Etiketa: Euskal Herria

Asier Vega: “Erasoen aurrean beti aurkituko dute euskal gizartearen gehiengoaren erantzuna”

Alternatibako bozeramaile Asier Vega atzo Bilboko kaleak zeharkatu zituen manifestazioan parte hartu zuen, “Giza eskubideak, konponbidea, bakea” lemapean. Elkarretaratzean alderdi ezkertiarreko ordezkaritza zabala parte hartu zuen Vegarekin batera, besteak beste, Amaia Agirresarobe bozeramaile nazionala, Diana Urrea Koordinakunde Nazionaleko kide eta legebiltzarkidea eta Josu Estarrona alderdiaren Arabako koordinatzailea.

Honako adierazpenak egin ditu Asier Vega manifestazioaren hasieran:

“Alternatibatik bakearen eta giza eskubideen aldeko martxa historiko honen balioa nabarmendu nahiko genuke, baina batez ere, hemen gauden sigla politiko eta sindikalen gainetik, gaurko egunean benetako protagonistak euskal herritarrak direla nabarmendu nahi dugu.

Euskal gizarteak beste behin ere demostratu duelako ez dagoela eta ez dela egongo inolako oztoporik herrik honek bakearen eta gatazkaren konponbiderako habiatu duen bidea moztuko duenik.

Bide batez, gobernu eta estatu espainarrari esan nahi diegu, beraien erasoen aurrean beti aurkituko dutela euskal gizartearen gehiengoaren erantzuna. Ez ditugula onartuko haien gehiegikeriak ezta  euskal herritarren aurkako mesprezuak”.

Berriak

Alternatibak biharko manifestazioan bakearen eta konponbidearen alde egitera deitu du

Tantaz Tanta ekimenak deitutako ‘tanta itsasoa’ sortuko zuen manifestazioa Auzitegi Nazionak debekatu duen egunean, Euskal Herriko eragile politiko eta sindikal desberdinak elkartu gara (Alternatiba, Sortu, Aralar, EA, PNV, ELA, LAB, Geroa Bai) “Giza eskubideak. Konponbidea. Bakea” lemapeko manifestazioa deitzeko. Manifestazio hau, herri honek bakea lortzeko eta gatazka politikoari konponbidea bilatzeko duen grinaren islada izango da eta horregatik, Alternatibatik euskal herritar guztiak irrika honen parte izatera eta benetako protagonistak bihurtzera deitu ditu herritarrak, bihar 18:00etan Casilla plazatik aterako den manifestazioarekin bat eginez. 

Alternatibako bozeramaile Asier Vegak herritarrei dei egin die bihar urtarrilak 11 larunbata, Bilboko kaleak betetzera atera daitezela euskal preso politikoen eskubideen aldeko ‘tanta itsasoarekin’ bat egiteko, “Espainiako eta Frantziako gobernuak normalizazio politikoaren eta herri honetako pertsona guztien, salbuespenik gabe, askatasun eta eskubideak berrezartzearen aldeko pauso erabakigarriak ematera premiatuko dituen itsasoa”.

Tantaz Tanta kolektiboaren deialdi honen harira Vegak, Euskal Preso Politikoen Kolektiboak, EPPK, pasa den abenduaren 28an egindako adierazpena gogoratu du “normalizazio politikoaren eta eragindako minaren aitortzaren aldeko aurrerapausoa da, bakearen eta gatazka politikoaren irtenbidearen alde lan egiten duten eragile sozialen gomendioei jarraitzen diona”. Zentzu horretan, “zenbait sektore politikoek eta sozialek adierazpenari balorea kentzeko eta berriro ere, gobernu desberdinek dinamika oztopatzailea sustatzeko egindako kanpaina” salatu du.

