Etiketa: Gizartea

Erriberako Azokaren izaera soziala eta herritarra gal daitekeela ohartarazi du EH Bilduk

Gaur goizean burutu izan da Erriberako Azokako espazio libreen esleipenari jarraitzeko aholku-batzordea. Ana Etxarte zinegotziak salatu du aukeratuak izan diren eskaintzek agerian uzten dutela Udalak azokarekiko duen apustua: turismoa ardatza duten talde inbertitzaile handiei zuzendutakoa, hain zuzen. “Eta horrek Erriberako Azokaren izaera soziala eta herritarrarekin amaituko duela”, ohartarazi du zinegotziak.

Diru publikoaren 18 milioi euro inbertitu ostean, herritarren beharrak asetzeko Erriberako Merkatuak orain arte izan duen izaera galtzeko bidean jarri dutela, turismoari begirako aisialdi gune berri bat eraikitzeko, salatu du Etxartek.

Aukeratutako eskaintzek bat egiten dutela IKEI aholkularitzak, Udalaren eskaerari jarraituz, gune horretarako orain dela hilabete batzuk kaleratutako ideiekin, azpimarratu du zinegotzi ezkertiarrak. “IKEIk kaleratutako txostenean oinarritu da Udala pliegoa egiteko, eta horrek alde batera utzi ditu enplegua sortzen duten ekimen ekonomiko ertain edota txikiak”.

Tokiko eta denboraldiko produktuak sustatuko duen tokiko azoka suspertzeko aukera galdu dela aipatu du Etxartek. “Hau gutxi balitz, pertsonei zuzendutako ekonomia zein kontsumo arduratsua, justu eta ekologikoa suspertuko duen ekonomia solidarioan oinarritutako ekimenak sustatzeko aukera galdu da ere”.

Etxartek esleipen prozesua parte-hartzerik gabe egin dela salatu du. Zinegotziak azpimarratu du Udalak muzin egin diola EHNE Bizkaiak, REASek eta kontsumitzaile elkarte desberdinek uztailean egindako proposamenari. Aipatutakoek, Udalak Erriberako Azokan bultzatu nahi duen eredu elitista salatzeaz gain, irizpide etiko, ekologiko, demokratiko eta solidarioen oinarritutako merkatu soziala eskatu zuten uztailean.

Etxartek salaketan sakondu du eta “muntaiatzat” hartu du eskaintzak aukeratzeko Udalak martxan jarritako “parte-hartze” prozesua. “Auzo elkarteak eta merkatariek parte hartu duten Aholku batzordea Udalak aurrez hartutako erabakien berri emateko bilgune bat besterik ez da izan”, salatu du zinegotziak. “Ez da inolako aukerarik egon partaideok ekarpenak egiteko”, gaineratu du zinegotziak. Bukatzeko, Etxartek adierazi du argigarria izan dela esleipenaren emaitzak prentsaren bidez ezagutu direla, aholku-batzordea izan baino egun bat lehenago, hain zuen.

EHBildu

Berriak

Matute: “Son organismos no elegidos por las urnas, como el Banco Central, los que diseñan la política europea”

Alternatiba, Aralar, EA eta Sortuko bina ordezkarik agerraldia egin dute gaur koalizioko lau indarrak Europako datorren urteko bozetan ere batera aurkeztuko direla iragartzeko. Oskar Matute eta Maite Ubiriak hartu dute hitza. Hona hemen Alternatibako bozeramaileak esandakoa, Europako erakundeak eraldatu beharraren inguruan.

Las próximas elecciones europeas se celebrarán en una grave situación social y económica. La crisis ha servido de pretexto para adelgazar el llamado sistema de bienestar hasta el punto de hacerlo casi desaparecer. Así, los derechos y las conquistas sociales logrados a lo largo de décadas de lucha de los y las trabajadoras, corren peligro en una Unión Europea donde la crisis creada por el capitalismo financiero, provoca un rechazo cada vez mayor a un proyecto que la ciudadanía percibe cada vez más como una amenaza que como una garantía para la consecución de sus derechos más elementales.

Desde EHBildu, consideramos que las instituciones europeas actúan a las órdenes del mercado cuando cargan el peso de la deuda en los hombros de la ciudadanía. Vemos como incluso cuando Bruselas aprueba directivas para promover la igualdad o unas condiciones de trabajo dignas, la Troika impide su aplicación. Por ello, debemos alterar las mayorías políticas para impulsar una Unión a la medida de las mujeres y los hombres que la conforman, una Europa de los pueblos que anule el monopolio conseguido por la Comisión Europea y la Troika.

Era berean, krisialdiak agerian utzi du finantza sistema kontrolatu beharra dagoela. Gardentasuna behar dugu, Europako Banku Zentralak eta herri desberdinetako banku sistemek erakutsi dituzten jokabideak ikusita. Hala, egoera ekonomikoa gainditu eta ekonomia solidarioa garatzeko bidean, guztiz beharrezkoa da guretzat zorra berrikustea.

También en Europa, debemos reivindicar una transformación del modelo económico y una revolución social. Y como parte de ese proceso situamos pilares elementales como la revisión de la deuda, el control sobre los sistemas bancarios, las políticas de protección del medioambiente o la soberanía energética y alimentaria en oposición a la PAC.

Esta situación ha evidenciado el déficit democrático de la Unión Europea, ha demostrado que entre la ciudadanía y los centros de decisión existe un abismo. Son organismos no elegidos por las urnas, como el Consejo Europeo o el Banco Central, los que diseñan la política europea, mientras que el poder del Parlamento Europeo es áun muy limitado.

