez dagoela dirurik gizarte zerbitzuetarako eta kultura edo ekonomiako bestelako arloetarako.

Politika honek oso ondorio larriak dakartza eta are larriagoak izango dira ez badugu erokeria hau geldiarazten: zenbat eta gehiago itxaron proiektu hau geldiarazteko, ezbehar ekologikoa are handiagoa izango da eta galera ekonomikoak eta ondorio sozialak are sakonagoak. Ondorio guzti horiek gure seme-alabek ere ordainduko dituzte, AHT erabiltzeko aukerarik izan gabe gainera. Izan ere, mantenu gastuak ordaindu ahal izateko txartelei jarri beharko zaizkien prezioak oso gutxik ordaindu ahal izango dituzte. Hor daukagu, adibide gisa, Bartzelona eta Paris lotzen dituen AVEa, kiebran dagoena aurrikusitako bidaiari kopurura hurbildu ere ez delako egiten.

Egoera hau ikusita, adierazpen hau sinatzen dugun herritar eta elkarteek ondorengoa exigitzen dugu:

1.- Berehala AHTko lanak geldiarazi ditzatela.

2.- Proiektu arranditsu honi bideratzen zaizkion diru-partidak erabili daitezela une honetan jendarteak dituen benetazko premiei: osasuna, hezkuntza, etxebizitza, gizarte-zerbitzuak… euro bat gehiago ere ez AHTrako!

3.- Ireki dadila eztabaida tekniko, sozial eta politikoa azpiegitura honen inguruan, herritarren partehartze, informazio eta erabakitze prozesu batekin batera, guztion artean erabaki dezagun zer egin proiektu honekin. Era berean, deia luzatzen diegu herritar eta elkarte guztiei bat egin dezaten ekainaren 13an Donostian helburu honekin egingo dugun nazio-manifestazioarekin.

DEIALDIA:
-Ekainak 13, MANIFESTAZIO nazionala DONOSTIAN, 5’30ean Alderdi Ederretik abiatuta MANIFESTUARI ATXIKIMENDU BILKETA.

SINATZAILEAK:

Atxikimenduak helbide honetara bidali: ahttavgeldituorain@gmail.com

KKinzona Irratia

MKT musika taldea

Iruña Antifaxista

Uztaro Kooperatiba

CGT-LKN Gipuzkoa

Danok lan (Galdakao)

Mikelazulo Kultur Elkartea (Orereta-Errenteria)
Marruma Elkartea (Donostia)

Ekoneus Euskal Ekonomia Elkartea

Ekintza Zuzena aldizkaria
Nafarroako Gazte Anarkistak
Plaza Beltza
Eztabaida Gune Antiautoritarioa (Algorta)
Atxurigorri Auzo Elkartea

Plataforma Ura Nueva Cultura del Agua
Haritzalde Naturzaleen Elkartea

Mugarik Gabe ONGD

Asociación Bilbotik-Perura

Iruñeako Askapena
2016desokupatu
Donostia Kiroleko LAB
Rekalde Taberna (Donostia)
Donostiako AHTren aurkako taldea
EH Bildu

Sortu

Alternatiba

Euskal Herriko Komunistak (EHK)
Gorripidea
Joxe Iriarte “Bikila” (Alternatibako kidea)

Kepa Gonzalez (Podemos Ahal dugu Euskadi)

Bermeoko Sortu

Nekane Jurado (ekonomilaria)

Karlos Martinez (abogado)

Joseba Leizeaga (irudigilea)

Isuo Sasia kantaurorea

Xabier Mendiguren Elizegi (idazlea)

Xabier Montoya Revuelta

Pako Aristi

Ione Forcada

Oihane Ruiz (arkitektoa)

Unai Fernandez de Betoño (arkitektura irakaslea)

Séverine Denieul (la revue de l’Autre Coté)

Jose Miguel de La Fuente (Balmaseda)

Koldobika Gerrikagoitia

Mirene Begiristain

Juanjo Ugartemendia (Martutene)

Jose Mª Lekunberri

Naiara Fajol

Elisa Spano (Torino)

