Etiketa: Hezkuntza

Alternatibak bat egiten du STEILAS eta ELA sindikatuek LOMCEren aurka deitutako mobilizaio egunarekin

Alternatibak bat egiten du biharko, urriak 26, STEILAS eta ELA sindikatuek, hezkuntza alorreko hainbat eragileren babesarekin, Hegoaldean deitutako mobilizazio egunarekin, Euskal Herriarentzat hezkuntza sistema propioa aldarrikatu eta LOMCE zein honen izenean aplikatutako Heziberri eta errebalidak ezartzearen aurka.

LOMCEren kontrako hitzak ez ezik, urratsak ere egin behar direla gogorarazi behar zaie Gasteizko zein Iruñeko gobernuei, izan ere, erreformaren ondorio larrienetako batzuen aurrean, kontrol neurriak kasu, Hegoaldeko administrazioek jaso egin dituzte errebalidak Heziberriren bidez EAEn eta Hezkuntza legearen bidez Nafarroari dagokionez. DBH eta Batxilergoa gainditzeko ebaluazio horiek zer nolakoak izango diren ere inork ez daki, baina aski ezaguna da, aldiz, Espainiako lege atzerakoi bat onartzearen ondorio direla.

Horregatik, pertsona aske eta burujabeak sortu behar dituen hezkuntza sistema propioaren alde, eta eredu kapitalista elikatzea asmo duen eredu baten kontra, bihar ikastetxeetan deitutako lanuztearekin zein arratsaldez lau hiriburuetan antolatutako elkarretaratzeekin bat egitera deitzen dugu.

Berriak

Alternatibak Iruñerriko sei ikasleen atxiloketa salatu eta kalitatezko hezkuntza publikoaren aldeko borroka txalotu du

Violeta Parraren abesti bat gogora ekarrita: Gora ikasleak, hegazti baten modukoak izanik, animaliari eta poliziari beldurrik ez diotelako! Ausardia hori aitortuz, gaur goizean Iruñerrian Espainiako poliziak gauzatutako sei ikasleen atxiloketa salatzen dugu, eta bide batez, ikasle mugimenduari gure elkartasuna helarazi nahi diogu, beste behin ere, kalitatezko hezkuntza publiko eta barneratzaile baten aldeko borrokaren irudi delako, milaka ikasle bildu zituen pasa den martxoaren 27ko grebarekin erakutsi zuten bezala.  

Aldi berean, Alderdi Popularrak bultzatutako hezkuntza erreformaren kontra altxatzeko antolatuta dagoen gazteria kriminalizatzeko nahia salatzen dugu ere. Nafarroako gazteek urteetan jazarpena sufritu dute, eta Estatuaren Segurtasun Indarren eskutik modu bortitzean zapaldua eta espetxeratua izan da.

Hala eta guztiz ere, Alternatiban gazteenen borroka antolatu hau Euskal Herriaren aldaketa soziala jomuga dugunontzat, koherentziazko adibide bat dela uste dugu.

Euskal gazteria aurrera!

Berriak

Espainiako Gobernuak bultzatzen duen hezkuntza erreformaren aurka kalera ateratzeko deia egin du EH Bilduk

Hego Euskal Herriko hiriburuetan Espainiako Gobernuak bultzatzen duen hezkuntza legearen erreformaren aurka mobilizazioak egingo dira larunbat honetan, martxoaren 2an, Hego Euskal Herriko hiriburuetan, ELAk, LABek eta STEE-EILAS sindikatuek deituta. EH Bilduk manifestazio horietan parte hartuko duela aurreratzen du, eta bertan egoteko deia egin die herritar guztiei.

Izan ere, Jose Ignacio Wert ministroak bultzatzen duen legea euskararen normalizazioaren flotazio-lerrora jaurtitako misila dela uste du EH Bilduk, eta horrek erantzun bateratua ematea exijitzen duela; herri gisa erantzutea, hain zuzen.