Aldi berean, alderdi ezkertiarreko bozeramaileak azpimarratu du “bakea lortu nahi badugu, aurretik, Madrilgo gobernuak sakabanaketa bezalako ondorio lazgarriak ekarri dituen salbuespen espetxe politikarekin bukatu ez ezik, oinarrizkoa dela, gaixotasun larriak zein sendagaitzak dituzten presoak berehala askatzea”. Etengabeko eskubideen urraketa honen aurrean eskatu die “irtenbidearen kontrako eragileei, EPPK-k bezala, Bake Foro Sozialaren gomendioen inguruan gogoeta egin dezatela, alderdikeriak alde batera utzita oztopoak gainditu ahal izateko”.

Testuinguru horretan, EPPKren abokatuen kontra asteazkenean egindako operazio poliziala onartezina da, “presoen kolektiboak bakearen alde inoiz baino urrats gehiago egiten ari dituenean estatuak errepresioarekin erantzuten duelako, ke lainoak eraikiz, bakearen eta irtenbidearen bidean haien erabateko geldotasuna justifikatzeko”.

Bukatzeko, Alternatibatik behin ere, gizartea protagonista izan behar duela nabarmendu dute, eta horregatik, bihar, bai Casilla plazatik 17:30etan abiatuko den manifestazioan, eta bai 11:00etatik aurrera hiriko erdialdean antolatutako ekintza guztietan parte hartzera deitu dute.Alternatibaren ordezkaritza zabala bertaratuko da martxara, besteak beste, Bizkaiko batzarkide Asier Vega, Koordinakunde Nazionalaren kide eta Gasteizko parlamentari Diana Urrea, Gipuzkoako Alternatibaren koordinatzaile Ayem Oskoz eta Bilboko Udaleko zinegotzi Ana Etxarte.

Berriak

Alternatiba onartezina deritzo gaurko operazio polizialari presoen kolektiboak bakearen alde inoiz baino urrats gehiago egiten ari denean

Alternatibako bozeramaile nazional Asier Vegak, estatuko segurtasun indarren “legezko oinarrik gabeko enegarren operazioa” salatu du, gaur arratsaldean zortzi lagunen aurka garatutakoaren harira, “haien delitu ezagun bakarra Euskal Herriko presoen babes juridikoa izan arren”. Zentzu beretik, “jokabide deitoragarria erakusten dutenen ildoan” kokatu du ekintza, “ke lainoak eraiki beharra dutenak dira, konponbidearen eta bakearen bidetik geldotasuna besterik ez erakusten dutenen esku, Europako auzitegiek Espainiako Erresumaren espetxe politikak eskubideak eta legea urratzen dituela  ebatzi eta hilabete gutxira ematen dena beren jarraitzaileak asebetetzeko”.

Alternatibatik onartezintzat jo dute halako operazioa egin izana presoen kolektibok bakearen alde inoiz baino urrats gehiago egiten ari denean, “EPPK kolektiboak zabaldutako adierazpenaren bitartez, gatazkaren ondorioz eragindako kalteak onartu eta Bake Foro Sozialaren gomendioak bere egin dituenean”, are gehiago, larunbat honetan Bilboko kaleak elkartasunez eta aldarrikapenez beteko dituen euskal presoen eskubideen aldeko mobilizazioaren bezperan.

Vegak, gatazkaren konponbidearen bidean gaudenean, eragile politiko zein sozialak eraso hau salatzera premiatu ditu. Aldi berean, Guardia Zibilak gaur egindako polizi operazio hauen kontra altxatzeko eta salatzeko eskatu dio Eusko Jaurlaritzari ere, Herriraren kontrako erasotik hilabete gutxi pasatu direnean, “elkartasuna kriminalizatu eta euskal presoen babes eskubidea urratzeko helburu bakarra dutelako”. Horrela, EAJ eskubideak aldarrikatzen dituztenen alde egitera deitu du “torturaz, zurikeriaz eta mota guztietako eskubideen urraketaz zikindutako zoru etikoak babesten dituztenen alde egin beharrean, larunbateko bezalako mobilizazioak bultzatuz”.