Benetako erabakiak hartzen dituzten erakundeak ez dira bozetan herritarrek bozkatzen dituztenak, Europako Batzordea edota Banku Zentrala kasu; horregatik, Europak prozesu irekia, parte-hartzailea eta demokratikoa jarri behar du abian. Europa alternatiboa eraiki behar dugu, bere gabezia demokratikoak gainditzeko. Eta bide horretan herritarrek izan behar dute protagonismoa.

Debemos construir una Europa alternativa, de la mano de la ciudadanía. Y para ello deben facilitarse los mecanismos para la participación directa en la toma de decisiones, a través de consultas o referéndums, porque la Unión Europea necesita de una transformación democrática.

Y también la necesita de cara al exterior, para lo que reclamamos una política exterior independiente y no alineada, una apuesta por la solidaridad internacional y las relaciones comerciales justas que permitan el desarrollo económico y social de los países productores, además de la no participación en aventuras militares disfrazadas de intervenciones humanitarias.

Hala, guztiz beharrezkoa deritzogu NATO desegiteari, eta Batasuneko estatuek hirugarren herrialdeetan gauzatzen dituzten gerra ekintzak bukatzeari. Horrez gain, enpresa transnazionalen jokabidea aztertuko duen Europako auzitegia sortzea ezinbestekotzat jotzen dugu.

Maite Ubiriak eta Rebeka Uberak agerraldian esandakoa, kokapen politkoa eginda:

2014ko maiatzaren 22tik 25era Europako Parlamenturako hauteskundeak egingo dira eta hitzordu horri begira EH Bilduk bere gogoeta eta eskaintza plazaratu nahi du gaurko agerraldian.

Lehenik eta behin, askapen sozial eta nazionalaren bidetik igaro nahi duen ezker eraldatzailearen ikuspuntutik europar eraikuntzaren prozesua guztiz estrategikoa dela adierazi nahi dugu. Zentzu horretan, Euskal Herria Bilduren baitan argi daukagu askapen nazionalaren aldeko borroka askapen sozialaren borrokaren eskutik joan behar duela.

Consideramos que desde los parametros de una opción de izquierda, soberanista y transformadora que pretende recorrer el camino de la liberación nacional y social, el proceso de construcción de Europa tiene carácter estratégico.

Es preciso impulsar un proceso real de construcción y transformación en Europa. Un proceso abierto, participativo y democrático. Un proceso que haga frente al deficit democrático de la actual Union Europea construyendo una Europa alternativa en la que la ciudadanía sea sujeto de esa transformación.

Europar hauteskundeak oso testuinguru berezian gertatuko dira. Arlo politikoari dagokionez, bi dira Euskal Herria Bildutik azpimarratu nahi ditugun aldagaiak: gatazkaren konponbideari dagokiona eta Autodeterminazio eskubidearen aldarrikapena.

Gatazkaren konponbidea eta Bakea

Azken 50 urtetan pizturik izan den gatazka armatuak utzitako ondorio mingarriak gaindituz, euskal demokrazia eraikitzeko garaia dela adierazi nahi dugu Europako Parlamentuan. Estatuek euskal gizartean sortu duen esperantza higatzera jokatzen duten honetan, gure herriak bakea eta demokrazia behar dituela ozenki aldarrikatzera goaz Europara.

Gatazkaren konponbidearen alde indarra egiteko eta Bruselak duen inplikazio maila bizkortzeko aukerak hobesteko premiazkoa izango da Europako Parlamentuan ordezkaritza izatea.

Contar con una interlocución oficial con la Unión Europea y con representantes de los estados de la Unión puede ser una gran aportación para con el desarrollo del proceso de resolución ya que Bruselas es punto de encuentro en las relaciones internacionales y, por lo tanto, ámbito importante para la construcción de la paz.

Autodeterminazio eskubidea

Aldagai honi dagokionez, Europar Batasunaren baitan zentralitatea hartuko du estaturik gabeko nazioek duten erabakitzeko eskubidearen inguruko eztabaidak.

Eskoziak, Catalunyak, Flandriak eta beste hainbat herrik eginen duten bezala, Euskal Herriak bere etorkizuna libreki erabakitzeko eskubidea duela adierazi behar dugu Europan eta munduan.

Euskal Herriaren eta Europar Batasunaren arteko harreman zuzena eta bitarterik gabekoa izatea aldarrikatzen dugu. Egun eremu administratibo ezberdinetan dauden euskal erakundeek lotura egin behar dute Europako parlamentuarekin, bi norabideko harremana garatuz.

El derecho de las naciones sin estado a decidir su futuro va a estar en primera línea de debate en Europa. Al igual que Escocia, Catalunya o Flandes, Euskal Herria debe plantear y defender su derecho a decicir. Igualmente, nuestro país debe tener voz propia y participación activa en el proceso de constituyente que hay que abrir en Europa desde mecanismos que hagan posible la incorporación de las naciones sin estado que existen en su seno.

EHBildu

Berriak

#Aktibatu Bideoa

Ez dut geldirik egon nahi, ez naiz geldirik egon behar eta ezin naiz geldirik egon. Konpromisoa agertzen duen pertsona aktibo, erantzule eta solidarioa naizelako; baina batez ere pertsona librea naizen heinean, nire ideien arabera jarduten dut; mugimenduan dauden ideiak, ideia biziak, horiek aldatzeko beldurrik gabe. Nire ideiek naizen hori eraikitzen dutelako, pertsona osoa sentiarazten naute; beraiekin beti izango naiz ni neu, eta ez dut inoiz pentsamendu librea jarduten utziko.

