Etiketa: Pakea

Alternatibak aldaketaren eragile gisa aurkezten diren alderdiei dei egin die herrikoenaren moduko epai bidegabeak sala ditzatela

Azken egunotan, herri honetako ezker subiranistak mugarri izan diren gertaeretan parte hartu izan du. Erregimenaren gainbehera Nafarroan, arrazakeria instituzionalaren kanporatzea Gasteizen, frackingaren zein transgenikoen debekua Euskal Autonomia Erkidegoan edota etxebizitza duinerako eskubidearen aitortza. Horixe baita, herri honetako esker subiranistaren jardueraren oinarria: pertsona guztien eskubideak eta duintasuna babestea. Batzuek, alabaina, iraunarazi nahi duten gatazka politikoaren oroigarriekin bete nahi dituzte egunkarietako azalak, etekin politikoa atera nahian.

Auzitegi Gorenak atzo berretsitako epaia, Herriko Tabernak konfiskatzea eta ezker abertzaleko hainbat buruzagiren aurkako kondenak eragingo dituena – kartzelan sartu beharrik izango ez badute ere- zentzugabekeria izango litzateke benetan demokratikoa den edozein herritan, botereen arteko banaketa ematen den herrietan behintzat. Espainiako Erresumak, aldiz, bere lotsagabekeria agerian uzteko inolako arazorik ez dauka, gainbeheran dagoen erregimenaren ondorengoa dela erakusten du. Baina desagertzeari uko egiten dion bezala, bakea ere ukatzen du, errepresioa zabaldu eta justizia manipulatzen duen bitartean.

Alternatibatik uste dugu aski dela esateko garaia heldu dela; bere burua demokratikotzat duen gizarte batek ezin du onartu herriaren parte adierazgarri baten militantziak altxatutako ehun bat egoitzen espoliazioa. Estatuan aldaketaren indar direla esaten duten alderdiek ere ez, ezin dute hau onartu; ez baitira aldaketa izango baizik eta ordezkatzea epai honen moduko eskandalu juridiko baten aurrean isilik  gelditzen badira. Ez dute ezer aldatuko militantzia eta disidentzia politikoa diktaduran bezala zigortzen den bitartean entzungorrarena egiten badute.

Ezkerrak ezin du zalantzarik izan bidegabekeriaren aurrean, ezin du beste aldera begiratu greba batean parte hartu izanagatik gazteak preso eraman nahi dituztenean; ez hemen ezta Madrilen ere. Horregatik, gauzak benetan aldatu nahi dituztenek elkartasun harresiak altxatzen dituzte, Gasteizen zein Vallekasen duintasun berarekin eraikitakoak. Lazgarria da azken hamarkadetan Euskal Herria estatuaren errepresioaren laborategi bilakatu izana, baina itxaropentsua da, aldi berean, hilabeteko eta 400 kilometro eskaseko tartean herritarrek modu berean erantzun izana gazte bat babesteko.

Eskumak aspaldi ekin dio “dena ETA da” leloa gure mugetatik harago zabaltzeari; asteotan ikus dezakegu nola erabiltzen duen eskura duen guztia instituzioetako nagusitasuna kendu dietenen aurka. Ikusi beharko dugu nola euskal disidentziaren kontra erabilitako neurriak haiekin ere erabiliko dituen, hasi dira dagoeneko. Horrexegatik, berriro diogu: aldaketaren indarrek erabaki beharko dute non egon nahi duten, zapalduekin edo, ostera, zapaltzaileak ordezkatzea den bere helburua; min handia eragin duen gatazka gainditzearen alde lan egin edo mina manipulatzearen bidez lurralde batasunari kosta ahala kosta eutsi nahi dioten.

Salatu egin nahi dugu, beraz, ezker abertzaleko militante zein buruzagien aurkako enegarren muntai juridiko-poliziala. Bakearekin hartutako konpromisoa, determinazioa eta apustua garesti ordaintzen ari dira, kartzelarekin askok. Gatazkak eragindako minaren ageriko aitortza egin izan dute, batzuek entzun nahi izan ez duten arren. Haiekin da gaur ere gure elkartasuna eta, aldi berean, epai honen moduko gehiegikeriengatik barkamena zeinek eta noiz eskatuko duten galdegin nahi dugu.