Hezkuntza-eragileen iritzia kontuan arte gabe eta oraingo sistemaren ebaluazioa egin gabe garatutako proiektu honek erakutsi du orain bere benetako helburua: gaztelaniaz besteko estatuko beste hizkuntzak eta beren kulturak marjinal bihurtzea hezkuntzan sisteman eta sistema nazionalismo espainiarraren balioak transmititzearen mesedetan egituratzea. Proiektuak gainera komunitate autonomoen eskumenak zapaltzen ditu eta eredu zentralista bat ezartzen du.

Aurreratu zituen Wert ministroak bere asmoak, Kataluniako umeak “espainolizatu” nahi zituela adierazi zuenean. Horixe baita Hezkuntza Lege berri honen atzean ezkutatzen den benetako asmoa, Euskal Herriko neska-mutikoak nazionalismo espainiarraren esentziarik zaharkituenean heztea ikastetxeetan, bere balio moral eta hizkuntza-irizpide mugatuenekin.

Horren aurrean, bestelako hezkuntza eredu baten alde egiten du EH Bilduk: euskalduna, herritarra, publikoa, laikoa.

Bizi dugun krisi ekonomiko eta sozial ankerarren aitzakiapean, Madrilgo PPren gobernua ondo baino hobeto ari da etxeko lanak egiten eta urteetako beraien asmoak gauzatzen: Espainia bat eta bakarra desiratzen dute; hizkuntza bakar batekin, sinesmen bakar batekin, balio etiko eta moral jakin batzuekin… Azken baten, Euskal Herrian, zoritxarrez, ondo baino hobeto gogoratzen ditugun eta gaindituak behar luketen ez hain aspaldiko garaietara itzularazi nahi gaituzte berriro.

Horregatik guztiagatik, EH Bilduk larunbat honetan egingo diren manifestazioetan parte hartzeko deia egin die herritarrei, gure herria LOMCE lege berriaren aurka dagoela argi uzteko.

Berriak

Iruneko Akordio Estrategikoaren sinatzaileek Hendaiako ikastolaren aurkako erasoa salatu dute

Ezker Abertzalea, Eusko Alkartasuna, Aralar, Alternatiba eta Abertzaleen Batasuna, 2012ko apirilaren 28an, Irunen, Ficoban sinatutako akordio estrategikoak biltzen dituen indar politikook, Baionako suprefetak Hendaian ikastola berri baten eraikitzearen aurkako erasoari elkarrekin ihardestea erabaki dugu. Oraingoan, Hendaiako ikastolaren aurkako eraso bati buruz ari gara, baina suprefetaren asmoak egi bilakatzen badira, Ipar Euskal Herriko ikastola guztiak kaltetuak izango dira eta desagertzeko zorian egon daitezke.

Baionako suprefetak Ipar Euskal Herrian Seaska eta herriko etxean artean zegoen funtzionamendurako 20 urteetako akordio tazitoa apurtzen du. Suprefetak Seaska eta eskuin zein ezkerreko udalen arteko kontsentuari ezin dio muzin egin. Erabaki hau euskarazko murgiltze hezkuntza sistemaren aurkako eraso zuzena da.

Denek onartutako ohiko jarduera eta suprefetak hartutako posizioaren arteko kontraesanak inoiz baino gehiago agerian uzten du marko juridiko bermatzaile baten beharra, hots, euskararen ofizialtasun estatusa edo perspektiba zabalago batean Frantziako estatuan diren hizkuntz gutxitu guztiena.

Horrez gain, salatu nahi dugu Frantziako Alderdi Sozialista jarrera. François Hollandek Europako Hizkuntz Gutxituen Gutunaren sinadura bere programaren puntu bat egin zuen, eta egun bere gobernuak izendatu duen suprefeta batek argi eta garbi erasotzen du euskarazko murgiltze hezkuntza.