Juanjo Sainz

Cronos

Patxi Garcia
Miren Artetxe Sarasola
Iker Amenabar
Jon Joseba Martinez de Treviño
Jose Luis Berroeta (irakaslea)
Joxemari Alkorta

AHT Gelditu! Elkarlana
Mugitu! Mugimendua
Fracking EZ
Ekologistak Martxan
Eguzki
CADE (Iparralde)
Mutriku Natur Taldea
Getxoko Tosu Betirako elkartea
“Yesa+no, lanak gelditu”
Sustrai Fundazioa (Nafarroa)
Nivelle-Bidasoa Elkartea (Urruña)
ACOA (Asociación de Concejos de Araba)
Comitato NO TAV Bagnaria (Italia)
LAB
STEE-EILAS
ESK
ELA
EHNE
CNT
Euskadiko CGT/LKN
HIRU
Berriotxoak
Duintasuna
Euskal Herriko Bilgune Feminista
Ernai
Ikasle Abertzaleak
Gazte Abertzaleak
Komite Internazionalistak
Askapena
EHE Euskal Herrian Euskaraz
KEM-MOC Bilboko Talde Antimilitarista
Sare Anti-Faxista
EH Sozialista
Ruti-Distri banatzaile alternatiboa
Sorginkale banaketak (Zizur)
ATTAC
Asociacion Naturalista Astigarro Naturzaleak (Tafalla-Baldorba)
Txipio Bai elkarte naturalista
m15m Bizkaia
Lizargorri Taldea

Bermioko Sareginek Sare Feminista

Busturialdeko eta Lea-Artibaiko LAB

TxiapasEKIN Plataforma Vasca de Solidaridad con Chiapas

F.A.R.R.U.K.A.S. de Iruñea

Martes al Sol
Elorrixoko Gaztetxea

Urretxu-Zumarragako Gazte Asanblada

Urretxu-Zumarragako Gazteleku
Leitzeko Atekabeltz Gaztetxea
Azpeitiko Gazte Asanblada
Zintzilik Irratia

https://pbs.twimg.com/media/CHEeU9UWQAErvQ2.jpg

https://pbs.twimg.com/media/CG_IggFXEAAv4W_.jpg

http://ahotsa.info/igotakoak/kartela-aht-gelditu-orainjpg

15/06/11

Berriak

Olano jauna: errauskailua, inposaketa ala herri kontsulta?

Joxe Iriarte “Bikila” – Alternatiba

Bilduk aldundia bere esku hartu eta handik gutxira hitzaren inguruan gertatzen ari zenaz, hauxe idatzi nuen ‘Argia’ astekarian. «Duela gutxi arte, inposaketa hitza, ezker abertzalearen eta ezker muturrekoen hitz totemikoa genuen. Borrokarako akuilu. Arazoak arazo, gaiak gai, sistemak edo beren aldeko instituzioetatik inposatzen ziguten oro salatzeko erabiltzen genuen hitza. Alabaina (ez dakit noiz arte), nola aldatzen diren gauzak! Gipuzkoan inmobilisten ikur bihurtu da» Bitxia egiten zitzaida. «Agintearen makila eskuz aldatu delarik, hortik komeriak, eta herri galdaketaz entzun ere nahi ez zutenak, haserre bizian kontrako bidean aldarrika ikustea orain. Memoria interesatua baita. Nolabait, ahaztu egin dira AHTri buruzko herri galdeketak antolatzeagatik ezker abertzaleko zenbait alkate epaituak izan zirela PSOE agintean zegoelarik. Hots, inposaketa hitza, nork modu oso interesatuan erabiltzen du, beti bere ideologiaren arabera». Eta segitzen nuen. «Nik uste, mamiz eta formaz, ezkerrekook, demokrazia azken mugaraino bultzatu behar dugu. Inhabilitazioaren arriskuari aurre eginez AHTri buruzko galdeketak antolatu zuten alkate haiek bezala. Eta, edozein arrazoi delarik, herritar talde handi batek galdeketa antolatzea eskatzen badu, onartu ez ezik, gauzatzeko bidea abian jarri behar da… Ateratzen dena ateratzen dela, guztiek onartuko dutela aldez aurretik baieztatuz! Errauskailuarekin ez bezala (eraikita jai) Aldundiaren planak badu atzera bueltarik. Egungo oposizioak irabaziko balu bere esku legoke Hondakin Plan berria bertan behera uztea. Dena den, Katalunian 10 urtetan atzera bota duena (atez atekoa) udaletxe bakarra izan da».

