Alternatibak elkartasuna adierazi dio SAT sindikatuari eta bere militanteen aurkako jazarpenari uzteko exijitu dio Madrilgo gobernuari

lternatibatik SATeko militanteen atxiloketak gelditzeko exijitu du, “aberatsenak babesten dituen gobernu baten menpekotasunari bakarrik erantzuten diotelako, herritar xumeen egoera larria arintzeko ezer egiten ez duen bitartean”. Alderdi ezkertiarreko ordezkariak, halaber, Mercadona bezalako elikadura sektoreko supermerkatu kateek zaborrera botatzen duten elikagai kopuru handiaz ohartarazi du, gero eta pertsona gehiago pobrezian bizi direnean.

http://alternatiba.net/idazlanak/1845/alternatibak-elkartasuna-adierazi-dio-sat-sindikatuari-eta-bere-militanteen-aurkako-j

Elikadura subiranotasuna eta NPB (Bideoa)

Antonio Basagoitik eta beste hainbatek asteotan botatako astakerien ostean, EhBilduk Elikadura Subiranotasunaren aldeko lan taldea martxan jarri izanaren harira; argigarria izan daiteke elikadura subiranotasuntaz ari garenean zertaz ari garen argitzea. Bide honek horretarako aukera bikaina ematen du oso modu errazean (gazteleraz baino ez dago).

http://alternatiba.net/idazlanak/1846/soberan%C3%AD-alimentaria-y-las-pac-elikadura-subiranotasuna-eta-npb

Alternatibak kopagoaren bidegabekeria salatu du eta Lakuari eskubide sozialak propagandatik haratago babesteko galdegin dio

Alternatibatik bidegabea deritzote herritarren gehiengoari botikak ordainarazi eta gizarteko sektorerik ahulenetako bati osasun estaldura kentzeari. Gainera, ezkerreko bozeramaileak azpimarratu duenez, “ustez, 33 milioi euro aurrezteko besterik ez du balio, Espainiako Aurrekontu Orokorrek aurten AHTeko lanetarako aurreikusitakoaren hamarren bat beraz”. Kopuru horri, halaber, “sistema berria ezarri eta kudeatzeak dakarren gastua kendu beharko zaio”. Gogorarazi du, bestetik, EAE, Nafarroarekin batera, Espainiako Erresuman industria farmazeutikoarekiko zor gutxien duen erkidego autonomoa dela.

http://alternatiba.net/idazlanak/1840/alternatibak-kopagoaren-bidegabekeria-salatu-du-eta-lakuari-eskubide-sozialak-propaga

Ez dugu sakrifiziorik onartzen

Espainiako Erresumako Presidente Mariano Raxoik lepora zuzendutako labankada eman die herritarrei, murrizketa, BEZaren igoera eta kotizazio sozialen beherakada – langileen soldataren zati bat jaitsita- deitu arren. Erasoa justifikatzeko, Aznarren ondorengoak “sakrifizioa onartu eta zerbaiti uko egiteko” unea heldu dela ziurtatu zuen, bestela, “sakrifizioak alboratu eta guztiari uko egin” beharko litzaiokeelako. Banka ahalguztiduna odol eske ari da, eta ez du inongo aingerurik bidaliko Abrahamen eskua geldiarazteko. Herria da bere kateak eskatu beharko dituena, sakrifizioak orain onartzeak guztiari uko egitea ekarriko baitu.

http://alternatiba.net/idazlanak/1838/ez-dugu-sakrifiziorik-onartzen

PPk, EAJk eta PSEk Kutxabank lehenbailehen pribatizatu nahi dutela salatu du EH Bilduk

PNVk PPrekin bat eginik, aurrezki kutxak banketxe pribatu bihurtzeko asmoa salatu behar dugu eta gizarte ekintzaren edo kapital publikoaren inolako arrastorik ez uztea. Euskal kutxak fundazio bihurtzeak bere sorrerako helburua alboratzea suposatuko du, gizarte ekintzaren desagerpena ekarriko du eta pribatizazioaren bideari ateak irekiko dizkio. Horretarako egin dute ituna PPk eta EAJk administrazio kontseiluan botere osoa eskuratzeko, beren eredu eta apustua Kutxabank-en etorkizuna esku pribatuetan uztea delako, eta horretan PSEk babesa adierazi die.

http://alternatiba.net/idazlanak/1837/ppk-eajk-eta-psek-kutxabank-lehenbailehen-pribatizatu-nahi-dutela-salatu-du-eh-bilduk

Alternatibak espero du Giza Eskubideen Auzitegiaren epaiak espetxe politika aldaraztea

Jorge Fernandez Diaz ministroak iragarritako errekurtsoaren kontra, Alternatibatik “salbuespen zein mendeku legeen arabera kartzelan jarraitzen duten preso guztien askatasuna” eskatu dute. Era berean, Espainiako Erresumako Gobernuak Ines del Rio espetxetik ateratzeko asmorik ez duela ikusita, Matutek ohartarazi dio Raxoiri “herritarren gehiengoak eskertuko liokeela jarrera intsumisoa Bruselarekin hartzeko Estrasburgorekiko hartu beharrean”, Madriletik inolako eztabaidarik gabe onartu dituzten irizpide ekonomikoak aipatuz.

http://alternatiba.net/idazlanak/1810/alternatibak-espero-du-giza-eskubideen-auzitegiaren-epaiak-espetxe-politika-aldarazte

PNVk eta PPk Kutxabank esku pribatuetan uzteko egin zuten akordioa

Ezin dugu onartu Kutxabank-en pribatizazioa, ez eta etengabe bere hedatze espekulatiboa izatea helburu. Herritarren zerbitzura egongo den eta planifikazio sozial eta ekonomikoa izango duen banka publikoa behar dugu, eta hori da gure aldarrikapena. Sistema finantzario publiko, garden eta demokratikoa behar dugu, gure herriko ehun industrial eta sozialaren beharretara egokituko dena. Horrela bada, krisi sistemikoa gainditzen lagunduko gaituen sistema finantzario publikoa defendatzen dugu.

http://alternatiba.net/idazlanak/1807/pnvk-eta-ppk-kutxabank-esku-pribatuetan-uzteko-egin-zuten-akordioa

