Etiketa: Euskal Herria

Emakumeen eskubideetan emandako atzerapausoen aurrean elkarlan sareak sortu eta berdintasunaren alde borrokan jarraitzeko deia

Euskal Herria Bilduko emakumezko ordezkariak elkarretaratzea egin dute Bilboko Doctor Areilzako anbulategian martxoaren 8ari begirako irakurketa egiteko, emakumeen erabakitzeko eskubidea, beren bizitza zein gorputzen gainean, aldarrikatzeko. Han izan dira, besteak beste, Amaia Agirresarobe, Diana Urrea eta Ana Etxarte Alternatibako ordezkariak, EHBilkoen artean.

Gainean dugu martxoaren 8a, emakumeon aldarrikapenerako eguna, urteetako borroka gogoratu, ospatu zein berresteko aukera ematen diguna; baina aldi berean, emakumeon egungo egoeraren gaineko hausnarketa egiteko abagunea dugu. Izan ere, krisialdiaren aitzakiarekin, kapitala eta patriarkatuak mozorroa kendu dute eta orain arte lortutako eskubideetan atzera egiten ari garela ikus dezakegu.

En vísperas de este 8 de marzo, además de reivindicar la lucha feminista, queremos hacer balance de la involución de derechos que sufrimos las mujeres, una vez que el capital y el patriarcado se han quitado su máscara. Las mujeres estamos cada día más desnudas en el mercado laboral, cargamos con el peso de los cuidados, soportamos el yugo de la violencia machista y, por si fuera poco, vemos como nuestro útero se transforma en cuestión de estado. Todo esto mientras atacan a cualquiera que no cumpla con el modelo de mujer y de familia heterosexual tradicional.

Orain, gure gorputza gurea dela ere ukatu nahi digute. Abortatzeko eskubidearen kontrako erreformarekin, ama-emazte izatera mugatu nahi gaituzte, ideologia ultra-atzerakoi bati erantzunez. Gure askatasunaren eta aniztasunaren kontrako eraso berriak datoz kontrarreforma honen eskutik, emakumeak otzan eta menpeko bihurtzeko.

Patriarkatuaren zutabe den familia eredu tradizionala sustatzeko neurriak ere jarri dituzte martxan: ugalketa lagundurako eskubidea bikote heterosexualentzat bakarrik, haurdun dagoen orori umea izatera behartu, sexu-hezkuntza murriztu, sexu berekoen arteko harremanak gaixotasun direla esatea eta indarkeria sexista makilatu edota justifikatzea.

Quieren imponer un modelo de familia y de educación basado en la religión. Y también es palpable el retroceso en los medios de comunicación, donde la presencia de mujeres en debates de actualidad es anecdótica. Ni se nos ve, ni se nos escucha; al tiempo que los contenidos de ocio y la publicidad alimentan estereotipos en base a roles y valores sexistas.

Baina egoera gordin hau, etsipenean erortzeko baino, gure egoeraz jabetu eta erantzuteko baliatu behar dugu. Elkarlanean aritu, atzerapausoak identifikatu eta aurrera egiteko sare sendoak sortu. Helburua: gure bidea egitea, nahi duguna izateko. Hala, esparru guztietan, kalean zein erakundeetan, emakume eta gizon askeen Euskal Herria eraikitzeko konpromisoa hartu nahi dugu.

Finalmente, llamamos a todas las mujeres y hombres que persiguen la igualdad entre sexos a participar en la concentración que con motivo del 8 de marzo se celebrarán en pueblos y ciudades de Euskal Herria. Una vez más, tomaremos la calle a reivindicar nuestra libertad y nuestro derecho a decidir sobre nuestras vidas y nuestros cuerpos.

Emakumeok erabaki, Euskal Herria feminista eraiki.