Atxilotutako lagunak askatzeko exijitu ez ezik, azkenik, gaur arratsaldean, 20:00etan, Bilboko udaletxetik abiatu eta Arriagao Plazan bukatuko den manifestazioarekin bat egitera deitu dute alderdi ezkertiarretik.

Berriak

AHTren neurrigabeko gainkostuen aurrean obrak geratzeko erabakia hartuko duen erantzungo du Urkulluk

EH Bilduk Iñigo Urkullu lehendakariari egin beharreko interpelazioa aurkeztu du, AHTren obretan izaten ari diren neurrigabeko gainkostuen harira. Aurreikuspen berrien arabera, Abiadura Handiko Trena bukatzen denean, gutxienez, hasieran aurreikusitakoa baino bikoitza xahutuko dute erakunde publikoek. “Hori arrazoi nahikoa da azpiegitura horren etorkizuna berriro aztertzeko, izan ere, inoiz Euskal Herrian egin den obrarik erraldoiena eta ingurumenarentzat kaltegarriena da”. Oskar Matute legebiltzarkideak egingo dio Urkulluri interpelazioa, eta adierazi duenez, “lehendakariak ardura dauka, gutxienez, gardena izateko eta mahai gainean jartzeko xahutuko ditugun euro guztien inguruko informazioa. Zenbat eta zertarako gastatuko den jakiteko eskubidea daukate herritarrek”.

Izan ere, koaliziokideak adierazi duenez oraindik aldagai asko kontua izan behar dira kostu erreala kalkulatzeko: “azken kopuruari gaineratu behar zaizkio geltokiak eraikitzen egingo den gastua, baita segurtasun neurriak ezartzearena, katenariarena, seinalizazioa, etabar. Horrek agerian uzten du AHTren kostua hasieran esandakoaren bikoitza izango dela gutxienez. Eta aurrekontua ez da iruzur bakarra: badira beste zenbait argudio erori egin zaizkienak, hala nola, merkantziak garraiatuko dituela edo Europarekin konektatuko gaituela”. Horren aurrean, Matuteren iritziz bi aukera ditu lehendakarak: “lehenengoa, datu eta aurreikuspen guztiak eguneratzea, eta zehaztasunez azaltzea zenbat kostatuko zaion herritar bakoitzari eta zertarako erabiliko duen AHTa; eta beste aukera da obrak geratzea eta bere etorkizuna berriro aztertzea. Azken aukera horrek diru aurrezpena ekarriko luke ziur. Aukera bat edo beste egin beharko luke, baina ez diezaiola gehiago iruzur egin gizarteari”.

“Baina errealitatean Jaurlaritzaren bozeramaileek iruzurrarekin jarraitu nahi dutela uste dugu, eta AHTren gainkostuak ordaintzen eroso sentitzen direla. Hala uste dugu, egiten dituzten adierazpenetan ez dutelako autokritika minimorik ere egiten. Izatez, Ana Oregi Ingurumen sailburuak gainkostuen harira elkarrizketa batean esan zuen gauza bakarra izan zen, hasierako estimazioak “borondate onez’ egin zirela. Horrek agerian uzten du EAJri ez zaiola axola herritarren poltsikoetatik ateratzen diren gainkostuak ordaintzea. Baina EAJk badaki gainkostuak exijitu eta kobratzearen praktika erabiltzen duten enpresak kontratatzea ze ondorio negatiko duen”, esan du Matutek. “Egia bada aurreikuspen ekonomikoak egiterako orduan borondate ona besterik egon ez zela, gaur egun azpiegitura hori defendatzen duten agintariek berehala dimititu beharko lukete”, gaineratu du.

Urkulluri interpelazioaz gain, Oregi sailburuak hiru galdera erantzun beharko ditu ere gainkostuen, merkantzien ustezko garraioaren eta obrarekin jarraitzeko arrazoien inguruan.