Alternatibak positibotzat jo du ETAk aitortu izana herritarrak direla protagonistak gatazka konpontzeko bidean

Matutek nabarmendu eta “aurrerapausotzat” jo du ETAk berak aitortu izana “herritarrak bizi dugun gatazka politikoa konpontzeko giltza direla, prozesu honetako motor eta protagonista izan behar direla, edozein motatako tutelak desagerrarazita”. Edonola ere, kezka azaldu “arriskutsua” delako “Alderdi Popularrak eta Alderdi Sozialistak, eta Frantziako zein Espainiako Erresumako Gobernuek haien botere esparruetatik inolako urratsik ez egitea”.

http://alternatiba.net/idazlanak/1806/alternatibak-positibotzat-jo-du-etak-aitortu-izana-herritarrak-direla-protagonistak-g

Irakaspen mexikarrak ezkerrarentzat

Ezkerrak joan den igandean Mexikon eginiko hauteskundeak aztertu behar ditu, hiru arrazoi direla medio: PRIren garaipena eta, ondorioz, presidentza berreskuratzea oraingoan Peña Nieto buru izanda; Lopez Obradorren eta PRDren porrot berria eskuinaren aurrean alternatiba gisa aurkezteko helburuan; antolatutako gizarte zibilaren esku-hartzea kanpaina osoan, oposizioaren proposamen berrien benetako eragile gisa.

http://alternatiba.net/es/idazlanak/1801/lecciones-mexicanas-para-la-izquierda

Euskal herritarrek saltokiak jai egunetan irekitzeko beharrik zein gogorik ez dutela erantzun dio Alternatibak gobernu zentralari

Bilbo izanik turismoaren aitzakiapean neurri neoliberal hauek pairatuko dituen estatuko 14 hirietako bat, nabarmendu egin du “gero eta gehiago direla auzoetan egoerari aurre egin ezinik, krisiari batetik baina baita berdintzerik ez duten konkurrentziari, negozio txikiek porrot egiten dute eta gure auzoak basamortuetan eraldatzen ari dira”. Hala, alderdi ezkertiarreko bozeramaileak salatu du Alderdi Popularraren egitasmoak sektorearen erabateko liberalizazioa dakarrela, “denda kate handien eta saltoki erraldoien neurrira egin dutelako, inondik inora herritarrengan pentsatuz eta, are gutxiago, merkataritza txikiaren mesederako”. Horrexegatik, euskal erakunde guztiei dei egin die, “eskura eta eskumenetan dituzten aukera guztiak balia ditzaten neurri hauek saiheste aldera”.

http://alternatiba.net/es/idazlanak/1799/patakon-aurrera-concentraci%C3%B3n-kontzentrazioa-bilbo

Laura Mintegi, eh Bilduren lehendakarigaia

EUSKAL HERRIA BILDU koalizioak bere lehendakarigaia aurkeztu nahi du gaur Euskal Autonomi Elkartean burutuko diren hurrengo hauteskundeetarako, eta arduraz eta ilusioaz nereganatzen dut erantzukizun hori. ARDURA aipatu dut, Euskal Herria Bilduren inguruan pertsona askoren proiektu politikoa eraikitzen ari delako, eta proiektu hau ez da biltzen bakarrik une puntual baterako. Proiektu hau Euskal Herri osoko ezkertiarren eta soberanisten proiektua da, iparrean bizi edo hegoan bizi, mendebaldean edo ekialdean.

http://alternatiba.net/es/idazlanak/1796/la-candidata-lehendakari-de-eh-bildu-laura-mintegi-eh-bilduren-lehendakarigaia

Alternatibak erakundeetako ordezkariei eta herritarrei dei egin die alarde mistoa babes dezaten Irungo kaleetan

Alternatibako Mahai Feministako bozeramaile Amaia Agirresarobek instituzio guztiei eta Irungo herritarrei dei egin die gaur, alarde mistoa osatzen duten konpainiak babesteko kalera atera daitezela bihar, “benetan publikoa den alarde bakarra, parte-hartzailea eta bazterketarik gabekoa sostengatzeko”. Babes honek bilatu behar duena, alarde mistotik aldarrikatzen dutenez, “etorkizunean alarde bakarra egotea da, parekidea eta parte hartu nahi duten pertsona guztiei zabalik”.

http://alternatiba.net/idazlanak/1790/alternatibak-erakundeetako-ordezkariei-eta-herritarrei-dei-egin-die-bihar-alarde-mist

EH Bilduk bat egin du I26ko greba deialdiarekin eta murrizketen aurka bihar Bilbo betetzeko deia egin du

Neurri horiek bata bestearen atzetik salatu ditugu, eta bide beretik jarraituko dugu erasoek darraiten bitartean. Onartutako neurri guztien helburua baita finantza merkatuen eta sistema kapitalistaren erreskatea gauzatzea. Horiek dira beraiek krisia deitzen duten horren sorburua, herritarrok argi dugulako horrek beste izen bat daukala: estafa. Madrilgo gobernuak, Alemaniako instituzioek eta batez ere bankak agindutakoaren aurrean makurtuta, eta Gasteizko gobernuaren erantzun epela tarteko, salbuespen egoera batean kokatu gaitu. Egoera horrek, baina, badu ondorio baikor bat: herritarrak ez dira eskuak gurutzatuta geratuko tamaina honetako zapalketaren aurrean.

http://alternatiba.net/idazlanak/1830/eh-bilduk-bat-egiten-du-i26ko-greba-deialdiarekin-eta-murrizketen-aurka-bihar-bilboko

Soldata mugak eta PFEZa

Ezmorala da, eta gaixotutako gizarte batean besterik ezin da ulertu, batez besteko soldata baino ehun aldiz gehiago irabazten duten pertsonak egotea eta, gainera, haien helburu bakarra are gehiago irabaztea izatea. Hortik dator kapitalismo basatiak sortutako soldata alde eskandalagarriak arautzeko beharra. Muga ez da zuzeneko debekua izaten, errenta altuek beren irabazien parte bat mozorrotzeko gaitusun handia baitute. Aldiz, lan errenten gainean tipo oso altuak ezartzean datza irtenbidea, %90ekoa edo gehiago, irabazi tarte jakin batetik gorako errentei.