Azkenik, Eusko Jaurlaritzari eta alderdi jeltzaleari eskatu nahi diegu argitzeko bidegabekeria honen kontra dauden. Hala balitz, epaiaren kontra badaude, ez dezatela haien eskumeneko polizia bidali epaia egikaritzera. Izan ere, gizartea alde izango dute justiziarik gabeko erabakien aurrean planto egitea erabakiz gero; suhiltzaileek etxegabetzeetan parte hartzeari uko egitea ontzat jotzen den bezala, gehiengoak ulertu egingo du Ertzaintzak bere herriaren kontrako espoliazioan parte ez hartzea.

https://scontent-mad1-1.xx.fbcdn.net/hphotos-xap1/t31.0-8/1557379_1118392731511375_5114064903730949244_o.jpg

https://scontent-mad1-1.xx.fbcdn.net/hphotos-xat1/t31.0-8/11402628_1118392744844707_5697174259075819685_o.jpg

https://scontent-mad1-1.xx.fbcdn.net/hphotos-xat1/t31.0-8/11221615_1118392808178034_2533276843121903225_o.jpg

https://scontent-mad1-1.xx.fbcdn.net/hphotos-xtp1/t31.0-8/11145128_1118392734844708_3099674723720571264_o.jpg

https://scontent-mad1-1.xx.fbcdn.net/hphotos-xfa1/t31.0-8/887591_1118392804844701_1392742929371599661_o.jpg

https://scontent-mad1-1.xx.fbcdn.net/hphotos-xtf1/t31.0-8/11406252_1118392811511367_7765762129976025490_o.jpg

Berriak

Gainontzeko eragile politikoei interes partikularrak alboratuz interes kolektiboa den bakearen eraikuntza lehenesteko deia

Frantziako Asanblada Nazionalean eginiko konferentzia baloratu nahi du EH Bilduk. Konferentzia honen garrantzia azpimarratu nahi du EH Bilduk, bai egin den lekuarengatik, bai parte hartzaileengatik, bai eta edukiengatik.

Edukiei dagokionean, honakoak nabarmendu nahi ditugu:

  • ETA erakundearen armagabetze prozesua era adostu eta kontrolatuan egiteko eskaria eta horretarako Espainiako eta Frantziako gobernuen inplikazio eskaera.
  • Zentzuzko epeak errespetatuz gauzatuko litzatekeen askatze prozesu batean, lehenik eta behin euskal presoen dispertsioarekin amaitzea eta gaixo diren presoak askatzea.
  • Berradiskidetzea eta biktima guztien aitortza, kalte-ordaina eta asistentzia bermatzeko neurriak.
  • Espainiako eta Frantziako gobernuen inplikazioa gatazkaren konponbidean.

Eduki indartsuak, zalantzarik gabe, baina konferentziak berak izan duen babesak eta oihartzunak, bereziki Frantziako estatuan, eduki horien balioa biderkatzen dute.

Konferentzian parte hartu duten lagunei dagokionean, hiru aspektu nabarmendu nahiko genituzke: Nazioarteko ordezkariek berretsiriko inplikazioa, Frantziako estatuko ordezkaritzen maila eta nola ez, Ipar Euskal Herriko ordezkaritzaren aniztasuna, esparru politikoa ia osoa ordezkatzen duena.

Horrelako argazkia posible litzateke Hego Euskal Herrian, horrelako borondate askirik balego. Hori da EH Bilduk gainontzeko eragile politikoei luzatzen dien deia: interes partikularrak alboratu interes kolektiboa den bakearen eraikuntza lehenesteko, konponbidearen aldeko jarrera aktiboa hartuz eta bereziki, oztopoak jartzeari utziz. Hala, gizartearen gehiengo zabal batek aspaldi espero duena marraztea lortuko dugu, pertsona guztien eskubide guztiak errespetatuak izango diren etorkizuna eraikitzea.

EHBildu

Berriak

Bakerako bidean, sakabanaketarekin amaitu

Xabier Soto – Alternatiba

Pasa den apirilaren 21ean, Deustuko unibertsitatera joan nintzen EH Bildu, PSE, EAJ eta PPren Donostiako alkatetzarako hautagaien arteko mahai-inguruan publiko bezala parte-hartzeko.