Hainbeste errepresio eta injustiziaren aurrean mobilizatu behar gara, aktibatu behar gara, iraultza norberak hasten duelako, baina batez ere, horixe delako ni naizena eta izango naizena. Ideiak, mugimenduan dauden ideiak, nire burua eraikitzen dutenak; ideia horiek beste batzuekin batera, ez dute inoiz amore emango mundu hobeago bat asmatzen. Aktiba zaitez! Aktibatu!
 
www.aktibatu.net
Berriak

Gipuzkoa: murrizketa sozialik gabeko lurraldea

Gipuzkoako Gobernuaren 2014ko aurrekontuen proiektuak Gizarte Politika izango du ardatz eta ez du murrizketa sozialik aplikatuko. Are gehiago, gastu soziala handituko da Gipuzkoan Espainiako Gobernutik eta Eusko Jaurlaritzatik datozen murrizketak estaltzeko, eta Gizarte Politikako Departamentura 9 milioi euro gehiago bideratuko dira datorren urtean. Horrela, aurrekontu orokorraren %48,76 suposatuko du Aldundiak gastu eta inbertsio sozialera bideratuko duena.

Larraitz Ugarte foru bozeramaileak aurreratu ditu gaur datu hauek, eta jakinarazi du ostegunean Diputatuen Kontseilu berezia deituko dela aurrekontuen proiektua onartzeko. Egun horretan bertan, Batzar Nagusietan aurkeztu dute Martin Garitano diputatu nagusiak eta Helena Franco Ogasuneko diputatuak 2014rako foru Gobernuak prestatutako aurrekontu proiektua.

Foru bozeramaileak emandako datu orokorrei dagokienez, Gipuzkoako hurrengo urteko aurrekontua 4.171 milioi eurokoa izango da, hau da, %4,63ko hazkundea izango du aurtengoarekin alderatuz. Horietatik, 758,64 milioi euro izango ditu Diputazioak gestio propiorako, 2013an baino %3 gehiago.

758,64 euro hauetatik, ia erdia, Gizarte Politikara bideratuko dira. Honek suposatzen du Departamentu honek iaz baino 9 milioi euro gehiago izango dituela. “Beraz, Gipuzkoan ez da murrizketa sozialik egongo. Behar gehien dauden momentuetan, estaldura soziala handitu behar dela uste dugulako, eta beste Gobernu batzuk ez bezala, murrizketa sozialak egitea konponbidea ez dela uste dugulako”, adierazi du Ugartek.

“Are gehiago, beste Administrazioek egiten dituzten murrizketak estalduko ditugu gipuzkoarrak ez kaltetzeko. Madrildik eta Eusko Jaurlaritzatik datozen murrizketei aurre egingo diegu herritarrak babesteko, euren eskubide sozialak mantentzeko”, azpimarratu du. Honen harira, Mendekotasun legeko diru-laguntzak eta zerbitzuak ordaintzeko aurrekontua handituko dela aipatu du, izan ere, “nahiz eta Madrildik 30 milioi euro kendu dizkiguten finantziaziorako”. Diputatuaren hitzetan, “Mendekotasuna duten 23.000 pertsona atenditzen ditu Aldundiak Gipuzkoan, eta ez ditugu alde batera utziko”.

Diputazioak 2014ean Eusko Jaurlaritzatik Diru Sarrerak Bermatzeko Errentari egindako murrizketak ere estalduko ditu eta, horretarako, handitu egingo du berriro pobreziari aurre egiteko martxan jarritako neurri eta prestazio ekonomikoen partida.

Espainiako lan erreformari aurre egin zaio Gizarte Zerbitzu publikoetan eta Diputazioak konpromiso honi eutsi egingo dio, langileen eskubideak babestuz. Horregatik, zerbitzuetan dauden langileen lan hitzarmen kolektiboetan hartutako hobekuntzak aurrekontuarekin babesteko konpromisoa hartu du.

EHBildu Gipuzkoa

Berriak

EH Bilduk Igeldoko herritarrak galdeketan parte hartzera deitzen ditu, desanexioaren aldeko nahiz kontrakoak izan

Donostian eginiko agerraldi batean, EHBilduren izenean Igeldoko kontsultan parte hartzera deitu dute koalizioaren Gipuzkoako kide Ayem Oskozek eta Ainhoa Beolak. Honako adierazpena irakurri dute:

Gure ustez azaroaren 10eko kontsulta oso positiboa da herritar guztiontzat. Herritarrei galdetzeko beldurra gainditu behar dugu ordezkari politikook, bai Igeldoko gaiarekin, baita beste hamaika gairekin ere. Hare gehiago, administrazio publikoetatik sustatu egin behar dugu hiritarren iritzia jasotzea eta horretan lagundu.

EH Bildun uste dugu, herri partaidetza oinarri duen kultura politiko berria errotu behar dugula gure instituzioetan. Bide horretan, urrats bat gehiago bezala ikusten dugu Igeldoko kontsulta. Herri partaidetza zuzena, gure instituzioetako funtzionamenduan normaltasunez txertatu behar dugun osagaia da.

Igeldoren kasuan, aspaldiko eskakizun bati bide emateko tresna eraginkorra dela iruditzen zaigu. Igeldoarrek urteak daramatzate beraien erabakiak hartzeko gaitasuna aldarrikatzen, beraien ahotsa entzuna izan dadin behin eta berriro eskatuz… Bada, Igeldoko herritarren eskakizunari bizkar ematea, ez da arazo honi konponbide emateko aukera posible bat. Elkarbizitzaren oinarria, galdetu edota emango den erantzunarekin bat egin ala egin ez, herritarrei hitza hartzeko aukeran oinarritzen da, eta Euskal Herria Bildutik hautu horren alde egiten dugu.