Download this file (m8 eusk.pdf)Martxoak 8ko adierazpena: Euskal herri feminista eraikitzeko konpromisoa

https://fbcdn-sphotos-f-a.akamaihd.net/hphotos-ak-prn2/t31/10001153_826599207357397_1447844927_o.jpg

https://fbcdn-sphotos-h-a.akamaihd.net/hphotos-ak-prn2/t31/1921029_826599204024064_246964864_o.jpg

https://scontent-b-lhr.xx.fbcdn.net/hphotos-ash3/t31/1912099_826599257357392_206930245_o.jpg

https://fbcdn-sphotos-e-a.akamaihd.net/hphotos-ak-frc1/t31/1910997_826599404024044_413819967_o.jpg

Berriak

Europa, Espainia eta Euskal Herriko herritarren eskubideak kolpatzen jarraitu nahi dutela agerian utzi zuten Bilboko argazki lazgarriarekin

Bilbon martxoaren 3an egin zen Global Forum Spain gailurrak Troikaren politika murriztaileentzako estalpe moduan jokatu zuela uste du EH Bilduk. Koalizioaren iritziz, multinazionalen buruak eta ekonomia kontrolpean duten erakundeek austeritatean sakontzeko mezua helaraztera etorri ziren, ustez, hori baita krisitik ateratzeko bide bakarra. “Lotsagarria izan zen argazkia. Europako, Espainiako eta Euskal Herriko herritarren eskubideak kolpatzen jarraitu gura dutela agerian utzi zuten”, adierazi du Oskar Matute legebiltzarkideak.

Matutek salatu du argazki hartan Urkulluk eta EAJko karguak parte hartu izana. “Hala, modu argian babestu zuten FMIko buru den Christine Lagardek helarazi zuen mezua”. Lagarderen asmoa da Espainiak Lan Erreforman sakontzeko urrats gehiago ematea, eta defizita zeharkako zergen bitartez ordainaraztea. “Hain zuzen, zerga horiek dira langileak gehien kolpatzen dituena, ez duelako bereizketarik egiten gehien dutenen eta gutxien dutenen artean”, gaineratu du Matutek. “Horren aurrean, lehendakria saiatu zen, emaitza onik gabe, ustezko Euskadi eredua saltzen. Baina susmoa dugu eredu hori eta Troikaren eredua oso antzekoak direla. Biek ala biek eredu hori jarraitu dute eta horren ondorio dira EAEn ia 2000 langabetu gehiago egotea”.

Horregatik, koalizioak uste du lehendakariak Global Forum Spain-en ateratako ondorioez azalpenak eman beharko lituzkeela. “Urkulluk murrizketetan oinarritutako politiken apologia babestu zuen, berak kontrakoa esaten badu ere. Benetan politika horien aurka egongo balitz, kalean izango genuke manifestazioan eta EHUko Paraninfoan antolatu ziren hitzaldietan, non deshazkundearen beharra aipatu zen”, gaineratu du Matutek. “Eta orain saiatzen dira arreta desbideratzen kaleko istiluez hitz egiteaz tematzen direnean. Izan ere, gailurreko emaitza penagarria da oso, eta agerian geratu da EAJ deseroso dagoela bertatik atera den emaitzaz. “Troikari harrera egin eta herritarrei ezin azaldu dakiokeen argazkia atera zuen EAJk, hain zuzen, lan eta giza eskubideak murrizteko politika sutsuki defendatzen dutenen alboan”, esan du Oskar Matutek.

Urkullu lehendakariak EH Bilduren galderari erantzun beharko dio martxoaren 21ean egingo den kontrolerako osoko bilkuran.

EHBildu

Berriak

Oraindik beharrezkoa den oihua: Intsumisioa

Diana Urrea eta Ayem Oskoz – Alternatiba

25 urte igaro dira antolatutako kontzientzia-eragozleek indarkeriarik gabeko desobedientzia zibila, edo bestela esanda, intsumisioa praktikatzen hasi zirenetik.

Zer gelditu da guzti hartaz? Zer ikas dezakegu bizipen haietaz? Egungo egoerari, bizitzen ari garenari, so eginez, bada ikasgai argi bat. Gure gizartearen zati handi baten pentsamendu kolektiboa finkatzen lagundu duen arrasto antimilitaristaz gain, intsumisioak oinarrizkoa den zerbait gogorarazten digu: Zilegia ez den lege edo egoera baten aurrean matxinatzeko eskubidea, ezetz esateko eskubidea, indarkeriarik gabeko desobedientzia zibila praktikatzeko eskubidea, hain zuzen.