Nahiz eta antolatzaileen arauak urratu ahal izan nituen, ikasle ez izanda hitza hartzean, eta nire galderaren helburua alderdikoi bezala gaizki interpretatu zitekeen arren – El Mundok egin zuen moduan-, uste dut merezi izan zuela; izan ere, iruditzen zait presoen egoera gazteen artean ezagutarazteko, eta batez ere, gai honen inguruan alderdiek dituzten posizioak pentsa daitekeena baino hurbilago daudela erakusteko balio izan zuela.

Nire hitz-hartzean, Donostian eraildako ehun pertsona baino gehiago izan zirela aipatu, eta erailketak burutu, lesioak eragin edo kalte material hutsak sortu dituztenei eragindako minaren aitortza eskatu beharraz hitz egin ondoren; hautagaiei galdegin nien ea zer eskaintzen zieten 66 preso donostiarrei, zeintzuk sakabanatuak izan diren (Estrasburgoko Auzitegiaren epaiak urratuz); horietako bat konfinatua izan den (Espainiar Konstituzioan aipatzen den birgizarteratze helburua baztertuz); gutxienez zortzi Segiko kide izateagatik kartzelaratuak izan diren (Entzutegi Nazional beraren ondorengo sententziak urratuz, non inkomunikazio-aldian lortutako polizia-aitorpenetan soilik oinarrituta inor ezin dela kartzelaratu adierazten den); pertsona bat (Arkaitz Rodriguez) Bateragune kasuagatik kartzelaratua izan den, bere egoerara kartzelan egoteagatik pairatutako mugikortasun arazoak gehituz; eta beste bat (Carlos Trenor) Egin-eko Administrazio Kontseiluko kide izateagatik kartzelaratua izan den, kasu honetan 70 urte baino gehiago dituela kontuan hartuz eta beraz, egungo Zigor Kodea aplikatuz baldintzapeko askatasunean egon behar lukeela gehituz. Era berean, galdetu nuen ea zer eskainiko zuketen donostiar presoren batek gaixotasun larri eta sendaezin bat pairatuko balu, kasu honetan ere egungo legedia urratuko baitzen.

Eneko Goia (EAJ) eta Miren Albisturren (PP) erantzunei dagokienez, bat egiten ez dudan gauza  bakarra da nire ustez ETAren disolbatzea ezin dela sakabanaketa aplikatzeari uztea erabakitzerakoan kontuan hartu beharreko faktorea izan; besteak beste, 1989a baino lehen ETA ere existitzen baitzen (orain baino modu askoz aktiboagoan), eta urte hartara arte ez baitzen dispertsioa aplikatzen hasi, Felipe Gonzalezen gobernu sozialistaren erabaki politiko baten fruitu, eta Jose Antonio Ardanza buru zuen EAJ, PSE eta PPk osaturiko Ajuria Eneako itunaren oniritziarekin.

Sufrimendua eragin duten eta zorionez gaur egun ematen ez diren beste erabaki politikoekin gertatu den moduan, dispertsioa lehenbailehen amaitu behar da; eta berau aplikatzea erabaki politikoa izan zenez, politikatik ere bilatu behar da presoek eta haien senide eta lagunek pairatzen duten egoerari irtenbide bat ematea.

Presoen eskubideak errespetatuak izatera hurbiltzeko, beharrezkoa izango da elkarrizketan eta lanean jarraitzea beren egoeraren hobetzean lagunduko duten akordio zehatzak lortu ahal izateko; eta zintzoki, uste dut gehiengoaren nahia dela pausu horiek ematea, edo gutxienez geldirik mantentzearen edo atzera bueltatzearen borondatea ez dela nagusitzen. Beharrezkoa den bakarra gizarte zibiletik aldaketa hauek sustatzen jarraitzea da, alderdiak beren hatsa sentitu eta ibilian jarraitzera behartuz.

Zentzu honetan, niretzat helburua argi dago: pertsona guztiek beren eskubide guztiak errespetatuak izango dituzten eszenatoki batera iristea. Eszenatoki hau definitzeko, lehenik eta behin, beharrezkoa izango da guztion artean erabakitzea eskubide horiek zeintzuk izango diren, gutxienez bakean, eta beraz armek inongo norabidetan hartutako erabakiak baldintzatzen ez duten eszenatoki batean bizitzeko eskubidea; giza duintasunaren errespetua bermatzen duten eta birgizarteratze helburuarekin bat datozen presoen eskubideak; eta eragile ezberdinek sortutako biktimentzako egia, justizia eta erreparazioa lortzeko eskubideak jaso beharrez. Edonola ere, garrantzitsuena alde guztiek guztion artean definitutako eskubide horiek errespetatu eta errespetarazteko borondatea izatea dela deritzot.