EHBildu

Berriak

2014ko aurrekontuen bidez EAJk, PSEk eta PPk gutxiengo pribilegiatua babestearen aldeko hautua egin dute

EAJk, PSEk eta PPk osatutako “kapitalaren hirukoak” hitzartu dituen aurrekontuen kontra agertu da EH Bildu Legebiltzarrean, hiru alderdi horiek “gutxiengo pribilegiatua, errentetatik bizi eta krisi garaian ere etekinak pilatzen dituztenak, defendatzea aukeratu dutelako”, Oskar Matutek salatu duenez. EH Bilduk, ordea, gehiengoaren ondoan egotea erabaki du, langileriaren ondoan, alokairua edo hipoteka ordaindu eta lan bila daudenen ondoan, hain zuzen ere, eta proposamen zehatzak egin ditu 2014ko aurrekontuak aldatzeko, krisiaren ondorioak pairatzen ari diren herritarren zerbitzura egon daitezen.

Matutek politika ekonomikoen errotiko aldaketa eskatu du, Euskal Herritik kanpo hartutako erabakiak besterik gabe aplikatzera mugatzen den eta, beraz, menpekotasunean oinarritzen den eredu batetik burujabetza ardatz izango duen eredu batera pasatzeko, horrek politika sozial eta ekonomiko berriak abiaraztea ahalbidetuko lukeelako. Horren ildotik, behin eta berriz krisia ekarri duten betiko formulak erabilita, emaitza berbera, hau da, pobrezia are gehiago zabaltzea, lortuko dutela gogorarazi die EAJ, PSE eta PPri.

EH Bilduko legebiltzarkideak sektore sozial ahulenei bizkarra ematea eta lehentasunak nahastea egotzi dio Jaurlaritzari. Horren isla, Kutxabanki 600 milioi euro eskatzea abiadura handiko trena sustatzeko, baina ez, aldiz, gastu soziala sustatzeko, EH Bilduk proposamen hori egin duenean, EAJk, PSE eta PPren laguntzaz, atzera bota duelako.

Matutek, halaber, mahai gainean jarri ditu Gipuzkoako Aldundiak lan eta gizarte eskubideak bermatze aldera hartutako neurri zehatzak –langile publikoen eroste ahalmena bermatzeko, kontratazio publikoetan lan baldintza duinak ziurtatzeko eta erresidentzietan lan erreforma ez aplikatzeko, besteak beste–, eta Jaurlaritzak horrelakorik ez egitea leporatu dio EAJri. Jeltzaleen ezezko horren ondorioa da ongizate estatuaren ahultze progresiboa, EH Bilduren iritziz, Urkulluren Gobernua enplegu publikoa suntsitu eta gizarte politikak ahultzen ari baita.

Hori dela eta, egoera iraultzeko asmoz, EH Bilduk ezinbestekoak diren neurriak planteatu ditu dekalogo batean, funtsean, inbertsio soziala bermatzeko, gizarte babesa eta zerbitzu publikoak indartzeko eta enplegua banatu eta lan baldintza duinak ziurtatzeko.

EHBildu

Berriak

Alternatibak salatu du EPPK-k eginiko urratsaren aurrean bakea oztopatu besterik nahi ez dutenen jarrera

Alternatibako bozeramaile nazional Oskar Matutek, Eusko Preso Politikoen Kolektiboak joan den asteburuan zabaldutako agiriaren aurrean hainbat eragile politiko eta instituzionalek agertutako jarrera salatu du, ez ikusiarena egin edota gaitzetsi egin dutelako; “bitxia da ikustea nola normalizazio politikoaren aldeko eta eragindako minaren aitortza jakina egiten duen adierazpen batek jende bat gogaitzeraino heldu daitekeela, agerian gelditu dela askok gatazka iraunarazi nahi dutela konponbidearen alde lan egin beharrean”.

