Aktibatzea nahikoa ez delako… ANTOLATU!

Isiltasun konplizeak amorrua ematen dit, bidegabekeriaren aurrean gor-mutuarena egin eta inguruarekiko konpromisoarekin eta elkartasunetik jokatu beharrean beren kontzientzia isilarazten dutenekin nekatuta nago. Horregatik, hitzetik ekintzara pasa behar naiz.
 
Badakit ez dela erraza izango, gehiengo isilen etsipen erosoa dela belauniko nahi gaituztenak boterean iraunarazten dituena, gure eskubideak eta duintasuna murrizten dituztenak. Etsipenean erortzea axolagabetasunez beteriko kale ilunetan bizitzea da, eta nik kolorez egin nahi dut amets, pertsona askeez beteriko zumardiekin. 
 
Jakin badakit nire borroka ez dela nahikoa besteenarekin bat egin ezean, maila berean kokatuz, nire aldarrikapenak besteen oihuei lehenetsi gabe, aurpegi desberdinen atzean ezkutatzen den arerio berari aurre egiten diogulako.
 
 
Errepresioaren eta eskubide urraketen aurrean, erabateko burujabetza nahi dut, gure etorkizuna eta eredu alternatiboa eraikitzeko. Erresistentziarako herri harresiek bestelako errealitateak altxatzera garamatzatelako, parekidetasuna eta herritarren jabekuntza helburu.
 
Nire auzoan, unibertsitatean, lantokian; suspertutako kontzientzia berri bakoitza sistemari aurre egiten dion erronka berria da, eta besteekin bat egitean, bere gaitasuna biderkatzen du. Aktibatzea nahikoa ez delako… antolatu.
 

http://alternatiba.net/old-files/Diptikoa 2 RGB.jpg

http://alternatiba.net/old-files/Antolatu A3 EUSKARA RGB.jpg

Ahalik eta gehien zabaldu

Diotenez, nazioarteko krimen antolatuaren arduradun nagusienetako batzuk, martxoaren 3an Bilbon batzartuko dira, elkar elikatu eta beren jardun deliktiboarekin jarraitzeko asmoz. Hauek dira buruzagi bilatuenetako batzuk; ahalik eta zabalkunde zein laguntza handiena eskatzen dugu:

Christine Lagarde. Nazioarteko Diru Funtseko Zuzendaria.

Leporatzen zaiona: demokraziatik kanpo dagoen erakunde bat zuzentzea, herrien burujabetza murriztea eta bere ondasunak banku handiei ematea. Hirurogei urtetan, nazioarteko mafia honek munduko diktadurarik ustel eta odoltsuenetako batzuk babestu ditu, beti ere Estatu Batuen kanpo politikarekin bat eginda. Gaur egun, Troikan parte hartuz, Europako hegoaldeko herrialdeen baliabide publikoen ustiaketan dihardu.

Jeroen Dijsselbloem. Euro-taldearen presidentea.

Leporatzen zaiona: banku pribatuekin batera pentsio publikoen aurkako erasoa planifikatzea. Baita Greziako herriari bere diru publikoa esku pribatuetan jartzeko xantaia egitea ere.

Olli Rehn. Ekonomia eta Moneta Gaietarako Komisario europarra.

Leporatzen zaiona: Rajoyren gobernuaren murrizketa politikak sustatzea. Baita, irabazi pribatuak handitzeko asmoz, soldatak %10ean murriztea proposatzea.

Karel de Gucht. Merkataritzako Komisario europarra.

Leporatzen zaiona:  lobby eta multinazionalen esanetara jardutea. Gainera, Estatu Batuen eta Europako Batasunaren artean hitzarmen bat negoziatu du, enpresari handiek eta bankariek euren espoliazioa jarduteko lege erraztasun handiagoak izateko. Besteak beste, 900.000 euro lapurtu dizkio Begikako herriari iruzur fiskalaren bitartez.

Joaquin Almunia. Konpetentzia Komisarioa eta PSOEko idazkari nagusi ohia.

Leporatzen zaiona: EBko herrietako industria politikei eta langileen eskubideen babesari trabak jartzea.

Werner Hoyer. Inbertsioen Europako Bankuko Presidentea.

Leporatzen zaiona: herrien zorpetzea eta bere ingurumena suntsitzea dakarren edozein lan finantzatzea; besteak beste, Abiadura Handiko Trena, Zubietako erraustegia edota Supersur errepidea.