Norabidea finkaturik dago, gure aurreko pausoek nondik gatozen gogorarazten digute; orain ibilian hastea besterik ez da falta, izan ere, Machadoren poemak zioen moduan: “ibilian dabilenarentzat bere oinatzak bidea besterik ez dira; ibilian dabilenarentzat ez dago biderik, ibilian egiten baita bidea.”

Honako hedabieetan argitaratu da: Ahotsa, Naiz

Berriak

Preso eta senideen eskubideen defentsan: Elkartasuna aurrera!

Euskal errepresaliatu politiko eta hauen senide eta lagunen eskubideen defentsan konprometituak dauden 4 pertsonen atxiloketa salatzen dugu. Euskal preso politikoen defentsa juridikoa egoera onartezinean jarri zuen abokatuen kontrako aurreko operazio polizialak, oraingoan, konfiantzazko mediku asistentzia ere galarazi nahi dute. Nahikoa ez balitz, espainiar gobernuak aurrera pausu berri bat eman du senide eta lagunei erasotzen, salbuespeneko espetxe politika honek dakartzan ondorio lazgarriei aurre egiteko senideei asistentzia eta laguntza psikosozialari erasotzen.

Euskal preso eta euren senideen asistentzian arduratutako kolektibo eta pertsonen kriminalizazioa, eskubiderik eta oinarrizkoenari erasoa dira. Euskal gizarte eta norbanakoen egoera guztiz larria da kontuan hartuta, asistentzia honetan horren oinarrizkoa den presoen osasun eskubidea kokatzen dela, baita ere, senideak senide izateagatik bizi dituzten egoera latzen aurreko salaketa, asistentzia eta elkartasun eskubidea.

Horregatik uste dugu, gizarteak berak erantzun beharko liokeela eraso honi. Giza eskubideen defentsarekin duen konpromisoagatik, bakearekin duen konpromisoagatik, dei egiten diogu euskal gizarteari egoerak dakarren neurrian erantzutera. Eszenatoki berri batera eramango gaituen bideei ateak ireki behar dizkiogu elkarren artean. Konponbideari, giza eskubideen errespetuari eta bakeari atea itxi nahi dion oro gelditzeko nahitaezkoa da gure konpromiso aktiboa.

Deia zabaldu nahi diogu euskal gizarte eta eragile ezberdinei larunbat honetan Donostian burutuko den mobilizazioan parte hartzera. Mobilizazioa, arratsaldeko 17:00etan abiatuko da Anoetatik, “Preso eta senideen eskubideen defentsan, elkartasuna aurrera!” lemapean.

Kartela eta sinatzaileak

Berriak

Matute: “Estatu demokratiko batek ez ditu abokatuak atxilotzen edo herritarren elkartasuna lapurtzen”

Atzo Donostiako kaleak bete genituen, eskubideak aldarrikatuz eta konponbide eske, hainbat eragilek, Alternatibak barne, deitutako mobilizazioan. Alderdiko militanteen artean ordezkari ugari izan genituen Antiguotik abiatutako martxan: Oskar Matute eta Diana Urrea legebiltzarkideak, Ander Rodriguez Politika Sozialeko diputatua, Asier Vega batzarkidea eta Maite Elizondo, Alba Fatuarte eta Aitor Miguel Quintanta Alternatibaren Koordinakunde Nazionaleko kideak, besteak beste.
 
Oskar Matuteren adierazpenak:

Gaur, berriz ere, euskal gizarteak, kaleak hartuko ditu errespetua exijitzeko, gure herriarentzat eskubideak eta demokrazia aldarrikatzeko. Demokratikoa den estatu batek, ez ditu abokatuak atxilotzen, ez ditu presoak mendekurako erabiltzen. Zuzenbide estatu batek, ez du herritarrek bildutako dirua lapurtzen; ez du elkartasuna zigortzen. Baina Espainiako estatua ez da, ez demokratikoa, ezta justua.