Lehenik eta behin, Igeldon azaroaren 10ean burutuko den herri galdeketaren harira, PSE, PNV eta PP alderdiek azken asteotan mantendu duten jarrera kritikatu nahi dugu. Gure ustez, herri galdeketa oztopatzeko zilegi ez diren bideak erabiltzen ari baitira. Eta hau esateko badugu oinarririk, izan ere

o   Herritar oroko bere etorkizunari buruz hartzeko duen erabaki gaitasuna ukatu nahi dute.

o   Ez dira egia esaten ari. Datu ekonomikoak manipulatuz lehenik, eta bozkatzerako orduan erabiliko den prozedura zalantzan jarriz ondoren. Ez da egia bi aldiz bozkatu daitekeenik. Kontsultaren aldeko plataformako kide batek ondo adierazi bezala, gogora ekarri behar baitugu barra kodeen bidez identifikatuko dela bozkatzaileari egokitzen zaion bozkarako aukera bakoitza.

Bestalde, PP eta Urkijo inkisidoreak, kontsulta debekatzearekin egin dute mehatxu. Berresten dugu jardun demokratikoaren oinarria dela norberaren egunerokoari egokitzen zaionaz erabaki ahal izatea, lau urteroko hautes prozesuetatik haratago.

Gezurra eta inposizioa arma politikotzat erabiltzen ari dira behin eta berriro, eta hori, ez da gai honek eskatzen digun ardura mailari erantzuteko modua.

Gaurko agerraldi honen bidez, Igeldoko herritarrak animatu nahi ditugu, Igeldo udalerri izatearen alde nahiz kontra egon,  azaroaren 10eko galdeketan gogotsu parte har dezaten. Ondo informatu daitezela, hausnartu dezatela, eztabaida dezatela eta azaroaren 10ean beraien iritzia libreki adierazi dezatela.

Eta Donostiatik kontsultaren aurka azaldu direnei, enplazamendu bikoitza egin nahi diegu:

o   Batetik, igo daitezela Igeldora, hitz egin dezatela bizilagunekin, antola ditzatela hitzaldiak eta konbentzitu dezatela jendea beraien argudioekin.

o   Eta bestetik, argitu dezatela gaurtik, azaroaren 10eko emaitza dena delakoa izanda ere, Igeldoko herritarren borondatea errespetatuko duten ala ez.

o   EH Bildun argi dugu, emaitza edozein izanik ere, erabat errespetatuko dugula.

Berriak

Karraspioko proiektu ilegala astakeria politikoa da eta norbaitek erantzun beharko du gertatutakoaren aurrean

EH Bilduk ziurtatu du Bizkaiko Foru Aldundiak erantzukizun zuzena duela Karraspion bultzatu duen hirigintza proiektuan. EAEko Auzitegi Nagusiak legez kanpokotzat jo duen proiektuarekin “garbi gelditu da ez duela bere ardura bete”. Horregatik, EH Bilduk Aldundiari erantzukizunak eskatuko dizkiola iragarri du.

Irune Soto bozeramailearen hitzetan, “Aldundiaren jarrera ulertzeko bi aukera daude bakarrik. Ilegalitate bat bultzatzen ari zela jakitun zen eta hortaz delitu baten erantzule litzateke edo bestela, elementu guztiak eskura izanda ere guztiz arduragabe jokatu du interes orokorren kontra. Aukera edozein dela ere, astakeria politiko honen aurrean norbaitek erantzun beharko du”.

Koalizioko kideek salatu dute Foru Aldundia enpresa eraikitzaile baten interes pribatuen alde aritu dela, interes orokorraren kaltetan, “nahiz eta proiektua ilegala zela erakusten zuten ebidentzien jakitun zen”. Asier Vega batzarkideak azpimarratu du Aldundiak “gogo bizia” erakutsi duela proiektua bultzatzerakoan. Aldundiak proiektua ahalik eta azkarren gauzatzeko asmoa erakutsi duela eta 2012ko aurrekontuetan diru partida gorde zuela gogorarazi du Vegak. “Zer dela eta halako grina legez kontrakoa den proiektua bultzatzeko? Zein interes ditu Aldundiak?” gaineratu du batzarkideak.

EH Bilduk ardura bereziki larria egotzi dio Foru Aldundiko Ingurumen sailari. Izan ere, Karraspioko inguru hori “ekosistemen hobekuntzarako eremu” gisa zehaztuta dagoen arren, Sotoren arabera, “Ingurumen sailak eremu hori babestu beharrean ingurua suntsitzen duen proiektua garatzeko baimena erraztu du”.

Eneritz Fernandez Mendexako zinegotziak gaineratu du EAJk, Aldundiak eta Mendexako Udalak azalpenak zor dizkietela herritarrei. “Haiengatik balitz, gure herriko eremu babestu hori suntsituta legoke, negozio pribatu baten mesedetan”.

Fernandezek ziurtatu du EAJ “behar faltsu bat” sortzen saiatu dela hondartza ondoko parkingarekin, “etxebizitzak eraikitzeak gutxi batzuentzako ekarriko zuten negozioa oharkabean burutu ahal izateko”.

EH Bilduk eskerrak eman nahi izan dizkie SOS Karraspio plataforman parte hartu duten herritarrei, “proiektu ilegal batek aurrera egitea galarazi dutelako”.

Berriak

Espainiako Gobernuak 430 udalerri desagertarazi nahi dituela salatu dugu Gobernu Delegaritzetan

Hego Euskal Herriko hainbat alkatek Espainiako Gobernuak “Udalen aurkako Legearekin” egin nahi duena salatu dute gaurkoan. Iruñean eta Gasteizen Espainiako Gobernuaren ordezkari diren Carmen Alba eta Carlos Urquijori bitun bana eman zaie. Gutun hori artikulu honetan atxikituta duzuena da.