http://alternatiba.net/es/idazlanak/1833/los-topes-salariales-y-el-irpf

Iberdrola edo erruduna nola saritu

Multinazional guztiek bezala, irabaziak beste ezerren gainetik lehenesteko estrategiaren baitan, Iberdrolak ez du inolako eragozpenik beste herrialde batzuetako baliabideak ustiatzeko, bere diskurtso berdea zeharo ahaztuta eta bereziki Latinoamerikan aztarna beltza utzita: giza eskubideen alde nazioartean jasotzen diren eskubide sozial, politiko eta ekologikoak ezabatuta. Hala, eta herrialde jakin batzuek enpresa transnazionalekiko dituzten legedi eskuzabalak baliatuta, erabat ohikoak dituzte kaleratzeak, sindikatutako langileekiko mehatxuak, prezioen zein ordainketen gaineko iruzurra, lur desjabetze zein jende kanporatzeak haien proiektu energetikoen ondorioz, eta abarrekoak.

http://alternatiba.net/idazlanak/1827/iberdrola-edo-erruduna-nola-saritu

Emakumeak, etengabeko krisian

Bereziki adierazgarria da ugalketa eta zaintza lanekiko mespretxua eta ikusezin bihurtzeko joera, ia bere osotasunean emakumeek garatutako lanak. Ez dezagun gure burua engainatu, ekonomia ospetsua – erreala zein finantzaria- izebergaren punta da, ugalketa lanean oinarritzen dena eta desagertzekotan sistema osoa ondoraraziko lukeena. Argi eta garbi esan behar dugu, emakumeok bizitza eta planeta daramagu gure sorbalden gainean, merkatua eta ekonomia ofiziala existitzen badira ugalketa lanari esker besterik ez da; noski, lan ordaindu gabea edo prekarioa.

http://alternatiba.net/es/idazlanak/1822/mujeres-permanentemente-en-crisis

Alternatibak salatu du murrizketak herritarren aurkako merkatuen estatu kolpe bortitza direla

Alternatiba osatzen dugunontzat, modu bakarra dago Mariano Raxoik eta Espainiako erregeak gaur presidituko duten ministroen kontseiluan gertatuko dena: Estatu kolpea. Merkatuek zuzendutako estatu kolpea, klase herritarren duintasunarekin amaitu nahi duena, botere politikoaren birzentralizazioa  bilatzen duena eta urte luzez ongizate estatu gisa saldu diguten iruzurraren errotik desegitera datorrena.

http://alternatiba.net/idazlanak/1818/alternatibak-salatu-du-murrizketak-herritarren-aurkako-merkatuen-estatu-kolpe-bortitz

EH Bilduk proposatzen du hipoteka ordaindu ezin dutenei finantza erakundeek luzamendua ezartzea

Ondoriorik lazgarrienetarikoak etxe desjabetzea pairatu duten pertsonak dira. Krisialdiaren hasieratik 9.000 lagun baino gehiagori kendu egin zaio etxebizitza Hego Euskal Herrian. Horren berri ematen diguten datuak nahiko argigarriak dira. Aurtengo lehen hiru hilabeteetan bakarrik, 968 etxe desjabetu dira Araban, Bizkaian eta Gipuzkoan, EAEko Justizia Auzitegi Nagusiaren arabera. Nafarroan, berriz, Hipotekek Kaltetutakoen Plataformak 370 desjabetzeaz hitz egin izan du iazko datuak aipatuz.

http://alternatiba.net/idazlanak/1816/eh-bilduk-proposatzen-du-hipoteka-ordaindu-ezin-dutenei-finantza-erakundeek-luzamendu

Ingurumenarekiko konpromisoak

Ingurumena ere gizakion krisiaren biktima da, finantza sistemak baino lehenago pairatu behar izan zituen sistemaren ankerkeriak. Gizateriaren berekoitasunak munduko makina bat baso ustiatu ditu eta orain baso horiek arnasestuka dabiltza, jatorri fosileko energi iturrien agorpenaz eztabaidatzen den unean, oraindik ere alderdi eta sektore batzuk horren apustu egiten dute, nahiz eta itxura aldetik apaindu duten modernitatearen izenean (fracking-a dugu horren eredu), gure bizimoduaren erritmo aldaketaren planteamendua oraindik errotik aztertu gabe, zaborren kudeaketaren aurrean hausnarketa eta eztabaida kaleratu da zorionez..

http://alternatiba.net/idazlanak/1730/ingurumenarekiko-konpromisoak

Subjektu politiko berri bat agenda politikoa iraultzeko

Hego Euskal Herriko agenda politikoa «iraultzea» helburu duen «subjektu politiko berri bat» osatzeko konpromisoa hartu dute ezker abertzaleak, Aralarrek, EAk eta Alternatibak. Orain arte, Bildu eta Amaiurren bitartez, ezkerreko indar subiranista eta independentistek egindako elkarlanari segida emango diote, beraz, lau indar politiko horiek. «Luzera begirako akordioa» egin dute ezker abertzaleak, EAk, Alternatibak eta Aralarrek; akordioaren hamalau orrialdeetan markatutako puntuetan «elkarrekin eta lehentasunez» lan egingo dutela diote, baina alderdi bakoitzak bere helburuei eta nortasunari eutsiko die.

http://alternatiba.net/idazlanak/1732/subjektu-politiko-berri-bat-agenda-politikoa-iraultzeko

Alternatibak AHTren kontra Hernanin eratuko duten giza katearekin bat egitera deitu du

Ekologia Mahaiarentzat “zentzugabekeria” da AHTa bezalako proiektuei eustea “erakunde batzuetatik eskubide sozialak urratzen dituztenean, orain arte ukiezinak ziruditen hezkuntza eta osasungintzan murrizketak egiten dituztenean, milaka eta milaka gizon eta, batez ere, emakume, pobreziara kondenatzen dituztenean”. Guzti horregatik, Vegak Hernanira joateko deia berretsi du, elkarretaratzeak “trena geldiarazteko beste indar har dezan”.