Gipuzkoako atez-atearen aurkako alderdirik nagusiena izan dena, PNVk, agintea makila jada eskuen duela mehatxua bota du: errauskailua eraikiko dugu! Hots, Bilduren aurka erabilitako trikimailu guztiak, inposizioarenak barne, jada ez du zentzurik. AHTrekin egin duten bezala, arre eta so, atzera bueltarik ez duen errauskailua eraikiko du. Eta, esan bezla, hor dago diferentzi nabarmena, atez atekoak huts eginda, bazuen bueltarik. Errauskailua behin eraikita, ez!

EAJk utziko al digu gipuzkoarroi gure iritzia ematen, eta ateratzen denaren arabera jokatzen? Ez dut uste egingo duenik, ez berez eta gogoz, behintzat. Horregatik, Zero Zabor inguruan ibili direnak edo errauskailuaren aurkako plataformarenak, eta batez ere, bere garaian egitasmo horren aurka azaldu ziren sendagileei, mezu hau helarazi nahi diet. Berrio kalera! errauskailuren aurka, erreferenduma antolatu dezatela eskatuz. Eta aldundiak ez badu egiten, guk gure kabuz.

Naiz

15/06/05

Berriak

Urkulluk azaldu behar du behingoz zertan oinarritzen den AHT justifikatzeko, datu guztiek haren errentagarritasuna ukatzen dutelako

Proiektua zorrotz aztertu gabe AHTn milioika euro xahutzea egotzi dio EH Bilduk lehendakariari. “Sekulako arduragabekeria da horrelako proiektu bat propaganda hutsean eta gezurretan bakarrik oinarritzea”.

EH Bilduk eskandalagarritzat jo ditu Abiadura Handiko Trena (AHT) eraikitzeko proiektuari buruz argitara atera diren azken informazioak, “agerian utzi dutelako proiektu hori ez dela oinarritu kostuak eta onurak aintzat hartzen dituzten txosten zorrotzetan, propaganda politiko hutsean baizik”, Dani Maeztuk eta Oskar Matutek salatu dutenez. Abiadura Handiko Trena estrategikoa dela besterik ez argudiatzea ez da nahikoa; bada garaia lehendakariak azaltzeko zein datu eta txosten objektibotan oinarritu den gastu erraldoi hori justifikatzeko. Horixe da EH Bilduko datorren ostiralean, Kontrolerako Osoko Bilkuran, eskatuko diona, Urkulluk azalpen horiek guztiak zor dizkielako herritarrei.

Matute_maeztu

Maeztuk eta Matutek ohartarazi dutenez, “orain arte ezagutu diren txosten tekniko guztiek agerian utzi dute AHTren errentagarritasun ekonomikoa, soziala eta ingurumenekoa hutsaren hurrengoa dela; ez Lakuak, ez Madrilek ez baitute txosten edota datu objektibo bat ere eman proiektua justifikatzeko. AHT propagandan eta gezurretan bakarrik oinarritzen da eta lotsagarria da diru publiko kopuru izugarria behar duen tamaina horretako obra bat martxan jartzea aldez aurretik kostuak eta onurak zorrotz aztertu gabe”. Horren froga dira Ingurumen Sailburuak horren inguruan emandako azken erantzunak, oso nabarmen geratu baita Jaurlaritzak ez dakiela ez zenbat denbora beharko den geltoki batetik bestera joateko, ez zenbatekoak izango diren mantenu-kostuak, ez zein izango den bidaia-txartelen prezioa, eta ahaztu gabe Euskal Y hori irla bat baino ez dela izango, ez baitu loturarik izango ez Bordelerekin ez Burgosekin. Finean, “Urkullu balez kargatutako Errusiako erruletara jokatzea proposatzen ari zaigu, baina, hori bai, herritar guztion diruarekin”.