Francisco Gonzalez. BBVAko Presidentea.

Leporatzen zaiona: krisi garaietan etekinak laukoiztu dituzten banku espainiarren elitea handitzea. Pentsio publikoen desegitea sustatu eta pentsio pribatuen negozioa ere elikatu du. Urtean 5,16 milioi irabazten ditu eta 80 milioiko pentsio pribatu bat jasoko du.

Pablo Isla. Inditex enpresako presidentea.

Leporatzen zaiona: Bangladeshen gertatutako 200 langileen sarraskia. Bere etekin pertsonalak 20 milioikoak dira urtean, bere Marokoko langileek astero 65 ordu lan egiteagatik hilean 178 euro jasotzen dituzten bitartean.

Jose Llado. Tecnicas Reunidas enpresaren jabea.

Leporatzen zaiona: Ibex 35eko enpresa gehienek egiten dute bezala, bere dirua paradisu fiskaletan mantentzea.

Jorge Sendagorta. SENER-eko presidentea.

Leporatzen zaiona: armak egin eta saltzeko, diru-laguntza publikoetan hainbat milioi kobratzea.

Ignacio Sanchez-Galan. Iberdrolako presidentea.

Leporatzen zaiona: energia nuklearrari esker bere burua aberastea eta Garoñako zentrala defendatzea. Gobernu espainiarraren erreforma elektrikoak idaztea leporatzen zaio. Hauei esker, 10 milioi euroko etekinak lortzen ditu egunean.

Cesar Alierta. Telefonicako presidentea.

Leporatzen zaiona: bere langileen %20a kaleratzea, bere etekinak egunean 10 milioi eurokoak direnean.

Mariano Rajoy, Luis de Guindos, Iñigo Urkullu eta Iñaki Azkuna. Agintariak.

Leporatzen zaiena: nazioarteko krimen antolatuaren alde egiteko legea usteltzea, diru publikoa enpresa handiei eta banku pribatuei ematea, eta euren kideentzako enpresa zein banku horietan urrezko erretiroak negoziatzea.

Juan Carlos Alfonso Victor Maria de Borbon y Borbon-Dos Sicilias. Erregea eta Francisco Franco diktadorearen ardurapekoa.

Leporatzen zaiona: Estatu espainiarraren erakunde militarraren burua izatea, herrien burujabetza ukatzea eta mundu osoko diktadore odoltsuen lagun-mina izatea. Bere aisialdian elefanteak erailtzen ditu eta gabon diskurtsoak ematen ditu.

Pertsona hauek atxilotzeko eta behingoz herritarren justiziaren eskuetan uzteko lagungarria izan daitekeen edozein informazio jakinaraztea eskertuko dizuegu.

http://alternatiba.net/old-files/Fondo facebook Troika2.jpg

http://alternatiba.net/old-files/kontuzTroika.jpg

Frentearen gobernuaren alde: FMLN-rekiko elkartasuna Euskal Herritik

2009an, Funes-FMLN tandemak, herriaren babesarekin, El Salvador-eko lehen aldaketa gobernua irabazi zuen. Gobernuan egon diren azken bost urte hauek – inolaz ere ez, zailtasunik gabekoak – herrian aplikatutako politika sozial berriek nabarmenduak izan dira.

Gobernutik bultzatu diren programa desberdinek positiboki eragin dute azken 20 urteetan eskuindar gobernuek baztertuta izan dituzten herritarrengan. Aldaketa Gobernuak aplikatutako programak, hezkuntzan, osasunean, nekazaritzan, genero berdintasunean eta ahaztu gabe, memoria historikoan oinarrituak izan dira.
2014. urte honen hasieran dugun eszenatoki politikoa guztiz desberdina da.

Otsailaren 2an hauteskunde presidentzialak ospatuko dira eta FMLN Salvador Sanchez Cerén hautagaiarekin aurkeztuko da; egun presidenteordea denarekin. Presidenteorde izateko hautagaia ere, beste figura erreferentzial bat izango da; Oscar Ortiz.