http://alternatiba.net/idazlanak/1724/alternatibak-ahtren-kontra-larunbat-honetan-hernanin-eratuko-duten-giza-katearekin-ba

Alternatibak Europako erakundeen xantaia salatu du murrizketa gehiago exijitzen dituztelako

Alternatibak Europako erakundeetatik proposatutako xantaia salatu du, “malgutasunaren ordainean sistema eta logika jasangaitzak iraunarazi nahi dituztelako”. Matutek ohartarazi duenez, “merkatuen diktadurak esklabutzara zigortu nahi gaitu, bere interesak gure bizitzaren gainetik lehenetsita”. Horren aurrean, ezkerrak argi esan behar die herritarrei “egoera honi aurre egiteko beste modu bat badagoela, enplegu duina, zerbitzu publikoak eta gizarte babesean oinarritutakoa. Izan ere, bizitzaren sostengarritasuna gure kezka guztien erdigunean jartzea dugu modu bakarra bazterkeria, pobrezia eta miseria gainditzeko”.

http://alternatiba.net/idazlanak/1719/alternatibak-europako-erakundeen-xantaia-salatu-du-beharrizan-handiagoak-dituzten-sek

Arma ez da hiltzailea

Oraintxe bertan Araban 20 Kaleratze Espediente baino gehiago daude mahai gainean, 25.000 langabe baino gehiago, gure bizilagunak, gure kideak, eta ez dirudi politika hauen jarraipena errazteak, Raxoiren azken erreformak suntsipen handiko armekin gauzatutako eraso neoliberal bortitz honen zehar kalteak murriztuko dituenik.

http://alternatiba.net/idazlanak/1714/arma-ez-da-hiltzailea

Eredu sozial eta ekonomikoa iraultzeko asmoz proposamen zehatza aurkeztu dugu

Neurri horiek beste eredu sozial bat eraikitzea ahalbidetuko dute, eredu bidezkoago bat, gizon eta emakumeen arteko aukera berdintasuna bermatuko duena, ingurumena zainduko duena eta parte-hartzea sustatuko duena. Azken finean, inposatu nahi diguten neoliberalismo basatia gaindituko duen eredua.

http://alternatiba.net/idazlanak/1710/eredu-sozial-eta-ekonomikoa-iraultzeko-asmoz-proposamen-zehatza-aurkeztu-dugu

Bideo-laburpena: Alternatibak lotuz, politikan parte hartzeko beste era bat

Asteotan, Alternatibak hainbat hitzaldi antolatu izan ditu, bere egituraren berri eman eta politikan parte hartzeko beste era bateko apustuaz mintzatzeko. Bideo honek Beasainen (Gipuzkoan) egindako hitzaldiaren laburpena eskaintzen du, lurralde hartako antolaketa arduradun Xabi Soto eta Oskar Matute Alternatibako bozeramailea aritu ziren hizlari.

http://alternatiba.net/idazlanak/1737/alternatibak-lotuz-otra-manera-de-participar-en-pol%C3%ADtica-hitzaldiaren-bideo-laburpena

Hitzaldi irekia ekainaren 13an Donostian: Gizarte zibila bakea eta normalizazio politikoruntz

Alternatibak hitzaldi irekia antolatu du datorren asteazkenean, ekainak 13, Donostiako Koldo Mitxelena Kulturunean, 19:00etatik aurrera, bakegintzaz eta normalizazio politikoaren inguruan. Paul Rios (Lokarri) eta Sabino Ormazabal (Argituz) arituko dira hizlari “Gizarte zibila bakearen eta normalizazio politikoaren bidean” izeneko ekitaldian. Garai politiko berria eraikitzeko bidean iragan urtean emandako pausoen ostean, Alternatibak, oraindik ere, funtsezkoa deritzo aurretik ditugun oztopoak gainditu eta gatazka gainditzeko ahaleginak bilduko dituen agendan lan egiteari herritarren protagonismoa nagusi izango duen prozesuan. Horren harira dator hitzaldi hau antolatzea.

http://alternatiba.net/DonostiaHitzaldiaRiosOrmazabal

Greziaren duintasuna bestelako Europarako

Ekainaren 17an hauteskunde orokorrak izango dira Grezian. Prozesua bereziki garrantzitsua izango da Europarentzat, baina baita Europako ezker osoarentzat ere. Izan ere, finantzen merkatuaren eztandaz geroztik, mugimendu sozialen eta alderdi politikoen erresistentziaren zein erantzun sendoez gain, honakoa aukera ezin hobea izango da Merkelen estrategia ultraliberalari, NDFari eta haiek sortutako proiektu europarrari zuzenean aurre egiteko. Ezkertiar guztiok itxaropenez ikusten dugu Grezia, eta bereziki hauteskundeak irabaz ditzakeen Syriza ezkerreko koalizioa, batez ere EBren xantaiaren aurka agertu delako.

http://alternatiba.net/idazlanak/1745/greziaren-duintasuna-bestelako-europarako

Euskal Herriak behar duen ezkertiar eta subiranisten indar metaketa

Beste behin ere, hemen elkartutako lau alderdiok, Euskal Herriak behar duen ezkertiar eta subiranisten indar metaketari erantzutera goaz. Garai zailak ditugu aurrean, baina porrotera eraman gaituztenen diskurtso bakarrari aurre egin behar diogu, finantza botereen mesedetara daudenei. Alternatibak, Aralarrek, Eusko Alkartasunak eta ezker abertzaleak herritarren gehiengo zabal baten babesa izan duen koalizioa berretsiko dute hurrengo hauteskundeei begira, lauron arteko elkarlanari jarraipena emateko.

http://alternatiba.net/idazlanak/1741/amaia-agirresarobe-bada-garaia-eredu-ekonomiko-eta-sozial-berrirako-bidean-urratsak-e

Alternatibaren Asanblada nazionalak aho batez erabaki du hurrengo bozetara koalizioan joatea