Bere ibilbidea berrikusten badugu, gu geu, herritar arruntok, ezetz esaten ikasi dezakegula eta hala egin behar dugula ikusten dugu; aski dela esan dezakegu eta egin behar dugu, eragile aktiboak izan gaitezke eta horren alde egin behar dugu. Ezin gara ikusle soilak izan, elite politiko ekonomiko edota militarretatik hartzen diren erabakiak pairatzen dituztenak izaten konformatu. 

Izan ere, gu, beheko herritarrok, geure buruan sinesten badugu, eragile aktiboak izatea erabakitzen badugu gauzak aldatu ditzakegu, zilegi ez diren egoera edo legeekin amai dezakegu…

Mugimendu intsumisoak gainera, gogoratzen digu legala den guztia ez dela zertan zilegi izan behar, legala den guztia bidezkoa ez dela, legala den guztia demokratikoa ez dela… Eta horregatik, altxatzeko ahalmena eta betebeharra dugu, gure ahotsa entzunarazi, zilegi ez diren lege edo egoeren aurrean. Letra larriz idatzitako demokrazia berreskuratu, herriaren boterearen zentzua berreskuratu, baita parte-hartze konprometitua ere, ardurak eskatuz. Eta hori, aldi berean indarkeriarik gabeko desobedientzia zibiletik egin beharra dago, errotiko demokraziatik, horrek dakartzan ondorioak onartuz, sistemaren zilegitasun eza agerian uzteko biderik egokiena dela jakinda; bere kontraesanak ikustarazteko eta gehiengo sozialak apurka irabazteko.

Duela 25 urte, orduan indarrean zegoen kontzientzia-eragozpen eta derrigorrezko zerbitzu militarraren lege berriaren aurrean estrategia intsumisoa abian jartzea, erokeria zirudien. Ordezkaritza parlamentarioa zuten alderdien artean, inork ere, ezkerreko alderdi bat bera ere, ez zuen ideia honen alde egiten. Kontzientzia-eragozpenaren mugimendua soilik gizarte zibiletik babesten zen. Garai hartan desobedientzia estrategia honen alde egiten zuten gazteek zeukaten guztia, gizarte desmilitarizatu baten aldeko borroka gogoa zen, jazarpen eredu guztien aurkakoa, matxismoaren aurkakoa, mendekotasunaren aurkakoa, prebentzio-gerren aurkakoa, herrien jazarpen militarraren politikaren aurkakoa, gatazken konponbide armatu eta bortitzen aurkakoa, arma salerosketaren aurkakoa, industria eta gastu militarraren aurkakoa; armadek hain ongi irudikatzen duten guztiaren aurkakoa, momentu hartan soldaduzka zena, alegia. Eta modu baketsuan egiten zuten, bere ekintzen ondorioak onartuz, ezarritako zigorrak pairatuz, edo jasotako kolpeei ez erantzunez. Zapaltzaileak agerian utziz, epaitzen zituztenak, atxilotzen zituztenak, gizartearen gero eta zati handiago bat bere alde jarriz. Protesta eredu eraldatzaileak erabiliz, ezberdinak, ironiaz jositakoak, bizizaletasunez, eta ia beti umore onez. Hor ere bide ezberdin bat zabaldu zuten. 

Borroka eredu kolektiboa ere azpimarratzekoa da, moldeak hautsiz, erabakiak guztion artean eta era kolektibo batean hartzen direla argituz, baina zeri aurre egin behar genion kontuan izanda (atxiloketak, kartzela), norbanakoaren erabakiak ere errespetatu egin behar ziren. 

25 urte igaro dira, gure ingurua begiratzen dugu eta sistemaren krisi betean gaudela, armada gastuetan milaka eta milaka milioi euro xahutzen direla ikusten dugu, oinarrizko eskubideak murriztu edo ezabatzen direla; emakumeen eskubideak zapaltzen direla; ezberdina dena arerio moduan ikusten jarraitzen dela; ezberdina dena zapaltzen dela; gure planeta honetan ume bat jaiotzen denean 15 heriotz zigor jasotzen dituela (gure planeta birrintzeko armek duten gaitasuna, alegia) euren oinarrizko beharrizanak asetzeko, etxebizitza duin bat izateko, kultura eta hezkuntza izateko, eta pertsona moduan garatzeko eskubidea izan ordez.   