Horregatik da hain garrantzitsua kaleak hartzea, joan den astean eta gaurkoan bezala. Argi utzi behar diegu, bakea nahi dugula, Euskal Herria askea eta solidarioa nahi dugula. Eta ez dago operazio politikorik helburu horretan geldituko gaituena. Eraiki nahi dugun herriak ez du haien beharrik. Mehatxuen gainetik gure etorkizuna eraikiko dugu.

https://fbcdn-sphotos-a-a.akamaihd.net/hphotos-ak-xaf1/t31.0-8/10860980_1026564660694183_8043940636576524203_o.jpg

https://fbcdn-sphotos-h-a.akamaihd.net/hphotos-ak-xap1/t31.0-8/10649036_1026564744027508_1366566725363920161_o.jpg

https://fbcdn-sphotos-h-a.akamaihd.net/hphotos-ak-xfp1/t31.0-8/10620411_1026564624027520_632919885669649909_o.jpg

https://scontent-a.xx.fbcdn.net/hphotos-xpa1/t31.0-8/10333292_1026564640694185_2246454904735498038_o.jpg

https://fbcdn-sphotos-d-a.akamaihd.net/hphotos-ak-xap1/t31.0-8/10911352_1026564670694182_7934500708324530077_o.jpg

https://fbcdn-sphotos-e-a.akamaihd.net/hphotos-ak-xap1/t31.0-8/10904515_1026564794027503_1547349005033084203_o.jpg

https://scontent-b.xx.fbcdn.net/hphotos-xap1/t31.0-8/10919404_1026564984027484_9007859353055269363_o.jpg

Berriak

Alternatibak dio gaurko atxiloketak estatuaren usteltze demokratikoaren adierazle direla

Operazio polizial gisa mozorrotutako gaurko operazio politikoaren harira, Euskal Herriko udalerri desberdinetan 16 atxiloketa ekarri dituena, Alternatibaren Koordinakunde Nazionaleko kide Ayem Oskozek salatu nahi izan du “herri honen normalizazio politikoaren eta herritarren eskubideen aurkako enegarren erasoa”. Esan duenez, operazioak “berriz ere egin du zuzenbide estatu batean ukiezina izan beharko litzatekeen defentsarako eskubidearen kontra, hain zuzen ere, justiziaren gainetik eta mendekurako zein eskubideak urratzeko ad hoc sortutako legeei aurre egin behar dieten abokatuak direlako atxilotutakoak”.

Alderdi ezkertiarreko bozeramaileak gogorarazi du “muntaiak” Madrilen gaur hastekoa zen eta bertan behera gelditu den makro epaiketaren hasierarekin bat egin duela, “ezker abertzaleko 35 lagunen ekintza erabat politikoa zigortu nahi duena”, hauen abokatuetako batzuk ere atxilotutakoen artean daudenean. Horren ildotik, salatu egin du fiskaltzak auzia ireki nahi izana auzipetuek konfiantzako babes legalik gabe egon arren.

Alternatibatik fartsa politiko-polizial guztiekin bukatzea exijitu dute, “Espainiako Erresumaren usteltze demokratikoaren inguruan ke lainoak” altxatu ez ezik, “bakea oztopatzea eta pertsona ororen eskubide guztiak bermatuko dituen Euskal Herri burujabea eraikitzeko bideari trabak ipintzea” bilatzen dutelako bakarrik. Horregatik, Oskozek gizarte osoari zein eragile sozial, sindikal eta politikoei dei egin die, bakearen eta eskubideen alde gaur eta hurrengo egunetan egingo diren mobilizazio guztiekin bat egin dezatela, “gaurko atxilotuen askatasuna eta frankismoaren oinordeko diren auzitegietako makro-epaiketa ororen amaiera” aldarrikatzeko.

Berriak

EHBilduk bere babesa eta atxikimendua adierazi dio Kolonbiako bake prozesuaren aldeko konferentziari

Kolonbiarrak eta euskal herritarrok asko dugu komunean. Arrazoi ekonomikoa zein politikoak direla medio, ugariak izan dira Kolonbiara alde eginiko euskaldunak. Era berean, hemen gurean ere, arrazoi ekonomikoak zein politikoak direla etorritako kolonbiarrak ere ,ez dira gutxi.

Horretaz gain euskaldun eta kolonbiarrak azken hamarkada luzeetan gatazka amaigabean bizi izanak batu gaitu. Bi herriotan erro historiko eta politikoak dituen biolentzia bizi izan dugu, eta orain oso gutxi arte, bi herrioi gatazkan bizitzera kondenatuak izango bagina bezala tratatu izan gaituzte.