Euskal gizarteari deia luzatzen diogu larunbateko manifestazioan parte hartzeko. Mobiliazioa arratsaldeko 17:00etan abiatuko da, Hendaiako tren geltokitik.

http://alternatiba.net/old-files/p002_f01.jpg

Berriak

Alternatibak euskaraz bizitzearen alde Donostiako kaleak betetzera deitu du

Alternatibako Kontseilu Nazionaleko kide Mireia Arginzonizek bihar, abenduaren 1a, Euskal Herri osoko euskaltzale eta hizkuntza eskubideekiko errespetua adierazi nahi duten guztiei Donostiako kaleak zeharkatuko dituen elkarretaratzean parte hartzeko deia egin die. Euskararen Gizarte Erakundeen Kontseiluak deituta, Anoetako estadiotik abiatuko da manifestazioa, 17:00etan, Euskaraz bizi nahi dut lemapean.

“Hizkuntza harremanetarako eta komunikatzeko tresna” dela gogorarazi du Arginzonizek, eta “gure arteko harremanak sortzeko eta egituratzeko lanabesa izateaz aparte, hizkuntza komunitate sendo bat eratzeko ere” badela esan du. Are gehiago, euskal herritarren “nortasuna bermatzeko altxorrik preziatuena ere bada”. Horregatik, herritarren konpromisoa eta bultzada beharrezkoa dela adierazi du, eta gizarte osoari deialdia bidali dio euskara kalean erabiltzera eta bultzatzera animatuz, “euskara herri osora zabaltzearen bizi nahia posible egiteko guztion lanaren bitartez bakarrik lortuko” dugula azpimarratu du.

Alternatibak ordezkaritza zabala izango du Donostiako kaleetan. Arginzonizekin batera, besteak beste, Josu Estarrona Alternatibaren Arabako bozeramailea eta Pablo Fernandez Bilboko Asanbladako koordinatzailea izango dira.

Berriak

Guztiona eta guztiontzat

Mireia Arginzoniz, Josu Aztiria, Karmele Aierbe eta Jokin Melida – EH Bilduko kideak

Diskurtso ofizialak eraginda, gizarteak ez du sinesten euskara desagertzeko arriskuan dagoenik. Gauza asko egin dugu denon artean eta hil-kanpaiak ez ditugu joko, baina errealitatea egoskorra da.

Behatokiaren urtez urteko txostenek erakusten dute euskaldunen hizkuntz eskubideek urratuta jarraitzen dutela Euskal Herri osoan, eta administrazio guztiek egunero urratzen dituztela; kale erabileraren neurketak eta inkesta soziolinguistikoak argi gorriak piztu dituzte. Agertutako datuek diote euskararen kale erabilera ez dela hazi azken hamabost urtean eta %13 eta %14 artean goia jo du. Hein horretan trabatuta dago, eta planto egin du. Soziolinguistikaren Klusterrak iradoki duen bezala, baldintzak aldatzen ez badira erabilerak ez du gora egingo, ez eta ez bada hiztun kopurua handitzen eta hiztunei euskara erabiltzeko aukera gehiago ez bazaie ematen.

Bestetik, euskaldunen kopuruak bost puntu egin du gora azken bi hamarkadetan Euskal Herrian, eta azken urteetan hazkunde hori apaldu egin da. Igoera hori batez ere gazteen artean gertatu da. Baina joera hori ez da islatu erabileran. Gazte elebidun gehiago egon arren, euskara gutxiago erabiltzen dute gaurko gazteek duela hogei urteko gazteek baino. Ez baitira euskaldun osoak; hobeto moldatzen dira erdaraz, eta euskaraz jarduteko zailtasunak dituzte; gune erdaldunetan bizi dira; euskararenganako atxikimendu apalagoa dute; eta pisu demografiko txikia dute, jaiotze tasak behera egin duenez.

Geldotze eta moteltze zantzuak sumatzen dira, beraz, euskararen normalizazioa galtze joeraren abiapuntu batean dago, eta ez badugu ezer egiten, galdu egingo dugu. Aurrera ez egitea atzera egitea da.