Horregatik, eta bide honetan aitzindari izan zirenak gogoan, uste dugu inoiz baino arrazoi gehiago daudela, edo betidanik izan ditugun arrazoi berberak badaudela oihukatzen jarraitzeko… INTSUMISIOA!

Iritzi artikulu hau Naiz eta Berria komunikabieetan argitaratua izan da ere.

Irakurri ere: Mariano Gómez: “La insumisión fue una locura maravillosa” (Herrikolore)

Berriak

Bakea eta konponbidearen aurka edozer gauza egiteko prest dagoen Estatua dugu aurrean

Euskal Herria Bilduk bere iritzia agertu nahi du, ETAk egindako azken urratsaren harira, Entzutegi Nazionalak Nazioarteko Egiaztatze Batzordea deklaratzera deitu duen honetan: 

ETA erakundearen ekimena jakin bezain pronto, Euskal Herria Bilduk bere urgentziazko balorazioan “Bakea eta konponbidea bultzatzen duen mugarri berri baten aurrean gaudela” aipatu zuen. Eta ziur gaude euskal herritarren gehiengoak bat egiten duela irakurketa honekin. Berri on baten aurrean gaude, beraz.

Berehalakoan erantzun du Madrilgo gobernuak: erantzun larria, ezin larriagoa eskaini du, bere blokeo eta boikot jarrera horretan sakonduz.

Euskal Herria Bilduren iritziz, bakea eta konponbidearen aurka edozer gauza egiteko prest dagoen Estatua dugu aurrean.

Era berean, Espainiak bere benetako aurpegia erakutsi dio nazioarteko komunitateari: torturatzaileak Argentinara estraditatzeari uko egiten dio batetik, eta bestetik bere armategi judiziala prest du bakegintzan adituak diren nazioarteko ordezkarien aurkako jazarpenari heltzeko. 

Gertakari honen aurretik, Espainiaren marka nazioarteko komunitatearen aurrean minimoetan zegoela pentsatzen bagenuen ere, Entzutegi Nazionalaren gaurko zitazio honek are gehiago kaltetzen du Espainiari buruzko iritzia munduan zehar. Aieteko konferentzian parte hartu zutenak eta Euskal Herriaren pakearen alde lanean jarraitzen duten jende oro prozetatzen jarraituko dute? Jakin dezaten Munduan eta Europa mailan erridikulua egiten ari direla!

Hala ere, gauza jakina da Espainiaren arazoa ez dela nazioarteko egiaztatzaileekin: Madrilen benetako arazoa bakearen eta konponbidearen alde, erabakitze eskubidearen alde egiten duen euskal gehiengo politiko, sindikal eta sozialarekin da. Hauxe da Madrilen benetako arazoa, prozesuaren aurka blokeo eta boikot jarrera erakutsiz erantzuten duena.

Hau da, beraz, pasa den ostiralean Nazioarteko egiaztatzaileekin bilduta egon ginen eragile guztiek erantzun beharreko errealitatea. Euskal Herria Bilduren iritziz, nazioarteko egiaztatzaileei erakutsi beharreko errespetu eta babesaz harago, gure ardura prozesuan aurrera egiteko urrats sendoak egitea izan behar du. ETAk egin du berea. Askoz ere urrats gehiago behar ditugu guztion partetik.

Testuinguru honetan, Urkullu lehendakariak hainbatetan errepikatu izan du bere helburua Rajoyren gobernuarekin elkarlan estuan aritzea dela. Euskal Herria Bilduren iritziz, noiz arte itxaron behar du gertakari ezin larriago honen aurrean egiaztatzaileen aurkako jazarpena amaitu dadin eskatzeko? Ez da batere ulergarria halako egoeraren aurrean ezer egin ez izana.