El Salvador une erabakigarrian aurkitzen da, eta hauteskunde hauek bai herriarentzat bai Frentearentzat garrantzi handikoak dira. Eskuina zatituta, FMLNk lehen itzulian hauteskundeak irabazteko aukerak ditu, Aldaketa Gobernuaren jarraipena bermatuz. Frentearen garaipena, beraz, funtsezkoa da lehen bost urte hauetan garatu diren programa sozial arrakastatsuei jarraipena eman eta eraldaketa politiketan sakontzen joan ahal izateko. Beste lehentasun batzuen tartean, Frenteak herriaren bizi kalitatea hobetzen jarraitzeko, memoria historikoaren inguruan – gudak utzitako zauriak behingoz isteko- lana egiteko, El Salvador ALBAn sartzeko aurrerapausoak emateko – zeinetan dagoeneko hainbat alkatetzak loturak badituzten ALBA-petrolio bezalako programekin- edota “Buen Vivir” logikaren baitako politikak aplikatzeko helburuak finkatzen ditu.

Euskal Herritik, ezin dugu aipatu gabe utzi, gure herrian bizitzen ari garen aro politiko berriari El Salvadorretik FMLNk egin dion ekarpen garrantzitsua. Zentzu honetan, Euskal Herriko sektore politiko eta sozialek gure babes eta elkartasun osoa adierazi nahi diogu FMLNri. El Salvador eta Euskal Herriaren arteko elkarrekiko elkartasunak urte asko ditu. Gure memorian daude Pakito Arriaranen, Ignacio Ellacuria Aitaren, Begoña Garcia ren, Marta Gonzalezen izenak.

Izen hauek, ertamerikako txoko txiki horretan, herrien arteko adiskidetasun eta elkartasun konpromisoa indartzen egon ziren beste hainbat eta hainbat izenen ondoan idazten dira.

Nahiz eta gaur adierazi nahi dugun babes hau ikuspegi elektoralistara mugatzen ez den arren, jakitun gara Frente Farabundo Marti-ren baitako gobernua izateak El Salvadorrentzat berebiziko garrantzia duela. Baita elkartasun internazionalistan sakontzen joateko ere.

Guzti horregatik, eragile, herri mugimendu, alderdi politiko eta gobernuz kanpoko erakunde desberdinek gure babesa eskaintzen diogu FMLNri:

Dei egiten diegu Salvadortarrei eta internazioanlista guztiei, urtarrilaren 26an, Altsasun, El Salvadorri, FMLNri eta presidente izateko hautagaia izango den Salvador Sanchez Ceri gure babesa eta elkartasuna adierazteko egingo den topaketan parte hartzera.

Euskal Herrian, 2014ko urtarrilaren 14an

Foto: Salvadorreko frentearekin elkartasuna! Urtarrilak 26, igandea. Altsasun.

Aktibatu

Ez dut geldirik egon nahi, ez naiz geldirik egon behar eta ezin naiz geldirik egon. Konpromisoa agertzen duen pertsona aktibo, erantzule eta solidarioa naizelako; baina batez ere pertsona librea naizen heinean, nire ideien arabera jarduten dut; mugimenduan dauden ideiak, ideia biziak, horiek aldatzeko beldurrik gabe. Nire ideiek naizen hori eraikitzen dutelako, pertsona osoa sentiarazten naute; beraiekin beti izango naiz ni neu, eta ez dut inoiz pentsamendu librea jarduten utziko. 

Duela hamar urte Jose Saramagok baieztapen bikain hau egin zuen: “Badira bi superpotentzia: Bata Estatu Batuak, eta bestea zu”. Estatu Batuek Iraken aurka zuzendutako erasoaren testuinguruan egin zuen, baina edozein garaietan erabili daitekeen ideia bat eskaini zigun. Buruan sartu behar dugu erasoen aurrean ezin dugula etsi. Zapaltzen gaituzten dominazio sistemen aurkako borrokan aurrera egin ordez, etsipenean erortzeko arriskua dugu, eskumak aipatzen duen gehiengo isil horren parte bihurtzeko arriskua, etxean gelditzen den jendearena, hain zuzen. Horregatik, gure erronka nagusienetako bat, pertsonei murrizketa, jazarpen eta menpekotasun moduan heltzen zaizkien erasoak ez onartzeko beharrizana  helaraztea da. Menperatzen gaituztenen aurrean; gure identitatea, gure etorkizuna eta eredu alternatibo bat erabaki eta eraikitzeko eskubidea ukatzen digutenen aurrean aktibatzeko momentua da.   