Bi estatu handien mehatxupean, euskarak mendeko estatus juridikoa du. Espainiako eta Frantziako Konstituzioek espainierari eta frantsesari balio hierarkizagarria ematen diete, estatuen baitan dauden gainerako hizkuntz komunitateak menderatu eta hizkuntza horietako herritarrak bigarren mailako bihurtzen dituzte. Asimetriak eta kanpo mugak nabarmenak dira: denok behartuta gaude erdara jakitera, baina ezin dugu inor behartu euskara jakitera. Euskal Autonomia Erkidegoaren Estatutuak eta Nafarroako Foru Hobekuntzak Espainiako Konstituzioak ezarritako erdaldunen elebakartasuna toleratzen dute eta euskaldunena eragozten.

Gaur egun euskara ez da ofiziala Euskal Herriko bere lurralde osoan. Eta euskararen estatusa, bi estatutan zatitua, bost eraentza juridikok arautzen dute. Ondorioz, euskal hiztunak eskubide desberdinak ditu bizi den edo dagoen tokiaren arabera; eta ofiziala ez den eremuetan euskaldunak ez du hizkuntz eskubiderik.

Bidegurutzean gaude: euskararen egungo politika eta egitura juridiko hauskorrean jarraitzea ala euskararen politika aldatzea eta beste marko normalizagarri bat eraikitzea. EH Bilduk euskararen politika zaurgarri honetatik ahal den azkarren irtetea eta euskararen beste marko normalizagarri bat eraiki nahi du.

Orain arteko hizkuntz politikek ez dute balio izan euskaldun eleaniztunez osatutako Euskal Herri euskalduna berreskuratu eta berrezartzeko. Kasurik onenean ere, intentsitate gutxiko politikak izan dira. Euskararen garapenak behar dituen minimoen azpitik. Eta, oro har, euskararen egoera minorizatuak ito egiten ditu ahalegin normalizagarri horiek, oztopoak bultzadak baino handiagoak direlako.

Horrenbestez, EH Bilduren ustez, hogeita hamar urteko mendeko politika partzialaren ondoren, euskararen garapen osoa azkartu eta lortzeko, beste hizkuntz politika bat, lehentasunezkoa eta burujabea, garatu eta gauzatu behar dugu. Euskarari estatus egokia ematea ezinbestekoa da, berezkoa, normalizatu beharrekoa, ofiziala, lehentasunezkoa eta jakin beharrekoa izan dadin. Hizkuntz politika berriaren oinarriak honako hauek izan behar dute:

1.- Burujabea, kanpo esku-hartzerik gabekoa. Gaur egun dauden oztopoak eta debekuak gainditzeko eta politika eragingarria abian jartzeko.

2.- Estatus juridiko egokia duena. Euskara da Euskal Herriko berezko hizkuntza eta normalizatu beharrekoa, hizkuntza ofiziala, lehentasunezkoa eta jakin beharrekoa.

3.- Euskara erdigunean jarri eta baliabide nahikoak dituena: Euskararen normalizazioaren zentralitatea aldarrikatu eta praktikara eraman behar dugu. Euskara ardatz bai diskurtso eta praxi politikoan, eta baita administrazio publikoaren egituretan ere. Era berean, zentralitateak esan nahi du baliabide pertsonalak eta baliabide ekonomiko nahikoak bideratu behar direla euskararen normalizaziorako, pauso kuantitatibo eta kualitatibo nabarmena emanez.

4.- Zeharkakoa egin. Euskararen normalizazioa gizabanako eta eragile guztien bultzadatik eta auzolanaren eskutik etorriko da. Eragile guztien erantzukizun aktiborik ez bada, ez da normalizaziorik lortuko. Era berean, hizkuntz politika bateratua egiteko Araban, Bizkaian eta Gipuzkoan, eta Nafarroa Garaiarekin eta Iparraldearekin koordinatzeko; tokian tokiko errealitate bakoitzaren abiaburua, baldintzak eta erritmoak kontuan hartu behar dira.

Euskaraz bizitzea ahalbidetuko duten baldintza politikoak, juridikoak, sozialak, ekonomikoak eta kulturalak lortu behar ditugu. Euskararen erabilera irabazpidean jartzeko, beste hizkuntz politika bat egiteko, euskararen normalizazioan jauzi kualitatiboa emateko, euskara unibertsalizatzeko. Euskara denona eta denontzat izateko.