Alternatibaren Asanblada nazionalak bilera egin du Gasteizen, eta aho batez erabaki du Euskal Herriko ezkertiar eta subiranisten indar metaketari jarraipena ematea, hurrengo hauteskundeetara Aralar, Eusko Alkartasuna eta ezker abertzalearekin batera koalizioa osatuta aurkeztuz. Gure herriak behar duen subjektu ezkertiar eraginkorra indartzeko tresnarik egokiena dela uste dugu, aurreko koalizioekin, Bildu eta Amaiur, egiaztatu dugunez. Horrexegatik, Alternatibak gogoz eta ausardiaz hartuko du parte bihar Donostian lehenengo aldiz plazaratuko dugun alderdi metaketan.

http://alternatiba.net/idazlanak/1740/alternatibaren-asanblada-nazionalak-aho-batez-erabaki-du-hurrengo-bozetara-aralar-ea-

EPPKren adierazpena herritarrek ospatu baina gobernuek ukatzen duten garai politiko berria berrestera dator

Alternatibatik azpimarratu dutenez, borroka armatuaren amaieraren egiaztapenak “apurtu egiten du ETAren asmoen gaineko informazio faltsu eta interesatu oro, hainbat erakunde eta elkartetatik behin eta berriz tematu arren; egunotan kasu, presoei indarkeriatik aldendu eta biktimen mina aitortzeko exijitu dietenean, haien adierazpenak horixe bera egiten duela apropos ahaztuta”. Matutek berretsi duenez, “bakearen eta konponbide demokratikoen garaia da orain zabaltzen ari dena, Euskal Herriak duela urte asko espero zuena, eta alderdikeriengatik zein hauteskundeetan pentsatzen ari direnen kapritxoengatik atzeratu ezin daitekeena”.

http://alternatiba.net/idazlanak/1729/alternatibak-dio-eppkren-adierazpena-herritarrek-ospatu-baina-gobernuek-ukatzen-duten

Voices of transition, dokumental parte-hartzailearen trailerra

Voices of transition (Trantsizioaren ahotsak) Nils Aguilarrek zuzendatuko dokumentala da, ekoizpenaren ondorengo fasean dagoena. "Trantsizio agroekologikoa" da jorratzen duena. Nola antolatuko gara aldaketa klimatikoak eta petrolioaren krisiak dakartzaten erronkei gure hiri eta larreetatik aurre egiteko? Dokumentala amaitzeko laguntzarik eman nahi? Helbide honetan, www.milpafilms.org , DVDaren aurre erosketa edota produktore bilakatzeko jairraibideak eskaintzen dira.

http://alternatiba.net/idazlanak/1746/trailer-del-documental-voces-de-la-transici%C3%B3n-agroecol%C3%B3gica-voices-transition-dokumen

2.0 estatu kolpeak Ameriketan

Gobernu batzuen inguruan izan daitekeen iritzitik haratago, gauza bat izan behar dugu argi: ezin dugu onartu azken hamarkadan lortutakoan atzera egitea eta horretarako indarrak batzea ezinbestekoa dugu, elkartasun internazionalistaren ikuspegitik batetik, baina baita eskualde hau bizi dugun eta guztioi kate egiten digun zibilizazio krisia gainditzeko bestelako eredua irudikatzen lagungarri izango dugulako, inspirazio iturri izan dezakegulako. Gure bideak gurutzatu egiten dira, haien demokrazia gurea ere bada.

http://alternatiba.net/idazlanak/1787/20-estatu-kolpeak-ameriketan

Alternatibak Sorturen legeztatzea ospatu du eta Gobernuari eskatu dio gainerako prozesu politikoekin amaitzeko

Alternatibatik gogorarazi dutenez, “askok oztopoak jarri arren konponbidean dagoen gatazka gainditzeko urratsak honekiko zerikusia duten eragile guztiek eman behar dituzte bakea eta normalizazioa” lortze aldera. Azkenik, Matutek azpimarratu du “anakronismoa demokratikoa” dela ideiak legez kanpo uztea, are gehiago “indarkeriak eta mehatxuak desagertu direnean eta gizartea bakean eta askatasunean oinarritutako etorkizunean pentsatzen ari denean.

http://alternatiba.net/idazlanak/1777/alternatibak-sorturen-legeztatzea-ospatu-du-eta-madrilgo-gobernuari-eskatu-dio-gainer

Alternatibak dio absoluzioa baino ezin zitekeela espero politika egiteagatik auzipetuak izan diren pertsonentzat

Alternatibatik epaia ospatu dute, “ahaztu gabe hamahiru auzipetuek beren absoluzioa lortu arte bizi behar izan duten bide ankerra”. Matutek esan du, azkenik, Euskal Herritarren gehiengo zabal batek kalean aldarrikatu duela behin eta berriro epaiketa politikoen amaiera, eta, “tamalez, oraindik ere egiten jarraitu beharko duela, Bateragune bezalako auziengatik kartzelaratutako preso politikoak badirelako”.

http://alternatiba.net/idazlanak/1769/alternatibak-dio-absoluzioa-baino-ezin-zitekeela-espero-politika-egiteagatik-auzipetu

Alternatibak Confebaski iradoki dio politika neoliberalak bere “alderdi morroien” esku utz ditzala

Alternatibako bozeramaileak euskal patronalaren asmoak salatu ditu “are gehiago” baldintzatu nahi dituelako Eusko Jaurlaritza bezalako erakundeen politikak, “murrizketa berriak, eskubideen urraketa berriak eta pribatizazioak eskatuta”. Hala birpasatu ditu Confebaskek atzo aurkeztutako proposamenak, Lakuari, agintean Patxi Lopez egonda zein udazkeneko balizko bozen ostean etor daitekeenari, enpresa publikoen pribatizazioa eta enpresen gaineko presio fiskala arintzea, besteak beste.

http://alternatiba.net/es/idazlanak/1758/alternatiba-sugiere-confebask-dejar-las-pol%C3%ADticas-neoliberales-en-manos-de-sus-%E2%80%9Cparti

Raxoiren gezurren aurrean EH Bilduk burujabetza aldarrikatzen du eredu sozioekonomiko berria eraikitzeko

Madrilgo gobernuak etengabe ibili dira gezurretan. Gezurraren atzetik gezurra. Hori da Espainiako gobernua beren eskutan izan duten politikariek saldu digutena. PSOEko eta PPko politikariek gezurrak baino ez dituzte esan. Zapateroren gobernuak, PSOEk, krisirik ez zegoela sinestarazi nahi izan zigun duela urte batzuk. Bi urtez ibili zen gezurretan PSOE. Gezur horiek ahalbidetu PPren gehiengo absolutua.