Download this file (gutuna-eae-eu.pdf)Urquijori gutuna Urquijori emandako gutuna 45 kB
Download this file (gutuna-nafarroa-eu.pdf)Carmen Albari gutuna Carmen Albari emandako gutuna 46 kB

 

Iruñea Gasteiz
Berriak

Aktibatu

Ez dut geldirik egon nahi, ez naiz geldirik egon behar eta ezin naiz geldirik egon. Konpromisoa agertzen duen pertsona aktibo, erantzule eta solidarioa naizelako; baina batez ere pertsona librea naizen heinean, nire ideien arabera jarduten dut; mugimenduan dauden ideiak, ideia biziak, horiek aldatzeko beldurrik gabe. Nire ideiek naizen hori eraikitzen dutelako, pertsona osoa sentiarazten naute; beraiekin beti izango naiz ni neu, eta ez dut inoiz pentsamendu librea jarduten utziko. 

Duela hamar urte Jose Saramagok baieztapen bikain hau egin zuen: “Badira bi superpotentzia: Bata Estatu Batuak, eta bestea zu”. Estatu Batuek Iraken aurka zuzendutako erasoaren testuinguruan egin zuen, baina edozein garaietan erabili daitekeen ideia bat eskaini zigun. Buruan sartu behar dugu erasoen aurrean ezin dugula etsi. Zapaltzen gaituzten dominazio sistemen aurkako borrokan aurrera egin ordez, etsipenean erortzeko arriskua dugu, eskumak aipatzen duen gehiengo isil horren parte bihurtzeko arriskua, etxean gelditzen den jendearena, hain zuzen. Horregatik, gure erronka nagusienetako bat, pertsonei murrizketa, jazarpen eta menpekotasun moduan heltzen zaizkien erasoak ez onartzeko beharrizana  helaraztea da. Menperatzen gaituztenen aurrean; gure identitatea, gure etorkizuna eta eredu alternatibo bat erabaki eta eraikitzeko eskubidea ukatzen digutenen aurrean aktibatzeko momentua da.   

Gaur inoiz baino gehiago gure burua antolatu behar dugu. Justua ez den sistema honi aurre egiteko modu asko daude; auzoetako elkarteetan parte hartuz, mugimendu sozialetan, edota erakunde sindikal eta politikoetan. Bakoitza bere errealitate eta aukeretatik. Baina azken finean, garrantzitsuena zu zara. Ez zu edo ni, aurrez aurre jartzen gaituen “edo” horrekin, kapitalismoaren oinarrizko araua dena; baizik eta asmatzera goazen gehitze partikularekin, egitasmo eta mugimendu alternatiboek osatutako gune zabal bat eraikitzera eramango gaituena, erresistentzia sozialen harresi bat.

Hainbeste errepresio eta injustiziaren aurrean mobilizatu behar gara, aktibatu behar gara, iraultza norberak hasten duelako, baina batez ere, horixe delako ni naizena eta izango naizena. Ideiak, mugimenduan dauden ideiak, nire burua eraikitzen dutenak; ideia horiek beste batzuekin batera, ez dute inoiz amore emango mundu hobeago bat asmatzen. Aktiba zaitez! Aktibatu!

AKTIBATU

http://alternatiba.net/old-files/SuperpotentziaRGBweb.jpg

Berriak

EH Bilduk Deustuko Kanalaren irekiera lanetan Bizkaiko Eraikuntza eta Herri Lanen sektorearen hitzarmena betearaztea exijitu dio Udalari

EH Bilduren Udal Taldeak proposamen bat aurkeztu du udalari Deustuko Kanalaren irekiera eta Zorrotzaurreko irlaren sarbide-zubiaren lanetan Bizkaiko Eraikuntza eta Herri Lanen sektorearen hitzarmena betearaztea exijituz.

Ana Etxarte zinegotziak bere ardura adierazi du hurrengo asteetan esleituko diren Deustuko Kanalaren irekiera eta Zorrotzaurreko irlaren sarbide-zubiaren eraikuntza lanetan San Mames Barrian eraikuntzaren lanetan gertatutakoa errepikatu daitekeela iritzita. Bertan, azpikontratek ez zuten Bizkaiko Sektorearen Lan Hitzarmena aplikatzen eta langileak ia esklabotza-baldintzetan zeuden, 12 orduko lanaldiaekin eta astelehenetik iganderarteko lan asteekin.

Zinegotziak onartezintzat jo du egoera eta “Erakunde publikoek bultzatutako obrek lan segurtasunean eta kalitatean eredu izan behar direla”, adierazi du. Hori dela eta “ezin daiteke onartu diru publikoarekin ordaindutako lanetako langileek lan-baldintza prekario hauetan lan egitea, lanaldi luzeekin eta onartezinak diren soldatak jasotzen”.

Abuztuan, San Mames Barriako langileen lan-baldintzak publiko egin zirenean, EH Bilduk Andoni Aldekoa Alkatearen bulegoko Zuzendari Ordezkariaren premiazko agerraldia eskatu zuen. “Oraindik agerraldi hori deitzea itxaroten gaude. Egun, udalak egoera hauen aurrean izango duen jarrerari buruz ez zaigu inongo azalpenik eman”, salatu du.

Etxartek salatu du Deustuko Kanalaren irekiera eta Zorrotzaurreko irlaren sarbide zubiaren lanetan “ ezin dela gauza bera gertatu” eta EAJri leporatu dio lan honen esleipen baldintza-agirian, esleitutako enpresek, kontratek eta azpikontratek Bizkaiko Eraikuntza eta Herri Lanen sektorearen lan-hitzarmena betetzera derrigotzen dituzten klausulak ezartzeko aukera galtzea. Gipuzkoako Batzar Nagusiek halan onartu zuten eta bertan hitzarmena betezen ez baldin bada esleitutako kontratuaren %10 suposatuko luketen isunak jar daitezke.