Amaitzeko, Euskal Herria Bilduk datorren asteleheneko Nafarroako Parlamentuko Bozeramaileen batzordera eramango du gertatu denaren salaketa eta gauza bera egingo dugu Gasteizko legebiltzarrean ere, horretarako bilera urgentea eskatu dugularik. 

Irakurri iturrian: ehbildu.net

Berriak

Bakea eta konponbidea bultzatzen duen mugarri berri baten aurrean gaude

ETA bere esku dauden urratsak egiten ari da norabide egokian, Aieteren Konferentziaren hasieratik gaur arte. Oraingoan, Nazioarteko Egiaztatzaileen Batzordeak bere gain hartuko du ETAren armategien zigilatzea eta erabilpen operatibotik kanpo uzteko prozesuaren gainbegiratzea, etorkizunean estatuekin armagabetze prozesu bati heltzeko oinarriak jarriz eta horretarako borondate osoa agertuz. Beraz, urrats honekin, ETAk aurrerantzean eragile armatua izateari uzteko prozesua abiatu du.

Era berean, ekimen honen bitartez ETAk bere jarduera armatuaren bukaeraren erabateko segurtasuna ematen die euskal herritarrei, eta horrek balio politiko itzela dauka.


 

Gainera, eta aldebakarreko erabakia den neurrian, bakearen kontrakoen gainetik, aldebakartasunez jardutearen balioa berrestera dator. Madrilen duen aurkako jarrerarekin ere aurrera egin daiteke eta egin behar da.

Ekimen honen bidez ETAk beste aurrera pauso bat eman du. Desarmea behar bezala egitea ezinezkoa gertatu da egun gobernu espainolak ez duelako eman dadin nahi, eta horretarako oztopo guztiak ari delako jartzen. Bera da egun, gobernu espainola alegia, blokeo jarrera mantentzen duen bakarra, eta jarrera hori behin betikoz alboratu eta urratsak egitea dagokio aurrerantzean.

Nazioarteko Egiaztatzaileen Batzordearen papera ere azpimarragarria eta txalogarria da guztiz, batik bat espainiar estatuan bakearen aurkako indarren aldetik jasotzen ari diren presio eta deskalifikazioen gainetik, Aieten hasitako bidea bururaino eramateko hartu duten konpromisoarengatik. NEBaren jokabide honek ondorio oso positiboak ekar ditzake nazioarteko eremutik.

NEBk gaurtik hartu duen mandatu berriak agerian uzten du Euskal Herriko gatazka nazioarteko agenda politikoan dagoela eta konponbidea bultzatzeko borondatearen adierazle da.

ETAren urrats hau Aieteko konferentziak irekitako bidean kokatzen da et erabaki honen hartzaile nagusia Euskal Herria da eta bakearen aldeko ahalegina indartzera eta elikatzera dator.

Herri honek bakea behar du, gatazka bere osotasunean konpondu: Helburua motzera, gatazkaren ondorioei aterabideak topatzea da. Lehentasuna da. Horretarako, salbuespeneko politikak deuseztatu eta sakabanaketarekin amaitu beharra dago, presoak Euskal Herriratuz eta hortik etxeratze prozesuari ekiteko. Era berean, ETAren armagabetze prozesu kontrolatua, ordenatua eta adostua burutu behar da. Eta Euskal Herriaren desmilitarizazioa.

Ez dute errezeta zaharrek eta agortutako praktikek balio. Praktika berriaren abiapuntua Euskal Herrian bakea lortzeko eragile bakoitzaren konpromisoa izan behar du eta urratsak egitea dagokigu guztioi. Euskal Herria Bilduk bakea bultzatzeko bere esku dagoen guztia egiteko konpromisoa berresten du herriaren aurrean.

Iturrian irakurri: EHBildu

Berriak

AHTren inguruan PNVk erantzun nahi ez dituen 20 galderak

20 galdera egin dizkio Oskar Matute legebiltzarkideak Eusko Jaurlaritzaren bozeramaile Ana Oregiri, AHTaren iraganari, orainari eta etorkizunari buruz. Matutek behin eta berriz galderak egin dizkion arren, Ingurumen eta Lurralde Politikarako sailburuak ez du erantzun zehatzik eman. Ildo horretatik, ez da gai izan Jaurlaritzaren diskurtso ofiziala gaur egun testuinguru sozioekonomikora egokitzeko. “Orain 20 urte erabiltzen zuten arrazonamendu bera erabiltzen jarraitzen dute”, salatu du Matutek, “ahaztuz, gizartea, eta pertsonen egoera eta beharrizanak errotik aldatu direla”. “Jarraitzen dute AHTa aurkezten modernitatearen eredu moduan eta mundu osoarekin konektatzeko tresna gisa”, gaineratu du.