http://alternatiba.net/idazlanak/1748/raxoiren-gezurren-aurrean-eh-bilduk-burujabetza-aldarrikatzen-du-eredu-sozioekonomiko

Maiatzaren leheneko borroka guztiak

1886an bezala, boterean daudenen jokabidea zuzentzen duen logika berdintsua da: kosta ahala kosta kapitalaren biderkatzea gehiengo sozialen ongizatearen gainetik lehenestea. Berdintsua da, bai, baina ondorioak are larriagoak dira oraingoan, hain handia delako pilatzen duten boterea, ezen demokrazia eta herriaren burujabetza anekdota hutsean gelditzen direla.

http://alternatiba.net/idazlanak/1652/maiatzaren-leheneko-borroka-guztiak

Alternatibak dio Gorenaren epaiak Espainiak duen “izaera demokratiko eskasa agerian” utzi duela

Alderdi ezkertiarreko bozeramaileak, era berean, salatu egin du “indarkeria guztien amaiera lortu asmo zuen estrategia martxan jarri izan duten bost lagun kartzelan mantentzearen bidegabekeria”. Azaldu duenez, auzipetuek egiten zutena “haien kabuz egiten zuten eta ez, inondik inora, ETAren aginduetara”.

http://alternatiba.net/idazlanak/1681/alternatibak-dio-gorenaren-epaiak-espainiak-duen-%E2%80%9Cizaera-demokratiko-eskasa-agerian%E2%80%9D-

Alternatibak oso positibotzat jo du Nazioarteko Egiaztatze Batzordeak bildutako informazioa

Alternatibako bozeramaileak aitortu du “pazientzia handia beharrezkoa” izan daitekeela aldaketak egin edota orain arte mugiezinak ziren jarrerak mugitzeko, ziurtatuz “norabide horretan ari badira alde izango gaituztela”. Aldiz, “haien geldotasunaren atzean kalkulu politikoak besterik ez badaude eta garaileak eta garaituak izango dituen amaiera lortzeko helburua badute, kontra egingo diegu eta publikoki salatuko ditugu”.

http://www.alternatiba.net/idazlanak/1669/alternatibak-oso-positibotzat-jo-du-nazioarteko-egiaztatze-batzordeak-bildutako-infor

Alternatibak Basagoitiren hitz “xenofobo eta arrazistak” salatu ditu osasungitza eta etorkinen inguruan

Matutek justizia soziala bezalako edukiak “prostituitzea” leporatu dio Basagoitiri, Espainiako Gobernutik “Mariano Raxoi alderdikideak hezkuntzan eta osasungintzan eginiko murrizketak justifikatzeko esan du, pertsonen duintasunaren kontrako eraso larriak izan arren”. Gobernu popularrak osasun zerbitzuetan ezarritako murrizketak izan dira, hain zuzen ere, PPko buruzagiak gaia jorratzeko baliatutako aitzakia. Raxoik iragarri eta Basagoitik txalotutako neurrien artean beren egoera guztiz arautua ez duten etorkinei osasun txartela eskuratzeko trabak ezartzea dago.

http://www.alternatiba.net/idazlanak/1663/alternatibak-basagoitiren-hitz-%E2%80%9Cxenofobo-eta-arrazistak%E2%80%9D-salatu-ditu-osasungitza-eta-

Estrategia nazionalerako akordioa sinatu dute Alternatibak, EAk, ABk, Aralarrek eta Ezker Abertzaleak

Ezker abertzalea, Aralar, EA, Alternatiba eta AB ezkerreko alderdi abertzaleek estrategia nazionalerako konpromisoa aurkeztu eta sinatu dute eguerdian Irunen, Ficoba erakustazokan. 25 minutuko ekitaldia izan da: akordioaren irakurketa eta izenpetzea. "Indarrak biltzearen aldeko apustu sendo eta estrategikoa" dela esan dute, "eraikuntza nazionala eta eraldaketa soziala bultzatzeko" asmoz, "bakean, askatasunean eta justizia sozialean oinarritutako Euskal Herria eraikitzeko".

http://alternatiba.net/idazlanak/1659/estrategia-nazionalerako-engaiamendua-izenpetu-dute-alternatibak-eak-abk-aralarrek-et

Proposamen Sozioekonomikoaren Iruñeako aurkezpena

Krisi egoera larri honek jadanik kaltetuak diren sektoreei eragiten die gehien: emakumeak, etorkinak, pentsionistak eta gazteak. Azken hauek dira beren etorkizuna beltzen ikusten dutenak, baina horren aurrean mobilizatzeko determinazio argia erakutsi dute, martxoaren 29ko greba orokorrean ikusi ahal izan zen bezala.

http://alternatiba.net/idazlanak/1678/proposamen-sozioekonomikoaren-iru%C3%B1eako-aurkezpena

Alternatibak anakronikoa eta antidemokratikoa deritzo Sorturen gaineko koarentenari

Alternatibatik nabarmendu dutenez, bihartik aurrera ezagutuko den Auzitegi Konstituzionalaren erabakia edozein izanda ere, “euskal gizarteak argitasunez adierazi du Sortu legeztatzearen aldeko jarrera, kalean eginiko manifestazio jendetsuetan edota Euskal Herrian garai berria eraikitzeko apustua egin duten hauteskunde koalizioen alde bozkatzen”. Era berean, Matutek Espainiako Erresumako gobernuek darabilten “justizia arloko badaezpadako armak” salatu ditu, “guztiz antzuak izan direlako herri honetako ezkertiarren eta abertzaleen bidea oztopatzeko helburuan”.

http://www.alternatiba.net/idazlanak/1705/alternatibak-anakronikoa-eta-antidemokratikoa-deritzo-sorturen-gainean-espainiak-mant