Hala ere, zinegotziak uste du oraindik garaiz gaudela langileen lan-baldintzak bermatzeko. Helburu honekin EH Bilduk proposamen bat aurkeztu du Udalak Deustuko Kanala irekitzeko lanek esleitua izango den enpresari, zein bere kontrata eta azpikontratei, Bizkaiko Eraikuntza eta Herri-Lanen sektorearen lan-hitzarmena betetzea exijitzeko eskatuz.

Halaber, Etxartek berifikazio eta ebaluaketarako komisio tekniko bat eratzea proposatu du ordezkaritza sindikalarekin hitzarmena betetzen dela ziurtatzeko. “Udalak langileen lan-baldintza duinak eta seguruak bermatzeko bere eskura dagoen guztia egin behar du”, adierazi du.

http://alternatiba.net/old-files/Ana Etxarte.jpg

Berriak

Getxoko Udala: Gardentasuna? Gobernu ona? Kudeaketa ona?

Kurtso berria dugu baina Getxoko udalean duguna ez da batere berria. Pasa den uztailaren 12ko Getxoberrin, Getxoko EAJren Gobernua, Udal honen eta bere Erakunde Autonomoen gardentasuna eta burutzen ari diren kudeaketa ona saltzen saiatu zen. Harro sentitzen zen, Herri-Kontuen Euskal Epaitegiaren arabera (HKEE), Euskal Autonomi Erkidegoko lehen 25 Udalen barruan eta Bizkaiko 6garren udala izatea, zeinaren bere kontu publikoek ez duten hutsik aurkezten. Ba susmatu bezala, mitoa erori da. Aipatutako Epaitegiaren kontu-ikuskaritzak egindako behin behineko txostenek (2011ko ekitaldiei dagozkiena), argi erakutsi eta ziurtatzen dute gardentasuna opakutasunarekin nahasten dela eta gobernatze ona eta kontrolatua nahasmen hutsarekin.

Herri-Kontuen Euskal Epaitegiak 2011ko ekitaldiei dagozkien txostenak aztertuz, honakoarekin topo egiten dugu.

 

1. PLANIFIKAZIO GABEKO ETA GUZTIZ PREKARIOA DEN PERTSONAL POLITIKA:

Aipatutako txostena aztertuz, aldi baterako lanaz abusatzen duen politika batekin topo egiten dugu, lan baldintzak ezegonkortzen dituena, ilegalitateetan erortzen dena, lan harremanak epaitegietan bukatzen dutenak,  eta langileari itxaropen faltsuak sortzen dizkiona.

Hainbat adibide:

a.- Udalean 20 langile mantentzen dira (15 gehiago Kultur Etxean, 45 Nagusien Udal Egoitzan eta 4 Musika Eskolan), aldi baterako obra kontratuekin  (batzuek 1999 aurretik), “finko mugagabe” bihurtu direnak eta gure ustez, eta indarrean dagoen legeari eutsiz, langile finko izan beharko liratekeenak. (txosteneko  II.1.3 atalean, 14. orrialdean)

b.- Udaleko Lanpostu- Zerrendan (LPZ) 19 lanpostu daude aurrekontuan diru-hornidurarik ez dutenak. (txosteneko  II.1.3 atalean, 14. orrialdean). zer egingo dute gure kudeatzaileek?, lanpostu hauek amortizatu eta Lan Eskaintza Publikora (LEP) zuzendu?

c.- Izendapen askeko lan-postu: 5 (nahi erara). Hauetako 3 Justizia Auzitegiak baliogabetuko ditu.  (txosteneko  II.1.3 atalean, 14. orrialdean). 

d.- Nagusien Udal Egoitzan, 188 lan kontratu egin ziren 13 langilerentzat 2002ko lan poltsak erabiliz, deialdietan publizitaterik gabe eta Funtzio Publikoan oinarri diren berdintasun, meritu eta gaitasun printzipioak baztertuz  (txosteneko  II.1.2 atalean, 9. orrialdean). 

e.- 2011. urtean Nagusien Udal Egoitzan 838 aldi-baterako lan kontratu egin ziren 73 langilerentzako eta erabili ziren lan poltsa batzuk 1999 urte aurretikoak ziren (txosteneko  A22 eranskinean, 9. orrialdean). Urte horretan Egoitzak 113 langile zituen eta haietatik 84 aldi-baterakoak ziren.

Nola justifikatuko dute nahasmen hau? Esanez zuzentzen ari direla 2010tik egiteke duten Lan Eskaintza Publikoarekin? EAJren Gobernu Taldeak oinarrizko lan eskubideak errespetatu beharko lituzke, langile guztien lan egoera erregularizatuz eta kalitatezko enplegu publikoa sortuz.

 

2. OBRA ETA ZERBITZUEN KONTRATUETAN GAIZKI EGINAK:  

HKEEk salatzen dituenak honakoak dira:  konkurrentzia eta publizitate printzipioak betetzen ez dituzten zerbitzu, obra eta azpikontraten kontratuak; %86raino bere prezioa igotzen duten zerbitzu eta obren esleipenak; gaizki kalifikatzen diren kontratuak eta beraz, euren kalifikazio eta iraupen legala betetzen ez dutenak; Osoko Bilkuretatik ebasten diren erabakiak; azpikontratazio ilegalak; zenbait kasutan eskaintza ekonomikoenak zigortzen dituzten esleipen sistemak, txarto aplikatutako fidantzak …  