Oregiren ez erantzuteko jarrerak azpiegitura erraldoi honen etorkizunari ziurgabetasuna gaineratzen diote. Matutek emandako datuen arabera, “Jaurlaritzaren inkesten arabera gizartearen ia %70ak erantzuten du gutxi edo ezer ez dakiela Euskal Yaz.

Beraz, jende askok ez daki ze kostu izango duen, zenbatekoak izango diren gainkostuak, noiz bukatuko den, zeintzuk diren ingurumenari egingo dizkion kalteak, zenbatekoa izango den mantenua, enpresa konstruktoreak ze lan hitzarmen aplikatzen duten, etabar”. “Horiek guztiak erantzuteko Lehendakariak egon beharko luke hemen, herritarrei azalpenak ematea bere betebeharra delako”. Bere ordez, sailburuak hartu du hitza Legebiltzarreko osoko bilkura monografikoan.

Legebiltzarkideak sailburuari leporatu dio diskurtso “zaharkitua eta zehaztasunik gabea” erabiltzea, eta obren etorkizuna zoriari uztea. “EH Bilduk beharrezkoak den aldi guztietan ekarriko du eztabaida hau ganbera honetara, susmoa dugulako gobernu honek gure beharrizanen gainetik bizi nahi izan duela, eta hori salatzea ezinbestekoa da. Gero eta nabarmenago da pertsonen lehentasunak beste batzuk direla. Baina susmoa dugu EAJren lehentasuna ez direla gizartearen gehiengoaren beharrizanak, baizik eta AHTaren obrak egiten aberasten diren poltsikoak berotzea”, esan du Matutek.

EHBildu

Berriak

EHBilduko legebiltzarkideek ez dute pribilegiorik nahi eta BECen doan sartzeko txartelak itzuli dituzte

“Politika prestigiatu nahi dugu eta horren ildotik pribilegio guztiak, txikienak ere bai, ezabatu behar ditugu; horregatik, gure zeregin politikoa betetzeagatik edozein sarrera doan eskuratzeari uko egitea logikoena eta koherenteena da”.

Legealdi hasieratik bertatik ezarritako irizpideari jarraituz, EH Bilduko legebiltzarkideek Bilbao Exhibition Centre-BECeko zuzendaritzak bidalitako “ohorezko txartelak” itzultzea erabaki dute. BECek txartel horiek bidali ohi dizkie urtero Gasteizko legebiltzarkideei, hauek urtean zehar bertan antolatzen diren erakusketa guztietara doan sartzeko aukera izan dezaten. EH Bilduk, ordea, horrelako gonbidapenak pribilegiotzat jotzen ditu eta, iaz bezala, aurten ere txartelak itzuli ditu. “Legebiltzarkideok soldata ona dugu eta ez dugu faborezko traturik ez behar, ez merezi; edozein herritarrek sarrera ordaindu behar badu BECeko erakusketetara sartzeagatik, legebiltzarkideok ere berdin egin behar dugu”.

EH Bilduren legebiltzarkideen erabakia bat dator horrelakoetan izan duten jokabidearekin, aurrekoetan ere opera, zinema eta antzerkirako sarrerak eta gonbidapenak itzuli dituztelako, kargu publikoen jarduera eta pribilegiotzat jo daitekeen edozein elementu errotik bereizi nahian. “Gure asmoa politika eta politikariak prestigiatzea da eta horren ildotik pribilegio guztiak, txikienak ere bai, ezabatu behar ditugu; horregatik, gure zeregin politikoa betetzeagatik edozein pase edo sarrera doan eskuratzeari uko egitea logikoena eta koherenteena dela uste dugu”.

ehbildu.net-en irakurri

 

Berriak

Larria da Urkulluk goi bilera ekonomikoan parte hartzea baina benetako arazoa da Jaurlaritzak lapurren banda horren agindu eta murrizketak hitzez hitz beteko dituela

EH Bilduk krisiaren errudunen festa horretan parte ez hartzeko eskatu dio Jaurlaritzari mozio baten bitartez. Ekimen sorta aurkeztu du krisiaren eredu ekonomikoaren ondorioak azalarazteko eta alternatibak proposatzeko.