Gaur inoiz baino gehiago gure burua antolatu behar dugu. Justua ez den sistema honi aurre egiteko modu asko daude; auzoetako elkarteetan parte hartuz, mugimendu sozialetan, edota erakunde sindikal eta politikoetan. Bakoitza bere errealitate eta aukeretatik. Baina azken finean, garrantzitsuena zu zara. Ez zu edo ni, aurrez aurre jartzen gaituen “edo” horrekin, kapitalismoaren oinarrizko araua dena; baizik eta asmatzera goazen gehitze partikularekin, egitasmo eta mugimendu alternatiboek osatutako gune zabal bat eraikitzera eramango gaituena, erresistentzia sozialen harresi bat.

Hainbeste errepresio eta injustiziaren aurrean mobilizatu behar gara, aktibatu behar gara, iraultza norberak hasten duelako, baina batez ere, horixe delako ni naizena eta izango naizena. Ideiak, mugimenduan dauden ideiak, nire burua eraikitzen dutenak; ideia horiek beste batzuekin batera, ez dute inoiz amore emango mundu hobeago bat asmatzen. Aktiba zaitez! Aktibatu!

AKTIBATU

http://alternatiba.net/old-files/SuperpotentziaRGBweb.jpg

Jai herrikoiak, parte-hartzaileak eta parekideak

 

Jaiak herriarenak eta herriarentzat behar dute izan; errespetuan, parekidetasunean eta parte hartzeko eskubidean oinarritutakoak. Alternatibatik beharrezkoa ikusten dugu festa eta aldarrikapena bateratzea eta horregatik, aurtengo jaietan pegatinen bidez jai eredu hau zabaldu eta defendatu dugu Euskal Herriko kaleetan. Eta horretan arituko gara lanean jaiak, benetan, herrikoiak, parte-hartzaileak eta parekideak izan arte. 

http://alternatiba.net/old-files/Pegatinak jaiakONA.jpg

http://alternatiba.net/old-files/Pegatinas fiestasONA.jpg

Bilbao RuInA 2000, edo 203

Bilbao Ria 2000 hondamena baino ez da. Eta ez da gure iritzia, ez bakarrik behintzat. Iritzi berekoa da Jose Luis Bilbao Basket Ahaldun Nagusia, joan den astean aitortu baitzuen “crack finantzieroa” zuela etorkizun bakartzat. Horregatik egin daitekeen bakarra, hala dio, “itxiera ordenatua” da, neurria egokiak ezarrita, zertarako eta “bazkideon kalte ekonomikoa ahalik eta txikiena izan dadila”. Bilbao RuInA 203 espekulazioan oinarritutako erankundea zen, enpresari eta finantza botere desberdinekin Monopolyan jolasteko txokoa. PPSEAJ hirukoteak betidanik babestu du, zoragarria zelakoan.

Ba orain, badirudi jokoa amaitu eta zorretan gaudela aitortu beharra dago, 203 milioi eurotik gorakoa, Bilboko Udalak (zorrik ez zuen hori bai…), Bizkaiko Aldundiak, Jaurlaritzak eta gainerako kideek, herritarren dirutik noski, ordainduko dutena. Zenbat urte pasa beharko dira orain zoragarritzat saldu nahi diguten Supersur, edo SuperZor, errepidea porrot ikaragarria dela aitortzeko?

Bilbao Ruina 2000

http://alternatiba.net/old-files/BilbaoRuina203.jpg

Murrizteko ideiak

“Murrizteko ideien” azken alea, gobernu eskuindar desberdinei opari gisa ematen dieguna, euskal zein espainiar eskuinei, halakoetan murriz dezatela guri eskubide guztiak ukatu aurretik erreforma eta neurri desberdinak direla medio. Kanpora Iberdrola bezalako enpresei eginiko zerga opariak, kanpora kirol klub pribatuei zorra barkatzea, kanpora inolako erabilpen sozialik ez duten eta zorpetzen gaituzten azpiegitura erraldoiei eta kanpora frankismoak izendatutako erret familiei. Hala murriztu daiteke. Ez horregatik Urkullu, Joselu, Barcina Rajoy eta enparauak. Nork esango du orain oposizio eraikitzailea egiten ez dugunik? #Murizteko ideiak.

Ideas para recortar Murrizteko Ideiak

PNVren bodegoi estiloa

“PNV style” orain ere bodegoi eta txokoetan. Bildu momenturarte PNVk gobernatutako udaletan sartu zenetik, udal horietako PNVren diru publikoaren erabilera desegokien eskandaluak egunetik egunera argira atera dira atsedenik gabe.