Errausketari ateak ixten dokumentala ikusgai

Debagoiena Zero Zabor taldeak dokumental bikain honetan ederki islatzen du hondakinen kudeaketaren arazoa. Dokumentalean zaborraren arazoa bere osotasunean azaleratzen saiatu dira: garai bateko zaborraren kudeaketa, Europan dauden eredu desberdinak, Europar Batzordeak hiri hondakinak tratatzeko ezarria duen hierarkia, balorizazio energetikoa, errauskailuak beharko lukeen zabortegia, errauskailuak osasunari eta ingurumenari dakarzkion kalteak…

http://alternatiba.net/es/idazlanak/1715/errausketari-ateak-ixten-dokumentala-ikusgai-documental-cerrando-las-puertas-la-incin

Euskal banka publikoaren aldeko apustua PP-PNV ardatzaren kontra

Planetaren mugei eta bizitzaren jasangarritasunari muzin eginez, produktibismo hutsean oinarritzen den sistema ekonomikoak sortu duen krisi sistemikoaren aurrean gaude. Hazkunde finantzari espekulatiboan oinarri duen krisia da bizi duguna, kapitalaren mesede hutsean, gure bizitza zapaltzeko gai dena. Egoera honen aurrean, Alternatibak, Aralarrek, Eusko Alkartasunak eta Ezker Abertzaleak egungo sistema ekonomikoa, merkatua eta sistema finantzaria errotik aldatuko duen alternatiba martxan jartzeko apustu sendoa egiten dugu.

http://alternatiba.net/idazlanak/1690/alternatibak-ezker-abertzaleak-eak-eta-aralarrek-euskal-banka-publikoaren-alde-egin-d

Homofobiaren eta transfobiaren irakurketa transfeministarantz

Zenbait sektore feministak kritikatu egin dituzte gay, lesbiana, transexual eta bisexualen inguruko hainbat ildo politiko, lesbianak ikusezin egin dituztelako askotan, eta gizonezko homosexualei lehentasuna eman dietelako erabakiak hartzerakoan. Adibidez, gaurko egunean, nazioarteko egun honetan, lesbofobia hitza ez da agertu ere egiten, lesbianak ikusgai egiteko ariketa eta ekintza positibo gisa.

http://alternatiba.net/idazlanak/1694/homofobiaren-eta-transfobiaren-irakurketa-transfeministarantz-laura-gomez

Aresen dimisioa eta eredu polizialaren gaineko eztabaida eskatu dugu

Aresek bere aginduetara dauden polizien jokabidea justifikatu nahi izan du bi kasuetan, Xuban zein Iñigorekin, batean zein bestean eginiko kargak Herrizaingo Sailak erabilitako argudioak deuseztatzeko froga eta lekukoen testigantzak egon narren. Ezin ahaztu, gainera, kargak Europako Batasunak ez egokitzat jotzen duen materialak erabilita egin zirela, ondorio lazgarriak eragin ditzaketelako.

http://alternatiba.net/idazlanak/1673/aresen-dimisioa-eta-eredu-polizialaren-gaineko-eztabaida-eskatu-dute-alternatibak-eak

Proposamen ekonomikoak jendaurrean konparatzeko deia egin diote EAJri Alternatibak, EAk, Aralarrek eta Ezker Abertzaleak

Bi proposamenak, gizarteari aurkeztu zaizkion bi ereduak, konfrontatzeko dei zuzen eta argia egiten diogu EAJri. Ezker soberanistarena alde batetik eta EAJrena, PPrena eta PSOErena beste aldetik. Bi proposamenak aurrez aurre jarri nahi ditugu, EAJk aukeratzen duen eredu eta formatoan, nahi dutenean, eta ahalik eta azkarren. Jendarteak jakin egin behar du zeintzuk diren mahai gainean dauden proposamenak, zeintzuk diren aukeran dituen herri eta jendarte ereduak.

http://alternatiba.net/idazlanak/1683/proposamen-ekonomikoak-jendaurrean-konparatzeko-deia-egin-diote-eajri-alternatibak-ea

Alternatibak zarrastelkeria deritzo Gasteizko trena lurperatzeko 500 milioi xahutzeari

Alternatiba Arabak proiektua bertan behera uzteko eskatu du eta administrazio desberdinei dei egin die diru publikoaren erabilera kudeatzeko orduan, “pertsonen eskubideak lehenetsi behar dituzte, adreilua eta porlanaren burbuila sustatu beharrean, Araban zein Euskal Herrian edota Espainiako Erresuman sozialki eta ekonomikoki kaltea besterik ez baitu eragin”.

http://alternatiba.net/es/node/1650

Euskal Herriaren etorkizun hurbila eraikitzen

Horregatik aurtengoa, iraganera soilik begiratuko ez duen Aberri Egun bat izan behar dela adieraztera ausartzen gara. Nostalgiaz betetako data sinboliko bat, Euskal Herri berri baten abiapuntu bihurtzeko unea iritsi da, hasieran aipatutako dominazio sistema anitzetatik aske izango dena. Euskal Herri libre eta sozialista bat, halabeharrez errealitateari aurre egin behar izango diona, kasu batzuetan paralisiak eta beste batzuetan mendekotasunak markatutakoa.

http://alternatiba.net/idazlanak/1606/euskal-herriaren-etorkizun-hurbila-eraikitzen

Gure segurtasun ezaren bermatzaileak

Rodolfo Ares jaunak, Eusko Jaurlartzako Herrizaingo sailburu gisa duen erantzukizunetik, ez du asmatu euskal polizia autonomikoa bizi duen egoera berria kudeatzen, eta horregatik Iñigoren heriotzaren eta Ertzaintzaren beste gehiegikerietako arduradun politikotzat jo daiteke. Horrexegatik, berehalako dimisioa aurkeztu behar du.

http://alternatiba.net/es/idazlanak/1612/garantes-de-nuestra-inseguridad

Ekologia ate joka

Errausketak ez ditu hondakinak gutxitzen, ezta birziklapenak ere. Bestalde, giza osasuna eta ingurumenerako ondorio latzak dakartza airearen eta lurraren kutsadura dela medio. Gainera, betiko gutxi batzuen onurarako eta guztion kalterako negozio ilun eta nahasiak sustatzen ditu berriz. Orain inoiz baino gehiago gizarteak kudeaketa pribatuari oparitutako alorrak berreskuratzea premiazkoa denean errausketarekin herriak birritan ordaintzen du enpresa talde erraldoiek etekin bikoitza izateko.