Berriak

Gasteizko Haur Eskolak: Gauez eta azpikeriaz

Oskar Rueda – Alternatibako kidea

Hala egin die eraso udal gobernuak Gasteizko haur eskolen funtzionamenduari. Egia esan, ez dakit gauez gauzatu ote den, baina azpikeriaz ziur baietz. Eta zergatik?

Haur eskolen ohiko funtzionamenduaren arabera, alor honetan lan egiten duten funtzionarioek azaldu didatenez, udaleko hezkuntza saileko arduradun Iturricha Jaunak zuzendutako lantaldeak, datorren 2012-2013 ikasturterako proposamen guztiak urtarrilaren amaieran bidali behar zituen, eta ez apirilaren hasieran, gertatu den bezala. Pentsa genezake asmo txarrik gabeko atzerapen soil bat izan dela, baina ezinezkoa dirudi, eskola honetako erabiltzaileentzat garrantzitsuak eta batez ere kaltegarriak eta baztertzaileak diren aldaketa batzuk egiteko, azken unera arte itxaron duela pentsatzean.

Ordutegiak aldatzea erabaki dute, sarrera atzeratuz eta irteera aurreratuz, familia askorentzat honek dakarren kaltea kontuan hartu gabe. Baina Iturricha Jaunaren kalkuluen arabera, familia gutxi batzuk dira eta ez dizkio pena merezi; edo bere hitzetan esanda: “ez dute errentagarritasun sozialik”. Zeharo desegokia den komentarioa gainetik irakurtzen dutenek, beharbada ez dira konturatuko benetan zertaz ari den, hau da, ordutegi hau ezinbestekotzat duten familiek, euren beharrengatik eta ez apetak eman dielako, euren seme-alabak ordutegi horretan izena emanda dituztenak, berarentzat hutsaren hurrengoa direla. Gizon honentzat ez dira sozialki errentagarriak baina nik politikoki ezinbestekoak ez direnaren itxura hartzen diot.

Gainontzeko haur eskolak, partzuergoarenak direnak, ordutegi hau eskaintzen jarraituko dute eta familia hauetako askok udal eskola batean duten plaza bati uko egin behar izango diote, beste zentro batean nekez leku bat lortzen saiatzeko, dagoeneko matrikulazio epea itxita dagoelako. Beharbada horrela lortuko dute politikari askok lau haizetara esaten dutena eta gero betetzen ez dutena: Familia eta lanaren arteko kontziliazioa.    

Argi utzi behar da gobernu taldeak prozedurari jaramonik egin ez diola, ordutegien aldaketak osoko bilkurari dagozkiolako eta ez gobernu taldeari. Honek aldaketak egin ditzake soilik aldi baterako beharrizan zehatzengatik, inoiz ez behin betikoak. Honi gehitzen badiogu Iturricha Jaunaren neurri honi esker, zerbitzu hau eskaintzen duten aldi bateko langileen soldatak aurreztuko dituztela, dudarik gabe ondorioztatu dezakegu errentagarritasun sozial delako hori dirua besterik ez dela. Udalak ziurtatu duen bezala, “aldi bateko langile horiek ez dute euren lana galtzen”, eta egia da, baina ez dira euren kontratuak berrituko. Bitxia da hirian langabezia igoaraziko dutela ezeztatzea, horixe bera denean egiten ari direna, aldi batekoak ere langileak direlako, langile finkoen eskubide eta betebehar berdinekin. 

Maroto Jaunak kargua hartu zuenean, lana lehentasun izango zuela esan zuen, baina: Zertaz ari zen, lana sortzeaz edo suntsitzeaz?