Alderdi ezkertiarreko ordezkariak “geldotasuna” leporatu die “bakea oztopatu besterik nahi ez” dutenei, “euskal herritarrek bakegintza eta gatazkaren ebazpena exijitzen duten bitartean”. Hala, adierazi egin du sinetsita dagoela soluzioak “pertsona guztien eskubideen berrezartzean oinarritu behar direla, salbuespenik gabe”.

Azkenik, Alternatibatik gainerako alderdiei dei egin diete bere egin ditzatela, EPPK-k presoi dagozkien neurrietan egin bezala, Bake Foros Sozialak eginiko gomendioak. Ildo horretatik, “ezinbestekoa da Espainia eta Frantziako Gobernuek sakabanaketarekin amaitzea, eta gaixotasunak dituzten presoak berehala askatzea”. Eskaera hauek, gaineratu du Matutek, “lehen urratsa izango dira, normalizazioa politikoa nagusi izango duen Euskal Herri aske baterako bidean, non presorik izango ez den pertsona batzuek gainditu nahi ez duten gatazka politiko baten ondorioz”.

Berriak

Alternatibak EAJren proposamenaren ibilbide falta azpimarratu du, erabakitzeko eskubidea ukatzen dutenekin akordioak egiten dituenean

Alternatibaren bozeramaile nazional Oskar Matutek, EAJk gaur Eusko Legebiltzarrean aurkeztutako autogobernua gaurkotzeko proposamenaren ibilbide falta azpimarratu du, “euskaldunon borondate politikoari ahotsa eman nahi diola” esaten duen aldi berean, “gure subiranotasuna ukatzen dutenekin akordioak egiten dituelako”. Matutek deitoratu du “Ibarretxe Planarekin gertatutakoaren ondorioz ezer ikasi ez izana”, garai horretan PP eta PSOErekin akordioak egitea ezinezkoa dela baieztatu zelako, haiek izan baitira beti Euskal Herriaren autodeterminazioaren bidea oztopatu nahi izan duten lehenak”.

Alderdi ezkertiarreko bozeramaileak bereziki nabarmendu du Kataluniaren kasua: “Herrialde Katalanak haien subiranotasunaren alde apustu egiten duten bitartean, EAJk gure sumisioa indartu nahi du, herria gehiago pobretuko ez duen eta gure eskubideak urratuko ez dituen sistema bat eraikitzeko aukera guztiak ezabatuz”. Horregatik, EAJri “eredu politiko, ekonomiko eta sozial desberdin batean oinarritutako autogobernu baten eraikitzean lan egiteko” eskatu dio, “bizitza ardatz gisa duena, eta ez merkatuak”.

Alternatiban “herriari ahotsa ematearen alde”egiten dute apustu, “geroz eta gehiago, herrien eta pertsonen eskubideak ukatzen dituen erregimen espainiarrarekin apurtzeko”. Bukatzeko, Matutek azpimarratu du horrela: “ez da estatutu berri bati hiru edo lau aldaketa egiteko garaia, herriari ahotsa emateko eta bere erabakiari oztoporik ez jartzeko garaia baizik”.

Berriak

EHBilduk PPren gobernuak abortuaren Legearekin emakumeen autonomia eta eskubideak errotik urratzen dituela salatu du

Euskal Herria Bilduren izenean, gure erabateko gaitzespena adierazi nahi dugu PPren Espainiako Gobernuak atzoko ministro kontseiluan aurkeztutako abortoaren legearen aurrean. Lege honek emakumeen autonomia errotik urratzea dakar, eta gure gorputzen zein bizitzen gainean dugun erabaki gaitasuna erasotzen du.

Biolentzia ekintza oso larri honen aurrean, erantzunak inoiz baino argiagoa behar du izan. Inoiz baino premiazkoagoa da gogora ekartzea,eragile politiko, sindikal eta sozialek libre eta doako abortoa exijitzea, eta emakumeak pertsona autonomo, libre eta berdinak garenez, geure bizitzaren eta gorputzaren gaineko erabakiak guri hartzea dagokigula.