Baina ez da horrela izan. Zeren bi herriok batzen gaituen beste elementua “bakea eta askatasunean” bizitzeko griña da. Asko sufritu duten herriek ondo dakite noraino den ona eta beharrezkoa bakea.

Horregatik, Aieteko jauregian orain hiru urte bake bidea gure herrian ireki zuen konferentziaren leku berean Kolonbiaren bake prozesuaren aldeko konferentzia bat egiteak pozten gaitu.

Gatazkak, noski, desberdinak dira, hemendik pasatu diren hainbat eta hainbatek azaldu diguten bezala, ez dago gatazka berdinik, eta bide eta irtenbideak ere desberdinak dira. Baina helburua, aldiz, berdina da: Bake justu eta iraunkorra lortzea.

Gatazka luze hauei irtenbidea ematea beti da zaila, beti daude ezbehar eta ezustekoak (nahita edo nahigabekoak). Kolonbiako kasuan Cano komandantearen hilketa edota Euskal Herrian Arnaldo Otegiren espetxeratzea bezalako kasuak…, horrelako prozesu zailak froga gogorren aurrean daude beti eta zailtasunen gainetik beti aurrera egiteko borondatea agertzeak prozesuaren atzeraezintasunaren adierazle dira. Azken asteotan Kolonbian ere une zailak bizi izan dira baina aldeorok erantzunkizun osoz jokatu du.

Maila horretan prozesuaren deseskalamendurako neurriak ematea eta Gobernu zein FARCek sueten akordioa lortzeak berebiziko garrantzia dutela deritzogu. Aldeei dei egiten diegu akordiorako esfortzuak areagotu ditzaten.

ELNrekin ematen ari den elkarrizketa esploratxaileek ere lehenbailehen emaitza positiboak izatea espero degu. Eta horretara animatzen ditugu aldeak.

Argi dago, beraz, aukera paregabea dagoela gatazka honi,euskal gatazkari bezala, behin betiko irtenbidea ematekoa. Kontua borondate politikoan eta herritarron babesean dago, herritarron griñan.

EH Bilduk, babes osoa agertu nahi dio Kolonbian burutzen ari den pake prozesuari eta gure eskuetan dauden aukerak baliotuko ditugu prozesu hau ahal dugun einean babestu eta laguntzeko.

http://alternatiba.net/old-files/Urrea Arraiz Kolonbia.jpg

Berriak

Alternatibak bakea eraikitzen Lokarrik eginiko lana eskertu eta gatazkaren konponbidean euskal gizartea inplikatzea lortu duela nabarmendu du

Alternatibako bozeramaile nazional Oskar Matutek gaur goizean Lokarrik iragarritakoa izan du hizpide, alegia, datorren urteko martxotik aurrera beren jarduerari utziko diola. Ordura arte, bakearen eta herri honetako normalizazio politikoaren alde lanean jarraituko dute, “duela 8 urte jaio zenetik gaur arte sutsuki egin duten bezalaxe, ehunka lagunen artean, beren buruaz dioten bezala, akordioaren, kontsultaren eta berradiskidetzearen aldeko sarea osatuta”.

Alderdi ezkertiarretik eskertu eta nabarmendu egin dituzte “bakerako ezinbestekoak” izan diren Aieteko Konferentzia edota Bakerako Foro Sozialaren deialdi desberdinak, zeinetan gizartea bakea lortzeko helburuan inplikatzea lortu duten, “mugarriak izan dira Euskal Herriko normalizazio politikoaren, gatazkaren konponbidearen eta gizartearen berradiskidetzearen bidean, bakea nagusi izango duen etorkizun baterako oinarriak jartzen lagundu dutela, Paul Rios eta Lokarri osatzen duten gainerakoekin zorra izango duen etorkizuna, hain zuzen ere”.

Azkenik, Matutek azpimarratu egin du “oztopoen gainetik eta beren lanaren inguruan gezurretan aritu diren arren, Lokarrik lan txalogarria” egin duela eta, horregatik, “hutsune handia utziko du euskal gizartean”. Hala ere, gaineratu du bozeramaileak, “beren bidea amaitutzat emango dutela esatearekin berez albiste pozgarria zabaldu dute, izan ere, gaurko agerraldian azaldu dutenez, atzera egiterik ez duen bake prozesu baterako baldintzak lortu direla berresten du”.