Lemoako Udalaren kasu ospetsua gure gustokoenetarikoa da: diru publikoarekin ordaindutako 16.000 euroko faktura habanar zigarroetan; 48.000 euroko faktura luxuzko jatetxeetan eta haien alderdiko kideentzat espresuki eraikitako txoko pribatua ere. Bodegoi honek “PNV estiloaren” alderik xahutzaileena jasotzen du, eta horregatik, “Lemoako txoko klandestinoaren sortzaileen eskutik…” izendatu dugu, jeltzaleen benetako bizitza-estiloa jasotzen duelako… Benetakoa, euskal gizartearen kontura erre dituzten zigarroak bezain erreala delako.

http://alternatiba.net/old-files/BodegoiaPNV_0.jpg

Israeldar Arrazismori Txartel Gorria erakusten

Euskal Herria-Palestina Sarea

2011ko ekainean, Palestinako 42 futbol taldeek, UEFA-ko lehendakaria den Michel Platini 21 urtetik beherakoen lehiaketa maskulinoa Israelen egitearen erabakia aldatzera bultzatu zuten, Israelek Palestinan okupazio militarra, kolonizazioa eta apartheid sistema inposatzen dituelako.

Harrezkero, UEFA-k sub21ko finalak Israeli ken ziezazkiolako eskaera deiak etengabeko eran ugaritu ziren Europa osoan eta mundu zabalean. Sarean bildutako 13.000 sinadurak, edo europar futboleko 50 izarrek  sinatutako adierazpenak edo Marie-George Buffet kiroletako ministra ohiaren eskutitzak frogatzen dute, bai futbol jarraitzaileek bai giza eskubideetako defendatzaileek, Israeli lehen mailako kategoria duen ekitaldi bat antolatzeko ohorea ematea, kiroletako balioen aurka doan bidegabeko portaera bat saritzea dela uste dutela.

Nazioarteko zuzenbidea ez betetzea eta palestinarren giza eskubideen urratzeengatik, Europa osoan zabaltzen den mugimendu anti-arrazista, Israeli Txartel Gorria erakusteko kanpaina egiten ari da.

Kanpainak, Israelen kirol lehiaketak ospatzeko UEFA-ren erabakia eztabaidatzen du, eta kirolak duen potentzial positiboa, Israel presionatzeko erabiltzea, giza eskubideen bortxaketarekin amai dezan esigituz, eta ez zigorgabetasunarekin eta sari emateekin adore emateko. 2005ean jendarte zibilak martxan jarri zuen BDZ (Boikot, Desinbertsio eta Zigor) mugimendu orokorraren barruan sartzen den kanpaina da, zein Hegoafrikako Apartheid-en aurkako mugimenduan oinarritzen den, non kiroletako boikotak paper garrantzizkoa izan zuen egoera horren aldaketan.

2010ko irailean, Michel Platini-k Israelek futbolari palestinarrei inposatzen dizkien murrizketei buruzko kezka adierazi zuen, “Israelek aukeratu beharko du kirol palestinarra garatu eta loratu dadila baimentzea edo bere gaurko portaeraren ondorioei aurre egitea” esanez.

Harrezkero bi urte eta erdi   pasatu dira eta “loratzea” ez da Palestinako kirolen gaurko baldintzak deskribatzeko erabil daitekeen hitzik egokiena. Zisjordanian, Jerusalenen eta Gazan okupazio militarrari aurre egin behar dion palestinar herri osoaren adibide txiki bat besterik ez da, edo Israelgo Estatu barruan bigarren mailako herritarrak bezala edo atzerrian kanporatutako errefuxiatu bezala bizi direnen errealitateko zatitxo bat besterik ez.

Ez dira  futboleko eta kiroletako instalazioak soilik izan militar israeldarren erasoen jo muga, paralinpikoen batzorde nazionala eta Gazako estadio nagusia barne. Eskoletako patio eta haur-parkeetan, bonbardaketek, futbolean ari ziren gaztetxo palestinarrak ere hil dituzte.

Hiru hilabeteko gose greba eta nazioarteko protesta zabala egin behar izan ziren Mahmoud Sarsak palestinar selekzio nazionaleko kidea dena lehengo urteko uztailean askatzeko, israeldar autoritateak. Gazatik Cisjordaniara partidu bat jolastera zihoanean atxilotu zuten eta hiru urtez eduki zuten kargurik eta epaiketarik gabe. Gaur egun oraindik selekzio nazionaleko atezaina den Omar Abu Rois eta Ramalako jokalaria den Mohammed Nimr espetxeratuak dauzka Israelek, beste lau mila baina gehiago preso politikoekin batera.