Kontra-erreforma honen edukien arabera, 30 urteko atzerakada etorriko da, hamarkadetan borroka feministari esker eskubide sexual eta erreproduktiboen inguruan eskuratutako lorpenak hankaz gora jartzen baitira. Gallardonek lege honekin emakumeak abortoaren aurrean “biktima eta ez errudun” egingo gintuela esan zuenean, sakoneko mezua bota zuen: emakumeak obedientziazko posizioetan kokatzera behartzen gaitu. Izan ere, beste batzuk erabakiko dute noiz abortatu daitekeen eta noiz ez; hainbat profesionalen irizpideen menpe jartzen gaitu baimena lortu ahal izateko. Finean, kontra-erreforma honek emakumeak gure baitakoak ez diren legeen menpe jartzen gaituzte, eta eskubideen subjektu izatea ukatzen digute. Gutxietsi, menpekotu, iraindu eta biolentatzen gaitu.

Murriztatzailea eta urratzailea den lege honen aurrean, EH Bildutik emakume guztientzat doakotasuna bermatuko duen legedia babesten dugu, emakumeek norbere gorputzaren gaineko erabakiak eta dagokion sexualitateaz gozatzeko aukera bermatuko duena, ernaltzetik haratago eta aukera sexualak direnak direla.

Era berean, EH Bildutik babesten dugu emakumeen erabakitze eskubideak estatu laikoak eraikitzetik etorri behar duela, erlijio egituren papera esparru pribatura mugatuz. Horregatik, eliza katolikoaren hierarkiari bi gauza eskatzen dizkiogu: ez dagozkion eztabaida eta espazioak okupatzeari utz diezaiola; eta emakumeentzat berdintasun eza eragin eta hauek sakonduko dituen egoerak bultzatzeko izan duen interes historikoa alboratu dezala. Emakumeok ez dugu behar eta ez dugu nahi tutelarik.

Azkenik, abortoa emakumeen eskubideei lotutako gaia dela ekarri nahi dugu gogora. Horregatik diogu emakumeak abortatu nahi duen ala ez erabakitzea arrazoi nahikoa eta soberakoa behar duela izan erabakitakoarekin aurrera egiteko. Eta horregatik diogu eskubideak ez direla negoziatzen. Ezin negoziatu daiteke gai hau moralaren eta bizitzaren ustezko defentsan kokatu nahi dutenekin. Ezin negozia daiteke gai hau pertsonek erabakitzeko dugun askatasunaren gainetik, bizitza eredua aurrez zehaztutako balore batzuen defentsa eginez, familia tradizionalean oinarritu eta unibertsaltzat jotzen dituzten taldeekin. Ezin negozia daiteke eliza katolikoaren hierarkiarekin, erlijioa esparru pribatuari dagokion gaia dela ulertu nahi ez duten horiekin; norbere sinesmenetik haratago, administrazioek jendarteari dagokion eskubideen gauzapena bermatzeko betebeharra baitute, emakumeena barne, hainbatek ulertu nahi ez badu ere. Eta azkenik, ezin negozia daiteke PPren moduko alderdi batekin, Euskal Herriko gehiengoak dioenari muzin egin eta dagozkigun eskubideak bortxatuz murrizketak inposatzen dituen harekin. Eraso bortitz honen aurrean, desobedientziarako deia egiten dugu; eta Eusko Jaurlaritza zein Nafarroako Gobernuari dei egiten diegu lege hau aplikatu ez dezaten, eta aborto libre eta doakoa bermatu dezaten EAE eta Nafarroako osasun publikoan.

Abortatzeko eskubide unibertsala errespetatuko dela ziurtatzeko modu bakarra osasun sistema publikoak bere egiteko bermea jasotzetik dator. Instituzio publikoen erantzukizuna, beraz, argia da. Eta horregatik, Gasteiz eta Iruñeako Gobernuak interpelatzen ditugu, abortatzeko eskubide unibertsala bermatu dezaten.