Azken ohar bat. 2 urteko geletan izena ematen duten ikasleen gurasoek 51 euro ordaindu beharko dute, gainontzeko ikastetxeak doakoak izaten jarraituko dutela. Orain arte %100a bekadunak izatetik %60a izatera pasako dira. Bai, garai gogorrak dira eta inork pentsatuko du neurriok beharrezkoak direla, baina… Zer irabazten du udalak honekin? 165.000 euro. Familia askori ordainaraziko dioten kopurua da, bestela ere aurreztu daitekeena, esate baterako, nahiera aukeratutako udal aholkulari eta agentzia publikoen zuzendari batzuen soldata erraldoiak eta gehiegizko ekitaldi desfasatuak  murriztuz edota udal bulego berrien eraikinaren materialen bat aldatuta.

Badirudi Udala zuzentzen dutenek, kudeatzen dituzten bost udal haur eskolak ondotik kendu nahi dituztela. Hiri honetan asko estimatzen dugun ondasun bat da, eskaintzen duen zerbitzu onarengatik eta gizarte zein hizkuntza zerbitzuen buruan jartzen gaituelako. Lehen harro sentiarazten gintuen hori, aurki ez dugu gehiago izango, baldin eta ez badiegu sinestarazten ongizate politiketan ezin dugula murrizketarik egin, ez orain ezta inoiz ere, lanaren, familien eta hiriaren alde.

Berriak

Bilduko gazteek “etorkizun beltzari” buelta emateko aukera bakartzat jo dute koalizioa

Jatorri eta eremu ezberdinetatik eratorriko gazteak izanik ere, gaur hemen aurkitzen garen gazteak zapalkuntza bera jasaten dugu. Hemen gaudenok etxebizitza duin bat eskuratzeko aukerarik ez daukagun gazteak gara, gure etorkizun laboralean argirik ikusten ez dugun gazteak, gure ikasketak aurrera eraman ahal izateko bermerik ez dauzkagunak edo kontsumora bideratutako aisialdi eredua kontsumitzera kondenatuak gaudenak. Askatasunez adierazteko eta antolatzeko eskubideak ere bermatuak ez dauzkagun gazteak gara.

Adibide guzti hauek gazteontzako etorkizun beltza baino ez digute erakusten. Etengabeko eskubideen urraketa da gazteok jasaten duguna. Emakume gazte bezala zapalduak gaude, ikasle zein langile bezala, edota euskaraz bizi nahi dugun gazteon eskubideak ere urratuak zaizkigu. Instituzioetan ez daukagu ahotsik, eta gure iritzia ez da inoiz kontutan hartzen. Gugatik erabakitzen dute, baina ez dute gugatik sufritzen. Aterabidea eman behar zaion larrialdi egoera da jasaten duguna.

Horregatik, konponbiderako garaia heldu da, aurrea hartzeko momentua, indarrak bildu eta gure ahotsa entzunarazteko garaia. Gure eskubideen errespetua exijitzeaz harago, dauzkagun alternatibak garatzeko unea heldu da, gure bizi baldintzak hobetzeko dauzkagun proiektu errealak aurrera eramateko unea, gazte ahotsa berreskuratzeko unea. Independentzia da gure proiektua, gure etorkizuna guk eraikitzeko formula, eta BILDU da gure tresna. Instituzioak gazteoi irekiko dion tresna, Euskal Herriak behar duen aldaketa politiko eta soziala ahalbidetuko diguna, ezkerreko perspektibatik oinarri aurrerakoietan eraikitako aldaketa.

Independentzia behar dugu gazte askeak izan nahi dugulako, askeak izango garelako, askeak, zelan antolatuko garen erabakitzeko, gazteon sorkuntzari bide emango dioten espazioak autogestionatzeko. Gazteontzako lan baldintza duinen alde lan egingo dugu, hauek lortu arte. Herri eta hiri jasangarriak eraikiko ditugu, bertako kale eta zelaiak herritarron beharrizanen arabera erabiliz. Gure sexualitatea era askean bizi eta adierazi nahi dugu, honengatik irainduak edota erasotuak izan barik. Kaletik aske ibiltzeko bermea lortuko dugu, emakume eta gaztea izateagatik sentitu dezakegun beldurra alboratuz.