Palestinar orori bezala ohizkoa den eran futbolari palestinarrei ere mugimendu askatasuna ukatzen zaie, nahiz okupatutako lurralde barruan, nahiz entrenamenduetan edo lehiaketetan parte hartzeko atzerrira bidaiatzen saiatzen direnean. Gainera, UEFA-k aurrera egingo balu txarto pentsatutako sub21en lehiaketa plana Israelen ospatzeko asmoarekin, legez kanpo okupatutako lurraldeetako milaka palestinar jarraitzaileei ukatu egingo litzaieke partiduak ikustera joateko eskubidea, kolono israeldarrak inongo oztoporik gabe edozein joan etorria egiteko askatasun guztia izango luketen bitartean.

Irainen mukuru bezala, sub21en amaierarako aukeratutako estadioen artean Bloomfield estadioa dago, lehenago Basa deitua, Shabab kluba-Arab 1948an kanporatu zuten estadioa; Netanya herriko estadioa, Bayyarat Hannun palestinar herri suntsitua izan zeneko azken etxearen gainean eraikitakoa; erreserba moduan Ramat Gan-eko estadioa, “ jabe absentea” delakoaren legea aplikatuz, Jarisha,  Al Jammasin eta Al Sharqi-ko udalei desjabetutako lurretan eraikia, eta Teddy estadioa, Al Maliha suntsitutako herriaren ondoan eraikia.

Teddy estadioa,  Beitar Jerusalem talde entzutetsuaren egoitza ere bada, zeinen jarraitzaileak 2013ko otsailean klubaren eraikin administratiboak erre zituzten Chechnya-ko bi jokalari musulman fitxatu ondoren, eta hilabete bat geroago haietako batek bere lehen gola markatu zuenean, mordo handi batean alde egin zuten estadiotik. Moshe Zimmerman-ek, unibertsitate hebrearreko kirol historialari denak, Beitar Jerusalem-en jarraitzaileak, taldexka estremista bat besterik ez denaren ideiari uko egiten dio eta horrela adierazi du: “Israeldar jendartea orokorrean gero eta arrazistagoa itzultzen ari da, edo gutxienez etnozentrikoagoa eta hau horren adierazgarri da”.

Europa osoan Tarjeta Gorria-ren kanpainak argudiatzen du Israel “ondorioei aurpegia ematera behartu” behar dela. Adierazpen honetan zerrendatutako gehiegikeriak Israel deskalifikatzen dute kiroletako nazioarteko ekitaldiko anfitrioia moduan. Hori baimentzeak zigorgabetasunaren sentsazioa indartzen bai du, gehiegikeriak betikotuz.

Sub21en txapelketa europarra egiteko, Israeli emandako ohore hori erretiratzea eskatzen diogu UEFA-ri, eta etorkizunean ere Israel bazter dezala horrelako ekitaldiak antolatzeko hautagaietatik, giza eskubideen bortxaketa sistematikoak kirolean ez duenaren mezu sendoa igorriz.

Onartezina da Bizkaiak saskibaloi talde bati 5,2 milioi euro ematea

Jakin bagenekien Jose Luis Bilbao eta PNV, saldu nahi digutenaren kontra, oso kudeatzaile txarrak direla. Bizkaitarrekiko behintzat, izan ere, haien adiskide bankari eta enpresaburu handika poz-pozik dituzte haien mesederako eginiko zerga politikarekin. Supersur errepidea dugu adibiderik onena, inork behar eta erabiltzen ez duen makro azpiegitura defizitarioa. Urtero gero eta zulo handiagoa eragiten dio Bizkaiko ekonomiari, baina hasieratik ere, Bilbaok berak aitortu zuen bizkaitarron hainbat belaunaldirako hipoteka zela obra hura… Baina aurrekari horiekin ere, ezin genuen espero Bizkaiko Foru Aldundiaren azken erabakia, kirol talde pribatu bati 5,2 milioi euro bideratzea. Noiz era politika sozialetarako dirurik ez dagoela esaten duenean. Honetaz ari ote zen duela hilabete batzuk “gastuak egokitu eta ekonomia sustatzeaz” hitz egin zuenean? Iruzurraren kontra duela gutxi aurkeztutako kanpaina berregin diogu Bilbaori: Adarra jotzen?

X