http://alternatiba.net/idazlanak/1617/ekologia-ate-joka

Gernikako Akordioaren adierazpena Parot Doktrinari buruzko epaiaren harira

Parot doktrina aski ezaguna zaigu, justizia eta eskubideen ikuspegitik askotxo baitira zalantzan jarri izan dutenak, bai Euskal Herrian, bai eta nazioartean ere. Auzitegi Konstituzionalak ordea, mendekua bilatzen duen eta salbuespenekoa den doktrina lege bilakatzea erabaki du.

http://alternatiba.net/idazlanak/1628/gernikako-akordioaren-adierazpena-parot-doktrinari-buruzko-epaiaren-harira

Elikadura subiranotasuna Euskal Herrian: Premia eta beharra

Beraz mundu osoa elikatzen duten nekazari eta abeltzainen eskubideak eta kontsumitzaile guztionak defendatzeko bidean indarrak batu behar ditugu elikadura burujabetasunaren alde. Bidezko mundu osasuntsu eta seguru batera heltzeko elikadura burujabetza beharrezko baldintza da egungo ereduaren ahultasunaren eta aukera desorekatuen aurrean. Bidezkoa eta posiblea da gainera aldarrikatzen duguna.

http://alternatiba.net/1605/sin-soberan%C3%AD-no-hay-soberan%C3%AD-pol%C3%ADtica

“Gure lurra, gure etorkizuna” dokumentala

Bizilur erakundeak eta EHNE Bizkaiak elkarlanean sortutako dokumentala sortu dute Euskal Herriko baserritarrekin eta nazioartean elikadura burujabetzaren alde lanean ari diren nekazari eta ekintzaileekin egindako elkarrizketak bilduz.

http://alternatiba.net/es/idazlanak/1630/gure-lurra-gure-etorkizuna-dokumentala-documental-nuestra-tierra-nuestro-futuro

Europako proletarioak, bat egizue

Martxoaren 29an kalera ateratzen garenean, gure gobernu-txotxongiloak estutu behar ditugu eta nahikoa dela esan, lapurretak amaitu direla. Eta ez dugu ahaztu behar eredu europar hau langileriaren, gizartearen eta planetaren interesen guztiz aurkakoa dela. Beste Europa bat posible izateaz gain, beharrezkoa ere bada kapitalaren zoramenezko logika hau geldiarazteko, handik sortzen baitira pairatzen ditugun zoritxarreko neurrietako asko.

http://alternatiba.net/idazlanak/1582/europako-proletarioak-bat-egizue

Ezker Abertzaleak, EAk, Aralarrek eta Alternatibak grebarako deia egin dute

Egiturazko krisi honen kudeaketa negargarriaren azken ondorioa Espainiako Gobernuak onartutako lan erreforma da. Beste behin, krisi honetara eraman gaituen eredu zaharraren kudeatzaileek krisiaren sorreran ardurarik izan ez dutenen contra egin dute; kasu honetan, langileen kontra. Lan harremanen esparrua erabat liberalizatu dute, eskubide sozial eta laboralei eraso zuzena eginez, negoziazio sindikala ezerezean utziz, eta honek langileen lan baldintzetan ondorio latz eta tamalgarriak izango ditu.

http://alternatiba.net/idazlanak/1579/ezker-abertzaleak-eak-aralarrek-eta-alternatibak-grebarako-deia-egin-dute-gaur-bilbok

Gure bizia edo haien kapitala, aukeratu behar

Ez dago erdibideko jarreretarako lekurik. Dagoeneko eztabaida ez dago ongizatearen edo liberalismoaren artean, Danimarka edo Greziaren artean. Eztabaida gure bizitzen eta kapitalaren artekoa da, bizitzaren eta irabazien maximizazioaren artean. Alde guztietatik erasotzen gaituzte, beraz fronte guztietatik erantzun behar dugu: kapitalismoa lurpera dezagun. Hartu zure pala, eta has gaitezen martxoaren 29an zulatzen.

http://alternatiba.net/idazlanak/1586/gure-bizia-edo-haien-kapitala-aukeratu-behar

M29: Erantzuteko ordua

Espainiako Gobernuak ondo baino hobeto ordezkatzen ditu Alderdi Popularra bezalako alderdi ultraeskuindar baten atzetik dauden interesak. Finantza sistema pribatuen eta enpresaburu handien esanetara daudela leporatu diete behin baino gehiagotan, baina ez da guztiz zuzena, finantzariak eta enpresariak dira, zuzenean, Moncloara heldu direnak, bitartekaririk ez dute behar espekulazioa eta iruzurra darabiltenak, langileen lanaren lepotik aberasten direnak. Lehman Brothers enpresako buruzagi ohiak, armen industriako saltzaileak eta emakumeen eskubideak ukatzeko zaletasuna duten ministro taldeari erreparatzea aski da espero dezakegunaz jabetzeko.

http://alternatiba.net/idazlanak/1591/m29-erantzuteko-ordua

Alternatibak flashmob bat egin du M29ko grebara deitzeko

Alternatibako hogei militante inguruk agerraldi oso berezia egin zuten igandean Bilboko kaleetan, herritarren artean hilaren 29ko Greba Orokorrerako deialdia zabaltzeko flashmob ekintza batekin. Igandero Areatzan antolatzen den lore azokan erosketetan edo paseatzen ari zirenen artean nahastuta, erabat geldirik gelditu ziren guztiak minutu batez inguruan zeudenen jakin-mina piztuz.

http://alternatiba.net/idazlanak/1594/alternatibak-flashmob-bat-egin-du-m29ko-grebara-deitzeko

Aniztasun funtzionala ere grebara

Guztiz premiazkoa da egungo ekoizpen sistema kapitalista beste batekin ordezkatzea, pertsona guztientzako aukera berdintasuna eta justizia soziala ardatz izango dituena. Eredu barneratzailea, genero, adina, aniztasun funtzionala edota bestelako aldaera guztiak kontuan hartuko dituena.

http://alternatiba.net/es/idazlanak/1595/la-diversidad-funcional-tambi%C3%A9n-la-huelga