Euskaraz bizitzeko hautua egina daukagun gazteak gara, horretarako gure hizkuntza sustatuz eta erabiliz. Ikasleok gure ikasketak euskal kurrikulumaren baitan burutzea lortuko dugu, hezkuntza euskaldun eta dohako baten alde lan eginez. Herritik eta herriarentzat sorturiko jaiak bultzatuko dituen eredu partehartzaile eta herrikoia hedatuko dugu. Gazteon hitza eta erabakia berreskuratzeko prest gaudelako.

Guzti honengatik, BILDU da gure aukera bakarra. Aukera gaztea, gure aldarrikapenak instituzioetara eramateko gazteon tresna berria, gazteon ahotsa berreskuratzeko aukera. Aurreikusi dezakegun etorkizun beltzari buelta emateko alternatiba erreala daukagu BILDU, bide luzea egiteke daukan alternatiba, berria eta ezberdina, denok osatzen dugun alternatiba alegia.

Beraz, etorkizun hobe bat eraiki nahi duten gazte guztiei deitzen diegu indarrak biltzera, independentziaren alde apustu egitera, BILDU bozkatzera. Era berean, hurrengo larunbatean, maiatzaren 14an, Barakaldoko BECen burutuko den ekitaldi nazionalean parte hartzeko deia luzatzen diogu euskal gazteriari. Euskal Herriaren geroa garelako, hain beharrezkoa zaigun aldaketa politiko eta soziala bermatuko duen indarra garelako, hurrengo igandean, maiatzaren 22an, entzun dezatela gure oihua, independentziaren bidean, bete ditzagun ilusioz eta kolorez hautestontziak!

Berriak

Matute: “En un año de legislatura, López no ha hecho nada mínimamente de izquierdas”

Alternatiba ha realizado hoy un balance “muy negativo” del primer año de legislatura del gobierno del tándem PSE-PP, con Patxi López como lehendakari, ya que no ha llevado a cabo “ni una sola propuesta que pueda ser considerada siquiera como tímidamente de izquierdas”.

A juicio del portavoz de Alternatiba, Oskar Matute, lo único que ha hecho el Gobierno ha sido “tratar de adoctrinar a los vascos” y “profundizar en un modelo desarrollista del capitalismo con una gestión totalmente continuista” que, en temas sociales y económicos, no le diferencia en nada del anterior Ejecutivo del PNV. “Extraña manera de reivindicarse de izquierdas”, ha subrayado Matute.

“En la Euskadi social que preconizan desde el Gobierno Vasco, el paro sigue creciendo, el endeudamiento público se ha disparado, los empresarios y los bancos siguen campando a sus anchas entre prebendas fiscales y ayudas directas y los EREs no paran”, ha afirmado el representante de Alternatiba. Ante esta situación, a Patxi López, “únicamente se le ocurre la apuesta por las grandes infraestructuras, por devastar nuestro territorio y situar en estado crítico su sostenibilidad ambiental a cambio de multimillonarios beneficios para las constructoras”.

En cuanto a la sanidad, Matute ha recordado que, pese a las promesas de los socialistas, “las listas de espera siguen colapsadas, las oposiciones siguen sin publicarse y los servicios sociales siguen sin encontrar ni un desarrollo normativo claro”.

En materia de educación, “a la guerra contra el euskera desatada al inicio de la legislatura de Patxi López, le ha seguido su inacción en la definición del nuevo plan de superación de los modelos lingüísticos”. Además, ha agregado el portavoz de Alternatiba, “entre tanta persecución de símbolos, carteles, fotos y personas, lo único que se les ocurre es sustituir símbolo por símbolo. Donde había una ikurriña, ahora una española, donde había un día de Euskadi se pone otro. Y así suma y sigue”

Todos estos argumentos y muchos más son, en palabras de Matute, los que le llevan a hacer “un triste balance del primer año de Patxi López”, una opinión que “no se sostiene únicamente en su apuesta por el adoctrinamiento social para generar una nueva idea colectiva de país que permita su reelección, aunque sea con trampas, sino que se apuntala con el hecho innegable de que, en el terreno de la Euskadi social, no ha hecho nada”.

Berriak

Alternatiba | Ezkerra eraldatzearen erronka

X