Azken eraso honek agerian uzten du, berriro, Hego Euskal Herrian bide propioa egiteko beharra. Batez ere Nafarroa Garaiko egoerari erreparatuz gero, non ia aborto gehienak Nafarroako lurraldetik kanpora edo abortoak egiten dituen klinika pribatu bakarrera bideratzen diren; egoera honen ondorioetako bat izan da, 2011ean adibidez, kudeatutako 844 abortoetatik 3 bakarrik egin ahal izan direla Nafarroako osasun sistema publikoan.

Ezin dugu aipatu gabe utzi, gainera, libre eta doan abortatzeko emakumeen eskubidea bermatzeaz gainera, ezinbestekoa dela hezkuntza afektibo-sexuala garatzeko behar adinako baliabide ezarri eta aktibatzea, emakumeek beraien gorputza eta sexualitatearen gaineko kontrola eta boterea sustatua izan dadin.

Bukatzeko, EH Bildutik mobilizazio eta erresistentziarako deia luzatzen dugu, emakumeei dagozkigun eskubide guztiak garatuko dituen jendarte eredua babesten dugunak gehiengoa garela erakusteko, libre eta doakoa izango den haurdunaldia eteteko nahia erregulatzetik hasita.

Berriak

2014ko aurrekontuen bidez EAJk, PSEk eta PPk gutxiengo pribilegiatua babestearen aldeko hautua egin dute

EAJk, PSEk eta PPk osatutako “kapitalaren hirukoak” hitzartu dituen aurrekontuen kontra agertu da EH Bildu Legebiltzarrean, hiru alderdi horiek “gutxiengo pribilegiatua, errentetatik bizi eta krisi garaian ere etekinak pilatzen dituztenak, defendatzea aukeratu dutelako”, Oskar Matutek salatu duenez. EH Bilduk, ordea, gehiengoaren ondoan egotea erabaki du, langileriaren ondoan, alokairua edo hipoteka ordaindu eta lan bila daudenen ondoan, hain zuzen ere, eta proposamen zehatzak egin ditu 2014ko aurrekontuak aldatzeko, krisiaren ondorioak pairatzen ari diren herritarren zerbitzura egon daitezen.

Matutek politika ekonomikoen errotiko aldaketa eskatu du, Euskal Herritik kanpo hartutako erabakiak besterik gabe aplikatzera mugatzen den eta, beraz, menpekotasunean oinarritzen den eredu batetik burujabetza ardatz izango duen eredu batera pasatzeko, horrek politika sozial eta ekonomiko berriak abiaraztea ahalbidetuko lukeelako. Horren ildotik, behin eta berriz krisia ekarri duten betiko formulak erabilita, emaitza berbera, hau da, pobrezia are gehiago zabaltzea, lortuko dutela gogorarazi die EAJ, PSE eta PPri.

EH Bilduko legebiltzarkideak sektore sozial ahulenei bizkarra ematea eta lehentasunak nahastea egotzi dio Jaurlaritzari. Horren isla, Kutxabanki 600 milioi euro eskatzea abiadura handiko trena sustatzeko, baina ez, aldiz, gastu soziala sustatzeko, EH Bilduk proposamen hori egin duenean, EAJk, PSE eta PPren laguntzaz, atzera bota duelako.

Matutek, halaber, mahai gainean jarri ditu Gipuzkoako Aldundiak lan eta gizarte eskubideak bermatze aldera hartutako neurri zehatzak –langile publikoen eroste ahalmena bermatzeko, kontratazio publikoetan lan baldintza duinak ziurtatzeko eta erresidentzietan lan erreforma ez aplikatzeko, besteak beste–, eta Jaurlaritzak horrelakorik ez egitea leporatu dio EAJri. Jeltzaleen ezezko horren ondorioa da ongizate estatuaren ahultze progresiboa, EH Bilduren iritziz, Urkulluren Gobernua enplegu publikoa suntsitu eta gizarte politikak ahultzen ari baita.