Berriak

Alternatibak preso gaixoen eskubideak aldarrikatzeko biharko protestarekin bat egitera deitu du

Alternatibak bihar, larunbata, Donostian egingo den elkarretaratzean parte hartu eta presoen eskubideak aldarrikatzera deitu du. Boulevardetik 17:00etan aterako den martxa Ibon Fernandez Iradi, Gari Arruarte eta Aitzol Gogorza Gipuzkoako preso larri gaixotuen askatasuna eskatzeko antolatu dute.

Ezkerreko alderditik gogorarazi dutenez, inoiz ez da arrazoirik egon euskal presoen aurkako salbuespeneko neurriak hartzeko, izan ere, espetxe politika horiek presoen oinarrizko giza eskubideak urratu dituzte. Baina zigorrak, haientzat ez ezik, beren senide eta lagunei ere kalte egin diete, sakabanaketak izan dituen ondorio lazgarriekin edota Badajoz berriki ikusi dugun gertaera larriarekin, kolpe handia hartu zuen preso baten amari anbulantzia ukatu baitzioten presondegiko funtzionarioek.

Eta legearen aurka jokatzeko arrazoirik inoiz egon ez bada, are gutxiago dira gaur egun, ETAk jarduera armatua laga zuenetik urteak pasa direnean, presoen kolektiboak berraskidetzearen urrats irmoak egin dituenean, eragindako minarengatik barkamenak ere eskatu dituela, eta guztiaren gainetik, euskal gizartearen gehiengoak normalizazioaren alde eta urte luze iraun duen gatazka atzean uzteko konpromisoak eskatzen dituenean, pertsona guztien eskubide guztiak berrezarrita.

Alternatibako ordezkariak izango dira biharko martxan, besteak beste, Amaia Agirresarobe bozeramaile nazionala, Gipuzkoako koordinatzaile Ayem Oskoz eta Koordinakunde Nazionaleko kide Alba Fatuarte.

Berriak

Ubiria: “Aski da espetxe politika bake eta konponbidearen aurka erabiltzeari”

Deialdian adierazi bezala, agerraldi honen bidez EH Bilduk babesa adierazi nahi dio larunbat honetan Donostian burutuko den “Preso gaixoak kalera!” lelodun manifestazioari.

Gaixotasun larri edota sendaezinak dituzten presoei ezartzen ari zaien espetxe politika ankerkeria eta mendekuaren adierazle nagusia da. Mendekuan eta giza eskubideen urraketa sistematikoa oinarri duen espetxe politika ezartzen zaie euskal presoei. 

Larriki gaixorik dauden Ibon Fernandez Iradi, Gari Arruarte eta Aitzol Gogorza preso gipuzkoarren askatasunaren aldeko herri ekimenek deitu dute larunbateko mobilizazioa. EH Bilduk salatu egin nahi diru hiru preso hauek zein gainontzeko gaixo larriek pairatzen duten egoera. Nabarmentzekoa da aste honetan berriro ere Ibon Iparragirre preso ondarrutarra isolamendura zigortu dutela eta Aitzol Gogorzari askatasuna ukatu diotela.

Ankerkeria eta mendekua ez da ordea soilik presoei mugatzen. Senide eta lagunak ditu ere jo puntuan. Horren adibide gordina da Badajozen preso dagoen Igor Gonzalez Solaren amak, Bixenta Solak, istripu baten ondorioz izaniko zauriak artatzeko anbulantzia bat deitzeari uko egin  ziotela kartzelariek.

Bada garaia mezu argi bat luzatzeko: Aski da espetxe politika bake eta konponbidearen aurka erabiltzeari. Ez dugu sufrimendu eta krudeltasun gehiagorik normaltasunaren baitan kokatzen utziko. Gaixo diren presoak etxeratu arte ez dugu etsiko. Euskal preso politiko guztiak Euskal Herrira ekarri, lehen fasean, eta guztiak kaleratu arte ez dugu atsedenik hartuko.

Hau ez da gure aldarrikapen isolatua, hau euskal gizartearen gehiengo zabalaren nahia besterik ez da, eta gauzatzeko ordua da. Amaitu dira aitzakiak: gauzatzeko ordua iritsi da.

Horregatik, herritar orori deia luzatzen diogu larunbatean burutuko den manifestazioarekin bat egiteko eta era berean, presoen eskubideen aldeko dinamika zabala biderkatzeko.

Berriak

Alternatiba | Ezkerra eraldatzearen erronka

X