HKEEk salatutako adibideak:

a.- Esleipen prezioa izugarri igotzen dituzten kontratuak, esleipen prezioa desitxuratzen eta beraz lizitazio bera ere bai. Adibidez: Getxo Antzokiko 2. Faseko obrak 2,9M €tik 3,773M €ra pasatzea (%30 baino gehiago), proiektu obraren zuzendaritza eta proiektuaren erredakzioa esleipenean 1,1 M€ izatetik 2,047 M€ izatera (%86 baino gehiago), Erromoko kolektorea berritzeko obra 902.982€tik 1,369 M€ra pasatzen da  (%51 baino gehiago). (txosteneko A.16.1 eranskinean, 60. orrialdean).  Zuzenean esleitutako 1,5 M eurokogastuak publizitatearekin negoziatutako prozedura erabiliz bideratu behar zirenak (txosteneko A.16.2 eranskinean, 63. orrialdean). 1,459 M€ko gastuak kontratu txiki modura bideratuak lizitaziora atera behar zirenak (txosteneko A.16.1 eranskinean, 60. orrialdean). 

b.- Publizitate barik eta negoziaketen bitartez esleitu zen Etxe Sorginduaren berritzearen kontratua 998.029 eurotan. Hemen ez zen frogatu esleipena jaso zuen enpresak bakarrik egin zezakeela. (txosteneko  II.1.1 atalean, 7. orrialdean). Geroago, legeria hautsiz, exekuzioa epez kanpo luzatu zen horretarako aurretiko luzatzea onartua izan gabe. (txosteneko  A.16.1 eranskinean, 60. orrialdean)

c.- 26,9 M eurotan esleitutako 9 kasutan kontratuak baloratzeko eta esleitzeko formula matematikek, eskaintza ekonomikoenak zigortzen ditu.  (txosteneko III.1.4 atalean, 15. orrialdean). Kultur Etxeari dagozkion kontratazio espediente guztietan, kontratazio mahaia behar bezala osatuta ez egoteagatik, hainbat hutsune atzematen dira administrazio agirien irekitzeari dagokionez , baita formula baten bidez kuantifikatu ezin diren irizpideei dagozkien agirietan (txosteneko III.2.2 atalean, 18. orrialdean).

d.- Hiri Garbiketa eta Zaborren Batzearen kontratuaren luzapena Gobernu Batzordeak onetsi zuen, onespen honen ardura Osoko Bilkurari zegokiolarik (txosteneko II.1.1 atalean, 7. orrialdean).

e.- Parke eta Lorategien mantenuaren kontratua 2006ko Ekainaren 20ean esleitu zen 1,8M eurotan 6 urterako iraupenarekin, administrazio kontratu berezi  modura, argi dagoenean zerbitzu-kontratu bat dela eta beraz, bere iraupen legalak ezin duela 4 urte baino gehiagokoa izan (txosteneko II.1.1 atalean, 7. orrialdean).

Epaitegiaren txostenean adibide gehiago agertzen dira baina ez dugu nahi gehiegi luzatu. Guretzat oso larria da herritarren dirua gaizki erabiltzea eta irregularrak diren kontratuak burutzea. Azken finean, kontratu hauek kontu ilunetaz eta faboreen kontratuetaz pentsatzera garamatzate. Kontratazioan gardentasuna beti exijituko dugu, are gehiago, herriaren ekonomia baldintzatzen duten proiektu handien kasuetan. 

 

3. JUSTIFIKATU GABEKO KOPURUAN ADOSTU ZEN PUNTA BEGOÑAKO HOTELAREN KONTRATUAREN APURKETA:

PUNTA BEGOÑAKO GALERIETAKO hotelaren kontratuaren amaieraz Epaitegiak adierazten du Udal Idazkariak kalte ordainaren kopurua negoziatu zuela, Udal Kontu-hartzailearen iritziaren aurka. Udal Kontu-hartzailearen iritziz aditu batek aztertu beharko lukeen Barceló enpresaren ospa egiteak Getxoko Udalean sortutako eragin ekonomikoa. Aditu horrek baloratu behar zuen Barcelók eman zuen dirua: 1,2M euro (jarritako fidantza 8,6M eurokoa zen) arrazoizko balioa ote zen kalte ordaina bezala. (txosteneko III.1.4 atalean, 16. orrialdean).  Udal Idazkariak, estatuko funtzionarioa eta bere eginkizunen artean udalean egiten diren gauzak legalak izatea zaindu behar duenak, Udal Kontu-hartzailearen gomendioen kontra NEGOZIATU ZUEN.

Jakin nahi dugu: zergatik ez zaio kasurik egin Kontu-hartzaileari? zein kaudimen edo formaltasun profesionalarekin negoziatu du Idazkariak? zeintzuk izan dira erabilitako irizpideak baloratu ahal izateko udalari eragindako kaltea? zer nahi dute jendeak pentsatzea arrazoitu gabeko 7,4 M euroko beherapenaz?

 

4. MUGARIK GABEKO AZPIKONTRATAZIOAK:

Zerbitzu kontratuei buruz Epaitegiak, besteak beste, ondoko irregulartasunak ikusi ditu:

a.- Udal Gobernuak 2010ko uztailaren 20ean bilketa kudeaketan zerbitzu osagarrientzako kontratua esleitu zuen 3,6 M eurotan eta 4 urteko iraupenarekin. Udalak aipaturiko kontratuan azaltzen diren zerbitzuen berrikusketa egin beharko du, zerbitzu horietako baten batek autoritate-ariketarik behar duenentz. Hala balitz, udaleko funtzionarioek soilik egin ahalko lukete lan hori.  (txosteneko III.1.4 atalean, 16. orrialdean). Guk argi dugu, autoritate-ariketa behar duela eta beraz ezin dela azpikontratatu. Bestalde, gogoratu behar dugu 2011ko ekitaldian, kobratu gabeko zergengatik 7,7 M€ hornitu zirela diruzaintzako soberakinetik. Honek argi erakusten du kontratatutako zerbitzuaren eraginkortasun eza.   

b.- Aztertutako obra espediente guztietan ez dago proiektua gainbegiratzen duenaren txostenik.  (txosteneko III.1.4 atalean, 15. orrialdean).

c.- Aztertutako kontratazio espediente guztietan, bai administrazio agirien irekieran baita formulen bidez kuantifikatu ezin daitezkeen agirietan, Kontratazio Legea betetzen ez duen Mahi Kontratazio ordezkatze bat dago (txosteneko III.1.4 atalean, 15. orrialdean).