Hori dela eta, EH Bilduko legebiltzarkideek eskandalagarritzat jo dute AHTn “milioika euro xahutzen jarraitzea, proiektu hori inora ez doalako eta altxortegi publikoa hipotekatzen duelako”. Gogora ekarri dutenez, abiadura handiko trenak “ez du merkantziarik garraiatuko, ez ditu kamioiak errepidetik aterako, ez ditu CO2 emisioak murriztuko, ez da tren soziala izango eta elite ekonomikoarentzat ere ez da tren lehiakorra izango”. Beren esanetan, “diru xahuketa eta zentzugabekeria baino ez da”.

EHBildu

15/04/13

Berriak

Asier Vega Artigas zabortegiaren inguruan “Bizkaiko Aldundiak ez du gardentasunez jokatu, ezta arduraz ere”

Alternatibako kide eta EHBilduren Bizkaiko batzarkide Asier Vegak erantzunkizunak eskatu zizkion atzo Ingurumenako Diputatu Iosu Madariagari, Artigaseko medialdea bi hilabete luzez tratatu gabeko hondakinez estalita egon denean, berak inolako azalpenik eman gabe.

Bizkaiko Foru Aldundiak onartu duenez, Bizkaiak ez ditu hondakin guztiak aldez aurretik tratatzen zabortegietan utzi aurretik, orain arte kontrakoa ziurtatu badu ere. Hala ikusi daiteke hedabide batek argitaratu dituen argazkietan, Artigasko zabortegiaren inguruak tratatu gabeko plastiko poltsez estalita agertzen baitira. Artigaseko baso inguruen egoerari buruzko azalpenak emateko aurkeztu da gaur Iosu Madariaga Batzar Nagusietan, EH Bilduren eskariz. Tratatu gabeko hondakinak zabortegietara bidaltzeari buruz honakoa esan du: “Hori noiztik da arazo bat? Ze arautegik esaten du hori ezin dela egin?”

Madariagak adierazi duenez, Artigaseko inguruak garbi daude dagoeneko. Aldiz, hedabide batek gaur argitaratu dituen argazkiek kontrakoa frogatzen dute. Asier Vega EH Bilduko batzarkideak argazki horiei buruz galdetu dio Madariagari. “Irudi hauek ikusita, inguruak garbi daudela ziurtatu dezakezu?” Diputatuak erantzun du gertakari horiek “normalak” direla eta “txikikeriatzat” jo ditu.

Ingurumen diputatuak ez du argitu ezta ere zergatik bete ziren Artigaseko inguruak plastiko poltsez, zergatik zeuden hondakin horiek tratatu gabe eta zergatik ez ziren behar bezala estali, haizeteak eraman ez zitzan. “Azalpenik ematen ez bada, bakoitzak bere ondorioak atera ditzake” erantzun dio Vegak. “Gure ustez, hondakin horiek aldez aurretik tratatu gabe isuri ziren zabortegira eta ez ziren behar bezala estali. Eta beraz, Europak zehazten dituen gomendioak urratu ziren. Gainera, uste dugu hondakin horiek ez direla oraindik garbitu eta Artigaseko inguruetan jarraitzen dutela”.

Aldundiak onartu egin du Artigaseko zabortegira eramaten diren hondakin guztiak ez direla aldez aurretik tratatzen, nahiz eta TMB planta ondoan egon. Beraz, agerian gelditu da Artigasko TMB planta ez dela gai hondakin guztiak tratatzeko zabortegira bidali aurretik. EH Bilduren iritziz, Bizkaiko hondakin kudeaketak hutsune garrantzitsua du zentzu horretan ere. “TMB plantak gainezka egin du, ez ditu hondakinak tratatu eta tratatu gabeko hondakinak eraman dira Artigasko zabortegira” ziurtatu du Vegak.

Haizeteak tratatu gabeko hondakinak barreiatu zituenetik, bi hilabete pasa dira eta Aldundiak azalpenak eman arte hainbeste denbora igaro izana kritikatu du EH Bilduk. “Bizkaiko Aldundiak ez du gardentasunez jokatu, ezta arduraz ere”. Vegaren iritziz, kudeaketa ona izan bada, ez luke arazorik egon behar azalpenak emateko.

Irakurri ehbildu.eus webgunean

15/03/13

Berriak

Etiketa: Ekologia