Espainiar Gobernuak antolaturik, datorren martxoaren 3an Bilbon egitekoa den Gailur Ekonomikoaren helburua krisia ekarri duten politikak eta eredua aldarrikatzea baino ez dela salatu du EH Bilduk, eta kritikatu du Urkullu lehendakaria eta bere Gobernua FMI, Eurogrupo eta OCDE bezalako erakundeen festa horretan parte hartzeko prest egotea, Rajoyrekin batera. Belen Arrondok eta Oskar Matutek adierazi dutenez, “Urkulluk eta EAJk, PPk eta PSOEk bezala, Gailur Ekonomikoan parte hartzea larria izanda, larriena da lapurren banda horren aginduak hitzez hitz beteko dituztela; benetako arazoa horretan datza, Jaurlaritzak urtean zehar banda antolatu horrek agindutako murrizketak gauzatuko dituelako eta politika horien azken katebegi bilakatuko delako”.

EH Bilduko legebiltzarkideek esan bezala, Bilbon bilduko diren horiek krisia euren poltsikoak loditzeko erabili dute, herritar gehienen eskubide sozialak zapaldu dituzten bitartean. Arrondo eta Matuteren iritziz, “ulertezina da Jaurlaritza miseria baino banatzen ez dutenen ondoan, haien zerbitzuan, jartzea eta jendarteari bizkarra ematea”; horregatik, mozioa aurkeztu dute gaur Legebiltzarrean, Gobernuari Gailurrean parte ez hartzeko eta kalean Guggenheim Museoan elkartuko direnei aurre egingo dieten gizarte eragileekin bat egiteko eskatzeko. Izan ere, “martxoaren 3an bi errealitate irudikatuko dira Bilbon: batetik, gizartearen gehiengoa pobretu duten murrizketak eta politikak are gehiago aberasteko baliatu dituztenak; bestetik, elite ekonomiko horien biktimak, herritar gehienak”.

EAJk eta Jaurlaritzak ez bezala, EH Bilduk kalean egotea erabaki du, politika horien biktimen ondoan, gehiengo sozialarekin bat eginda, eta mozorroa kenduko dio Rajoyk eta FMIko zein OCDEko buruzagiek, besteak beste, Bilboko Gailurrean aldarrikatuko duten eredu ekonomikoari. Arrondok eta Matutek iragarri dutenez, “ekimen sorta aurkeztu dugu Legebiltzarrean eredu horrek dakartzan ondorio larriak agerian uzteko: pobrezia handitzea, lan eta gizarte eskubideak murriztea, gizarte prestazioak desagertzea, pentsio sistema desegitea… Eta mahai gainean alternatibak ipiniko ditugu, egon badaudelako: lan harremanetarako euskal esparrua, enplegu publiko duina sustatzea, gizarte laguntzak bermatzea…”.

EHBildu

Berriak

EHBilduren aldizkari digital berria, harpidetu zaitez

Otsailaren hasieran EH Bilduren aldizkari digitala editatzen hasi gara. Helburu nagusi bat du aldizkari honek: EH Bilduk gauzatzen dituen ekimen zein hausnarketen berri era zuzen batean ematea. Hamabostero argitaratuko da eta zure e-posta helbidean jaso dezakezu, nahi izanez gero, aski duzu ondorengo helbidean ageri den inprimakian izena ematea. Edozein kasutan, Alternatibaren aldizkari digitalean ere eskainiko dugu aldizkariaren ale berri bakoitza.

Lehen alea deskargatu edo ikusi nahi izanez gero, klikatu hemen.


 

Berriak

Alternatiba | Ezkerra eraldatzearen erronka

X