Gobernu Taldeak zerbitzu publikoen azpikontratatzearen alde nabarmen egiten du, baita legeak onartzen ez dituen kasuetan ere. Horrez gain, ez du azpikontraten lanaren segimendurik egiten eta zerbitzu edo obraren kontrola enpresa beraien eskuetan uzten du.

 

5. UDAL BALANTZEETAN IBILGETUA ZENBATEKOA DEN EZAGUTZEKO EUSKARRIRIK EZ:

Txosteneko II.2 ataleko 11. orrialdean Epaitegiak esaten du ez dagoela euskarri egoki eta nahikorik Udaleko eta Erakunde Autonomoen balantzean jasotzen den ibilgetuaren kopurua ezagutzeko eta honegatik ezin da jakin erreala ote den Balantzean agertzen den 2011ko Abenduaren 31rainoko ondasun eta eskubideen egoera. Beraz, ibilgetua amortizatzeko, Galdu-Irabazien kontuetan jasotako diru kopurua egokia den ez dakigu eta ondorioz zalantzagarria da udal estatu finantzarioa (hau eta aurreko beste hainbat ohar, HKEEk 2003ko ekitaldiari zegozkion txostenetan aipatzen zituen). Bestaldetik, Epaitegiak Udalak Udal Lurzoru Ondarearen erregistrorik ez duela salatzen du (Txosteneko II.2 ataleko 11. orrialdean) .

Non gelditzen dira Ondarea, Egoera Finantzarioa eta Udalaren Emaitzen irudi leialaren printzipioak, kontabilitate ororen oinarrizko irizpide direnak?

 

ONDORIOA: HIRITARREN PARTE-HARTZE EZA

Aurreko atalean 35 ez-betetze baino gehiago aipa genitzake, baina hala ere uste dugu idazki honetan esandakoekin nahikoa dela argiro ikusteko Getxoko udal kudeaketan dagoen gardentasunik ezak dakartzan ondorio kaltegarriak. Izan ere, adierazi behar dugu edonorentzat eskuragarri jartzeko asmoa dugula idazki honetan aipatutako EHEEren txostenak.

Egia esan, GETXOko EHBILDUn ez genituen EHEEren txostenak behar ondorioztatzeko udal kudeaketa oso opakua eta irregularra dela. Egunez egun ikusten ditugu hiritarrentzat itxita dauden batzar informatiboak, datuen ostentze eta manipulatzea, erantzunen berandutzea, dokumentazioa lortzeko zailtasunak, zerbitzu publikoen pribatizaziorako obsesioa, etxebizitza publikoen politikarik ez izatea eta ekimen pribatuaren eskutan soilik uztea, laster datorren Udal Erregelamendu Organikoaren erreforman hiritarrei audientzia eta hitza emateko gure eskariari eman dioten ezetza. Honek guztiak opakutasunez, nagusikeriaz eta  ilunkeriaz  osatutako koktel bat dakar, udal bizitzan hiritarrek parterik ez hartzeak ahalbidetzen duena.

GURE PROPOSAMENA

Idazki honen helburua ez da soilik datuak, moduak eta udal gobernuak egiten duen kudeaketa txarra argitara ematea. Berez ez litzateke ezertarako erabilgarri, eskandalurako ez ezik, baina ez litzateke arazoaren irtenbide. EHBILDUren uste sendo eta konpromisoa da soilik demokrazia zuzena eta parte hartzailearen indartze eta bultzadak eta horrekiko hiritargoaren konpromisoak zuzendu ditzakeela salatutako moduko egoerak, udal mailan zein horretatik kanpo eskandaluz eskandalu gabiltza eta denon artean ordaintzen ditugu horien kostuak: prestazioen murrizketak (osasungintzan, pentsioetan, kulturan, hezkuntzan, babes eta elkartasun sozialean azken batean) eta askatasun zein eskubideen murrizketak.

Hiritargoari, era guztietako elkarteei (kulturalei, politikoei, sindikalei, etorkinenei, feministei, ekologistei, kirol arlokoei,…), PNVko eta gainerako partiduetako afiliatu eta boto-emaileei,  (PNV, PSOE eta PPko zinegotziak Udal Erregelamendu Organikoaren berrikuntzan hiritarrek udal organoetan parte hartzearen aurka azaldu baitira) dei egiten diegu gure herrian hiritargoak udal kudeaketan parte har dezan mugimendu bat sortzeko, kudeaketaren gardentasuna helburu, kontsultiboak soilik izango ez diren parte hartzerako guneak sortzeko, eta batez ere, udal gai estrategikoetan herri kontsulta egingarri bihurtuko duena.

Atxikitako dokumentoak:

Getxoko Udalaren 2011ko fiskalizazio lanaren ondorioak (Herri Kontuen Euskal Epaitegia)

Herri kontuen Euskal Epaitegiak Getxoko Udalaren 2011ko ekitaldi fiskaleko txostenean ageri dituen irregulartasunak

http://alternatiba.net/old-files/Ayto. de Getxo TVC P ejercicio 2011.pdf

Berriak

Alternatiba | Ezkerra eraldatzearen erronka

X