Hori dela eta, egoera iraultzeko asmoz, EH Bilduk ezinbestekoak diren neurriak planteatu ditu dekalogo batean, funtsean, inbertsio soziala bermatzeko, gizarte babesa eta zerbitzu publikoak indartzeko eta enplegua banatu eta lan baldintza duinak ziurtatzeko.

 

Berriak

Alternatibak Abortuaren Legearen erreformaren emakumeen oinarrizko eskubideen kontrako eraso ‘basatia’ salatu du

Alternatibako bozeramaile nazional Amaia Agirresarobek salatu du, Justizia ministro Alberto Ruiz Gallardonek azkenean Ministroen Kontseilura eraman duen Abortuaren Legearen erreforma “basati eta atzeragarria”: “emakumeen oinarrizko eskubideen kontrako eraso basatia da hau; gure bizitzaren, gorputzaren, sexualitatearen eta amatasunaren inguruan erabakitzeko ahalmenaren atzerakada larria”.

Agirresarobek zehaztu duenez “bere iragarpena egin zenetik, erreforma hau okultismoan murgilduta egon da, hierarkia katolikoaren eta abortuaren kontrako erakundeen exijentziei erantzutera bideratuta, emakumeak “zaintzeko” aitzakiarekin eta haien erabaki ahalmena kentzeko helburuarekin”. Zentzu horretan, PPko gobernuari Espainiako Apezpikuen Batzarrari hitza eta botoa emateari uztea, eta bide batez, “behin betikoz, historikoki Eliza Katolikoak eztabaida legegileetan izan duen boterea” mugatzeko exijitu dio.

Bestaldetik, alderdi ezkertiarreko bozeramaileak azpimarratu nahi izan du “erreforma honen onespenak epeak kendu, eta baita ere, 30 urteko atzerakada suposatu ez ezik, mugimendu feministek gaur arte sexu eta ugalketa eskubideen arloan lortutako aurrerapenak desegiten dituela”. Aldi berean, kontrarreformaren alde asko eta asko onartezintzat jo ditu, adibidez: “ospitaleari atxikitako batzorde batek azken hitza izatea, emakume batek abortatzeko eskubidea duen edo ez erabakitzeko; edota medikuen kontzientzia eragozpen eskubidea, emakumearen haurdunaldia eteteko eskubidearen gainetik jartzea”.

Alternatibak, aurretik PSOEk onartutako erreformak “gabezia handiak” zituela salatu zuena ez zuelako abortua zigor kodetik ateratzen eta sistema publikoan abortatu ahal izateko bermeak jartzen ez zituelako, “iraingarria” iritzi dio ministroak “bizitzaren defentsa” gisa aurkezteari, benetan “emakumeen osasun fisiko zein psikologikoaren gaineko atzerakada basatia izango denean; abortatzeko kasu gehienak galaraziko ditu eta abortatzeko baimena dutenak, igarobide luze eta umiliagarriak egin beharko dituzte”.

Bukatzeko, Alternatibatik irmo arbuiatu dute erreforma atzerakoi hau, eta horregatik, indarkeri ekintza honen aurrean, indar politiko, sozial eta sindikal guztiei, eta gizarte osoari dei egin diete Gallardonen erreformaren kontrako erantzun sendoa emateko, eta hau bermatzeko helburuarekin abortuari dagokionean: “emakumeek erabakia hartu dezatela eta estatuak bermatu dezala elizaren esku hartzerik gabe”. Horrela, Euskal Herriko herri eta hiri desberdinetan mugimendu feministek deitutako mobilizazioekin bate egitera deitu dute. 

Alternatibako Mahai Feministak abortuaren erreformaren kontra egindako bideoa:

Berriak

Alternatiba | Ezkerra eraldatzearen erronka

X